السلام عليكم خدمة الحسين ؏
عظم اللّٰــه اجوركم بـ استشهاد ابا عبدالله الحسين ؏ روحي لهُ الفداء
جداً اعتذر عن الي طلبوا قصائد وما كانت متوفرة لكن نحن نكتب فقط لـ رواديد الي هم .....

الرادود سيد فاقد الموسوي
الرادود مسلم الوائلي
الرادود مرتضى حرب
الرادود محمد باقر الخاقاني
الرادود حسن خريبط

و ايضاً كم قصيدة من الرواديد الي ذكرتهم ما متوفرة فـ ارجوا المعذرة من الكل و ان شاء اللّٰــه راح نبدي نكتب القصائد الغير متوفرة

اسئل اللّٰــه تعالى أن يجعلكم من انصار الامام المهدي عجل اللّٰــه فرجة الشريف .

https://youtu.be/B-wHBJ8PdQg

خطبة قيمة عن الامام السجاد ع للسيد حسين الصافي في الشعلة . الغزالية

https://youtu.be/ytutBJ8EJt8




على حب فاطمة ع

"( بسمه تعالى )"

القصيدة :- يالمهدم ضريحك
الرادود :- سيد فاقد الموسوي
الشاعر :- سيد محمد الموسوي
___
يالمهدم ضريحك تدري بدموعي
بنوا كبري ونسوني مهدمه ضلوعي

كضيت ايامي      غريب وضامي
وره عيونك         وره عيونك

يمن ماهو كبرك __ خذه ضلوعي هجرك
وكف هذا الي يدك __ من كد الفراك
صدك عالي كبري __ لجن ماهو صدري
حضن ماعندي الك __ والكلشي اشتاك

من كثر السيوف التطعن ارداف
من صدري الشمس ياخويه تنشاف
من كد السحك ما ضلت اجتاف
اخوك انه الغريب الوحده انعاف

ضريحي من ذهب بس تنزف جروحي
لأن كبرك تراب ويلجم بروحي
ضريحك عالي شوكت يالغالي

وره عيونك  __ وره عيونك

يالمهدم ضريحك تدري بدموعي
بنوا كبري ونسوني مهدمه ضلوعي

كضيت ايامي      غريب وضامي
وره عيونك         وره عيونك

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•

أحن لعشرتك __ حلاتك ضحكتك
يمن حته النفس تتكاسمه وياي
اخذ كلشي مني __ المناير هذني
اخذ زواري الك واخذ القبب هاي

اخذ من كربله ذني الضريحين
فدوه يروحلك عباس وحسين
يواحد ماله ثاني نجيبك منين
اخونه انت الجبير وبسمة العين

ضريحك من اشوفه يرد نفس بيه
اخذ حته الزيارة الاربعينية

فداك جروحي __ يماخذ روحي
وره عيونك __ وره عيونك

يالمهدم ضريحك تدري بدموعي
بنوا كبري ونسوني مهدمه ضلوعي

كضيت ايامي      غريب وضامي
وره عيونك         وره عيونك

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•
كبل وانت يمي __ جنت انسه اسمي
واذا صاحوا الك جنت اركض وياك
كثر مااعشكك __ اذا تغفه افكدك
يالاغله من الهوى موتني فركاك

ما ناسيك خويه وتشهد الناس
جم مره الحسن صحت عله العباس
يرفعة راس دنك يمها كل راس
مجانك موش خالي مرصع احساس

يغالي ومو فركتك سوتك غالي
يممشه الدم يالابهر لا يدلالي

يذخر سنيني __ يتارس عيني
وره عيونك __ وره عيونك

يالمهدم ضريحك تدري بدموعي
بنوا كبري ونسوني مهدمه ضلوعي

كضيت ايامي      غريب وضامي
وره عيونك         وره عيونك

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•
هذيج الحوافر __ تطشني واكابر
كلت بالكت حلم وتمرني عينك
يذبحوني وادري __ نطق باسمه نحري
صحت من النحر __ يالحسن وينك

من كد ماجنت مشتاك احاجيك
راسي عله الرمح بس سولفت بيك
سراب بنص حلم واركض عطش ليك
اتيهن بيك كمت منين ما جيك

الك فوك الرمح تتلفت عيوني
جنت باسمك اصيح عله اليذبحوني

ترد ياريتك __ حلم لاكيتك
وره عيونك __ وره عيونك

يالمهدم ضريحك تدري بدموعي
بنوا كبري ونسوني مهدمه ضلوعي

كضيت ايامي      غريب وضامي
وره عيونك         وره عيونك

•°•°•°•°•°•°•°•°•°•°•°•°•°•°•°•°•°•°•°•°•°•°•°•°°

الك وانا ضامي __ اوصل سلامي
يمن محد يسد وحشه غيابك
عتبتي وشكلها __ الك فدوه كلها
الك خادم انه __ والباب بابك

ضل انت واجيلك انه مشاي
واجيبن كربله وعباس وياي
اصير امنيتي الك من الزغر هاي
انه الخادم وبس انت مولاي

حلم هذا واشوفن تنبني عتابك
واخلص عمري كله خادم ابابك

هلي يدروني __ غريبه عيوني
وره عيونك __ وره عيونك

يالمهدم ضريحك تدري بدموعي
بنوا كبري ونسوني مهدمه ضلوعي

كضيت ايامي      غريب وضامي
وره عيونك         وره عيونك

____

https://t.me/faqdalmawsawi

☜ بـسمـه تعـالى ☞

الـقصـيدة : كدامك اركض
اداء : سيد فاقد الموسوي
كلـمات : ميثاق الحمداني

☆☆☆☆☆☆☆☆☆☆☆☆

خليت ويه اهدومك اهدومي
كدامك اركض لو كلت كومي
لو كتلي ابقي اوحيده اخذو الدوه ماريده
كدامك اركض لو كلت كومي

☆☆☆☆☆☆☆☆☆☆☆☆

يم الباب شكد فرفحت من كامو يأشرولي
يم الباب امشي اعلى كيفي بلكت يصيحولي

بويه كلمه صعدي شكدها صارت عندي
اوماحجوها اوكمت ادور ع هوه امنين
ادعي ربي ابنوحي اعليك ثكل اجروحي
تجي امن الكوفه رساله اترجع حسين

☆☆☆☆☆☆☆☆☆☆☆☆

وجاها الصوت ... راح نموت ... خايف تحركج خيمه
يارجواي ... تجوي هواي ... ركضت علهوا يبهيمه

يابويه ركضت طيف ركضاتيج
باجر وراهن ركض عمااتجي
حسينج يموت وليده اخذو الدوه ماريده
كدامك اركض لو كلت كومي

☆☆☆☆☆☆☆☆☆☆☆☆

راح اتروح اوكفلي بس خل اشبع من عيونك
راح اتروح سويلي حل للمغربيه ابدونك

الگضه عمره يشوفك شلون بله يعوفك
ركز ابوجهي اوتشوف اشكد اريدك
تدري شنهو العافيه هاي اديك الدافيه
جن سهم من كلب ينجر جرت ايدك

☆☆☆☆☆☆☆☆☆☆☆☆

باجر وين الكه حسين والحيره كبرت بيه
كلشي ايهون بس اشلون تكسر ابكلب ابنيه

مو يمي واكف ليش مخنوكه
ياريت اطيح ابخيمه محروكه
ليش العذاب اتزيده اخذو الدوه ماريده
كدامك اركض لو كلت كومي

☆☆☆☆☆☆☆☆☆☆☆☆

ها يحسين الوياك راحت بالضعن هنيالها
ها يحسين كبال الهوه او هيه الحسين اكبالها

سكينه سئلت وانه كلت اي زعلانه
قنعي ابوي محلفه بعريس كلبج
تراجفت رجليه كلت لختي ارقيه
ديري بالج عله نفسج والله احبج

