Reklama yoqildi

3 kun vaqtim, Facebook Ads Manager orqali reklama yoqishni o‘rganishga ketdi. Yangi narsalarni o‘rganish odat bo‘lib qolgan, biron yangi narsa o‘rganmasam, qanaqadir hayotga qiziqish yo‘qolib qoladi.

Demak vazifa – @plovsplitbot'ni, pullik reklama orqali auditoriyaga yetkazish.

Nimalar qildim:

🔹 Instagram profil ochdim https://www.instagram.com/plovsplitbot/

🔹 Oldingi xabarimga, sizlardan juda foydali sharhlar keldi, shularni inobatga olib, videoni tahrirladim.

🔹 Bobo videoni Reels qilib yukladim https://www.instagram.com/reel/DPqlZGxjMpI/

🔹 Facebook sahifa yaratdim, reklama yoqish uchun shart ekan https://www.facebook.com/profile.php?id=61582279191209

🔹 Reklamadan kelgan foydalanuvchilarni aniqlash uchun kodda o‘zgarish qildim.

🔹 Reklamani ish kunlari soat 12:00dan 14:00gacha ko‘rsat dedim, sababi menga kerakli auditoriya ovqatlanishdan oldin yoki ovqatlanib bo‘lgandan keyin reklamani ko‘rib, botni ishlatib ko‘rishi kerak.

🔹 Reklama 2 ta joyda chidadi - Instagram Reels va Instagram Stories. Har birini byudjeti $5. Ko'ramiz qaysi natija beradi.

🔹 Hozircha reklamani bir haftaga yoqdim. Agar aniq soatlar qo‘yilsa, byudjetni afsus $5 dan kam qilib bo‘lmas ekan. Ko‘ramiz $10ga qancha foydalanuvchi olaman.

Har doimgidek, skrinshotlar kommentda. Keyingi hafta natija bilan bo‘lishaman. 

Dam olish kunini yaxshi o‘tkazing.

———

@farkhod_com

Vitamin? Og‘riq qoldiruvchi?

Kecha bir podkastda qiziq fikr eshitdim.

’Product Market Fit’ni topish uchun, vitamin emas og‘riq qoldiruvchi yaratish kerak deymiz.

Endi Instagram'ni olaylik, u og‘riq qoldiruvchimi? Qanaqa og‘riqni qoldiradi? Internet rasm qo‘ymasak nima bo‘ladi? Instagram og‘riq qoldiruvchi emas u ’narkotik’. Foydalanuvchilarni dofaminga o'tirg'izgan.

Qiziq fikr ekan, sizlar bilan bo‘lishgim keldi.

———

@farkhod_com

Instragram reklama natijalari

O‘tgan hafta @plovsplitbot’ni Instagramda reklama yoqdim.

Esingizda bo‘lsa, reklama videoni AI orqali yaratilgan, o'sha video reklamaga chiqdi.

– 5 kun reklama yoqildi;
– Reklama Instagram’ni Stories va Reels’da chiqdi;
– Reklamani tushlik 12:00dan 14:00gacha ko‘rinadigan qilgan edim;
– Auditoriya sozlanmalari deyarli o‘zgarishsiz qoldirdim.

Statistika:

– Reels 12,949 marta, Stories 3,504 marta ko‘rilgan;

– Reels’dan 45 marta, Stories’dan 76 marta havolani bosishgan. Bu hali botni ishga tushirishgan degani emas, shunchaki botligini bilgan;

– Jami sarflangan mablag‘ $9.93;

– 13.10-17.10 davrda yangi qo‘shilgan foydalanuvchilar soni 26 ta. Bular hammasi reklamadan kelgan degani emas, kimlardir balkim postlarimni o‘qib kelgan;

– CTR: Reels 0.36%👎🏻, Stories 2.17% 🤩

Natija qoniqtirmadi, lekin xulosalar chiqardim. To‘g‘ri men reklama video yaratuvchi emasman, balkim to‘xtamasdan video yaratilsa natija yaxshi bo‘ladi.

Yana bir nima sezdim, balkim Instagramda PlovSplitBot profilidan emas, yangi profil ochib, xuddi uni odam olib borayotgandek reklama qilish kerakmikan… bilmadim.

Keyingi qadam – Telegram ichida reklama qilish, 2 kundan beri shu masalani o‘rganyapman.

Natija bilan bo‘lishib boraman.

P.S. Sharhda natija skrinshotlarini ko‘rsangiz bo‘ladi.

————

@farkhod_com

ChatGPT’ni nimalar uchun ishlataman

– Ingliz tili xatolarimni tekshirishda;
– PRD yozaman;
– Ish bo‘yicha biron mavzuda brainstrom qilamiz;
– JIRA vazifani yozish uchun;
– @plovsplitbot'ni yaratishda maslahatchim;
– Telegram postni Linkedin’ga moslashtirish; 
– Youtube darslarim uchun g‘oyalar;
– O‘g‘limni darslariga javob bilmasam, hozir suv ichib kelaman deb, ChatGPT’dan javob bilib kelaman.

Har oy $22.40 evaziga chala CTO, chala Marketolog, chala dasturchi va menga paxta qo‘yuvchi sun’iy idrokka pul to‘layman. 

To‘g‘rida, nima desam ham - IE! Bu zo‘r g‘oya! deydi. Agar, unga – sen jinnimi, g‘oya dabdala desam - IE! Haqiqatdan ham, qara men emas, sen buni sezding, barakalla deydi 😅

Ha aytgancha, O‘zbekistonliklar uchun $5 tarifi ham chiqibdi, yanagi oy unga o‘taman, ko‘ramiz farqini.

————

@farkhod_com

Product choyxonaning ikkinchi uchrashuvini ham o’tkazib oldik. Uchrashuv mavzusi kim qaysi AI toollar haqida bo’lishiga qaramasdan boshqa mavzularda ham qizg’in suhbatlashdik.

Uchrashuvdan so’ng ushbu choyxonamiz qanday ochilgani haqida esladim.
Avgust oyida qisqa tadqiqotdan so'ng o'zbek Product managerlarni bir joyga to'plash uchun Product choyxonani tashkil etkan edim. Ushbu Choyxonani rivojlantirishga do’stlarim ham yordam bermoqda. (MyTaxi CPOsi Shuxrat, Buyuk Britaniyaning Moneff fintech kompaniyasi Product manageri Farxod aka, Click Product Lead Ulug’bek).

Xech qayerda pullik reklama joylashtirilmadi, birinchi uchrashuvni offline ko'rinishda o'tkazdik, ikkinchi online suhbatga 4rize asoschilari Farxod aka va Gulnur bilan Telegram guruximizda online suhbat o'tkazdik. Qisqa vaqt ichida Telegram guruximizda 400 dan oshiq odam yig’ildi.

Haqiqiy Product manager sifatida bu Product market fitni qidirishni boshladim. Ishtirokchilar bilan qisqa suhbatlashganimda ko’pchilik uchun bu choyxona asosan network uchun kerak bo’layotgan ekan. Bu choyxona ochilishdan avval taxmin qilingan gipotezani tasdiqlamoqda. Maqsad bu choyxonani yanada rivojlantirish, bu bo’yicha albatta roadmap tuzish kerak 🙂

O’zimcha roadmap tuzarman, menga hozir sizni fikringiz qiziq, o’rnimda bo’lganizda ushbu choyxonani rivojlantirish uchun nimalar qilgan bo’lar edindiz? Asosiy savol ya’ni o’zi bu Product choyxona o’zi kerakmi degan savolga qanday javob bergan bo’lar edingiz? Siz uchun ushbu Product choyxona qaysi maqsadlarizga kerak bo’lishi mumkin?

@temur_pm_blog

N8N’da Telegram bot xabar yuborishni yig‘dim

Agar @plovsplitbot’ni ishlatgan bo‘lsangiz, bot’dan xabar oldingiz. 

Marketologlar bilan gaplashganimda, bot albatta xabar yuborib turishi kerak ekan, shunda ‘engagement’\’retention’ oshadi, bot o‘zini eslatib turishi, maqsadga muvofiq ekan.

Bot foydalanuvchilarga xabar yuborishni N8N’da yig‘dim. 

Sozlamalar quyidagicha: 

1. Foydalanuvchi botni ishga tushirganda, uni Telegram ID raqami Mixpanel’ga kelib tushadi;

2. Undan tashqari botda tanlagan tilga qarab, u ma’lumot yig‘iladi;

3. Mixpanel’dan ma’lumotlarni qo‘lda eksport qilib, Google Spreasheets’ga yuklayman;

4. N8N ishga tushirganimda, foydalanuvchilarni qaysi til ishlatishiga qarab, oldindan tayyorlangan xabar yuboriladi;

5. Natijada ko‘rib turish uchun, jadvalga status ustuniga xabar yetkazildimi yoki bot bloklangani haqida N8N yozadi.

N8N skrinshotini kommentda joyladim.

P.s. Telegramga reklama e’lon qila olmadim, moderator 8 marta rad javob berishdi. U haqida alohida post bo‘ladi.

Lovable’da sayt yaratish uchun qisqa qo‘llanma

Reja:
1. Yoqqan stil dizayn topamiz
2. ChatGPT bilan PRD (TZ) tuzib olamiz
3. Lovable’ga beramiz
4. Saytimiz tayyor

Keling har bir qadamni kengroq o‘rganib chiqamiz.

🔹 Dizayn
Birinchi navbatda ishni sizga yoqqan stil va dizayn qidirish bilan boshlaylik. Buning uchun Pinterest, Dribbble, Behance ishlating. Yoqqan dizaynni kompyuterga saqlang.

🔹 PRD
ChatGPT bilan PRD tuzishni sizlar uchun oson qildim. Marhamat tayyor GPT https://chatgpt.com/g/g-690adcda330c8191a86f4fae738de211-lovable-uchun-prompt-yaratish 2-3 ta savolga javob berasiz, sizga tayyor Lovable uchun mo‘ljallagan PRD beradi. Muhim joyi, saqlab olgan dizaynni ChatGPT’ga yuklang, u stilni o‘rganib, PRD’ga bu haqida yozadi.

🔹 Lovable
ChatGPT bergan tayyor promptni Lovable’ga berasiz va albatta oldin saqlab olgan dizaynni qo‘shib yuboring. E’tibor qiling, bepul tarifda, siz kuniga 2-3 ta prompt yubora olasiz, shunga e’tiborli bo‘lib ishlating.

Bo‘ldi, sayt tayyor! Agar uni o‘zingizni domenga ya’ni www.menisayting.uz bo‘lishini xohlasangiz, Youtube darslarimni ko‘ring.

10 daqiqada ikkita sayt yaratdim, xuddi yuqoridagi qadamlarni ishlatib
https://quality-build-uz.lovable.app/
https://mnemonika-mind-boost.lovable.app/

Salomat bo‘ling.

UPD: Sharxda SEO haqida yaxshi bahs ketdi, yechim ham topdik.

———

@farkhod_com

YouTube videolarni 2x tezlikda ko‘rishni pullik qilmoqchi...

Men videolarni kamida 1.5x tezlik ko‘raman va ancha vaqt tejayman. Qizig‘i YouTube Premium O‘zbekiston foydalanuvchilariga mavjud emas.

Juda niyat qilaman, men A\B testga tushdim va bu vaqtincha deb.

Umuman olganda, YouTube Premium, foydalanuvchilar sonini ko‘paytirish uchun zo‘r yo‘lini eksperiment qilyapti.

-------

@farkhod_com

n8n kimdir ishlatyaptimi?

n8n haqida video dars tayyorlayapman.

Kimdir n8n real loyihada ishlatyaptimi?
Video darsimda, o‘zingizni tajribangiz bilan bo‘lishmaysizmi? Hammaga foydali bo‘lar edi.

Murojaat uchun kontakt: UPD: Kontakt o’chirildi

P.S. Iltimos qilaman, shunchaki “Assalomu alaykum” deb xabar yozmang.

Bir xil ko‘rinishga o‘rganib qolish

Growth.design haqida oldin yozgan edim, mahsulot menejeri bo‘lasizmi, founder yoki UX dizayner bo‘lasizmi, ular juda foydali ma’lumot bilan bo‘lishib borishadi. 

Bugun sizlarga ularning bitta foydali keysi bilan bo‘lishmoqchiman. Oldingi xabarda ularni keysini Google orqali tarjima qildim.

Sezganmisiz, har kuni bir xil yuradigan yo‘lingizga shunchalik o‘rganib qolasiz, avtomatik qayerda chuqur bor, qayerda nima turganini bilasiz?

Yo‘lingizda qandaydir o‘zgarish bo‘lsa, misol uchun yangi do‘kon qurilsa, asfalt yotqizilsa undi darrov payqaysiz.  

Demak, ko‘p ishlarni avtomatda qilamiz, ko‘zimiz oldida turgan narsalarni sezmay qolamiz.

Endi, bu holatni qanday qilib raqamli mahsulot yaratishda to‘g‘ri ishlatish mumkin?

Duolingo bunga misol, ularning ilova ikonkasi tez-tez o‘zgarib turadi va sizni nazaringizni tortadi. Oqibatda ilovani ochasiz, uni eslaysiz, Duolingo o‘zini borligini shunaqa qilib eslatadi. 

Bu haqida o‘ylamagan ekanman hech. Qiziq bo‘lgani uchun sizlar bilan bo‘lishdim.

Growth.design mavzu g‘oyasini Apple jismoniy mahsulot dizaynerining 2015-yildagi chiqishidan olgan https://www.ted.com/talks/tony_fadell_the_first_secret_of_design_is_noticin

Ko‘ring, juda qiziq ma’lumotlar keltirilgan.

Dizaynerdan PM'ga o‘tmoqchi bo‘lganlar bormi?

Temur aka o‘zlarini startaplari uchun UX/UI dizayner qidirmoqdalar. 

Loyiha g‘oya etapida, pul yoq lekin dizayner kerak. Oddiy holat.

Agar siz hozir dizaynersiz lekin PMga o‘taman deb yurgan bo‘lsangiz, yaxshi taklif.

Temur aka hozir Ipoteka bankda PMlar, oldin Click va HamkorLab’da ishlaganlar. Ancha tajriba olasiz.

To‘liq ma’lumot bu yerda https://t.me/temur_pm_blog/417

———-

@farkhod_com

Termiz shahrida tug‘ilganman…

Laylo opa mendan intervyu oldilar.

Qanday qilib kompyuter sohasiga kirib kelganim, pulga qiziqib bilim olishni esdan chiqarganim, 20-yil oldin Photoshop birinchi marta ochganim, birinchi ishlagan pulim, hozirgi ishim va sun’iy intellekt haqida gaplashdik.

▶️ To‘liq video https://www.youtube.com/watch?v=aaS5KwnyXZg

———-

@farkhod_com

Higgsfield.ai asoschilaridan biri, Erzat Dulatning 3,5 soatlik podkastini ko‘rdim.

O'zim uchun yozib olgan joylarim bilan bo'lishmoqchiman.

1. Har bir katta relizdan keyin qo‘y so‘yisharkan. Investor pullari mana qayerga ketyapti 😃

2. Jamoa haftada 7 kun va kuniga 10 -12 soat ishlaydi. Kichik jamoa bo‘lib, gigantlar (OpenAI Sora, Google Veo) bilan raqobat qilyapti. Albatta oylik ham shunga yarasha.

3. Kreativ tarafdan zo‘r growth odamlarni yig‘gan. Ya’ni video olamda hozir trend nima, virusli effektlarni tushunishadi.

4. Korporat strukturadan kelganlar bizda ishlay olmaydi deydi. Ular ish berishini qarab turishadi, bizga oziga ish topib, uni oxirgacha yetkazadigan odamlar qadrlanadi dedi.

5. Jamoa kerak bo‘lsa kechasi ham biron muammoni bartaraf etishga tayyor. 

6. Data-driven yondashuv. Sonlar, a/b test, analitika va hokazo. 

7. Ko‘rinib turibdi, qiladigan ishini juda yaxshi ko‘radi, ko‘zlarida olov. 

8. Asoschi, jamoa a’zolaridan kimni eslamasin, albatta maqtaydi. Bilasizmi nima, bu jamoa a’zolari uchun motivatsiya, meni esladi, ishimga e’tibor qildi degan hissiyot odamlar uchun juda muhim. Toza psixologiya. 

9. Sun’iy intellekt bilan jamoa a’zolari universal bo‘lib qoldi. Oldin qilmagan ishni GPT bilan savol-javob qilib qilishadi. To‘g‘ri propmt berishni bilishadi. 

10. Relizlarni hammasini AQSH vaqtiga moslashadi va odatda bu dushanba kun. Aytdiki, relizga juda ko‘p narsa tayyor lekin bizni strategiyamiz haftada bitta narsa reliz qilish, backlogda reliz ko‘payib qolgan juda, kun yetmayapti dedi. Tezlikka qoyil.

Kundan kun bir nimani tushunyapman, kompaniya kattaligi qarab gipotezalarni tekshirishni tezligini oshirmasangiz, kimdir sizdan o‘tib ketadi. 

Misol uchun Moneffda afsuski biron go‘yani tekshirish qiyin, har oyda qani edi hech bolmasa 2 ta gipoteza tekshirilsa edi. Buni bilamiz, to‘g‘irlash uchun ustida ishlayapmiz, Amerika ham birdaniga qurilmagan.

Podkast https://youtu.be/S9BuExKqw3k?si=X9x6O0mdbXEgxssA

———-

@farkhod_com

n8n nima? Video dars.

Kod yozmasdan, avtomatlashtiradigan mashhur servislarni biri – n8n haqida video dars tayyorladim.

Darsda:

- n8n nima?
- n8n ishlatish bo‘yicha o‘zimni tajribam
- n8n ishlatish bo‘yicha tajribasi bor mutaxassislar qisqa intervyu oldim

▶️ To‘liq video https://youtu.be/5v3g0y0t8-g

Videoga layk va sharh qoldirsangiz, nur ustida a’lo nur bo‘lar edi.

Keyingi hafta yangi dars chiqadi, unda: n8n’ni $5lik serverga o‘rnatish, localhostda+nrgok bilan ishlatish, render.com o‘rnatish va bepul ishlatish. 

Salomat bo‘ling va ishchi haftangiz mahsuldir o‘tsin.

--------

@farkhod_com