كلمات الشاعر فالح العامري
اداء الرادود محمد دفاعي

من ذكريات رابطة مسلم ابن عقيل عليه السلام

~~~
منهو يمشـــــــــي اوياي يالله الكربله
خلـــــــــــــــــي نتلگه السبايه العايله
راح ترجع بت علــــــــــــي عقد الوله
هاي جانت ويـــــــــــه اخوهه امدلله
الطفـــــــــــــــه ردت والمدامع هامله
اه من الشــــــــــــام ردت ناحلـــــــــه
اجت للعباس اخيــــــــــــــه تسالــــه
اتگله تدري حده بينـــــــــــــه حرمله
جيت الك شكبان هــم امحملـــــــــه
اوظيمـــــــــــي ياعباس محد شايله
العمــــــــر بعدك يخويـــــــــه ماحله
رحت لأرض الشام ايديه امكبلـــــــه
وبني اميه خويه قدري تجهلـــــــــه

*✍️الشاعر فالح العامري*
🏴🏴🏴🏴🏴🏴🏴
يالله بويــــــــــــــــه خل نشد الرايه
اروح نتلگــــــــــــــــه الضعن مشايه
نواســــــــــــي زينب والعليل اعنايه
اعلى الجدم امشـــــــــي تعال ويايه
نروح ويـــــــــــــــــه زينب للمسنايه
خل نلاگي اثنينـــــــــــــــه ام الخدر
نروح صــــوب حسين محزوز النحر
نلطم اعلـــــــى الراس والمدمع يجر
نصــــــرخ بحرگة گلب صــوب النهر
نصيـــــــــــــح ياعباس انهض ياگمر
اجينــــه بالحسراه خلص منه الصبر
الجــــــــــ.ـرح زينب ابد مايرهم جبر
هـــــــاي اختكم عاودت من اليســـر

*✍️الشاعره ام لـيث المالكي*
🏴🏴🏴🏴🏴🏴🏴
گومـــــــي بنتي يالله شدي احزامج
اوبالطريج انعـــــــي السبط بشعارج
اوخلـــــــــي الوادم تشوف احجابج
واتقتدي كل النســـــــــــــه بافكارج
ويگولــــــــي يالزينب اجت خدامج
اتجدد الیــــــــــــوم اربعين اخوانج
صيحي فلت بالسبـــــــــــــي ايامج

*✍️الشاعر فالح العامري*
🏴🏴🏴🏴🏴🏴🏴🏴
ارفـــــــج اوياكـم اواسـي ام الحزن
شافت انواع المصــــــــايب والمحن
بكت عالمظلــــــــوم كل ساعه تحـن
ادكلـــــــــــه ضيعنـه دربنــه والامٰــن
رحنــه ويانه خولــــــــــه الما يحـــن
من بعدكم يخوتـــــــــي ضاع الوسن
امساهرات عيونـــــــي يبن امي عمن
والحــرايــــــــر يبچــن ويتصارخـــن
امحمـــــــــلات اهموم للـوالي اجـــن
شافن اكبٰــــــــور الحـياده وصيحـــن
كــوم ياعـباس تتلكـــــــــــه الضعـــن
وكفـن اعلــــــــى الگبر كلهن فـرفحن
يحچـن الســـــــــادي عليهن ما هـدن
وعـن رقيـــــــه اشلون ماتت وانسبن
والعليل ادموعـــــــه تجـري عالوجـن
ايحشـــــــم امغسلات مايرضن يجـن
وراحن الكبر ابو اليمـــــ..ـه وحشمــن
هاي زينب گومــــــــوم ليهه اتوسلــن

*✍️الشاعره ام حيدر الحمزه الطائيه*
🏴🏴🏴🏴🏴🏴🏴🏴
ياهلــــــــه ابجيتج يم حيدر هله
يالله امشي اويانه يختـي الكربله
خلــــــي شعرج بالهظم بحره عله
على درب الشام نتنـــــــي العايله
اجت زينب والمدامـــــــــع هامله
هاي جانت بالحـــــــــــرم متكفله
خلي السجاد يختــــــــــــي نساله
عن رقيـــه عد ابــــــــــوها امدلله
وين خــــوله ماجت بالقافلـــــــــه

*✍️الشاعر فالح العامري*
🏴🏴🏴🏴🏴🏴🏴🏴
هنا يخـــدام الزچيــه الطاهـــــره
ارفج ويــــاكم اواســــي الصابره
ردت من الشـــــام ويلي مكـــدره
الروس وياهـــــه وتعاين حايـــره
عافت اخوتها جثث فــــوگ الثره
هســــــــه تنظرهم دواســر مغبره
ويـــن عنها اليـــوم ســبع الگنطره
خــلّه يتلگـــــــه الضعن يتنطّـــره
الچـــان كافلها وعيونـــه مساهره
مـابگت عينـــه وچفوفه مــــوذره
الجارح احساسـه والكاسر خاطره
ماگـــدر يتلگـــه بـــــت الطاهـــره
ويــاكم ارفـــع رايه والحق ننصره
والدمــــع من دم على الخـد ننثره
ويـانه فاطم خلــــه يدري المادره
الظهــر محنــــي وبجدمها امعثره
تنعه بالممشـــــه الوحيده محسره

*✍️الشاعره شيماء ام نور*
🏴🏴🏴🏴🏴🏴🏴🏴
يالله احنـــــــــــه الجيتج هالنتظر
خلـــــــــي نتلكه العزيزه ام الخدر
هاي تشبـــــــــه فاطمه امها الطهر
اجت للطف ابگلبــــــــــها المنكسر
اجيت يم احسين طاحت عالگبــر
عن رقيه من اخـــــــــــويها تعتذر
*✍️الشاعر فالح العامري*
🏴🏴🏴🏴🏴🏴🏴🏴
حسره ضلت بويـــــه تملأ ناضري
گصدت المشايــــــه لدروب الغري
ادروبـــي مسدوده تجرّح خاطري
ودمعـــة اشواگي تحرّگ محجري
عندي طلبــــــــــه بويه گلي آمري
يم علي شوگي و سلامـــي ينقري
انيابه صلي ركعــــه الي يالعامري
طالبه واطلب انــــــــه من شاعري
روحــــــــي حنت للامام الحيدري
آيروحـــــي بشوگ امامي اتمرمري

*✍️الشاعره ياسمين الشموسي*
🏴🏴🏴🏴🏴🏴🏴🏴
تمت بعون الله في ١٣ صفر ١٤٤٣
في رابطة مسلم ابن عقيل عليه السلام
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

مصاب الزهراء س
نعي مجاربد
~~~
اشلون امصـــاب زلزل گلب زينب
وجه امها الزچیـــــــه دم تخضب
وگلب ام الحزن من عدهــا شيب
▪︎▪︎▪︎
تشوف امها عله العتبه رميـــــــه
ومهشوم الضلع من الزچیــــــــــه
وتنادي ادركني ياحامي الحميـــه

تصد بالعين الها وتجــري الدموع
تون ونه شجيه ابگلبـــي مفجوع
والبسمار شافت وســــط الضلوع

هاي اول رزيـــــــــــــه بعد جدها
زينب من زغـــر ذايب چبدهــــــا
بعد امها الحنينــــــــه منهو عدها

هوت يم امها وتنـــــــوح العظمها
صعبه ابنيــــــــه من اتفارگ امها
يظل الحزن بالدنيــــــــــه سهمها

اويلي اشلـون من شافتها عالباب
واخيها نظرتــــــه طايح عالعتاب
جــــرح ظل ابچبدها ابد ماطاب

خذت هذا الجــــرح للغاظريـــــه
اونار الباب بخيمــــــــها سريــــه
امصايبــــــها بگت حد المنيــــــه

من امصــــــاب امها مشت للشام
من محسن رمت عبد الله اسهام
من يوم السقيفــــه انسبت ايتام
▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

ابن العراق:
«حنين القلب»
«تجليبه»
~~
دليلي ابحنينـــه تعاله ونينـــــــه
لفراگ الزچيـــــه اظلن حزينــــــه
واليوم المنيـــــه وناتي شجيـــــه
اظلن حزينــــــه

▪︎▪︎▪︎
بدت ياگلبي احزانك فگد امــــــــــي
بعد امي الحنينه اگبـــــــــــــع ابهمي
ابنكبات الوكت منهواليكف يمـــــــي
بعدمنهواليزيل ابدنيتي هظمـــــــــي
يگلولي اصبري اوللحزن كظمــــــــي
من زغري يصيرام الحزن اسمـــــــي

انوح اوأكـــابر اعميــها النواظر
يوم الغاضريـه تلفيني المخاطر
لاوالي اليــــــه وناتي شجيـــه
اظلن حزينــــه


يگلبي اشلون باچرانتــــــــــه تتحمل
لوجدام عينك فاطمـــــــــــــــه ترحل
هم ترجع الك ياگلبـــــــــــــــي تتامل
ماظنها ترد عالجيـــــــــه لاتســــــــال
اويلـــــــــــــي عالدهربالغدرلــــوعجل
من حرمه اوقداســــــــه ابد مايخجل

هدملــي حياتـي ضيع امنياتـــــي
خلانـــي وحيده اتمنــــــه مماتي
اولاهاي الرزيـــه وناتي شجيـــــه
اظلن حزينـــــه


موهين يگلبــــــــــــي اتودع احبابك
هذااول سهـــم من الدهرصــــــــابك
نـــاراهل الغدر من احـــــرگت بــابك
والبسمـار اول صفحــة اكتـة اکتابك
صارت من دموع اعيونك اخضــابك
بچت عين السمه من شدت امصـابك

من خذت الحبيبه ياعظم المصيبـه
وبليلــــي اونهاري نيرانك لهيبــــــه
آنه الهاشميـــــــــه وناتي شجيـــه
اظلن حزينـــــــه


نــــادت يالحملتــــــونعش ام احسين
ابنعش ام الحنينه رحتو بـــــي لاوين
امي الطاهره فاجعنـــــــــي بيها البين
ريضوخل اودعها ابدمـــــــــوع العين
نزلوها الي ساعـــــــــــــه يالمشيعين
امي فاطمــــــــــه اعرف گلبها احنين

طيب الرضعتنــي روحتها افجعتني
بعد منهواليــــــــه امـــــي ضيعتني
وي حامي الحميه وناتي شجيـــــــه
اظلن حزينـــــــــه


ييمــه يالزجيـــه اوياچ اخذينـــــــي
المصايب دنيتي يالزهره عفتينـــــي
شفت كسرالضلع والمحسن ابعينـــي
مااحمل بعد شوغات ارحمينـــــــــي
نارالباب والمحراب نارالطف تخليني
يمي لاييمـــــــــــه اوياچ ادفنينــــي

مااحمل مصايب والهاي النــوايب
رحميني ييمــــه مني گلبي ذايب
من عظم البليـه وناتي شجيـــــه
اظلن حزينـــــه


ييمـه عمري مايتحمل امصـــــــــابچ
اظلن بالمناحـه امگابلـــــــــــــه بابچ
والبسماراشوفــــــــــه البصدر صابچ
اشلون انظر ييمـه خالــــــي محرابچ
واشوف الدارظلمه اوحشــــه بغيابچ
موهين عليــــــــــــه يصعب افــراگچ

من بعدچ ييمــه حالي من يرحمه
صعبه آنه اسكن داراعليه ظلمـــه
ودموعي جريـه وناتي شجيـــــه
اظلن حزينـــــه

▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

‏مقطع صوتي من يامسلم ابن عقيل

(حنين زينب)
(تجليبه)
~~
عله الزهره يظل نوحي اوحنينــــي
واظل طول العمر اجذب ونينــــــي
ياحره الذي عاشت مصـــــــــــــابي
اظل انه بعد امـــــــــــــــي ابعذابي
واظل طول العمر اجذب ونينـــــي


الدهر منـــــــي اخذ امي اوفجعني
بامي الغاليـــــــــــــه ابزغري نكبني
الزمان الغادر ابچفــــــــــه صطرني

راحت فاطمه امي امن اديــــــــــه
ريت اوياها تاخذني المنيـــــــــــــه
وياها الثره ايعفر جبينــــــــــــــــي


شفت ابعيني من هجمــــــــو عليها
هـــــــوت فوگ الثره اوتندب وليها
مكسور الضلــــــــــــع لزمت بيديها

اويلي من شفت انه الزچیــــــــــــه
بیديها شايله المحسن ضحيـــــــــه
اوتنادي وين يافضــــــــــه ادركيني


عليها التهبت البـــــاب اوشفتـــــــها
تنادي وين ابو الحملــــــــه اسمعتها
انه ابلوعتـــــــي امـــــــــــي اندبتها

عليها الباب مشتعلـــــــــــــــه دفعها
انوب الظالم ابچفــــــــــــــه صفعها
صحت يافاطمــــــــــــــه لاتتركيني


شفت يمها اخيـــــــــــي امسگطينه
علی المحسن عله گلبـــــــــي ونينه
حسافه من بعد جدنــــــــــه انولينه

ولاچن الوديعــــــــــــــه امي عدهم
ذوله عالجهل همــــــــــــــــه بعدهم
يريته المصطفى اليله يجنــــــــــــي


يشوف البضعــــــه من كسرو ضلعها
وســـــط النار من تلهب سمعــــــــها
يجدي فاطمـــــــــــه يصعب وضعها

ضلعــــــــــها بالصدر منها تهشـــــــم
عليه ابن الدعـــــي اوربعــــــه تحزم
ياريت افديها ياجدي ابسنينــــــــــي


ياجدي ارحلت امـــــــــــــي ابعسرها
اجتك فاطمـــــــــــــــه دامي صدرها
من اصحابك الحســـــــــــــره تجرها

اجيتك فاطمـــــــــــــــــه ياجد عليله
عافيت للمحنــــــــــــــه حامي دخيله
بعدها اتظل تهل دمعتها عينـــــــــــــي


من شالو نعش امــــــــــــــــــي يجدي
خلتنـــــــــــــــي يتيمه اوجرحي يدي
المصايب كربلـــــــــــــه خلتني وحدي

يجدي اونار المخيم اشوفــــــــــــــــه
واخوي اعله الثره امگطــــــع اعوفــه
اروحن لليسر انه ابأنينـــــــــــــــــــــي

▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

‏الرادود السید عباس الموسوي

«حنين زينب»
«نعي»
~~~
اويلي اعله الزمان اوغدرت البين
اخذ من عندي امي ام گلب الحنين
▪︎▪︎▪︎

اخذ منــــــــي الحبيبه اولچم گلبــي
علـــــي يادنيـــــــه بعد المحن صبي
واشعندچ سوانـــــــــــي الهم اكتبـي
من عندي اخــذت والــــــده الطيبين


بعدها ياوسف ضل بيتي خالـــــــــي
هاي السهرت اويــــــاي الليالــــــــــي
بگت ذكراها مرسومــــــه ابخيالـــــي
عليها ابگــــــــه انوحن طول السنين


خالــي امجانها حين الاصدليــــــــــه
گمت بس الخيال انــــــــه احاچيــــه
حگـــــــي عالدهر من اعتب اعليــــه
خله سلوتـــــــــــــــي نوحي والونين


كل ونـــــــــــه الأجرها تشعب الروح
علـــــــه فگد الحبيبه الگلب مجروح
راح اگضـــي نهاري اوليلـــــي بالنوح
بعد الوالده انطـــــــــــــي الوجه وين


افگدت زهره حياتــي فاطمــه الزهره
مثل كسرة ضلعــــــــها خاطري كسره
اضل طــــول العمربس اسچب العبره
عله فگد الحنينــه ام الحسن وحسين


عني وين رحتي الليلـه يايمــــــــــــه
خليتــــي ابدليلــــــــــــي النارملتهمه
واخذتي من حياتــــــي اعز كل چلمه
ييمــــــــــــه المن انادي ياضوه العين

▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري


🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

‏مقطع صوتي من يامسلم ابن عقيل

ام البنين ع
بحر الطويل
~~~
الليله ام الوفه والطيب بفراش الأجل طــــاحت
واسمعها ابعلات الصوت وين ابني الگمر صاحت
▪︎▪︎▪︎
هاي ام الگمــــــــر عباس غمـــض جفن عينــاها
تون ونه شجيــــه اليوم اشكثر طـــولت مبچاها
يوم الطف فلاتنســـــاها ظل للمـــــــــوت وياها
ساعه اتنادي يبن احسين اوساعــه الگمر رجواها

ابذچرهــــــم تلهج الحره ماتنسه لمن ماتت


رادت يحظر الها اليـــــوم ابو اليمــــــــــه توصیله
وعن الـــــــــــي جره بعد عليها وكلشــي تحچيله
من رد الظعن الــــــــــــها وبن حذلم تناديلـــــــــه
وين اولادي وين احسين بنينــي اوروحي افديله

مصايب كربله هاليــــــوم ابجــــوف الگلب هاجت


نظـــــرها عالدرب مشبوح تتانـي اشبولها يرجعون
اخر ساعــــــــــه من عدها بنين الأمهــــم ايودعون
لاعبد الله رد الـــــــــــــــها لاجعفر رجـــــــع لاعون
ولاحامــــــي الظعن عباس حظرو لمهـم ايشيعون

مشبـــــــــــــوح النظر منها الهـــــم والنفس خمدت


شيردهــــــــــــــــم بعد الها اويلـــي الترب غطاهم
اشبول المرتضـــــــى حيدر راح الأمل وياهــــــــــم
راحـــــــــــــــو وابعدو عنها يــــوم الحشر ملگاهم
ردتهم نعشـــــــــي ايحملون بنيني اتعبنــي ارباهم

گبلــــــــــــــها البنين اتموت هاذي ابد ماحسبت


اسنين العمــــــــــــــر گضت بين الوعـــــــه والونه
تتوسد دمــــــــــــوع العين من ابنها گطعت الضنه
تنوح اعله الگضه ضامـــــي والماي انحـــــرم منــه
ظل اعله الثـــــــره مطروح صدره الخيل هشمنــه

كل ماتذكر اليومـــــــــــــــه نـــــــــــار البچبد شبت


گضت ايامها بالظيـــــــــــم ابگلبـها النار متوجره
راحت تلتقــــــــــي بحسين وامــه الطاهره الزهره
راح اتخلـــــــــــــــي الزينب عليـــها تسچب العبره
راح اتخلي الشيعــــــــــــــه ابحزن ايامـــها اتذكره

عليه اليوم الشيعـــــــــــــه من دم الدمــــع ناحت
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

ياغريب بغداد
موشح
~~
اعتنيتك يبن جعفــــــر ياحبيب
يمن انتــــــــه الندائي تستجيب
▪︎▪︎▪︎
شفت يمك نور يسطــــع منــــــــه نور
اوشفت كهف المغفره وايحيطــه سور
صحت ادخيلك امامـــــــــــــي ياغفور
واندبت بأسمك ابآهــــــــــات اونحيب


جيت الك سائل اومديت الجفـــــــوف
گبل جسمي گلبي يم بابك يطـــــــوف
يمن بيتك فاتحــــــــه اتعزب الضيوف
جيتك انــــــــــــــه سيدي مثلك غريب


جيتك من أرض الرضــــا لرضك لفيت
علـــــــــه اعتابك سيدي راسي حنيت
وابگلب مكسور وابلهفــــــــــــه دعيت
وانـــــــــــه اعرفك انته العلتي طبيب


زرت جـــــــدك حيدره بــــأرض الغري
اعليك يابــــــو الرضا شـــــابح ناظري
انتـــــــــــــــــه يالحبك يغازل ضامري
جيت احلفك انـــــــــــه بالخد التريب


راح اروحــــن منك اقصد كربلـــــــــه
هناك ابو الســــــاد بأسمك اسالــــــــه
اثنينكم باب الحـــوائــــج للملــــــــــه
والقصدكـــــــــــــم ابطلب لاما يخيب


جيتــك انحـط سيــــدي بذنوبــــــــي
منك اطلـــب مغفـــــــره محبوبــــــي
وانتـه تعـــرف مطلبـــــي اومحسوبي
منـــك اطلـــب وكفــه ابيوم الصعيب


سيدي عمـٰــــري گضــه ابلوعاتــــــــي
للأجل جنهـــــه دنـــت ساعاتــــــــــي
للشفاعــــــه احضرنـــــــي طهر ذاتــي
دخيلك من اهــوال المحشــــر عجيب


احظرنـــــي اريــدك يبن جعفــر بالگبر
الملك من يسالنـــــــــــي عن كل العمر
عمل ماعندي اومنـــــــــــــــــه شعتذر
ابگبري اگعد السانـــــي مايگدر يجيب


سيدي بالدنيــــــــه كلشــــــــي مااريد
ابيــــوم حشري لاتخلينــــــــــي وحيد
اقســـــم اعليك ابنحـــــر ذاك الشهيد
ابو اليمـــــه شيبـــه من دمــه خضيب
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

الرادود المبدع علاء الدفاعي