من تمشين لاتعبين تعب العزيز اشوفه
لا تبجين مو تدرين حته دواي اعوفه

لو ماشيه جا انه داريتج
ضميها لايجروها ترجيتج
ضكني الزمان ابيده اخذو الدوه ماريده
كدامك اركض لو كلت كومي

☆☆☆☆☆☆☆☆☆☆☆☆


وين الكااك لو ليلي طول وانذبح مصباحه
وين الكااك تكدر تكلي امنين درب الراحه

شقتنع بفراكك كبالي وانه اشتاكك
صبح باجر انته خير اشلون رايح
ليش بيتك عايفه بويه والله خايفه
ليش احسك مره كايم مره طايح

عندي حساس بالعباس يوكع او تلزم ضهرك
بالدمعات والاهات من الخيمه يطلع خدرك

بعيونك انضر حركت اخياامك
واتشوف طيحت اخت كداامك
يالتوكع اعله البيده اخذو الدوه ماريده
كدامك اركض لو كلت كوومي

☆☆☆☆☆☆☆☆☆☆☆☆


فدوه حسين انطيني فرصه اشويه خل امشيلك
فدوه حسين طيبني خل نمشي سويه ادخيلك

ايدي بيدك لازم ما اريدن الوادم
اتكول عايفها لان هيه عليله
ليش حملي اتعيفه بويه انه اضعيفه
ليش احس ابروحتي اعليكم ثكيله

ليش اتحير حجمي ازغير ماكلفك نص محمل
موش اتروح خلي اتروح وشكال هجرك ينحل

يحسين اخذني اورايده امرووتك
تترك بشر يتنفس ابصووتك
خل كلبي يبجي ابعيده اخذوه الدوه ماريده
كدامك اركض لو كلت كومي

☆☆☆☆☆☆☆☆☆☆☆☆

@faqdalmawsawi

☜ بـسمـه تعـالى ☞

الـقصـيدة : منية النبي
اداء : سيد فاقد الموسوي
كلـمات : سيد محمود ، محمد الموسوي

♧♧♧♧♧♧♧♧♧♧♧♧

خاتمُ الأنبياءِ .. أمنيةُ الكساءِ

ياليتنا صار.. في نينوى غار..
كي يمنع النار.. وتسلم النساءِ

♧♧♧♧♧♧♧♧♧♧♧♧

أمنيتي غار بكربلا
وتلوذ بيه العايلة
كل الحمام نشوفه
يم خيمة حسين ..

والعنكبوت خيوط امس
ينسجها عن حرالشمس
يحسين ومن الكوفة
ترد النساوين ..

ولا زينب يمرها العطش
ولاتوگف بليل هدعش
ولا تنوخذ مچتوفة
تدخل دواوين ..

امنيتي وحدة هيّه .. ماتنسبي العلوية

وجدام الزغار .. ماتسحگ النار..
وبالرمل حار.. في أرضِ كربلاءِ

♧♧♧♧♧♧♧♧♧♧♧♧

يا نبي سليمان الهوه
باچر توصله لنينوى
تحترگ خاف الخيمة
وزينب هوه تريد ..

والهدهد من ارض الوطن
ينگل رسايل للضعن
درب العليلة بهيمة
عن كربلا بعيد ..

اربع حياطين وتون
وتدير اديها من تحن
وحدة لگلبها وضيمه
و اعله الضهر ايد ..

ذمة برگبته الحافر .. يسحگ حسينچ باچر

هُدهُد سُليمان.. يأتيكِ ضمآن..
فوقَ الجناحان.. من اهلكِ الدماءِ

♧♧♧♧♧♧♧♧♧♧♧♧

باچر يهاجر فزعتچ
للماي اريدن ركضتچ
عبدالله هم وليدچ
مااريده عطشان ..

يوسف اريدك بالحلم
عن زينب توخر الزلم
وتگلها الله يريدچ
للخدر نيشان ..

واتگلها باعوني اخوتي
همَّه اهدعش ياحسرتي
وأنتِ ابوفاضل بيدچ
شايلته قرآن ..

