«لیالي السبي»
«میمر»
~~
من بعد جورالأیام     ردت العیله امن الشام
کل جمعهــــــــــا      ایهل دمعهــــــا

▪︎▪︎▪︎
ردت یبوالیمّه الدمع عالــــــــوجنات
من عافتك لليوم تجري الدمعـــــات
مرت عليها ايـام صعبــــــــه اومرات
تلفت اچبود العدها من الحســـــرات

یا ما اجرعت للآلام    اولالیله بالراحه اتنام
کل جمعهـــــــا      ایهل دمعهــــــــا


الله بعدك فگدت العــزتـــــــــــــــــها
یــامامصـایب هالعد ه راوتـــــــــــها
بالغصب لدیارالغرب مشتــــــــــــــها
شافت غصص مـــاچانت امحسبتها

یا ذنب عدها الایتام    
يحديهاسوط الظلام
کل جمعهـــــــــا     ایهل دمعهـــــــا


یحسین دمك بالطفـــوف افديتــــه
للدين ضامــــي ابيمنتك رويتـــــــه
والثقل الاكبـــرعالحرم خليتـــــــــه
صرختك حملت عالظلالــه اوبيتــه

خيبت ليزيد احــلام    
الحاكــم الناس بأوهام
كل جمعهــــــــــــا       ايهل دمعهــــا


هالصرخــه زينب وصلت للأحــــرار
حملت شعــارالثوره ضد الأشــــــرار
گلبت نظـا م الحکـم صنعت ثـــــوار
صارت أذاعـــه الکربله بالأمصـــــــار

رفعت شعارالاسلام 
هدمت لیزید اصنام
کل جمعهــــــــــــــا   ایهل دمعهـــا


ابمجلس یزید الحگ عله ابهالعیلـــه
وضحّت زیف الظـالم اوتضلیلـــــــه
ابصوت التحدي زینب اتنـاد یلــــــه
اشماکد ت ما تگدروحینـــه اتزیلـــه

هالبیت بیت الاکرام  
اعليها یحرگون اخیام
کل جمعهـــــا    ایهل دمعهـــــــا


زینب صبرهـا مــــــا یقل عن صبرك
والليلــــه رد ت يــــالأخويم گبــــرك
اگعد یبـــــوالیمّــــــــــه ترید اتنظرك
كلماجره اعليــــهاابيسرهــا اتخبــرك

اجروح الگلب ماتلتام    
اوظیم الیسرما ینظام
کل جمعهـــــــــــــــا        ایهل دمعهــا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري


https://t.me/falehalameri

مسلم المطيري

من بعد جور الايام ردت العيله امن الشام


كلمات الشاعر/ فالح العامري

«قصیده الأربعین»
«شيعتي»
~~
هالمسیّـه    هالمسیّــه  
الکربله امن الشام اجینه
الغاضریّه الغاضريه 
منهــا یحسین انسبینــــه
خویه یاخویه
~~~
هالأرض من عدها رحنه  الها ردّینــــه ابهظمنه
ریتنه لارحنـــــه منهـا وهالكبر  ویّــاك ظمنـــه
ابهل الارض اخوتنه راحت اوحرگو اعلینــه خیمنه
خدري ضیّعتــه ابأرضها
ابكربله اوذبحوا زلمنه
هالرزیّه  هالرزيه  
ابعیني یاخویه شفتـها
والزچیه والزجيه      
تبچي یم جسمك عفتها
خويه ياخويه
~~~
ابها لارض فارگت اخوتی   ابلادفن عالغبره نومــه
اوجسمك امسلـّب تركته   ابلاغسل تنزف دمومـه
اوعالرمح راسك اشوفــه   والحجر غيّر ارسومــه
اشما اصدللراس خويـــه زوّد اكليبي  اهمومه

امصابه بیّه   امصابه بیّـه    
عالوجه یجري دمعنـه
ایـعزعلیـه   ایـعـزعلیـه     
اوللدفن لامـاحضرنــه
خویه یاخویه
~
الهل الأرض مگدراشـــوفن   بیـها اتذکـّرمصایب
بیــها اتذكر  رضیعك  امن العطش دلاله ذايب
الجاسم اتذكـّر والأكبـر من هوه وسط الحرايب
آه من الغاضريـّــه    خويــّه راوتني النوايب

آل اميـّـه آل اميّــه  
ابها الارض خویه ولتني
ابلاحمیّه ابلاحميه  
صـایلـه بـالخیل اجـتنی
خویه یاخویه
~
ریـت وافتني المنیّــه ولاشفت ذیـچ المصـارع
اشـخلـّفـت یحـسـیـن بیّه   منّي بس تجري المدامع
ابهاالأرض یحسیـــن تدري  عزّتي وي الخدر ضایــع
آه والحسره الأجرهـا ریت یاخویـه الهاسامع

للمنیه   للمنیّـه  
کربله ابگــــــه ابذکرها
اتظل سریّه   اتظل سریّه  
نارالبگلبــــــــي جمرها
خویه یا خویه
~~
تبگه هالنــارالسریــه    للأجل تـچوي ابدلیلـــي
وابچـي کل لیلي اونهاري   الـفـگدك اوضيعة كفيلي
لاتـظـن خويـه بعدكــم  اهـجـع او ارتاح ليلي
اگضي کل عمري ابمناحه    واسگم الروح ابعویلـي

ابصدري   ابصدري  
جمرة احزان احملتها
عالبریّه   عالبریّه  
لوتحمل چان انکبتها
خویه یاخویه
~

راح اردّن للمدینــه   اوجـسمك ابلحده اعوفه
بس حـــرم ويـّاي آخـذ   اوبـيـتـك الخالـي اشوفه
راح اروح الجدّي اگلـــه عفت ابو الیمـــه ابطفوفه
وانذبح یا جدّي ضامـــي   اوماوفت بیعت الکوفه
عالوطیّه   عالوطیّه  
رضّت اضلوعه الحوافر
واشبدیّه   واشبدیّه  
مــاالــه يا جدي ناصر
~~~

https://t.me/falehalameri

«حنان الأخوّه»
«بحرالطویل»
~~~~

الطف کربله بالأیتام   زینب ردّت من الشام
صاحت وینك یاعباس

▪︎▪︎▪︎
اجیتك بالظعن هالیوم   من عندي الگلب شاجر
جبت الحرم منّ الشـام    یخویه والد مع سـاجر
واطفالك جبتهااتلـــوع    تکسربالبچـي الخــاطر
فوگ الشاطي من عفتك  للیــــــوم الجفن سـاهر

جارت علیها الأیـّــــــام    
من راحت ویه الظلام
صاحت وینك یاعبّاس


نخبرك خویـــه یاعبّاس   بالصار اوجره اعلینـــــه
لون ماتوگــــع اچفوفك   ماچان احنـه ذلـّینـــــــه
اشبیدي عالقد رخویـــه   هوّه اللي غد ربینــــــــه
مشیت آنـــه ابیسرعنـّك   غصب تد ري یوالینــــه

واجرعت بعـد ك آلام    
اجروح الیسر ماتنلام
صاحت وینك یاعبّاس


خیالك  یالأخومرســــوم    ابیابي العین واجفونـي
وابذ چرك اظل للمـــــوت   حتـّـه اعداك عرفونـــي
عن عینــــــي لمن غیبوك   الك رادو ینسّـونــــــــي
وابطـــــول الیسرعـبّـاس    بیك الهج یسمعـونــــي

افراگ الأخوماینضام    
وسفه وجودك مادام
صاحت وینك  یاعبّا س


حده ضیم اوحزن ویـّـاي    ظعنــــي عنّك من حدّه
اصـــــــوّت راح ابوالغیره    منــّــــــي وابعد شیرّده
خلف بـــــــالدلیل اجروح    جــرح الگلب شیضمده
واحـــــگ الخوّه یاعـبّـاس   طریجـــي بعد ماوچده

وابکثـــــــــــرمابیك اسهام 
خلـّه السوط ابمتني اوسام
صاحت وینك یاعبّاس


انفاســـــــــي امن اجرّنها    احسّك یالأخو بیــــــها
روحي اوکل احـاسیســـي   امسیطرحبـّك اعـلیــها
جسمك عفتـــــه اوروحك    خذتها اویـــاي اراویها
وابمجلس الطاغـــي ایزید   امّ الخـدر سابیــــــــها

وگفوني ابمجلس اجرام 
عینك عنّي اشلون اتنام
صاحت وینك یاعبّا س


الطف النایبــــــــــــه ردّیت ح گبرك عالنهرشفتــــــه
یـــــــــــوم العاشرابعاشـور   ذاك المـوقـف اذکرتـــه
امن الناگـــه طحت عالگاع  ابهمّي العلگمي اگصدته
وابلهفــــــه اوحنین اونوح   گبرك یلأ خواحضنتــه

معذورانتــــــه اوما تنلام      
من چفـّك طاح الصمصام
صاحت وینك یاعبّاس

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
https://t.me/falehalameri

#بصوت_الرادود🎤🎤🎤🎤
محمد الميساني

«ونين العقيله»
«شيعتي»
~~~~
اجيت امن السبي اهلـّن د معتـــــــي
گصدت المشرعه ابونيني اولوعتي
تعاله اعله النهرنوحي اوعويلي
لگيتك باللحد نايم كفيلـــــــــي

▪︎▪︎▪︎
يابعد شوفي يخويــه جيت هاذه اليوم اشوفك
جبت ويـّـاي الفواطم الليلــــه خطـّار ابطفوفك
گوم يالكلـّك حميـّــــه ابكربله اتلگـّــــه ضيوفك
اشلون ياعبّاس عنـّــه اتعوّگك گطعت چفوفك

يبن عودي علي واجيت ابشيمتك
اريـد ازيــــارتك واشمّن تربتــــك
يااخت اللذي صارت مثيلـــي
لگيتك باللحد نايم كفيلـــــــي


وين ابوالغيره كفيلـــــــي لسـّـه تحت الترب نايم
جيتك امن الشام ممشــه الشوفتك هالگلب هايم
جيت اشــــم اتراب گبـرك خويـــــه يابدرالهواشم
جيت اقيم آنــه ابطفوفك وانصب اعليك المآتــم

يخويـه اعـله النهر يكافل عيلتــي
الچفوف امگطـّعــه تعالت صرختي
مصابك يالأخو هدّملي حيلــي
لگيتك باللحد نايم كفيلــــــــي


خويه عفتك يــوم عاشر جسم دامــي عالشريعه
ريت عميــــه اولااشوفن عالنهرذيچ الفجيعــــــه
ابـــلادفن خلـّيت جسمك ويّه چفـّين الگطيعـــــه
وارجعت يــــوم اربعينك اطوي بهمومي الوسيعه

هويت اعله الگبر حضنته ابلهفتي
واشمّن تـــــربتـك ندبت ابحرگتي
ويـّــه اچفوفك اتگطـّع دليلي
لگيتك باللحد نايم كفيلــــــــي


جيت ياعبـّـــــاس اعتبك اعتاب محبوب الحبيبه
امنين ابديلك يخويــــــه اوالك اشرح يامصيبـــه
خــــويه اشد كلّ النوايب اونارها ابگلبي لهيبـــــه
موقف الشام الهضمنــــي الماتصح لجروحه طيبه

مچتوفــــه ابحبل بعد عزاخوتـــــي
آنــــــــه امّ الخدر تذلني د نيتــــــي
ضل بسّ الدمع بعدك سبيلـي
لگيتك باللحد نايم كفيلــــــي


ريت بالشام الشفتنــــــي بالخرابـه النزّلونــــــــي
آنه بتمن آنــــه اخت من الناس كلهم يعرفونـــي
آنه بت حامـــــي دخيلـه ابثارابوي ايطالبونــــي
وين سيفك غاب عنهـــم اجلاف اميّه من ولوني

يبوفاضل صحت ولوني ابغربتي
اسياط اهل الغدر اصدها ابيمنتي
طحت ابشدّه حشّمتك تجيلـي
لگيتك باللحد نايم كفيلــــــــي


من كثـــــــــرماجاردهري والعده جارت عليـّـــــه
گمت بالمدمـــــــــع انادي وين سبع الغاضريـّــــه
يالنمت عالشاطــي خويه مادريت اشصــاربيـّـــه
اگـعـد انظـــــرمتن اختك اموسّمه بسياط اميــّه

اعـرفن غيـــــرتك تألمك شكوتي
وحيده اشلون ارد يخويه الديرتي
اردّن للوطن وحدي يويلــــي
لگيتك بالحد نايم كفيلــــــــي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
https://t.me/falehalameri

زينب ويام السبي
«بحرالطويل»
~~~~~
راحت لليســـرزينـب بالطف عافت اخوتها
گلبها ابكربله اتصوّب النوب امصاب غربتها

▪︎▪︎▪︎
زينب عافت الوليــــــان جثث مسلوبــــه عالغبره
ابيـاحاله مشت عنــــــها بين اللوعــــــه والحسره
حزنها مايفل والنـــــــوح ابگلبـــــها اجروح ماتبره

راحت والدمـع يجري
اونيران الگلب تسري
افدي الــها كل عمري
وريت الليله ويّاها واشاركها ابمصيبتها


عافت جســم ابوالسجّاد عاري والدمه امغسلــه
وابكتره الطفل مذبـــوح ابنحره امعلـّگه النبلـــه
ابحرّالشمس عالتربـــــان هاي اعليها موسهلــــه

تمشــــــي اوماتواريهم
فـــــوگ الثره اتخلـّيهم
اشوكت ترجع بعد ليهم
عن اخوتها والأحباب طويله اتصير سفرتها


والكافل خدرها اتعـــوف فوگ المشرعـــه امودّع
ابــــوفاضل حليف الزود جسمـــه عالثره امگطـّع
طافيها السهم عينـــــــه شوفـــــــه مابعد يرجع

يمّ العلگمـــــــي صابوه
راســـــه بالعمد هشموه
چفـّه امن الزند گطعوه
لمصابـــــه تظل زينب من دم تجري دمعتــها


هـــــــــــاي امخدّرة حيدر وابــــــوفاضل تكفـّلها
عشره اخــــــــوتها جابوها واتباري المحـــــــاملها
ابهيبه الكربلـــــــــــه طبّت بـــــــوجود الأهل كلها

عافت كربلـــه ابياحل
مسلوبه اوبديها احبال
واتبــاري الظعنها انذال
لرض الكوفـــــه من طبّت ريت اتشوف حالتــها


زينب وابعهد حيــــــــدر اهل الكوفــــــه تعرفها
كل وادم اهل كـــــــوفان جدم زينب يشرّفــــــها
ليش اتنكــّرت الـــــــــها طمـــع لوخوف احرفها

هـــاي الوادم اشبيها
مارجعت الماضيــــها
زينب سيّده اعليـــها
هاذي بت رســــــــول الله ليش ابحبل چتفتـــها


لوحـــــــــيّ البطل عبّاس واحسين وعلـي الأكبر
ماتمشـــــــي ابيسر للشام بتّ المرتضـــــى حيدر
صعبــــــــه توگف ابديوان ماالها اخـــــــــو الينغر

كلها ابكربله نومــــــه
ظلـّت جثث بالحومه
كلمن غسّله ادمومـــه
حرمهم زينب اتحامــــــي بأرض الشـــــام محنتها


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri