n8n nima? Video dars.

Kod yozmasdan, avtomatlashtiradigan mashhur servislarni biri – n8n haqida video dars tayyorladim.

Darsda:

- n8n nima?
- n8n ishlatish bo‘yicha o‘zimni tajribam
- n8n ishlatish bo‘yicha tajribasi bor mutaxassislar qisqa intervyu oldim

▶️ To‘liq video https://youtu.be/5v3g0y0t8-g

Videoga layk va sharh qoldirsangiz, nur ustida a’lo nur bo‘lar edi.

Keyingi hafta yangi dars chiqadi, unda: n8n’ni $5lik serverga o‘rnatish, localhostda+nrgok bilan ishlatish, render.com o‘rnatish va bepul ishlatish. 

Salomat bo‘ling va ishchi haftangiz mahsuldir o‘tsin.

--------

@farkhod_com

Lovable bilan yana bitta sayt yaratdik

2 oy oldin, tanishim o‘quv markazi uchun sayt kerak bo‘layotganini aytdi. Men Lovable’ni maslahat qildim.

Tanishim sayt yaratishdan uzoq bo‘lgani uchun, ozroq yo‘nalish ko‘rsatdim.

🔥 Natija https://www.intellect-time.uz

Eng qizig‘i, 2 oy ichida sayt, Google qidiruvda natijasida birinchi sahifaga chiqdi. Bu degani, SEO to‘gri qilingan, reklamaga pul sarflanmagan. Terib ko‘ring Google’da “Мнемоника Ташкент” deb, natijani ko‘rasiz.

Sayt yaratish bo‘yicha qadam-ma qadam darslarim bor:

Dars-1: Loveable AI orqali 30 daqiqda sayt yaratish https://youtu.be/Tm3o2hk29j0

Dars-2: Yaratilgan saytdan, mijozlarni ma’lumotlarini jadvalga saqlash https://youtu.be/ztBw6gEGMdA

Dars-3: Saytdan ariza qoldirilsa Telegramga xabar olish https://youtu.be/46YHqhC0m-g

Dars-4: Saytni bepul serverga joylashtirish
https://youtu.be/wWQBxiWQIKk

Aytganimdek, AI bilan kod yozish, AI bilan raqamli mahsulot yaratish poyezdi shiddat bilan tez yuryapti, unga o‘tirib qoling, yangi instrumentlarni o‘rganing. Kuniga atiga 10 daqiqa Youtube ko‘rsangiz, yetarli bo‘ladi.

Meni darslarimni ko‘rib, sayt yaratganlar bormi?

———

@farkhod_com

⚡️n8n’ni bepul ishlatish bo‘yicha video darslik

Assalomu alaykum! Dam olish kunlarini yaxshi o‘tkazib oldingizmi?

Yangi video darslik chiqardim.

Videoda, n8n oylik $24 to'lovi o‘rniga, $5 yoki umuman bepul ishga tushirish bo‘yicha 3 ta usul ko‘rsatdim.

Videoda nimani o‘rganasiz:
– $4–5 serverga o‘rnatib, oyuga $20 tejash
– n8n’ni kompyuterga o‘rnatish va ngrok orqali internetga chiqarish
– n8n’ni Render.com’da bepul ishga tushirish

▶️ Youtube https://youtu.be/Szu0WtVm86w

Youtube video ostida, biror sharh qoldirsangiz, juda ham minnatdor bo‘lar edim.

Salomat bo‘ling.

———

@farkhod_com

Asoschining sotish qobiliyati startap uchun juda muhim.

Bugun zo‘r biznes tahlil ko‘rdim https://youtu.be/mRQSbkoSKK0?si=Ups1unpbq6a8_Mom&t=4919

1:22:00 dan 20 daqiqa ko‘ring, sotuv bo‘yicha zo‘r master-klass ko‘rsatgan. Tanimagan odamga qanday murojaat qilish kerak, qanaqa gaplarni aytish, ovoz qanaqa bo'lishi kerak kabi narsalar ko'rsatilgan.

Biz 4Rize.com boshida B2B qilib sotamiz degan edik, keyin B2B qiyinroq bo‘lgani uchun B2C qilgan edik. Sotuv bo‘yicha hech qanday tajriba bo‘lmagan, hozir ham juda yaxshi emas, lekin xatolardan saboq chiqarganmiz, boshqacha sota olaman.

