በቡድን በመደራጀት በመዲናዋ በተለምዶ ሿሿ ተብሎ የሚጠራውን ወንጀል የሚፈፅሙ 36 ግለሰቦች እና 5 ተሽከርካሪዎች ተይዘዋል፡፡

የምርመራ መነሻ የሆነው በልደታ ክፍለ ከተማ ወረዳ 7 ኤሚግሬሽን አካባቢ ህዳር 9 ቀን 2018 ዓ/ም ከቀኑ 7:00 ሰዓት ላይ የተፈፀመው የወንጀል ድርጊት ነው።

የግል ተበዳይ ኢየሩስ ግርማ ትራንስፖርት በመጠበቅ ላይ እንዳለች ወንጀል ፈፃሚዎቹ የሰሌዳ ቁጥር ኮድ 3 ማ.ኢ 01058 ሚኒባስ ተሽከርካሪ ይዘው በመንቀሳቀስ የት ነሽ? በማለት ካሳፈሯት በኋላ ሞባይል ስልኳን ለመቀማት ሲታገሉ በአካባቢው ላይ በወንጀል መከላከል ሥራ ላይ በነበሩ የፖሊስ አባላት ዕይታ ውስጥ ይወድቃሉ፤ በፖሊስ ዕይታ ውስጥ መውደቃቸውን የተረዱት ተጠርጣሪዎች የግል ተበዳይን ገፍትረው በመጣል ለማምለጥ ቢሞክሩም ተጠርጣሪዎቹን እስከ መጨረሻው በመከታተል አራቱንም በቁጥጥር ስር ማዋል ተችሏል።

ፖሊስ በቁጥጥር ስር የዋሉትን ተጠርጣሪዎች መነሻ በማድረግ በተደረገ ሰፊ ምርመራ የማስፋት ተግባር የወንጀል ድርጊቱን የሚመራ እና የሚያስተባበር ቡድን እንዳለ ይደርስበታል፡፡ የወንጀለኛ ቡድኑን በቁጥጥር ስር ለማዋል በተደረገ ክትትልም በጉለሌ ክፍለ ከተማ አዲሱ ገበያ አካባቢ ስምሪት የሚሰጡ 11 ግለሰቦች ሊያዙ ችለዋል፡፡
ለወንጀል ፈፃሚዎቹ ስምሪት በሚሰጠው ቡድን ላይ በተከናወነ ሌላ ጠንካራ ምርመራን የማስፋት ተግባርም በቡድኑ ስምሪት የተሰጣቸውን 8 ሌሎች ወንጀል ፈፃሚዎች በሰሌዳ ቁጥር ኮድ 3B አ/አ 55902 ሚኒባስ ተሽከርካሪ በመጠቀም የሿሿ ወንጀል ለመፈፀም ሲንቀሳቀሱ በልደታ ክፍለ ከተማ በተለምዶ ኮካ እየተባለ በሚጠራው አደባባይ በቁጥጥር ስር ማዋል ተችሏል፡፡

ፖሊስ ምርመራውን በማጠናከር ባደረገው ብርቱ ክትትል ተመሳሳይ የወንጀል ድርጊት ለመፈፀም ስምሪት የተሰጣቸው በኮድ 3 አ/አ 96708 አራዳ ክፍለ ከተማ እንዲሁም በኮድ3 ኦሮ A02639 ቦሌ ክፍለ ከተማ በሚኒባስ ተሽከርካሪዎች ሲንቀሳቀሱ የነበሩ 13 አባላት ያሉት ሁለት ቡድን በቁጥጥር ስር ማዋል ተችሏል፡፡

ከዚሁ ወንጀል ጋር በተያያዘ በኮድ 3B አ/አ 47364 በሆነ ቪትስ ተሽከርካሪ እየተዟዟሩ ከወንጀል ፈፃሚዎች የተሰረቀ እቃ ሲገዙ የነበሩ ሁለት የሌባ ተቀባዮች ተይዘው በህግ አግባብ በተደረገ ብርበራ እና ፍተሻ ከግለሰቦቹ መኖሪያ ቤት 30ሺ 700 ብር፣ 1 ላፕቶፕ፣ 1 ታብሌት፣ 11 ዘመናዊ ስልኮች፣ ተሰርቀው ቀፎዎቹ የተሸጡበት 188 የስልክ ከቨሮች በኤግዚቢትነት መያዙን የልደታ ክፍለ ከተማ ፖሊስ መምሪያ አስታውቆ በአጠቃላይ ከዚህ ወንጀል ጋር በተያያዘ 36 ሰዎችን በቁጥጥር ስር አውሎ ምርመራ እያጣራ መሆኑንም ፖሊስ መምሪያው ገልጿል።

በተለይም የትራንስፖርት ተሽከርካሪዎችን በመጠቀም የሚፈፀሙ የሿሿ ወንጀሎችን ለመከላከል የሚደረገውን ጥረት በማገዝ ህብረተሰቡ መረጃ በመስጠት ተባባሪ መሆን እንደሚገባው ያሳሰበው ፖሊስ ትራንስፖርት ተጠቃሚዎች ተገቢውን ጥንቃቄ ማድረግ እንደሚገባቸው አሳስቧል።

በወንጀሉ የምርመራ ሂደት አንዳንድ የተሽከርካሪ ባለንብረቶች ሆን ብለው ተሽከርካሪዎቻቸውን ለወንጀል ፈጻሚዎች እንደሚያከራዩ በምርመራ የተደረሰበት ሲሆን በግለሰቦቹ ላይ የሚያስከተለው የህግ ተጠያቂነት እንደተጠበቀ ሆኖ ወደ ፊት የተሽከርካሪያቸውን አይነትና የባለ ንብረቶቹን ስም ዝርዝር ለህዝብ ግልፅ እንደሚያደርግ የአዲስ አበባ ፖሊስ ጠቅላይ መምሪያ አስታውቋል።

በዚህ የወንጀል ድርጊት በቁጥጥር ስር ከዋሉት ተጠርጣሪዎች ጋር በተያያዘ ወንጀል ተፈፅሞብኛል የሚል ግለሰብ ልደታ ክፍለ ከተማ ፖሊስ መምሪያ በአካል በመቅረብ ማመልከት እና መረጃ መስጠት እንደሚችልም ፖሊስ ጥሪውን አስተላልፏል፡፡

ባታዩት ይመረጣል‼️‼️

ዘግናኝ በሀገራችን የተከሰተ የጭካኔ ተግባር ነው።

መወገዝ አለበት!!

አርቲስት አለማየሁ ታደሰ የኤስ ኦ ኤስ የህፃናት መንደር በኢትዮጵያ በጎ ፈቃድ ብራንድ አምባሳደር ሆኖ ተሾመ!

#FastMereja I ኤስ ኦ ኤስ የህጻናት መንደሮች በኢትዮጵያ አርቲስት አለማየሁ ታደሰን በድርጅቱ ታሪክ የመጀመሪያው የብራንድ አምባሳደር አድርጎ መሰየሙን በዛሬዉ እለት ህዳር 16/2018ዓ.ም አስታዉቋል።

ድርጅቱ ብራንድ አምባሳደር ለመሰየም የወሰነው ፕሮግራሞቹን እያሰፋ ባለበትና የአገር ውስጥ ሃብት የማሰባሰብ ጥረቱን እያጠናከረ ባለበት ወቅት መሆኑ ተገልፆ ይህም ብዙ ማህበረሰቦችን ለመድረስ ሰፊ ተሳትፎን ለማነሳሳት እና ዘላቂነት ያለው ድጋፍን ለማረጋገጥ መሆኑን ገልፀዋል ።

አርቲስቱ የተመረጠውም በአቋሙ፣ ለረጅም ጊዜ በዘለቀው መልካም ስሙ፣ ለህጻናት ደህንነት ባለው ቁርጠኝነት እና ከድርጅቱ ተልዕኮ ጋር የሚጣጣም ስብእና ያለው ሆኖ በመገኘቱ እንደሆነ ተገልጿል።

የብራንድ አምባሳደሩ ሚናም ድርጅታዊ አጋርነትን ለማስፋት የገንዘብ ማሰባሰብ ጥረቶችን ለማጎልበት እና በቂ የወላጅ እንከብካቤ ሳያገኙ የሚያድጉ ህጻናት እና ወጣቶች የበለጠ የህዝብ ትኩረት እንዲያገኙ ለማስቻል መሆኑ ተገልጿል።

አርቲስት አለማየሁ ሹመቱን አስመልከቶም “የብራንድ አምባሳደር መሆን ከማዕረግ በላይ የሆነ እና ትክክለኛ ትርጉም ያለው አስተዋጽኦ ለማበርከት የሚያበቃ ትልቅ ሃላፊነት እና እድል የተሰጠኝ ባገኘሁት መድረክ ሁሉ ድምፄን ለማሰማትና የድርጅቱን ተልዕኮ ለማጉላት ሙሉ ቁርጠኝነቴን እገልፃለዉም አሳያለዉም ብሏል።

የኤስ ኦ ኤስ የህጻናት መንደሮች በኢትዮጵያ እና ደቡብ ሱዳን ብሄራዊ ዳይሬክተር አቶ ሣህለማርያም አበበ እንደ ገለጹት “ይህ አጋርነት የህጻናትን እና የወጣቶችን ድምጽ ወደ ፊት የማምጣት የህብረተሰቡን ተሳትፎ የማነሳሳት እና ከለጋሾች እና ከተጽእኖ ፈጣሪ ግለሰቦች የሚደረገውን ድጋፍ የማጠናከር አላማን ያገናዘበ ነው” ሲሉ ተናግረዋል።

የአርቲስቱ የአምባሳደርነት አገልግሎትም እንደሁኔታው ሊራዘም የሚችል ሆኖ ከዛሬ ህዳር 16 ቀን 2018 ዓ.ም
ጀምሮ ለሚቀጥሉት ሁለት ዓመታት ይቀጥላልም ተብሏል፡፡

ለእርሷ የተሰጣት ኪዳን፣ ኪዳነ ምሕረት ተብሎ ተለይቶ ይታወቃል

“ኪዳን” የሚባለው ቃል “ቃል” ከሚለው ጋር እየተቀናጀ በብሉይ ኪዳን ለ280 በሐዲስ ኪዳን ደግሞ ከ33 ጊዜ በላይ ተጠቅሷል፡፡ “ኪዳን” ቃሉ “ተካየደ” ተማማለ፣ ቃል ተገባባ ከሚለው የግእዝ ግሥ የተገኘ ነው፡፡ "ምሕረት” የሚለው ቃል ደግሞ ማብራሪያ ሳያሻው ምሥጢሩ ከነዘይቤው ከግእዝ የተወረሰ ነው፡፡ ስለዚህ ኪዳነ ምሕረት ማለት የምሕረት፣ የይቅርታ ውል፣ ስምምነት፣ መሐላ ማለት ነው፡፡ ኪዳን ከተራ ውሎችና ስምምነቶች የበለጠ ጽኑና ቀዋሚ ነው፡፡ ከፍ ያለ ክብደትም አለው፡፡ ልበ አምላክ ቅዱስ ዳዊት በመዝሙር 88÷3 “ከመረጥኳቸው ጋር ቃል ኪዳኔን አደርጋለሁ” እንዳለ እግዚአብሔር ከመረጣቸው ቅዱሳኑ ሁሉ ጋር ቃል ኪዳን አድርጓል፡፡ ወደ ፊትም ያደርጋል፡፡ ቃል ኪዳኑም የምሕረት ቃል ኪዳን ነው፡፡ ኪዳነ ምህረት ማለት የምህረት መሐላ ማለት ነው፡፡ ከ33ቱ የቅድስት ድንግል ማርያም በዓላተ አንዱ ነው፡፡

እመቤታችንም ከጌታችን መቃብር እየሄደች በምትለምንበት ጊዜ አይሁድ ለምቀኝነት አያርፉምና ምን ልታመጣብን ነው በማለት ሊጣሏት ሲመጡ ጌታችንም ከዓይናቸው ሰውሯታል አይሁድም ጠባቂ ቢያቆሙ እመቤታችን ዕለት ዕለት መሄዷን አላቋረጠችን እመቤታችንም “ልጄ ወዳጄ ሆይ ከስጋዬ ስጋ ከነፍሴ ነፍስ ነስተህ ሰው በመሆንህ ዘጠኝ ወር ከ5 ቀን በቻለችህ ማሕጸኔ ከአንተ ጋር ሀገር ለሀገር ስለ መሰደዴ መትተህ ልምናዬን ትሰማኝ ዘንድ እለምንሃለሁ” ብላ ስትጸልይ፣ ንውጽውጽውታ ሆነ መቃብራት ተሰነጣጠቁ ጌታችንም ከእልፍ አእላፍ መላዕክቱ ጋር መጥቶ ሰላም ላንቺ ይሁን እናቴ ምን እንዳደርግልሽ ትለሚኚኛለሽ አላት። እርሷም መታሰቢያዬን ያደረገውን፣ ስለ ስሜ ለችግረኛ የሚራራውን በስሜ ቤተ ክርስቲያን ያነጻውን መባዕ የሰጠውን ከሃይማኖት ከፍቅር ጽናት ልጁን በስሜ የጠራውን ሁሉ ማርልኝ ከሞተ ስጋ ከሞተ ነፍስ አድንልኝ አለችው፡፡

ጌታችንም ይህን ሁለ እንዳደርግልሽ በራሴ በአባቴ በአብና በመንፈስ ቅዱስ ማልኩልሽ ብሎ ቃል ገብቶላት አርጓል፡፡ በቅዱሳን በቅዱሳን ታሪክ፣ ገድልና ድርሳን እንደምናነበው እግዚአብሔር ከመሞታቸው አስቀድሞ ይገለጥላቸዋል፤ የምሕረት ቃል ኪዳንም ይሰጣቸዋል፡፡ አልፎ ተርፎም ለስማቸው፣ ለመስቀላቸው፣ ለልብሳቸው ገድላቸውን ለያዘ መጽሐፍ፣ አልፎ ተርፎም ለረገጡት አፈርና ለተጋደሉበት ቦታ ሁሉ ተርፎላቸዋል፡፡ ለቅዱሳን ከሞት አስቀድሞ የእግዚአብሔር መገለጥ ወይም የሚሞቱበትን ጊዜና የአሟሟታቸውን መንገድ ገልጦ መንገር በቅዱሳት መጻሕፍት የተለመደ ነው፡፡ ጌታችን በዮሐ.21÷39 እና 2ኛ ጴጥ.1÷14 ለቅዱስ ጴጥሮስ እንዴት ባለ አሟማት እንደሚሞት ነግሮታል፡፡ በሐዋ.20÷25 ለቅዱስ ጳዉሎስ ስለሚሞትበት ጊዜ ተነግሮታል፡፡

ከቅዱሳን ሁሉ እመቤታችን ድንግል ማርያም በሁሉም ረገድ ስለምትበልጥ ከተሰጣቸውም የምሕረት ቃል ኪዳን ለሷ የተሰጣት ኪዳን ኪዳነ ምሕረት ተብሎ ተለይቶ ይታወቃል፤ ማለትም ትጠራበታለች፤ ኪዳነ ምሕረት ትባላለች፡፡ ስለዚህ የኃጥአን ሁሉ ዓይን የእርሷን የምሕረት ቃል ኪዳን ተስፋ ያደርጋል፡፡ የሚገባቸውን ሁሉ አድርገው ላወቁትና ላላወቁት ጉድለቶቻቸው ሁሉ ስሟን ለሚጠሩ፣ ቃል ኪዳንን ለመቀበል ያበቃት ለሰው ልጆች ነጻነት ልጇ ለሰጠው ፍፁም መድኃኒት ምክንያት የሆነችበት ጸጋዋ ሁሉ በሥላሴ ፊት ይታሰብላቸዋል፡፡ ገዳማውያን በዚህ ቃል ኪዳኗ ታድናቸውው ዘንድ  ቀንና ሌሊት በውዳሴዋም በቅዳሴዋም ቅድስት ሆይ ለምኝልን ይሏታል፡፡ ገዳማቸውን እየረዳን በዓታቸውን እያጸናን ከበረክታቸው እንካፈል፡፡

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

9ኛው ኦዳ አዋርድ በሙዚቃ ዘርፍ ብቻ እንደሚሸልም ተነገረ

#FastMereja I በኪነጥበቡ ዘርፍ ከ2010 ዓ.ም ጀምሮ በተለያዩ ዘርፎች የተሰማሩን የኪነጥበብ ባለሞያዎችን እየሸለመ እና እያበረታታ የዘለቀው ኦዳ አዋርድ ዘንድሮም 9ኛው የሽልማት እና የእውቅና የመስጠት ሥነ ሥርዓት የፊታችን ሕዳር 30 ቀን 2018 ዓ.ም በአዲስ አለም አቀፍ ኮንቬንሽን ማዕከል ከቀኑ 11፡00 ሰዓት ጀምሮ በድምቀት ይከናወናል፡፡

ኦዳ አዋርድ በሻቱ መልቲ ሚዲያ ከኢፌዲሪ የውጭ ጉዳይ ሚንስቴር፣ ከባህልና ስፖርት ሚንስቴር ኢንዲሁም ከቱሪዝም ሚንስቴር ጋር በጥምረት የሚዘጋጅ ይሆናል።

ኦዳ አዋርድ ዘንድሮ ለዘጠነኛ ጊዜ በሚያዘጋጀው የሽልማት መርሃግብር ከቀደምት ዓመት ውድድሮች ለየት ባለ መልኩ በመቅረብ ትኩረቱን ሙሉ በሙሉ በሙዚቃው ዘርፍ ላይ ብቻ በማተኮር የሽልማት ስነስርዓቱን እንደሚያከናውን ተነግሯል።

በመሆኑም በሙዚቃው ዘርፍ ብቻ ከሀገር ውስጥ 30 እጩዎችን በ6 የሽልማት ዘርፎች ለምርጫ ያቀረበ ሲሆን ከሀገር ውስጥ እጩዎች በተጨማሪ ከ12 አፍሪካ ሃገራት የተወጣጡ እጩዎችን ለህዝቡ ይፋ ያደርጋል፡፡ ከዚህ ጋር ተያይዞም እጩዎች ለሽልማት የሚበቁት ሙሉ በሙሉ በህዝብ ምርጫ መሆኑ ተገልጿል።

ከአፍሪካ ሃገራት በሽልማት ስነስርዓቱ ላይ በ”AFRICAN SUPER STAR” ዘርፍ ላይ ተሸላሚ ለመሆን የሚሳተፉት 12 የአፍሪካ ሃገራት፦
ሩዋንዳ፣ ማሊ፣ ሞሮኮ፣ አንጎላ፣ ማዳጋስካር፣ ኬንያ፣ ጅቡቲ፣ ሲሼልስ፣ ጋና፣ ቶጎ፣ ደቡብ ሱዳን፣ ኡጋንዳ ናቸው።

በተጨማሪም 9ኛው ኦዳ አዋርድ ከሃገር ውስጥ የሙዚቃ ስራዎች ለሽልማት አጩዎችን የሚያቀርብበት ስድስት ዘርፎች ሲኖሩት እነሱም፡
📌 የህይወት ዘመን ተሸላሚ
📌 የአመቱ ምርጥ ተፅዕኖ ፈጣሪ አርቲስት
📌 የአመቱ ምርጥ ቪዲዮ ክሊፕ
📌 የአመቱ ምርጥ ሴት ድምፃዊት
📌 የአመቱ ምርጥ ወንድ ድምፃዊ
📌 የአመቱ ምርጥ ምርጥ ሀገርኛ ዘፋኝ ናቸው

የ2018 ዓ.ም. እጩዎቹ ተሸላሚ የሚሆኑት ሙሉ በሙሉ ከአድናቂዎቻቸው በሚያገኙት ድምጽ ሲሆን ድምጽ የሚሰጥበት ሂደትም ለዚሁ ዝግጅት በሚያገለግለው የኦዳ አዋርድ ድረ ገጽ oddaaward.com መሆኑ ተገልጿል።

የማይክሮ ፋይናንስ ተቋማትን ከብሔራዊ ዲጂታል ሥነ-ምህዳር ጋር ለማዋሃድ እየተሰራ መሆኑ ተገለጸ።

#FastMereja I አሪፍ ፋይናንሺያል ቴክኖሎጂስ ከኢትዮጵያ ፊንቴክ ኢንዱስትሪ ትራንስፎርሜሽን ፎረም (ETIFT) ጋር በመተባበር በዲኦሎፖል ሆቴል የማይክሮ ፋይናንስ ጉባኤ አካሂዷል። የማይክሮ ፋይናንስ ኃላፊዎች ጨምሮ የባለድርሻ አካላት የተገኙበት ጉባኤ ትኩረቱን በሚሊዮን የሚቆጠሩ ዝቅተኛ ገቢ ያላቸውን እና የገጠር ዜጎችን የሚያገለግሉትን የኢትዮጵያን ወሳኝ የማይክሮ ፋይናንስ ተቋማት (MFIs) ከብሔራዊ ዲጂታል ሥነ-ምህዳር ጋር ማዋሃድ እንደሆነ ተገልጿል።

ተቋሟቱን ከዲጂታል ጋር የማስተሳሰር ስራው በአሪፍፔይ እየተሰራ ሲሆን ከስራዎቹ መካከል የአሪፋይ ኤምኤፍአይ ስዊች (MFI Switch) አንዱ መሆኑ ተነግሯክ። ይህ አዲስ፣ ጠንካራ እና ደህንነቱ የተጠበቀ መሠረተ ልማት ሁሉንም የማይክሮ ፋይናንስ ተቋማት ያለምንም እንከን ከብሔራዊ የክፍያ አውታረ መረብ ጋር ለማገናኘት የተነደፈ ነው።

የአሪፍፔይ ዲጂታል ዋሌት የማይክሮ ፋይናንስ ደንበኞች ሂሳባቸውን እንዲያስተዳድሩ፣ ብድር እንዲቀበሉ እና በዲጂታል መንገድ ክፍያዎችን እንዲፈጽሙ የሚያስችል መሆኑ ተነግሯል።

በጉባኤው ላይ እነዚህ እና ሌሎች አዳዲስ የቴክኖሎጂ ውጤቶችን በጋራ ለማልማት Arifpay እና EtIFT የአጋርነት ስምምነት ፈጽሟል።

አሪፍፔይ በአሁኑ ወቅት ከ120 በላይ ሰራተኛ ይዞ በቀን እስከ 680 ሚሊዮን ብር በአሪፍፔይ በኩል እየተንቀሳቀሰ የሚገኝበት ፋይናንሺያል ቴክኖሎጂ ድርጅት ነው።

“ከመረጥኳቸው ጋር ቃል ኪዳኔን አደርጋለሁ”…ልበ አምላክ ቅዱስ ዳዊት በመዝሙር 88÷3

“ኪዳን” የሚባለው ቃል “ቃል” ከሚለው ጋር እየተቀናጀ በብሉይ ኪዳን ለ280 በሐዲስ ኪዳን ደግሞ ከ33 ጊዜ በላይ ተጠቅሷል፡፡ “ኪዳን” ቃሉ “ተካየደ” ተማማለ፣ ቃል ተገባባ ከሚለው የግእዝ ግሥ የተገኘ ነው፡፡ "ምሕረት” የሚለው ቃል ደግሞ ማብራሪያ ሳያሻው ምሥጢሩ ከነዘይቤው ከግእዝ የተወረሰ ነው፡፡
ስለዚህ ኪዳነ ምሕረት ማለት የምሕረት፣ የይቅርታ ውል፣ ስምምነት፣ መሐላ ማለት ነው፡፡ ኪዳን ከተራ ውሎችና ስምምነቶች የበለጠ ጽኑና ቀዋሚ ነው፡፡ ከፍ ያለ ክብደትም አለው፡፡ ልበ አምላክ ቅዱስ ዳዊት በመዝሙር 88÷3 “ከመረጥኳቸው ጋር ቃል ኪዳኔን አደርጋለሁ” እንዳለ እግዚአብሔር ከመረጣቸው ቅዱሳኑ ሁሉ ጋር ቃል ኪዳን አድርጓል፡፡ ወደ ፊትም ያደርጋል፡፡ ቃል ኪዳኑም የምሕረት ቃል ኪዳን ነው፡፡ ኪዳነ ምህረት ማለት የምህረት መሐላ ማለት ነው፡፡ ከ33ቱ የቅድስት ድንግል ማርያም በዓላተ አንዱ ነው፡፡

እመቤታችንም ከጌታችን መቃብር እየሄደች በምትለምንበት ጊዜ አይሁድ ለምቀኝነት አያርፉምና ምን ልታመጣብን ነው በማለት ሊጣሏት ሲመጡ ጌታችንም ከዓይናቸው ሰውሯታል አይሁድም ጠባቂ ቢያቆሙ እመቤታችን ዕለት ዕለት መሄዷን አላቋረጠችን እመቤታችንም “ልጄ ወዳጄ ሆይ ከስጋዬ ስጋ ከነፍሴ ነፍስ ነስተህ ሰው በመሆንህ ዘጠኝ ወር ከ5 ቀን በቻለችህ ማሕጸኔ ከአንተ ጋር ሀገር ለሀገር ስለ መሰደዴ መትተህ ልምናዬን ትሰማኝ ዘንድ እለምንሃለሁ” ብላ ስትጸልይ፣ ንውጽውጽውታ ሆነ መቃብራት ተሰነጣጠቁ ጌታችንም ከእልፍ አእላፍ መላዕክቱ ጋር መጥቶ ሰላም ላንቺ ይሁን እናቴ ምን እንዳደርግልሽ ትለሚኚኛለሽ አላት። እርሷም መታሰቢያዬን ያደረገውን፣ ስለ ስሜ ለችግረኛ የሚራራውን በስሜ ቤተ ክርስቲያን ያነጻውን መባዕ የሰጠውን ከሃይማኖት ከፍቅር ጽናት ልጁን በስሜ የጠራውን ሁሉ ማርልኝ ከሞተ ስጋ ከሞተ ነፍስ አድንልኝ አለችው፡፡

ጌታችንም ይህን ሁለ እንዳደርግልሽ በራሴ በአባቴ በአብና በመንፈስ ቅዱስ ማልኩልሽ ብሎ ቃል ገብቶላት አርጓል፡፡ በቅዱሳን ታሪክ፣ ገድልና ድርሳን እንደምናነበው እግዚአብሔር ከመሞታቸው አስቀድሞ ይገለጥላቸዋል፤ የምሕረት ቃል ኪዳንም ይሰጣቸዋል፡፡ አልፎ ተርፎም ለስማቸው፣ ለመስቀላቸው፣ ለልብሳቸው ገድላቸውን ለያዘ መጽሐፍ፣ አልፎ ተርፎም ለረገጡት አፈርና ለተጋደሉበት ቦታ ሁሉ ተርፎላቸዋል፡፡ ለቅዱሳን ከሞት አስቀድሞ የእግዚአብሔር መገለጥ ወይም የሚሞቱበትን ጊዜና የአሟሟታቸውን መንገድ ገልጦ መንገር በቅዱሳት መጻሕፍት የተለመደ ነው፡፡ ጌታችን በዮሐ.21÷39 እና 2ኛ ጴጥ.1÷14 ለቅዱስ ጴጥሮስ እንዴት ባለ አሟማት እንደሚሞት ነግሮታል፡፡ በሐዋ.20÷25 ለቅዱስ ጳዉሎስ ስለሚሞትበት ጊዜ ተነግሮታል፡፡

ከቅዱሳን ሁሉ እመቤታችን ድንግል ማርያም በሁሉም ረገድ ስለምትበልጥ ከተሰጣቸውም የምሕረት ቃል ኪዳን ለሷ የተሰጣት ኪዳን ኪዳነ ምሕረት ተብሎ ተለይቶ ይታወቃል፤ ማለትም ትጠራበታለች፤ ኪዳነ ምሕረት ትባላለች፡፡ ስለዚህ የኃጥአን ሁሉ ዓይን የእርሷን የምሕረት ቃል ኪዳን ተስፋ ያደርጋል፡፡ የሚገባቸውን ሁሉ አድርገው ላወቁትና ላላወቁት ጉድለቶቻቸው ሁሉ ስሟን ለሚጠሩ፣ ቃል ኪዳንን ለመቀበል ያበቃት ለሰው ልጆች ነጻነት ልጇ ለሰጠው ፍፁም መድኃኒት ምክንያት የሆነችበት ጸጋዋ ሁሉ በሥላሴ ፊት ይታሰብላቸዋል፡፡
ገዳማውያን በዚህ ቃል ኪዳኗ ታድናቸውው ዘንድ  ቀንና ሌሊት በውዳሴዋም በቅዳሴዋም ቅድስት ሆይ ለምኝልን ይሏታል፡፡ ገዳማቸውን እየረዳን በዓታቸውን እያጸናን ከበረክታቸው እንካፈል፡፡

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የኢሚግሬሽንና ዜግነት አገልግሎት ለከፍተኛ ግብር ከፋዮች የሚሰጠውን የመጀመሪያውን የዲፕሎማቲክ ፓስፖርት ሰጠ

#FastMereja I ለከፍተኛ ግብር ከፋዮች በልዩ መልኩ የዲፕሎማቲክ ፓስፖርት ማግኘት እንዳለባቸው የኢፌዴሪ ጠቅላይ ሚንስትር ክቡር አብይ አህመድ (ዶክተር ) መናገራቸው ይታወሳል ፤ ክቡር ጠቅላይ ሚንስተሩ ባስቀመጡት መመሪያ መሰረት የኢሚግሬሽንና ዜግነት አገልግሎት የመጀመሪያውን የዲፕሎማቲክ ፓስፖርት ሰቷል ።

የኦሮሚያ ክልል ወጣቶች የመጀመሪያ ዙር ተሽከርካሪዎችን ተረከቡ!

#FastMereja I ጤግሮስ ትሬዲንግ ከኦሮሚያ ወጣቶች እና ስፖርት ቢሮ ጋር በጋራ በመሆን በ20 ፐርሰንት ቁጠባ በኦሮሚያ ክልል ላሉ ወጣቶች ከቻይና የኤሌክትሪክ መኪኖችን በማስመጣት ዛሬ የመጀመሪያ ዙር የቁልፍ ርክክብ ስነ ስርአት ተከናውኗል።

በመጀመሪያ ዙር 154 ተሽከርካሪዎችን ለማስረከብ የታቀደ ሲሆን በዛሬው እለት 79 ተሽከርካሪዎች የቁልፍ ርክክብ በኦሮሞ ባህል ማዕከል ተከናውኗል።

ጤግሮስ ትሬዲንግ ከኦሮሚያ ወጣቶች እና ስፖርት ቢሮ ጋር በጋራ በመሆን በክልሉ ያሉ ወጣቶች ተጠቃሚ ከሚሆኑበት ፕሮጀክቶች መካከል ይህ አንዱ መሆኑ ተገልጿል።

ጤግሮስ ትሬዲንግ በአሁኑ ወቅት እየሰራቸው ካሉት ስራዎች መካከል ከኤዋይቢ መኪና ከሚባለው ካምፓኒ ከአስር አመት ውል በመፈራረም አብሮ እየሰራ ሲሆን ሁለተኛ ለወጣቶች የስራ እድል ለመፍጠር ብርሃን ገበያ የተሰኘ ፕሮጀክት አለው ሶስተኛ በቅርቡ ይፋ የሚደረግ ምንም አይነት ቁጠባ ሳይቆጥቡ የቤት ኪራይ ብቻ እየከፈሉ የቤት ባለቤት የሚሆንበት ፕሮጀክቶችን እየሰራ መሆኑ ተገልጿል።

ገና በ15 ዓመቱ ወደ ግሪክ ሔዶ የዘመኑን ትልቅ ጥበብ ወይም ፍልስፍና በጥልቀት ተምሮ ተመልሷል፡፡

በዘመናዊም ሆነ በመንፈሳዊ ትምሕርት ይህ ቀረህ የማይሉት ሊቅ፣ በሁለት ወገን የተሳለ ሰይፍ በመሆኑም እንኳን በሕይወተ ሥጋ እያለ ዛሬም ድረስ ለመናፍቃን ትልቅ የራስ ምታት ነው፡፡ ነገዱ ከሶርያ ሲሆን፣ በ347 ዓ.ም በእስክንድርያ የተወለደው ቅዱስ ዮሐንስ አፈ ወርቅ አባቱ አስፋኒዶስ እናቱ አትናስያ በትምሕርትና በጥበብ አሳድገውታል፡፡

ገና በ16 ዓመቱ ሃብት፣ ንብረት፣ ውበት፣ ክብርና እውቀት የሞላለት ቢሆንም ያለውን ሁሉ ለነዳያን ሰጥቶ መጻሕፍትን ብቻ ሰብስቦ ከባልንጀራው ቅዱስ ባስልዮስ ጋር በርሃ ገባ፡፡ ሰውነቱን በጾምና በጸሎት እየቀጣ ሲኖርም ወደእርሱ የመጡት ወንጌላዊው ቅዱስ ዮሐንስ ወንጌሉን፣ ሊቀ ሐዋርያት ቅዱስ ጴጥሮስ የመንግስተ ሰማያትን መክፈቻ ስልጣን ሰጥተውት ሄዱ፡፡ 

ከዚህች ዕለት በኋላ ቅዱስ ዮሐንስ አፈ ወርቅ ባሕረ ምስጢራት ሆነ፡፡ ከኦሪት ዘፍጥረት እስከ ራዕየ ዮሐንስ ድረስ በአንድምታ ትርጓሜ ተነተናቸው:: በተለይ ሐዲስ ኪዳንን እየመላለሰ አመሰጠረው፡፡ በሚያስደንቅ ሁኔታ ገና በለጋ እድሜውና በዲቁና ማዕረግ ቅዱስ ሕሊናው ሳይታክት፣ ንጹሕ እጆቹ ሳይዝሉ፣ የጻፋቸው ድርሳናት፣ መልዕክታትና ትርጓሜዎች 10 ሺህ ናቸው:: በኋላም በእግዚአብሔር ትእዛዝ ቅስና ተሹሞ በስብከተ ወንጌል ብዙ ቦታዎችን አዳረሰ፡፡ ሲናገርም ሆነ ሲያስተምር ከጣዕሙ የተነሳ ሕዝቡ በተደሞ ይሰሙት ልዑላኑ መላእክት ተሰብስበው ያደንቁት ነበር፡፡ ኋላም የቁስጥንጥንያ ፓትርያርክ አድርገው ሾሙት፡፡ መልዐከ ሞትን ገስፆ በሥልጣነ ቃሉ ለ10 ዓመት ያቆመው ንጉሥ አርቃድዮስ ግብር ባገባበት ወቅት በጉባኤ መካከል ስለ ቅደስት ድንግል ማርያም በማቴ.1÷25 “አረጋዊው ዮሴፍ የበኩር ልጇን እስክትወልድ ድረስ አላወቃትም መባሉ ስለ ምን ነው?” ጠየቀው፡፡

