دعاء الندبه

لـــحـ🎤ــن الــ👆🏻ــقـصـيـده

يـاعباس. يــاعبـاس
ہ ❥┊⁽ ♔ ♬ ◄
───✤◐►✍◄◐✤─

#كلمات_شاعر_اهل_البيت_ع المبدع
#فالح_العامري

#اداء_الرادود_الحسيني
#سيد_فاضل_الحياوي

ہ ❥┊⁽ ♔ ♬ ◄
───✤◐►✍◄◐✤

https://t.me/falehalameri

العامري
🔹لطمیات رجالیه🔹لطمیات نسائية🔹هـــــوســـات🔹ابوذيات🔹نــــــــعـــني🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
لاتنسون الاشتراك
يسعدنا انضمامكم للقناة
https://t.me/falehalameri

قصيده تجمع كل الأوزان كل بيت وزن
لتكون مصدر الى كل الشاعرات والشعراء
~~~~
١ البحر الطويل
*مفاعيلن مفاعيلن مفاعيلن مفاعيلن*
~
راح اكتب قصيده ابزود اجمع كل وزن بيها
من بحر الطويل ابدي وشوفن وين تاليها

♡♡♡♡♡♡♡♡♡♡♡
٢ التجليبه
*مفاعيلن مفاعيلن مفاعيلن*
~~~~~
يمن رايد شعر تكتب التجليبه
اكتب عالإمام الطول الغيبه
على اول ظليمه الصارت ابطيبه
وعلى الظلت غريبه عگب واليها

♡♡♡♡♡♡♡♡♡♡♡♡♡
٣ الميمر
*مستفعلن مستفعلن مستفعلن*
~~~~~~~
زلزل العالم ياگطع نحر احسين
والشيعه ظلت بالهظم طول البين
ياطالب ابثارته ماندري وين
يأخذ ابثارات الشمر يحديها

♡♡♡♡♡♡♡♡♡♡♡♡♡
٤ الموشح
*فاعلاتن فاعلاتن فاعلات*
~~~~~~~
بعد بس باچر اشم عطر النجف
هاي أرض التضحيه وأرض الشرف
اطلعت اشعر گلبي باحزانه هتف
بعد هاي الديره وين الگیها

♡♡♡♡♡♡♡♡♡♡♡♡
۵ بحر السریع
*مستفعلن مستفعلن فاعلن*
~~~~
اريد اكتب شعر بالنوح وانعي
عله الصاحت يويلي انكسر ضلعي
عليه اهل من ادموم دمعي
ذكرى ام الحسن كل يوم احيها

♡♡♡♡♡♡♡♡♡♡♡♡
٦ بحر الفائزي
*مستفعلن مستفعلن مستفعلاتن*
~~~~~
وينك يبن فارس مظر عجل علينه
يالمهدي طحنه بالخطر وينك ولينه
كل يوم عاشور اوصفر والذبح بينه
شيعتك قبضت عالجمر منتظره مهديها

♡♡♡♡♡♡♡♡♡♡♡♡♡
٧ المجرشه
*مستفعلن مستفعلن مستفعلن مفعولن*
~~~~~
والله اظل طول العمر عالزهره انوح اوالطم
ماانسه نار التستعر بدار الزچیه المظرم
ماانسه ضلع المنكسر اوظل الحسن متيتم
منسه وصية فاطمه ابليل العلي ايواريها

♡♡♡♡♡♡♡♡♡♡♡♡♡
٨ وزن الشيعتي
*فاعلاتن فاعلاتن فاعلاتن فاعلاتن*
ادعو ياشيعه الفرجكم طالت الغيبه عليه
انه بالغيبه ابفكركم تستعر نيران بيه
ماخفه اعليه خبركم شمرت اعليكم رزيه
الفرج گرب يشيعه طلعتي گرب مجيها

♡♡♡♡♡♡♡♡♡♡♡♡♡
٩ وزن العگیلي
*فعلن فعلن فعلن فعلن*
~~~~~
ابحبك يحسين انجنينه
من شايبنه الطفل البينه
غيرك ابدا ماوالينه
ارواح ابدربك نفديها

♡♡♡♡♡♡♡♡♡♡♡♡♡
١٠ وزن الچلمه اونص
*مستفعلن مفعولات مستفعلن مفعولات*
~~~~~~
حب احسين ابدمنه اليسري
للغالي افدي انه العمري
اوفيه البيعه ابدم نحري
وشمحله ارواح النهديها

♡♡♡♡♡♡♡♡♡♡♡♡
١١ وزن الحدي
*مستفعلن مستفعلن*
~~~~~~~
راحت رقيه باليسر
ابسوطه يكلمها الشمر
نار ابگلبه تستعر
بالدمع خنواسيها

♡♡♡♡♡♡♡♡♡♡♡♡♡
١٢ وزن الدارمي
*مستفعلن فعلان مستفعلاتن*
~~~~~~~
راحت اطفال احسين الديره غريبه
الها العده سابين احفاد النجيبه
وينك يبو الحسنين والله عجيبه
اطفالك تحشيم بيك ماتلفي ليها

♡♡♡♡♡♡♡♡♡♡♡♡♡
١٣ وزن الهجري
*فاعلاتن فاعلاتن فاعلاتن فاعلات*
~~~~~~
والله يابدر الهواشم من طحت فوگ النهر
عالشريعه انته نايم احسين گطعوله نحر
حشمت والدمع ساجم الجيتك انطر خبر
چنت اظن ترجعلي سالم اطفال الي ترويها

♡♡♡♡♡♡♡♡♡♡♡
١٤ وزن الحسيناوي
*مستفعل فعلان*
~~~~~~
زينب الليله اتودع اخوتها
المدمع اتسيله صعبه حالتها
جمعة العيله الأخوه ودعتها
باچر ايروحون من يداريها

♡♡♡♡♡♡♡♡♡♡♡♡♡
١٥ وزن جيت يهل الهوه
*فاعلن مفعولن*
~~~~~
احسين حبه فخر شامخ اويه الدهر
عبره يبگه اوعبر منه دم النحر
عله السيف انتصر قصته نرويها

♡♡♡♡♡♡♡♡♡♡♡♡♡
١٦ مجزء الموشح
*مستفعلن مستفعل*
~~~~~
طولت بغيابك يبن طه اوحيدر
عله بختك وينك الشيعتك ماتنغر
جرد البتارك گوم عيد الخيبر
حشم الأنصارك شيعتك نجيها

♡♡♡♡♡♡♡♡♡♡♡
١٧ بحر الوافر ويكتب عليه الأبوذيه
*مفاعيلن مفاعيلن فعولن*
~~~~~~~
الك شيعه يحيدر وانتمانه
يعدونه عليكم وانتمانه
نريد الموت يمك وانتمانه
هذا من وزنها الأبوذيه

♡♡♡♡♡♡♡♡♡♡♡♡♡
١٨ وزن خدري الچاي خدري
*مفاعيلن مفاعيل مفاعيلن فعولن*
~~~
جينه الك يحسين ياخويه من اسرنه
رحنه ابهظم وونين ردينه ابچینه
انزورك بالإربعين الطفك رجعنه
رقيه ادفنت بالشام جبنالك حچيها

♡♡♡♡♡♡♡♡♡♡♡♡♡
١٩ وزن شبگها ويسمى ثلاث ترباع الشيعتي
*فاعلاتن فاعلاتن فاعلاتن*
~~~~
يمه يايمه يبو فاضل يغالي
يمه يايمه تعال اوشوف حالي
يمه يايمه بعد ماعندي والي
يمه يايمه اسهرت بيك الليالي
ردلي يبني ابحرم الحرت بيها

♡♡♡♡♡♡♡♡♡♡♡♡
تمت والحمد لله
الشاعر فالح العامري
اخواني اخواتي الشاعرات اتخذت فقط الأوزان التي نستفيد منها في الشعر الحسيني فقط وتركت الأوزان الغنائيه

قناة الشاعر فالح

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســ

‏صورة من ابن العراق