Oddiy xatomizni aytaman – mijozga mahsulotimiz haqida yozdik, mijoz javob bermadi, shu bilan bo‘ldi, javob bermadi menga deb tashlab ketganmiz. Aslida nima qilib bo‘lsa ham u bilan uchrashishga harakat qilish kerak edi, kerak bo‘lsa har kuni bezovta qilish kerak edi, o‘sha vaqt bu maqsadga muvofiq bo‘lgan.

Sotuv vaqtida esdan chiqarish kerak “Obro‘yim to‘kilib qoladi, men haqimda nima o‘ylaydi?” degan gaplarni.

Videoda zo‘r aytgan: tasavvur qil, senga rad javob berdi, nima bo‘ladi shunda? Hech nima yutqazmaysan, lekin tajriba va yoqmaydigan javoblarni eshitishga yuzing pishadi, dedi.

Mahsulotni hamma yarata oladi, lekin uni sota olish sanoqli odamlarning qo‘lidan keladi.

-------

@farkhod_com

Milliard dollarlik startap asoschisi Toshkentda

Kecha Umed tashkil qilgan tadbirda, Higgsfield.ai asoschisi Aleks Mashrabov bilan ko‘rishish nasib qildi.

Aleksning prezentatsiyasidam, o‘zim uchun qilgan izoh bilan bo‘lishmoqchiman.

– Ota-onasi mexanik-muhandis, otasi vodiylik o‘zbek. Sovet Ittifoqi parchalanganidan keyin Qozog‘istonga ko‘chishgan.

– Higgsfieldan oldin boshqa startapini $160 mln’ga Snapchat’ga sotgan.

– Dasturlash bo‘yicha xalqaro olimpiadalarda oltin medalni bir necha bor qo‘lga kiritgan. Shu sababdan ham Silikon vodiysidagi yetakchi kompaniyalar nazariga tushgan.

– Higgsfield.ai boshidagi bir nechta relizlar xato bo'lganini aytdi. Bozorga kerak bo‘lmagan loyihalar chiqarishgan. Lekin xato qilmasalar, hozirgi holatga kelisha olmas edi.

– Tezlik juda muhim. O‘tgan xabarimda Higgsfield gipotezalar tekshirishi tezligi haqida yozgan edim

– Ular OpenAI, Google, ByteDance gigantlari bilan raqobatda tezlik bilan yutishyapti.

– Similarweb va Semrush servislarini investorlar startap saytini analiz qilish uchun ishlatar ekan, u yerda trafikka qaraydi, ko‘paydimi, demak bir gap bor, pul tiksa bo‘ladi. Men yuqoridagi servislarni SEO ma’lumot ko‘rish uchun ishlataman.

– Real katta loyihalarda odamlar haftasiga 70 soat ishlaydi. Ko‘rib turgan OpenAI, Google katta oylik injenerlari va asosiy jamoa kuniga 15 soatlab ishlaydi, imkonsiz haftasiga 40 soat ishlab raqobat qilish, dedi.

– CustDev, intervyu, biron ish qilish uchun hammadan ruxsat olish, kichik detallarga o‘ylangan PRD tayyorlash startapga to‘g‘ri kelmaydi. Hozir AI davrida, Lovable, Replit bilan juda qisqa vaqt ichida reliz qilib, gipotezani tekshirsa bo‘ladi, deyapti. Shu fikrini yozib olib, sharhda qisqa video yukladim.

Shunaqa gaplar, kuningiz xayrli o‘tsin.

-------

@farkhod_com

⚡️ Yangi dars

n8n’ga Google jadvalni ulash oson emas ekan, shu bo‘yicha dars tayyorladim.

▶️ https://youtu.be/aCUu05d_zhc

Keyingi dars, n8n asoslari haqida bo‘ladi.

Darslarim yoqadigan bo‘lsa, sizdan layk va video ostiga biron sharh qoldirsangiz, o‘zbek tilida foydali kontentni, ko‘proq kishi ko‘rar edi.

——

@farkhod_com

2 oy Lovable Pro bepulga

Obunachilarimdan biri @M7860M Lovable chegirmasi haqida xabar berdi.

Tekshirib ko‘rdim, ishladi.

