የተሰራው ለቀጣዩ ሥኬት ማሳያ ምልክት ነው🙏

በጌጠኛው ቤት የሚካሔደውን ልማት እያገዝን ረድኤት እግዚአብሔርን አጋዥ አድርገን ታላቅ ሥራ መሥራት ችለናል፡፡ በማዕከላዊ ጎንደር  ሀገረ ስብከት ምስራቅ በለሳ ወረዳ ቤተ ክህነት ስር የሚገኘውን እና ታላቅ የበረከት ስፍራ የሆነው ሙት አንሳ ማር ቅዱስ ሚካኤል አንድነት ገዳም የሚገኙ ገዳማውያንን ለማገዝና ቅዱሱን ስፍራ በልማት ራሱን ችሎ ለሌሎች የሚተርፍ ለማድረግ ስንሰራ ቆይተናል፡፡ 

የውሃ ጠብታ ቀስ በቀስ ድንጋይን እንደሚበሳው ሁሉ በስፍራው ያለውን ችግር ለመፍታት በየወቅቱ ያደረጋችሁት ልገሳ ለኑሮ እጅግ አስቸጋሪ በነበረው ስፍራ ለውጥ ማምጣት ከጀመረ ሰነባበተ፡፡ ወደ ገዳሙ የሚወስደውና ለእንቅስቃሴ እጅግ አስቸጋሪ የነበረው መንገድ የ8 ኪሎ ሜትር የጥርጊያ መንገድ ተሰርቶለት ለእንቅስቃሴ አመቺ በመደረጉ፤ ማንኛውም ሰው ገዳሙ ድረስ በመሄድ መሣለም፣ የስፍራውን በረከት ማግኘትና ገዳማዊያኑን መጎብኘት የሚያስችል ሁኔታ ተፈጥሯል፣ ወደ ገዳሙ ከደረሱ በኋላም ተራራ ተቦርቡሮ የተሰራውንና በአስቸጋሪ ስፍራ የነበረውን እንቅስቃሴ የለወጠው ምቹ የ170 ሜትር ደረጃ የተሰራለት የአርማታ የውስጥ ለውስጥ መንገድ ያገኛሉ፡፡ ይህ መንገድ ከመሰራቱ በፊት ገዳማዊያኑ ለእንቅስቃሴ እጅግ ይቸገሩ ነበር።

ገዳማውያን እናቶች በቅዱሱ ስፍራ ለመንፈሳዊ ሕይወታቸው በሚመች መልኩ በዓት ወይም ቤት እና መጸዳጃ ቤቶች ተሟልተውለት ተሰርቶ ተጠናቋል፡፡ ከከተማ እጅግ የራቀው ስፍራ በሌሊት ለእንቅስቃሴ ምቹ ያልነበረ በቀንም ከሚሰሩ የልማት ስራዎች በኃይል እጥረት የሚቸገር የነበረ ሲሆን አሁን የሶላር መብራት ተሟልቶ የመብራት ተጠቃሚ ለማድረግ ተችሏል።

ገዳማዊያኑ በተደጋጋሚ የሚያጋጥማቸውን የምግብ አቅርቦት ችግር እና የአቅም ውስንነት በዘላቂነት ለመቅረፍ ከሚደረገው ጥረት በተጨማሪም የተገኘውንም ቢሆን በገዳማዊው ስርዓት አዘጋጅቶ ለመመገብ የሚያስችል ቤተ-እግዚአብሔር ወይም ማዕድ ቤት ተሰርተው፤ የሚያስፈልጉ ቁሳቁሶችም ሙሉ በሙሉ ተሟልተውለታል።

በቅድስት ቤተ ክርስቲያናችን ስርዓት መሠረት ምንኩስና የጸሎትና በሥራ የመትጋት ሕይወት ነው፡፡ ገዳማውያኑ የእደ-ጥበባት ውጤቶችን የሚያመርቱበት ሼድ ግንባታ በማከናወን፣ ለስራው የሚያስፈልጉ መሳሪያዎች እና የጥሬ እቃ ግብዓቶች በማሟላት የሸማ ስራ ሙያ እንዲሰለጥኑ በማድረግ ወደ ስራ ከተገባ ውሎ አድሯል፡፡ የሻማ እና የጧፍ መስሪያ ማሽን ግዢም ተከናውኗል።

ከሚመለከታቸው  አካላት ጋር በመነጋገር የገዳሙ ይዞታ ህጋዊ የይዞታ ማረጋገጫ ሰነድ ያልነበረው በመሆኑ የገዳሙ ህጋዊ ይዞታው እንዲረጋገጥለት የተደረገ ሲሆን በቆየው ተፈጥሯዊ አካባቢን የመጠበቅና የማልማት የቤተ ክርስቲያን ልማድ በተደጋጋሚ በድርቅ የሚጠቃውን አካባቢው የተሻለ ለማድረግ የአካባቢ ጥበቃ ስራዎች እየተከናወኑ ነው። ገዳማዊያኑ እየሰሩ ቀጣይነት ያለው ገቢ እንዲያመነጩ ለማድረግ የሸቀጣ ሸቀጦችና የንዋያተ ቅዱሳት መሸጫ ሱቅ በገዳሙ አቅራቢያ ባለ ሀሙሲት ከተማ አንዲሁም  በአዲስ አበባ መካኒሳ አቦ አካባቢ ተከፍቶ ወደ ስራ ከተገባ ሰነባብቷል።


እስካሁን ባደረጋችሁት ድጋፍ ይህን ያህል ድንቅ ሥራ መስራትና ገዳማውያኑ ለካ ሕዝበ ክርስቲያኑ ከጎናችን ነው እንዲሉ ያደረገ ስኬት ማምጣት ተችሏልና የሊቀ መላእክት የቅዱስ ሚካኤል በረከትና ረድኤት አይለያችሁ ይሏችኋል፡፡

በዘመናት ውስጥ አባቶቻችን ጀምረው ያልጨረሱት አንዳችም ነገር የለም፡፡ እኛም መነሻችን ይህ የአባቶቻችን ትጋትና ቆራጥነት ነውና በሙት አንሳ ማር ቅዱስ ሚካኤል አንድነት ገዳም የጀመርነውን ልማት እስከጥግ ማድረስ ይገባናል፡፡ የማይዛነፍ አላማችን ገዳሙን ራሱን ከማስቻል አልፎ ለሌሎች የሚተርፍ ማድረግ ነውና ድጋፋችንን አጠናክረን እንቀጥል፡፡ የደረስንባቸው ሥኬቶች ቀጣዮቹን ረድኤተ እግዚአብሔርን አጋዥ አድርገን ከማሳካት የሚያግደን እደሌለ ማሳያ ናቸው፡፡

በቀጣይ የተጀመሩ ሥራዎች ከመቼውም ጊዜ በላይ ትልቅ ርብርብ የሚጠይቁ ናቸው፡፡ የስዕለት ሰሚው የታላቁ አለቃ የቅዱስ ሚካኤል ህንጻ ቤተክርስቲያን እየተሰራ ነው፡፡  ገዳማውያን አባቶች ከዚህ ቀደም በነበረው አስቸጋሪ ሁኔታ ከመኖር ገና አልተላቀቁም፡፡ ይህን ችግር ለመቅረፍም የአባቶች በዓት በፍጥነት ሰርተን ለማጠናቀቅ ሌት ከቀን እየሰራን ነው፡፡

ቅድስት ቤተ ክርስቲያን በዘመናት ያጋጠሟትን ችግሮች ያለፈችው በዓለማዊውም በመንፈሳዊውም  ዕውቀት በመጠቁ ሊቃውንቶች ነው ፣ አሁንም በሁለት እንደተሳለ ሰይፍ ፍጹም በተሰማሩበት ሁሉ ስኬትን የሚጎናጸፉ አገልጋዮችን ለማፍራት በገዳሙ አቅራቢያ በሚገኝ ሀሙሲት ከተማ 30 ሺህ ካሬ ሜትር ቦታ ከመንግስት በሊዝ በመውሰድ የአብነት ት/ቤትና አለማዊ ት/ቤት እየገነቡ ነው፡፡

ቅድስት ቤተክርስቲያን ምዕመናን የሚጠቀሙበትን ልማት መስራት አንዱና ትልቁ መገለጫዋ ሲሆን ከገዳሙ ማህበረሰብ በተጨማሪ ለህብረተሰቡ አግልግሎት የሚሰጥ የመጀመሪያ ደረጃ ጤና ጣቢያ ግንባታም እየተሳለጠ ነው፡፡ በአጠቃላይ ረድኤተ እግዚአብሔርን አምነን፣ በትጋት የሚያሰራና የሚሰራ ባለበት ሁሉ እጃችሁን የምትዘረጉትን እናንተን ለጋሶቹን ምዕመናን ይዘን የሰራነው ሥራ ቀጣዮቹንም አብረን ጥግ እንደምናደርሳቸው ማሳያ ነው፡፡

ላደረጋችሁትም ሁሉ ሊቀ መላእክት ቅዱስ ሚካኤል በእጥፍ ይተካላችሁ፡፡

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

ለትንሳዔ በዓል የሚሆን የ650 ብር ስጋና ሰፊ የሸቀጥ አቅርቦት መዘጋጀቱ ተገለጸ

​#FastMereja I የአዲስ አበባ ከተማ ንግድ ቢሮ የትንሳዔ በዓልን ምክንያት በማድረግ በከተማዋ የሸቀጦች እጥረት እንዳይከሰትና ገበያው እንዲረጋጋ ቅድመ ዝግጅት ማጠናቀቁን አስታወቀ። ቢሮው በተለይ የሥጋ ምርትን በተመጣጣኝ ዋጋ ለማቅረብ በአንድ ኪሎ 650 ብር እንዲሸጥ መወሰኑን ይፋ አድርጓል።

​የቢሮው ኃላፊ ወይዘሮ ሀቢባ ሲራጅ ዛሬ በሰጡት መግለጫ፣ የነዳጅ እጥረት በምርት ስርጭት ላይ ተፅዕኖ እንዳያሳድር ካለፈው ወር ጀምሮ ከክልሎች ጋር የተቀናጀ የምርት ማሰባሰብ ሥራ ተከናውኗል። ለዚህም በከተማዋ 6 ዋና ዋና ማዕከላት፣ 246 የሰንበት ገበያዎች እና ከ2 ሺህ በላይ የኅብረት ሥራ ማህበራት ሱቆች በቂ ምርት እንዲያቀርቡ ተዘጋጅተዋል።

​በበዓሉ ወቅት የዋጋ ንረትና የንግድ ማጭበርበርን ለመከላከል ቢሮው ቁጥጥር የሚያደርግ ግብረ ኃይል ያሰማራ ሲሆን፤ ያለአግባብ ዋጋ በሚጨምሩና በሚዛን በሚያጭበረብሩ ነጋዴዎች ላይ ጥብቅ ሕጋዊ እርምጃ እንደሚወሰድ አስጠንቅቋል።

በአለታ ወንዶ የንግድ ባንክ አገልግሎት መቆራረጥ በንግዱ ማህበረሰብ ላይ ከፍተኛ እሮሮ ቀሰቀሰ

#FastMereja I በአለታ ወንዶ ከተማ የሚገኘው የኢትዮጵያ ንግድ ባንክ በየቀኑ በሚያጋጥሙ የ”ሲስተም” እና የ”መብራት” መቆራረጦች ሳቢያ ደንበኞች ለአላስፈላጊ እንግልትና ለኢኮኖሚ ኪሳራ እየተዳረጉ መሆኑ ተገለጸ።

በሲዳማ ክልል የንግድ እንቅስቃሴ ማዕከልና የቡና ምርት መውጫ በሆነችው አለታ ወንዶ፣ የኢትዮጵያ ንግድ ባንክ አገልግሎት አሰጣጥ ከከተማዋ የንግድ ፍሰት ጋር አለመመጣጠኑ ተገልጋዮችን እያስመረረ ይገኛል። ባንኩ “መብራት የለም” እና “ኔትወርክ ተቋርጧል” በሚሉ ምክንያቶች ስራ የሚያቆምባቸው ሰዓታት መብዛታቸው፣ በከተማዋ ያለውን የገንዘብ ዝውውር ሽባ እያደረገው መሆኑን ከስፍራው የደረሰን መረጃ ያመለክታል።

ጉዳዩን አስመልክቶ ያነጋገርናቸው የንግዱ ማህበረሰብ አባላት እንደገለጹት፣ ባንኩ እንደ አማራጭ ሊጠቀማቸው የሚገቡ የጄነሬተርና የሳተላይት ኢንተርኔት አገልግሎቶች አለመኖራቸው ለችግሩ መባባስ ዋነኛ ምክንያት ነው። ይህ መጉላላት በደንበኞችና በባንኩ መካከል ያለውን የ”አገልግሎት ደረጃ ውል” የሚጥስ ከመሆኑም ባለፈ፣ በብሔራዊ ባንክ መመሪያ መሰረት የፋይናንስ ተቋማት ሊያሟሏቸው የሚገቡ ዝቅተኛ የአገልግሎት መስፈርቶችን ያላሟላ መሆኑን ይጠቅሳሉ።

የኢራን አብዮታዊ ዘበ የደህንነት ሃላፊ መገደል ተረጋገጠ

​#FastMereja I የኢራን አብዮታዊ ዘበ (IRGC) የደህንነት ቢሮ ሃላፊ ሜጀር ጄኔራል ማጂድ ካዴሚ በዛሬው ዕለት በተሰነዘረ የአየር ጥቃት መገደላቸውን የሀገሪቱ መንግስታዊ መገናኛ ብዙኃን አረጋገጡ።

​በቴህራን በተፈጸመው በዚህ ጥቃት ጄኔራል ማጂድ ካዴሚ መገደላቸውን የአብዮታዊ ዘበኛው ይፋዊ መግለጫ ጠቅሶ “ታስኒም” የዜና ወኪል ዘግቧል። እንደ ዘገባው ከሆነ ጥቃቱ የተፈጸመው ዛሬ ሰኞ ጎህ ሲቀድ ሲሆን፣ ለግድያው “የአሜሪካ እና እስራኤል ጥምረት” ተጠያቂ መሆኑን የሀገሪቱ ባለስልጣናት ገልጸዋል።

​ሜጀር ጄኔራል ካዴሚ በፈረንጆቹ ሰኔ 2025 ነበር የቀድሞውን የደህንነት ሃላፊ ሞሃመድ ካዜሚን በመተካት ለዚህ ከፍተኛ ኃላፊነት የተሾሙት። ካዜሚም በተመሳሳይ መልኩ ባለፈው ዓመት በእስራኤል የአየር ጥቃት መገደላቸው ይታወሳል።

​ጄኔራል ካዴሚ ከአብዮታዊ ዘበኛው የደህንነት መዋቅር በተጨማሪ፣ በሀገሪቱ የመከላከያ ሚኒስቴር ውስጥ የመረጃ ጥበቃ ድርጅትን በመምራት ለረጅም ዓመታት ከፍተኛ ወታደራዊ እና የደህንነት ልምድ ያካበቱ አንጋፋ መኮንን ነበሩ። ጥቃቱን ተከትሎ እስካሁን ከአሜሪካም ሆነ ከእስራኤል ወገን የተሰጠ ይፋዊ ምላሽ የለም።
​ይህ ግድያ በክልሉ እየተባባሰ የመጣውን ውጥረት ወደ አዲስ ምዕራፍ ሊያሸጋግረው እንደሚችል የፖለቲካ ተንታኞች ስጋታቸውን እየገለጹ ይገኛሉ።

በበለስ አንጻር ኃጢአትን ረገማት🙏

በትንቢተ ኢሳይያስ 53÷4-12 “ደዌያችንን ተቀበለ፤ ሕማማችንንም ተሸከመ፡፡ ከዓመፀኞችም ጋር ተቈጠረ፡፡ እርሱ ግን ግፍን አላደረገም፤ ተንኮልም በአፉ አልተገኘበትም፡፡” ተብሎ እንደ ተጻፈ፡፡ ሰሙነ ሕማማት፣ ሕማምና ሞት የማይገባው ጌታችን ኢየሱስ ክርስቶስ የእኛን ሕማምና ሞት ለራሱ በማድረግ ለእኛ ቤዛ መሆኑ የሚነገርበት ነው፡፡ ምእመናን ክርስቶስ የተቀበለው የእኛን ሕማም መኾኑን በመዘከር፤ ከማንኛውም የሥጋ ሥራ በመታቀብ ዋዛ ፈዛዛ ባለመነጋገር ሰሙነ ሕማማትን ልናከብር ይገባል፡፡ የሰሙነ ሕማማት ሰኞ የበለስ ቀን ይባላል፡፡ ጌታችን መድኀኒታችን ኢየሱስ ክርስቶስ በሆሣዕና ማግሥት ከቢታንያ ወደ ኢየሩሳሌም ሲገባ ሁለት ነገሮችን አከናውኗል፤ አንደኛ ከቅጠል በስተቀር ፍሬ ያልተገኘባትን ዕፀ በለስ ረግሟል፡፡ ሁለተኛ ወደ ቤተ መቅደስ ገብቶ የሚሸጡትንና የሚለውጡትን አስወጥቷል፡፡

ቅዱስ ማቴዎስ በወንጌሉ “በማግሥቱ ተራበ” ይላል፡፡ ነገር ግን በኢሳ. 46÷25 “እግዚአብሔር ለዘለዓለም አይራብም፤ አይጠማም፤ አይደክምም” ተብሎ ተጽፏል፡፡ ጌታችንም በመዋዕለ ስጋዌው ሲያስተምር “የእኔስ መብል የላከኝን የአባቴን ፈቃድ አደርግ ዘንድ፤ ሥራውንም እንፈጽም ዘንድ ነው፤” ሲል ተናግሯል፡፡ ታዲያ ጌታችን ለምን ተራበ? ሰማያውያን መላእክት እንዳይራቡ አድርጎ የፈጠረ፤ እስራኤልን ገበሬ በማያርስበት፣ ዘር በሌለበት፣ ዝናብ በማይጥልበት ምድረ በዳ የመገበ፤ በአምስት አንጀራና በሁለት ዓሣ ከአምስት ሺሕ የሚበልጡ ሰዎችን የመገበ ጌታ “ተራበ” ተብሎ ሲነገር እጅግ ይደንቃል፡፡ በእርግጥ ኢየሱስ ክርስቶስ ፍጹም አምላክ ፍጹም ሰው በመሆኑ አልተራበም አንልም፡፡ የጌታችን ረኃብ የድህነት፣ የማጣት አይደለም፡፡ የክርስቶስ ረኃቡ የበለስ ፍሬ ሳይሆን የሃይማኖትና የመልካም ሥነ ምግባርን ፍሬ ሽቶ ማጣቱን ለማጠየቅ የተነገረ ነው።

በለስስ ቤተ እስራኤል ናቸው እንዲል፡፡ ጌታችን የፈለገውን ጽድቅ ከእነርሱ ባለማግኘቱ ጉባኤ አይሁድን ረግሟል፡፡ ታላቁ ሊቅ ቅዱስ ዮሐንስ አፈወርቅ “በበለስ አንጻር ኃጢአትን ረገማት” ብሏል፡፡ እስራኤልም በአንድ ወገን የተጠበቀባቸውን ፍሬ ባለማፍራታቸው ተረግመዋል፡፡ ቅዱስ ዮሐንስ አፈወርቅ “አሕዛብ በእግዚአብሔር ቸርነት አበባ ሰበሰቡ፤ በአይሁድ ዘንድ ግን እሾኹ ተረፈ፡፡ ይኸውም የሃይማኖት ጉድለት ነው፤” በማለት እስራኤል ከፍቅር ይልቅ እርግማን እንዳገኛቸው፤ አሕዛብ ደግሞ የቃሉን ትምህርት ሰምተው የእጁን ተአምራት አይተው ያመኑበትን የእግዚአብሔር የጸጋ ልጁ ለመኾን መብቃታቸውን ይመሰክራል፡፡ እሾኽ የእርግማን፤ አበባ የእግዚአብሔር ጸጋ ልጅነት ምሳሌ ነው፡፡  ዛሬ ጌታችን ወደ መቅደስ ሕይወታችን ቢመጣ ምን ያገኝ ይሆን? ፍሬ ወይስ ቅጠል? በቅዱሳን ጸሎት በገዳማት በረከት እንታጠር፡፡ ገዳማውያንን እንደግፍ በዓታቸውን እናጽና።

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

ዓለም አቀፍ የሰዎች አዘዋዋሪ ይትባረክ ዳዊት (ክብሮም) በቁጥጥር ስር ዋለ

​#FastMereja I የኢትዮጵያ ፌደራል ፖሊስ ከ3 ሺህ በላይ ዜጎችን በሕገ-ወጥ መንገድ ያዘዋወረውና በዓለም አቀፍ ደረጃ ሲፈለግ የነበረው አደገኛ ወንጀለኛ ይትባረክ ዳዊት (ክብሮም) ከ9 ግብረ-አበሮቹ ጋር መያዙን አስታወቀ። ተጠርጣሪው በትግራይ ክልል ሽሬ ከተማ ውስጥ በድብቅ ሲንቀሳቀስ በቁጥጥር ስር የዋለው፣ ፖሊስ ከዓለም አቀፉ የ”ROCK” ተቋም ጋር ባደረገው የጋራ ክትትልና የመረጃ ልውውጥ ነው።

​ተጠርጣሪው ይትባረክ ዳዊት በተለያዩ አገራት አድሀኖም፣ አህመድ፣ ሙኒር እና ክብሮም የሚሉ ስድስት የሀሰት ስሞችንና ፓስፖርቶችን በመጠቀም ለዓመታት ሲያመልጥ ቆይቷል። በምርመራው እንደተረጋገጠው፣ ግለሰቡና ቡድኑ ከ2010 ዓ.ም ጀምሮ ከኢትዮጵያ፣ ኤርትራ፣ ሱዳንና ሶማሊያ ወጣቶችን በመመልመል ሊቢያ ውስጥ በሚገኙ አምስት መጋዘኖች አግተው ኢ-ሰብአዊ ስቃይ ሲያደርሱባቸው ነበር።

​በዚህ የወንጀል ድርጊት ሳቢያ፦

​ከ100 በላይ ሰዎች ለሞት ተዳርገዋል።

​ከ50 በላይ ሴቶች ተደፍረዋል።

​ከ3 ቢሊዮን ብር በላይ በሕገ-ወጥ መንገድ ተንቀሳቅሷል።

​ፌደራል ፖሊስ ዘመናዊ ቴክኖሎጂን በመጠቀም በ9 አገራት የሚገኙ 16 ተጎጂዎችን ጨምሮ የ100 ሰዎችን ምስክርነት ተቀብሏል። ተጠርጣሪዎቹ በወንጀል ያፈሩት ሀብትና የባንክ ሂሳብ እንዲታገድ የተደረገ ሲሆን፣ የፖሊስ ምርመራ ተጠናቆ መዝገቡ ለዓቃቤ ሕግ መላኩ ተረጋግጧል።

​መጋቢት 28 ቀን 2018 ዓ.ም

ሰሙነ ሕማማት ማክሰኞ - የጥያቄና የትምህርት ቀን 🙏

ጌታችን አምላካችን መድኀኒታችን ኢየሱሱ ክርስቶስ በዕለተ ሰኞ ባደረገው አንጽሖተ ቤተመቅደስ ምክንያት፣ ሥልጣንን ለሰው ልጅ የሰጠው ጌታችን፣ ስለ ሥልጣኑ በጸሐፍት ፈሪሳውያን ተጠይቋልና ዕለተ ማክሰኞ የጥያቄ ቀን ይባላል፡፡ ጠያቂዎቹ የካህናት አለቆችና የሕዝብ አለቆች ናቸው፡፡ አንድም በዚህ ዕለት ጌታችን በቤተ መቅደስ ረጅም ትምህርት ስላስተማረ ዕለቱ “የትምህርት ቀን” ይባላል፡፡ ክርስቲያን የሆነ ሁሉ ከሥጋዊ ነገር ርቆ በዚህ ሰሞን የሃይማኖት ትምህርት ሲማር፣ ሲጠይቅ መሰንበት እንደሚገባው ይህ መጽሐፋዊ ሥርዓት ይነግረናል፡፡ በዕለተ ሰኞ የነጋዴዎችን ንብረት መገልበጥና ማባረሩን መነሻ በማድረግ “በማን ሥልጣን እነዚህን ታደርጋለህ?” ሲሉ ጠይቀውታል፡፡ ጌታችን ሲያደርጋቸው የነበሩት ተአምራት፣ ድንቅ ድንቅ ሥራዎችና ትምህርቱ ህዝቡ እንዲከተለው ስላደረገ የካህናት አለቆች በቅናት ከሮማ መንግሥት ባለ ሥልጣናት ጋር ሊያጋጩት የቀየሱት ስልት ነው፡፡

ነጋዴን ማባረርና መደብን ማስለቀቅ መንግሥታዊ ሥራ ነውና ጌታችን በራሴ ሥልጣን ነው ቢላቸው ጸረ መንግሥት ነው በማለት ለሮማ መንግሥት ያሳጡት ነበር፡፡ ጌታችን ግን ለጥያቄያቸው ቀጥተኛ ምላሽ ከመስጠት ይልቅ “የዮሐንስ ጥምቀት ከየት ነው? ከሰማይ ነው ወይስ ከምድር?” በማለት በጥያቄ መልሶላቸዋል፡፡ እነርሱም “ከሰማይ ነው” ቢሉት “ለምን አላመናችሁበትም?” እንዳይላቸው ሰጉ፡፡ “ከሰው ነው” ቢሉት ደግሞ ሕዝቡ ዮሐንስን እንደ መምህር ይፈሩት፣ እንደ አባት ያከብሩት ነበርና እንዳይጣሏቸው ፈሩ፤ እናም “ከወዴት እንደሆነ አናውቅም” የሚል የተንኮል ምላሽ ሰጡት፡፡ እርሱም “እኔም በማን ሥልጣን እነዚህን እንደማደርግ አልነግራችሁም” አላቸው፡፡ በልቡናቸው የሚያደርጋቸውን ተግባራት ሁሉ በራሱ ሥልጣን እንደሚያደርግ ቢያውቁም በክፋትና በጥርጥሬ ስለተሞሉ ነበር የጠየቁት፡፡

በማቴዎስ ወንጌል 21÷28፣ 25÷46፣ በማርቆስ ወንጌል 12÷12፣ 13÷37፤ በሉቃስ ወንጌል 20÷9፣ 21÷38፣ የሚገኙ የመጽሐፍ ቅዱስ ክፍሎች ስለማክሰኞ ዕለት የሚነገሩ ትምህርቶችን ይዘዋል፡፡ ዳግመኛም በዚህ ዕለት በቤተ መቅደስ ረጅም ትምህርት ስላስተማረ የትምህርት ቀን ይባላል፡፡ ይኸውም ከሃይማኖት የራቁትን፣ ከፍቅረ እግዚአብሔር የተለዩትን አስተምሮ ማቅረብ፣ መክሮ መመለስ እንደሚገባን ሲገልጽልን ነው፡፡ ክርስቲያን የሆነ ሁሉ ከሥጋዊ ነገር ርቆ፣ ከዋዛ ፈዛዛ ተጠብቆ የጌታችንን ውለታ፣ ሕማሙን፣ ግረፋትና ስቅለቱን፣ ሞቱንና መከራውን እያሰበ በስግደት ይህን ሳምንት ሊያሳልፈው ይገባል፡፡ ገዳማውያን ይህን ፍቅሩን እያሰቡ በጾምና በጸሎት ይኖራሉ፤ ገዳማቸውን እንደግፍ በዓታቸውን እናጽና፡፡
  
ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

የተሰራው ለቀጣዩ ሥኬት ማሳያ ምልክት ነው🙏

በጌጠኛው ቤት የሚካሔደውን ልማት እያገዝን ረድኤት እግዚአብሔርን አጋዥ አድርገን ታላቅ ሥራ መሥራት ችለናል፡፡ በማዕከላዊ ጎንደር  ሀገረ ስብከት ምስራቅ በለሳ ወረዳ ቤተ ክህነት ስር የሚገኘውን እና ታላቅ የበረከት ስፍራ የሆነው ሙት አንሳ ማር ቅዱስ ሚካኤል አንድነት ገዳም የሚገኙ ገዳማውያንን ለማገዝና ቅዱሱን ስፍራ በልማት ራሱን ችሎ ለሌሎች የሚተርፍ ለማድረግ ስንሰራ ቆይተናል፡፡ 

የውሃ ጠብታ ቀስ በቀስ ድንጋይን እንደሚበሳው ሁሉ በስፍራው ያለውን ችግር ለመፍታት በየወቅቱ ያደረጋችሁት ልገሳ ለኑሮ እጅግ አስቸጋሪ በነበረው ስፍራ ለውጥ ማምጣት ከጀመረ ሰነባበተ፡፡ ወደ ገዳሙ የሚወስደውና ለእንቅስቃሴ እጅግ አስቸጋሪ የነበረው መንገድ የ8 ኪሎ ሜትር የጥርጊያ መንገድ ተሰርቶለት ለእንቅስቃሴ አመቺ በመደረጉ፤ ማንኛውም ሰው ገዳሙ ድረስ በመሄድ መሣለም፣ የስፍራውን በረከት ማግኘትና ገዳማዊያኑን መጎብኘት የሚያስችል ሁኔታ ተፈጥሯል፣ ወደ ገዳሙ ከደረሱ በኋላም ተራራ ተቦርቡሮ የተሰራውንና በአስቸጋሪ ስፍራ የነበረውን እንቅስቃሴ የለወጠው ምቹ የ170 ሜትር ደረጃ የተሰራለት የአርማታ የውስጥ ለውስጥ መንገድ ያገኛሉ፡፡ ይህ መንገድ ከመሰራቱ በፊት ገዳማዊያኑ ለእንቅስቃሴ እጅግ ይቸገሩ ነበር።

ገዳማውያን እናቶች በቅዱሱ ስፍራ ለመንፈሳዊ ሕይወታቸው በሚመች መልኩ በዓት ወይም ቤት እና መጸዳጃ ቤቶች ተሟልተውለት ተሰርቶ ተጠናቋል፡፡ ከከተማ እጅግ የራቀው ስፍራ በሌሊት ለእንቅስቃሴ ምቹ ያልነበረ በቀንም ከሚሰሩ የልማት ስራዎች በኃይል እጥረት የሚቸገር የነበረ ሲሆን አሁን የሶላር መብራት ተሟልቶ የመብራት ተጠቃሚ ለማድረግ ተችሏል።

ገዳማዊያኑ በተደጋጋሚ የሚያጋጥማቸውን የምግብ አቅርቦት ችግር እና የአቅም ውስንነት በዘላቂነት ለመቅረፍ ከሚደረገው ጥረት በተጨማሪም የተገኘውንም ቢሆን በገዳማዊው ስርዓት አዘጋጅቶ ለመመገብ የሚያስችል ቤተ-እግዚአብሔር ወይም ማዕድ ቤት ተሰርተው፤ የሚያስፈልጉ ቁሳቁሶችም ሙሉ በሙሉ ተሟልተውለታል።

በቅድስት ቤተ ክርስቲያናችን ስርዓት መሠረት ምንኩስና የጸሎትና በሥራ የመትጋት ሕይወት ነው፡፡ ገዳማውያኑ የእደ-ጥበባት ውጤቶችን የሚያመርቱበት ሼድ ግንባታ በማከናወን፣ ለስራው የሚያስፈልጉ መሳሪያዎች እና የጥሬ እቃ ግብዓቶች በማሟላት የሸማ ስራ ሙያ እንዲሰለጥኑ በማድረግ ወደ ስራ ከተገባ ውሎ አድሯል፡፡ የሻማ እና የጧፍ መስሪያ ማሽን ግዢም ተከናውኗል።

ከሚመለከታቸው  አካላት ጋር በመነጋገር የገዳሙ ይዞታ ህጋዊ የይዞታ ማረጋገጫ ሰነድ ያልነበረው በመሆኑ የገዳሙ ህጋዊ ይዞታው እንዲረጋገጥለት የተደረገ ሲሆን በቆየው ተፈጥሯዊ አካባቢን የመጠበቅና የማልማት የቤተ ክርስቲያን ልማድ በተደጋጋሚ በድርቅ የሚጠቃውን አካባቢው የተሻለ ለማድረግ የአካባቢ ጥበቃ ስራዎች እየተከናወኑ ነው። ገዳማዊያኑ እየሰሩ ቀጣይነት ያለው ገቢ እንዲያመነጩ ለማድረግ የሸቀጣ ሸቀጦችና የንዋያተ ቅዱሳት መሸጫ ሱቅ በገዳሙ አቅራቢያ ባለ ሀሙሲት ከተማ አንዲሁም  በአዲስ አበባ መካኒሳ አቦ አካባቢ ተከፍቶ ወደ ስራ ከተገባ ሰነባብቷል።


እስካሁን ባደረጋችሁት ድጋፍ ይህን ያህል ድንቅ ሥራ መስራትና ገዳማውያኑ ለካ ሕዝበ ክርስቲያኑ ከጎናችን ነው እንዲሉ ያደረገ ስኬት ማምጣት ተችሏልና የሊቀ መላእክት የቅዱስ ሚካኤል በረከትና ረድኤት አይለያችሁ ይሏችኋል፡፡

በዘመናት ውስጥ አባቶቻችን ጀምረው ያልጨረሱት አንዳችም ነገር የለም፡፡ እኛም መነሻችን ይህ የአባቶቻችን ትጋትና ቆራጥነት ነውና በሙት አንሳ ማር ቅዱስ ሚካኤል አንድነት ገዳም የጀመርነውን ልማት እስከጥግ ማድረስ ይገባናል፡፡ የማይዛነፍ አላማችን ገዳሙን ራሱን ከማስቻል አልፎ ለሌሎች የሚተርፍ ማድረግ ነውና ድጋፋችንን አጠናክረን እንቀጥል፡፡ የደረስንባቸው ሥኬቶች ቀጣዮቹን ረድኤተ እግዚአብሔርን አጋዥ አድርገን ከማሳካት የሚያግደን እደሌለ ማሳያ ናቸው፡፡

በቀጣይ የተጀመሩ ሥራዎች ከመቼውም ጊዜ በላይ ትልቅ ርብርብ የሚጠይቁ ናቸው፡፡ የስዕለት ሰሚው የታላቁ አለቃ የቅዱስ ሚካኤል ህንጻ ቤተክርስቲያን እየተሰራ ነው፡፡  ገዳማውያን አባቶች ከዚህ ቀደም በነበረው አስቸጋሪ ሁኔታ ከመኖር ገና አልተላቀቁም፡፡ ይህን ችግር ለመቅረፍም የአባቶች በዓት በፍጥነት ሰርተን ለማጠናቀቅ ሌት ከቀን እየሰራን ነው፡፡

ቅድስት ቤተ ክርስቲያን በዘመናት ያጋጠሟትን ችግሮች ያለፈችው በዓለማዊውም በመንፈሳዊውም  ዕውቀት በመጠቁ ሊቃውንቶች ነው ፣ አሁንም በሁለት እንደተሳለ ሰይፍ ፍጹም በተሰማሩበት ሁሉ ስኬትን የሚጎናጸፉ አገልጋዮችን ለማፍራት በገዳሙ አቅራቢያ በሚገኝ ሀሙሲት ከተማ 30 ሺህ ካሬ ሜትር ቦታ ከመንግስት በሊዝ በመውሰድ የአብነት ት/ቤትና አለማዊ ት/ቤት እየገነቡ ነው፡፡

ቅድስት ቤተክርስቲያን ምዕመናን የሚጠቀሙበትን ልማት መስራት አንዱና ትልቁ መገለጫዋ ሲሆን ከገዳሙ ማህበረሰብ በተጨማሪ ለህብረተሰቡ አግልግሎት የሚሰጥ የመጀመሪያ ደረጃ ጤና ጣቢያ ግንባታም እየተሳለጠ ነው፡፡ በአጠቃላይ ረድኤተ እግዚአብሔርን አምነን፣ በትጋት የሚያሰራና የሚሰራ ባለበት ሁሉ እጃችሁን የምትዘረጉትን እናንተን ለጋሶቹን ምዕመናን ይዘን የሰራነው ሥራ ቀጣዮቹንም አብረን ጥግ እንደምናደርሳቸው ማሳያ ነው፡፡

ላደረጋችሁትም ሁሉ ሊቀ መላእክት ቅዱስ ሚካኤል በእጥፍ ይተካላችሁ፡፡

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

አዲስ አበባን የአህጉሪቱ የሥነ-ፈጠራ ማዕከል የሚያደርገው ታላቁ ፌስቲቫል ይፋ ሆነ!

#Fastmereja:”የሥነ-ፈጠራ ጥበባት ለለውጥ” በሚል መሪ ታላቁ የክራፍት አዲስ(CRAFT Addis 2026) ፌስቲቫል ከሚያዝያ 22 እስከ 24 ቀን 2018 ዓ.ም.ለሶስት ተከታታይ ቀናት በአድዋ ድል መታሰቢያ ሙዚየም እንደሚካሄድ በዛሬዉ እለት በተሰጠ መግለጫ ተገለፀ።

በዘሌማን (Zeleman) ኮሚኒኬሽን አዘጋጅነት ከአዲስ አበባ ቱሪዝም ኮሚሽን እና ፍሎዉለስ ኤቨንትስ ጋር በመተባበር የሚቀርበው ይህ መድረክ፤ የአዲስ አበባ ቱሪዝም ኮሚሽንን፣ የኢትዮጵያ አየር መንገድን እና ንጉሥ ማልትን በአጋርነት ያሳተፈ ሲሆን፣ ዓላማውም የአፍሪካን የሥነ-ፈጠራ ኢንዱስትሪ ወደ ተጨባጭ የኢኮኖሚ አቅም መቀየር እንደሆነ ተገልጿል።

ዘሌማን በአፍሪካ የሥነ-ፈጠራ ዘርፍ ያለውን የ20 ዓመታት ልምድ በመጠቀም ያዘጋጀው ይህ ፌስቲቫል፣ ከመደበኛ ትርኢቶች ባለፈ የገበያ ተደራሽነት እና የቢዝነስ ትስስር ላይ ትኩረት እንደሚያረግ ነዉ የተገለፀዉ።

የዘሌማን ዋና ሥራ አስፈፃሚ አቶ ዘላለም ወልደማርያም እንደገለጹት፣ “የክራፍት ዋነኛ ግብ የአፍሪካን የፈጠራ ምናብ ከተሰጥኦ ወደ ተቋም፣ ከሥነ-ፈጠራ ደግሞ ወደ ዘላቂ ብልጽግና የሚያሸጋግሩ የለውጥ መንገዶችን መገንባት ነው” ብለዋል።

ፌስቲቫሉ ከ10,000 በላይ ተሳታፊዎችን በአካል፣ ከ3 እስከ 5 ሚሊዮን የሚሆኑ ሰዎችን ደግሞ በዲጂታል አማራጮች ተደራሽ ያደርጋል ተብሎ የሚጠበቅ ሲሆን ይህም አዲስ አበባን በአህጉሪቱ እያደገ የመጣው የሥነ-ፈጠራ ማዕከል የማድረግ ራዕይን እንደሚያሳካ ነዉ የተገለፀዉ።

የዘንድሮው ፌስቲቫል ልዩ ትኩረት የሚሰጠው የኢትዮ-ጃዝ አባት በሆኑት በክቡር ዶክተር ሙላቱ አስታጥቄ ለሚቀርበው ‘የክብርኮንሰርት’ (Legacy Concert) ሲሆን ዶክተር ሙላቱ 10 አባላት ያሉትና በዓለም አቀፍ ደረጃ ዝነኛ የሆነውን የ’Steps Ahead’ ባንዳቸውን ከለንደን በማምጣት ታሪካዊ የሙዚቃ ድግስ የሚያቀርቡ መሆኑም በመግለጫዉ ተገልጿል።

ለሦስት ተከታታይ ቀናት በሚቆየው በዚህ መርሃ-ግብር ላይ በአርቲፊሻል ኢንተለጀንስ (Al)፣ በኢንቨስትመንት እና በሥነ-ፈጠራ ኢኮኖሚ ዙሪያ የፓናል ውይይቶች፣
በፋሽን፣ በፊልም፣ በዲጂታል ጥበባት (AR/VR) እና በቪዲዮ ጨዋታዎች (Gaming) ላይ ያተኮሩ ማስተር ክላሶች የሚቀርቡበት እንዲሁም ፈጣሪዎችን በቀጥታ ከገዢዎች ጋር የሚያገናኝ “የክራፍት ገበያ” ኤግዚቢሽን እንደሚካሄድ ተገልጿል።

ፌስቲቫሉ ሲጠናቀቅ በአፍሪካ የፈጠራ ባለሙያዎች እና በዓለም አቀፍ ኩባንያዎች መካከል ከ100 በላይ የንግድ ስምምነቶች እንዲፈረሙ ምቹ ሁኔታ የሚፈጥር ሲሆን በተጨማሪም ባለሙያዎች ሥራቸውን በዓለም አቀፍ ደረጃ እንዲያቀርቡ የሚያስችል የዲጂታል የሥራ ዕድል መድረክ(Digital Freelance Platform) ይፋ እንደሚደረግ ይጠበቃል።

ዝግጅቱ በመጨረሻው ቀን የአዲስ አበባን የቱሪስት መዳረሻዎች እና የፈጠራ ማዕከላትን በሚያስጎበኝ ልዩ የከተማ ጉብኝት ፍጻሜውን እንደሚያገኝ ተነግሯል።

አዋሽ ባንክ ለፋሲካ በዓል ከ5 ሺህ በላይ ለሚሆኑ ወገኖች ድጋፍ አደረገ

#FastMereja I አዋሽ ባንክ የ2018 ዓ.ም የፋሲካ በዓልን ምክንያት በማድረግ “ክብራችን ወገናችን – ደስታችን ማካፈላችን” በሚል መሪ ቃል በአዲስ አበባና በተለያዩ የሀገሪቱ ከተሞች ለሚገኙ ከ5 ሺህ በላይ አረጋውያንና አቅመ ደካማ ወገኖች የዓይነትና የገንዘብ ድጋፍ አደረገ።

ባንኩ ዛሬ በአዲስ አበባ ቦሌ መድኃኒዓለም ካቴድራል የማዕድ ማጋራት መርሃ ግብር አካሂዷል፣ በሀገር አቀፍ ደረጃ ለተመረጡ ለእነዚሁ ወገኖች ለእያንዳንዳቸው 5 ሊትር ዘይት፣ 25 ኪሎ ዱቄት እና የጥሬ ገንዘብ ድጋፍ እየተደረገ ይገኛል።

ባንኩ ለማኅበራዊ ኃላፊነት ስራዎች ከፍተኛ ትኩረት እንደሚሰጥ የገለጸ ሲሆን፣ ባለፈው የ2024/25 የሒሳብ ዓመት ብቻ ለማኅበራዊ ኃላፊነት ተግባራት ከ600 ሚሊዮን ብር በላይ በጀት መድቦ የተለያዩ ስራዎችን ማከናወኑን ገልጿል። ይህም በትምህርት፣ በጤና፣ በሥራ ዕድል ፈጠራ እና የአቅመ ደካሞችን ቤት በመገንባት ረገድ ከፍተኛ አስተዋጽኦ ማድረጉ ተጠቅሷል።

ባንኩ ካለፉት 31 ዓመታት ጀምሮ እንዲህ ያሉ ሰው-ተኮር ተግባራትን ሲያከናውን መቆየቱን አስታውሶ፣ ወደፊትም በተፈጥሮና በሰው ሰራሽ አደጋ ለተጎዱ የማኅበረሰብ ክፍሎች የሚያደርገውን ድጋፍ አጠናክሮ እንደሚቀጥል አረጋግጧል።
በተጨማሪም አዋሽ ባንክ በአሁኑ ወቅት በሀገር አቀፍ ደረጃ ከ1005 በላይ ቅርንጫፎች ያሉት ሲሆን፣ ከ16 ሚሊዮን በላይ ለሚሆኑ ደንበኞቹ ዘመናዊ የባንክ አገልግሎት እየሰጠ ይገኛል።

ሃሪ ማጓየር በማንችስተር ዩናይትድ ቤት ለመቆየት አዲስ ውል ፈረመ

​#FastMereja I የማንችስተር ዩናይትድ ተከላካዩ ሃሪ ማጓየር በኦልድ ትራፎርድ የሚያቆይበትን አዲስ የውል ስምምነት በይፋ መፈረሙ ተረጋግጧል። ተጫዋቹ ከክለቡ ጋር ያለውን ቆይታ ለማራዘም መስማማቱን ተከትሎ፣ የቀይ ሰይጣኖቹ የኋላ ክፍል መጠናከር ላይ ትልቅ ተስፋ ጥሏል።

​ማጓየር ውሉን ማደሱ ከተረጋገጠ በኋላ በሰጠው መግለጫ፣ “ማንችስተር ዩናይትድን መወከል የመጨረሻው ትልቅ ክብር ነው” ሲል ስሜቱን ገልጿል። ይህ ኃላፊነት እርሱንና ቤተሰቡን በየቀኑ ኩራት እንዲሰማቸው እንደሚያደርግ የጠቀሰው ተከላካዩ፣ በክለቡ ውስጥ ለዋና ዋና ዋንጫዎች ለመታገል ያለው ቁርጠኝነት ግልጽ መሆኑን አስረድቷል።

​ተጫዋቹ አክሎም “ከክለቡ ጋር ወደፊት የምናሳልፋቸው ምርጥ ጊዜያት ከፊታችን እንደሚጠብቁን ሙሉ እምነት አለኝ” ሲል ለደጋፊዎቹ የተስፋ መልእክት አስተላልፏል።

​ባለፉት የውድድር ዓመታት በተለያዩ ፈተናዎች ውስጥ ያለፈው ማጓየር፣ በአዲሱ ውል መሠረት በክለቡ የመከላከያ መስመር ውስጥ ያለውን ሚና አጠናክሮ ይቀጥላል ተብሎ ይጠበቃል። ይህ ስምምነት ክለቡ ነባር ተጫዋቾቹን በማቆየት የቡድኑን ጥንካሬ ለማስጠበቅ የሚያደርገው ጥረት አካል ተደርጎ ተወስዷል።

ኦሮሚያ ባንክ ለ7 ግብረ ሰናይ ድርጅቶች የገንዘብ ድጋፍ አደረገ!

#Fastmereja: ኦሮሚያ ባንክ የዘንድሮን የፋሲካ በዓል ምክንያት በማድረግ ለ7 የተለያዩ ሀገር በቀል ግብረ ሰናይ ድርጅቶች የ5 ሚሊዮን የገንዘብ ድጋፍ አደረገ።

በዚህ መርሃ ግብር ድጋፍ የተደረገላቸዉ ድርጅቶች:
1. የኢትዮጵያ ኦርቶዶክስ ተዋሕዶ ቤተ ክርስቲያን የልማትና ክርስቲያናዊ ተራድኦ ኮሚሽን 1,000,000.00 ብር

2. አበበች ጎበና የበጎ አድራጎት ድርጅት 1,000,000.00 ብር

3. የኩላሊት ህመምተኞች እጥበት በጎ አድራጎት ድርጅት 1,000,000.00 ብር

4. የአዲስ አበባ ከተማ አስተዳደር የምገባ ማዕከል 500,000.00 ብር
5. ኦዳ አዳሪ ትምህርት ቤት 500,000.00 ብር

6. ተስፋ አዲስ፡ የህጻናት የካንሰር ህሙማን ማዕከል 500,000.00 ብር

7. ሰበታ የአይነ ስዉራን ትምህርት ቤት 500,000.00 ብር ድጋፍ ተደርጓል።

የኦሮሚያ ባንክ ዋና ስራ አስፈጻሚ ኦቦ ተፈሪ መኰንን በድጋፍ መርሐ ግብሩ ላይ ባስተላለፉት መልዕክ፣ ባንኩ የረመዳን ወር ምክንያት በማድረግ ለተለያዩ ሀገር በቀል ድርጅቶች ተመሳሳይ ድጋፍ ማድረጉን አስታዉሰዉ፣ በዛሬዉ ዕለትም አብይ ጾምን ምክንያት በማድረግ የተለያዩ ማህበራዊ ችግር ያለባቸዉን ዜጎች የሚረዱ ግብረ ሰናይ ድርጅቶችን የገንዘብ ድጋፍ ማድረጉን ገልጿል።

በመጨረሻም የግብረ ሰናይ ድርጅቶቹ የስራ ኃላፊዎች እና ተወካዮች ባንኩ ላደረገላቸዉ ድጋፍ አመስግነዉ፣ ይህ ድጋፍ አኛ ለምንሰራዉ ሰብአዊ ስራ ትልቅ ስንቅ እና ማበረታቻ የሚሆነን ነዉ ብለዋል፡፡