«فارس الطف»
«تجلیبه»
~~~~
شحچیلك عنّ الاكبر حين ا لطب للميدان
گالوهالفارس حیــدر حین ا لطب للمیدان

▪︎▪︎▪︎
الشبل احسین تشهد ظلـّت الحومـــه
فرسـان وزلم جدّامـــه مهزومـــــــــه
وصّل للعده بالحرب مفهومـــــــــــــه
فـوگ الجیش سیفـــه لملم اغیومـــه

واعلیهم سجّیل امطر حین الطب للمیدان
گالوهـــالفارس حیـدر حین الطب للمیدان


علي الاکبرعلــــه الفرســـــان لمّن شد
مثل حصـد الزرع بالروس من یحصد
وصولات الصمیده ابکربلـــــــــه جدّد
وسیفـــه اتگول مثل الصـاعقــه ارعد

وافلول الجیش اتطشـّر حین الطب للمیدان
گـــالوهـــالفارس حیـدر حین الطب للمیدان


ناس الخانت البیعـــــه تــــــــــــولاها
خلـّــــه بــالمذلـــّــــــــه تسحل الواها
وین ایصیراهل الکوفـــه منــواهــــــا
کـاس الموت شبل احسین اسگـــــاها

الکـون ارتج لمّن کبّــر حین الطب للمیدان
گـالوهــالفارس حیـدر حین الطب للمیدان


ینادیهم یهل کوفـــــــه الحرب تردون
ویـن الیوم یــــــــااهل الغدرتـرحــون
اخلـّـــي کربلـــه وطفهــــا فلا تنسون
وجیل الجیل هاذي حملتــي اتذکرون

الضرعانـــه لمّن شمّر حین الطب للمیدان
گـالوهـالفـارس حیدر حین الطب للمیدان


ابـغـیرة حیدره اتحزّم وهــاجمـــــهــا
وترکعلـــــــــه الزلم بــالحرب ارغمهـا
ابسیفــه الروس مثل السبحه یلضمها
ظهــورالخیل والفرســــــان قـــاصمها

یــــوم الاحزاب الکرّر حین الطب للمیدان
گالوهالفـــارس حیـدر حین الطب للمیدان


رغم نـارالضمـــه الدلالــــــــه امفطـره
الاکـبـــربـــالـمـعــــارك مـبـتـسـم ثغره
مثل احسين صـــارع للضمه ابصبــره
وظل اويـــــــه الدهرمتخلـّد ابـفـكـره

شاب وهالشاب اتصوّر حين الطب للميدان
گــالوهــــالفارس حیدر حین الطب للمیدان


تظل صـــولات شبل احسین مشهـوده
تظل افکـاره بــالاجیــــال موجـــــوده
الـقـدّم مـنـحره لـلـذبح مـگـصـــــــوده
الاکـبـــر راد یـحـفـض دیـن مـعـبـــوده

وکل جیل الیلفي اذ ّکـّر حین الطب للمیدان
گــالوهــالفـارس حیدر حین الطب للمیدان


کـل ماننظـرالعاشــور وهلالـــــــــــــــه
نـتـذکـّرعلـــــــي بفکـــاره وافعـــالــــه
وتـرن ابـکـل اذان لـلـیوم اقوالــــــــــه
اعلـه الحگ الیموت الموت یحلالــــــــه

وابموته ابدن ما فکـّر حین الطب للمیدان
گـــالوهــالفارس حیدر حین الطب للمیدان

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎ تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«الجسم المقطّع»
«تجلیبه»
~~~
شبیه المصطفـــــــــی الأکبر
وگــــــــــع فوگ الثره اموذّر
یصد بالعین لبوه احسین

▪︎▪︎▪︎
طــاح امن المهرواتــــــوسّد الغبــره
ابهل حالـه یریت اتشــــاهده الزهره
اظن لوشافته تنسه الضلـــــع کسره
اوتگعد یم شبلــها اوتسچب العبــره

تغسل الجروحه بالمدمـــــع
اوجسمه من الأرض تجمــع
صاب البین لبوه احسین


اویاریت احضرة من شافه ابوالیمّــه
ابوالسجّـاد اتمدّد عــالأرض یمـــّـــــه
اوخلط دمعه الأبوویـّه الأبن دمـّـــــه
اوتسمع صوت منّ الخیمـه یاعمّـــــه

یریت آنـــــــــــه انذبح دونك
ولاشــــوفن یگطعــــــــــونك
هذا امعیّن لبوه احسین


یریت ام ّالحسن حضـرة لمّن شالـوه
امطشّرعالأرض جسمه علــــــي لمّوه
اموزّع بید اخوتــــه للخیم حمـلـــوه
بالونّــه اومنـاحـه العمّتـــــــه وصلوه

یمّ احسین عنّیــــــــــــــــــــها
اولــــــــم ّالحزن واسیـــــــــها
ابعلي امصوبین لبوه احسین


ویزینب اگعدي اولیلـــــــه یمّ احسین
عله الأکبرالطمـــــي اوهلـّي دمع العین
راح الچــان یشبــــه والــدچ یــــاسین
گطعولـه الجسم والراســــــه امطبرین

بالحومه انذبح ضامـــــــــــي
جسمه اعله الترب دامـــــــي
تعاله اونین لبوه احسین


یـم احسین گومــي اوحشّمـــي حیدر
علـــــــي خلـّي یضمّدراســــــه المطبّر
والطف کربلـــــه هذاالمســـــــه یحضر
یعزّي احسین بولیده علــــــــــي الأکبر

اوحشّمــــــي عودچ المختا ر
گللیله ابشبیــــــــــــه اشصار
المله امعزّین لبوه احسین


یالزهره لـلأکبرشدّي اجـروحــــــــــــه
بــالچن یگعد اللیلـــه اوتـرد روحـــــه
اعیون احسین ظلـّت لبنه مشبوحـــه
مابطـّل اونینـــه اولاسکت نوحـــــــه

فگـــدالأبن مـــــــــــــــوهیّن
خلـته اعلـــــــــــه الأبواتبیّن
اجتّ امنین لبوه احسین


روح احسین امصابك یاعلــــــي سلها
اوبیـابـي اعیونـــــه منّ النوح اسبلهـا
اوتربــة کربلــــه بدمـوعــــــــــه بلـّلها
حیاتـــــــه احسین من بعد الأبن ملها

امصابك زاد لحزانــــــــــــه
اوعودك روحه خلصانــــــه
چانت وین لبوه احسین

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«الجسم المقطـّع»
«میمر»
~~~~~
من طــــــاح اعلــــه الغبره امطبـّر
شحچیلـك عـن حــــــــال الأ کبـــر

▪︎▪︎▪︎
الله واکبر من هوه ابمیدا نــــــــــه
وارویحته منّ العطش خلصانــــــه
دارت علیه من کل کتر عدوانـــــــه
طعن اوطبربسیوفـها الخوّانـــــــــه

عالزهره ایعز هـــــــاذه المنظـــــر
من طــــــاح اعلـــه الغبره امطبّـر


اتمنّیت تحظرفاطمه واتشـــــوفـــه
من دم وریده امخضّبات اچفـــوفه
اوصورته التشبه للنبي مخطوفــــه
اویاجرح تگعد فاطمه واتـــروفــــه

جسمه ابوسط الحومـــــه امطشّـر
من طــــــاح اعلــــه الغبره امطبـّـر


متطشّره وسط المعرکـه اوصالـــــه
ماواحد الیرحم ابحاله اوشا لـــــــه
واحسین شاف الأکبر ابها لحـــالـــه
من الأبن خـــابت جمیـــع آما لـــــه

اوبمصـــاب ابنــــــه احسین اتحیّر
من طــــــاح اعلــــه الغبره امطبّـر


یمـّــــه تمدّ د ونـّتـــــــــــــه یجذ بها
اودمعت احسین الغالیــــــه یسچبها
اوگـبل المثـلـّث چبدتــــه صــــوّبــها
اعله احسین هاللوعـــه الدهرکا تبـها

ایشوف ابنـــــــــه مگطوع المنحر
من طــــــاح اعلــــه الغبره امطبّـر


ابیاحاله ابوالسجـّـاد شال الجسمــه
من حــــومته للخیم ینزف دمـّــــه
واتلگـّته عالوجه تلطم امـّـــــــــــــه
زینب خذت راسـه الصدرها اتضمـّه

اونار ابـــوسط احشـــــــاها التسعر
من طــــــاح اعلــــه الغبره امطبـّر


گطـّعة نحرابنه اوگطـّــــــــة الچفّین
اصوابین ذ نــّي صوّبن گلب احسین
جرحین مـایبرن لعـد یــــــوم الدین
اعلیهن مـــآتـم تـنـّصـب بـــــالدارین

والهن ما تم یـــــــــــــــوم المحشر
من طــــــاح اعلــــه الغبره امطبّـر


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«سيف علي»
«اعگيلي»
~~~
الأكبــر بالعسكــــرمن دار
صــاحت لفانـــــــه الكرّار

▪︎▪︎▪︎
من طب الأ كبر ميدانــــــــــــــه
حامل بتـّاره اوقرآنــــــــــــــــــه
اوناداها ابمنطق ايمانــــــــــــــه
مافاد اوياها الخوّانــــــــــــــــــه
هاي احفـــــاد العبدالدار
صــاحت لفانـــه الكرّار


ارشاد اوياها الماينفـــــــــــــــــع
بالحجّه اومنطق ماتقنــــــــــــــع
لاللحگ اتسمعـــــــــــــه اوتخضع
خلـّـــــــــــــي السيف الأكبرتركـع
يهشم هـــامـــات الأشرار
صــاحت لفانـــــــه الكرّار


لاجت وين اتفــــــــــــرمن عنده
همـــــــ.ـــه الاف اوهوه ابوحده
اتحدّاها اوخل هيّـــــــــــه اتردّه
خل توگف والدربـــــــــــه اتسده
المتعنيــه ابجيش الجرّار
صــاحت لفانـــــــه الكرّار


واشحدها اتواجـــــــــــه للأكبـر
حامل سيف اورايــــــــــة حيدر
هالعــــــــــــــــــــالم الهن مايقهر
طب للحومـــــــــه اوبيهن يفخر
من طبته الجيش احتــار
صــاحت لفانـــــــه الكرّار


فرســـــــــــــــان البالطف قابلها
عالغبره ابسيفــــــــــــه الجندلها
تتســائل منهـو ايقــــــــــــــاتلها
الأكبـــــــــرلــوحيـدر نازلـــــــها
هالسيف چنّه الفقــــّــار
صــاحت لفانـــــه الكرّار


الأكبـــــــــــــــراوّل ماطـب ليهـا
نيران الحومـــــــــــه اشعل بيها
ها لنـــــــــــــار اشحدّه اليطفيها
شبل احسين اللـــــــــي يسگيها
والعسكــرمـابين النــــا ر
صــاحت لفانـــــه الكرّا ر


صـال اوجال الأكبـــــــــــــربيهم
بـالطـف المــــــــــــوت ايراويهم
اوتتذكّر يومـــــــــــــــه ايخلّيهم
يـــــــــــــــوم الأكشرصار اعليهم
هالشاب اعليهم من غار
صــاحت لفانـــــه الكرّار