Qanday ishlatamiz:

1. lovable.dev’ga kiramiz va yangi akkaunt ochamiz
2. Saydbarda "Upgrade to Pro" tugmasini bosamiz
3. Pro $25 tarif plan va 100 kredit tanlaymiz
4. Promo kod qo‘shishni tanlab, NEXTPLAY-LOV-25 yozamiz
5. To‘lov karta qo‘shamiz va obuna bo‘lamiz
6. 2 oydan keyin o‘chirish esingizdan chiqmasin, pul yechib oladi

@M7860M rahmat!

-----

@farkhod_com

Liberman aka-ukalar O‘zbekistonga nega keldi?

Aka-uka Libermanlarni tanimasligingiz mumkin, lekin internetda vazirimiz bilan tushgan rasmdan keyin eslab qolgan bo‘lsangiz kerak.

"Nega bular O‘zbekistonga kelishdi ekan?" deb savol bergan edim. Keyin ular bilan podkast ko‘rib qoldim https://youtu.be/wp7izqZmiWM

Libermanlar o‘zlarining Gonka.ai loyihasini targ‘ib qilib yuribdi va ularga GPU kerak.

GPU bu jismoniy uskuna (protsessor) va hozir asosan sun’iy intellekt hisoblashlari shunda bajarilmoqda. “Sun’iy intellekt modelimni o‘qitishim kerak, videokarta kerak” degan gaplarni eshitgan bo‘lsangiz kerak bu GPU kerak degani.

Ularning podkastini ko‘rganimda aytishdiki, hukumatlar GPU sotib olyapti, lekin uni bor kuchi bilan ishlatadigan o‘z loyihalari yo‘q ekan.

Libermanlar loyihasi Gonka.ai — markazlashmagan GPU hisoblash tarmog‘ini qurish. Hozirgi kunda GPU’larning aksariyati AQSHda. Bu degani, GPU talab qiladigan loyihalar u yerda tez rivojlanadi, GPU’si yo‘q davlatlar esa ortda qolib ketaveradi. Lekin ko‘pchilikda kichik miqdorda GPU’lar bor va aka-uka Libermanlar ularni bitta tarmoqqa ulashni xohlayapti. Markazlashmagan tarmoq sifatida eng yaqqol misol bu Bitcoin. Ya’ni dunyoni xar xil nuqtalarida, Bitcoin hisoblash uskunalari o‘rnatilgan, hech qayerda markazlashib yig‘ilib qolgani yoq.

Taxminim bo‘yicha, Libermanlar, hukumatlar sotib olgan GPU’larni o‘z loyihasiga qo‘shish targ‘iboti bilan yurishibdi.
Loyiha yaxshi, agar GPU’lar bo‘sh turgan bo‘lsa, nega uni ishlatmaslik kerak? Pul ham ishlasa bo‘lar ekan.

Kichik tahlil post bo‘ldi.

Reklamacha: Agar do‘stlar bilan kafeda o‘tirsangiz, hisobni bo‘lish uchun @plovsplitbot’ni ishlating — hisob bo‘lishda vaqt tejaysiz.

——

@farkhod_com

⚡️Yangi dars

n8n asoslari va 4 ta avtomatlashtirishni birga yig'amiz (38 daqiqa)

Videoda quyidagilarni o‘rganasiz:

1️⃣ n8n asoslari va unda qanday ishlash mumkin

2️⃣ Telegram’ga kelgan xabarlarni Google Sheets jadvalga avtomatik yozish

3️⃣ Telegram’dagi ovozli xabarni Gemini API bilan matnga aylantirish va uni jadvalga saqlash

4️⃣ Sun’iy intellekt yordamida rasm yaratish va Telegram orqali natijani olish

5️⃣ Forma orqali ma’lumotlarni qabul qilib olib, uni jadvalga saqlash

👉 Darsni ko‘rish https://youtu.be/JLdPbSs1Xg0

Sizlardan Youtube’da sharh qoldirish va layk, mendan esa yangi darslar. Rahmat!

————

@farkhod_com

Yangi obunachilarim bilan yaqinroq tanishmoqchiman.

Ismim Farhod, yoshim 38da, 3 nafar farzand otasiman. 

⬩ Hozirgi kunda Buyuk Britaniyaning Moneff kompaniyasida Product Manager vazifasida faoliyat yuritaman;

⬩ Sun’iy intellekt va biznesni avtomatlashtirish mavzusiga qiziqish juda katta va bu mavzuda Youtube'da video darslar chiqaraman;

⬩ Telegram kanalimda esa sun’iy intellekt, mahsulot menejmenti, startap qurish tajribam bilan bo‘lishib boraman;

⬩ Haftasiga 2 marta 10 km yugurishga harakat qilaman, Strava'da kuzatishingiz mumkin;

⬩ ADPList xalqaro mentorlar platformasida mentorman. Ancha kishiga ish topishda va karyerasini qurishda yo‘l ko‘rsatganman. 2022-yilda dunyoning top mentorlar ro‘yxatiga ham tushish nasib qilgan.

⬩ O‘zbekistonda e’tiborga loyiq mahsulot menejerlari ro‘yxatiga ham qo‘shishgan.

⬩ 4Rize.com startapiga asos solib, yopish darajasigacha olib bordim. Bu loyiha mahsulot menejeri bo‘lishimda eng katta tajribani bergan.

——

@farkhod_com

Foydali kuzatuv bilan bo‘lishmoqchiman. Bu haqida LinkedIn’ga yozgan edim, lekin Telegram’ga yozish esimdan chiqibdi.

4Rize.com startapini yaratganimizda, Gulnur co-founderim bilan har xil marketing kanallarini o‘rganganmiz. Asosiy maqsad – pul sarflamasdan saytimizga trafik olib kelish edi.

Eslatib o‘taman – 4Rize bu fintech ilovalarning skrinshotlari va qanday ishlashini ko‘rsatadigan videolar jamlangan katalog edi.

Bir kuni YouTube’ni ham saytimizga organik trafik olib kelish uchun ishlatishni reja qildik.

Bizda gipoteza bor edi – bizning potensial mijozlarimiz biron ilovaning qanday ishlashini ko‘rish uchun YouTube’da ham qidiruv beradi, degan.

Gipotezani sinash uchun 4Rize YouTube’ga sekin-asta 13 ta Shorts video yukladik. 2 oyda biz kutgan natija bo‘lmadi. “Ha, mayli”, dedik va boshqa kanallarni qidirdik.

Oradan 9 oy o‘tib, 4Rize YouTube Shorts’lari qanday “yashayapti” deb kirsak, videolarda 33 ming, 26 ming, 20 ming, 12 ming kabi ko‘rishlar bor. “Nima? Qanday?” degan savollar paydo bo‘ldi bizda ham.

Videolar:
Uzum ilovasida ro‘yxatdan o‘tish — 33 ming
Agrobank ilovasiga kirish — 27 ming
SQB Joyda ilovasiga kirish — 20 ming
Ipoteka Bank ilovasiga kirish — 12 ming

Kimlar ko‘ryapti, kimlar layk bosyapti desangiz, bular biz qidirgan dizayner, product manager auditoriya emas, oddiy insonlar ekan. Shunchaki bank ilovalarida ro‘yxatdan o‘tish yoki uni ishlatishni bilish uchun qidirishgan.

Mana sizga foydali kuzatuv – siz xayolingizda ilovada ro‘yxatdan o‘tish oson deb o‘ylaysiz. Lekin internet endi kirib borayotgan qatlam uchun, endi texnologiya bilan tanishayotgan auditoriya yoki yoshi katta insonlar uchun shunchaki telefon raqamini kiritish, parol qo‘yish ham qiyin bo‘lishi mumkin. Yuqoridagi sonlar bunga yaqqol misol.

Ayniqsa bank ilovalari foydalanuvchilari auditoriyasi juda har xil. “Bizning bankdan faqat shu segment foydalanadi”, deb ayta olmaysiz. Juda turli auditoriya foydalanadi.

Qissadan hissa shuki, bank ilovalaringiz qanday ishlashini ko‘rsatadigan YouTube kanal oching. Foydalanuvchi ishini oson qiling. Shunaqa o‘rgatuvchi videolarga auditoriya muhtoj ekan.

P.S. Shorts’da izohlar yo‘q edi, sababi YouTube’ning o‘zida yopilgan ekan. Bugun hamma video uchun izoh yozishni ochdim.