«حب الحسین»
«تجلیبه»
~~
یامن راید تعـــــــــرف المن     صـــايرحبـي
حب ّاحسین اليسري ابدمّي    اومالك گلبي
حط اذنك واسمع دگـّاته       للمـظلوم
یحچیلك حزنه وآها ته        للمظلوم

▪︎▪︎▪︎
اخذمنــّي الگلب یالراید اتشـوفـــــــه
یاحب الیحمله وعنده ســـــالوفــــــه
اومن یاهواخذ بالدنیه معـــروفـــــــه
اذاغیرالغریب ابکربلــــه عــــوفـــــــه

هذا الحب ايظل للمحشــــر    عاش ابد مّي
اومن عنده استلهم افكا ري     واخذ عزمـي
معروف ابنوحه وشوغاته    للمـظلوم
یحچیلك حزنـــــه وآهاته     للمظلوم


ابواليمـّه ابشراييني انكتب اسمــــــــه
واحسن بالعگل مغروسه هالچلمـــــــه
لئن دین الاله اتقدّس ابـــدمــــــــــــــه
فخریکسیني واتشرّف ابهل الخدمــــه

اتشرّف خادم خدّامـــــــــه     لویحسـبني
افدي بالدم هالحض بالطف    ماحالفنـــي
واسمــع من ناده ابصرخاته     للمظلوم
يحچیلك حزنه وآهاتــــــــه     للمـظلوم



لون حاضرچنت یــاسیـّــدي ویـّــــــــاك
لمـن ناديت مــامن نــــــاصراللبّـــــــــاك
ردت آنه ابزمانك بالدمــــــــه اتفــــــدّاك
عله اتراب الطفوف ابمهجتـــــي اتلگــّاك

گبل اضلوعك خیل العسکر    اترض اضلوعي
واسگي الچبدك یابوالیمّـــه    من ادموعـــــي
اوللطف اتحمّل جمراتــه     للمـظلــوم
يحچیلك حزنه وآهاتـــه      للمـظلوم



ياصوت العدالـــــه اوصرخـــة الأیمــان
یظل کل جیل طفـّــك يوقض الوجدان
اويظل گلب الیحبّك بالزمن ولهــــــــان
يبواليمّه الموالي الخدمتك عطشــــــان
الموت ابهذي الخدمه اتمنّه       یابو الیمّـــــه
واخذاجري منّ الـــــــزهره       ابهذي الخدمـه
يتفاخرظل ابخدماتــه      للمـظـوم
يحچیلك حزنه وآهاته      للمـظلـوم



دنيه وآخره سجّلنـــــــــه اصــحــــابك
هاي ارواح عدنـــــه ارخيصه جــدّامك
سجّلنه ابسجل ّالخدمــــــه خّدامـــــك
اوعله هاي الخدامـــــــه ثبّت احبـــابك
ثّبتنه اعله الحب والخدمـــه    یبن الزهره
با لمحشرحبّك ينجينـــــــــه    يوم الحسره
بالدم انطـــرّز رايـــاتــه       للمـظلــوم
يحچیلك حزنه وآها ته       للمـظلــوم



يخــي عونه اليموت ابخدمتك يحسين
اوعلـه حبــّـــــــــك يغمّض للمنيّه العين
ملائكــــــــــة السمه تهبط الـه امشيعين
وابوك ابيمنتـــــه ايــــــــوسد له الخدّين

وامّك تحضرلیل الوحشــــه     واتسلـّینه
امن اهوال البرزخ والمحشر      واتنجینه
بالجنـّه الأخلص نيّاته         للمـظلــوم
يحچیلك حزنه وآهاته       للمـظلــوم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري
        👇
00989133683181
غير مبري الذمة كل م‌ـــِْن يتلاعب في القصيدة وتغيير اسم الشاعر
https://t.me/falehalameri

