قناة الشاعر فالح العامري

«فاطمة العليله»
«بحرالطويل»
~~~~~~
صاحت بالضعن لاوين بويه احسين حاچيني
وحيده ابداركم ابگـــه دخيلك لاتخلونــــــــي

▪︎▪︎▪︎
يبويه اوياكم اخذونــي مااصبرعله الفرگــــــه
امــــوتن من بعد عينك تكتلنــــي تره الحرگــه
يبواليمــــه جفن عيناي جاري المدمع ايحرگــه
هاذي روحتك عنــــــي مابيـــــــها بعد ملگــــه
عنـــــي لوسفركم طال ميتـــــه ابداري تلگوني

يهل الطيب يحبابــــــي اريدالسفـــــــــرويّاكــم
ابوسط الروح احسنـــها تشب نيران فرگـــــاكم
مــــــاعندي گلب لاحيل يبويــــــــه لمن اتناكم
اظل انحب نهـاراوليـــل ابگلب مكسورانعاكــــم
عليله ابحالــي يالتدرون يهل الرحم رحمونـــــي

وحيده ابداري عفتونــي منهواللــــــــــي يباريني
منهو اللي ينـــوح اوياي اوعالفرگه يسلينـــــــــي
يهلــــــــي لمن اترجعون تبگه دمعتـــــــي ابعيني
لوريد اعتنـــــــــي يمكم للطف من يودينــــــــــي
اخـاف اتطـول سفرتكـم يهلـــــــــي اوماتذكروني

ضعن الأهل لمن ســــــار عمـــــــها بالضعن يحدي
صاحت صوت ياعمـــــي بعدكم راح اظل وحـدي
اونيران الهجروالشــــوگ يعمـــــي تحرگ ابچبدي
يعمــــــــي لمن اترجعون بگليبــــــــي الجرح يدي
واشلون ابشهرعاشـــــور بيكم من يفجعونـ.ـــــي

يعمــــي وي رقيه اشلون هاذا الدهرفارگنـــــــــي
هاي اختي تسلــي الروح اخيتي ابشوفها اتسرني
چانت لوتظل ويـــــــــاي عالفرگـــــه تصبرنــــــي
ترد اعليــــــــه وحشتكم اوبحزانـــــــي تشاركنـي
اشمن بيها عطـــراحسين وكحل ابشوفها اعيوني

اهلها ابعدواعنــــــــــــــها بس هيـــــه بگت بالدار
بعدهم حـــــــــايره ظلت اوبداخل گلبــــــــها النار
المن تنشده اعليهـــــــــم عنها انگطعت الأخبـــــار
وابوادي الطفوف اشلون ماعدهاعلم بالصــــــــــار
آه اتگول من عاشـــــــور اخافن بيه يتمونـــــــــي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri