رجوع الحرم
نعي مجاربد
~~~~~
ردت زينب من الشــــــــــام ردت
لزيارت اخـــــــوهه احسين حنت
یعمه علـــــــــــي وين الگبر نادت
لتراب الگبر ابلهفــــــــــــــه شمت
گعدت والحـــــــــرم وياهه ناحت
زينب ابگلبــــــــــــــها الگبر ضمت
يـــــــــــوم العاشر ابعاشور ذكرت
علــــــى صدرك گعد الشمر شافت


تگلـــه جيـت الك لطفوفــك اليوم
من یوم الخرابــــــه الگلب ملچوم
محنــــــــــــــه الظهر اعثر بالهموم
من الشام خويــــــــه الگلب مالوم
وعليـــــــــه المصايب مثل الغيوم
وطفالك جبتهــــــــــــــه تگع تگوم
ماضاگت طعم راحـــــــــــه ولانوم
تحديها يخويــــــــه ابسوطها الگوم


رحت للشام يبن امـــــــــي واجيتك
ابديرت غرب خويــــــــــــــه نخيتك
اشكثر شافت ظلم بالشــــام اخيتك
انــــــــه اميسره ترضــــــــه حميتك
هذا اليــــوم ياخويــــــــــــــه لفيتك
تحت الثره يالوالـــــــــــــــــي لكيتك
گلـــــــــــي اشلون ارد وحدي البيتك
تردنــــــــــــــي للوطن خويه رجيتك

گــــــــوم من الگبر وانظر الحالـــــي
اوخلينــــــــــــــــــي اسولفلك يوالي
بأرض الشـــــــــــام ياخوه اشجرالي
بعد خدري يبو اليمـــــــــــه اوجلالي
ابديوان اوكفت يحسين تالــــــــــــي
شافت العده طولـــــــــــــي اوخيالي
يخويـــــــــــــه من اذكر الذيج الليالي
ابذيج الخرابــــــــــــــه انــه اشجرالي
▪︎▪︎▪︎▪︎▪︎▪︎▪︎▪︎▪︎▪︎▪︎
تمت
*الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

زيارة المحبوب
تجليبه
~~~~
گصت الكعبتك والشوگ يحدینـــــــي
واخلــــــــي اتراب زوارك كحل عيني
🔳🔳🔳
گلبي من گبل جسمـــــــي وصل يمك
على طـــــــــول الدرب ايردد اباسمك
على اعتابك لگیتـــــــه ساجد ايشمك
يصيح احسين هذا زهرة اسنينـــــــي


انا اوياه دخلنـــــــــــه زحف للحضره
انه اجذب ونينــــــي اوهوه بالحسره
وبدينــــــــــه للعتب اونسچب العبره
ويگله يادليلي بالله تانينــــــــــــــــي


يگلي اشلون اتاني وبيــــه تسري النار
اريد ادخل واطوفن كعبــــــــة الأحرار
اريد اليوم يكتبــنـــــــــــــي مع الزوار
خلیني اطب ابشوگي خلينــــــــــــــي


دخل گبلي واحمل وياها چمه اهموم
يعتني الشـوگ الك يحسين يامظلوم
يمن فرگاك حرمنـــــــــــي لذيذ النوم
وياه البعد ناره تچوينـــــــــــــــــــــي


وصلنــــــــه اشلون حاله يم ابو اليمه
واحدنه يصيـــــــح وينتحب يمــــــه
من عنده طلبنــــــــــــه يقبل الخدمه
لين هاي الخدامه هيـــــــــــه تنجیني


هل خدمه الشريفـــــــــه هيه تنجينه
اوماهمنــــــه الحچت والشككت بينه
نظل نخدم ابو السجاد والينــــــــــــه
لين حبه اوخدمته من اصل دينــــــي
🔳🔳🔳🔳🔳🔳🔳🔳
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

