Cancelo jamoa bilan mashgʻulotlarni boshlab yubordi. Jamoa esa uni qaytgani bilan tabriklab anʼanaviy yoʻlakcha tashkil etdi.

FCB.uz | Instagram | Premium

#TEZKOR
Monfort Carlos: Dro oʻzini noqulay his etayotgani uchun ertangi Copa del Rey turniridagi uchrashuvni oʻtkazib yuboradi.

FCB.uz | Instagram | Premium

Flick: O‘ylaymanki, Joan Garcia o‘ynaydi, ertaga ko‘ramiz.

❔ O‘yin doirasidan tashqarida, so‘nggi soatlarda dunyoni larzaga keltirgan xabarlar bo‘ldi — Alonsoning ketishi haqidagi yangilik. Shu ketish sizni hayratga soldimi?

Flick: Bu mening ishim emas, lekin oxir-oqibat ayta oladiganim shuki, Xabi bilan juda yaxshi munosabatdaman.

Biz doimo aloqada bo‘lib turamiz. U ajoyib murabbiy, juda ajoyib.
Bu — futbol, bunday narsalarni qabul qilishimiz kerak. Unga faqat omad tilayman. O‘ylaymanki, u o‘zi uchun ham, jamoasi uchun ham juda katta va yangi loyihaga ega bo‘ladi.

Biz esa yo‘limizda davom etishimiz, nimani yaxshiroq qila olishimiz mumkinligini o‘ylashimiz kerak. U ajoyib murabbiy va kelajagi juda porloq.

❔ "Racing"ga qarshi o‘yinga qanday yondashyapsiz?

Flick: Ular yosh jamoa, juda yaxshi futbol o‘ynaydi va o‘yin uslubida juda jasur. Bu kubok musobaqasi, shuning uchun biz uchrashuvning birinchi daqiqasidan boshlab to‘liq tayyor bo‘lishimiz kerak.

❔ Cancelo haqida qanday fikrdasiz?

Flick: Biz uning qachon tarkibga qo‘shilishini hal qilishimiz kerak. Hozir markaziy himoya pozitsiyasida Cubarsí, Gerard yoki Eric Garcia bilan holatimiz yaxshi. Cancelo bir nechta pozitsiyada o‘ynay oladi, va bu borada u juda a’lo. U hujumda juda katta sifatga ega, va bu — bizga kerak bo‘lgan jihat.

❔ 2026 yilning atigi 14 kuni ichida uchta yirik klub — "Chelsea", "Manchester United" va "Real Madrid" — murabbiylarini almashtirdi. Shu munosabat bilan sizdan so‘ramoqchi edim: siz uchun prezident bilan o‘rtangizdagi ishonch, "Barcelona"dagi osoyishtalik muhiti va Laporta hamda Deco bilan bo‘lgan o‘zaro ishonch qanchalik muhim?

Flick: Hech qachon nimalar bo‘lishini aniq bilib bo‘lmaydi, chunki ayniqsa juda katta klublarda o‘zgarishlar ko‘pincha g‘alabalarga bog‘liq bo‘ladi.

Ammo bu yerga kelganimning dastlabki uch kunidan boshlab menda doimo bir tuyg‘u bo‘lgan: biz birgamiz, bir yo‘ldan yurayapmiz. Hozir esa bu holat go‘yo haqiqiy oilaga o‘xshaydi.

Saudiya Arabistonida faqat futbolchilar yoki faqat klub prezidenti va murabbiy bo‘lmagan — futbolchilar atrofidagi barcha odamlar, onalar, aka-ukalar, opa-singillar, hamma biz bilan birga edi.
Bu butun bir katta oilaga o‘xshardi va men buni juda qadrlayman. Bu yerda biz qurgan narsa juda o‘ziga xos, shuning uchun ham hammasi oiladek tuyuladi.

Men bu haqda ko‘p gapirdim, ayniqsa Saudiya Arabistonida bo‘lganimizda ham xuddi shu tuyg‘uni his qilganman.
Shuning uchun bunday muhitga ega bo‘lish juda ajoyib. Men bu yerda mavjud bo‘lgan madaniyatdan juda mamnunman. Men juda baxtliman va buni juda yuqori baholayman.

❔ Futbol olamida ko‘pincha eng oson qaror murabbiyini ishdan bo‘shatish bo‘layotgani sizga adolatsizdek tuyulmaydimi? Shuningdek, shu o‘zgarishlar fonida sizning bevosita raqibingiz ham murabbiyini almashtirdi. Bu siz uchun tayyorgarlik nuqtayi nazaridan qo‘shimcha murakkablik tug‘dirmaydimi — axir Arbeloaning qanday ishlashini o‘rganishga to‘g‘ri keladi va u mavsum davomida ham o‘z uslubini o‘zgartirishi mumkin?

Flick: Albatta, lekin bu ham futbolning bir qismi, biz buni o‘zgartira olmaymiz.
Ishlar shunday kechadi. Siz avval aytgandek, klub qilayotgan ishiga ishonishi kerak.

Hammasi shu tartibda: qaror qabul qiladigan odamlar nima bo‘lishini hal qiladi.

"Real Madrid" ham shunday yo‘l tutdi, ammo men uchun bu — mening ishim emas.

Men bu haqida gapirishni istamayman, chunki murabbiy bo‘lib ishlash juda qiyin. Bizning zim-mamizda juda katta mas’uliyat bor, lekin oxir-oqibat bu ishimizning bir qismi va biz bunga moslashishimiz kerak.

FCB.uz | Instagram | Premium

❔ David Bernabéu: Siz doimo raqiblarga, xususan, "Real Madrid"ga nisbatan juda hurmat bilan munosabatda bo‘lasiz — biz buni tushunamiz va buni olqishlaymiz. Siz bir yarim yil avval "Barcelona"ga keldingiz, xuddi o‘sha paytda Mbappé ham "Real Madrid"ga kelgan edi; ular chempionat va Chempionlar Ligasini yutgan edi. Shu bir yarim yil ichida siz "Barcelona"ni boshqarib, besh marta "El Clásico"da g‘alaba qozondingiz, to‘rtta sovrinni qo‘lga kiritdingiz, "Real Madrid" ustidan uchta finalda yutdingiz va "Real Madrid" murabbiylarini almashtirishga majbur bo‘ldi. Odamlar ko‘chada sizni to‘xtatib, minnatdorchilik bildirishmaydimi, haykal so‘rashmaydimi, qilayotgan ishlaringiz uchun rahmat aytishmaydimi? Bilmayman, siz bu rolni qanday his qilyapsiz? Baxtlimisiz?

Flick: Ba’zan bu vaziyatdan va men avval gapirgan madaniyatdan zavqlanayotgandek tuyuladi, ammo bular juda tez o‘zgarib ketishi mumkin. Shuning uchun hozirgi holatdan juda mamnunman.

Men buni bu yerda ko‘p aytganman: "Barcelona"dagi odamlar menga va murabbiylar shtabimga juda muloyim va yaxshi munosabatda bo‘lishadi, bunday muhitda bo‘lish juda yoqimli.

Ammo biz bu klub, bu muxlislar, bu jamoa oldidagi mas’uliyatimiz qanchalik katta ekanini yaxshi bilamiz. Shuning uchun har kuni astoydil ishlaymiz — bu biz xohlaydigan va qila oladigan ish.

Hozirgacha biz birinchi sovrinni yutdik, lekin u allaqachon o‘tmishda qoldi. Endi esa navbatdagisiga e’tibor qaratishimiz kerak.

Men doimo shuni o‘ylayman: agar sen "Barcelona" futbolchisi bo‘lsang va maydonga tushsang, sen "Barcelona" kabi o‘ynashing, bu klub, bu vaziyat va bu libos uchun bor kuchingni berishing kerak.

Hansi Flick: “Araujo ertaga o‘ynaydimi? Hali qaror qabul qilganimiz yo‘q, u bir necha daqiqa o‘ynay oladimi, bilmaymiz.”
“Bizda bir kun qoldi va ba’zi futbolchilar charchagan, shuning uchun 24 soatimiz bor, o‘ylab, yakuniy qarorni qabul qilishimiz kerak… Lekin u mashg‘ulotlarda qatnashyapti va bir necha daqiqa o‘ynashi mumkin, bu muammo bo‘lmaydi.”

FCB.uz | Instagram | Premium

Hansi Flick, "Real Madrid"ga qarshi finalning so‘nggi daqiqalarida himoya haqida:

“Joan García darvozada bo‘lsa, men XOTIRJAMMAN.”
“Markaziy himoyada biz yaxshi qoplanganmiz. Gerard va Eric bir nechta pozitsiyada o‘ynay oladi. João Cancelo ajoyib futbolchi, juda professional va katta sifatga ega. Shu nuqtai nazardan, Cancelo yaxshi variant.”

“Ertaga darvozabon? Menimcha, Joan García o‘ynaydi. João Cancelo esa ertaga bir necha daqiqa o‘ynashi mumkin.”
.”

FCB.uz | Instagram | Premium

Shunday qilib ertangi uchrashuv oldidan oʻtkazilgan matbuot anjumani oʻz nihoyasiga yetdi tarjima qilishda yuzaga kelgan xato va kamchiliklar boʻlsa uzur🙌

FCB.uz | Instagram | Premium

Gavi Instagramida: Yaxshi kunda yaxshi insonlar bilan.

FCB.uz | Instagram | Premium

[ SPORT] “Racing” ertaga Ispaniya Kubogi doirasidagi o‘yin oldidan “Barcelona” futbolchilari uchun chempionlik yo'lagi tashkil etadi. 👏

FCB.uz | Instagram | Premium

Joao Cancelo — futbol tarixidagi ikkinchi eng qimmat himoyachi, uning umumiy transfer summasi taxminan 145 million yevroni tashkil etadi.

FCB.uz | Instagram | Premium

Vitor Roquening “Palmeiras”dagi ajoyib o‘yinlari tufayli uning bozor qiymati keskin oshmoqda. 📈🔥

FCB.uz | Instagram | Premium

Xose Alberto (Racing klubning murabbiyi):

"Barcelona"ga qarshi o'yinda bizning imkoniyatlarimiz 50%."

Futbolchilarmizda ertangi oʻyin uchun katta ishtiyoq bor. Biz bu ishtiyoqni oqlashga umid qilamiz."

"Ertaga biz o'yin ko'rsatkichi bo'yicha dunyoning eng yaxshi jamoasiga duch kelamiz. O‘yin boshlanganda, raqobat 11ga 11 bo‘ladi va imkoniyatlar 50% ".

FCB.uz | Instagram | Premium

Xose Alberto: Men o'zimni juda xotirjam tutyapman oʻyindan oldin mazza qilib koʻproq uxlamoqchiman. "Barcelona"ga qarshi o'ynashdan xursandman va agar biz eng yaxshi formada bo'lsak, bu o'yindan o'ta olamiz deb o'ylayman."

FCB.uz | Instagram | Premium

Racing vs Barcelona soʻnggi 4 ta oʻyinda qayd etilgan natijalar.

Jamolar oxirgi marta 2012 yil toʻqnash kelgan

FCB.uz | Instagram | Premium