توجدت من حر المفارق والغلا و الشوق
‏وضاق الصدر من غيبة افراحه وطاريها

‏بغيت الوصل لكن لحقني في المواصل عوق
‏وقف حظي المنحوس ما عشت حاليها

‏تمر السنين وداخلي نار الحزن وحروق
‏من جروح الفراق الي بلى روحي ومشقيها

‏تعبت اقاوم همومي ولالي في عناها طوق
‏اکافح وابتسم والروح خابت في هقاويها

كل لحظة كانت بقربك عظيمة
‏عيّا يكررها الزمن بعد ممشاك

‏ما عاد لـ التاريخ معنى و قيمة
‏عدّا على قلبٍ عجز ما تعدّاك

‏مشاعري بين إنتصار و هزيمة
‏من ليلةٍ فيها عرفتك لـ فرقاك

‏ممنون .. لكل الليالي القديمة
‏اللي بها صوتك ووجهك وملقاك .

النهايه طعمها مر والتهميش شين
‏لو يحس المبتلي ب إنكسار المبتلا

‏المواجع كنها القبر ماتاخذ اثنين
‏واحد يدله ويسلا و واحد ما سلا

‏دوروا لي قلب يصبر ولو اشريه دين
‏غير قلب صب فيه الحزن لين إمتلا

‏يعلم الله مادرى غير رب العالمين
‏ابتسم للناس وانثر دموعي للخلا

يروحون و يجيب الله على دربي كثر ما راح
‏و لكن ما خذا غيرك بـ عمري نزعة هَيامي

‏كأنك منخلق من ضلع قلبي " أندماج أرواح "
‏ما بيني و بينك أحساسً غريب اغرب من اوهامي

‏أنا جيت أسكنك "موطن لحد " ماجيت لك سواح
‏" لقيتك منشأ الحب الأخير و ريحة أحلامي " .

‏"وإن جات من دون العشم ما علينا
‏يمكن عشمنا فوق طاقات الإنسان" .

الله يكفينا شر من رحّب وهّلا
ومن ورانا ، مابقّى ولا خّلا .

‏لو وجيه الناس تكشف لك خفاها
‏شاانت وجيـهٍ ملامحها جميـله .

غديرٍ عليه الناس صادر ورادي اعيفه لو انه من زلال المطر يسقى انا غايتي … ومنادي ودواي ومرادي مذاقٍ على غيري صعيبٍ ولا يلقى .

الي ما يجيك من طيب خاطر
لا تكثر عليه المراسيل .

الأيام وضحت لي من الي احطه على يمناي
ومن اللي ماالتفت له .

‏اللي خلق في مشاعرنا من البعد خوف
‏خلق لنا نعمة النسيان في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوة وطال الوقوف
‏هي نفسها الليلة اللي شرها خيرها

‏جيت ومعي قلب يحب ويحن ويروف
‏ورحت ومعي قلبٍ أقسى من معاذيرها .

تعمدت السكوت و رحت متجاهل وانا ملتاع
‏عسى غيابي يتلك للسؤال و ينثر ،اشواقك

يشين لآصار السلام مثل ضرب السيوف
وياشينها لاصار من عقب كلمه لبيه هلا

في امان الله ولا عاد ابي منك معروف
جعل عقبك اجر وجعل روحتك دفعة بلا

نطويكم على الصحف ان وجب .

‏ما أنكر إني في بحر حبك غريق
‏ولا هويت من البشر شخصٍ سواك

‏ولا أنكر إني كنت لك دايم شفيق
‏و أمشي بـ شفّك و مطلوبي رضاك

‏مير كل نايم عقب نومه يفيق
‏و يوقن إن الحب أحلام و هلاك

‏يا غرام الأمس ماني لك صديق
‏أنت قصة يأس غطّاها حلاك

‏رح فمان الله .. كلٍ له طريق
‏فقت و شمت ولا أبي شيٍ معاك .