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«شوگ وحنین»
«تجلیبه»
~~~~
يبني یا لأکبـر شمعة زمانـــي
شوگي وحناني
آنه امك بالطف حاچینــــــــي
عدمن یولیدي امخلـّینــــــــي

▪︎▪︎▪︎
آنــــه امّك يالاكبرواتعبت بــربــــــــــاك
ومن عندي الظهريبني حنيتــــه اويــاك
وچم لیل ابسهرواسمــــع انه امنـاغــاك
ولوســاعــه غبت عنـّي اظل اتنــــــــاك

يبني یا لأکبـر تعب التعبته
سهرالسهرتــه
لجلك يبني انذرت سنینــــــي
عدمن یولیدي امخلـّینــــــــي


الحملي والرضاعــــــه والربـــــه اتنطـّر
اعله راسـي البیت یبني اتشیّده وافخر
واعیش ابجالك واتنـــــــــومس وانسر
للطف مــاحسبت احسابـــــــــي يالأكبر

يبني یالأکبـر حساب الحسبته
بالطف فگدته
یالرایح تنظرلك عينــــــــــــي
عدمن یولیدي امخلـّینــــــــي


وگاللها ییمـّــــــــــــــــــه تعبچ اوسهرچ
الهذا الیــــوم ضمّیتــــــي وانــه ذخرچ
اوفــي ارباچ من دمّـــــــــي واگـرعینچ
واروحن للزچیه واشتچـــــــــــــي همّچ

يبني یالأکبـر بلّغ سلامي
ابچبدك الضامي
بالأستشهـــــــاد اتـوافينـــــي
عدمن یولیدي امخلـّینــــــــي


يايمـّه يگلهـــا تحمّلــــــــــــــــــي الآلام
تشوفینـــــــي ذ بیـح امطبّریلـــي الهام
جسمي عالثره امگطعینــــــــه هالظلام
وتمشین بیسریایمّـــــــــه لارض الشـام

يبني یالأکبـر واشلون اعـوفك
عاري ابطفوفك
عدوانك بعدك تولينـــــــــــي
عدمن یولیدي امخلـّینـــــــي


گصد للمعرکه روح امّــــــــه تبــــرالـــه
وکل ساعه التمرلیله اهـــــي ابحـــــاله
گلبها اعلـــــه الدرب واعیـون همـّــالــه
اوساعه ولن ابوالیمّـــــه انشده بــــالـه

يبني یالأکبـر ابدمعه ینـــــادي
صورة الهادي
ابدمك يابويه اتواسينــــــــي
عدمن یولیدي امخلـّینــــــــي


تعاين ليله گامت وجــــــه ابوالیمـّـــــه
ابنها تعرفه سالم لونزف دمّـــــــــــــــه
یکلـّمها بوجه عوده واهـــــــي تکلمـــه
ومن شافت ابوالیمــــــــه ثگل همـّــــه

يبني یالأکبـر نادت آیبنــــي
فگدك فجعنــي
عماتك يبني اتعـزينـــــــــــــي
عدمن یولیدي امخلـّینــــــــي


بچبد ضـامـــي رحت یولیدي یم حیدر
یسگیك العذب جــدك من الكوثــــــــــر
اخبره بچبد ابوك من الضمـــه اتفطــّـــر
وحيد احسين ظل ابوليـــة العسكـــــــر

يبني یالأکبـر محديعينـــــه
مهجة نبينـــه
امصابك وامصابــه سابينـــي
عدمن یولیدي امخلـّینــــــــي


▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«شبيه المرتضی»
«اعگيلي»
~~~
اشبه حيدر اشبه حيدر
آنه الأ كبر آنه الأ كبر

▪︎▪︎▪︎
خلّي الطف يشهد لفعالــــي
ابكثرة هالعسكرمابالــــــــي
فرّت هجّت من اگبالــــــــي
شــــــارد من بتّاري العسكـر


صال اعليها ابصوتــه اينادي
آنــــــــه ابن المختـــارالهادي
عدكم اخبـــــــارامن اجدادي
سيف العدنـــــــــه محّد يقهر


انـــــه ابن احسين الربّانــــي
للطف واليومه الخلّانـــــــــي
والأكبراسمــــــي اوعنوانـــي
هاشم وابهاشم آنـــــــه افخر


بالطف اتلاگه آنـــــــه اوياكم
بيد الشجعـــــان انطوالواكـم
ابعزم الكرّار اتحدّا كـــــــــــم
ماهمنـــــي الجيش اشمايكثر


خيبرلـــــوچنتـــــــم ناسيـــها
ماشفتـــــوها بس راويهـــــــا
بالطف ابعون الله احيـــــــــها
هاليــــــــوم اتشوفوها الخيبر


آنــــــــه ابن الكرّار اوشبلــــــه
مانعرف بالدنيـــــــه الذلـّــــــه
الميدان انطب نـــــــارانشعلــه
اوخلّــــــي ايطفّيها اللي يگدر


آنـــــــــه اوجدّي العزويّانــــــه
اوماينذل بالحومــــــــه الوانـه
جدّي الخيبررج بيبانـــــــــــــه
وآنــــــــــه البالطف الكم ادحر


هاي الحومـــــــــه اويالردتوها
واشعدكم وادم جيبــــــــــوها
وابطال العدكـــم حشمــــــوها
جيبوابن ازيــــاد اوخل يحضر


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
https://t.me/falehalameri

«من هوه الأفضل»
«مجرشه»
~~~~~
يبني يالأ كبر يبني موهيّن اتفارگنـــي
يالبيك كل آمالــــي ياقطعه من دلّالي
موهيّن اتفارگني

▪︎▪︎▪︎
افـــــراگ الأبن ماينحمل گلبــــي يگطعه اوداعك
ياعلـــــي هجرك موسهل تشبــــه الجدّي اطباعك
من دنيتـــــــي بعدك امل يبنــــي ضعت بضياعك
يــومك گبل يومي وصل والمـــوت يلوي اضراعك

يااغله كل اولادي يالبيك اشوف الهادي
انظرمچانك خالي ياقطعـــــه من دلّالي
موهيّن اتفارگني


ياابـــــــواللي مثلـــي صبر للموت ايقـدّم ابنـــــــــه
من آدم الأخـــــــــــر بشــر ماجرت هاي المحنـــــه
ابراهيم ذبح ابنـــــه انتظر بلچن فـــــــــرج يتأنـّه
يوليدي دلّالــــــــــي انفطر امن أجذب عليك الونه

وسط الچبد نيراني تستعرمن احزاني
امصابك يمرمرحالي ياقطعه من دلّالي
موهيّن اتفارگني


ريتـــــــه حظرطف كربله ينظرابعينــــــه ابراهيم
الله امام الجاعلـــــــــــــه مثلـي جرع ها گدضيم
للذبح تل ابنـــــــــه اسأله اعليه العده طوگ اتقيم
ماسمع تصرخ عايلــــــــه بس هوّه للنوح ايجيــم

من راد ايقدّم ابنــــه مي شرّبـه واتهنّه
ضامي ذبحوك اگبالي ياقطعه من دلّالي
موهيّن اتفا رگني


ابراهيم من شـــاف الحلم گبل الذبـح عاش احزان
شيســـوّي هالموقـف زحم صعب امتحـان الرحمان
اسماعيل حـي بعده اويهم وامصابه موحتمي چان
ابطف كربلـــــه عندي علم الأكبرتذبحــــه العدوان

ياهوامتحانه الأصعب اوبالمحنه ياهوالأصلب
وعدالله ياهوالغالـــــي ياقطعـــــــه من دلّا لي
موهيّن اتفا رگني


آنـــــــــــــه البجدّي تهتدي والشافعـه امـّي الزهره
ابراهيم شيعـــــي الوالدي آيــــــــة الباري ابذكره
اسماعيل ابنــــــــه ينفدي وابنـي السيوف اتوذره
لمصابي ياشيعــــه اشهدي واسوني ابگطعة نحره

دمّه نزف عالغبـــره والخيل داست صدره
چن گطّعواوصالـــي ياقطعه من دلّالــــــي
موهيّن اتفارگني


ياشيعه الأكبرمن وگــــــع دارت عله جسمه الگوم
شفت النـــي يمّه انصرع الزهره يم جسمه اتحوم
للحومـه احس گلبي فزع عالوجه اوگع لوگــــــوم
والصرختـــي العسكرسمع منــــي رحت يامظلوم

واعليك آنــــــه اشبيدي يمّك لويت الجيدي
الجيتك تتاني اعيالــــي ياقطعـــه من دلّالي
موهيّن اتفارگني


▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«من خيبرالی كربلاء»
«مجرشه»
~~~~~
الأ كبر مثل عبّاس للمعركـــــه من نزل
مرعوبه منّه النّاس والنعم من هالبطل
يشبه علــــي الكرّار راعي المراجل
ابوجه العده الأشرار بتـّــاره حا مل

▪︎▪︎▪︎
الأكبرشبيه المرتضــــــه يحمل جميـــع اطباعـه
شب بالعده نارالغضــــه يحصدالروس اضراعــه
اوبيدرجثثها المغرضـــه خلـّـه العده ملتاعـــــــه
المافاد بيها الموعظـــــه راواها سيفه الساعــــه

بالطف عله الفرسان يمطـرحجرسجّيل
خلّاها بالأزمــــــــان تنذكـرجيل الجيل
واعليها لمّن غــــــار عنـّـه تسائل
ابوجه العده الأشرار بتّـاره حامل


ذكـّـــــــــرهم ابوقعة بدر اوصرخة علي اوكرّاتـــه
جدّامــــــــــه مرعوبه تفر مدهوشه من صولاتــــه
هالجيش موته ينتظــــــر بالطف دنت ساعاتــــــه
اتولّاهــــــم ابطعن اوطبر منهـــــــــــــم اخذثاراته

ياثاراله هالشّاب منهم يريده اليـــــوم
يطلب ابثار الباب البيه الضلع مهشوم
ماناسي للبسمــــــار والدمع هامل
ابوجه العده الأشرار بتـّــاره حامل


اهل الظلالـــــــــه والجهل خل يگطــــــع الدابرهم
اهل السقيفـــــــه والجمل اســــلام بس ظاهرهم
اهل الخيانــــــــه والدجل ماضيهـــم اوحاظـرهم
ابسيفـــــه شبل خيرالعمل خل يسجد ابمنحــرهم

ايعرفونه هاذه السيف والحاملـــه معروف
ابيوم الوغه موصـوف مايعرف ابدا خوف
هذا ابن ابوالأحرار شبلالأفاضـل
ابوجه العده الأشرار بتـّــاره حامل


واحدعلي ابطف كربلــه اگباله مجموعه اصفـوف
واتهلهل الحومه الـــــــه واتكبّرالجيتـــــــه اسيوف
اشحدّه جمعها ايقابلـــه من بعد ماخذها الخــوف
هذا شبل عقد الولــــــه ابســـوح المعارك معروف

عمـّه البطل عبّاس لوغضب يفني الكون
چفـّه يخنگ انفاس خلّهم الـــه ايجربون
وابهيبة المختـــــار الهم يقـــاتل
ابوجه العده الأشرار بتـّاره حامل


الأكبـــــر خطفها اومابطه خلّاها بالطف اتمـــــوج
حوم اوتلولح عالگطــــــه من سطوتــه كلها اتلوج
واليفررمحه يلگطـــــــــه والبگت بد مـــاها اتفوج
جيش آل اميه اشورّطــه وي سيف سجدتله التوج

تگدراهي تثنيــــه خل تنجمـع هالخلگ
ایعرفونه ماناسيه چم هامه الهم شرگ
المنهج علي المغوار الأكبريواصل
ابوجه العده الأشرار بتـّـاره حامل


الله حين اللــــــــــي حمل واتلا گه ويّــــه العسكر
طاعـــــــون چن بيهم نزل راواها مــــــوت الأحمر
لصفـــــــوفها بس ماوصل اوصا رمه اعليهم اشهر
بكتارهــــــــــم حفّ الأجل واذهلـــها ضنوة حيدر

والزمرت الجالوت نا يبه اوبيه انزلت
حگها لفاها الموت وللمحشراتحضّرت
يرسل زمر للنّـــــــار من هالقبايل
ابوجه العده الأشرار بتـّـاره حامل


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«محاچي الدموع»
«تجليبه»
~~~~
احسين ابدمـع جاوبنــــي
امصاب الأكبــر شيّبنــــي

▪︎▪︎▪︎
يمن تسأل شنهو الشيّب الراســــــــي
عله گلبي جبل منّ الحزن راســــــــي
علي ابگطعة وريده انگطعت انفاسي
بالحومه من طاح ابنــــي
امصاب الأكبــر شيّبنــــي


من اعليـــــه تــلايــم واطبگ العسكر
گلت راح امن اديـّـــــه مهجتـي الأكبر
للحومه اگصدت واجدامـــــــي تتعثـّر
وامّه اسمعت تند بنــــــي
امصاب الأكبــر شيّبنــــي


اگصدت يمّه يويلــي اومن شفت حاله
عالتربان ابنــــي امگطـّعـــه اوصــــاله
صحت ياجد احملـه اشلون لعيـــــالــه
طف كربلـــــــه دولبنـــي
امصاب الأكبــر شيّبنــــي


يمن تنشـد شگلـّك ذاب دلالــــــــــــــي
نــورالعين شفته امگطـّع اگبالـــــــــــي
اجمعت جسمــــه بديـّه اوليدي الغالـي
وسط الچبد صوّبنـــــــــي
امصاب الأكبــر شيّبنــــي


من ياصوب اشيله جسمــــه المگطـّــع
جمعت اوصال ابني واسچب المدمـــع
حيلــي انهار يمّــــــــه طحت بالمصرع
حالـــه الشفت عذ ّبنـــــي
امصاب الأكبــر شيّبنــــي


طحت يمـّـــــــه اونار احزاني متوجره
صاراخضاب شيبــــــي من دمــه نحره
واحس گلبـي توسّد يمـّـــــــــه عالغبره
اوگلبي اسمعت خاطبنـي
امصاب الأكبــر شيّبنــــي


راح الچــــــــــان بالهـــم للگلب سلـواه
وين الموت مايلفــــــي اواخذني اوياه
دمـع العين لــــومن دم قليل انعــــــــاه
هسّه الدهر حـــاربنــــــي
امصاب الأكبــر شيّبنــــي


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«الجسم المقطـّع»
«هجري»
~~~~~~~
امن المهرجسمك تگنطـّـر ياعلـــــ.ـي فوگ الثره
راسك امطبّریـویلـــــــــي والنحـــــــر دمـّه جره
هالخبــــــــــرلمّك وصلها ابوجـــه ابوك التنظره
لونـــــــه من شافت تغيّر عرفت اعليك اشجـره

ابگلب دامـــــــــــي ندبتك
بالمدا مــــــــــــع نـــــادتك
وين يبنــــــــــــي طيحتك
واعليّا واعليّا


ياعلي من صحت بويـــــه اعليك من عندي السلام
احسين للمصرع تعنـّـــــــه وتمطراعليــــــه السـهام
اينادي بعدك عله الدنيـــــه العفــــــه ياشبل الكـرام
اعليك مبروكــــــه الشهاده انتـــــــــه عالذل ماتنام

اوصلت يبنـــــــي غايتك
افد يتنــــــي ابدم رگبتك
وافجعتنـــــــــي ابنومتك
واعليّا واعليّا


آه ياشيعه الفجيعـــــــه اتمدّد ابطولــــه الحسين
وخلط وي دمّه دموعــه أحضنـــه الصدره الحنين
اينادي للعشرين يبنـــــي الك مــــــــــــاتمّن اسنين
يبني بيك آنـــــه اشوفن جـدّي سیــــد المـــرسلین

جدّي اشوفـــــه ابشوفتك
صعبـــــــه والله فــــرگتك
اتعز عليـّــــــــــــه روحتك
واعليّا واعليّا


احسين من يمـــــــّك تمدد بعدما يگدریگــــــــوم
نومتك هدّمت حيلــــــــــه زادت الهمّــــــه هـموم
ياعلـــــــي من فيض نحرك شيبه خضّب بالد موم
وابلسان الحــــــــــــال ناده يالولد مووكت نـــــوم

يا علــــــــــي موسا عتك
الحـــــــرم كلها تــــــانتك
امل عد هـــــــــــاابجيّتك
واعليّا واعليّا


يبنــــ.ـــي ما اگدر اشوفك جسمك امگطـــــّع وذر
فــــــوگ نارالعطش والحر امصـابك الچبدي فطر
کربلــــــــه وهاي المصایب ویـن دا فنـــــها الدهر
راحت احبابـــــي من ادیه وانتــــــه یا نورالنظر

صعبــــــــــــه شیلة جثـّتك
الگلبـــــــــــــي تفطر ونـّتك
ريت امّــــــــــــــــي سمعتك
واعليّا واعليّا


يبني يا زهرة حياتـــــــــي الصارحصّتـــها الذبول
ريت بارض الغاضريـــــــه حالك اتشوفـه البتول
جسمك اعلــه الثره اموذّر يبني يا شبــه الرسول
بلچن الجرحك تشلـــــــــه امـــــــي وآلامك تزول

ريت امـّـــــــــي حضرتك
اتشوف بالطف حـــــالتك
وتدعي عاللــــــي ظلمتك
واعليّا واعليّا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri