الخلگ من تطيك اتريده بعدين
هذا الوكت بذات حتى النشد دين

لـ علي السيد حسين

انه من اطب ديوان متعمد اجزيك
مو بطر بس زينات ما يلتگن بيك

لـ علي السيد حسين

جم زله الك عديت واغفرلك اني
ومو عبرن السبعين صارن گوواني

لـ علي السيد حسين

اليحبونك لصدك .. لا تسلهم
وابد عن سبب حبك .. لا تسلهم
من احجي وياك عفية .. لا تسلهم
احس تاخذ الروح بغير جية

لـ جبار رشيد

مشغولين بيمن .. من شغلكم
ولو مو شغلي هذا .. من شغلكم
بعد ما راح ابيجي .. ومنشغلكم
اموتن راح واخصمهة القضية

لـ جبار رشيد

حبيبي بيا بخت وياي .. شديت
وعدة هجرك الي شقدمت .. شديت
باصبعك حتة تذكر خيط .. شديت
انحصر دمك ولا فكرت بية

لـ جبار رشيد

طار وما كلت للناس .. عالطار
وشسولف عالجرح بالكلب .. عطار
جنت وياك شايل خلك .. عطار
طفل ما تشتري وتلعب علية

لـ جبار رشيد

هاك اشعل كلب كلبي .. ووج هاك
على حالي راح اعلمنك .. ووجهاك
بشالك من تلف شعرك .. ووجهاك
تلف روحي مثل لف المنية

لـ جبار رشيد

وحك الفجر من يزهك والغراب
من الاحباب ايست روحي والغراب
بوجهي البوم ضل صافن والغراب
نغك واستاحش من الصار بيه

لـ سيد نور الجابري

يكلبي اليستجيرك بعد لجير
وابد حسرات للمجفين لجير
أليريد يروح اكله روح لجير
انجلع وانه التحرمص موش اليه

لـ سيد نور الجابري

ردتك كون تصفه وياي يوساع
يسعي الكلب بس شيفيد يوساع
اذا رايد افراك الباب يوساع
جمل والباب رده وياك اليه

لـ سيد نور الجابري

طيور الشوك الف طاير ولفحاط
وغيرك لاتضن كلبي ولفحاط
جنت اجبال اشيلنها ولفحاط
الرمش هسه تشيله الناس اليه

لـ سيد نور الجابري

اعثرت بجفاك يم وادم تبعثار
وجفيت العافيه وحيلي تبعثار
تبعت الظعن جن بدوي تبعثار
الافت والظعن مطلـــوب اليه

لـ سيد نور الجابري

وحك سورة عصا موسى ولك هاف
ما تســـــكي زرع كلـــبي ولك هاف
يناهي العـــرك غث عينك ولك هاف
او من تنعس منامك بين اديه

لـ ابو معيشي

الها جــعود فــوك المــتن منساف
بحذر وصعد عليهن ساف منساف
لها يمة محمد عين منساف
ولها منحر يوسدني المنية

لـ ابو معيشي

زماني جرد سيوفه وسنها
عليّه او حرمت عيني وسنها
وحك الي فرض خمسه وسنها
بعد هيهات عيش يصير إليّه

لـ ابو معيشي

يجيب أظلم تذب ارشاك ودلاك
ولاصحلك صديق ارشدك ودلاك
ولا كلمن توده صار ودلاك
بكلبه ولا صفتله وياك نيّة

لـ ابو معيشي