Сенна Мианг – ақ-қызыл! 🔴⚪️

Бельгиялық қорғаушы Сенна Малик Мианг «Ақтөбе» футбол клубының кезекті жаңа ойыншысы атанды.

29 жастағы ойыншы қорғаныстың ортасында да, сол жақ қапталында да ойнауға қауқарлы. 1,92 метр болатын бойы – орталық қорғаушы үшін таптырмас қасиет. Солақай футболшы қажет болса латераль (вингер) позициясын нығайта алады.

Мәліктің әкесі Бонифасе – Конго құрамасында ойнаған. Футбол қанына сіңген Сенна өзі туған Антверпен қаласының жергілікті командасында және «Беершот» клубында тәлім тереді. Бала шағынан алғыр болған соң, Миангті италиялық скауттар байқап, миландық «Интер» академиясына шақырады. Көп ұзамай ол «нерадзурри» сапында А Сериясында дебют жасап, кейіннен «Кальяри» құрамына ауысады. Сондай-ақ Сенна бельгиялық «Стандард», «Серкль Брюгге» мен «Эйпен» клубтарында және мажарлық «Дьер» ұжымында өнер көрсеткен. Бельгияның барлық жасөспірімдер мен жастар құрамаларынан өткен.

«Ақтөбе» футбол клубы Сенна Миангті қуана қарсы ала отырып, біздің клубпен бірге зор жетістікке жетуін тілейді.

Біздің жаңа #️⃣1️⃣3️⃣⛔️

Абат Айымбетов – «Ақтөбе» ойыншысы 🛡️

30 жастағы шабуылшы Абат Айымбетов өз туған клубына қайта оралғанын қуана хабарлаймыз.

Айымбетов – қазіргі таңдағы «Ақтөбенің» соңғы чемпиондығына әкелген “алтын голды” 2013 жылы соққан ойыншы. Содан бері Абат жалғыз ақ-қызылдарды ғана емес, сонымен қатар алматылық “Қайрат” пен елордалық “Астананы” да чемпион қылды. Ресейлік “Крылья Советов”, түркиялық “Адана Демирспор” мен румындық “Петролул” клубтарында бағын сынап көрді.

«Ақтөбеміздің» жастарымен де Қазақстан біріншілігінің жеңімпазы атанған Абат ақ-қызылдардың негізгі командасы сапында жүзден астам матч өткізіп, 20-дан аса гол салды. Ұлттық құрамада атой салып, маңызды матчтарда көзге түсті де, Қазақстан тарихындағы үздік сұрмергендердің төрттігіне енді.

Жанұяңа қош келдің, алтын бала! 🤝

Нани алдағы матчқа қатыспайды

«Ақтөбе» жартылай қорғаушысы Луиш Нанидің әулетінде қайғылы жағдай орын алды.

Оның жақын туысқаны өмірден озды. Ұжым атынан қайырлы болсын айтамыз.

Екіншіден, Нани Ibercup халықаралық турнирінің елшісі ретінде Бразилияда 20-26 шілде аралығында өтетін үлкен спорттық іс-шараға қатысады. IberCup São Paulo жарысының ресми амбассадоры есебінде «Ақтөбе» ойыншысы әуелі Лиссабонға барған соң, Сан-Паулуға ұшуға міндетті болмақ.

Осылайша, Луиш Нани командамен бірге Өскеменге ұшпайтынын хабарлаймыз.

Бағдат Абдуллаев – #АлтайАқтөбе матчының бас төрешісі 🏁

ҚФФ төрешілік және қадағалау департаменті 2026 жылғы Қазақстан Премьер-лигасының 18-тур матчтарына қызмет көрсететін төрешілер құрамын анықтады.

Премьер-лига
18-тур
19 шілде

Алтай – Ақтөбе

Төреші: Бағдат Абдуллаев (Тараз)

Қапталдағы төрешілер: Дмитрий Будниченко (Павлодар), Темірбек Ысқақов (Орал)

Қосалқы төреші: Станислав Шелег (Қостанай)
VAR: Денис Измайлов (Талдықорған)
AVAR: Иван Навроцкий (Астана)
Бақылаушы: Анатолий Вишниченко (Қостанай)

Бұл сапардан үш ұпай еншіледік

Алтай 2:4 Ақтөбе

⚽️ 20’ Ордец
⚽️ 30’ Соса
⚽️ 55’ Ерланов
⚽️ 81’ Альварес