👋🏻 Barchasi uchun rahmat, Islom!

⚽️OKMK FK jamoasi va yarim himoyachi Islom To’xtaxo’jayev o‘rtasida o‘zaro tuzilgan shartnoma muddati yakuniga yetgani munosabati bilan futbolchi klubni tark etdi.

2023-yildan buyon OKMK FK safida faoliyat olib borgan tajribali sobiq futbolchimiz jamoa tarkibida 3 mavsum davomida to‘p surdi. Ushbu davr mobaynida u nafaqat himoyadagi ishonchli harakatlari, balki jamoa sardori sifatida maydondagi intizomi, mas’uliyati va yetakchilik fazilatlari bilan ham ajralib turdi.

Islom To‘xtaxo‘jayev asosan himoyachi pozitsiyasida harakat qilganiga qaramay, OKMK FK safida jami 66 ta rasmiy uchrashuvda maydonga tushib, Olmaliq jamoasi tarkibida 4 ta gol urdi hamda 4 bor golli uzatmaga mualliflik qilib, jamoaning umumiy natijalariga munosib hissa qo‘shdi.

OKMK FK rahbariyati Islom To‘xtaxo‘jayevga klub ravnaqi yo‘lida ko‘rsatgan xizmatlari, fidokorona mehnati va jamoaga qo‘shgan hissasi uchun samimiy minnatdorlik bildiradi hamda uning kelgusi faoliyatida ulkan muvaffaqiyatlar tilaydi.

🕊Telegram | 📱Instagram | 📺YouTube