شَمل منّك
يَچنك سالفة شيّاب
يَچنك كل قصيدة غزل للنوّاب
يَريحة رشّة الحيطان
يَابو عيون الفشل تِنعاف
لا اگدر أجيبك وكت ما أشتاگ
ولا اگدر أمُر ضيفك
ولا أكدر أردك مِـن تجي بكيفك !

عيون الناس تحجي وانتِ الج عَين
تصب نظراتها براسي موسيقى 🤍.

على كيف العافية
يومية تبدي تروح
ثلج ومكشف
ووجر بروحي الحر
شالوني هلي
من فراشي
شيلت ماي
من بين الاصابع
گمت اتطشر
ولا چني بشر
وشكثر بيّة عظام
على كل عظمة انتچي
ماتحمل واعثر
شصعبها العدّة
عزة نفس من يطيح
تطيح دموعة
وي كلمة المااگدر..

كَمْ قُلتُ انكَ خير من عاشرتهم
فأتيتَ أنتَ مُخيبًا آمالي

ما ينكتب
هذا الشعور اليذبَح
من تكتشف هذا الطريق
المو صَح والرجعة صعبة
وما تكمل تگدر واليوگف
بنص الدرب يتدمَر ومن
ترجع ومكسور لمن ترجع
ومن تذكر السويته روحك تطلع
والغلط منك والمسامح منك
وكلماتَك التكتبهن يهدنك
وما تبچي يم أحَد ومحد عندك
بكل المواقف أنت باچي لوحدَك ..

مثل ضلك چنت
بـالخطوه نمشي اثنين
مشيت انت بـظلام
وضيعت ظلك..

لم أحب علي لانهُ رجل دين أطلاقاً
لا أكترث لِجدال المذاهب والتاريخ
ومن هوَ خليفة المسلمين
ولدت في الجَنوب ...
جدتي تلك المرأة الريفية
المَعجونة بِملح القرنة تحديداً
عند الغَروب
كان يَحتشدُ قلبها بِحسرات الثُكالىٰ جَميعهن
وتبكي علىٰ أولادها
تُلوح لِطيوفهم ڪ نَخلات بَصريّة
قَطعت رؤسها صَواريخ الحَرب
كانت عندما تكتفي مِن النعي والنَحيب
تَضع كِلتا يديها علىٰ الأرض
وتَستعين بـ " يا علي يابو الحسن "
حتىٰ تستطيع الوقوف ...
كان مَنزلنا مِن الطين، سقفهُ مِن الخَوص
والسَعف المُتهالك، وأعمدة آكلتها " العَثة "
عندما تُمطر بِغزارة يخشىٰ أبي عليهِ من السقوط
ينظر الىٰ صورة علي المُعلقة علىٰ الجدار
ويقول " بِحمايتك يا علي "
كان كلما يمر بِضيق ينظر لصورة علي
كان لِسان أمي يلهج بِذكرهِ دائماً
بِدعائها، بـ بكائها، بـ ترنيماتها الدافئِة
حتىٰ عندما يمرض أحدنا تنخى علي يشافي
تَضعنا في حجرها وتُردد " يحفظكم علي "
لم يكن علي أمام المُتقين فـ حسب
بل كان حبيب المگاريد
حتى الأيتام كانوا يقولون " بوية علي "
كان أبانا جميعاً
لم أخف ابداً، كان علي ضماناً لي
في كل مرة أخرج من المنزل
فـ تردد أمي بترنيمة تسكن الخوف
تُحيطني بها ڪ تعويذة
يبرالج علي ...
كان بيتنا يقف علىٰ صورتهِ
ذات مرة، أنتقلنا الىٰ منزل أخر
تركتُ كل شيء، وذهبت الىٰ صورتهِ
كنت أخاف توديعهُ، قلت لأمي بِحزن
( يمة چا ما ناخذ علي ويانة )
كان علي ضَماداً ومُسكن لنا
علي ... خَبزنا في الحصار
منزلنا الدافي، الذي رأينا فيهِ وجه الله الأول
كل بيوت الجنوب، تَضجُ بِذكر علي
مُنذ شروق الشمس حتىٰ زوالها
علي ... هِبة الله، والسكينة بعد الآنين
والطمآنينة بعد الخوف
علي ذلك الملاك الذي رافقنا
مَنذ أن ولدنا وتَعسرت أمهاتنا لِهجت بِذكره
والىٰ أن نموت ونُدفن قرب علي
زَهرٱء ٱلدَلفي

غير انتَ ما تنجرع
غير انتَ چنك سجن
ولابو اليحن لـلصُور
ولـعُيونك ولـلحُظن
بَس هيه مُطرت بَعد
وشَحجيلك اعَلى الگلب
مَعذور لازم يحن
شو انتَ مثل الوَطن
أختارك بكُل وقِت
وماليني هم وحزن..

مـا ينعدل حَچيك درب بِين گبور..

_

تتونسَ إنتَ من أحترگ
وعُطابي لمن يوصَلك
تبتسمُ وتطفيّني
كُل هذا وآنه أشتاكُلك
كُل هذا وآنه أتلهَفك
كُل هَذا وآنه أتذكرك
چَا گليّ شينسَينّي ؟ .

رجعت بكل مطر اشتاك
رجعت اتلهفك والكاك كلش مبتعد عني
شني البيه ماينراد
يالما رايد تحبني
وانا مثل الرهن مرغوب
كلها تريد تكسبني
مثل خط الطبيب
الناس كلها تريد تفهمني
ورجعت اوكف ع الشباچ
واخليهن جروحي عليك
واحد واحد يغني
وغرفتي اكبر سجن موجود
وحايطها حضن حزني

من مَريت چفة بچفك ومرتاح ،
كزبر جلدي حدما طاح ..

لم أنسى الجرح بل تعايشت معه،
و لم أنسى خيبة الصديق الذي ظننته صديق جوارحي و أيامي،
لقد إعتدت، إعتدت على أن أضع كل شيء خلفي و أمضي دون أن ألتفت و أعتقد أن هذا ما يجب علي فعله دائمًا،
أن أتعايش مع كل شيء،
أتعايش فحسب.."

من يجيس الحزن گلبك
أوَل الناس التفتلَك 🤍.
︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎

ابد ما أنطاني كلبي اهناك اخليها
رجعت اركض
واطلع صورته من النار
وابوس شمحترك بيها..

رغم كل المشاكل والخلافات
ورغم كل شغلة مو حلوة بصفاتي
يجن غيرچ وفترة يظلن وياي
وبالتالي يطلعن من حياتي
هذن كلهن شفتهن نزوة وذنوب
واشوفچ مثل سجادة صلاتي

گلبَت كُل الدرابين القديمة
التِهت بيهن وَحيد ،
ودورتهن خطوة خطوة
رِدت الگالي طريق
يگودني الرُوحيّ الغريبة
ومَاكو كُلشي
صعبة كلش من تدورلك
مَكان تريد تبچي .

- من اجي يمك وارد بالليل للبيت
هلي واليم هلي يشمون بية ..