اذا ما بيك حيل تغازل عيوني ،
ضل بايع ثگل غيرك يريدوني .

_

يبعد الديره واهلها وهوسه الناس
هلا بكل اليجن ولما يجن منك
هلا يلبعد لمايرمشن من يشوفنك🤎.

‏" شكثر صارت عزيزة الگعده ويّاك
مثل شهگة هوا عند اليغرگون."

حبيت بطريقة تخوف الكتال
استاهل اذا ظل الوجع دايم
وصلت بيه اطول بالسهر يومين
اگول شلون خاف يدزلي من نايم

من ارجع شايفك تختلف
حتى الناس
ياهو يشوف شكلي
"تخبل ، شطالع ؟"

مرات فتره ويحِن
مرات يُوميه
مرات حَتى بحلِم
يستثگل الجيه .

بدينه نحَب
وواحد يگل للثاني
ترة صحبان
بس اثنينة نچذب

ونفسيتي بقيت وياك
بس دمرت نفسيتي..

سهله أبيعك ..
لآ تساومني برحيلك حتى اطيعك
گلبي مآ ميت عليك
ولآ خفت فد يوم اضيعك !
خاف عبالك خسرتك؟
وافتر بليلك محطة
وانتظر سچه التردني؟
والله كلش مآ تهمني
حيل متغير شجاني؟
حتى روحي استغربتني
لآ خضارك بيه يغوي
ولآ عيونك تستفزني
گبل چانت ايد توجعني
وابترتها..
هسه مآ تگدر تگضني"

تعال أمسح بچفك
وجهي خلي أنشاف
ضايع وجهي من مگفاي

شَمل منّك
يَچنك سالفة شيّاب
يَچنك كل قصيدة غزل للنوّاب
يَريحة رشّة الحيطان
يَابو عيون الفشل تِنعاف
لا اگدر أجيبك وكت ما أشتاگ
ولا اگدر أمُر ضيفك
ولا أكدر أردك مِـن تجي بكيفك !

عيون الناس تحجي وانتِ الج عَين
تصب نظراتها براسي موسيقى 🤍.

على كيف العافية
يومية تبدي تروح
ثلج ومكشف
ووجر بروحي الحر
شالوني هلي
من فراشي
شيلت ماي
من بين الاصابع
گمت اتطشر
ولا چني بشر
وشكثر بيّة عظام
على كل عظمة انتچي
ماتحمل واعثر
شصعبها العدّة
عزة نفس من يطيح
تطيح دموعة
وي كلمة المااگدر..

كَمْ قُلتُ انكَ خير من عاشرتهم
فأتيتَ أنتَ مُخيبًا آمالي

ما ينكتب
هذا الشعور اليذبَح
من تكتشف هذا الطريق
المو صَح والرجعة صعبة
وما تكمل تگدر واليوگف
بنص الدرب يتدمَر ومن
ترجع ومكسور لمن ترجع
ومن تذكر السويته روحك تطلع
والغلط منك والمسامح منك
وكلماتَك التكتبهن يهدنك
وما تبچي يم أحَد ومحد عندك
بكل المواقف أنت باچي لوحدَك ..

مثل ضلك چنت
بـالخطوه نمشي اثنين
مشيت انت بـظلام
وضيعت ظلك..

لم أحب علي لانهُ رجل دين أطلاقاً
لا أكترث لِجدال المذاهب والتاريخ
ومن هوَ خليفة المسلمين
ولدت في الجَنوب ...
جدتي تلك المرأة الريفية
المَعجونة بِملح القرنة تحديداً
عند الغَروب
كان يَحتشدُ قلبها بِحسرات الثُكالىٰ جَميعهن
وتبكي علىٰ أولادها
تُلوح لِطيوفهم ڪ نَخلات بَصريّة
قَطعت رؤسها صَواريخ الحَرب
كانت عندما تكتفي مِن النعي والنَحيب
تَضع كِلتا يديها علىٰ الأرض
وتَستعين بـ " يا علي يابو الحسن "
حتىٰ تستطيع الوقوف ...
كان مَنزلنا مِن الطين، سقفهُ مِن الخَوص
والسَعف المُتهالك، وأعمدة آكلتها " العَثة "
عندما تُمطر بِغزارة يخشىٰ أبي عليهِ من السقوط
ينظر الىٰ صورة علي المُعلقة علىٰ الجدار
ويقول " بِحمايتك يا علي "
كان كلما يمر بِضيق ينظر لصورة علي
كان لِسان أمي يلهج بِذكرهِ دائماً
بِدعائها، بـ بكائها، بـ ترنيماتها الدافئِة
حتىٰ عندما يمرض أحدنا تنخى علي يشافي
تَضعنا في حجرها وتُردد " يحفظكم علي "
لم يكن علي أمام المُتقين فـ حسب
بل كان حبيب المگاريد
حتى الأيتام كانوا يقولون " بوية علي "
كان أبانا جميعاً
لم أخف ابداً، كان علي ضماناً لي
في كل مرة أخرج من المنزل
فـ تردد أمي بترنيمة تسكن الخوف
تُحيطني بها ڪ تعويذة
يبرالج علي ...
كان بيتنا يقف علىٰ صورتهِ
ذات مرة، أنتقلنا الىٰ منزل أخر
تركتُ كل شيء، وذهبت الىٰ صورتهِ
كنت أخاف توديعهُ، قلت لأمي بِحزن
( يمة چا ما ناخذ علي ويانة )
كان علي ضَماداً ومُسكن لنا
علي ... خَبزنا في الحصار
منزلنا الدافي، الذي رأينا فيهِ وجه الله الأول
كل بيوت الجنوب، تَضجُ بِذكر علي
مُنذ شروق الشمس حتىٰ زوالها
علي ... هِبة الله، والسكينة بعد الآنين
والطمآنينة بعد الخوف
علي ذلك الملاك الذي رافقنا
مَنذ أن ولدنا وتَعسرت أمهاتنا لِهجت بِذكره
والىٰ أن نموت ونُدفن قرب علي
زَهرٱء ٱلدَلفي

غير انتَ ما تنجرع
غير انتَ چنك سجن
ولابو اليحن لـلصُور
ولـعُيونك ولـلحُظن
بَس هيه مُطرت بَعد
وشَحجيلك اعَلى الگلب
مَعذور لازم يحن
شو انتَ مثل الوَطن
أختارك بكُل وقِت
وماليني هم وحزن..