ቅዱስ ዮሐንስ ሲመልስም “ድንግል ማርያም ንጹሕ ብርሌን ትመስላለች፡፡ ብርሌ የተለያየ ቀለም ያለው ፈሳሽ ቢያስገቡበት ቀለሙ አብሮ ይቀያየራል፡፡ እመቤታችንም ጌታን ጸንሳለችና ሕብረ መለኮቱ ሲለዋወጥ መልኩዋ አብሮ ሲለዋወጥ እያየ ዮሴፍ ይደነግጥ ነበር፡፡ እርሷ ማን ናት? በማሕጸኗ ያለውስ ማን ነው?’ እያለ ይጨነቅ ነበር፡፡ ጌታን ከወለደች በሁዋላ ግን አንድ ሕብረ መልክ ሆናለችና፡፡ አስቀድሞ ማን እንደ ነበረች አላወቀም፡፡ አሁን ግን እርሷም ወላዲተ አምላክ፣ ልጇም አምላክ ዘበአማን መሆኗን አወቀ ማለት ነው” እያለ ሲተረጉምለት በዚያ የነበረች የእመቤታችን ስዕለ አድኅኖ “አፈ ወርቅ! ልሳነ ወርቅ! አፈ በረከት!” ስትል ተናገረች፡፡ እርሱም ባጭር ታጥቆ “እሰግድ ለኪ! እሰግድ ለኪ! ወእዌድሰኪ . . .” ብሎ ዛሬ በተአምረ ማርያም የምናውቀውን ምስጋና አደረሰ፡፡

ቅዱስ ዮሐንስ አፈ ወርቅ ለሰው ፊት አያደላም፡፡ የወቅቱ ንግስት አውዶክስያ የአንዲት ደሃ መበለትን መሬት ቀምታ አልመልስም በማለቷ ስላወገዛት፣ ከተወገዙ መናፍቃን ጋር መክራ ሁለት ጊዜ አጋዘችው፡፡ በተሰደደበት ሀገርም ፍሬ አፍርቶ አስተምሮና አሳምኖ በ407 ዓ.ም ቤተ ክርስቲያንና ምእመናን ሳይጠግቡት፣ በ60 ዓመቱ ሲያርፍም ታላቅ ሐዘንና ለቅሶ ተደረገ፡፡ ሊቁ ባረፈ በ35 ዓመቱ በትንሹ ቴዎዶስዮስ ዘመን ኅዳር 17 ሥጋው ፈልሶ ቁስጥንጥንያ ሲደርስ ህዝቡ ከናፍቆት የተነሳ በታላቅ ዝማሬና እንባ ተቀብሎታል፡፡ ቅዱሱም ቀና ብሎ ሕዝቡን ባርኳል፡፡ ምሳሌነቱ ሁሌም ሕያው ነውና ገዳማውያን እንደርሱ ዓለምን ንቀው ይመንነናሉ፡፡ ገዳማቸውን እንደግፍ በዓታቸውን እናጽና፡፡ 


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

ማስተር አብነት ከበደ ከታምሪን ሞተርስ ቃል የተገባለት ተሽከርካሪ ዛሬ ተረከበ።

ማርበርግ ቫይረስን አስመልክቶ ከብፁዕ አቡነ ፊልጶስ የደቡብ ኦሞና አሪ ዞኖች ሀገረ ስብከት ሊቀ ጳጳስ፣ የቅድስት ሥላሴ ዩኒቨርሲቲ ፕሬዝደንት የተላለፈ መልዕክት

እኔ ፈዋሽህ እግዚአብሔር ነኝ (ዘጸአት 15:26)።
ማርበርግ ቫይረስ በደቡብ ኢትዮጵያ ክልል አሪ ዞን ጅንካ ከተማ ከተከሰተበት ጊዜ ጀምሮ ሕይወታቸውን ላጡ ወገኖች የተሰማንን ጥልቅ ሐዘን እየገለጽን፣ ይህ ወቅት በበሽታው ሕይወታቸውን ካጡ ወገኖቻችን ቤተሰቦች እና በቫይረሱ ተይዘው ሕክምናቸውን እየተከታተሉ ከሚገኙ ተጎጂዎች ጎን ቆመን በአንድነት ድምፃችንን ወደእግዚአብሔር የምናሰማበት ጊዜ ነው።

ሁላችንም ወደ እግዚአብሔር ብንጮህ ይሰማናል፣ ይፈውሰናል፣ ጤናችንንም ይመልስልናል። እንደዚህ አይነት ፈታኝ ክስተቶች ለምን እንደሚከሰቱ ባናውቅም እንኳን የእግዚአብሔር ርኅራኄ ግን እንደማይለየን እናውቃለን። "እኔ ፈዋሽህ እግዚአብሔር ነኝ" (ዘጸአት 15:26) እንዳለ የፈውስ እጁ የታመሙትን ወገኖቻችንን ይዳስስልን፣ ያዘኑትን ያጽናናልን፣ ያረፉትን እረፍተ ነፍስ ይስጥልን፣ የዚህን ቫይረስ ስርጭትንም በምሕረቱ ያቁምልን። በጾምና በጸሎት ከመትጋት ባሻገር ማንኛውንም የጤና ባለሞያዎች እና የጤና ሥነ ምግባር የሚያዘውንና የሚፈቅደውን ሁሉ በማድረግ ለራሳችሁ: ለቤተሰቦቻችሁ: ለማኅበረሰባችሁ ተገቢውን ጥንቃቄ በማድረግ የየድሻችሁን እንድትወጡ አባታዊ መልእክታችንን እናስተላልፋለን።

ብፁዕ አቡነ ፊልጶስ የደቡብ ኦሞና አሪ ዞኖች ሀገረ ስብከት ሊቀ ጳጳስ፣ የቅድስት ሥላሴ ዩኒቨርሲቲ ፕሬዝደንት!
©EOTCTV