«الصوله الحیدریه»
«بحرالسریع»
~~~~~~~~
من صال شبل ا لمرتضی ا لحومته
ذکـّرهم ا بصولة علي ا وحملتــــــه

▪︎▪︎▪︎
هالفارس الطب للحرب یا هلــــــــه
منهو الیواجه ضربتــــــــــه اویاهله
ما اعتقد بأنسابه اهــــــــــــي یاهله
حسین الأبووجده علي عرفـتـــــــه


هالنسب مومجهــــــــول عند العرب
اتعرفــــــه وتعدّه من معالي الحسب
اطهرسلالــــــــه واشرف الکل نسب
الاکبرسلیل المصطفـــــــی اوعترتـه


هالعتره معروفــــــــه ابفنون الحرب
ما بیهم الموتــــــــة وســـــاده یحب
متعـــــــــــاهدین وســــاروابهالدرب
للباري لبّوبالشرف دعـوتـــــــــــــــه


من عدها الاکبــــــرحامل الهالصفـه
بالطف تحزّم واجبه یعرفـــــــــــــه
خاض المعارك دينه من كلفــــــــــه
لبيك ناده واعتلت صرختــــــــــــه


لبّه وتحدّه اسيـــوف ذاك الجمــــع
گلب المراجل لابس اعلـــــه الدرع
نورابوالزهره من جبینـــــــــه یشع
حــامل وقاره وهیبته وعـزّتــــــــه


من لکد بیهاابن الفحل والنـّعـــــــم
خلـّه المهریمشــي اعله روس الزلم
امنین المفرخلاهاگـــــــــــامت تهم
مخلاص ما ظل الها من ضربتــــــه


ما بین سیفـــــه ورمحه هیّه انولت
وصرخاته من بین الجمــوع اعتلت
وبسمــــــــه الهواشم بالخیم کبرت
واتنادي یاحّي وهله ابصولتـــــــــه


ناداهــــــــــــا وین المفریهل الخذل
اربات الصمیده احنـــــــــه لاما نذل
هیهات نستسلم الطاغـــــــي اونذل
وایزید بیکم ما یصل غایتــــــــــــه


بسم الأبوالمظلوم صوتــــــــه هتف
الموت اعله دربه هاذه آنـــــه شرف
واحدنـــه عن هالعهد عیب انحرف
والتــــي یعاهد ینطي د م رگبتــــه


ضحّه ابوجوده والنه یبگـــــه فخر
هالتضحیــــــــه عزّه وشرف للبشر
بسمــــــــــه ننادي ومانهاب الخطر
لمّن یجینه الغایب ابثورتـــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«امنیات الواتده»
«مثلث الشيعتي»
~~
یا حیاتي اومنیاتي
انته مرسوم ابخیالي یاعلي الأ کبریغالي

▪︎▪︎▪︎
علي يبنـــــي ياحياتي اونور دربـــي
تبگــه عایش انته وي دگـّات گلبــــي
من اصـدلك الشوفتك يزدادحبـــــي
بيـك اشوفن يالولد كل ثمرتعـبــــــي

لوعفتـني ضيّعتـني
ساهرت بيك الليالي یاعلي الأ کبریغالي


يبنـــي رايح روحتك ما بيها جيـّـــــه
اوياك اخذني خلـّـــــي نستشهد سويّه
عنّـك اشگـف یالولد بثـنین ادیــّــــــه
ابگلبي اظمّك لواجت ليك المنيـّــــــه

محني ضلعي يجري دمعي
کربله تبچي اعله حالي یاعلي الأ کبریغالي


ابحالي ارحـم ياشبيه النبـــــي الهـادي
الغاضريـّــــــه ذوّبت شحمت فـــــؤادي
بيك يبنـــــــي حايطه اسيــوف الأعادي
ایگلها یمـّـــــه کربلـــــه ساحة جهــادي

اهنانه یمّي یجري دمّي
ريت گطـّـعولي وصالي یاعلي الأ کبریغالي


یمّــه اصبري اعلیچ لوحلـّت رزیـّــــــه
لونظرتــــــي جسمــي مرمي عالوطیه
ابد م وریدي اسگي أرض الغاضریـّــــه
هــــاذي آخر نظره من عندچ الیـّـــــــه

گبله ونّت ‍یمّه حنّت
شبگته اونادت یوالي یاعلي الأ کبریغا لي


لحظه صعبـــه للذبح تنطـــــــي ابنهـا
تظل لیلــــــــه بعده متوشحه ابحزنها
راح منــــــهــا الچان سلواها ابزمنـــها
اسنین حسبت هالولد یحضرد فنــــــها

راح أملها مابگـــه الها
امچانك اتعاينله خالي یاعلي الأ کبریغالي


ليلـــــــــه ربّت اوتنتظر ثمرت ربـــــاها
گالت ابنـــــــي اجنازتي يمشـــي وراها
تالـــي هالطف وسفه آمالـــــــي خذاها
غدر بیـّـــــــــه الدهر واحلامـــي طواها

والزرعتـــه ماحصدته
ابکربله هاذه الجرالي یاعلي الأ کبریغالي


ابهاذه حالـي عالولد روحـــــــي حزينه
من رحتلــــه وامسح الدم عن جبینـــه
عاتبیتــــــــه اوالـّمت روحـــه الحنینه
من سمعنـــي غورگت بالد مع عینــــــه

والغربتي والمحنتي
افگد اخلافك جلالي یاعلي الأ کبریغالي


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«حنین الوالده»
«هجري»
~~~
یبنی رایح ما ترد عدمن اتخلّینی
الموت عگبك یاعلي اتمنّیتـه

▪︎▪︎▪︎
یـا علی ارحم ابحالـــــي یبني یا فتشت العین
لو رحت یولیدی عنـــــّي روحــــی یعلاها الانین
بیت للاحــــــــزان انصب لمن یـاخذنـــــي البین
کل شباب اتشوفه عینــي اذکــــــراولیدي الحنین
اذکراسنینك ییمّــــــــــــه من حیاتي احله سنین
گاصدالارض المنایـــــــــه بعدک انطي الوجه وین

ویّاک اخذنی یاعلي مالي حیل افراگك
العمرعگبك یالولد ملّیته


الوالده من عگب ابنـــــــها یظل سلواها الدمــــع
تظل کل حسره التجــــرها الجبل منــــها ینصدع
وبالگلب نیــــــــــران تلهب شاجره تحت الضلــــع
نارهجرانك ییمــّــــــــــــــه روحي ذابت چالشمـع
یبنــــــــي مو هیّن افراگك گـلب امّك ینگـطــــــع
بعد ساعه یبنـــــي اشوفك علــــــه الغبره منصرع

ابعیني اشوفن مصرعك تنذبح جدّامي
ریت طفها کربله لاجیتـــه


امنین یوم الطف اجانـــــــي ما حسبته ابدنیتـــي
خیّب احسابـــــــي الحسبته وحلم صارت منیتي
اتعاب کل عمــــــــري خذاها والذخرتـه الکبرتـــي
ابنــــــــــــي گلت ایلم کبرتي اعلیه یبني خیمتــي
گلت باچــــــــــــر من اموتن هوّه یحضردفنتــــي
یاعلـــــــــــــــي آمالي خابت اوراح اظل ابغربتـي

اویاك اجیت امن الوطن وحدي اردّالبیتي
اویاک گبري ینحفریا ریته


الکربلــــــــــــــه وهاذه نزلها ریت یبنــي لا اجیت
چم مصیبه اوچم رزیـّـــــــه اونایبـــه آ ني لگیت
وحده اشد من وحده یبنــي واجرعتهن ماشچیت
لا چن افراگك یالاکبــــــــــر ابکربلـه ظهري حنیت
بعد مـــــــاوچّد الدربــــــــي عنّي یبني من مشیت
اشلــــــــون اسکن آنه بیتك یبني یا شمعـة البیت


ریت یبني لا عشت وبعدك اسکن دارك
ابني بدیارالغرب خلّیته


ارد لارض الـــوطن وحدي اشلون ترضـه غیرتك
یالولدانتــــــــــــه الجبتني امن المدینه ابشیمتك
عدمن امودّعني یبنــــــــي اترید تگصد حـومتك
مـاگلت بدیار غربــــــــــــه اتعـــــــوف امّ الربتك
ماگلت هــــــاي الاعـــــادي اعلیــه تحرگ خیمتك
ماگلت تمشــــــــــي یسیره اوتنضـــرب لو ندبتك

ما گلت صوط العده تلتوي اعله امتوني
یبني چتّالك آنه ماشیته


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«عتاب الوالده »
«نعي مجاريد»
~~~~
يبنـــي ياعلي اسمع عتابـــــــــــي
راح احچي الك ظيمــــي اوعذابي

▪︎▪︎▪︎
أنـه الربيت يبنـــــــــــي واسهرت ليل
اومن عندي رگد ياضنوتـــــــي الحيل
اوشفت يبنـــــي ابرباك الهظم والويل


هاك اوشوف گلبــــــي عثـــه المصاب
اومن كثــــــــــرالمصــايب يالولد ذاب
اشكثر آنـــــــه اتعبت لمن صرت شاب


سهرت اوياك يبنــــــي الشتــــه ابّرده
اومن اتنام الك گلبـــــــــــــــي اوسده
واريد اليوم الــــــــي تعبـــــــــي ترده


اريد اليــــــــــــــوم منـك تعب السنين
اريد اسمــــــع علـــــــي چلمة تبشرين
اريدك ياعلـــــي تحمينــــــــي هالحين


ييمـــــــــــه امنين اجت هاي العساچر
علــــــــــه اخيامــــي ييمه الفزع باچر
اوتعـوف امك يالأكبـــــــــربالمخاطـــر


باصرنـــــــــــــــــي يالأكبراگعد اويــاي
مــــــــــــاريد العمـــــــــربعدك يرجواي
موانته الگلت ياييمـــــــــــــــــه بحماي


اشوفك انتــــــــــــه عازم عالمنيـــــــه
آنـــــــــــــه ابگه وحيده اشلون بيـــــه
تحرگ خيمتـــــــــــــــي الوادم عليــــه


گلـــــي اشلون اظل يايمــــــــه وحدي
لايبگه حمــــــــــــــه اولاوالــــي عندي
واليگطـــــــــع وريدك ضعنـــــي يحدي


يبنــــــــــي ياعلي ويـــاك اخذنـــــــــي
مااريد الشمريحديلـــــــــــي ضعنــــــي
ارحم حالتـــــــــــــــي ياعلي يبنـــــــي


ماريدن اروح آنـــــــــــــــــــــــه يسيره
بارض الشــــــــــام حالـــــي من يجيره
ترضــــــــــــه امك تظل طايحه ابحيره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«الدم الطاهر»
«موشّح»
~~~~
علـــــــي الأكبر من وگع فوگ الثره
ابسا حة الميدا ن جثتـــه امطشّره

▪︎▪︎▪︎
علي الأكبرمن وگــــع بأرض الطفوف
واحداودارت عليــــــــــه ذيچ الألوف
بالخناجر گطّعت جسمـــــه اوسيوف
اوبـيه ما ترحم سيوف الكـــــــــافره


اتولّتــــــــــــه مابين طعنـــات اوطبر
اعليه ترمــــــي اسها مها من كل كتر
چنها منّــــــــــه اتريد ثـار اهل الغدر
اتـريد تاخذثـــــــــــــــــار دم ّالغادره


اجروح البجسمـــــــه ابد ما تنحسب
اوهامتــــه امطبّره اودم نحره يصب
امن العطش چبده تمــــــرّد والگـلـب
امن الطعن والنبل جثتـــــــه اموذّره


طاح الأكبروابدمــــه اجروحه يفوج
ابچتله وسفه اتنومست ذيچ العلوج
والحرم تتنطّرالجيتـــــــــه تلــــــوج
اوگلب امّـــــــه ابحال ابنها مـــادره


من هوه اهتزّالعرش والملك صــــاح
اليشبـــــه المختارفوگ الأرض طـاح
والسمه اويه احسين ضجّت بالنياح
اودمــــــع عينه احسين لوليده جره


هد أويد الجيش حين اللــــــي وگع
جيش ابن ازياد من سيفــــــه جزع
الف وسفـــــه الأكبـر اشلون انصرع
اوضامــــــــــي الدلّال گطعو منحره


اگطعونحــــره اومـاسگو منّ العذب
اومثل مـــــوگد نـار چبد ه الملتهب
اونايم ابحرّالظهرفــــــــــوگ الترب
انطبرراســـــــــه مثل طبرة حيدره


ايســــــاعد الله احسن لوليده لفـاه
جسمه متوزّع علــــــــه الغبره لگـاه
والگلب گبل الظهرفوگـــــــــه حناه
ابحجره خلـّـــــــه ها مته المتطبّره


اتمدّ د ابطولــه اويشمّه امن ا لنحر
اوجذ ب ونـّـه الجبل منعدها انفطر
اوللخيـم حين الــوصل هذا الخبـر
اطلعت زينب حا ل اخـــوها تنظره


ابعينـها صدّت لخوها اوشـا فتـــــه
يمّ الأكبر لـــــون لحضه خلّتــــــــه
ايموت ابوالسجّاد گبله عرفتــــــــه
بصوت صاحت ريت امّــي حاضره


من سمع صوت العقيله امن الخيم
گـــــام ابوالسجـّـــــا د يدرك للحرم
اتلگّتـــــــــه زينب اومد معها سجم
اتگلّـــــه عالأكبر يبواليمـّـــه اشجره


گلها يازينب علــــــي دهري اخطفـه
اونورعينــــي ابكربله يختي انطفـه
اومن بعد عينــــه عله الد نيه العفـه
علــي الأكبر يشب.ــــــه السيد الوره


راح يختي اليشبــــه الجدنه الرسول
نجمه ابطف كربلــــــــه صابه الأفول
اوريت هاذه العمربعد ه لايطــــــــول
حسرتــــــــه ظلّت ابصدري امكسـّره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«فراق الولد»
«نعي مجاريد»
~~~
يبنــــــي ياعلي مووكت روحـــــــه
گلبــــي يالولد هاجت اجروحـــــــه

▪︎▪︎▪︎
يبويـــــــــــه امنين عاشوراللفانــــي
ابسهم النايبــــــــه بالطف رمانــــــي
اوعليـــــه ياعلــــــــي هيج احزانــي


يبويـــــــــــه من شفت راسك امطبر
ذكرتــــــــــــــه اليـوم من انطبرحيدر
عاشورالعلــــــــــــــــي رمضــــان كرر


يبويــــــــه علي من شفتك رميـــــــه
ذكرت اشلـــون عالغبــــــره الزچيــــه
مصيبــة فاطمــــــه هاجت عليــــــــه


يبويـــــــــه من شفت جسمه عالتراب
للمحسن ذكرتـــــــــــــــه ابعتبة الباب
يوليدي بعد مــــــااحمل امصـــــــــاب


امس محسن ابعينـــــي شفت دمـــــه
وامــــــــي فاطمـــه مصروعه يمــــــه
يومك ياعلـــي جرحـــــــــي يلچمــــه


يبويــــــه اوحيد يالأكبــرعفتنـــــــــي
اهل كوفـــان بالغربــــــه ولتنــــــــــي
يريتك من بعد ساعـــــه شفتنــــــــــي


يبنـــــــــــــــــي ياعلـــــي يابعد عمري
يبويــــــــــه الگــــوم عگبك تحزنحري
واخيـــــــــول العده تهشـــــم الصدري


يبنـــــــــــي ياعلـــــــي مثلي يمظلوم
يوليدي يـــالأكبرمــــووكت نــــــــــوم
ريتك تحظراتردعنـــــــــــــــي الگــوم


يبنـــــــــــــي عمتك بالخيم تتنــــــاك
اسمـــــــع صوتها ياعلـــــــــــي تنخاك
تريدك ترد عنـــــــــــــــها صولة اعداك


يگلـــــــه اشبيدي يابويــــــــــــه عليها
عمتـــــي غاليـــــــــــه ابعمري اشتريها
اخذ جسمــــــــــــــي المگطع بويه ليها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«يوليدي يالأكبر»
«فزاعيه حدي»
~~~~~
ياعلــــــــــــــي يبني من رحت
راحت اويـــــــــــاك آمالـــــــــي

▪︎▪︎▪︎
انتـــــــــــــــه عمود الخيمتــــــي
يالبيك عزتـــــــــــــــــي اوهيبتي
اوبالدنيه يبنـــــــــــــــــي سلوتي
انتـــــــــــــه ثمردلالــــــــــــــــــي
راحت اويـــــــــــاك آمالــــــــــــي


ياعلــــــــــــــــي انته ارويحتــــي
مـــــــــاردت بعدك دنيتـــــــــــــي
ويـــــــاك اريدن موتتــــــــــــــــي
بعدك اذل يـــــالــــوالــــــــــــــــي
راحت اويـــــــــــاك آمالــــــــــــي


بالبيت انتـــــــــه شمعتـــــــــــــي
للعمرانتـــــــــــــــه منيتــــــــــــي
لورحت راحت عزتــــــــــــــــــــي
الموت يبنـــــــــــــــي اشوالــــــي
راحت اويـــــــــــاك آمالــــــــــــي


ارحم ييمـــــــــــــــه غربتـــــــــي
ريتك تشــــــــــاهد حالتـــــــــــي
تجري المصــــابك دمعتــــــــــــي
ارجـــع الـــــــــــــــي يالغالـــــــي
راحت اويـــــــــــاك آمالـــــــــــي


ياحيره تشبـــــــــــــــه حيرتــــي
عالغبره طاحت مهجتـــــــــــــــي
واشلون ارد الديرتــــــــــــــــــــي
مذبوح ابنــــــــــــــي اگبالــــــــي
راحت اويـــــــــــاك آمالــــــــــــي


والله چبيره محنتـــــــــــــــــــــي
اوبالچبد تسعر جمرتـــــــــــــــــي
اصفج بگيت ابراحتــــــــــــــــــي
محد اليرحم حـــــــالــــــــــــــــي
راحت اويـــــــــــاك آمالـــــــــــي


ياعلي ابگه ابلوعتـــــــــــــــــــــي
واجذب ابحرگـــــــــــه ونّتــــــــي
واترجه تلفي ساعتــــــــــــــــــــي
گبلك ردت آجـــــــــــالـــــــــــــــي
راحت اويـــــــــــاك آمالـــــــــــــي


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«مصرع علي الأكبر»
«تجليبه»
~~~~~
بالحومــــــه انصرع ويلي علي الأكبر
بسيـــوف الغدرگطعوالـــــــــه المنحر
المهروابعسكرالظالم
▪︎▪︎▪︎
وگــــــــــــــع من المهروابعسكرالظالم
ياوسفـــــــــــه وگع من يمنته الصارم
شبل احسين ويلــي اتولتــــــه الوادم
والأكبــــروحيد ابــــوليــة العسكــــــر


عليه دارت زلمها اوخيلها الكوفــــــــه
علــــه چتله هذيچ الناس مصفوفــــه
ياريتك يبوالزهره تجـــي اتشوفـــــــه
علــــــــــي فوگ الوطيه جسمه اموذر


علــــــي هاذا شبيهك يانبــي الرحمــه
عالتربــــان طاح امخضب ابدمـــــــــه
اهل كوفان ويلي گطعت جسمــــــــــه
يريت ابمصرعــــــه يالمصطفى تحظر


ياجده النبـــــــــــــــي ياريتك اتحظره
علــــي هاذا شبيهك مرمــــــي عالغبره
واسيوف العده طبره علـــــــــــه طبره
چبده من الضـمــــــه مثل الجمر يسعر


عليــه سبعين الف بالحومه مجموعــه
نايم عالثره والرگبــــــه مگطوعــــــــه
يمه احسين من دم يذرف ادموعــــــه
طبرت راســـــــــــه شاف اتذكرالحيدر


الله ايعين ابوالسجـادعالغالــــــــــــــي
ابلسان الحال گلـــه اجمــــــع اوصالي
وابدمعك يبويــــــــــــه اروي دلالـــــي
من نــــــــــارالعطش ياوالدي اتفطــــر


جمع اوصال ابنــــه بالطفوف احسين
يگلـــــــــه امـــــودع ابالله ينـورالعين
الجيتك حيدره والـــزهــــره منتظرين
اوتلگــــــــــــــي جدك المختارعالكوثر


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«فراق الأكبر»
«تجليبه»
~~~
يبنــــــــــــي ياعلي يازهرة اسنيني
يايمـــــــــه رحت عدمن تخلينــــي

▪︎▪︎▪︎
يبنـــــي ياعلــــــــي الموتك تعنيتـه
تخلـــــي امك غريبه ياهو وصيتـــه
عليك الظهريبنــــــي آنه احنيتــــــه
منهومن بعد عينك يحامينــــــــــــي


افـراگك ياعلي وســط الگلب جمـره
اولا زاد اوشراب النفس بــــــي تمره
وشيگضــــــــي العمريوليدي ابعسره
وامصــــابك بعد گلي اشينسينــــــي


ماانســه الجره اعليك اوجره اعليــه
واضلن كربلـــــــــه اذكرها يوميـــــه
تظل للموت يبنــــــــي حرگتك بيــه
اويزيد امصابـــــي بيك اللي يعزيني


يبنــــي ياعلي من شفت جدامــــــي
متعفرجبينك والنحــــردامـــــــــــــي
علي صارت ليالــــــــــي يبني ايامـي
واحس صدري يشب نيرانــه بونيني


يبنـــــــي ريت عمري من گبل عمرك
اونحري ريت دامـــي من گبل نحرك
عفاها اشلون عيني يبنــــي اتنظرك
امدد عالثره وانظرلك ابعينــــــــــي


يالضامــــــــي متت بعدك الذ بالماي
واحسنه جمريبنــــــي يصل بحشاي
اظل طول العمرانعاك أنـــه ابمبچاي
واهلال الحزن لـــوهل يأذينـــــــــي


شهرعاشورلوهل بالسمــــــه اهلالــه
اذكريــــــــوم عاشريبنـــــي واهواله
واذكرموت ابنــــــــي اللايذه ابجاله
ابنـــــي الحارس الخدري اويباريني


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri