☜ بـسمـه تعـالى ☞

الـقصـيدة : گومو لينه
اداء : سيد فاقد الموسوي
كلـمات : سيد علي مالك

★★★★★★★★★★★★

گوموا لينه..
راح نركض وين ماعد الله گاع.. گوموا لينه
حلوة خوية..
وجوهكم مو للوداع.. حلوة خوية
اكسر الخاطر بساعات الضياع.. گوموا لينه

خل اموت اعليكم وعوفوني
انتم عيوني وعميتوا عيوني
والهضمني وشفت موقفهم عجيب
روسهم مگطوعة ويحبوني

والله اموتن عل محنة الزايدة
ساعة اختهم ساعة اصيرن والدة
والمركضني والتعبني حيل
فاگدة وتدرون شنهي الفاگدة

انه المضيعة النشَّف الريج
صار التعب ياناس توفيج
گامت الدنيا ودمعتي اضيج

گوموا لينه.. گوموا لينه..
ــــــــــــــــــــــــــــــــــــــــــــــــــــــــــــــــــ

والله احبكم..
بينّه العباس احبكم ياخواني.. وعلي احبكم
يافگدكم..
شنهي ساعة الگلب مايحمل ثواني.. يافگدكم
رايدتكم..
واحد يركضني ويذبني اعله ثاني.. رايدتكم

اخ من شدتها ذيج البارحة
ال هاشم كلها بالدم سابحة
دورت بس مالگيت ضلوع اخوي
طايحة ودورت وين الطايحة

حيل مابيه وثجيلة السالفة
وحَّدي ودارت اعليّه الطايفة
مره مهضومة وذبح جدامي صار
ذبحوا العباس زينب واگفة

شافت عيوني هواي وهواي
ذبحوا الماي وگطعوا الماي

گوموا لينه.. گوموا لينه..
ــــــــــــــــــــــــــــــــــــــــــــــــــــــــــــــــــ

مالت الله..
هذا حد گلبي وعلي كلساع اموت.. مالت الله
ليش بله..
مختنگ ماطلع من عباس صوت.. ليش بله
يا اسم الله..
تنحچي والنفس ماگاعد يفوت.. يا اسم الله

گوموا فدوة لخاطر عويناتي
موش اليّه لخاطر بنياتي
ماكو حل وأم عون رادت تستراح
وين ننطي الوجه من شماتي

فوگ شلعان الگلب واللوعة
رگبة ترفة مخضبة ومگطوعة
والعرس ماكمله القاسم حرام
وردت لخيمتنا بس شموعة

كلما اشتاگ الكم يَهلنه
تتربع براسي المحنّة
لحگونه بالعباس متنه

گوموا لينه.. گوموا لينه..
ــــــــــــــــــــــــــــــــــــــــــــــــــــــــــــــــــ

ياطلابة..
هاي ماتنحل وكلفة وحيرة.. ياطلابة
وياصوابه..
جروحه كلها كبار ماكو زغيرة.. ياصوابه
يا احبابه..
راحوا وصبّحت هيمة الديرة.. يا احبابه

طحت بس محّد وياي يعيني
باوعت لحسين گوة يصيحلي
گتله شيل اختك وگلالي الحسين
انه اريدن زلمة خوية يشيلني

ياعلي ويابوعلي وكضني الونين
رحت وين وماادري حتى انه وين
فتَّحت عيني وصلت گبال اخوي
مشكلة مفرهد لگيتك يالحسين

شابگ الگاع وطلعت النوگ
سحگن ابن امي ومشن للسوگ

گوموا لينه.. گوموا لينه..
ــــــــــــــــــــــــــــــــــــــــــــــــــــــــــــــــــ

ياعيوني..
ابچن لحد ماتصير الدنيا غيمة.. ياعيوني
چا شلوني..
نركض وطاحت يتيمة بصف يتيمة.. چا شلوني
موتوني..
گاعدة وحرگوا على بنياتي خيمة.. موتوني

خايبين اللهُ الاحّد كافي
ذبحوا الوادم الخوش توافي
ضيم والدنيا عصر وبكلشي ضيم
شلت همي وكربله اعله چتافي

غير علويات شن هذا الحچي
لو اركاض و لو ادرفع لو بچي
ظالة المن هوَّ راس المال طاح
بعد زينب وين تگدر تنتچي

حطيت اخوتي گبالي كلهم
لميتهم عود ارد احبهم
ردت الخيل وطشرتهم ..
ــــــــــــــــــــــــــــــــــــــــــــــــ

@faqdalmawsawi

☜ بـسمـه تعـالى ☞

الـقصـيدة : يا بابا حاجيهم
اداء : سيد فاقد الموسوي

☆☆☆☆☆☆☆☆☆☆☆☆☆

يا بابا حاجيهم يا بابا حاجيهم
يدفعوني شبيهم يا بابا حاجيهم
جيتك دخيله...اكظيلي ليله
يا بابا حاجيهم
☆☆☆☆☆☆☆☆☆☆☆☆☆

يطكوني بلايه سبب لا حاجيه وكايله
بس كلت اريدن والدي يهل الرحم عايله
بالفطره احن لشوفته وبالفطره اشتاكله
راسه الكبل شاله البخت هسه الطشت شايله
جيتك دخيله ....اكظيلي ليله
يا بابا حاجيهم يا بابا حاجيهم
يدفعوني شبيهم يا بابا حاجيهم
جيتك دخيله..اكظيلي ليله
يا بابا حاجيهم يا بابا حاجيهم

☆☆☆☆☆☆☆☆☆☆☆☆☆

مرفوعه اديه اركض رحت عود اشبگ الوالي
گمزت جواك شكثر بس الرمح عالي
يومين صارن نفترك وسنين حسبالي
جي لنك ببالي عشك كمت احظن ببالي
جيتك دخيله....اكظيلي ليله
يابابا حاجيهم....يا بابا حاجيهم
جيتك دخيله اكظيلي ليله

☆☆☆☆☆☆☆☆☆☆☆☆☆

احلم بزندك يلولي يكظ ركبتي المايله
يكولي شوي ويرد حسبالهم جاهله
وانه ادري نحره المنكطع راس الرمح ماكله
يابابا ياهو الطبرك شو جبهتك هادله
جيتك دخيله....اكظيلي ليله
يا بابا حاجيهم.....يا بابا حاجيهم
يدفعوني شبيهم....يا بابا حاجيهم
جيتك دخيله...اكظيلي ليله
يا بابا حاجيهم يا بابا حاجيهم
☆☆☆☆☆☆☆☆☆☆☆☆

لازم تشوف التعشكه كون الكلب راده
كلبي انه رايد شوفته ما رايد زياده
بباب الخرابه اتنطرك تشبكني ك العاده
جا ليش جابوك بطشت يا شيخ للساده
جيتك دخيله....اكظيلي ليله
يا بابا حاجيهم.....يا بابا حاجيهم
يدفعوني شبيهم....يا بابا حاجيهم
جيتك دخيله...اكظيلي ليله
يا بابا حاجيهم يا بابا حاجيهم

☆☆☆☆☆☆☆☆☆☆☆☆☆

يا بابا شوف اجفوف اديه وشوف البنيات
بصياط اميه خوشنن بجفوفنه الترفات
ليليه الك طول الدرب سوينه القرايات
نكعد نون وعمتي تكولنه بالكولات
جيتك دخيله....اكظيلي ليله
يا بابا حاجيهم.....يا بابا حاجيهم
يدفعوني شبيهم....يا بابا حاجيهم
جيتك دخيله...اكظيلي ليله
يا بابا حاجيهم يا بابا حاجيهم

☆☆☆☆☆☆☆☆☆☆☆☆☆

يا بابا شحجي على الدرب لا تحسب الطيحات
نفسه الي كاطع خنصرك ما خله ترجيات
اذني الجنت وكت الفجر تقرالهه الايات
طبت الشام مزوركه وتسمع الدمامات
جيتك دخيله....اكظيلي ليله
يا بابا حاجيهم.....يا بابا حاجيهم
يدفعوني شبيهم....يا بابا حاجيهم
جيتك دخيله...اكظيلي ليله
يا بابا حاجيهم يا بابا حاجيهم

☆☆☆☆☆☆☆☆☆☆☆☆☆

@faqdalmawsawi

كثير من خدمة الحسين "؏ "طلبوا هاي القصيدة
تمت بـعون اللّٰه 🤍.

☜ بـسمـه تعـالى ☞

الـقصـيدة : ياروحك الماتنوصف
اداء : سيد فاقد الموسوي
كلـمات :حمزه الحسناوي

♧♧♧♧♧♧♧♧♧♧♧♧

ياروحك الماتنوصف ماچنها عود مثلمه
وعيونك الجنهن صبح لا ياصبح جنهن سما
شيبك حلو خيوط الشمس بس امسح شويه الدمة
ماخذ جمالك من علي ومكملك الله بفاطمة
واذا تضحك شفت زينب وابو فاضل يشبهونك
انذبح خل تشوفك الوادم احلى من اليذبحونك
شفنه الدنيا بعيونك سلام الله على عيونك

يبعد الراح والجاي ... يماي بشفة الماي

السلام عليك يااباعبدلله....السلام عليك يااباعبدلله

-------------------------------------------------

يالماتبين منذبح ماجنك بذبحك تحس
وجروحك الجنهن نهر لا يفرغ ولا ينترس
يالتكدر ترد الضوى بس تالي فهني الدرس
عن لا يشوفون الخدر يمكن علي مطفي الشمس
يااول نهر عطشان ماشايف نهر مثله
كل مايبست جروفة غصبن ع العطش يحلى
حسين المايكتله السيف طلعة زينب تكتله

الخواته ماسمع صوت .. بطلعة زينب يموت
السلام عليك يااباعبدلله....السلام عليك يااباعبدلله

--------------------------------------------------------------

يافي نخل واحلى واحن يااول الحب لو بده
خطار اجة الموت وذبح وين اليحبهم من هله
انطاهم ورد ينذبح ماعنده جانت مشكلة
حتى على الاسهام التجي ماگطعت بحلگه الهلا
تنطي وماتكول انطيت يالمنطي اهلك وناسك
كل نسمة هوى تمر بيك جانت تشتري انفاسك
كل الهيبة الك بالگاع وهيبة اعلى الرمح راسك

تميل بوكت الوداع ... وجدمك كاض الگاع

السلام عليك يااباعبدلله....السلام عليك يااباعبدلله

---------------------------------------------------

يالرايد تحب من تحب حب اليحبك من صدك
حب اليراويك العشگ موش اليسولف ع العشگ
لو اسم التحبه انحچه تتلفت وگلبك يدگ
من تسمع بطاري الخيم گبل المخيم تحترگ
كون تموت لو حبيت والمعشوگ يستاهل
مابين الرمح والسيف حس بروحك تقاتل
گله ارزقني حب حسين من تزور ابو فاضل


السلام عليك يااباعبدلله....السلام عليك يااباعبدلله

---------------------------------------------------

@faqdalmawsawi

عَن اللذَّة و أنت تُردّد الكَلِمات مع قصيدتك الحُسينيّة المُفضَّلة، اللّحظة الّتي يصِل فيها إلى المقطَع الّذي تنتظره حتّى تمضَغ الكَلِمات و كأنّك تتذوّقها لأوّل مرَّة. تُغمِض عينيك، تستشعر تموّجات الصوت، الكَلِمات، إطالة الحروف، احتكاك الحُنجرة.. تخترق جِلدك، عِظامك، تصل إلى قلبك، تضرب أعماق روحك، تُكرّر الإستماع، تُنصِت بكُلِّ جوارحك، و أنت تُردّد تشد على الحروف، حرف.. حرف بِملْء شعورك، تتنهّد، تنقطع عن العالم. ليتركني العالم أهيم لِدقائق مع قصيدتي، ليتركني العالم بِضع دقائق أتجرّد فيها مِن كُلِّ شيء و أعيش حُزني -الذي أُقدِّسه- على آلِ مُحمَّد.

أُخمِّن أنَّ هُنالك مُحبيّن للحُسين "عليه السلام" يركزّون بأنظارِهِم على اولئك الّذين يبكون عليه بِحرقةٍ في المجالِس، فيبذلون جُهدًا ليكونوا مِثلهُم، و يتسألون كيف نبكي كما يبكون، مِن أين لهُم كُلَّ هذه الدموع، يخافون أنّ تكون محبّتهُم للحُسين "عليه السلام" قليلة، ينتابهُم شعور بالتقصير و الخَوف في أنَّ هُناك خلل قد يجعل بكاؤهم و حُزنهُم أقل مِنهم، أنا أحُب اولئك الّذين يحرصون على مكانة أبا عبد الله "عليه السلام" في قلوبِهم، يتفحصّون عيون الآخرين و دموعهم، كأنّهم يقولون نُريد أن تكون عيوننا مثل عيونكم و قلوبنا أيضًا، المُحب الحُسيني يُعاتب عينيَه عندما يرى دموعًا تجري أكثر من دموعه.

☜ بـسمـه تعـالى ☞

الـقصـيدة : يا بن علي
اداء : سيد فاقد الموسوي
كلـمات : سيد محمد الموسوي

☆☆☆☆☆☆☆☆☆☆☆☆

يابن علي .. واصلتنه اعلومك
يابن علي .. ياحلات رسومك


هذا قرآن علي الچان يرتل حروفه
چنه عباس بالاحساس دخيل چفوفه
هيبة حسين والسيوف تخاف تشوفه

شهلة العين .. مدري منين .. ماخذ جماله ولونه
من حسين .. لو عباس .. لو كلهم يشبهونه
كلهه تگول .. من يفوت .. الله يخلي عيونه

يابن علي .. ياحلات رسومك
يابن علي .. واصلتنه علومك ..
ـــــــــــــــــــــــــــــــــــــــــــــــــــــــــــــــــ

قبلة الشوگ يمعشوگ يهيبة هاشم
حلوة الازلوف والچفوف تحلي الصارم
چان الحسين يمولاي يگلك خادم

وانت تگول .. لايحسين .. انت العشگ والغاية
هاي الناس .. فدوة تروح .. كلها لضحكتك هايه
چا شنصير .. محتارين .. لطامة لو مشاية

يابن علي .. ياحلات رسومك
يابن علي .. واصلتنه علومك ..
ـــــــــــــــــــــــــــــــــــــــــــــــــــــــــــــــــ

الله سواك يمحلاك يمحّد شابهك
سمرة الچفوف والزلوف طبگها بحاجبك
كل الاوصاف تره تخاف توصف شاربك

والنظرات .. والضحكات .. سبحانه المسويها
صفاتك .. حلاتك .. مو انه اسولف بيها
لو جبريل .. لو قرآن .. لو حيدر اليحچيها

يابن علي .. ياحلات رسومك
يابن علي .. واصلتنه علومك ..
ـــــــــــــــــــــــــــــــــــــــــــــــــــــــــــــــــ

كاسر الليل يالكحيل گمر بخدوده
ترهب العين والعيون علي محسودة
سورة الدين والاخلاص هذن شهوده

والدخان .. والميزان .. والرحمن والكوثر
والافلاك .. والاملاك .. والاكوان والمحشر
مخلوقات .. للحسين .. ولعباس ولحيدر

يابن علي .. ياحلات رسومك
يابن علي .. واصلتنه علومك ..
ـــــــــــــــــــــــــــــــــــــــــــــــــــــــــــــــــ

انت تنشال يخيّال حرز بگلوبنه
ان شاء الله تصير يمولاي عليك دروبنه
يوسف الشوگ والگلوب جزت يعگوبنه

مشتاگين .. صار سنين .. والخلّصن خسارة
نطلع شوگ ..ونلاگيك .. وتبين المنارة
كون تصير .. وي حسين .. هم للحسن زيارة

يابن علي .. ياحلات رسومك
يابن علي .. واصلتنه علومك ..
ـــــــــــــــــــــــــــــــــــــــــــــــــــــــــــــــــ
@faqdalmawsawi

اخجل من اطيح
=============
اخجل من اطيح ... تتلگاني اديك
بيا حال أنتَ خيل ... تتراكض عليك
انه مرتاح .. وأنتَ برماح .. امدة عيوني
انه لو زين .. مثلك حسين .. هم يسحكوني
::::::::::::::::::::::::::::::::::::

ادبتني وعلمتني وياك اسافر
انه ضايع گبلك ومكسور خاطر
ليش تبقى بتسع اصابع حطني عاشر
خل اضوك شوي من دوس الحوافر

اكشخ بثوب .. وأنتَ مسلوب .. سيدي وضامي
كون الخيول .. وانه مكتول .. تطحن عظامي

المن عطشوك ... خير من الله ماي
هذا ال من اروح ... ينطش بكفاي

::::::::::::::::::::::::::::::::::::
اخجل من اطيح ... تتلگاني اديك
بيا حال أنتَ خيل ... تتراكض عليك
انه مرتاح .. وأنتَ برماح .. امدة عيوني
انه لو زين .. مثلك حسين .. هم يسحكوني
::::::::::::::::::::::::::::::::::::

اخجل اطلب منك بالحال اخبرك
وأنتَ توك كاسر العباس ظهرك
توة عبدالله انذبح طير اعلة صدرك
شبية احس ينزف ورة الشباچ نحرك

ماكو مذبوح .. بابة مفتوح .. ينطر الخادم
ماكو عطشان .. غصنة ذبلان .. يسگي بالوادم

مو گالوا عليك ... يابس ريجة صار
چاليش من اجيك … يترسني خضار

::::::::::::::::::::::::::::::::::::
اخجل من اطيح ... تتلگاني اديك
بيا حال أنتَ خيل ... تتراكض عليك
انه مرتاح .. وأنتَ برماح .. امدة عيوني
انه لو زين .. مثلك حسين .. هم يسحكوني
::::::::::::::::::::::::::::::::::::

انه شمقدم لاخيتك بس دمعتي
كلهن حبال السبي كون برگبتي
ماعبر طاريك اذا ماغام گصتي
وكل فطر بشفافك اتمنى اعلة شفتي

مو بالصغار .. هلبت النار .. تمشي بضلوعي
بية تقصير .. لازم تصير .. مشرعة دموعي

من يحچولي بيك … انشغ بااعلى صوت
واسم الله عليك ... كلش ارد اموت

::::::::::::::::::::::::::::::::::::
اخجل من اطيح ... تتلگاني اديك
بيا حال أنتَ خيل ... تتراكض عليك
انه مرتاح .. وأنتَ برماح .. امدة عيوني
انه لو زين .. مثلك حسين .. هم يسحكوني
::::::::::::::::::::::::::::::::::::

خير مابيها الجدام المامشتلك
وهي مو حلوة العيون المابچتلك
خير وتوصل الناس الواصلتلك
اغلط وماكتلي غير الطايحتلك

اغلط وياك .. وارجع الكاك .. مستعز بية
دمعة العين .. بس للحسين .. راحة نفسية

يبرد گلبي عيب … زحمة من الخيام
شوية دموعي هاي ... وهواي السهام

::::::::::::::::::::::::::::::::::::
اخجل من اطيح ... تتلگاني اديك
بيا حال أنتَ خيل ... تتراكض عليك
انه مرتاح .. وأنتَ برماح .. امدة عيوني
انه لو زين .. مثلك حسين .. هم يسحكوني
::::::::::::::::::::::::::::::::::::

ذلة المدافع على الدنيا وشماتة
بس على الشباچ المدافع حلاتة
اليكطع من حسين چن كاطع صلاتة
خلة يحسب للزمن ومعثراتة

باچر يطيح .. والمن يصيح .. ياهو اليفيدة
دنيتة تميل .. كلمن تشيل .. ايدك من ايدة

دخيل الله ودخيل … منك وحدة اريد
لتراويني يوم … بي عنك بعيد

::::::::::::::::::::::::::::::::::::
اخجل من اطيح ... تتلگاني اديك
بيا حال أنتَ خيل ... تتراكض عليك
انه مرتاح .. وأنتَ برماح .. امدة عيوني
انه لو زين .. مثلك حسين .. هم يسحكوني
::::::::::::::::::::::::::::::::::::

الرادود : سيد فاقد الموسوي
الشاعر : سعد شميل

@faqdalmawsawi

إعرف نسبة حبك الحقيقية لصاحب الزمان
من خلال رابط الإستمارة ادناه :

https://forms.gle/hxpJUzb6fZsyjYsLA

ألي يشارك يدزلي النتيجة 🥹🤍.
@zz_zz313

☜ بـسمـه تعـالى ☞

الـقصـيدة : حايرة منين
اداء : سيد فاقد الموسوي
كلـمات : سيد محمد الموسوي
وسيد محمود الموسوي

☆☆☆☆☆☆☆☆☆☆☆☆

مااندل ياكربلا حايرة منين
گبر الحسين ..
تراب بعده لو عله گبر الحسين
ـــــــــــــــــــــــــــــــــــــــــــــــــــــــــــــــــ

راده بدرب اليسر ،، زينب ومحتارة
ظهري مايل منكسر ،، خلصتها دوارة
شوكت نوصل كربلا ،، حتى اعرف اخباره
هاي مو جيت عتب ،، ناويتها زيارة

جيتك يبو الشيمة .. شيخلص الهيمة
بالدروب معلعلة حايرة منين ...
ـــــــــــــــــــــــــــــــــــــــــــــــــــــــــــــــــ

بذمتچ يا كربلا ،، هل وصلنا الحومة
اذكر هنا حشمت ،، واهلي كلهم نومة
هنا حسين المنذبح ،، سلبوها هدومه
ماكو بالدنيا بعد ،، يوم يشبه يومه

دايرته عدوانه .. وتريده نسوانه
بخيمة وحدة العايلة حايرة منين ...
ـــــــــــــــــــــــــــــــــــــــــــــــــــــــــــــــــ

مااشوف من العطش ،، ياهو اليدليني
حسين تيهت الگبر ،، أگعد وحاچيني
خاف اسولف عل يسر ،، والحچي يأذيني
راح اسلّم بالگلب ،، ماامد چفيني

ماامدهن اعذرني .. چف ايدي يهضمني
بيه أثر للسلسلة حايرة منين ...
ـــــــــــــــــــــــــــــــــــــــــــــــــــــــــــــــــ

جيت مشتاگة وعلي ،، يل شبگتك عازة
كون باب اعله الگبر ،، حتى اشوف اعزازه
ولو صدره المنطحن ،، مالگوله جنازة
الجيش كله بكربلا ،، عالحُسين توازه

لچفوفه مشتاگة .. ماخلوا ملاگة
منين احضنك مشكلة حايرة منين ..
ـــــــــــــــــــــــــــــــــــــــــــــــــــــــــــــــــ

ردت الاگيك شكثر ،، حتى اخبرك حالي
وأنت چثة بكربلا ،، ورمح راسك عالي
وياك چنت مدلله ،، وما نشاف خيالي
الرابيه بديرة علي ،، بالخرايب تالي

من هيبة خواني .. رحت بضعن ثاني
ارد يم راعي الهلا حايرة منين ...
ـــــــــــــــــــــــــــــــــــــــــــــــــــــــــــــــــ

خوية تذكر من گلت ،، انه عنك رايحة
بهزل والوادم غرب ،، والسوالف جارحة
حيلي خلص بالدرب ،، من كثر ماطايحة
مااجيتك اشتكي ،، جايه اقرا الفاتحة

من سوگ الولاية .. ردينه مشاية
روحي ضيم محملة حايرة منين ...
ـــــــــــــــــــــــــــــــــــــــــــــــــــــــــــــــــ

ردنه ننصبلك عزه ،، من دخلنا الكوفة
وحيل رايدله اللطم ،، والحرم مچتوفة
هسه ردينه بهضم ،، گبر أخونه نطوفه
جينه ننشد كربلا ،، والحنين نشوفه

شفنه الگبر ماله .. والتمت اعياله
بچي مال مدلله حايرة منين ...
ـــــــــــــــــــــــــــــــــــــــــــــــــــــــــــــــــ

سون اعليك الحرم ،، بالصحاري قراية
طفلة ماتت عالطشت ،، هاضمتها حچاية
الگبل چانت كل فرض ،، تفرش مصلاية
سمعت اشباه الزلم ،، كاسرين الراية

عفناها عطشانة .. ماردت ويانه ..
ــــــــــــــــــــــــــــــــــــــــــــــــــــــــ

@faqdalmawsawi

☜ بـسمـه تعـالى ☞

الـقصـيدة : يحسين هذا القصر
اداء : سيد فاقد الموسوي
كلـمات :
♧♧♧♧♧♧♧♧♧♧♧♧

يحسين هذا القصر ما لايگ الطولي
هل مرة اخوج ابطشت متانيچ كالولي
ليل الخرايب صعب يخواني ليحكوني

شيسكت ام الولد علما مش اتلولي،
حسين .. امشي عبايه ودمع يحسين عفتوني

محدبه وبلف يا علي يالله اعدل امتوني..


يحسين شبعت هضم مو بس بجي عيوني .
ديوان عالك ضحك وبنصه حطوني ..

♧♧♧♧♧♧♧♧♧♧♧♧

محدبه وبلف يا علي يالله اعدل امتوني..
يحسين شبعت هضم مو بس بجي عيوني..
. ديوان عالك ضحك وبنصه حطوني..

وينك .

من السوك حد القصر ما سكت صوت الدف
صفن غربه وفتت ما بين صف واصف
مره اعرك من الخجل من خوفي مره انشف
لو يعثر ابوسط الزلم شيسوي المجتف

♧♧♧♧♧♧♧♧♧♧♧♧

فازع الشام بفرح ويصيح بحيله
هل مره علنه بهلج ما ردو العيله العيله
فازع الشام ابفرح ويصيح ابحيله
هلمره علنه بهلج ما ردو العيله العيله
مجتوفه هيبت علي يا ميلت الميله
شبعيت راسك قهر جم دوبه اوميله

♧♧♧♧♧♧♧♧♧♧♧♧

هلمرى علنه ابهلج ما ردو العيله..
يحسين هاذ القصر ما لايك الطولي
هلمرى اخوج ابطشت متانيج كالولي
ليل الخرايب صعب يخواني ليحكوني

شيسكت ام الولد علما مش اتلولي...

♧♧♧♧♧♧♧♧♧♧♧♧

@faqdalmawsawi

لك أن تتصور مقدار الألم بلقاء مولاتي فخر المخدرات زينب عليها السلام مع قبور اخوتها وبقية أهل بيتها وابناءها ، فهي لم تستطع ان تنعاهم عند مقتلهم ولم تدفنهم 💔 بل سبيت وهم على رمال الصحراء 💔 ثم عانت ماعانت من غصص وآلام في السبي دون كافل ولا ولي 💔 وعادت بعد اربعين يوما لنفس المكان ومايحمل من ذكريات مؤلمة 💔 حتى تذكر #الرواية انها طلبت من الامام السجاد ان يدلها على قبر سيدي الامام الحسين لانها ماعادت ترى جيدا 💔💔
والله لو كان جبل مكان مولاتي لتدكدك وانهار مما رأى ، فسلام الله عليك ياجبل الصبر وعلى اخوتك واهل بيتك وعظم الله اجرك سيدي ياصاحب الزمان واجوركم ياشيعة امير المؤمنين

☜ بـسمـه تعـالى ☞

الـقصـيدة : سالب راحة الذباح
اداء : سيد فاقد الموسوي
كلـمات : احمد المشرفاوي

✮✮✮✮✮✮✮✮✮✮✮✮

يمتوسط الجثث شادود
عزه ولطّامتك سبعين

يَسالب راحة الذبّاح
كشخ موتك على العدلين

رحت فوگ الرمح يحسين
وعفت فوگ التراب حسين

من گدما نزف راسك.. انصبغ كلمن وگف حدرك
چفوا دمك لحد ماصار.. اصفى من الثلج نحرك

حُـــــســـيــن.. آه... حُـــــســـيــن.. آه...
ــــــــــــــــــــــــــــــــــــــــــــــــــــــــــــــــــ

ابطّل لو اكتبك هيچ
والماراضي خل يسمع

وعلي يحسين حتى انتَ
بثوابك جسمك توزَّع

مثل وجنة علي الأكبر
عضامك عالرمل تلمع

يگلولي الغزل مو دوم.. حلو حسين الغزل وياه
احط قلمي واريد اكتب.. وصوت امك يصيح احاه

حُـــــســـيــن.. آه... حُـــــســـيــن.. آه...
ــــــــــــــــــــــــــــــــــــــــــــــــــــــــــــــــــ

اريد اكتب غزل عنَّك
واسمع صوت خيالة

كافي من السحگ بحسين
مشونه نخوّف اعياله

لمّوا الحرم للسجاد
خل نطگهن گباله

بعد شكتب غزل يحسين.. هاي الناس ماتدري
ماسمعوا الزهرة تصيح.. چفه الحافر لبن صدري

حُـــــســـيــن.. آه... حُـــــســـيــن.. آه...
ــــــــــــــــــــــــــــــــــــــــــــــــــــــــــــــــــ

اكثر سالفة تغثني
ماغيرنه اسم ديوان

وهذا الاسم بي زينب
وگفت والجمع فرحان

كلهن يستحن وتلوذ
نسوان بكتر نسوان

طبول وغنه وفرحانين.. وعيد وناس تشبگ ناس
هاي الوگفة بالديوان.. مو حي الله اخت عباس

حُـــــســـيــن.. آه... حُـــــســـيــن.. آه...
ــــــــــــــــــــــــــــــــــــــــــــــــــــــــــــــــــ

@faqdalmawsawi

[ بسمة تعالى ]
القصيدة :- طاح أخر هلي
آداء :- سيد فاقد الموسوي
الشاعر :- احمد المشرفاوي

****

طاح أخر هلي الحك ياعلي
بجفوف الزلم راية كافلي

أه ياشدة النسوان شدة
ركض وتهطرن وحدة على وحدة
محد ضل الي الحك ياعلي

ايا ياركضت النسوان من النار من ركضن
عثرن من صهيل الخيل وگامن مستحه وعثرن
الوذ بسدهن من الناس وهنه بسدي يتخفن
من كثر الفشل والخوف بعبيهن نار مايدرن

أكول شمالهن یبچن علیه
أطفي بنارهن والنار بيه

يعگلي الموش الي طاح أخر هلي

طاح أخر هلي الحك ياعلي
بجفوف الزلم راية كافلي

أه ياشدة النسوان شدة
ركض وتهطرن وحدة على وحدة
محد ضل الي الحك ياعلي

•○•○•○•○•○•○•○•○•○•○•○•○•○•

صار الراي صوب حسين نركض والزلم صوبين
علي يابو علي وركاض ماندري الطريج أمنين
من العدلين نتكتر ونعثر گمنا بالميتين
عثرنه بكل ضحايه الگاع بس ماعثرانه حسين

من گد مامنعمه الخيل صدره
الطفل مايعثر بصدره ويعبره

مطشرين الولي الحك ياعلي

طاح أخر هلي الحك ياعلي
بجفوف الزلم راية كافلي

أه ياشدة النسوان شدة
ركض وتهطرن وحدة على وحدة
محد ضل الي الحك ياعلي

•○•○•○•○•○•○•○•○•○•○•○•○•○•

هاشم مادريتو شصار بالماشافهن جبريل
يتگاودن بين الناس گامن والتميل أتميل
عبي وطشرت بالگاع بعد ساعه ويجيهن ليل
وآدم غيرة ماعدهه والماعدهه غيرة تعيل

رغم مامن أمس يلهب ضمانه
نسينه الماي من گد مستحانه

من تالي أنولي الحك ياعلي

طاح أخر هلي الحك ياعلي
بجفوف الزلم راية كافلي

أه ياشدة النسوان شدة
ركض وتهطرن وحدة على وحدة
محد ضل الي الحك ياعلي

•○•○•○•○•○•○•○•○•○•○•○•○•○•

وحده تصيح نار ووحده تصيح الحكولي
ذيج تطفي بالكاروك وهاي مغمضه وتلولي
باجر عالهزل يلفون يهاشم جاره شوفولي
وين أهلج يبت حيدر شگلهم من يگلولي

باجر عالهزل مچتوفه أدينه
نلفهن بيش لو مالت عبينه

باجر تبتلي الحك ياعلي

طاح أخر هلي الحك ياعلي
بجفوف الزلم راية كافلي

أه ياشدة النسوان شدة
ركض وتهطرن وحدة على وحدة
محد ضل الي الحك ياعلي

•○•○•○•○•○•○•○•○•○•○•○•○•○•

يحيدر لحگ أعلينه ترى مشي الغرب يگتل
مدافع نصعد أعله النوك وبسياط وشتم ننزل
النهار اشوه الهضيمه الليل بين الغرب من يچل

صعب نوم المره على الگاع
دخيلك ياعلي من الذل
دخيلك لحگ بزينب سبوهه
الخرايب موش للعباس أخوهه

سولك جاره الي الحك ياعلي

طاح أخر هلي الحك ياعلي
بجفوف الزلم راية كافلي

أه ياشدة النسوان شدة
ركض وتهطرن وحدة على وحدة
محد ضل الي الحك ياعلي

•○•○•○•○•○•○•○•○•○•○•○•○•○•

صار الراي صوب حسين نركض والزلم صوبين
علي يابو علي وركاض ماندري الطريج أمنين
من العدلين نتكتر ونعثر گمنا بالميتين
عثرنه بكل ضحايه الگاع بس ماعثرانه حسين

من گد مامنعمه الخيل صدره
الطفل مايعثر بصدره ويعبره

مطشرين الولي الحك ياعلي


علي لحك بزينب سبوهه
الخرايب موش للعباس أخوهه

الحك ياعلي
______
@faqdalmawsawi

علىٰ حُب المَهدي إبتَسِموا..🌱

☜ بـسمـه تعـالى ☞

الـقصـيدة : راح الولد
اداء : سيد فاقد الموسوي
كلـمات : كرار حسين الكربلائي

✮✮✮✮✮✮✮✮✮✮✮✮

راح الـولـد راح .. من بين اديه
ماي برمل طاح .. شـيـرده اليه
تعب العمر ضاع..
نام بحضن گـاع..
شـيـرده الـيـه


چنت مرتاحة بحياتي وبالسلف عندي ولد
من يگوم تگوم روحي وگلبي يگعد لو گعد
الگاع باگت تعب عمري وشوف العيون نفگد
الراح من عدها ولدها شعدها بالدنيا بعد

ريع گلبي تراب ضمه
دنيتي من بعده ظلمة
المات ابنها تموت امه ..وينك ييمة

عين وضوه العين .. ماتن سوية
اسأل عليه وين .. كل مغربية
رايـح بـلا وداع..
نام بحضن گاع..
شـيـرده الـيـه

✮✮✮✮✮✮✮✮✮✮✮✮

من تمر زفة شباب تموت روحي من الحزن
الناس فرحانة بولدها وانه اگضّي الليل أون
الليل اخلصنّه بواچي وماطبگ لمك جفن
شيبت من وكت يمة ومو سهل فگد الابن

يالطولك بعيني شحلاته
ياهيبتي وهيبة خواته
بچيتني گبال الشماته ..آخ الشماته

موت الخذه الموت .. ماخذ شبابك
سكتة وبلا صوت .. ابچي لغيابك
والحلـو الاطبـاع..
نـام بحضن گـاع..
شـيـرده الـيـه

✮✮✮✮✮✮✮✮✮✮✮✮

ياحلم عمري لذخرته لشيبتي وتالي العمر
سنينك الحلوات ذني يمة مو مالت گبر
تلثطعش عام وعفتني وبين بروحي الكبر
ياگلب صبرك تبده منين اجيبنلك صبر

ياگلب غالي وفارگيته
عريس والدم واهليته
وبزفته صارت منيته ..وميت لگيته

نام الولد نام .. نوم العوافي
گلبي بگبر نام .. مو انتَ غافي
حگي ابچي كلساع..
نـام بـحـضـن گـاع..
شـيـرده الـيـه
ــــــــــــــــــــــــــــــــــــــــــــــــــــ
@faqdalmawsawi

☜ بـسمـه تعـالى ☞

الـقصـيدة : متعبينك
اداء : سيد فاقد الموسوي
كلـمات : سعد عواد الهدابي

☆☆☆☆☆☆☆☆☆☆☆☆

سد عينك .. متعبينك .. بس غمض .. لا تركض .. من تسمع يشمتوني .
ذب تعبك على عيوني ..


أذا هاي المتون تروح للخيل
بعد يا متون تأمنها الحمامات
معناها الأمان يروح على الناس

وتبطل تثق بينه الفراشة
أبن الناثر نحطه على الجبال
يجازونه بسبي وغربه وجراحه
من شفتك بعيد وگلبك وياك
عرفت الخوه تعبر على المسافات

☆☆☆☆☆☆☆☆☆☆☆☆

بديت بخيرة الله وهيج جازوك
يم أخر شطر حط الحرامات .. حرامات
سلامات .. سلامات .. سلامات
بچه ومات ..
ونت ضلعك بطول المواويل
تابوتك غريب بلا محاميل
ثلث ايام ما مدفون يحسين
چتل ثاني يتعاطل المچاتيل

موت براحتك موت .
كمل بچيك و موت .
أنگطع چف اليتچيك .
ولا خليت زاتوت .
ارتاح الخاطري ارتاح .
سد عيونك ارتاح .
أخر نومة الك هاي .
ماتغفه على الرماح .

سد عينك .. متعبينك

☆☆☆☆☆☆☆☆☆☆☆☆

شلون أستقبلت كل هاي السيوف
سبعين الف سيف بهل جسد فات
جرح فوگ الجرح حطولك حسين
لمن خلصت بيك المكانات
هذني لـ تسعمية و الألف وين
هواي جروح وشوية العلامات
مو بس عينك الطماها التراب
بيك انطمت عيون المسامات
چا غير انتَ متنك شابع سهام
شلون توصل الدم للسماوات

الخوه الكتلتك من العلم طاح
وبزره الذابحه گبلك يذباح
حساس وشريف ويستحي يطيح
لهذا تحمل الوگفه على الرماح

روح براحتك روح .
يبعد العين والروح .
شلنه الوجع وياك .
بس ما شلنه الجروح .
وياك حسين وياك .
حلوه ومُره وياك .

شگد صعبة للغربه .. من أيدك يگودوني
بس ابچي .. مااحچي
من اذكر دفو ضعوني

☆☆☆☆☆☆☆☆☆☆☆☆

شمساً والدي الما وگفت وياك
تشبهها بأبوك وهيه تچويك
علي خايف عليك ويمشي جواك
وهيه بكل صلافتها تلاگيك
بس نسوان بقو يحسين وياك
والدنيا بكبرها دارت إعليك
محد بي محنه بير مطموم
نشف ماي الگصص محد يرويك
تجيبك طعنة سكينه على الخيام
بس طعناتهم ترجع تدنيك
ضلموك البشر وما قصر الماي
تچويه الشمس ويلچمه الفياي
ما مكتوبلك ترتاح يحسين
بعدلك أربعين و سبي و حداي

هواي أيامك هواي ..
من الطف للسبي هواي ..
تعطش لأهلك نوب ..
هانت لو على الماي ..
رماد خيامك رماد ..
گلبي وبيتك رماد ..
ارجع واتعب وياك ..
كون الدنيا تنعاد ..

يسبوني .. ويذبحوني .. الف مرة ولا أعوفك
يحبالي .. يا لغالي .. وأتحسر على شوفك

☆☆☆☆☆☆☆☆☆☆☆☆

@faqdalmawsawi

تمـت بعُون اللّٰه ..