هذا ليل وحتى المصوب يلم روحه ويهيد
وانه ضال مناطر المن
-ما ينام الما عرف روحه شتريد

ما مشتاقلك بس هيه شغله ليل
ما يخلص اذا ما تكعد أبالي .

اني وياك لا غالب ولا مغلوب انجرحنا ثنينه ونتهت سد بسد!

صياح بفاتحه راسي من انام الليل
وانته ولا يمرك صوت تشبه غرفة العاجر

ذَنبي وماعرفت انسى
وگمت كلما يلومونك
اگلهُم والله مَا قَصر
شبيدك خَاطر تسوي
حَابسني بـَ سجن مَفتوح
مو صوجك انه الـ مَا اگدر اتحَرر

گلبك صدِك لو الي
ماتمشي وي الغرب
من دون ماگُلك

براحتَك ماشايل بكلبي حقد
بَس انتَ مختار البُعد
مَوجود يَمتة ماترِد
والطوبة هَسه بساحتَك
واضِح كلامي وصدكة
ومِن تمشي راسَك دنكة
مِثلي إذا كلبَك لكة
سَاعتها أرفع هامتَك .

هديتِ حيليْ وهم ما عفتني
كَمت تطلعلـي بأحلامي..

غَصة بداخلي لهسة
الـ كدر يكسرني بعيونه
اجاني يكلي مانرهم
لازم تكبر .. وتنسى
احساس المَشاعر والمحبة وياك
وي غيري اريدك ترجع تحسة
العاش بهَل أذية وياك
تتوقع يضل نفسة ؟
المهَم
وياك راح أقسى
وَراح اعتبر هاي الفترة للونسة
بس محتاج تبريرك
تتوقع ورة عيونك
راح أكدر احب غيرك !

حَنيت
گِمت أكتِب شَعر
ديَوان كامَل بّس غِزل
كمِلتة وانطيّتة الشَخص
لا يكِتب وَلا يقَرة

أمس زرت السوالف والمواعيد
‏بعدهن ع الجسر كلشي بمكانه
‏خطواتَك لهفتك عرگة الايد
‏خوفَك لا عيون اتطب سِمانا
‏ونار اشواگنه الما تقبل تهيد
‏وبير دموعنة وصحرة لقانه

هاي عيوني محد گبلك جان يطبها
شكد تحبك يا متعبها

ڪُلشي يگودني لطاريك
الغبشة
والورد
والناس
وام ڪَلثوم
والدخـان
وشكَم زهرة بالبُستان
ألگاهن يفكرن بيك…"
ڪُلشي يگودني لطاريك

- تصب مثل المطر حنيتك على الغير
- بس گلبي اليحبك قهر شبعتة..

اضيع الكة بطاوريك ضوه يلمني
آنه اول مرة احب واحد يتعبني ".

بَعيوني
أريدك تجي
لو بَس حلم عَابر
انطيني نسمّة هوىٰ
و براحتك سافر
لو گلبي ، لو خاطري
ما أعرف شكاسر

صار الچنت ماريده وبديت أنساك،
تخيل گمت أنام وما أحچي وياك!
نسيت وگمت ماحِب التريدَه
ولا أدور عيونَك بكل قصيدة .

شكراً عالأحساس وحتى العناد
واليوم الحلو الأتمنى ينعاد
ترى لـمَن طلعت وياك حبيت
حتى ازدحام المالي بغداد…