من ذكريات رابطة مسلم ابن عقيل عليه السلام

~~~
منهو يمشـــــــــي اوياي يالله الكربله
خلـــــــــــــــــي نتلگه السبايه العايله
راح ترجع بت علــــــــــــي عقد الوله
هاي جانت ويـــــــــــه اخوهه امدلله
الطفـــــــــــــــه ردت والمدامع هامله
اه من الشــــــــــــام ردت ناحلـــــــــه
اجت للعباس اخيــــــــــــــه تسالــــه
اتگله تدري حده بينـــــــــــــه حرمله
جيت الك شكبان هــم امحملـــــــــه
اوظيمـــــــــــي ياعباس محد شايله
العمــــــــر بعدك يخويـــــــــه ماحله
رحت لأرض الشام ايديه امكبلـــــــه
وبني اميه خويه قدري تجهلـــــــــه

*✍️الشاعر فالح العامري*
🏴🏴🏴🏴🏴🏴🏴
يالله بويــــــــــــــــه خل نشد الرايه
اروح نتلگــــــــــــــــه الضعن مشايه
نواســــــــــــي زينب والعليل اعنايه
اعلى الجدم امشـــــــــي تعال ويايه
نروح ويـــــــــــــــــه زينب للمسنايه
خل نلاگي اثنينـــــــــــــــه ام الخدر
نروح صــــوب حسين محزوز النحر
نلطم اعلـــــــى الراس والمدمع يجر
نصــــــرخ بحرگة گلب صــوب النهر
نصيـــــــــــــح ياعباس انهض ياگمر
اجينــــه بالحسراه خلص منه الصبر
الجــــــــــ.ـرح زينب ابد مايرهم جبر
هـــــــاي اختكم عاودت من اليســـر

*✍️الشاعره ام لـيث المالكي*
🏴🏴🏴🏴🏴🏴🏴
گومـــــــي بنتي يالله شدي احزامج
اوبالطريج انعـــــــي السبط بشعارج
اوخلـــــــــي الوادم تشوف احجابج
واتقتدي كل النســـــــــــــه بافكارج
ويگولــــــــي يالزينب اجت خدامج
اتجدد الیــــــــــــوم اربعين اخوانج
صيحي فلت بالسبـــــــــــــي ايامج

*✍️الشاعر فالح العامري*
🏴🏴🏴🏴🏴🏴🏴🏴
ارفـــــــج اوياكـم اواسـي ام الحزن
شافت انواع المصــــــــايب والمحن
بكت عالمظلــــــــوم كل ساعه تحـن
ادكلـــــــــــه ضيعنـه دربنــه والامٰــن
رحنــه ويانه خولــــــــــه الما يحـــن
من بعدكم يخوتـــــــــي ضاع الوسن
امساهرات عيونـــــــي يبن امي عمن
والحــرايــــــــر يبچــن ويتصارخـــن
امحمـــــــــلات اهموم للـوالي اجـــن
شافن اكبٰــــــــور الحـياده وصيحـــن
كــوم ياعـباس تتلكـــــــــــه الضعـــن
وكفـن اعلــــــــى الگبر كلهن فـرفحن
يحچـن الســـــــــادي عليهن ما هـدن
وعـن رقيـــــــه اشلون ماتت وانسبن
والعليل ادموعـــــــه تجـري عالوجـن
ايحشـــــــم امغسلات مايرضن يجـن
وراحن الكبر ابو اليمـــــ..ـه وحشمــن
هاي زينب گومــــــــوم ليهه اتوسلــن

*✍️الشاعره ام حيدر الحمزه الطائيه*
🏴🏴🏴🏴🏴🏴🏴🏴
ياهلــــــــه ابجيتج يم حيدر هله
يالله امشي اويانه يختـي الكربله
خلــــــي شعرج بالهظم بحره عله
على درب الشام نتنـــــــي العايله
اجت زينب والمدامـــــــــع هامله
هاي جانت بالحـــــــــــرم متكفله
خلي السجاد يختــــــــــــي نساله
عن رقيـــه عد ابــــــــــوها امدلله
وين خــــوله ماجت بالقافلـــــــــه

*✍️الشاعر فالح العامري*
🏴🏴🏴🏴🏴🏴🏴🏴
هنا يخـــدام الزچيــه الطاهـــــره
ارفج ويــــاكم اواســــي الصابره
ردت من الشـــــام ويلي مكـــدره
الروس وياهـــــه وتعاين حايـــره
عافت اخوتها جثث فــــوگ الثره
هســــــــه تنظرهم دواســر مغبره
ويـــن عنها اليـــوم ســبع الگنطره
خــلّه يتلگـــــــه الضعن يتنطّـــره
الچـــان كافلها وعيونـــه مساهره
مـابگت عينـــه وچفوفه مــــوذره
الجارح احساسـه والكاسر خاطره
ماگـــدر يتلگـــه بـــــت الطاهـــره
ويــاكم ارفـــع رايه والحق ننصره
والدمــــع من دم على الخـد ننثره
ويـانه فاطم خلــــه يدري المادره
الظهــر محنــــي وبجدمها امعثره
تنعه بالممشـــــه الوحيده محسره

*✍️الشاعره شيماء ام نور*
🏴🏴🏴🏴🏴🏴🏴🏴
يالله احنـــــــــــه الجيتج هالنتظر
خلـــــــــي نتلكه العزيزه ام الخدر