«حب الحسين عليه السلام»
«فايزي»
~~~
يحسين رحمه الواسعه   الواسعه النــــه
خــــــدام الك ياسيـدي   سيدي اقبلنـــه
▪︎▪︎▪︎

كل گلب اصبح مرتبط   مرتبط ويـــــــــاك
وارواح النــه من الازل   امن الازل تهــواك
يالوالي دنيــــه اواخره   اواخره بحمـــــاك
ماخاب يبن المرتضـــى   المرتضــى الوالاك

بالدنيه شفنــه خدمتك   خدمتك جنـــــه
خـــــــدام الك ياسيـدي   سيدي اقبلنــــه


يامن كسبت امن العلــي   امن العلي مجدك
ياناجـــي امة المصطفى   المصطفــى جدك
يحسين يابيت الوحـــي   الوحـــــــي مهدك
اوبالمهد جبريل افتخــر   افتخــــــرهـــــزك

يالحبك النـــــه بالمهد   بالمهد هزنـــــه
خــــدام الك ياسيـدي   سيدي اقبلنــــه


يحسين كل دگــــة گلب     گلب تسمعــــــها
ابحبك تردد يالصــــرت   يالصرت حبـــــــها
ارواح منــــــــذوره الك   الك نحسبــــــــــها
ابدفترك هالخدمـه لون   لــــــون تكتبــــــها

اعظم كرامه والشرف   والشرف نلنــه
خــــدام الك ياسيـدي   سيدي اقبلنــه


بيرغ رفعنـــــــه ابكربله   ابكربلـــــــه يحسين
هاذي الشعائــــر شاهده   شـــــــاهده كل حين
انجدد الك بيــــــها عهد   عهـــــــــد المضحين
ابدرب الشهــــــاده للابد   لـــــــــــلابد ماضين

يحسين منك تضحيــه   تضحيه اكسبنه
خــــــدام الك ياسيـدي   سيدي اقبلنــــه


اتوارثنــــــه من ابأ واجد   واجد هالخدمـــــــه
هاي العقيده الساميـــــــه   الساميه  ابدمـــــــه
الوالاك والحبك ذبــــــــح   ذبـــح ماهمــــــــــه
منك اخذ هالتضحيـــــــه   التضحيـــه اوعزمه

اتعلمنــه مثلك عالظلم   عالظلم ثرنـــــه
خــــــدام الك ياسيـدي   سيدي اقبلنــــه


يحسين تهتـف لـــــــلابد   لـــلابد باسمـــــــك
كعبتنه صارت كربلــــــــه   كربلـــــــــه اودمك
نقسم وحگ كسرالضلـــع   والضلـــــــــــع لمك
احنـــــه نحارب كل عصر   كل عصـــرخصمك

هيهـــــــات ابدا مانذل   مانذل صحنــــه
خــــــدام الك ياسيـدي   سيدي اقبلنــــه


يحسين اقبلنــــــــه خدم   خـــدم خــدامـــك
كل عام نحي بالبچــــــــي   بالبچــــــي ايامك
يامن يحيت ابكربلـــــــــه   ابكربلــــه اسلامك
ارواحنــــــــه فدوه الترب   التــــرب اجدامك

يحسين لومـا نهضتك   نهضتك ضعنـه
خــــدام الك ياسيـدي   سيدي اقبلنــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري


غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«رحمة الخدمه»
«تجليبه»
~~
ابدفتر خدمتك يحسين سجلنـــــــه
لعد اخرنفس عالخدمــــه ثبتنــــــــه
▪︎▪︎▪︎
يبــو السجاد منك هاذي طلبتنــــــــــه
علـــــــــه هالخدمه يابو العتره ثبتنــه
اوخلـــــــــي ابخدمتك تقوه عقيدتنـه
بيك ايمان عدنـــــــــــــــــه ماتخيبنــه


ياشبل الصيمده اللي نجـه ذالنّـــــــون
كريم انتـــه اونعرفك ماتخيب اضنون
اقبلنـــــــــه خدم يامن قبلت الجـــون
لتخلي هواها الدنيه يجرفنـــــــــــــــه


علينــــــــه اتحنن ابلطفك يوالينـــــــه
سفن هاي الخدامـــــــــــه خل تنجينـه
لوما رحمتك يحسين ذلينــــــــــــــــــه
نريد ابخدمتك هالعزه تشملنــــــــــــــه


شرف النـــه خدامتكم يبو اليمّــــــــــه
اوفاز ابدفترك من سجلت اسمــــــــــه
اوجبريل القبلنــــــه افتخر بالخدمــــه
يحسين الخدمتك الله خالقنــــــــــــــه


خالقنــــــــــه الجليل الخدمتك يحسين
علـه هاي الخدامــــه احنه فتحنه العين
شرف النــــــــه اوسعاده اوكرم بالدارين
لون خدام خدام الك تحسبنـــــــــــــــــه


يبو السجــــــــــــاد هاي الخدمـه نهواها
اونحب لاخر نفس نتعاهد اويـــــــــــاها
وابدم المناحر احنـــــــــــــــــــــه نفداها
ابجاه امك الزهره اوحيدر اقبلنــــــــــــه


اقبلنــــــــــه يبو اليمــــــــــــه الك خدام
اوخلينـــه ابخدمتك نگضــــــــي هالايام
دنيـــه اواخره النــــــــــه الخدامه اوسام
وابهاذه الوسام احنـــــــــــــــــــه تشرفنه


نمشــــــــــي اعليك اخوك الغالي العبّاس
ارزقنه الخدامــــــــــه البيـها رفعت راس
اوخلينه اعلـــــــــــه حبها تخمد الانفاس
وامك فاطمه بالگبر تحضرنــــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

#كلمات_الشاعر_فالح_العامري

#اداء_الرادود_الحسيني_الموفق
🎤🎤🎤🎤🎤🎤🎤🎤🎤🎤
#ملا_علي__الفرطوسي

«لبّيك ياداعي الله»
«احسيناوي»
~~
يبن الزچيّه بيك اعتقادي
يبن الزچيّه للمــوت انادي
لبّيك يبن الزهره لبّيك يبن الزهره
▪︎▪︎▪︎
انلبـّـــــــــي آه يحسين صرخـــــه بالأزمان
راسخه تبگـــــــــــــــــه ابداخل الـــوجدان
احنــــــــــــــــه نطلقـها اليــــوم عن ايمـان
خلــّـــــــــــــــــي العالم اوتسمـــــــع الآذان
احسين منعوفــــــــــــه خلـّـــــي اشماچان
الحب ابواليمـّـــــــــــــه التضحيـــه عنوان

نهوه المنيّه ابهاي الشعـــائر
نهوه المنيّه اتصيح الحناجر
لبّيك يبن الزهره لبّيك يبن الزهره


يامعلـّمنــــــــــــــــــــــه عيشت الأحـــــرار
للظلـــــــــــــم نـرفــض ابكل زمن ثــــــوّار
تظل قــائد نـــــــــــــــه احنــــه الك انصار
شيعـــــــــه وابدربــــك نرخص الأعمــــــار
كلنــــــــــه فدوه انروح يبن حامـــي الجار
اعلينـــــــــــــه لوترضه ماتمسنـــــــــه النار

حبّك هويّه بيها افتخرنــــه
حبّك هويّه صرخة نصرنــه
لبّيك يبن الزهره لبّيك يبن الزهره


احنـــــــــــــه من نهواك ليش لامونــــــــــه
الهـم انجــــــــــــــــاوب من يسألـونـــــــــه
انگــــــــــــول كلّ الناس الك مديونـــــــــه
كل اصــــــــــــول الدين ابعزها مصيونــــه
النبـــــــــــــــــي والقرآن بيك مضمونـــــــه
ابحبـّـــــــــــــك الأرواح هيـّـــــه مفتونـــه

لاموبديّه عالفطره اجاني
لاموبديّه صرخ وجدانــي
لبّيك يبن الزهره لبّيك يبن الزهره


هالشعائـــــــــــــــرهــاي ليــش نهــواهـــــا
لئن عزّتنــــــــــــــــــــــه الگينـــــــه ويّاهـا
العيشه بالذلــّــــــــــــــه شنهومعنـــــــــاها
موته اعلــــــــــــه دربك والله ردنـــــــــاها
كربلـــــــــــه كل يــــوم نحـــــــــي ذكراها
كعبــــــــــــــــــة الأحرار اشلون ننســــــاها

والغاضريّه كعبة هوانــــه
والغاضريّه تسري ابدمانه
لبّيك يبن الزهره لبّيك يبن الزهره


مـانعـــــــــــوف احسين لاوحگ د مـّـــــــه
نگضـــــــــــــــي للأعمار ابشرف هالخدمـه
انخدمــــــــــــه وصّتنــه فاطمه امّـــــــــــه
انصيـــــــــــــح يـازهراء احسين نلتزمـــــه
من المهد للمــــــــــــوت نلهج ابأسمــــــــــه
لجـــــــل حبّ احسيــن للدمه انقدمــــــــــه

انظل فاطميـّــه فكرتنه تبگـــه
انظل فاطميّـــه صرختنه تعله
لبّيك يبن الزهره لبّيك يبن الزهره


يــامن اتعــــــــــــــــادي احسين واشياعــه
عدّتك عدهــــــــــــــــــا گربته الساعــــــــه
ساعــــــــــــــة الموعـود دنت واتباعـــــــــه
هـــــــــاذه شبل احسين اويحمل اطباعــــه
عالظلــــــــــــــم ثــــــائر فازمن طاعـــــــــه
الجدّه يطلب ثـــــــــــــار الرضّواضلاعـــــــه

هاي الرزيّه فجّرت دمعــــه
هاي الرزيّه يصرخ انسمعه
لبّيك يبن الزهره لبّيك يبن الزهره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«*الفاجعه الکبره*»
«تجلیبه»
•••••••••••••
بـالأحزان بـالأحزان
عترة نبیــــــــنه بـالأحزان
بعدك يبوهــا وليه ولوها
عترة نبیـٰنــــــــه بالأحزان
▪︎▪︎▪︎
الكون ارتج علـــــــــه امصـاب النبي الهادي
واملاك السمه اويـــــــــــــه فاطمـــه اتنادي
مصـــــــــــــــاب المامثيله امصاب ابدسادي
نارالفرگـــــــــ.ه بويـــــــــــــه حرگت افـّـادي

يالمختــــــــــار يالمختـــــــــار
هاي الوديعــــه يالمختــــــــــار
الگـــوم اهظموها وليه ولوها
عترة نبیـنــــــــــــــــه بالأحزان


فاضت روحـــــــــك ابحجر الوصــــي الكرّار
اوجسمــــك غسّله بدموعه حامــــــي الجـار
اوگبل البـاب بگليبــــــــــ.ـــــــه تشبّ النـــار
وي جسمك دفن آمالـــــــــــــــه يــالمختــــار

للآمـــــــــــــال للآمــــــــــال
ابلحدك دفنـــها للآمــــــــــال
احگوگه اغصبوهـا وليه ولوها
عترة نبیــنــــــــــــه بالأحزا ن


علّـــــــــــــي من نزّلك بالّلحد گلبه انصـــــاب
والكـــــــون ا نـرجن من هل عليك اتـــــــراب
اوظلّت دمعتـــــــــه فوگ الوجــــــــه تـنساب
البواچـي فاطمـــــــــه حيدر دليلــــــــــه ذاب

ابـهاذه الحــــال ابهاذه الحـــال
والينه عفتــــــه ابهاذه الحـــال
اعيالـه اظلموهــــا وليه ولوها
عترة نبینـــــــــــــــــه بالأحزان


علـــــــه العتره رحيلك فاجعـــــــــــــه الكبره
اوگـلـــــــب امّ الحسن مكســـــــــور شيجبره
تلوع اعليك ظلّت فــاطمــــــــــــــــــه الزهره
انـــــــــــواع الظلــــــــــم شافـت والف غدره

يـــــــوم البــاب يــوم الباب
اوّل الغـــــــدره يــوم الباب
من احرگوهـــــا ولیه ولوها
عترة نبیـنـــــــــــه بالأحزان


یومیـــّه الزچیـّــــــــــــه تعتنــــــــــــی یمّك
بــأحزان اومنــاحـــــــــــــــه الطـاهره اتكلمك
اوبدمـــــوع النظر يالمصطفـــــــــی اتحشمك
منّ اعليك تبچــــــــــــي مارضــــــــه خصمك

ويــــــــن اتروح وين اتروح
احتا رت الزهره وين اتروح
لامارعوهــــــــا وليه ولوها
عترة نبينــــــــــه بالأحزان


يــــــــــوم الغمّضت عينـك يبـو العتــــــــره
كـل حاقد علــــــــــــــــــی العتره ظهر شرّه
علّـــــــي ابحبل الوصيّــــه امچتّفه امحيره
ظــــل صابـــــــر ابصدره امكســّـره العبــره

من فـرگـــــــــاك من فرگــــــــاك
يجذب ونينـــــه من فرگــــــــاك
سنتك جفوهــــــــا وليــــه ولوها
عترة نبینـــــــــــــــــــــه بالأحزان


ابعلـــــــي والعتره خا نت يانبــي الأمـّــــــه
علــــــه بــاب الزچيــــــــــــه النــار ملتهمــه
اوبالمحراب راس المرتضــــــی امدمـّـــــــــه
اوسمّواللحسن ذبحو ابـــــــو اليمــّـــــــــــــه

للسجـّــــــــــــــاد للسجــّـــــــاد
ريتك تشوفــه للسجــّـــــــــــــاد
اوزينب سبوهــــــــا وليه ولوها
عترة نبینــــــــــــــــــه بالأحزان

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري
https://t.me/falehalameri

‏الرادود الحسيني محمد رضا العامري

«#رحيل_النبي»
«بحرالطويل»
~~~
يا رســـــــول الله يا نبــــي الرحمّـه
يا رســـــــول الله بعد ك الأ مـّـــــــه
اكتاب بارينه اهجرت
والهوه النفـس اتبعت
بعدك الأ مّـــــــــــه
▪︎▪︎▪︎
اخلافك يانبي الرحمه الأمــــــه هجرت القرآن
تتناحرعلی السلطـــــه لاتقـوه ولاايمــــــــــــان
بفـراش الأجـل بعــدك عقدت بيعــــه للشيطان
مافاد النصـــــــح بيها ولاآمنت بالرّحمـــــــــان

يا رســـــــول الله مــــــاصلحها الدين
يا رســـــــول الله ظـلمت ام احسين
للمبادئ مــــــــارعت
والهوه النفس اتبعت
بعدك الأ مّــــــه


امن اصحابك يبوالزهره انواع الظلم شفنـــــه
بين امشرّد اومسجــون من يوم ارحلت عنـّــه
يبوالزهره اعله مرازمان ماتنعد مصا يبنــــــــه
السقيفـه يـــوم عقدوها يالهادي انهد ردمنــــه

يا رســـــــول الله صعبه حــالتنـــــه
يا رســـــــول الله تجــري دمعتنــــه
حگنه ياطه اغصبت
والهوه النفس اتبعت
بعدك الأمّــــــه


بدت يالهادي محنتنــــه من يــوم اهجموعالباب
اوبالبسماركل شيعـــــي وي ضلع الزچیّه انصاب
اودمنه والدموع اتسيل بده من طبــرة المحراب
اوضلّينـه نعيش اقرون اوبينــــــه يحكم الأرهاب

يا رســـــــول الله بس المذا بـــــح
يا رســـــــول الله اشنگدرنكافــــح
والعده بينـه اطمعت
والهوه النفس اتبعت
بعدك الأ مّــــه


حصّتنــــه الذبح كل دور احنه ياذنب عدنـــــــــه
چاوالينـــــــــــــه للكــرّار اوحبّ الطاهره ارضعنه
اونوالي اللــــــي يوالیهم هـاذه هــوّه مبدئنــــــه
عن حبنــــــه نزل هيهات اوتظل صلبه مواقفنـه

يا رســـــــول الله حبّ الصميده
يا رســـــــول الله اصل العقيـده
مانطيع اللي غـــوت
والهوه النفس اتبعت
بعدك الأمّــــه


شيعه العـلـي اوللزهره للذل مانمد اچفــــــــــوف
خل تفتـي مراجعنـــــه نطلع للمنايــــــــه ازحوف
نجدّد كربلـــــه اوخيبر نخلّي الدنيـه كلها اتشوف
احنه ابسـاحـة الميدان ابدا مانعرف الخــــــــــوف

يا رســـــــول الله ميهمنه الارهـــاب
يا رســـــــول الله وابصبرنه احساب
الها يوم البــي رضت
والهوه النفس اتبعت
بعدك الأمّــــــه


يجي يوم اللـي يرضيها هـالزمـــــــــــره تفرلاوين
ناخذثارنــــــــــه منهــم اونردالصـــــاع بالصاعين
لان عالشيعه والأســلام همّـــــــــــه بالظلم بادين
منعدنــــــه احرگودارين اوهشمــوبالحقدصدريـن

يا رســـــــول الله صد رابواليمّـه
يا رســـــــول الله والزهره امّــــه
عله الدارين اهجمت
والهوه النفس اتبعت
بعدك الأمّه


يـــومك وين يــــــالمهدي يمتـــــــــه تاخذ ابثـارك
لــــــــــواء الدين متنشره اويقيــــم العدل بتـّـارك
موكافــي الصبرچم دوب ابسامرّه اهد مـــــودارك
الجيتك نحسب الساعات علينـــــه ضاعت اخبارك

يا رســـــــول الله ماندري بامــره
يا رســـــــول الله مـــانفذ صبــره
الناس نهجك حاربت
والهوه النفس اتبعت
بعدك الأمّـــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

https://t.me/falehalameri

الرادود الحسيني محمد رضا العامري

«احزان الأمه»
«موشّح»
~~~~
يبوالزهـــــــره امّتك بأ وطــــانـها
تروج افکـــار ابعکس قرآنـــــــــها
▪︎▪︎▪︎
حـــايــر وحيّرت ويــّـــــــــــــاي القلم
شحچي يالمختار يالوعــــــــــــه والـم
امن السقـيفــــــــه وشيخها محّد سلم
فرّقـتـنـــــه الخـــاينــــــــــــه وجدانها


يــارســــــــــــــــول الله بعد شحچيلك
ياظليمــــــــــــــــه ويــــامصاب ابديلك
مابگـت افراح عدنــــــــــــــــــه ارويلك
دنيه وعلينـــــــــــــــه انچفت بحزانهــا


من رحت لليــــــــوم بآهــــــــات وانين
من عسر ايـّـوب اشدبينـــــــــه السنين
واعدتنـــــــــــــــه بالفـــرج والفرج وين
ضعفت الـــــــــوادم تره ابأ يمانــــــــهـا


وين ماننطي الوجـــــــــــــه مشتعله نار
اوعالموالـــــــــــي الزمن هالأيّـــــام جار
الماتحرگـــــــــــــه النــار يوصلــه الشرار
بکل وجـــــــــــــه بينــــه اترکت نيشانها


هاك شوف اوجوهـنــــــــــــــه البيه ااثر
من سيـــــــــاط الــــوكت واسهـام الدهر
صارت اعلينــــــــــــــه مثل رشگ المطـر
وهالفتن بينـــــــــــــــــــه التگت نيبانهـا


گـــــــــــــــــــوم خلّص امتّك من هالفتن
عليـــــــــــها وحده ابـــأثروحده اترادفن
وبيــــــــــها يالمختــــــار عصفن چالمزن
حيل ماظل اليکـــــــــع جروانـــــــــــهــا


بعد شيکعـــــــــــــها تکت کتّ السيـــــول
واذهلت من امّتك كلّ العقـــــــــــــــــــول
انچان ظلّت هالفتن بيـــــــــــها تجــــــول
يصبـــــــــــــــــــح الذل امّتك عنــــوانهــا


ما اظن ترضــــــــــــــــــــــــه ابمذلّة امّتك
يـــــــــــــــــــالصغت هـــالعزّه الهابقـدرتك
من اجل وحدتـــــــــــــها يــامـــــــاتعبتـك
وخلّفت بيـها علــــــــــــــــــــــــــي تبيانها


وانتـــــــــــــــــــه عالم بيها ياسيد الــوره
گصّــــــــــــــرت خــالفت منهـــــج حيدره
واحرگـــــــــــوا بــالنـّــــــــار باب الطاهره
وظلّت الهذا الوکت دخّانـــــــــــــــــــــــها


امس چانت بالمدينـــــــــــــــــــــه تلتهب
وبگلب کل شيعــــــــــــــــي هالنّار اتشب
اليوم اجتنــــــــــــــه لاچن امغيره الدرب
من ديار.ابن الدّعـــــــــــــــــــي ومروانها


اجـت من ديـــــــــــــرة ابن هـنــد اللعين
اوشبّت ابأعتــــــــــــــــاب سامرّه الحيـن
صوّبت هاليــــــــــــــــــــوم كلّ المسلمين
اوفتّحت لهل الغدر بيبانــــــــــــــــــــهــــا


هاي نار امن السقيفــــــــــــــــه اتــأجّجت
الفاطمـــــــــــــــه چم باب هاليوم احرگت
من ابـــواليمـّــه ضلوعــــــــــــــه الهشّمت
وعالحرم شبّت وســــــــــط صيوانــــــهـا


احــــرگت هاليـــــــــــــــوم باب العسکري
احفــــــــــــــــــاد مرحب وبن ودّ العامـري
کشف عن وجـــــــــــــه القبيح الســـامري
حسّبت تخفـــــــــــــــــــي وجــــه خوّانها


وجهـــــــــه ماتخفيــــــــــــــه للعالم قبيح
للمفاسدگـــام بالامـّـــــــــــــــــــــــــه يبيح
والحمل فکره يجـــــــــــي يـــــوم اليطيح
من تطب راية علــــــــــــــــــــــــي ميدانها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

https://t.me/falehalameri

‏مقطع صوتي من ابن العراق

«#غياب__المصطفی»
«میمر»
~~~
نحچــیلك اشصـــــار بعــدك يمختار
العنهم تگول اصحاب حـرگولك الدار
بعدك يمختار
▪︎▪︎▪︎
أول ظلم من بعـد شخصك شفنــــاه
اصواب البتول ابيا مراره العشنـــــاه
كســرالضلع طول الدهرماننســــــــاه
لودين يطلبنه الدهر وفـينـــــــــــــاه

اتـرادفن بلـــــــواه چـــم گلب چوّاه
ابناره التشب عالباب ماتطفي هالنار
بعدك يمختار


من يـامصاب أبدي اواريــد احچیلك
امن اصحابك الچـانت حقـد تخفیلك
صبت حقدها عــــــــالذي تـــــوفيلك
اليوم الغديراوفضلـــــــه من تـرويلك

عينت حيـــــــدر اويشهد المعشر
كلها هذیچ النّــــاس نكــــرت الكرار
بعدك يمختار


اوعترتك يامـــــا جرعوهـــــــاالآلآم
اولاچنها رابع من اصــــــول الأسلام
لوچــنت بیهـااموصي حکـم الأعدام
چـاعـــــــــاشت ابأفضل رفـاه الأیام

وابمأمن اتـــــنــام مــوسجن ظلام
چامنگطع عطشان نحـر. ابوالاحرار
بعدك يمختا ر


من طـاح ابواليمه الظلم سل سيفـه
اويـاهوالوصل للحكم يقضي ابكيفه
عدهـم عقیم الملك ياهوايعيفـــــــه
والأبن ياخذ مِن أبــــــــو تكليفــــــه

بس علـه الشيعـــه يوميه هيعــــه
شمسويه من اذنوب مطلـوبه ياثار
بعدك يمختار


هالشیعه گلــي ابیاذنب مطلــــــوبه
یومیه منعدها الجثث مصلـــــوبـــه
وانحـورمنعدها ابدمه مخضـــوبـــه
وابکل زمان احگوگها مسلــــــوبـــه

خلصت عمرهـــــــا هیه ابصبرهـا
حصتها بس الضیم ابکل الأدوار
بعدك يمختار

بین الذبح خلصت العتره اومسموم
اوبین الذي مسلوب حگه اومظلـوم
اوبین الذي بالخیل صدره المهشـوم
اتمنیتك العترتك تطلع هــالیـــــــوم

اوتسأل الأمّـــــه یانبي الرحمّـه
دم عترتك مسفوح بسيوف الأشرار
بعدك يمختار
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

https://t.me/falehalameri