هنيالچ بعبّاسچ .. وَحَّده ورافع راسچ

ينطي السهم عين.. طيحله چفين..
حي الله اخو حسين.. يا هَيبةُ السماءِ

♧♧♧♧♧♧♧♧♧♧♧♧

ايوب باچر ينتظر
يتعلم من الطف صبر
لو شاف زينب حارت
من حسرته يموت ..

ابراهيم من ناره سلم
بس لو يجي يشوف الخيم
جمرًا ونارًا صارت
مايگدر يفوت ..

يونس اذا ليل اهدعش
مر بيك وي ذاك العطش
چا صحت نعمة ودارت
وي ظلمة الحوت ..

خل موسى يحمد ربّه .. ماصار عالطف دربه

بجذعچ تهزّين.. بس راس الحسين..
هزوا السبعين.. يا مريم العذراءِ

♧♧♧♧♧♧♧♧♧♧♧♧

باخر نفس گال النبي
يحسين عينك عالعبي
زينب اذا عفتوها
ماترحم الناس ..

انه ادري باچر تنذبح
للشام راسك عالرمح
والخيمة اذا حرگوها
ويطيح عبّاس ..

خل زينب تشيل العلم
تقرا السلام اعله الخيم
بت حيدر يعرفوها
ما هَبّطت راس ..

باچر تجي المشاية .. وتشيل هاي الراية

المهدي هم جاي.. وبيمنته لواي..
والشيعة وياي.. لاينتهي العزاءِ

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : الخدمة بجف العباس
اداء : سيد فاقد الموسوي
كلـمات : محمد البطحاوي

★★★★★★★★★★★★

ويَ حسين.. بالخدمة نموت ونعدل
كون يصير.. مجلسنـا يعـادل مقتل

گبل الطف چانت يا ناس
الـخـدمـة بـچـف العباس

ويَ حسين..  ويَ حسين..

★★★★★★★★★★★★

كون الخادم يندل دربه
ولو مر اسم حسين يطيح

كون الناعي أول ما يبدي
عن الطف من گلبه يصيح

من يسمع زينب مسبية
يهتز مثل السعفة بريح

الخادم اعله حسين كل گلبه صافي
بكل مجلس شمحلاه من يمشي حافي

طف حسين.. رايد خادم بدموعه
من يقرون.. يطبع چفه اعله ضلوعه

ينگط غيرة وكله احساس
الخدمة بچف العباس .. وي حسين ...

★★★★★★★★★★★★

خل نشد احزام الخدمة
لشهر حسين الباقي ايام

الـ من هسه محضر روحه
تسجله الزهرة من الخدام

كون نحط موكب يم موكب
نبنيهن بنيان اخيام

حتى الزچية تگول لحسين أبنها
يوليدي هالخدام طاهر لبنها

يا خدام.. گبل اهلال المسبية
هل عزيات.. كلها تصبّح مبنية

ماواحد بينا الينقاس
الخدمة بچف العباس .. وي حسين ...

★★★★★★★★★★★★


لازم مانبرد عن الطف
ولكل مجلس مشتاگين

هذا اليلطم ذاك يوزع
وينزلن دمعات العين

چا معقولة الخادم يسكت
وبالحافر ينداس حسين

لطمه اعله راسه يصير من يسمع الصار
زينب بنص الشام شمروها بحجار

ها يالشام.. كون نعيش ويا كلشي
نص السوگ.. زينب عثرت لو تمشي

وي الكافل عالي الراس
الخدمة بچف العباس .. وي حسين ...

★★★★★★★★★★★★

الخادم كون لشهر احزانه
يتلگاه بحرگة روح

ويضل لمصابك كل عمره
مامرتاح وكله اجروح

زينب يوم العاشر ركضت
وعطشان حسين ومذبوح

وبلا قميص حسين بيه عالترب نام
فوگ الحرم يا ناس حرگوها الخيام

طف حسين.. مايتوصف بحچاية
طف حسين.. جروحه بگد المشاية

مكتوب الراعي النوماس
الخدمة بچف العباس .. وي حسين ...

★★★★★★★★★★★★

وي ركضت زينب خل نركض
عالخدمة بكل همّة وحيل

نخلص وي حسين بكلشي
وبالخدمة انّافس جبريل

بيرغ خدمتنه يضل عالي
جيل يسلّم كون الجيل

كون الخدم لحسين صف يمشي يم صف
چا حتى اليرضعون عرفوا شنو الطف

يمته نصير.. واحد يتباها بواحد
منجمعين.. وحسين اعلينه الشاهد

ينگط غيرة وكله احساس
الخدمة بچف العباس .. وي حسين ...

★★★★★★★★★★★★

@faqdalmawsawi

كل عام وانتم من خدمه صاحب الزمان
كل عام وانتم بصحه وامان وسلام
كل عام وانتم بـ رضى الله سبحانه وتعالى
حقق الله امنيتكم وزاد على رغبتكم
كل عام وانتم بخير

☜ بـسمـه تعـالى ☞

الـقصـيدة : راس السنة
اداء : سيد فاقد الموسوي
كلـمات : سيد محمود الموسوي

♧♧♧♧♧♧♧♧♧♧♧♧

للزهرة وحسين انه منطي احچاية
راس السنة من يدور اسوي اقراية

♧♧♧♧♧♧♧♧♧♧♧♧

زهرائي طبعي وافتخر ياناسي
وابن السقيفة مايغير احساسي
مايدري شايل غيرة من عباسي
غير المجالس مااخلي براسي

رباني الحسين ومشيت براية

للزهرة وحسين انه منطي احچاية
راس السنة من يدور اسوي قراية

♧♧♧♧♧♧♧♧♧♧♧♧

مو بس لطم لا عدنه غِيرة هنانه
مرفوضة كل فكرة علم والوانه
رايتنه بيد المهدي دوم ويانه
واليحچي عل مجلس نگص السانه

غيرتنه دگت بالمجالس راية

للزهرة وحسين انه منطي احچاية
راس السنة من يدور اسوي اقراية

♧♧♧♧♧♧♧♧♧♧♧♧

يبن السقيفة اشجابك اعله سنيني
گايلها لا تتدخل انت بديني
براس السنة المهدي وعلي متانيني
مجلس اسوي والطم اعله حسيني

وفاية لحسين وعلي وفاية

للزهرة وحسين انه منطي احچاية
راس السنة من يدور اسوي اقراية

♧♧♧♧♧♧♧♧♧♧♧♧

متوهم الرايدني اعيش افكاره
عفنه السنة وراس الرمح نختاره
ضلع الزچية الليلة نطلب ثاره
باچر يجي المهدي ويهل فقاره

الكاسر ضلع لازم نذكره بهايه

للزهرة وحسين انه منطي احچاية
راس السنة من يدور اسوي اقراية

♧♧♧♧♧♧♧♧♧♧♧♧

حچاية انتبه وياك اريد احچيها
عينك عله الساعة اثنعش خليها
بيها الفرج وادعي الفرج مهديها
والزهرة كون بمجلس نواسيها

والدنيا عاشور وبچي ومشاية

للزهرة وحسين انه منطي احچاية
راس السنة من يدور اسوي اقراية

♧♧♧♧♧♧♧♧♧♧♧♧

مسك الختام بكل سنة نشم عطره
هنياله كل خادم خدم للزهرة
خليها عينك كل وكت منتظرة
موعد ظهور المهدي حتى انصره

بثار الزچية وثار المسناية

للزهرة وحسين انه منطي احچاية
راس السنة من يدور اسوي اقراية

♧♧♧♧♧♧♧♧♧♧♧♧

@faqdalmawsawi

أعمال ليلة الرغائب

☜ بـسمـه تعـالى ☞

الـقصـيدة : قتال العرب
اداء : سيد فاقد الموسوي
كلـمات : سيد محمود الموسوي

☆☆☆☆☆☆☆☆☆☆☆☆

علي علي ..علي علي ..علي علي ..علي علي

تنظيم الاكوان بعلي وسر الوجود بحيدرة

علي علي ..علي علي ..علي علي ..علي علي

تسبيح الافلاك ابتده ونور الشمس من ناظره

علي علي ..علي علي ..علي علي ..علي علي

موسى انتخه وشگ البحر چي صاح بسمه وعبّره

علي علي ..علي علي ..علي علي ..علي علي

بحروفه منتچيه السمه وبيده النجوم مسطرة

علي علي ..علي علي ..علي علي ..علي علي
علي علي ..علي علي ..علي علي ..علي علي ...
☆☆☆☆☆☆☆☆☆☆☆☆

چف العجايب والفلق والطارق ولوح السمه

علي علي ..علي علي ..علي علي ..علي علي

ربّك خلق كلشي بعلي وابلا حجاب ايكلمه

علي علي ..علي علي ..علي علي ..علي علي

كل دگه تصرخ ياعلي وكل ياعلي يافاطمة

علي علي ..علي علي ..علي علي ..علي علي

ماطلگت الكعبة ابشر بس بعلي حامي الحمة

علي علي ..علي علي ..علي علي ..علي علي
علي علي ..علي علي ..علي علي ..علي علي ...

☆☆☆☆☆☆☆☆☆☆☆☆

نفس الرسول ومهجته وروحه وشريكة البالگلب

علي علي ..علي علي ..علي علي ..علي علي

يتسمى قتّال العرب چي بالحرب ماينغلب

علي علي ..علي علي ..علي علي ..علي علي

من عطره حبينه الهوا وصلينه باسمه عل درب

علي علي ..علي علي ..علي علي ..علي علي

ترهب صفاتك ياعلي أنت السهل وأنت الصعب

علي علي ..علي علي ..علي علي ..علي علي
علي علي ..علي علي ..علي علي ..علي علي ...
☆☆☆☆☆☆☆☆☆☆☆☆

وجه الله وآلاءه علي ومن العلي اسمه ابتده

علي علي ..علي علي ..علي علي ..علي علي

والهدّم اصنام الشرك والحارب الجن وحده

علي علي ..علي علي ..علي علي ..علي علي

يا قالع الباب التي ما تهتز بچف العده

علي علي ..علي علي ..علي علي ..علي علي

أنتَ العظيم أنت الأسد والكون أميره وسيده

علي علي ..علي علي ..علي علي ..علي علي
علي علي ..علي علي ..علي علي ..علي علي ...
☆☆☆☆☆☆☆☆☆☆☆☆

قد قاب قوسين ودنه ونور الإله امجلله

علي علي ..علي علي ..علي علي ..علي علي

قل لا فتى إلا علي وبس هو راعي المرجلة

علي علي ..علي علي ..علي علي ..علي علي

خلّف سبع عالگنطرة ومن عده ترجف كربلا

علي علي ..علي علي ..علي علي ..علي علي

آدم سجد يم حضرته وصاح اسمه گبل البسملة

علي علي ..علي علي ..علي علي ..علي علي
علي علي ..علي علي ..علي علي ..علي علي ...
☆☆☆☆☆☆☆☆☆☆☆☆

@faqdalmawsawi

مَنْ كانَ مِنكُم في ضَياعٍ وَحَيْرَة
فَـليَذهَبْ بِكُلِّ أثقالَه لِلحُسَيْن.

لو أمشي طِول الـدَرب حـافي
عثـرة ويْ عثـرات زِينبْ مـا أوافي ..

علّمتُنا سّيدتنِا زينب ـ عِليها ألسِلام ـ
أنّ صبرَ المُؤمِن لاحَدُ لهُ ، وأن الرضِىٰ بقضِاءِ اللهِ سِعادةً ، وإن كِان شَديدُ
الألِمّ علىٰ قِلوبّنا ،
علّمتُنا أنّ المرأة لِيسّت ضِعيفة بَل هِي مُنهِلِ للقوةِ والشجِاعةِ والصَّبرِ لـمواجِهةُ
كُِل الِصُعابِ ، وأنِها قادرةِ على أنّ تِكُون قِائدةِ في ترِبية جّنود مؤهِلين لنِصرة صِاحُب الزمان ـ عج ـ
ـ كِما أهِلت هيَ أولادُها
لِنصرةِ الحُسين ـ ع ـ ..
ـ علّمتُنا أنّ نِكُون نافِعين للنِاسُ ورساليين في كُل جوانبِ حَياتُنا ولو كُِنا أعزاءِ في بِيوتنا ..
ـ علّمتُنا أنّ اللبسُ المُحتشِم
ﻼ تتحكُم بهِ الظِروف ..
ـ علّمتُنا إنهُ يجبُ العُمل عِلىٰ
أكِتسابُ العِلم ،وأنِتاجُ المَعرفه ،والعِمل علىٰ تِنميةِ
فُكرنا وشخَصيتُنا ،
وتعِزيزُ ثُقتِنا بأنِفُسنا،
لِنِتحصِن مِن الأنحُرافات
الفُكريه والسلوكِيه..

☜بسمه تعالى☞

مولود: فرحة مهدوية

الرادود: سيد فاقد الموسوي

الشاعر: سيد محمد الموسوي

✿✿✿✿✿✿✿✿✿✿✿✿✿✿✿✿✿

گرب مهدينهه

الشامت خل يتكتر

عالخشب دگينه

ينحسد مهدينهه

هلا هلا
✿✿✿✿✿✿✿✿✿✿✿✿✿✿✿✿✿

هلال حاجب عينه

هلا هلا

يله طشوا الواهليه

عيون حلوة هاشميه

وهاي فرحة مهدويه

واليحب يتبارك

هلا هلا
✿✿✿✿✿✿✿✿✿✿✿✿✿✿✿✿✿

باجر الفرحة الجبيرة

لو طلع سيد الغيرة

ما تظل يا ناس حيرة

ويخسر الما شارك

هلا هلا

هاذا فرحنه المايعجبه الله وياه

وصوه الشامت شارعك كطعناه

السوگ عزل والورد گضيناه

چكليت مطرت وغيموا شيعه هنا
✿✿✿✿✿✿✿✿✿✿✿✿✿✿✿✿✿

كولوا مبارك والف مبارك

عفيه حيدر

الشامت خل يتكتر شرف مهدينه

✿✿✿✿✿✿✿✿✿✿✿✿✿✿✿✿✿

كون مو بالصوره

هلا هلا

كون بيته نزوره

هلا هلا

الا اترسه نذوره

يا شمسنا اليوم غيبي

وحرز من عباس جيبي

نور الدنيا حبيبي

الضوه صار مراده

هلا هلا

اليوم ميلاد الشهامه

حولوا كلهم عمامه

لبسوه تاج الامامة

وصار شيخ السادة

هلا هلا

مولود عد السادة صاير يا ناس

عن الحسد غشوه براية عباس

هذا ابو صالح بالبشر ما ينقاس

لو الف يوسف دنكوا يمه الراس

حيو المثل السيف حجاجه

لكوسر حيدر جاي

المايدرون نگلهم

هذا ابن الهيبة

المايدرون نكلهم

هذا ابن الهيبة

✿✿✿✿✿✿✿✿✿✿✿✿✿✿✿✿✿

اليوم صار الغالي

هلا هلا

بجيته يا هنيالي

هلا هلا

گمر وجهه يلالي

هلا هلا

خبر عاجل راح اذيعه

اجه ابو عيون الوسيعة

هوسوا كلهم الشيعه

نصير بيرغ واحد

هلا هلا

صلوا عالمصطفى واله

هيبة ويخبل جماله

الكون كله صفكاله

يا جناب القائد

هلا هلا

شدوا الچفافي بحيلكم دبچوا وياي

ما جابته امه المايحبك مولاي

حنيت اديه وبابنه لجيتك ها

عباس چنك تارس الجربة وجاي

نفس الرشيه براسك صارت

يا خيال الكاع

الما والاك شحصل²

خل يطم روحه

الما والاك شحصل

خل يطم روحه

✿✿✿✿✿✿✿✿✿✿✿✿✿✿✿✿✿

@faqdalmawsawi

مع ذكرى هدم قبور البقيع يعلن:

منتدى إقرأ لترتقي الثقافي النسوي

عن 🗒فقرة قراءة و تلخيص كتاب🗒:

١- يتم إرسال كتاب من قبل ادارة المنتدى على شكل ملفpdf.
٢- على المشتركة أن تكمل قراءة الكتاب خلال مدة نقررها حسب حجم الكتاب
٣- بعد أن تنتهي المشتركة من قراءة الكتاب ، ترسل ملخص بسيط  منه الى المشرفة.
٤- ستكون هنالك شهادة تقديرية بعد إكمال قراءة كل كتاب، فضلاً عن المعلومات المفيدة التي يحتويها الكتاب.


📌الكتاب المقرر :

🌺 فاجعة البقيع 🌺

المؤلف:الشيخ جلال معاش



مدةالقراءة: ١٥ يوما"

لمن تحب الاشتراك كتابة الاسم عبر الرابط:

https://t.me/+HGY5S2I88qsyOTIy

☜ بـسمـه تعـالى ☞

الـقصـيدة : الله يعينه الفارگ عزاز
اداء : سيد فاقد الموسوي
كلـمات : محمد الموسوي

✮✮✮✮✮✮✮✮✮✮✮✮

كون الگلب بيبان اله ونمر على الأحباب
حچيي الدمع ماينفهم من فوك التراب

أول مره السوت درب للمگبره ام عون
وتصيح من وادي النجف كل اهلي غياب

والعيد اجه هلاله ــــ والفارك شحاله
والمنشده باله ــــ جا شله بالعيد

وضلت بلا والد ــــ بالمكبره تعايد
راح الاعز واحد ــــ عن زينب بعيد

الله يعينه الفارگ عزاز

✮✮✮✮✮✮✮✮✮✮✮✮

الما مفارگ ام و أبو لا يحچي بفراگ
يفهمني بس البي جرح والگلبه مشتاگ

شايف اذا حن الگلب ويصير الغروب
وبهداي بهداي النفس من صدري ينباگ

من ينسمع نوحي ـــ وتشيب جروحي
من تنگطع روحي ـــ والشوف ابديه

من ينهدم حيلي ـــ ومحد يتجيلي
ويگضي بدمع ليلي ـــ وفراگ اسمي

الله يعينه الفارگ عزاز

✮✮✮✮✮✮✮✮✮✮✮✮

يابويه من كالو صدك تابوتك يروح
اخر نفس بيه بقى وماطلعت الروح

مادام أبو تراب اندفن واتغطى بتراب
مايكضي شلعان الگلب وتطيب الجروح

خيمة هلي طاحت ـــ ضحكة علي راحت
حته السمه ناحت ـــ بفراك أبو حسين

ما صدك فراگه__ وين الله نتلاگه
يابويه مشتاگه__لعيونك العين

الله يعينه الفارگ عزاز

✮✮✮✮✮✮✮✮✮✮✮✮

الفاگد اعزاز الگلب والظهره مكسور
والتلگه خده من الدمع ليليه محفور

والماله چاره ويه الحزن والمغر يحير
گلوله كبل المگبره يمشي لعلي يزور

يرتاح اذا شافه__ويخسر اذا عافه
حيدر علي خلافه__ ما تسوه دنياك

كل شدة راعيها__ وحيدرنه يگضيها
وهو الينجينها__ بلأخرة هناك

الله يعينه الفارگ اعزاز

✮✮✮✮✮✮✮✮✮✮✮✮

من تسمع يصير الدمع يرجع للعيون
معناها ياگلبي الامس ماتوا يردون

لا نايمين وانده يگعدون الاعزاز
ولا سافروا حتى انتظر طارش يودون

كل اهلي عافوني __ بالغربة خلوني
شيقنع عيوني __ ميتين الاحباب

تعبانه بجفاهم __ لو كلهم الگاهم
لو اموتن وياهم __يدفني التراب

الله يعينه الفارگ اعزاز

✮✮✮✮✮✮✮✮✮✮✮✮

@faqdalmawsawi