هاي تشبـــــــــه فاطمه امها الطهر
اجت للطف ابگلبــــــــــها المنكسر
اجيت يم احسين طاحت عالگبــر
عن رقيه من اخـــــــــــويها تعتذر
*✍️الشاعر فالح العامري*
🏴🏴🏴🏴🏴🏴🏴🏴
حسره ضلت بويـــــه تملأ ناضري
گصدت المشايــــــه لدروب الغري
ادروبـــي مسدوده تجرّح خاطري
ودمعـــة اشواگي تحرّگ محجري
عندي طلبــــــــــه بويه گلي آمري
يم علي شوگي و سلامـــي ينقري
انيابه صلي ركعــــه الي يالعامري
طالبه واطلب انــــــــه من شاعري
روحــــــــي حنت للامام الحيدري
آيروحـــــي بشوگ امامي اتمرمري

*✍️الشاعره ياسمين الشموسي*
🏴🏴🏴🏴🏴🏴🏴🏴
تمت بعون الله في ١٣ صفر ١٤٤٣
في رابطة مسلم ابن عقيل عليه السلام
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م‌ـــِْن يتلاعب
https://t.me/falehalameri

«حب الحسین»
«تجلیبه»
~~
یامن راید تعـــــــــرف المن     صـــايرحبـي
حب ّاحسین اليسري ابدمّي    اومالك گلبي
حط اذنك واسمع دگـّاته       للمـظلوم
یحچیلك حزنه وآها ته        للمظلوم

▪︎▪︎▪︎
اخذمنــّي الگلب یالراید اتشـوفـــــــه
یاحب الیحمله وعنده ســـــالوفــــــه
اومن یاهواخذ بالدنیه معـــروفـــــــه
اذاغیرالغریب ابکربلــــه عــــوفـــــــه

هذا الحب ايظل للمحشــــر    عاش ابد مّي
اومن عنده استلهم افكا ري     واخذ عزمـي
معروف ابنوحه وشوغاته    للمـظلوم
یحچیلك حزنـــــه وآهاته     للمظلوم


ابواليمـّه ابشراييني انكتب اسمــــــــه
واحسن بالعگل مغروسه هالچلمـــــــه
لئن دین الاله اتقدّس ابـــدمــــــــــــــه
فخریکسیني واتشرّف ابهل الخدمــــه

اتشرّف خادم خدّامـــــــــه     لویحسـبني
افدي بالدم هالحض بالطف    ماحالفنـــي
واسمــع من ناده ابصرخاته     للمظلوم
يحچیلك حزنه وآهاتــــــــه     للمـظلوم



لون حاضرچنت یــاسیـّــدي ویـّــــــــاك
لمـن ناديت مــامن نــــــاصراللبّـــــــــاك
ردت آنه ابزمانك بالدمــــــــه اتفــــــدّاك
عله اتراب الطفوف ابمهجتـــــي اتلگــّاك

گبل اضلوعك خیل العسکر    اترض اضلوعي
واسگي الچبدك یابوالیمّـــه    من ادموعـــــي
اوللطف اتحمّل جمراتــه     للمـظلــوم
يحچیلك حزنه وآهاتـــه      للمـظلوم



ياصوت العدالـــــه اوصرخـــة الأیمــان
یظل کل جیل طفـّــك يوقض الوجدان
اويظل گلب الیحبّك بالزمن ولهــــــــان
يبواليمّه الموالي الخدمتك عطشــــــان
الموت ابهذي الخدمه اتمنّه       یابو الیمّـــــه
واخذاجري منّ الـــــــزهره       ابهذي الخدمـه
يتفاخرظل ابخدماتــه      للمـظـوم
يحچیلك حزنه وآهاته      للمـظلـوم



دنيه وآخره سجّلنـــــــــه اصــحــــابك
هاي ارواح عدنـــــه ارخيصه جــدّامك
سجّلنه ابسجل ّالخدمــــــه خّدامـــــك
اوعله هاي الخدامـــــــه ثبّت احبـــابك
ثّبتنه اعله الحب والخدمـــه    یبن الزهره
با لمحشرحبّك ينجينـــــــــه    يوم الحسره
بالدم انطـــرّز رايـــاتــه       للمـظلــوم
يحچیلك حزنه وآها ته       للمـظلــوم



يخــي عونه اليموت ابخدمتك يحسين
اوعلـه حبــّـــــــــك يغمّض للمنيّه العين
ملائكــــــــــة السمه تهبط الـه امشيعين
وابوك ابيمنتـــــه ايــــــــوسد له الخدّين

وامّك تحضرلیل الوحشــــه     واتسلـّینه
امن اهوال البرزخ والمحشر      واتنجینه
بالجنـّه الأخلص نيّاته         للمـظلــوم
يحچیلك حزنه وآهاته       للمـظلــوم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري
        👇
00989133683181
غير مبري الذمة كل م‌ـــِْن يتلاعب في القصيدة وتغيير اسم الشاعر
https://t.me/falehalameri

«حب الحسين عليه السلام»
«فايزي»
~~~
يحسين رحمه الواسعه   الواسعه النــــه
خــــــدام الك ياسيـدي   سيدي اقبلنـــه
▪︎▪︎▪︎

كل گلب اصبح مرتبط   مرتبط ويـــــــــاك
وارواح النــه من الازل   امن الازل تهــواك
يالوالي دنيــــه اواخره   اواخره بحمـــــاك
ماخاب يبن المرتضـــى   المرتضــى الوالاك

بالدنيه شفنــه خدمتك   خدمتك جنـــــه
خـــــــدام الك ياسيـدي   سيدي اقبلنــــه


يامن كسبت امن العلــي   امن العلي مجدك
ياناجـــي امة المصطفى   المصطفــى جدك
يحسين يابيت الوحـــي   الوحـــــــي مهدك
اوبالمهد جبريل افتخــر   افتخــــــرهـــــزك

يالحبك النـــــه بالمهد   بالمهد هزنـــــه
خــــدام الك ياسيـدي   سيدي اقبلنــــه


يحسين كل دگــــة گلب     گلب تسمعــــــها
ابحبك تردد يالصــــرت   يالصرت حبـــــــها
ارواح منــــــــذوره الك   الك نحسبــــــــــها
ابدفترك هالخدمـه لون   لــــــون تكتبــــــها

اعظم كرامه والشرف   والشرف نلنــه
خــــدام الك ياسيـدي   سيدي اقبلنــه


بيرغ رفعنـــــــه ابكربله   ابكربلـــــــه يحسين
هاذي الشعائــــر شاهده   شـــــــاهده كل حين
انجدد الك بيــــــها عهد   عهـــــــــد المضحين
ابدرب الشهــــــاده للابد   لـــــــــــلابد ماضين

يحسين منك تضحيــه   تضحيه اكسبنه
خــــــدام الك ياسيـدي   سيدي اقبلنــــه


اتوارثنــــــه من ابأ واجد   واجد هالخدمـــــــه
هاي العقيده الساميـــــــه   الساميه  ابدمـــــــه
الوالاك والحبك ذبــــــــح   ذبـــح ماهمــــــــــه
منك اخذ هالتضحيـــــــه   التضحيـــه اوعزمه

اتعلمنــه مثلك عالظلم   عالظلم ثرنـــــه
خــــــدام الك ياسيـدي   سيدي اقبلنــــه


يحسين تهتـف لـــــــلابد   لـــلابد باسمـــــــك
كعبتنه صارت كربلــــــــه   كربلـــــــــه اودمك
نقسم وحگ كسرالضلـــع   والضلـــــــــــع لمك
احنـــــه نحارب كل عصر   كل عصـــرخصمك

هيهـــــــات ابدا مانذل   مانذل صحنــــه
خــــــدام الك ياسيـدي   سيدي اقبلنــــه


يحسين اقبلنــــــــه خدم   خـــدم خــدامـــك
كل عام نحي بالبچــــــــي   بالبچــــــي ايامك
يامن يحيت ابكربلـــــــــه   ابكربلــــه اسلامك
ارواحنــــــــه فدوه الترب   التــــرب اجدامك

يحسين لومـا نهضتك   نهضتك ضعنـه
خــــدام الك ياسيـدي   سيدي اقبلنــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري


غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«رحمة الخدمه»
«تجليبه»
~~
ابدفتر خدمتك يحسين سجلنـــــــه
لعد اخرنفس عالخدمــــه ثبتنــــــــه
▪︎▪︎▪︎
يبــو السجاد منك هاذي طلبتنــــــــــه
علـــــــــه هالخدمه يابو العتره ثبتنــه
اوخلـــــــــي ابخدمتك تقوه عقيدتنـه
بيك ايمان عدنـــــــــــــــــه ماتخيبنــه


ياشبل الصيمده اللي نجـه ذالنّـــــــون
كريم انتـــه اونعرفك ماتخيب اضنون
اقبلنـــــــــه خدم يامن قبلت الجـــون
لتخلي هواها الدنيه يجرفنـــــــــــــــه


علينــــــــه اتحنن ابلطفك يوالينـــــــه
سفن هاي الخدامـــــــــــه خل تنجينـه
لوما رحمتك يحسين ذلينــــــــــــــــــه
نريد ابخدمتك هالعزه تشملنــــــــــــــه


شرف النـــه خدامتكم يبو اليمّــــــــــه
اوفاز ابدفترك من سجلت اسمــــــــــه
اوجبريل القبلنــــــه افتخر بالخدمــــه
يحسين الخدمتك الله خالقنــــــــــــــه


خالقنــــــــــه الجليل الخدمتك يحسين
علـه هاي الخدامــــه احنه فتحنه العين
شرف النــــــــه اوسعاده اوكرم بالدارين
لون خدام خدام الك تحسبنـــــــــــــــــه


يبو السجــــــــــــاد هاي الخدمـه نهواها
اونحب لاخر نفس نتعاهد اويـــــــــــاها
وابدم المناحر احنـــــــــــــــــــــه نفداها
ابجاه امك الزهره اوحيدر اقبلنــــــــــــه


اقبلنــــــــــه يبو اليمــــــــــــه الك خدام
اوخلينـــه ابخدمتك نگضــــــــي هالايام
دنيـــه اواخره النــــــــــه الخدامه اوسام
وابهاذه الوسام احنـــــــــــــــــــه تشرفنه


نمشــــــــــي اعليك اخوك الغالي العبّاس
ارزقنه الخدامــــــــــه البيـها رفعت راس
اوخلينه اعلـــــــــــه حبها تخمد الانفاس
وامك فاطمه بالگبر تحضرنــــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

#كلمات_الشاعر_فالح_العامري

#اداء_الرادود_الحسيني_الموفق
🎤🎤🎤🎤🎤🎤🎤🎤🎤🎤
#ملا_علي__الفرطوسي

«لبّيك ياداعي الله»
«احسيناوي»
~~
يبن الزچيّه بيك اعتقادي
يبن الزچيّه للمــوت انادي
لبّيك يبن الزهره لبّيك يبن الزهره
▪︎▪︎▪︎
انلبـّـــــــــي آه يحسين صرخـــــه بالأزمان
راسخه تبگـــــــــــــــــه ابداخل الـــوجدان
احنــــــــــــــــه نطلقـها اليــــوم عن ايمـان
خلــّـــــــــــــــــي العالم اوتسمـــــــع الآذان
احسين منعوفــــــــــــه خلـّـــــي اشماچان
الحب ابواليمـّـــــــــــــه التضحيـــه عنوان

نهوه المنيّه ابهاي الشعـــائر
نهوه المنيّه اتصيح الحناجر
لبّيك يبن الزهره لبّيك يبن الزهره


يامعلـّمنــــــــــــــــــــــه عيشت الأحـــــرار
للظلـــــــــــــم نـرفــض ابكل زمن ثــــــوّار
تظل قــائد نـــــــــــــــه احنــــه الك انصار
شيعـــــــــه وابدربــــك نرخص الأعمــــــار
كلنــــــــــه فدوه انروح يبن حامـــي الجار
اعلينـــــــــــــه لوترضه ماتمسنـــــــــه النار

حبّك هويّه بيها افتخرنــــه
حبّك هويّه صرخة نصرنــه
لبّيك يبن الزهره لبّيك يبن الزهره


احنـــــــــــــه من نهواك ليش لامونــــــــــه
الهـم انجــــــــــــــــاوب من يسألـونـــــــــه
انگــــــــــــول كلّ الناس الك مديونـــــــــه
كل اصــــــــــــول الدين ابعزها مصيونــــه
النبـــــــــــــــــي والقرآن بيك مضمونـــــــه
ابحبـّـــــــــــــك الأرواح هيـّـــــه مفتونـــه

لاموبديّه عالفطره اجاني
لاموبديّه صرخ وجدانــي
لبّيك يبن الزهره لبّيك يبن الزهره


هالشعائـــــــــــــــرهــاي ليــش نهــواهـــــا
لئن عزّتنــــــــــــــــــــــه الگينـــــــه ويّاهـا
العيشه بالذلــّــــــــــــــه شنهومعنـــــــــاها
موته اعلــــــــــــه دربك والله ردنـــــــــاها
كربلـــــــــــه كل يــــوم نحـــــــــي ذكراها
كعبــــــــــــــــــة الأحرار اشلون ننســــــاها

والغاضريّه كعبة هوانــــه
والغاضريّه تسري ابدمانه
لبّيك يبن الزهره لبّيك يبن الزهره


مـانعـــــــــــوف احسين لاوحگ د مـّـــــــه
نگضـــــــــــــــي للأعمار ابشرف هالخدمـه
انخدمــــــــــــه وصّتنــه فاطمه امّـــــــــــه
انصيـــــــــــــح يـازهراء احسين نلتزمـــــه
من المهد للمــــــــــــوت نلهج ابأسمــــــــــه
لجـــــــل حبّ احسيــن للدمه انقدمــــــــــه

انظل فاطميـّــه فكرتنه تبگـــه
انظل فاطميّـــه صرختنه تعله
لبّيك يبن الزهره لبّيك يبن الزهره


يــامن اتعــــــــــــــــادي احسين واشياعــه
عدّتك عدهــــــــــــــــــا گربته الساعــــــــه
ساعــــــــــــــة الموعـود دنت واتباعـــــــــه
هـــــــــاذه شبل احسين اويحمل اطباعــــه
عالظلــــــــــــــم ثــــــائر فازمن طاعـــــــــه
الجدّه يطلب ثـــــــــــــار الرضّواضلاعـــــــه

هاي الرزيّه فجّرت دمعــــه
هاي الرزيّه يصرخ انسمعه
لبّيك يبن الزهره لبّيك يبن الزهره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri