‏صورة من بن العراق

الرادود علاء الدفاعي

احسنت احسنت خادم الحسين حيدر الخفاجي

«اليمة البقيع»
«شيعتي مقفى»
~~~
آه منك يازمـن جــرعتنـه للمحن
من هـــدم گبــرالحسـن

▪︎▪︎▪︎
الشيعه حزينـــــــه لمصاب المدينه
عليه من الدمــــــه المدمع بچينــــه
ابــداً مانسينـــــــه بقيع امهدمينـــه
واليـــــــوم الحشر هالحرگه بينـــــه

كافي يازمن جور اعلينـــه ابغــدرك ادور
اشموع فرحتنه طفــن من هدم گبرالحسن


لونحجي وضعنـــه ماواحد سمعنــه
صــــار اسنين بس يجري دمعنــــــه
الآم الجرعنـــــــــه الغيرك ماتبعنــــه
وامصاب البقيـــــع الي فجعنـــــــــه

وينك يالبقيـــه ياشبل الزچيه
اعيونـه الجيتك ربن من هدم گبــرالحسن


لگبورالأحبـــــــه . عيني اعليها تربــه
مهدومــــه اصداً الـهـه صعبـــــــــــه
للمدمع اصبــــــه وللمهدي اندبـــــــه
كل يوم ابـسنـــــه يگضي احسبـــــه

عايش انـــه بامال دمـع النظرهمال
حلـم امالـــــي صفن من هدم گبــرالحسن


نيــران المصــيبــه ابوسط گلبي لهيبـه
امنيــن اليـــــــــوم ابو صالح اجيبـــــــه
اعينـه انـه ابنحيبه علــــه اگبورالغريبــه
مظلمـــه اصبــحت بــديار طيبــــــــــــه

لازايـر يصلهم مهدومه گببــهم
حيلي وسنيني هــون من هدم گبــرالحسن


هالليلـــــه الأحبهم چنـــــي اسمع عتبهم
ماواحد گصــــــــد يبنــــــــــــــــي نزلهم
ايطياب ابنسلهــم والمختــــــــــار جدهم
والزهره الزچيــــه اتصـير امهـــــــــــــــم

وينه صاحب الثار گلي سكن يادار
اله صرخاتي اعتلن من هدم گبــرالحسن


ويــنك يا لمعــود ياحلـيف الجـــــــــــود
ياساعــه يمهــدي لينــــــــــــــــــــه اتعود
ابرايتاك الســــــود النــــــــــه حگنه اتعود
مو طالت الغيبــــه ذابت اچبــــــــــــــــود

ثارامك يتاني يامهدي الأماني
ضاع حگك واندفن من هدم گبــرالحسن

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م‌ـــِْن يتلاعب في القصيدة وتغيير اسم الشاعر
👇
https://t.me/falehalameri

الإمام الصادق ع
شيعتي
~~
لاتلومني دمعه ابجفــوني
◾️◾️◾️◾️◾️◾️◾️
دمعتــــــــــي من دم اهلها عالبقيع الي تهدم
ابگه طول العمر اندب ولجفن غـــرگان بالدم
الصــــادق الچان ابحياته گطعوا دلاله بالسم
هالمسيه اهدمو گبره اتوشحت لمصابه بالهم

وحدي عافوني دمعه ابجفوني
◾️◾️◾️◾️◾️◾️◾️
چم مصاب من المدينه اول الزهره اوضلعــها
سامري الأمه ابحقده عالوجــــه لمن صفعها
جرت الألام كلها اوتجري اعيوني دمعـــــــها
ياهو انسه ياهو اذكر ياهي گلبـي الي جرعها

يعمن اعيوني دمعه ابجفوني
◾️◾️◾️◾️◾️◾️◾️
ابهل مدينه گبر ضايـــــع وين صاير مادرينه
يظهر النه اونزوره اونعتنــــي ابروح الحزينه
مرت اسنين اونناشد وين گبر الزهره وينــــه
انوب هدمو گبر ابنها الچان يزهي امشيدينه

ابهاي هظموني دمعه ابجفوني
◾️◾️◾️◾️◾️◾️◾️
چم رزيه انه احمل البقيـــــع اعظم واشدهم
اربع اگبــــــــــــور اهدموهن مابگت اثار الهم
لئن احفاد الزچیـــــــه تلهـــج الناس ابذكرهم
رادو اتباع السقيفــــــــــه الهم اتضيع اثرهم

زادت شجوني دمعه ابجفوني
◾️◾️◾️◾️◾️◾️◾️
مأتم الصادق نصبتـــــــه عالرموش العين بالهم
والشموع اسنين عمری والدموع اجریها من دم
اعليه مثل الغاضريــــه اوصدر ابو اليمه التهشم
والشمر چني اشوفه للبقيــــــــــــــع اليوم داهم

اوگومه ولــوني دمعه ابجفوني
◾️◾️◾️◾️◾️◾️◾️
تمت
الشاعر فالح العامري
https://t.me/falehalameri

«عهد الولاء»
«مجرشه»
~
شيعة جعفر   مـــــا نتغيّر
مـــــا نتغيّر   شيعة جعفر
نكتب حبنه   ابجوهردمنه
▪︎▪︎▪︎
شيعـــــــــه نظل اونفتخر   اشـــرف وسام احملناه
اوسام الشرف طول العمر  ابهاي الخدامــــه اكتبناه
ايرجّح عملنـــــــه بالحشر   الگطـــع النحر ما عفناه

لبن الزهره  انطيع الامره
عهد اكتبنه  ابجوهردمنه


اكتبنه عهدنــــه امن المهد    للصادق احنـه اشياعه
للموت منخـــــــــون العهد    نتنومس احنه اتباعــه
الوالديوصــــــــــــّـي للولد    حبّه ابرخص ما باعــه

هالحب عنوان  لاهل الايمان
لوحه ارسمنه  ابجوهردمنــه


مذهب الصـــــادق موفرع    للدين روحه واصلـــــه
كلمن النهجــــــــــــه متـّبع    مؤمن حقيقي انجعلـه
ابهالمذهب احكام الشـــرع    وسنة الرسول واهلــه

للحگ شفنه  واتعرّفنـــــه
شيعه صرنه ابجوهردمنه


شيعــي الحقيقي ابهالعصر    ينعرف من وگفاتــــــه
لوشفته واجـــــــــــه للكفر    من كربله نفحاتــــــــه
ما يخشـــــه وايهاب السمر    اتهاب العده صرخاتـه

يوم الشدّه  الصادق عدّه
عزمذهبنـه  ابجوهردمنه


المنـّه تعلـّمنه الوفـــــــــــه    اينازع ابروحــه الليلـه
روح الرسول المصطفـــــه    اتگطــــــّع ابسم ادليله
المنصوردلاله اشتفـــــــــه    والشيعي دمعه ايسيله

راح الغالـــــي  صيته العالي
دربه احفضنه  ابجوهردمنه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«احزان المذهب»
«میمر»
~~~~•
یالصادق تنعاك الشيعه  يا روح الدين وتشريعه
اتمــرّ الذكـــــره   هذا اليوم
ابلوعه اوحسره   هذااليوم

▪︎▪︎▪︎
شيعتك تنعاك ابدمعـــــــــــــها الهمّال
منّك ياواليها اگطعت لــــــــــــلآمــال
من عگب عزها الراح عاشت یاحـــال
نارالمصیبــــــــــــــــه تلتهب بـــالدلّال

ما تخمد نیران امصابك   تتلاهب بگلوب احبابك
صــــــارت كبره    هذااليوم
ابلوعه اوحسره  هذااليوم


نارالحزن ما تنطفــــــــــي اتظل تسعر
بالچبد یالصـــادق غد ت تتـــــــــوجّر
اعلـــه امصا بك الما ينّســــــه للمحشر
ياحـــامل اسرا رالرســــــــــول وحيدر

ياحامل للباري اعلومه  للحگ وضّحته ومفهومــه
ابـروح الفکـــــره  هذاالیوم
ابلوعـه اوحسره   هذاالیوم


بعلمك تسامه واتّضح مذهبنــــــــــــه
ومنّك اخذنه كل دلا لة حبنـــــــــــــه
ومن صرنه ويّاك الدهرحا ربنـــــــــــه
وعن ديرة احسين وعلي غرّبنـــــــــه

من اجلك كل شي اتحمّلنه   لعداك ابداًما جاملنه
حدّ الشفــــــــره   هذاليوم
ابلوعه اوحسره  هذااليوم


عاهدنـــــه شخصك والعهد هالعزيات
بسمك ترف ابكل زمان الرايــــــــــات
يالعلّمتنه عالوفـــــــــــــه والطيبـــات
نهجك يظل ابكل فكرحـــــــي مامات

للمؤمن جوهرايمانه   للعالم واضح تبيانه
عبره اوعبــــــره   هذااليوم
ابلوعه اوحسره  هذااليوم


بيدك تشيّد واعتلـه منبرنــــــــــــــــه
والكل علم انته الصرت مصدرنـــــــه
عن معتقد ياسيّد ي اتبصّرنـــــــــــــه
حين التبعنه منهجك مــــاحرنـــــــــه

نتفاخربيك ايسمّونه   وابحبّك خلـّي ايذبحونه
مـــــــــــــانتبرّه   هذااليوم
ابلوعه اوحسره   هذااليوم


يالصــادق انتـــــــــه المنتصربالأد وار
يالشامخ ابافكارك اعلــــــــــــه الأفكار
وينه الذي سمّك وتاريخـــــــه اشصـار
خلّدعلــــــــــــــه احفاده  لعنات وعــار

وين المنصوروافكاره  مذمومه افعاله واخباره
ضــــــاع ابگبره   هذاالیوم
ابلوعه اوحسره   هذاالیوم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«عميد المذهب»
«تجليبه»
~
بمصابك تيتــــم مذهب اهل البيت
والشيعـــــه ابمناحه والهظم خليت

▪︎▪︎▪︎
عله امصابك يظل مني الدمع يجري
اونيران الهجر وســـــط الچبد تسري
اوعليك ابگـــــه انوحن مابگه عمري
من دنياي بعدك يالولـــــــــــي مليت


يبوالكاظـم بعد عينك تيتمنـــــــــــه
اوماينشف بعد للحشرمدمعنــــــــــه
ياجعفرمصابك بــــــــــــي تصوبنــه
يمن بعلومك انتــــــه للرساله احيت


بعد منهـــوعگب عينك يوالينـــــــــه
لدروب العدل والطيب يهدينــــــــــه
بانت خلتك يالصــــادق اعلينـــــــــه
كل شيعــــــــي ينادي باليتم حسيت


هالليله نودعك والدمــــع نجريـــــــه
اونيران الحزن بالگلب تلهب بيـــــــه
اوبالونه الشجيـه الكاظم انواسيـــــه
اونگلــه حگ دموعك لودموم اجريت


بالسم چبدتك هاذه المســــــه اتگطـع
يالصـادق تــــــــــون واتلوج بالمصرع
اولمصابك الشيعـــــــه تسچب المدمع
اوتفديك ابعمرها لويصــــــح يـــاريت


كل الشيعــــــه يالصــادق عليك اتنوح
لفراگك چبدهـــــــــا والگلب مجــروح
منهو الها يظل يلوالـــــــــي من اتروح
چنك للمنيـــــــــــه اعزمت من وصيت


اليلـه لبنك المفجوع وصيتـــــــــــــــه
بعدك للهظم والنــــــوح خليتــــــــــــه
اوتنعاك ابدمعها كل اهل بيتــــــــــــــه
يمن لجل الرسالـــــه ابمهجتك ضحيت


نظل طــــــول العمرنلبس سواد اعليك
اوبنهجك نسيــراوبالدمــــــــــه نفديك
يالصـادق وحگك احنــــــــــه ماناسيك
نعم التربيـــــــــــــــــــه الشيعتك ربيت

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«قائدالمذهب»
«عگیلی»
~~~
الصــــادق من راح اتمرمرنــــه
اتعـذ ّبنه ابفگـــــده اتعــذ ّبنــه

▪︎▪︎▪︎
قـائد مذهبنــه ابیـــــاحالـــــــــه   
بـــالسم اتگـــــطـّع دلالــــــــــــه
ننعـا بدمــــــــــوع الهمّالــــــــــه         
وابیـوم اصوابه اتصوّبنـــــــــــه


اتصوّبنه من یـــــوم اغیابــــــــه   
مارحمت عدوانــــه احبابـــــــــه
باب الرحمـــه چـــانت بابـــــــــه   
بغیابه اللیلــــــــه اتخیّبنـــــــــــه


شیعـه ابها للیلــــه اتجمّعنــــــــه   
بدیارالغربــــه اتضیّعنـــــــــــــــه
الصادق بالمهدي امواعدنــــــــــه   
امن البـاري اینفـّذ مطلبنـــــــــــه


یــم حیدرنتلاگه ابصحنــــــــــــه   
ونشچیلـــــه آلام المحنـــــــــــــه
ابسیف العدوان اتــذبّحنــــــــــــه   
چه شیعه الناس اتحاربنــــــــــــه


انعزّي حید رحامــي ادخیلــــــــه   
وابنه المهد ي ابهــاي اللیلـــــــــه
اعیون الشیعـه اتظل تربیلــــــــه    نتنطـّریظهـرغـــــایبنـــــــــــــــــه


یگعد للطـــــــــف شبل الزهـــــره   
ویطلب ثــــــاره امن اهـل الغدره
ماناســـــــي المظلــــوم ونحــــره   
یاخذ ثــــــــــــاراحسین وابنــــــه

١▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الذکری المؤلمه»
«چلمه اونص»
~~~
امصاب الصا د ق ماننساه
لمّن للغـــــــــــــايب نلگــاه

▪︎▪︎▪︎
كل مــاتمرهـــــالذكــره      گلب الموالــــي اتفسره
والمهدي الله ايصبــــره      ابهذه العزه احنه اوياه


خنعزّي گلبه المجـــروح     بغيابــه يتسلــّـه ابنوح
للمهدي خلصانــه الروح     عالصــادق جدّه الينعاه


الله يعين المهــــــــــــدي    واجروحـــه ظلـّت تدّي
اينـــــادي انصبت ياجدّي    المنصــورانشلـّت يمناه


ياجـــــــــدّي لتظن انساك    چبــدي تگطـّع ويـّـــاك
آخذ ثـــــــــارك من اعداك    يــوم الظهورآنــه اتناه


من اظهرآنه ابسيفـــــــي    امن اعداكم آخذحيفـي
يمتـــه يتحقـّق طيفـــــي   للعدل انشرلــــــــه الواه


الصادق للحجّــه ايجاوب    اتنطــّرك يــــــــالغايب
يايوم ابثــــــــاري تطالب    يبنـــي ظهورك ردنـــاه


چم صيحــــه تندب بالثار    ثارالضلع والبسمـــــــار
وطف كربلــــــه يلهب نـار    يــوم الوعد نترجـــّــاه


ابكربلـــــــــه جدّك منحور    وعالمشرعه دم مهدور
وظل دم الك لسّــــه ايفور    من عبدالله واويــــلاه


اسمع جواب الحجــــــــــّـه    البسمارصدري شجّــه
والطف ذوّبلي المهجــــــــه    والثـاري گمت اتمنــّاه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«التفاني للأمامه»
«شیعتي»
~~
یــالصـادق     اسمع صرختنــــــه
یــالصـادق    حبّك غـــــايتــــــــه
من مهدنه     معتقدنـه
يــالصـادق     اسمـع صرختنـــــه

▪︎▪︎▪︎
انته تعلم یاولینـــــــــــه    حبنه الك گبل الولاده
ابعالــــــم الارواح یحمل    الك کل شیعـي وداده
بالازل یوم انوجدنـــــــه    کل فردبیك اعتقـــاده
الشخصك انطينه عهدنه   ابعالم الذروالشـــــهاده

هـــاذه الحــب      مصدرفكرتنـــــه
هـــاذه الحــب      طهّـرطينتنـــــــه
من مهدنه     معتقدنه
يــالصادق     اسمع صرختنــــه


احنه من يوم انولدنـــــــه    هـاذه اسمنه جعفريـّه
اشرف الأسماء اسمنــــــه     وهاللقب اقدس هويه
اتطهّرابحبّك فكرنــــــــــه     من ظلال الجاهليــــه
شيعه والشخصك نوالـــي    نبگــ.ـ.ه حدیوم المنیّه

ظل مجنــون     ابهالحب واحدنه
ظل مجنـــون     العنـّك يبعـدنــه
من مهد نه     معتقدنه
يــالصـادق     اسمع صرختنـــــه


ابحبّك انسجّل مــــــواقف   نربط اويـــاها المصاير
صفنـــــــه بدروبك نوحده   نحــي بسمك هالشعائر
نطلب الموت ابرضاكــــــم   وماتغيّرنــــــه المظـاهر
وعلمك الصافي نذيعــــــه   من علـــــى هاي المنابر

بدمــا نـــــــه       انحقـّق بيعـتـنــــــه
بدمــا نـــــــه       ونحفظ سمعـتـنــــه
من مهدنه     معتقدنه
يــالصــاد ق     اسمع صرختنــــه


يالردت النــــــه السعاده    وجاهدت دومك لجلنــه
دين ابوالزهره حفظتـــه   كل اصوله وفرعه النــــه
واسهرت ياماليالــــــــــي   من اجل نرقه ابعلمنــــه
الليله بفراش المنيـــــــه    وسـفه ياعزنه واملنــــه

مـن بعــدك       والله اتيتـّمنــــــــه
مـن بعــدك       يـالصاد ق ظعنـــه
من مهدنه     معتقدنه
يــالصادق     اسمع صرختنه


الليلـه بالمدمــــع نندبك    انودعك ابروح الحزينه
الفرگـتك هالليله ينحب    بالگبرجد ّك نبينــــــــــه
وبالسمه الاملاك ضجّت    وتلطم الفگدك ولينـــــه
وفاطمه تبچي ابگبــرها    لبنك الکاظم تعينــــــــه

اويه ا لزهره       يسچب مد معنــــــه
اویه ا لزهره       ما يوم اهجعنــــــه
من مهدنه     معتقدنه
يــالصادق     اسمع صرختنه


ابحسره وابونـّه ومناحـــه    ماتم احزانك نصبنـــه
من گبل چبدك لونـــــــــــّه    يالولي اتگطّع چبدنـه
سم عدوّك من جرعتـــــــه    ريته من گبلك شربنه
اولانظل بالدنيـــــــه بعدك     ولاهنــه بيهارغدنـــه

بمصـــــابك       بحزان اگبعنــــــه
بمصـــــابك       تدري اتلوّعنــــــه
من مهدنه     معتقدنه
يــالصادق     اسمع صرختنه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
                                                                                         تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«یتم الشيعه»
«چلمه اونص»
~
ياشيعـــــــــــــــه والد كم راح
اویه الصــــــادق راح الأصلاح

▪︎▪︎▪︎
راح الأبــــــومن عد كم     وعگبـــــــه گبعتوابهمكم
منهوبعد یحرسكـــــــــم    سوراليحــــــاميكم طاح


راح الذ ي يرعا كــــــــم     ابناراليتم خلا كــــــــــم
بعده اظلمت دنيـــــــاكم    راح الچان الكم مصباح


بوجــــوده كل عزشفتوه    راح وبعد مـــاتلگــــــوه
گوموابد معكــــم شيعوه    افراگـــــه يفتّ الأرواح


افراگه يعزياشيعـــــــــــه    ايذوب الگلب تود يعــه
الد ين انثلم تشريعـــــــه    اهل السمه اتضج بنياح


رخصويشيعه المدمـــــع    عاللـــــــي د ليله اتگطـّع
ايعز عالزچيّه المصــــرع    وبيكم تظـل تدّي اجراح


بفراگه مجروحــه الروح     ومليان الدلال اجـــروح
لمصابــــــه ظلـّيتوابنوح    واهجرتوبعده الافــــراح


الله يسمّ المنصــــــــور    خلانـــــــــه بحزان ادهور
ولوعتنه تشبــه عاشور    ناعي ابوالكاظم من صاح


فت چم گلب ناعــي البين  وابحزنه خلــّه الكونين
تنحب علـــــــــه عزّالدين    دمع الأنس والجن فاح

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الحزن الدائم»
«اعگيلي»
~~~~
حزن الصاد ق     حزن الصادق
لاوالله ما نا سینــــــــه

▪︎▪︎▪︎
حزن الصــــــــــادق ضل یتوجّر 
اوناره ابچبد الشیعـــــــه التسعر
مـــــــــاتبرد حد یـــــوم المحشر 

ضلـّت بینه یامهد ینــــــــــــــــه
لمّن اتعود اعلینه   لاوالله ماناسینه


الصادق حزنه الماناسینـــــــــــــه 
کل یـــوم ابنـاره ايچوّینــــــــــــه
اوننعا بالمد مـــــــع والینـــــــــــه 

نلهج بسمه    اوننهل علمـــه
اومن اعلومه اتغذینه  لاوالله ماناسینه


نادانه الصادق نادانـــــــــ.ـــــــــه 
نحمل افکاره اوأیمانـــــــــــــــــه
والعالم نصلح بأحسانـــــــــــــــه

لواشیاعه   اوصدگ اتباعه
للناس ابفکره اهدینه  لاوالله ماناسینه


صوت الصادق کون انسمعــــــــــه 
موبس نجري اعليه الدمعـــــــــــه
ابکل درب اظلم نعلگ شمعـــــــــه 

نهدي الأمّـــه   ابعلمه اوحکمـه
هاذا نهج والینه    لاوالله ماناسینه


الصادق چانت شنهوافکـــــــــــاره 
یتفگـّد بـــاللیل الجـــــــــــــــــــاره
اولواحنــــــــــــه اشیاعه اوانصاره

انعاهد ربـّه   اونسلك دربـــه
هاذا الدرب اینجّینه   لاوالله ماناسینه


رايد انصــــــــــــــــارالتـتعلــّـــــــم 
وابحكمــــــــــــــه اومنطـق تتكلـّم
مارايد شيعـــــــــــــــــــه التتهجـّم 

رايد شيعه   الحگ اتطیعــه
واتعادي اللي ايعادینه   لاوالله ماناسینه


یابوالکاظم صوتك نسمــــــــــــــع  
منذل لعداكــم مانركـــــــــــــــــــع
اومانصبرلحظــــــــه اولانهجــــــع

ضدّ الحاقـد  نبگه انجــــاهد
اوننطرفرج مهد ینه   لاوالله ماناسینه


ابنك بالآهــــــــــــــــــــات انـّطره   
رد نايــــاخذ ثـــــــــــــــارالزهــره
اوثـــــــــــارالبالطف حزّو نحـــره

انـّـادي الغايب  ابثاره ايطالب
منّ الصبرملـّينــه   لاوالله ماناسینه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
                                                                             تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«عهد الوفاء»
«تجليبه»
~~~
القائد الشيعه     نعلن البيعه
سلم لمن سالمكم  حرب لمن حاربكم

▪︎▪︎▪︎
يالصادق الك هــالبيعـــــــــــــه ننطيها
العدوانـك مانسمـــــــــع محـــــــاچیها
وافکارك ابدمنـــــــــــه انحافظ اعليها
وراية مذهبك بالعــز نعلـّيــــــــــــــــها

والكل عرفنه     نهجك هدفنه
نهج البا ري منهجكم      حرب لمن حاربكمح


نهج الله ورسولــــــــه منهجك شفناه
بالد نيه سعــــــــــاده وآخـره اعرفناه
فكرك بالمهد يـــاسيـّدي ارضعـنــــــاه
ننطي ارواحنه دونــــــــــــه فلاعفناه

حدب المنيّه     انظل جعفريّه
تولـّعنه  ابمحبّتكم      حرب لمن حاربكم



قسم نقسم يبو الكاظـم وحـگ نفسك
نفس الطاهره المتعاليـــــــه ابقد سك
نظـل طلاب نحضـــركـل وكت درسك
اوتعيـش انته ابگلبنــه سيّدي انحسّك

اويسري ابد مانه   الشخصك ولانـــه
متمسكين ابمبد ئكم    حرب لمن حاربكم


اشحدها اهل الخيانه اوزمرة الأرهاب
تخلـّينه ابـــــــولاك اومنهجك نـرتــاب
قــوافلنه تسيــراوللذبـــــــــــح متهاب
نضل احنــــه نحبّك واحنه الك احباب

شيعه واحبا بك   اونحیي المصابك
منشأنه من طينتكم    حرب لمن حاربكم


من يوم ارحلت عنـــــــّه لعد هاليـــوم
من دمنه بگت تگطرسیوف الگــــــــوم
اوبالناراوحدید الشیعــــي ظل محکوم
اوماشفـنه ابعمرنـــــه بس قهرواهمـوم

ابهاذه رضینه   لا ماجفینه
یاسیۀدي المذهبکم    حرب لمن حاربكم


اوماناسین یومك ذاکــــه واحزانــــــــه
کل شیعي یظل النـــوح عـنـــوانـــــــــه
اویظل ادموعه تجري اوروحه خلصانـه
من ینظرامامه خــالــي امچــانــــــــــــه

امچانك الخا لي       مرّد دلا لــي
عمري گضه ابمأتمکم        حرب لمن حاربكم


یبوالکاظم مصـــابـك صعب والأصعب
امصاب احسین من عنده الطفل شیب
انذبح یمّ الفرات اومنـــّــــه مـــایشرب
اومن عند ه الجسم ظل عاري امسلـّب

جثته رميّه     روح الزچیّه
اويتنطـّرالغايبكم      حرب لمن حاربكم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«فاجعة المذهب»
«عگیلي +چلمه اونص»
~
الله اویاك        ياقايدنه      الله اوياك
ودّعنــــاك        يارايدنه       ودّعنــــاك
يالصـــادق للمـــوت اويـاكــم
وانعادي كلمن عــــــــــــاداكم

▪︎▪︎▪︎
انودعك بالحسره اولوعتنه   وي دمعتنه المسچوبه
ویّاك اندفنت منیتنــــــــــه   اویاقسمتنــه المکتوبه
نفگد هیبتنه اوعزّتنـــــــــه    البي امّتنـــــه منکوبه
الصادق خیمتنه اوشمعتنـه    اویاسمعتنه المهیوبـه

وسفه اتروح       واحنــه نظل     وسفه اتروح
منّ النـــــوح      جفنـــــي ذبل    منّ النــــــوح
شيعتكم لا مــــاننســـــا كـــم
وانعادي كلمن عــــــــــــاداكم


جمرامصابك لامــــــا يبرد    ايضل يتوقّـّد بالأجيال
اوحزنك كــل عـام اليجدّد    ونــاره التشتد بالدلال
اوكل گـلب الحبّك يتمـــرّد   حيله اتبدّد والهم شال
اوكل شيعي الأحزانه اتقلّد    اوفكره اتقيّد والأمال

من فرگاك       شــاب الگلب     من فرگـاك
ضل ینعاك      ابدمعه المحب   ضل ینعـاك
والحبكم  بــــالـــد ّم يفد اكم
وانعادي كلمن عــــــــــــاداكم


دونك ريت ایسمنه الظالم   يابوالكاظم يامظلــــوم
اولاعاشت بعدك هالوادم    بينه اتساوم هاي الگوم
اتمنّیتك يالصــادق سالم  اتشوف الحاكم هاذااليوم
يذبح كلمن الكـــــم خادم   تدري اوعالم بالمحتــوم

ماعفنـــاك       رغــم الجـره   ماعفناك
يتــفـــدّاك       ابدم منحـره     يتــفـدّاك
الگطــــــــع المنحر ماعفناكم
وانعادي كلمن عـــــــــــاداكم


هيهات اعداكم تحرفنه      واتغيّرنــــــه لاهيهات
چم مرّه ابمرّه الجربتنه     مالاوتنـــــــه بالکلفات
اونحمل افکارك شافتنه     اتولّتنــــــــه بالغدرات
زين ایعرفون الغايتنـــه     وي فكرتنـــــه مأتلفات

نهجك صار       هوه الغايه     نهجك صار
بــــــا لأدوار      فكرك رايه      بـــــالأدوار
تحملها اچفــــــــوف الوالاكم
وانعادي كلمن عـــــــــــادا كم


نهجك وافكـارك نحملــها     اعداك انگلها خل تسمع
اتعاد ينه اعلیمن نسألــها     الفكرالعدها مانركــــــع
الموته البالعز نستقبلــــها     عشّــــاگ الها اونتطوّع
موشیعه اللی ترضه ابذلها   اومنهج عزهـا ما تتبــع

انصیح ابصوت      والکل تسمع   انصیح ابصوت
حد ّالموت      نهجك نتبع  
حد ّالموت
الله الأمر بـــايعنــــا كــــــــم
وانعا دي كلمن عـــــــــادا كم


يومك يالصادق وامصـابك    اگلوب احبابك گطعها
اوماتبرد جمرات اصـــوابك   اونارافراگـك تجرعـها
اتوشحة بالأحزان اصحابك   اتهل بعتابك مدمعــها
فــتّ چبد تنــه سمّ الصابك   انوب اغيابك يفجعها

الشيعه اشتحمل      چم امصاب   الشیعه اشتحمل
مدمعــــــها ایهل      منّ البـــــاب  مد معـها ایهل
اوللمحشرنبگــــــــه ابذکراکم
وانعادي كلمن عـــــــــــاداكم


يـالصادق يــاشبل الـزهره     الليله ابحسره ودّعناك
جسمك ماظل اعله الغبره     نجري العبــره شيّعناك
بس احسين الگطعو نحره     اوداست خیـل اعداك
اوزينب فـوگ التل اتنظره    احتارت بمره مایخفاك

امصاب احسين     مامرمثلـــــه   امصاب احسين
مـــــا نـــاسين     طف كربلـــــه   مــــــــا ناسين
دين الله اتروّه امن ادماكــــم
وانعا دي كلمن عــــــــادا كم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎                                                                         تمّت

الشاعرفالح العامري


🔹للاستفسار اتصلوا بالشاعر فالح العامري
علی هذا ارقم   👇  
00989133683181
غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri