Zarafshonda OFK ommaviy futbol kuni munosabati bilan festival o‘tkazildi

Kuni kecha Zarafshon shahar sport maktabi futbol maydonida Osiyo futbol konfederatsiyasining (OFK) “Ommaviy futbol kuni” munosabati bilan keng qamrovli ommaviy futbol festivali tashkil etildi. Mazkur sport bayrami O‘zbekiston futbol assotsiatsiyasi topshirig‘iga asosan, Navoiy viloyati futbol assotsiatsiyasi, Zarafshon shahar sport maktabi hamda Progress futbol maktabi hamkorligida yuqori saviyada o‘tkazildi. 💚 🤩

Festivalda ommaviy futbolni rivojlantirish va yoshlarni sportga jalb etish maqsadida 100 nafardan ortuq o’g’il-qizlar ishtirok etishdi. Tadbirning yuqori tashkiliy saviyada o‘tishini Navoiy viloyati futbol assotsiatsiyasi birinchi vitse-prezidenti Dilmurod Davronov, mutaxassislar G‘anisher hamda Mirjalol Jiyanovlar bevosita muvofiqlashtirib, tashkilotchi sifatida jarayonlarni boshqarib borishdi. Ishtirokchi o‘g‘il-qizlarning barchasiga O‘FA tomonidan maxsus ajratilgan futbolkalar tantanali ravishda topshirildi. ⚽️🔝

Navoiy viloyati futbol assotsiatsiyasi ushbu festivalni yuqori saviyada tashkil etishda yaqindan ko‘maklashgan Zarafshon shahar sport maktabi va Progress futbol maktabi jamoasiga hamda barcha yosh ishtirokchilarga o‘z minnatdorchiligini bildiradi! 🚀

✅ Telegram 🌐 Instagram