قصائد سيد فاقد الموسوي مكتوبة

بسمة تعالى

القصيدة :- ياأبن علي (محرم ١٤٤٢ ه)
الرادود :- سيد فاقد الموسوي
الكلمات :- سيد محمد الموسوي

~~~~~~~~~~~~~~~~~

ياأبن علي ياحلات أرسومك
ياأبن علي وأصلتني علومك

هذا قرآن علي الجان يرتل حروفه
جنه عباس بالإحساس دخيل جفوفه
هيبة حسين والسيوف تخاف تشوفه

شهله عين .. مدري منين .. ماخذ جماله ولونه
من حسين .. لو عباس .. لو كلهم يشبهونه
كلهه تكول .. من يفوت .. الله يخلي عيونه

ياأبن علي ياحلات أرسومك
ياأبن علي وأصلتني علومك

○•○•○•○•○•○•○•○•○•○•○•○•○•

قبلة الشوگ يمعشوگ يهيبة هاشم
حلوه الزلوف والچفوف تحلي الصارم
چان الحسين يمولاي يكلك خادم

وأنت تكول .. لا يحسين .. أنت العشگ والغاية
هاي الناس .. كلها تروح .. فدوه الضحكتگ هاية
چا شنصير .. محتارين .. لطامه لو مشاية

ياأبن علي ياحلات أرسومك
ياأبن علي وأصلتني علومك

•○•○•○•○•○•○•○•○•○•○•○•○•○•

الله سواك يمحلاگ يمحد شابهگ
سمرة الجفوف والزلوف طبگهه بحاجبگ
كل الأوصاف ترة تخاف توصف شاربگ

والنظرات .. والضحكات .. سبحانه المسويهه
صفاتك .. حلاتك .. مو أنه أسولف بيهه
لو جبريل .. لو قرآن .. لو حيدر اليحجيهه

ياأبن علي ياحلات أرسومك
ياأبن علي وأصلتني علومك

•○•○•○•○•○•○•○•○•○•○•○•○•○•

كاسر الليل يالكحيل گمر بخدوده
ترهب العين والعيون عليه محسوده
سورة التين والإخلاص هذني شهوده
والدخان والميزان والرحمن والكوثر
والأفلاك والأملاك والإكوان والمحشر
مخلوقات لجل حسين ولعباس ولحيدر

ياأبن علي ياحلات أرسومك
ياأبن علي وأصلتني علومك

•○•○•○•○•○•○•○•○•○•○•○•○•○•
أنتَ تنشال يخيال حرز بگلوبنه
أن شاءالله تصير يمولاي عليك دروبنه
يوسف الشوك والگلوب جزت يعگوبنه
مشتاگين صار سنين والخلصّن خساره
نطلع شوك ونلاگيك وتبين المناره
كون تصير ويه حسين هم للحسن زياره

ياأبن علي ياحلات أرسومك
ياأبن علي وأصلتني علومك

________________________
@faqdalmawsawi

3.5K viewsسجاد الخزعلي, 15:04