ثوب السواد
هجري
~~~~~
البس سواد عالجواد ابدمعي اواسي للرضه
🔳🔳🔳🔳◾️◾️◾️
اثياب حزنـــــي مااذبها لمـــــن البس للجفن
مأتمي اليوم المنيـــــه والدمع شبــه المزن
ابزادي مااهنه اوشرابي ابگــــه صايم عالمحن
الياخذ ابثاره اتانـــــــي اجذب الحسره ابوجن

ابگه ابنوح جمه اجروح. ابعيني اظلم الفضه

*✍️الشاعر فالح العامري*
🔳🔳🔳🔳◾️◾️◾️


ابگه ابحزني اومصابي. والدمع يجري دمه
واسمع وياي ابمناحه. اليله املاك السمه
اليله أرض الكاظميه. كل سماها مظلمه
للجواد انصب اله مأتم. اواسي امه فاطمه

بالحزن اتنادي يمه. بالچبد سمك مضه

✍🏻الشاعره ام ليث المالكي
🔳🔳🔳🔳◾️◾️◾️


ابگه طول العمر انحب ومااذب لحظه السواد
ابچي ويه الدمع عيني لجل ابن باب المراد
ومن يجي ابن الزچيه ويفتح ابواب المعاد
ويصرخ ابصوت المنادي حي الله لجهاد

احضر اويه ابن الابيه المنها ماخذ موعظه

✍️الشاعره ام عدنان سياحي
🔳🔳🔳🔳◾️◾️◾️


الدنيه ضلمه بعيني صارت مني ضايع كل امل
مصيبتك صعبـه يوالي. وحزني يبگه للازل
يا جواد الائمـه انعــه. والدمــع دم يهمل
ابد ما ننســه مصابك. انذكره دوم وما نمل

ابگه انادي يا أمامي. والحشا يلهب لظه

✍️الشاعره ام مرتضى الموسوي
🔳🔳🔳🔳◾️◾️◾️

وقف دمعي ارد اجعله. يا. امامي للابد
جفي وي صدري يغالي. الك موش لأي احد
الطم وصوتي ينادي. باقي آنه عله العهد
ابمجلسك من ادخل اني. كلشي بجسمي شهد

ياعطشان. عالتربان. خدك وحيلك گضه

✍️الشاعره ام مجتبى الجزائري
🔳🔳🔳🔳◾️◾️◾️


اجذب الحسره عليكم واني هل بدمعتي
يا مصابك يبو الهادي زاد بيه حسرتي
ياجواد العتره انته بيك تقضي حاجتي
وبلحشر كونك يا غالي انت اليه سلوتي

خادمك يبن الرضا كون بالجنه حضه

الشاعره ام زين العابدين
🔳🔳🔳🔳◾️◾️◾️

اسف فگدك ياامامي راحـــل بعمر الـــورد
صعبه مانوح المصابك يالشبابك مايــــرد
سمك المارد الچبدك مااضن منه اشــــد
ارد اواسي الرضا الليله وابنك الهـــادي بعد
بدمع عيني ولطم صـــدري ياسليل المرتضه

✍️الشاعره شيماء ام نور
🔳🔳🔳🔳◾️◾️◾️

تمت بعون الله
باقــــ✍ــلام ✍🏻✍🏻✍🏻شاعرات اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻

https://t.me/falehalameri

شراقة يوم الثالث من محرم
نعي

انــــــــــه بتك يبو اليمه اخذني

ارحم علتـــــــــــــي اوزغر سني

قلل لوعتـــــــــي اوخفف الوني

يبويه لو رحت من يســــل عني

ريت الموت من بعدك اخذنــــي

ليالي الهجر يالوالي لفنّــــــــــي

اسهام الوكت گبلك رمنــــــــــي

واحس نيران المخيم چونـــــي

ويام اليتم بويــــــــه اجنــــــي

صبح عاشــر اخباره من لفنـــي

مصايب كربله بويـــــه لونـــــي

احسن يالأبو هســــــــــه يتمني

*✍️الشاعر فالح العامري*

https://t.me/falehalameri

اشراقة يوم الرابع ام البنين ع
نعي
~~~
صاحت صوت وينچ يالزچيـــــه

مشو اولادنـــــه للغاظريـــــــــــه

اوظلت نارهم بيـــــــــــــه سريه

تعالي خل نودعهم سويــــــــــــه

وداع الصعب اعليــــج اوعليــــه

اوبيدي سلمت خدر الهاشميـــــه

ابجف ابنـــــــــــي عباس الشفيه

اوصيت ابو فاضل وصيـــــــــــه

يحامي عن خـــدر الفاطميـــــــه

سمعت اينادي يمـــــــــــه يالأبيه

وي زينب اوگــــــف للمنيــــــــــه

واركبــــــها وانزلها بديــــــــــــــه

گومــــــــي من الگبر هاي المسيه

خلي ابيتنـــــــه ننصب عزيـــــــه

خلي ادموعنــــــــــه من دم جريه

بعد اشبولنـــــــــــــــه اهل الحميه

ضلت موحشه اوظلمــــــــه الثنيه

يزهره تلهب النيران بيــــــــــــــــه

اوتظل اعله الدرب عينـــــي اربيه

بس الأشد واعظــــم رزيـــــــــــه

بتي ام الخدر تمشــــي سبيـــــــه

*✍️الشاعر فالح العامري*

https://t.me/falehalameri

اشراقة يوم الخامس
انصار الحسين عليه السلام
نعي
~
حضروا انصــار الزچیه وادي الطفوف

قايدهم حبييب الماعـــــــــرف خوف

عله كعبة عشــــگهم الرحــمه اتطوف

همه البحر طفك صاروا اجــــــــروف

احملـــــوا ارواحهم والدم بالچفـــوف

ذوله اهل الحميـــــــــه واهل معروف

على ادروب المنايه زحفوا ازحــــوف

ماهابوا ارمـــــــــــاح العده واسيوف

باجر بالحــــــــــــــرب اعيونك اتشوف

يدوســون الجمر ايطشرون الصفـوف

واحدهم اجروح العندك ايــــــــــروف

على غربتك منــــــــــــهم دمع مذروف

ينظــرون الاطـفال اللــــون المخطوف

بعدهم علـــــــــــي الســــــجاد مچتوف

*✍️الشاعر فالح العامري*

https://t.me/falehalameri

اشراقة يوم السادس
مسلم ابن عقيل ع
نعي
~~~~
اريد اعتنـــــي للكوفــــــــــه ابمناحه

واشوفن حال مسلــــــم اوغربتــــــه

صدگ من الگصــــــــ.ـر للگاع شمروه

اوسحلو بالحبل ياويلـــــــــــي جثته

صدگ وحده بگــــــــــه اوماله انصار

ريت العين عميــــــــــــــــه اولانظرته

صدگ گطعــو وريده الحيـد عطشان

ومن حر الضمـــــــــــــــه ذابت چبدته

صدگ بس طوعه تنحب ظلت اعليــه

عنــــــــه وين ويلي اليــــــوم بتــــــه

ثلث تيــــــام ظل عالغبــــره مطروح

تفسر الصخـــــر يامسلم محنتـــــــــه

جارك ياعلــــــــــــــــــي مسلم اتولوه

يبو الحسنين وسفـــــــــــه ماحظرته

تشيع اجنازته واتصلـــــي اعليــــــــه

ابمچـــــان احسين ياريتك دفنتــــــه

على گبره علامـــــــــه اتخلي مظلوم

حميده لـــــواجت اتعرف تربتــــــــــه

عليـــــــــــه اكتب يحيدر هذا الوحيد

التخضب بالغرب من دم رگبتــــــــــه

*✍️الشاعر فالح العامري*
https://t.me/falehalameri

اشراقية يوم السابع
الى قمر العشيره ع
نعي
~~~
گصد للعلگمــــــــــي والچبد نيران

اوزينب تنتظر جيتـــــــه اوسكينه

وصل شط الفرات ونظــــــر بالعين

ابو فاضل جذب يمـــــه ونينـــــــه

يگلـــــه جيت الك موانا طــــــلاب

اوصلت يمك انـــــه ابروح الحزينه

يگلــــــــــه الجود منك املي اليوم

واروي عيلت الهادي نبينــــــــــــــه

لاچن منك اشــــــــــــرب انا هيهات

اوحرم واطفال تتنطر مجينـــــــــه

گـــــــوم اوياي يانهر الفرات انروح

نروي چبد ابو اليمــــــه ولينــــــــه

گلّه ارتوي منــــي اوعوف الحسين

گلـــــه اشلون تقبلــــــــــــــها علينه

احنـــــه اهل الوفه والجود وايثار

گبل احسين منك ماروينـــــــــــــه

مله جوده اونهظ عبــاس مختاض

توجه للخيم لخته الحنينــــــــــــه

ناداها يزينب انـــــــــــــــــه رديت

رجع والغيره تنگط من جبينـــــــه

لچن ياحيف منــــــــه اتبده الماي

گطعو منـــــــــــــه ايساره اويمينه

اوجاه غفلــه العمود وهشم للراس

وگــــع فــــوگ الثره ناصر احسينه

اجت يمه العقيلـــــه اتصيح عباس

من بعدك يبـــــو الغيره انولينـــــــه

يخويه طيحتك هدمتلـــــــي الحيل

منهو الي يردنــــــي للمدينــــــــــــه

گوم اوشوف حرگت خيمتـي الگوم

اوبعد عينك يوالينـــــــــــه انسبينه

*✍️الشاعر فالح العامري*

https://t.me/falehalameri

اشراقة يوم الثامن
القاسم ابن الحسن ع
نعي
~~~
الله ايعين رملــــــه هالمسيــــــه

من شافت ابنها الغالـــــي ذبحوه

تصيـــح ابصوت يوليدي يمحروم

من شـــم الهوه اشبيب اوحرموه

ضامــــــــي الولد نحره يگطعون

يريت ابنـــــي گبل الذبح يسگوه

على العريس شفت ابعيني اليوم

اسهــــــــام العده املبس اينثوره

واشمـــــــوع الفرح للولد جسام

اوسط الحومــه نار الحمم علگوه

عجنت الحنــه اله بدموع العيون

لچن جســـــــــام من دماه حنّـوه

برماح اوسيوف ابنــــــي المهيوب

من الخيـــــم وسط الحومه زفوه

راح امشـي واعوفه الولد مطروح

اوماشـــوف الابن لمّــــن يدفنوه

ريت الموت اخذنــــي گبل جسام

ولا اسمع العمــــــــــــه بيه يعزوه

وين الحسن عنــــــــه مالفه اليوم

اجرك عظم الله بـــــــــــي ينادوه

*✍️الشاعر فالح العامري*
https://t.me/falehalameri

اشراقة يوم التاسع
علي الأكبر عليه السلام
نعي
~~~
علـــــــي الأكبر وامــه صار الوداع

اشلون اوداع وابديره غريبـــــــــــه

علـي ضمها لصدره اودمعه ايسيل

يگلـــــها اوداعت الله يالحبيبـــــه

يايمـــــه بعد ساعــــــــه وتشوفين

ابتربة كربلــــــه جثتــــــــي تريبه

صاحت صوت ارتج وادي الطفوف

اشوفن جثت الغالـــــــي سليبــــه

اخذني للمنيـــــــه ياعلـــــي وياك

طفـــــي نار دلالـــــــي اللهيبـــــــه

شبگت للــــولد او هــــوه للگــــــاع

تگلــــــه يالولد اشهل المصيبـــــــه

ازفك للمنيـــــــــــــه بيدي اشلون

ونتـــــــه ياعلـــــــي الگلبي حبيبه

مااريد العمر ياعلـــــــــــــي مااريد

اشلون ارجع وحيده لأرض طيبــه

اعـــــــوفك عالثره امترب الخدين

واعــــوف اجفوفك ابدمك خضيبه

ضامـــــــــــي تنذح ياسلوت الروح

تعال اسگیك بدموعي السچیبه

تگلـــــــه وين يبنـــــــــي بعد الگاك

والأكبـــــــــر بعد امنين اجيبــــــــه

من بعد الولد انطـــــــي الوجه وين

وراح امشـــــــي ابيسر سفره رهيبه

واعــــــ.ــوفك يالولد باللحد مطروح

وعلى اوداعـــه انترس هالراس شيبه

*✍️الشاعر فالح العامري*

https://t.me/falehalameri

اشراقة يوم العاشر من محرم
مصرع الحسين عليه السلام
نعي
~~~~
طر مصبـــــــــــاح عاشر عسى لاطر

ابو السجاد ضل مصباحـــــــــه حاير

حاطت بيــــــه جيش الكوفه الآلاف

وحيد اومالــــــــــــــه المظلوم ناصر

عليه فزعت بنــــــــــي اميه صوبين

اوذباحــــــــــــــه عليه السيف شاهر

من حــــــــر العطش ابوادي الطفوف

ابو السجـــــاد چبده نــــــــــار شاجر

عبد الله ابحضنـــــــــــه من يذبحوه

يتلگـــــــــه مصابـــــــــه ابگلب صابر

وينج فاطمـــــــــــــه گصدي للطفوف

طاح ابنـــــج يزهــــــــــــره بالمخاطر

عالغبره هوت انصـــــــــــــاره سبعين

عليهم فاطمــــــــــــــه تجري النواظر

صدر ابنــــــــــــــج بعد ساعه يهشموه

اضلوعـــــــــــــــــــه تكسّرها الحوافر

وگصدي للشريعـــــــــه شوفي عباس

اجفوفـــــــــــه امگطعه واشلون صاير

شوفـــــي احسين من ايودعه اشلون

من دم عالأخـــــو يجــــــري المحاجر

يرد من النهر و‏الظهر مكســــــــور

ابمناحــــــــــــه اتلگتـــــه كله الحراير

وي زينب احضري فاطمـــــــــه اليوم

بتج لليســـــر ايمشــــــــــــــوها باجر

اوياها رقيه اوسكنـــــــــــــــــه اتروح

واليحدي الظعنهن شمـــــــــــــــر جاير

للكوفــــــــــــــه يروحن اوديرة الشام

وعليهن تنظـــــر اعيــــــــــون الكوافر

زينب ساعديهـــــا اليــــــــــــوم بالنوح

بتــــــــــــج حايره تكســــــر الخاطــر

*✍️الشاعر فالح العامري*

https://t.me/falehalameri

أرض النجف
موشح
~~
من قبل ساعه ادخلت ارض النجف
اوگبلي للحضره شفت گبلي زحف
¤¤¤¤¤¤¤¤¤
هاي ارض البيـــــــها حماي الدخيل
هاي بيها اسرار بارينـــــــــه الجليل
ادخلت الها والدمـــــــع عالخد يسيل
او بيابي اعيونــــــــــي بالمدمع نزف
¤¤¤¤¤¤¤¤¤¤¤
جيت انـــــــــــــه انكل اجدام الوفه
جيت اشـــمّن عطر نفس المصطفه
وانــــــــــــــه عندي بالنجف المعرفه
بحر زاخر بالعلم مايـــــــــــــوم جف
¤¤¤¤¤¤¤¤¤¤¤
اوصلت لعتابـــه وعليها انه اسجدت
اه ياارض القداســـــــــــــه من شفت
جنة الفردوس جن انــــــــــه ادخلت
هذا الــــــــــي من الله او حيدر لطف
¤¤¤¤¤¤¤¤¤¤¤¤
,هاي بيـــــــــــــها ادم الساكن اونوح
بيها عطر المرتضـــى ايداوي الجروح
وبيها عرش الله والطافــــــــــه تفوح
واسمعت دلالــــــــــــــي ياحيدر هتف
¤¤¤¤¤¤¤¤¤¤¤
شفت كبــــــــــــــــه والمناير تشع نور
شفت جنــــــــه عالأرض حايطها سور
شفت چف الرحمـــــــــه من زند الغيور
هاذا للمحــــروم والحـــــــــــــاير كهف
¤¤¤¤¤¤¤¤¤¤¤
صحت ياحيدر خلص منــــــــــي العمر
جيت الك زايــــــــــــــــر واطلب للأجر
ابجوارك ريت احصلــــــــــــــــــ.ـي گبر
وبجوارك من نزل اعظــــــــــــــم شرف
¤¤¤¤¤¤¤¤¤¤¤¤
تمت
مباشر من جوار الإمام علي عليه السلام
✍️الشاعر فالح العامري
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م‌ـــِْن يتلاعب
https://t.me/falehalameri

قصيده لتخيالات حتميه
وزن بحر الطويل
مفاعيلن مفاعيلن • مفاعيلن مفاعيلن
..............

تخيلته ملك الموت چن شفته الي امتاني
يناديني يعبد الله. قبض الروح عنواني
🗻🗻🗻🗻🗻🗻🗻🗻

صرت حاير ودير العين. گرب يمي ملك الموت
لزم ايدي وخذ روحي. چني فتت بطن الحوت
ظلام وماشـفت دربي. اصيح وماعِله هالصوت
اگله دخيل انه ردني.گبل جسمي الگبر يفوت
يگلي مـاالك رجعه. فلا چاره
ونــه مبهوت

حرت بمري
آيـــا دهري
شـنو عذري

انا المغبونه ايامي. و حب هالدنيا اغراني
🗻🗻🗻🗻🗻🗻🗻🗻

شفت يمي انا احبابي. على القبله يديروني
احس روحي لفوگ اتحوم. الحگوا ليه لزموني
انا خايف انا حاير. اصيح ومايسمعوني
دموعي جاريه بخدي. دخيلكم لا تعيفوني
فلا ردو عليّ ليش. اشوفهم ويشوفوني

انــاديـــهـم
انـخيــــهـم
شــنو بيهم

يونون وعليّ يبچون. عجيبه الي اشوف آنـــي

🗻🗻🗻🗻🗻🗻🗻🗻

خذاني وتركت اهلي. منو عندي يساعدني
اصيحن لا لَـتاخذني. وگول امروتك هدني
اتوب لله فلا اعصي. لون الحالتي اتردني
يگلي لا بعد هيهات. وخيب إلي كل ظني
ذنوبي حضرت اگبالي . وشنو سويته بزماني

يريـت ارجـــــع
اجـــر اجمـــــع
عمــل ينـفــــع

حرت بمري آيا ربي.نعش فوگه وخلاني
🗻🗻🗻🗻🗻🗻🗻🗻

وصلت البت المغيسل. خذاني ابعجل غسلني
صرت بيده انا جنازه. يمين ويسار يگلبني
يصب الماي على جسمي. سدر كافورو حنطني
بعد شنهو شفت حالي. كفن ابيض ويكفني
وشدني شده ملويه. اجى الدفان ليدفني

علـــيّ غُـمـــــــه
آهي اشـعـظمــه
وحــش ظلمــــــه

گبر اسمـــه بليـه باب. خذاني وبي واراني

🗻🗻🗻🗻🗻🗻🗻🗻

صرت اخرس بعد شحچي. شفتهاابــعني الحفره
نكير ومنكر اجـوني. طحت ابشده وبعسره
گلت چاليش انا خايف. انخي بفاطمه الزهره
موالي ومن زغر سني لآل النبي والعتره
اريدنكم تحضروني. نزل خادمكم ابگبـــــره

يبــو البـضعه
اللحد وســعه
اريــد شــمعه

شفيعي انت يالمختار. وبد لا لا متنساني

✍️ام عباس الحسيني

‏مقطع صوتي من بن العراق

هویة الشاعر

الـــــــــی كل مَن يَسمــَـــــع وَيَقرأ قَصيَدتـــــــــــي

إن كــــان منتَظرالفَــرج يسَمّـــــــــی حجَتــــــــــي

فهــا اَنا اصــرّح وافصـِــــــح عَن هــَــويَتـــــــــــــي

وَابدي لكَ حَسَبــــِـــي وَنَسَبــــــــي وَعَقيَدتــــــــــي

فـَـأنـــا لـَست بِفــالــــح وَلا بَنوعـــامرٍعَشيرتـــــــــــي

فـَأنا عـَلـوّيــاً حسَينيـّـــا فـــاطِمّيـــاً فَصيلَتــــــــــــــي

فـَابـِـالأنِتظـــــار اَحيا حَتـــــــی اَلقـی مَنيَّتـــــــــــــي

وَبِيـَــوم الحَشر اعطـــــــي بِاليَمين صَحيفَتــــــــــــي

مـــوال لِعـَلــــــــيٍ مَخطوط عَلـــــــی جَبهَتـــــــــــــي

فـَـالتَقرأ الخــــــلائِق كلـــــــها هذهِ كنيَتــــــــــــــــــي

وَعَلـی المَـــلأء اَفخربــَـهاهِيه رِفعي وكَرامَتــــــــــــــي

فأبقـی للمغيّب تابِعـــا وأسمّـی حجَتــــــــــــــــــــــي

الشاعرفالح العامري

‏صورة من بن العراق

الرادود علاء الدفاعي