قناة الشاعر فالح العامري

«رجال التضحيه»
«بحرالطويل»
~~~~~~~~
وفـت بالعهد وفت انصارك يبواليمـــــه
كلها النصـرتك لبت ضحايه عالثره نومه

▪︎▪︎▪︎
لبتلك واجت يحسين دونك قدمت دمـــها
حضرت دونك اتجاهد اســم الموت ماهمها
گامت تلتهب نيــــرا ن بالحومـــه صوارمها

عشگت للجهاد اليــوم
واعليها المنايه اتحوم
رادت تنصرالمظلــــوم
بالطف كل فردمنهــــم ينعد ابالف عزمـــــه

دونك حامت الأنصــــار منك خذت همتــها
ظلت تعتلــــي كل جيل وابكل دورصرختها
للذلـــــــــه ابد هيهـــات تظل صلبــه ارادتها

بوجـــــوه الظلم ثوار
صرخـه بگت بالأدوار
انصـــــارك يبوالأحرار
كل واحد المنعدهــــــم كتبنه بالگلب اسمـــه

من دون البشريحسين انصارك نقدسهــــــــم
منعدهم تعلمنـــــــــــه واكسبنــــــه مواقفهم
حملنـــه النصرتك رايه هاذا الدرس منعدهم

للتضحيه اتعلمنـــــــه
نهج الظلم حاربنـــــه
اوياك الموت ماهمنـه
واكسبنــــه يبوالسجاد من انصارك الهمــــه

انطــــــــــودرس للعالم يــــوم العاشرابعاشور
رفظـــــــوابيعت الظالم من حاربوحكم الجور
موقف هاذه كلفهــــــــم گطع اچفوفها وانحور

نعمين اوكفـــــومنها
والتاريخ دونــــــــها
لونقره اشكتب عنها
بدمـــــاها انصرت للدين اوحفظت عزة الامــه

انصارك علــــه التربان الها مـــــــاتعد اجروح
نيــــران العطش تلهب منـــــــها ذوبت للروح
كل واحد يبواليمــــــه تشوفه عالثره مذبوح

وفـّـــوبيعتك يحسين
ذوله انصارك الطيبين
ادّوللزچيــــــــه الدين
كريم اللي يوفي الدين ويكلفه نزف دمـــــــــه

ياريت احنــــــه وياهم اونقدملك دمه المنحر
وياك اشحـــلات الموت ياشبل الوصـي حيدر
مثل انصــــارك الضحت وبهالتضحيــــه تفخر

بيـها اتسولف الأجيـال
ظلت مضـــرب الأمثال
ياحـــي موقف الأبطال
ياهواللي تشوفه العين غارك بالدمه جسمـــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri