☜ بـسمـه تعـالى ☞

الـقصـيدة : من هدت الخيل
اداء : سيد فاقد الموسوي
كلـمات :

✮✮✮✮✮✮✮✮✮✮✮✮

من هدت الخيل نذعرنه
محدبة على محدبة نهطرنه
گمنه ورجعنه نوب طحنه ..

وحدة وحدة اجمع بناتك وتفزع الخيل وتطشهن
ومن جديد نوب ادور وبطلاع الروح المهن

من هدت الخيل نذعرنه ...
ــــــــــــــــــــــــــــــــــــــــــــــــــــــــــ

حرگن ذيال العبي الخيمات
وبينه بخت لو مامحدبات
اعلينه العبي صارن گصيرات ..

بين نارين اتركتني وتيهت يحسين دربي
نارهم حرگت عباتي وناركم تحرگ بگلبي

من هدت الخيل نذعرنه ...
ــــــــــــــــــــــــــــــــــــــــــــــــــــــــــ

طريت الخيول ولفيتك
اسمع ونينك مالگيتك
رديت للتل ونخيتك ..

صاحوا ايسي حسين نايم مايمض بيه الصياح
احنه بگنه هدومه منه وراسه بايگته الرماح

من هدت الخيل نذعرنه ...
ــــــــــــــــــــــــــــــــــــــــــــــــــــــــــ

صاحوا علي يم راي مفگود
تدورين واحد موش موجود
هواي الجثث وحسين ممرود

ردي صاحوا ضاع اخيچ وين تلگين الحسين
اعليمن اتعبين روحچ احنه مانندله وين

من هدت الخيل نذعرنه ...
ــــــــــــــــــــــــــــــــــــــــــــــــــــــــــ

جاب الحبال واجه الحداي
ولمونه غيمة عبي بلا ماي
مدن اديچن گال بهداي ..

گتله يلحادي انه اچتفها الحرم وانت احدي بيهن
هاي نسوان آل هاشم للغرب ماتطي اديهن

من هدت الخيل نذعرنه ...
ــــــــــــــــــــــــــــــــــــــــــــــــــــــــــ

وتالي يبن گلبي وحنانه
ادري العتب موش بمچانه
مشلوع گلبك چنك انه ..

مو عتب بس هيه تهظم امشي اديه مچتفات
بنت علي ومسبية اروحن هن ذني التايهات

ـــــــــــــــــــــــــــــــــــــــــــــــــــــــــ

@faqdalmawsawi

☜   بـسمـه تعـالى  ☞

الـقصـيدة : الخبر جذاب
اداء : سيد فاقد الموسوي
كلـمات : حمزه الحسناوي
~~
يمه اعليج ما ذبينه التراب . يمه يمه
تانينه اليكول الخبر جذاب . يمه يمه
**
ما يطلع عسه ولا صار باجر
يبرد بيتنه و تدفه المكابر
تانينه اليكول الخبر جذاب . يمه يمه
**
يمه البيت وحشه وضلمه بجافج
لو احط بي شمس هم يبقه ضلمه
يا ثكل الخبر لاكيته بس جان
مثل التنزل النار اعله عظمه
جنت اغفه و افز لليمه مشتاگ
تطلع روحي اذا ماگول يمه
توه الشيب يين بيه توه
هوه الماتت امه يموت هوه
**
معتينه الجرح بجفاج بو طاب . يمه يمه
تانينه اليگول الخبر جذاب . يمه يمه
**
الله اعله الايام الجانت وياج
نزغر يمج و تكبر غلاتج
ومصلايتج لو صار الاذان
نركض كبنه نفرشهه لصلاتج
مانبرد گبل من جنتي بس عود
نبرد حنه نتغطه ابعباتج
مانكبر تمنينه اونريدج
حته انام كل احنه اعله ايدج
**
ياوسفه اوكبرنه اوحضنج الغاب . يمه يمه
تانينه اليگول الخبر جذاب . يمه يمه
**
كل اوداع هين يجزي اويروح
بس اليفكد امه ايعوره الوداع
ضحكه اوسالفه اوعشره اودللول
كلهن مره وحده يروحن ابساع
شايف من تجيك اوتشبك الطيف
تكعد تلكه روحك شابك الكاع
ماكو اكبر بعد من هيج حسره
من وجه امك ايسمونه ذكره
**
سويت الدمع بفراگج انگاب . يمه يمه
تانينه اليگول الخبر جذاب . يمه يمه
**
بمچان الكعدنه اوياج رديت
بس هلمره رد اوياي دمعي
يابعد الحسين الينسحگ كون
بسمارج يصير ابوسط ضلعي
باجر حته احس ابكسر الضلوع
اعله الخيل التهد ما اصيح ارجعي
كون هناك و تشوفين حالي
من ظهر الحسين ايصير خالي
**
واحسب ولدي بس احسبهم ارگاب . يمه يمه
تانينه اليگول الخبر جذاب . يمه يمه
**
يم حسين موتج موت حسين
اول طف بده وبموتتج صار
بيتج يحترك ويخونج الماي
محسن ينذبح والنبله بسمار
بس جان الفرق بالخيمه والبيت
بيتج لحكوهه اوطفو النار
بس باجر بناتي شلون بيهن
من تطفه الخيم وتشب عليهن
**
بس همزين مامش بل الخيم باب . يمه يمه
تانينه اليگول الخبر جذاب . يمه يمه

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : اشبگ صاحبك
اداء : سيد فاقد الموسوي
كلـمات : سعد عواد

☆☆☆☆☆☆☆☆☆☆☆☆

عافوني وحيد بين الخيام
أودع بالعيال وگلبي مشلوع
يوصوني الحبه بالك تموت
حرب بس صوت اليحبون مسموع
بس ابعد عليهم حيل يبجون
يعرفون الحنين توگفه الدموع

☆☆☆☆☆☆☆☆☆☆☆☆

شبگوني وعليه انادرت اجفوف
يبسو فوگي جنهم ماي الشموع
وكفنه ودارت عليه يكلبي ويا بواچيه
اخلص روحي من سكنه وترجع تشبگ رقيه
اروحن مايخلني بناتي حيل شبگني
حطن روحهن بيه اموتن بس يهدني

☆☆☆☆☆☆☆☆☆☆☆☆

شديت بجرحم واني مجروح
وهميت الوجعهم واني موجوع
من اضمهم بكلبك اني علسهام
وتذكر بصدرك مامش ضلوع
تذكر انته زارع ناس وورود

☆☆☆☆☆☆☆☆☆☆☆☆

وتاليته الورد مشلوع مشلوع
موبس من طحت شالتني الرماح
جبت عمري بصحبتي راسي مرفوع

☆☆☆☆☆☆☆☆☆☆☆☆

الحوافر خربت زرعي
ختلط دم بزرتي بربعي
دعيت وبس شلت چفي
لكيته منگطع صبعي
دعيت بتسعه ياعالم
وبريت الذمه عالخاتم
بذبحتي واني اكول شلون
ابنادم يجرح ابنادم

كلمن يمه صاحب يشبگ علي
كلمن يمه صاحب يشبگ علي

☆☆☆☆☆☆☆☆☆☆☆☆

من عيونك صحابك خل يشبعون
كلمن يمه صاحب يشبك علي
من عيونك صحابك خل يشبعون
حسسهم تحبهم دام عدلين
اذا ماتو بشوگك مايحسون
انه بسبعين خير وهمه وياي
واذا اطلب طلب سبعين ممنون
من عاند زراگ الماي وياي
جابولي سمه زرگه ويضحكون

سوالف ماسمعتلكم احبك هاي چلمتكم
مشينه وما توادعنه اقل شي خلي اودعكم

تمنيت وكتي يرحمني
والمكم كلكم بحضني

لو شابگكم ومرتاح اروح الموتي متهني

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : حيدر حيدر
اداء : سيد فاقد الموسوي
كلـمات : سيد محمود الموسوي

♧♧♧♧♧♧♧♧♧♧♧♧

عج تراب طب خيال شدت حيل شدت
ذو الفقار هد والروس من الخوف شردت
ثلث حيود غيرة وزود والخيالة هدت
زود الحسن وي حسين والريشات طبت

تلاگوا تلاگوا هلا بزلم الهواشم
ذو الفقار طب والخيل شردها من الملاحم

اسمه الاسد .. حيدر حيدر
گاضي الشدد .. حيدر حيدر ...

علي مولا. علي علي علي مولا ...

♧♧♧♧♧♧♧♧♧♧♧♧

لمعة سيف بين سيوف فوگ الحومة لاحت
الفتحة براس ذو الفقار منتصرين صاحت
مدري الباب مدري الروس لو گنطرة الطاحت
سألوا الگاع والميدان ياجيمة ستراحت

عليهم عليهم اسد حيدر عليهم
بيديهم بيديهم كون الله فتر بديهم

تصيح السمه .. حيدر حيدر
حامي الحمة .. حيدر حيدر ...

علي مولا علي علي ، علي مولا ...

♧♧♧♧♧♧♧♧♧♧♧♧


طر الجيش طر الكون طر الماي والبر
حايط كعبة الله بخوف من حيدر تفطر
ذو الفقار مايدرون ليش اثنين اشّر
معناها الله خله الكون كله يصيح حيدر

شهادة شهادة هاي من الله شهادة
عبادة عبادة ذكر حيدر عبادة

اسمك علي .. حيدر حيدر
ديني وهلي .. حيدر حيدر ...

علي مولا ، علي علي ، علي مولا ...

♧♧♧♧♧♧♧♧♧♧♧♧

من تصير شدة يصير سيفك ياعلي الحل
شردة تصير بالميدان لو سيفك علي نسل
خله الناس كلها تصيح حيدر انت الاول
سيفك حار يابو حسين فوگ الروس حوّل

جلاله جلالة ياوجه الله وجلاله
قتاله قتاله علي يرهب قتاله

يگطع الرگب .. حيدر حيدر
قتال العرب .. حيدر حيدر ...

علي مولا علي علي علي مولا ...

♧♧♧♧♧♧♧♧♧♧♧♧

ياخيال مثل السيل سيفك بالحرب هد
وحتى الموت لو هديت وي الموتة ينعد
سر اسرار ماعرفوك بس الله ومحمد
الله مسوي هذا الكون لاجلك والله يشهد

يعالي يعالي عظيم انت يعالي
خيالي خيالي علي اكبر من خيالي

واعظم اسم .. حيدر حيدر
مبچي الزلم .. حيدر حيدر ...

علي مولا علي علي علي مولا ...

♧♧♧♧♧♧♧♧♧♧♧♧

@faqdalmawsawi

☜   بـسمـه تعـالى  ☞

الـقصـيدة : خيروني
اداء : سيد فاقد الموسوي
كلـمات : محمد النواسي
☆☆☆☆☆☆☆☆☆☆☆☆
خيروني بكلشي عدهم
وكبروني وزغرتهم
بين ضحكتهم هذيجه
وبين دمعت مجلسك
انه كل ما اوصل اقنع
كبالي يعرض محبسك
ارفض الدنيه وحجيهم
وارجع انه اتنفسك
انه من اوصل ضريحك
بكل حواسي اتلمسك
~~~~
يا حبيب من لا حبيب له
يا طبيب من لا طبيب له . يا حسين
~~~~
تعبوني وتعبتهم
ورغبوني وفشلتهم
سولفولي بكلشي ابيض
وگلبي گلالي انتبه
رغبوني بليل الاسود
ذاك الصخام الوجه
كلشي سوو ما غروني
شلون اليحب يشتبه
ايدي مالاحت ذهبهم
كمت اشوفنهم شبه
قنعوني بچلمه اغله
وسمعتهم اسمك احله
روح دور غيري واحد
كون ما مچوي بخيام
انه جمره من المجالس
گلبي ما يطفه وينام
انه بجدورت حبيبي
يخبل اعليه الصخام
انه بس حسين عندي
باقي عل الدنيه السلام
~~~~
يا حبيب من لا حبيب له
يا طبيب من لا طبيب له . يا حسين
~~~~
شلون اعوفك عميه عيني
الحسيني يضل حسيني
رادو يبعدوني عنك
ما درو بطباعي هاي
انه يم كل طاسه ادنك
من تضل ابلايه ماي
انه لليوم من انذكرك
اكعد ابجي بمشتهاي
ياحلات الدمعه لسمك
من تطيح بعز رجاي
~~~~
يا حبيب من لا حبيب له
يا طبيب من لا طبيب له . يا حسين
~~~~
والله وادن نيه عدهم
ناقشوني وجاوبتهم
ياهو بيكم ينطي ابنه
خاطر  ايعيش الوراه
ياهو بيكم عينه لخته
اواحد ايحز ابكفاه
ياهو بيكم گلبه طايح
تشاهد وحافر خذاه
ياهو بيكم راسه فوك
وحته فص عينه بچاه

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : راحت روحي
اداء : سيد فاقد الموسوي
كلـمات : محمد النواس

✮✮✮✮✮✮✮✮✮✮✮✮

كون اليروح بروحه زاتوت
يعطل الجنازه بدمعه ويموت
و تابوت يجمعني على تابوت
راحت روحي

رديت قوة اشتم هوى
و مابيه احرك رمشي
بجتافي مو نعش ام حسن
بجتافي شايل نعشي
مادري ميت لو عدل
بس نفس ظال وامشي
لا ذكرى ظلت لا دمع
من عيني طايح كل شي

✮✮✮✮✮✮✮✮✮✮✮✮

تراب القبر برموشي رديت
و نقصت صباح الخير بالبيت
لو بيدي هيجي والله ماجيت
راحت روحي


جبريل صاح من السما
مو ليله هاي الليله
يعينك الله يا علي
ويبجيلي وانا ابجي له
راحت قلت له التستحي
من يدق قلبها بحيله
قد ما شريفه ام الحسن
ميته وبديها الشيلة


توني عرفت معنى الحرامات
من ثقلت بشفتي السلامات
ليش اليموت عليها ما مات
راحت روحي


✮✮✮✮✮✮✮✮✮✮✮✮

حزني على عيوني جزا
يعقوب و ابنه و صبره
قعدي لحبيبج فاطمة
تبدت بروحي العشره
حيلي مثل دمج برد
على مغتسل يالزهرة
كسروا ضلع بس فرقتج
كسرت لحيدر ظهره

شايب رجع منج علي الشاب
و كلهن تراب عيون ابو تراب
كون الله لا ينطي شكو باب
راحت روحي

✮✮✮✮✮✮✮✮✮✮✮✮

دنيا خجل بيها وشرف
و تسبيح وجه الغبشة
بهدومي من ينزل وحي
تاخذهن و تتغشى
راحت حلال الله و علي
ماتت حلال الله وعلي
و البيت صبح وحشة
الما شاب راسه بفرقتج
شابت عيونه و رمشه

انا الوقف قلبه من الصياح
بس ما خذاه قباض الارواح
جا غير اموتن كون و ارتاح
راحت روحي

✮✮✮✮✮✮✮✮✮✮✮✮


هذا الهوى شكبره و احس
بالدنيا صارت خنقة
مثل الغرق و بنص بحر
يشتري لروحه الشهقة
وجهي انترس شيب و حزن
وكل شيبي من الفرقه
بحسرات احس جفي انجوى
قد ما كلتني الحرقة

لولادي رديت بعزية
شافوني و التموا عليه
حاضنهم و ماتن ايديه
راحت روحي

✮✮✮✮✮✮✮✮✮✮✮✮

@faqdalmawsawi

انا لله وانا اليه راجعون
انتقل الئ جوار ربِه خادم الحسين ؏
السيد محمد باقِر الفّالي 💔.

لا شيء أصعب من فقدان عزيز علينا ، ولا يوجد كلمات تعبر عما في داخلنا، ولا يسعنا سوى أن نرضى بقضاء الله وقدره فالموت علينا حق لا مفر منه .

☜ بـسمـه تعـالى ☞

الـقصـيدة : علي اگعدلي
اداء : سيد فاقد الموسوي
كلـمات :
☆☆☆☆☆☆☆☆☆☆☆☆

علي اكعدلي ساعه ارد اموتن بجي عليك
تكلي انه اكومن وضل عمري اتانيك
المك وشبكك وحط راسي ورتاح
وكلهم علي بخير والركاض يبديك

نخيته وكام الولد لزم كلبه ورد كعد
علي بس احبك ترد روحي بيه

خذتني الدنيه ومتت شبكت اوليدي وطحت
علي احجيلي جلمه وتسولف عليه




حلالي وبزر كلبي جدامي فرهود
واليغيب عل عيون يكولون تره يعود
غبت يبني جاه كوم وحلفك بل اعزاز
شكومن يبويه انه اذا كلبي ممرود

يبويه حسين العذر صفه اوليدك بس وذر
تعال افرش اعمامتك بويه لمني

دلالك شوفه انسحك ابو اكباله ابنه اختنك
تعال ارد احبك وموت وتحبني




صدك توكف الدنيه اذا تعبك انباك
حنين انه موبيدي كل ساعه وشتاك
وكض حيلي بيدي من الاكيك الغروب
وموتن وكلهم شلع كلبي الافراك

اليحب ويفارك غفل يضل متعلعل يضل
ونه مفارك ابني وحبيبي وصحبتي

رفع راسه وماحجه وصفنت بعينه وبجه
وكلتله استر عليه طاحت دمعتي


يغير انه والد وحاجي ابني مهظوم
علي لخاطر امك ترد بيتي مهدوم
اباوع ضحكهم ترس كلبي شوغات
ويصيحون كتلناه ولا يكدر يكوم

علي احجايات الغرب وحكك تجوي الكلب
يكلولي مات ابنك ومايرد دوم

وكلهم هذا الربه ولا ينكر صاحبه

ويكلولي ماترهم مكطع يكوم


اعز واحد عليك يمرضك اذا غاب
تذب كلبك بجول تذب عينك اباب
اكولن يسيرون وحضرلهم اضلوع
اثاريهم اصواب للضلوع الاصواب

مشو ماكالو نرد جبد ومفارك جبد
اضيع انه اذا ماتجون لحياتي

اعز منك وين اكو رحت بس ضيمك حلو
اموت انه ونت سبب كل مماتي


بعد ماكو بويه انتهت كلشي مسلوب
شكو انسان تحبه يوازيك بل غروب
اشد حيلي والليل يوديلي حسبات
وكولن يل كلوب وجعهه من الكلوب

اذا فاكدلك ابن عليمن فارش حضن
عله اوليدك اقره السلامه يغالي

وذا بحضانك كبر وراهه يشبعك قهر
تجي ابالك ارسوم هذيج الليالي

✮✮✮✮✮✮✮✮✮✮✮✮

@faqdalmawsawi

☜ بـسمـه تعـالى ☞

الـقصـيدة : هنا يا ريحة الجنة
اداء : سيد فاقد الموسوي
كلـمات : حمزة الحسناوي

✮✮✮✮✮✮✮✮✮✮✮✮

يحسين اليحبك كون ماعاشگ ولا گمرة
الوادم تفتخر بـ ادم وانت سوايت الزهرة
موت براحتك يحسين هوَ الموت للفقرة

لو ما صايتك تهنه
هنا ياريحة الجنة ...
ـــــــــــــــــــــــــــــــــــــــــــــــــــــــــــــــــــــ

اسافر للخيم مرات بلكي الگالي علوية
وافز من الگه وصلت بيك حتى الخيمة مچويه
احبَّنك عمر چم نوح والگه السالفة شويه

فدوة لكلشي الك رحنه
هنا ياريحة الجنة ...
ـــــــــــــــــــــــــــــــــــــــــــــــــــــــــــــــــــــ

اروح لكلشي يندل بيك وارجع تايه بظلك
ماشفتك واحبك هيچ چا عباس شيگلك
اطيح بخنصرك وادريك بس المهدي يندلك

اتاني المهدي لو ضعنه
هنا ياريحة الجنة ...
ـــــــــــــــــــــــــــــــــــــــــــــــــــــــــــــــــــــ

احط ببالي مات حسين بس ماترهم إبّالي
واگولن ها صدگ چا مات مادام البخت خالي
گبلك ماكو صيت رماح لا هسه الرمح عالي

همزين انت صرت النه
هنا ياريحة الجنة ...
ـــــــــــــــــــــــــــــــــــــــــــــــــــــــــــــــــــــ

الم روحي نهر مرات من اسمع عطش مر بيك
يل منطيني چم عباس چا عود انه هم انطيك
يلا احچيلي عنّك غاد يحسين الله شيسمّيك

يل ابلياك ما عشنه
هنا ياريحة الجنة ...
ـــــــــــــــــــــــــــــــــــــــــــــــــــــــــــــــــــــ

@faqdalmawsawi

[بسم ربَّ عليّ]

القصيـدة: تــراب بارد
اداء المبدع🎤: سيد فاقد الموسـوي
كلمــات: علي عويز الشـويـلي

♧♧♧♧♧♧♧♧♧♧♧♧

علي هواي حفر مو كبر واحد
ومايدفن يضل باللحد كاعد
لان يدري الزچية تجوت بنار
يدورلها الحنين تراب بارد

****

بالعيون تبين لوعة الفاكد بالعيون
شيكولون حيرة للدفن روحة شيكولون
يمدفون اليضل خلافك معلعل يمدفون

يخجل يبجي كبال الوادم ينحب من الناس تنام
هواي صوّر بعينه قديمه شبعت ضيم من الايام
كونك دافن روحك بيدك وتطگ روحك ماتنلام

بعد بيتي لمن عني مشيتي
يكلهه بعد ماينراد بيتي

علي بعمامته يغطي الكبر جان
ويكلهه ها بعد روحي دفيتي
***

علي هواي حفر مو كبر واحد
ومايدفن يضل باللحد كاعد
لان يدري الزكية تجوت بنار
يدورلها الحنين تراب بارد
**
البجي انهاك تكلة مو كافي البجي انهاك
علي ذاك اليرهب لو مشة محني علي ذاك
علي وياك يكل لروحة لو يتعب علي وياك

من يكوم الفاكد دور بمكاعدة شكد تلكه جروح
يمشي بين الناس جنازة هيج الفاكد مابي روح
الشدة من يصير المغرب ويضل حاير وين يروح

بهيدة تراب بيدة ينزللهه
واسف فاطمه هواي يكلهه
ويكل لروحة حيدر لازم تموت
بعد يازهرة ضلت عايشلهه
****
علي هواي حفر مو كبر واحد
ومايدفن يضل باللحد كاعد
لان يدري الزكية تجوت بنار
يدورلها الحنين تراب بارد
****

اجه الليل عذابة لاهلة بجيته اجة الليل
بلا حيل اليوزع حيل من يمشي بلا حيل
علة الخيل يعثر بالهوة اليسحك علة الخيل

كرار المارجفت ايدة بعمرة ولاطاح ومسنود
طايح ويكومونه اولادة ويرجع هم يطيح ردود
جنه انشال لاخر نجمه و ع الكاع التوجع مهدود

شكثر للمكبرة لحگته الوادم
تضل على الكبر لاوين نايم
يكلهم اسمع ام حسين ياناس
من اكوم تكلي حيدر وين كايم

***
علي هواي حفر مو كبر واحد
ومايدفن يضل باللحد كاعد
لان يدري الزكية تجوت بنار
يدورلها الحنين تراب بارد
**

علي وحيد شما ناسه اكثرت يبقى علي وحيد
ولاعيد اخلاف الزهرة ماعيّد ولاعيّد
يالبعيد ترد لو نكطع الونه يالبعيد

بسمار الشوغة من يذبهه حار وينبت بين ضلوع
نحلف احنه بشارب حيدر وشارب حيدر كلة دموع
الون اليطلع بي راحه اليكتل ون المامسموع

علي من يبجي ما واحد يسمعه
ويكلهم للكبر لحد يتبعه
من تطيح الشمس بالمغرب يكوم
يكض بسمار ويدگ علة ضلعه
**
علي هواي حفر مو كبر واحد
ومايدفن يضل باللحد كاعد
لان يدري الزكية تجوت بنار
يدورلها الحنين تراب بارد
**

سلامات يكلهم لحد يكلي سلامات
علي مات اقروا الفاتحه علية علي مات
حرامات ألتذ بالنفس بعدج حرامات

من اتعب ياهو احجيلة وياهو الليل وياه اكضي
حيدر مثل الماي الدنية تشيلة خلافج وتبدي
المايفهم حبچ يم گلبي معذور شيحجي شمدري

عوفيهه المكابر كعدي گربي
يزودي بالسلم وحزام حربي
يعطش يم كبرهه وهمس بهداي
گبل لا اشرب من الماي اشربي

***
علي هواي حفر مو كبر واحد
ومايدفن يضل باللحد كاعد
لان يدري الزكية تجوت بنار
يدورلها الحنين تراب بارد

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : وحگ عيونك
اداء : سيد فاقد الموسوي
كلـمات :

✮✮✮✮✮✮✮✮✮✮✮✮

وحك عيونك وغربة بناتك
خدمتك مو لأجل غاية وغلاتك
بجيت عليك جي صارن خواتك .. غريبات

منو المثلك بجت امه عله حالة
الي نسحك صدرة والمطشر حلالة
منو الحركو خيامه ورمح شالة .. عطش مات

ياهو اللي مثلك يضامي غريب ويمك الماي
ياهو اللي مثلك خواته بشمس ويدرون فياي
وبلاية خيمه وعليهن يصد الراح والجاي

ياهو اللي مثلك ميت سحك
بس حب الحسين هو الصدگ

****

اريد اشبع بواجي وهية حيرة
البواجي شوية وجروحك جبيرة
شگول حسين ضل بلا عشيرة .. حرامات

اريد اكضي العمر كلة مدامع
على الينكسر ضهرة بيوم سابع
على السحكته الخيل وكلبة طالع.. حرامات


ابجي ع زينب واهلهه صفو بالكاع ميتين
مت عين ادية وحبيبي الكمر من دون جفين
كون البواجي ع زينب تداوي جروح الحسين

اليبجي على الخيام خل يحترك
بس حب الحسين هو الصدگ

****

صرت وامي تسولفلي على هاية
ومحرم من يجي نسوي القراية
سواد البس ع الراحن سباية .. ع الحسين

ياريت العمر كلة يصير عاشر
وانوح ع الغريب المالة ناصر
اليكوم بحافر ويكعد بحافر .. ع الحسين


انه عايش مصايب حبيبي بذيج الايام
عندي كل يوم محرم واعيش بطف الخيام
مو خواتك تمنيت خواتي تروح للشام

كون اهلي ميتين دية عشگ
بس حب الحسين هو الصدگ

****
وحك عيونك الضلت غريبة
انه الملجوم گلبة ع المصيبة
بچيتك واليحب يبجي لحبيبة .. يمذبوح

وحك جروحك الماطيبوهه
وحك عمامتك ذيج الخذوهه
وحك نسوان الحسين السبوهه.. يمذبوح

كون اموت من اشوفك تميل خلاف عباس
كون اموت من اشوف بخيمكم تحرگ الناس
كون اموت من اشوفك تضل ع الرمح راس

من يُّذكر اسمك گلبي اليدگ
بس حب الحسين هو صدگ

✮✮✮✮✮✮✮✮✮✮✮✮

@faqdalmawsawi

وفِي أخر "يوم من ٢٠٢٣"
اللّهم ثبتنا عَلى حب ونهج مُحمد وآل مُحمد في عامُنا هذا وفي كُل عام وأجعلنا من ألثابتين على ولاية أمير المؤمنين عليٌ بن أبي طالب (عليه السلام)وآجعلنا يا ألله من أعوان وأنصار وليك ألغائب ألحاضر وألمستشهدين بين يديهِ برحمتك يا أرحم ألراحمين وصلِ اللّهم على مُحمد وآل بيته الطيبين ألطاهرين .

بسم الذبيح نبدي عامنا الجديد ..
وصلى الله عليك يا ابا عبد الله وعلى الارواح التي حلت بفنائك

انصحكم بها

#10_رجب
ولادة مولاي جواد الائمة صلوات الله عليه

جود يا مولاي جود
وخل بواجينه تزود
عود يابس عمري جان
وخضر بفضلك العود

جود يا سيد الشباب
وللخدامه افتحلي باب
ماي غيرك لو اشربه
هم احسبه امن السراب

جود يا باب المراد
وهب عليه يالجواد
هب قبل لاگلبي اضيعه
ويرجع يغطّي رماد

جود يبن الأكرمين
ودلي گلبي الدرب وين
جود لا تاخذني دنيا
وما افرن للحسين

جود يا عالي المقام
ونگّع اهل الحب غرام
يا ابن سلطان مشهد
يا كريم ابن الكرام


نباركم ولاده نور الله العاشر مولانا محمد بن علي الجواد صلى الله عليه وعلى اجداده الاطهار ع

-أيقبلُني؟. =يَقبلُك.
-وذنبي؟. =يغفره.
-ونفسي؟. =يهديها.
-وقلبي؟. =يُنيره.
-وَهَمِّي؟. =يُزيله.
-ذنبي كبير؟. =رحمتُه أكبر.
-نفسي ضعيفة؟. =بالله أقوى.
-شيطاني ماكر؟. =مكرهُ ضعيف.
- لماذا لا يحدثُ ما أُريد وما دعوت الله به؟!.
= ليحدث ما يريد الله ..
- ألا يريد الله سعادتي؟!.
= بلى يريد ..
- إذًا لماذا لا يفعل ما سيسعدني؟!.
= لأنه لن يُسعدك ..
- لكنني أحزن إن لم يحدث؟!.
= لكنك ستحزن أكثر إن حدث ..
- وكيف أسعد؟!.
= بالرضا ..
- وكيف أرضى؟!.
= بعلمك أن الله يعلم وأنت لا تعلم ..
- هل سيستجيب يومًا؟!.
= هو دائمًا يستجيب ..
- لكن لا يحدث ما أدعو به؟!.
= لأن الاستجابة في ألا يحدث ..
- ألا ندعوه ليستجب؟!.
= بلى ..
- وأين الاستجابة؟!.
= العطاءُ استجابة ، والمنعُ استجابة، وتأخيره استجابة ..
- لكنني أتألم؟!.
= لتُؤجَر..
- لكنني أحزن؟!.
= ستفرح ..
- ضاقت؟!.
= ستتسع ..
- ضعيفٌ أنا؟!.
= قويٌ هو ..
- أيُحبني؟!.
= يُحبك ..
- أيُحبني ويُبكيني؟!.
= ليُطهِّرك ..
- أيُحبني ويبتليني؟!.
= ليُقرِّبك ..
- وماذا في القرب؟!.
= نجاة ..
- قلبي منكسر؟!.
= يجبره ..
- وسنواتي الخوالي؟!.
= يمحُها ..
- أتُراني عُدت؟!.
= تُب ثانيًا ..
- أتُراني عُدتُ ثانيًا؟!.
= عُد ثالثًا وعاشرًا، عُد حتى تعودَ روحك إليه ..
- رحيمٌ هو؟!.
= لذلك لا تَمَل..

☜ بـسمـه تعـالى ☞

الـقصـيدة : عافوا گلبي
اداء : سيد فاقد الموسوي
كلـمات :

♧♧♧♧♧♧♧♧♧♧♧♧

عافوا گلبي.. الترسوا گلبي..
هذا الكلش ماحسبته

ماكسرت خاطرهم عيني
من تضحك بس تبچي بسكته

من تلم اعزازك بيدك
وتگل الروحك هذا انت

وينشدونك چفنت ابنك؟
وانتَ تگلهم لا گمطته

من تگل لحيلك فدوة
بس ارد اوگف فوگ الگاع

معناها انت بنص البلوة
ارحم روحك موت بساع..

عافوا گلبي.. الترسوا گلبي.. ...
ـــــــــــــــــــــــــــــــــــــــــــ

اتعب ياگلبي شما تتعب
يل ماحسبت تفارگهم

كلهم چانوا واحد عندك
هسه الكلهم راحوا كلهم

لمهم خل يحلون بعينك
گل للحافر لاتوصلهم

انه وگلبي نطيح اگبالك
واحسبهم واسحگني بگدهم

من طاحوا صحباني و ولدي
دنيت اعزاز اعله اعزاز

محّد شيَّع ناس بگدي
تاليها ابقى ابلا جنّاز

عافوا گلبي.. الترسوا گلبي.. ...
ـــــــــــــــــــــــــــــــــــــــــــ

غطيت المات وصاحولي
أيس محد يسمع نوحك

المن يحسين تغطيهم
ثوبك خله يفيد جروحك

بهداي الخيل نوصيها
تسحگ بس ما تطلع روحك

حتى سيوف التگطع نحرك
كون تحس بيها امن تلوحك

روحي التطلع وي كل شهگة
واسمع بس صوت العدوان

هذا حسين الجاي نسحگه
چي ماظلوا عنده اخوان

عافوا گلبي.. الترسوا گلبي.. ...
ـــــــــــــــــــــــــــــــــــــــــــ

ليش المايتفارگ ميت
الله يساعد روحي اعليهم

انه اتشاهد يلا اوصلهم
والحافر عني يدنيهم

شالوهم برماح وگالوا
كون تموت من تلاگيهم

ندري الميت مايتعذب
نريد نعذبك بيهم

رادوني اتعذب رادوني
اخر لحظة الجيش اندار

واتباوعله بطرف عيوني
من يشعل بالخيمة النار

عافوا گلبي.. الترسوا گلبي.. ...
ـــــــــــــــــــــــــــــــــــــــــــ

ارد اتوادع بس ويامن
انه الماعنده يودعونه

جسمي بگدما شايل منكم
كل تراب الطف بمتونه

واحد واحد صايح بيكم
بلكي الله وصوتي تسمعونه

كلما اصيحلكم عدواني
راس الصايحله يشيلونه

واليفزع گالوا شيفيده
من يفزعله بلا چفين

دنوا يم اخوانه نريده
يتعب يلا يموت حسين

عافوا گلبي.. الترسوا گلبي.. ...
ـــــــــــــــــــــــــــــــــــــــــــ

@faqdalmawsawi

☜ بـسمـه تعـالى ☞

الـقصـيدة : علي يسويلچن چارة
اداء : سيد فاقد الموسوي
كلـمات : حمزه الحسناوي

♧♧♧♧♧♧♧♧♧♧♧♧

هضم وعيال محتارة
علي يسويلچن چارة .. يابناتي ..
ــــــــــــــــــــــــــــــــــــــــــــــــــــــ

يلا اتطشرن حرگوها الخيام
بعد كلمن تحير بسالفتها

والماتنسحگ وگبالها تطيح
اختها هناك خَـ تغطي اختها

الخيل معصبة وماتگدر تشوف
وادري تدوس حتى الشايفتها

شيلن عن طريق الخيل التطيح
خافن ترجع اعله الساحگتها

صحت اعليهن بصوت
هواي احسلها التموت

علي يسويلچن چارة ..
ــــــــــــــــــــــــــــــــــــــــــــــــــــــ

عليه تگربت والتمت الناس
اشرد لو ردت بس اشرد منين

حشمتك وصاحولي التحشمي
هوَّ يريد فزعة من النساوين

فجأة وكلها سكتت واعرف الصار
ماتنضم واضمها سوالف البين

سكتوا سكتة وحدة الجيش يردون
نسمع من يسحگون اعله الحسين

الحافر منه ماطيب
ياخذ بيك ويجيب

علي يسويلچن چارة ..
ــــــــــــــــــــــــــــــــــــــــــــــــــــــ

توه الطف بده والراح ننساه
بدت حرب الشماته وي المداليل

هسه الروس تفتر واحنه زينات
بس اللهُ اكبر من يجي الليل

وگفه انّام كلنه كبار وزغار
والوگفة التطول تهدم الحيل

عيشنه برعب ذباحك يگول
بس واحد ينام نسحگه بالخيل

النهار ركاض وصياح
اليركض غير يرتاح

علي يسولچن چارة ..
ــــــــــــــــــــــــــــــــــــــــــــــــــــــ

ياحد اركض وچم دوب الركاض
وين ارد اوصل و وين الله وانداس

هوَّ حسين راس وراس مگطوع
شيفيد من اسولف ضيمي للراس

خلص عمت عيني بذيچ السيوف
احچي وثاري تسمع بالحچي الناس

يم عباس اروحن بلكي بي روح
صاحوا هاچ ذني چفوف عباس

راحت هيبتچ ذيچ
محّد بعد يحميچ

علي يسويلچن چارة ..
ــــــــــــــــــــــــــــــــــــــــــــــــــــــ

اسد عيوني واوگف واشگف السوط
وانحب وانهطر وارد افهم الصار

اگولن انه زينب وارجع انوب
اگولن لا چذب والگالها اعذار

والگه الخيمة نار وبنت الحسين
ضيف يجوز عنده وشاعل النار

اگول احلام هاي وتگضي وتروح
اصدگ روحي ويفززني الحجار

اباوع والگه الاطفال
سوه يجرهم بالحبال

علي يسويلچن چارة ..
ــــــــــــــــــــــــــــــــــــــــــــــــــــــ

@faqdalmawsawi