#calendarioescolar | 📆📌 A consellaría ven de publicar o calendario escolar para o próximo curso, comezamos antes, o 8 de setembro, e sabemos cando vai ser nadal e semana santa. Tamén sabemos que o mes de xuño en secundaria vai ser do novo algo non planificado, e que no período que vai dende o 5 de xuño ata o 22 que é cando rematan as clases pode pasar calquera cousa.

😔 Este calendario continúa dependendo das festas relixiosas para fixar os trimestres do ano, un despropósito incomprensíbel a estas alturas, con tres trimestres que durarán 71, 57 e 50 días, mirade vós a lóxica do reparto.

🤬 Pero sobre todo é outro calendario escolar feito ás costas das familias galegas. E non é un tema no que non teñamos nada que dicir, é un tema, máis ben, no que non hai ningún interese en escoitarnos.

🔗 Ligazón ao DOG: https://www.xunta.gal/dog/Publicados/2022/20220602/AnuncioG0655-240522-0001_gl.html
📸 CIG-Ensino

#conciliación | 📌 Compartimos de novo a información co programa de conciliación de verán da FANPA Compostela, xa que houbo unha corrección de erros na anterior ficha de inscrición e ademáis, engadimos a oferta de campamento para as familias de Padrón no CEIP Rosalía de Castro.
📆 O prazo de inscrición remata o vindeiro venres 10 de xuño.
👉🏻 Pódese consultar o programa, horarios e prezos, así como descargar a ficha de inscrición en https://wp.me/pbh9Dy-vc

#Díadomedioambiente | 👉 Semella ás veces que o Medio Ambiente é algo que temos que coidar dun xeito externo, hai que facer rituais, actividades escolares, proclamas e saúdos a algo que non é mais, nin menos por certo, que o único lugar onde é posíbel a nosa vida, e a vida de todas as demais con quen compartimos o tempo.

💚 O medio ambiente cóidase con actos cotiáns, co respecto á terra, porque vivimos dela, ás augas, porque son a nosa vida líquida, ao resto dos seres vivos que veñen canda nós no tempo, porque para que o respecto volva hai que dálo antes.
E non sexamos parvas, defender o medio é sinxelamente coidalo no día a día, vivir pendentes da súa atención, e ser críticas con todos os despropósitos económicos que pretenden privarlle de futuro. Porque o lugar onde vivimos non é noso, herdámolo e temos que deixalo en herdanza, tan ben como nolo deron ou mellor aínda, esa é a nosa obriga, e ese é o dereito das nosas fillas e fillos.

https://fanpacompostela.wordpress.com/2022/06/05/5-de-xuno-dia-mundial-do-medio-ambiente

#obradoiroparafamilias | 📌 Lembrámosvos que este xoves 9 de xuño celebramos un obradoiro a prol da doazón de órganos da man de Alcer Coruña, Asociación para a Loita Contra as Enfermidades de Ril.

👉🏻Aínda que quizais este tema soe algo difícil e alleo, non é menos certo que é unha realidade dentro da nosa inacabábel diversidade, e non está mal atender a outras mensaxes que nos fagan comprender realidades que quizais -e oxalá- non nos acaian. Animádevos a asistir!

📆 DATA: xoves 9 de xuño ás 17:30 horas
📍 LUGAR: Local da FANPA Compostela (Rúa Estocolmo, 8, baixo, Santiago de Compostela)
✅ ORGANIZA: Alcer, en colaboración con Fanpa Compostela e Confederación ANPAS GALEGAS, coa financiación do Concello de Santiago de Compostela.

https://fanpacompostela.wordpress.com/2022/06/01/obradoiro-para-familias-a-prol-da-doazon-de-organos-da-man-de-alcer-asociacion-para-a-loita-contra-as-enfermidades-de-ril/

#díamundialsentabaco | 🗣️ O pasado 31 de maio ANPAS Galegas participou no Smoke Talk, un coloquio organizado pola Asociación Española Contra o Cancro A Coruña para falar sobre espazos sen fume de tabaco 🚬🚫.

🔗 Máis información en https://fanpacompostela.wordpress.com/2022/06/08/anpas-galegas-participou-no-coloquio-smoke-talk-sobre-espazos-sen-fume-de-tabaco

#comunicado| 📢 A Federación de ANPAS Compostela enviou esta semana un novo escrito dirixido ao concelleiro de eduación e ao alcalde do Concello de Santiago.

👉 O curso remata e continuamos sen ter novas sobre a contratación do servizo de comedores escolares, e ainda non se implementou o último protocolo no que se recolle retomar o acceso das familias dentro dos centros educativos así como recuperar a hixiene dental nos comedores.

🙄 Volve a quedar de manifesto a inacción desta concellería e a súa incapacidade para dar resposta non só ás demandas das familias, senón tamén ás directrices establecidas pola administración.

🔗 https://fanpacompostela.wordpress.com/2022/06/09/novo-comunicado-sobre-a-inaccion-do-concelleiro

#actividadesfanpa | 👉🏻 Onte na Federación falamos doutra educación, a da vida e a convivencia fóra das aulas, a das persoas que nos axudamos entre nós e colaboramos para mellor vivir. Estiveron con nós a xente de Alcer Coruña e falamos de enfermidade renal, de doazóns de órganos e de solidariedade. Duro, pero necesario e real. E máis doado cuando hai axuda dunha sociedade madura e concienciada.

🔗https://fanpacompostela.wordpress.com/2022/06/10/fanpa-compostela-acpoun-obradoiro-para-familias-a-prol-da-doazon-de-organos

#opinióndasfamilias | ☑️ Rematamos o curso 2021-2022 e en ANPAS GALEGAS queremos coñecer o balance agora que chega a fin de curso. Xa sabemos que está sendo un curso complicado, pero QUEREMOS QUE VÓS NOLO DIGADES, para poder comezar o curso próximo reclamando os cambios substanciais que vós nos contedes.

👉🏻 ACCESO Á ENQUISA: https://forms.gle/vxRP8nCAJjiXQBU9A. Moitas grazas pola vosa colaboración!

comunicado | 📢 FANPA Compostela reclama a ampliación de prazas no programa municipal de conciliación para dar solución ás familias que o precisen ou a dimisión do concelleiro de Educación de Santiago.

👉 As familias non saberán ata un día antes de que remate o curso se contan con praza nos campamentos, xa que a forte demanda obriga a realizar un sorteo maña luns.

https://fanpacompostela.wordpress.com/2022/06/19/caos-do-programa-municipal-de-conciliacion

#conciliación | 🚨⚠️ 345 familias quedaron fora do programa a dous días de que comecen as vacacións escolares. Estas cifras poñen de manifesto a demanda da cidadanía compostelá deste programa educativo, pero tamén a errática actuación do departamento en materia de conciliación nos últimos anos.

👉🏻 Dende a FANPA COMPOSTELA esiximos un cambio rotundo na xestión da concellaría de educación, non só coa substitución da persoa responsable para poñer no seu lugar a alguén competente e serio, e que asuma o cargo co rigor e traballo que require, senón coa firme aposta por parte da Alcaldía de construír un departamento que dea resposta aos problemas e inquedanzas reais das familias compostelás, e que sirva de motor de cambio para unha área, a educativa, que está absolutamente abandonada no noso Concello.

🔗https://fanpacompostela.wordpress.com/2022/06/20/tamano-do-caos-xerado-pola-concellaria-de-educacion-de-santiago-de-compostela

#conciliación | 👉 O departamento de educación deste concello non sabe estimar a demanda, porque non coñecen a que público vai dirixida, porque non hai nin o menor estudo, nin o menor traballo previo, nin o máis mínimo esforzo para planificar unha área, como a de educación, que debera ser –coma é noutros vilas e cidades, algunha ben preto- unha das punteiras nunha auténtica política de traballo pola veciñanza e de defensa da infancia e a xuventude.

🔗 Podedes ler o comunicado ao completo en https://fanpacompostela.wordpress.com/2022/06/21/todo-o-que-pode-empeorar-en-compostela-empeora .

😔 Non merecemos a esta tropa.

#fanpacompostela #contodas #paratodas @anpasgalegas

#conciliacion | 🤬 O Concelleiro - incapaz de recoñecer o mais mínimo que o fixeron mal- adícase a buscar escusas de mal pagador e a contar e recontar prazas para que lle saian os numeros. 180 prazas son 180 prazas! Sumar as prazas de cada quenda por separado quedará moi ben para os titulares, pero ás familias que están en lista de agarda eses números non lles soluciona nada.

👉🏻 E aproveitamos para lembrar que as ANPAS son organizacións sen ánimo de lucro nas que se participa de forma voluntaria, e con obxectivos entre os cales non figuran organizar programas de conciliación. Ésta é unha responsabilidade da administración, que debe ofertar un servizo universal que dea resposta á demanda das familias. O concelleiro ten que facer o seu traballo, que para iso cobra un soldo, e senon sabe facelo, que marche e deixe de botar balóns fora.

https://www.lavozdegalicia.es/noticia/santiago/2022/06/23/bugallo-ve-dificil-ampliar-oferta-conciliacion-dice-gratuitad-incremento-demanda/0003_202206S23C2998.htm

#bolsascomedor | 📢 As familias que solicitaron as bolsas de comedor, actividades extraescolares e/ou material escolar para o vindeiro curso 2022/2023, teñen de prazo ata o vindeiro luns 3 de xullo para a subsanación de solicitudes e documentación.

🔗Máis información en
http://santiagodecompostela.gal/imxd/avisos/doc/1655974644Requerimento_subsanacion_solicitudes.pdf

#conciliación | 📢 Hoxe intervimos no Pleno do Concello de Santiago para por de manifesto o malestar das familias pola nefasta e caótica xestión da conciliación laboral e familiar neste concello, que tivo neste verán a súa maxima expresión, e reclamar un plan de conciliación estable, universal, accesible, que dea resposta ás demandas das familias compostelás; que se tomen en serio xa as políticas educativas e o benestar e a atención dos nenos e nenas da cidade; e se non saben facelo que deixen paso a quen saiba.

🔗https://fanpacompostela.wordpress.com/2022/07/04/fanpa-compostela-no-pleno-municipal-04-07-22/

#comunicado | 👉🏻 Rematou outro curso escolar, máis escuro do que agardábamos, e con menos avances dos que quixeramos, pero que nos deixa tamén liñas para avanzar no vindeiro, que o teremos aquí mais rápido do que quixeramos. Desde FANPA Compostela desexámosvos un bo verán! 🌞⛱️

https://fanpacompostela.wordpress.com/2022/07/15/fanpa-compostela-desexavos-bo-veran

#axenda2030 | 👉🏻 FANPA Compostela participou a semana pasada na xuntanza dos grupos de traballo (GIS) da Axenda Urbana 2030 de Santiago.

🔗 Máis información en https://fanpacompostela.wordpress.com/2022/07/18/participamos-na-xuntanza-de-grupos-de-traballo-gis-da-axenda-urbana-2030

#bolsas | 👉🏻Aberta a convocatoria de axudas para a adquisición de libros de texto e material escolar destinados a segundo ciclo de educación infantil do Concello de Ames.

📆 O prazo para solicitala remata o 17 de agosto.

🔗 Solicitude: https://www.concellodeames.gal/gl/tramites/axudas-adquisicion-de-libros-de-texto-e-material

https://fanpacompostela.wordpress.com/2022/07/21/axudas-para-alumnado-de-2o-ciclo-de-educacion-infantil-do-concello-de-ames

#comunicado | 👉🏻Seguimos sen novidades sobre o servizo de madrugadores/as e comedor nos centros públicos de Compostela.

Desde a Federación de ANPAS Compostela reclamamos:
✅ que se abra de forma inmediata e permanente a matrícula neste servizo para dar resposta a todas as solicitudes que poidan presentarse, antes e durante o curso.
✅ que se establezan procedementos ordenados, previsibles e con marcos temporais coñecidos e estables, que favorezan a xestión e axilidade dos procesos pero sobre todo que redundan no mellor funcionamento dos servizos.

#fanpacompostela #contodas #paratodas

https://fanpacompostela.wordpress.com/2022/07/26/seguimos-de-mal-en-peor-para-cando-a-matricula-no-servizo-de-madrugadores-as-e-comedor

#comunicado | 👉🏻Seguimos sen novidades sobre o servizo de madrugadores/as e comedor nos centros públicos de Compostela.

Desde a Federación de ANPAS Compostela reclamamos:
✅ que se abra de forma inmediata e permanente a matrícula neste servizo para dar resposta a todas as solicitudes que poidan presentarse, antes e durante o curso.
✅ que se establezan procedementos ordenados, previsibles e con marcos temporais coñecidos e estables, que favorezan a xestión e axilidade dos procesos pero sobre todo que redundan no mellor funcionamento dos servizos.

#fanpacompostela #contodas #paratodas

https://fanpacompostela.wordpress.com/2022/07/26/seguimos-de-mal-en-peor-para-cando-a-matricula-no-servizo-de-madrugadores-as-e-comedor

#comunicado | 📢 Aberto o prazo de matrícula para a reserva de praza no servizo de madrugadores/as e comedor para o vindeiro curso 2022/2023.
📆 PRAZO de presentación: ata o 29 de agosto.
📱 Un ano mais, empregarase a aplicación Colechef:
✅ As familias usuarias do servizo de comedor e madrugadores/as en anos anteriores xa poden actualizar o servizo directamente desde hoxe.
✅ As novas usuarias terán que
cumplimentar un documento para presentalo por sede electrónica e despois continuar o proceso desde a App Colechef.

ℹ️ Máis información en https://fanpacompostela.wordpress.com/2022/08/05/2041/