«نعم الدخيل»
«نصاري»
~
دخیلك يـاگمرهـاشم دخیلك
اجيتك والگلب هایم دخيلك
نـاديت يابالفضل
حنـّيت يابالفضل

▪︎▪︎▪︎
يبوفـــاضل يبوالغيــــــــــــــره اجيتك
روحــــــــــــــي ابحبّك ايسيره اجيتك
يوالي المـــاالـــــــــــــــي غيره اجيتك
عبدك طـــــــــــــــــايح ابحيره اجيتك

مالي ابهل خلگ راحــم دخيلك
اجيتك والگلب هایــــم دخيلك


اجيتك والدمـــــــــــــع يجــري يعبّاس
اونيـــران الگـلب تســــــــــــري یعبّاس
وانتـــه ابحــالتـــــــــــــي تدري یعبّاس
ارید اشمابگـــــــــــــــــه ابعمري یعبّاس

تقبلنــــــي الك خادم دخيلك
اجيتك والگلب هایم دخيلك


يعبّــاس اطلب الرحمـــــــــــــه يبوالجود
امشّـــــــــي اعليك ابواليمّــــــه يبوالجود
ما طــــول الهوه اشتمّــــــــــــه يبوالجود
اعلــه حبّك ابگـــــــه والخدمـه یبوالجود

اکفیني حاجة الــوادم دخیلك
اجيتك والگلب هایــم دخيلك


اجيت اذنوبـــــــــــــي احملهـا چثیـــره
اوحوائــــــــــج منـّك اسألــــها چثیـــره
نــــوایب دهــري شیفلـــــــــها چثیـــره
اریدك يالولـــــــــــــــي اتحلها چثیـــره

اجیتك والدمــع سـاجم دخيلك
اجيتك والگلب هایــــم دخيلك


الحضرتك آنـــــــــه متعنّــــــي انــوحن
حتـّــــه اعيونــــــــي ملـّــنـــي انــوحن
علــــه الطف ما بطل ونّـــــــي انــوحن
احزانــــــــــه البيــــه خلـّنــــي انــوحن

وانته ابحالتــــي عالم دخيلك
اجيتك والگلب هایــم دخيلك


وصلت ابّابك الوسعــــــــــــــه يوالـــي
اوعلگت ابعتبتك شمعـــــــــــه يوالـــي
دخلت اواسچب الدمعـــــــــــه یوالـــي
واظن اعتابي اتسمعــــــــــــــه یوالـــي

اظل ابحزنـــــي الدایم دخیلك
اجيتك والگلب هایــــم دخيلك


اجـيتك واحـمـل ابـــــــــــأيدي عتابــي
تـعـنّـيـت اوالــــك يـحــــــــدي عتابــي
گعدت ابحضـــــــــرتك وابـــدي عتابــي
واحـسّـن گـطـّـــــــــــع الـچبدي عتابــي

ویّــــــای الوکت ظالم دخیلك
اجيتك والگلب هایــم دخيلك


اجيت اواشكـــــــي آلامــــــي ابمضيفك
اريد اتحقـّق احـلامـــــــــــــي ابمضيفك
واخلـّص باقي ايّامــــــــــــــي ابمضيفك
وآخذ منـّك اوسـامـــــــــــــــي ابمضيفك

اسمك عالگلب راســـم دخيلك
اجيتك والگلب هایـــم دخيلك


مثل مجنون شافونـــــــــــــــي اعله حبّك
يبوفــاضل يلومونـــــــــــــــــي اعله حبّك
موبس لوم عـادونـــــــــــــــــي اعله حبّك
مـــا اهتم يذبحـونــــــــــــــــي اعله حبّك

بس نهجك يظل سالــم دخيلك
اجيتك والگلب هایـــــم دخيلك


اظلـّن الهـــــــــج ابــــــأ سـمـك وانـــــادي
رغــــــم العــــــــا دت الـنهجـك وانـــــــادي
امــوت اواحتيّـــــــــــي ابـحبّك وانــــــادي
اومن دمـــّــــــــي اكتبت عهدك وانـــــادي

انصبلك يبوفاضل مآتم دخيك
اجيتك والگلب هایــــم دخيلك


عهد هذا العمراگضـــــــــــــــــــي ابمحبتك
وأدّي لـلـعـلي فرضــــــــــــــــــي ابمحبتك
يصبـح للبشروعضـــــــــــــــــــي ابمحبتك
لله اولـلـنـبـي ارضـــــــــــــــــــي ابمحبتك

اوثغري بالحشــرباسم دخيلك
اجيتك والگلب هایــــم دخيلك


اطــــــــوف ابحضـرتك واذكـــــر طفــوفك
ذچــــــره لـلـگـلـب یـفـطـــــــــــر طفـــوفك
مـــالـــــــــي عين الــــــــــه انظر طفـــوفك
جمــرهـــــــا ابچبدي متــــــوجّـر طفــوفك

مصابك ا لحيلـي هادم دخيلك
اجيتك والگلب هایــــم دخيلك

*گ
عليّــــــــــــــــــه اتحنـّن ابلطفك عليّـــــــه
واعطف يالولــــــــــــي ابعطفك عليّـــــــه
يراعــــــــــــــي الجود صدعينك عليّـــــــه
مــــرّه اتـحـنـّن ابـجــــــــــــودك عليّـــــــه

واقبل توبـــــــة ا لنادم دخيلك
اجيتك والگلب هایــــم دخيلك


نــــــادم جيتك اوخـــــــــــــــادم اصيرن
ابخـد متــك سيّدالــــــــــــــوادم اصيرن
وابحگـّك آنـــــــــــــــــــه عالــــم اصيرن
اوجِندي ابدولـــــــــــــــــة القـائم اصيرن

واجرّد الثارك ا لصارم دخيلك
اجيتك والگلب هایـــم دخيلك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

«نارالعطش»
«میمر»
~~~~
یا باالفضل خویه انخاك يا باالفضل
اشلون ا لحرم عطشانه وانته ا لبطل ویّانه
یاباالفضل خویه انخاك

▪︎▪︎▪︎
عبّــــاس اريد انخـــــــاك بســــــــم الخوّه
معـروف ياباالفضل صــــــــــــــاحب نخوه
واليشتكــــيلك مـــــــــــــــــاتردله الشكـوه
شـــــــوف العطش باطفال اخوك اشســوّه

تتنطــّــرك يالـــــروّاي تتنطّرك
يالبلشدد رجــــــــــوانه وانته ا لبطل ویّانه
ياباالفضل خويه انخاك


اشلون الحرم عطشــانـه وانته الموجـــود
اومنهواليصدّگ یالأخوخالـــــــــــي الجود
جیتك تعرف ابطلبتــــــــــــي والمگصــود
اوتعلم یحامــــــــــي الخدرشنهوالمریــود

ردنه ا لعذب من یمنـــاك ردنه العذب
هذا الیطفّي اضمانــه وانته البطل ویّانــه
یاباالفضل خویه انخاك


آنه الوديعه ابيمنتك من عـــــــــــــــــودك
لـوحمّلك هــــــــــــاي الأمـــــــــانه بزودك
مامسنـــــي ظيـم ولاعسربوجـــــــــــودك
واعليّه ماگصّرت خــــــــویه ابجــــــــودك

كلّك وفـــه ياعبـــــــّا س كلّك وفــــه
منّ الخطرتحمانـــــه وا نته ا لبطل ویانـّــه
ياباالفضل خويه انخاك


ظمّك ابـــــــــــوي الكــــــــــربلـه والطفها
اوچنّه الصمید ه المحنتــــــــــــي یعرفها
خـــــــلاها سروللـــــــزمن یکشفـهـــــــــا
اوهـــــــــــالمحنه غیرك منهــــــويتكلّفها

مــاظل صبر للأطفــــــال ماظل صبر
منها المهج خلصانـــــه وانته ا لبطل ویّا نـــه
ياباالفضل خويه انخاك


أنطيت الـــــــــــــــوعد للحـــرم واتعنّيتك
وبلسـان ضامــــــــــــــي يـالأخوحاچیتك
تروينــه من هاذاالضمــــــــــــــه اترجّيتك
الهـــــاليـــــــــــوم يبن المرتضـی ضمّيتك

انتــــه ذخـــــر للکلفــات انتــــــــــه ذخر
مثل الأبوابمیدانـــــه وانته ا لبطل ویّانـــه
یاباالفضل خویه انخاك


لاح الغضب بعیــــونــــــــــــه من یسمعها
وبیده الشریفـــــــــــــــه نشّـف المد معها
گــاللهــــــــــــــــــا بشري وللخدررجّعـــها
اللزمت حدود المـــــــاي والله اصـــرعـها

زود وفخــر یــارجـواي زود وفخـــــــر
طول الدرب ترعانـــــه وانته البطل ویّانه
ياباالفضل خويه انخاك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«عهدالأخوه»
«تجليبه»
~~~~
عبّاس اجيت اويـاك خويه خويه
ابخدري علي وصّاك خويه خويه
الطف كربله ضعنـي جبت عهد الأخوّه اتعــاهد ت

▪︎▪︎▪︎
اظن يـابــالفضل تتذ كـــّـــــــــراوتد ري
آنـــــــــه امخدّره اومحشومه من زغري
اوكلّ النـّــــاس تحلف يــالأخــوابخدري
وشوفن هالمنايــــه اويــه الظعن تسري

گلبــي خذاه الخـوف خويه خويه
خايفه الظعني اتعوف خويه خويه
وابشيمتك منّ اطلعت عهد الأخوّه اتعـــاهدت


يخويه اعليك اخــافن مو عله حالـــــي
فدوه اتروح الك اطفالـي وعيالــــــــــي
الحــرم شلهــاابعمرها تفگـد الوالـــــــــي
انتـه يالأخو شريـــــــا ن دلّا لـــــــــــــي

ينگطع هــالشريــان خويه خويه
شلّي ابگلب خلصان خويه خويه
ياباالفضل عتبي اسمعت عهد الأخوّه اتعـاهدت


من طف كربلـــــــه آنـي الزمت گلبــــــي
اخــا ف اتروح منـّــي يا ضوه دربـــــــي
اوعلـــه شاطــــــي النهرعيــي تظل تربي
اظل ابلوعتـــــــــي او ما ينگطع نحبـــي

اشينفعني گلّي النوح خويه خويه
ميداوي لـلـمـجـروح خويه خويه
ما ودّعت لمّن رحـــت عهد الأخوّه اتعـــاهدت


يعبّاس الكفالـــــــــــه والعهد وينــــــــــه
حرم ما عدنـــه والــي ابغربـــــــه ظلّينـه
من كل صوب حـاط العسكراعلينـــــــــــه
اشكـثـربسمك يراعـــي الجــود نادينـــــه

اتعطّلت شنهوا لصا ر خويه خويه
ما شفت ذيچ ا لنـّـا ر خويه خويه
بسمك صحت شومــاگمت عهد الأخوّه اتعـاهدت


آنه اختك وعرفــك صـــــاحب الغيــــره ترضــــــــــه حميتك نــــوگــــــع ابحيره
ترضه امشي يبوفاضل انـــــــــه ايسيره
وامشــــي اويــــه العده من ديره الديره

للكوفه اطب اشلون خويه خويه
آنـــه اختك يعرفون خويه خويه
الكوفه تعرف آنه اشچنت عهد الأخوّه اتعــــاهدت


تدري بــالدليل اهواي عندي اجـــــــروح
بعيونـــــــــــــــي دمـع ما ظل بعد للنّوح
او من كثر الهضم خلصا نــه منـي الروح
اخذنـــــي للگبر ياخويـــــــــه منّ اتروح

منّ العمـــــــــرملّيت خويه خويه
المن ا نــــــــه ظلّيت خويه خويه
هاذاالعمرلاماردت عهد الأخوّه اتعــــاهدت

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«عتاب العقيله»
٢چعب دارمي+نص اعگيلي»
~~~~~~
ياللي جبتنه الكربلــــه عد من عفت هالعايله
خيمـه چنت عالراس يا خويــــه يا عبّاس
عدمن عفت هالعايله

▪︎▪︎▪︎
ويّاك اجينــــــــــه منّ المد ينـــــــــه يالوالــي
بيد ك علمنــــــــه حارس خيمنـــــــه يالغالــي
تحد ي ابضعنــــه شوفك يسرنـــــــه وآمالــي
للعيله هيبــــــــــه سبـــع الكتيبـــــــه وتبرالي

بعدك تطشّـــرهالشمل مشّونه عنّك عالهزل
تحدي الضعن ارجاس ياخويـــــه ياعبّاس
عدمن عفت هالعايله


الدنيــه خوّانـــــــه جارت اويانـــــــــه وآذتنـه
گطعت اچفـــــوفك اطفت الشــــوفـك ذلـّتنـه
غـيّبت بــــــــــدرك گـطعت النحـــــرك صابتنه
لوچنت يمنـــــــــه تحمـــــي خيمنــــه وهيبتنه

لـوچنت حاضــريالأخو ما يوصل خيمتنه العدو
وماتفزع هاي الناس ياخويـــــــه يا عبّاس
عدمن عفت هالعايله


فوگ الشريعـــــــه جثتك صريعــــه يـارجواي
بسمك احشـّـــــــم عالوجــــــه الطم من بلواي
عوّد علينـــــــــــه خويه انسبينــــــه عوف الماي
بدموعي اسگـــي لطفـــــــالـك اروي من مبچـاي

بس ياولينـــــه رد الي ترضه يعبّاس انولــــي
راح الخـــــد ر ینداس ياخويـــــــه ياعبّاس
عدمن عفت هالعايله


داســـــوالخدري واهتكــــــوستري يابـــوالزود
يا گمرهـــــــاشم عــالنهــرنـــــا يم ويـّه الجود
احنـــــــه خواتك وامخــــد ّراتـــك النـــه عود
العسكرولانــــــــه وانته حمانــــــــه والمگصود

طحنه ابشدد يابالفضل چنـّه ابوجودك ما نذ ل
ابحيدرعلـــــي تنقاس يا خويــــــه ياعبّـاس
عدمن عفت هالعايله


جــــــاوب العبّاس عتبچ اعله الراس يـــــازينب
لاچـن اشبيـــــدي حـــــــــزّو وريدي وامخضّب
نحري ابد مــّــــــه وچبدي ابسهمــه تصــــــوّب
طاحن اچفوفــــي گصدي وشوفــي وامسلـّـب

لايسره عندي ويمنتي احمل السيفي ورايتي
وسفه يبوالنومــــاس يا خويــــــه ياعبّاس
عدمن عفت هالعايله


طيب الأخـــــــوّه عشـرتـك حلوه اگضيت اوياك
اوعنـّـك اروحــــن الفگـدك انوحن ماانســـــــاك
امشــــــــي يسيره ابطول المسيره وابذكــــــراك
الهــــــج ابـــاسمك احمــل الهمّـــك والبلــــــواك

راسك اصدله عالرمح وراس الحسين المنذبح
منظر يگطع انفـــاس يا خويـــــــــه ياعبّاس
عدمن عفت هالعايله

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الشبل المرتضى»
«تجليبه»
~~~
ابــــوفاضل نزل للحومـــــــــــه زلزلها
رايـــــــــة حيدره ابيمناه حــاملــــــــها
▪︎▪︎▪︎
نعمين اوكفــــومنـــــــــــــه شبل حيــدر
من كبّــــــــرابصوتــــــــــه طشر العسكر
خيبـــــــرهـــا اوبدر واحنينــــــــــها كرّر
الرادت للحــــــرب بالسيف كلمـــــــــــها

گمـــــــــــــرهاشم سوّه كربلــــــــه محشر
خلـــــــــــلاها الــزلــــم بالروس تتعثــــــر
خلها اترده عن المـــــــــــــــــاي لـــــوتگدر
اشحدها للشريعـــــــــــــــــــه الزلم تلزمها


ابخدرزينب قسم والجيش خل يسمـــــــع
ابلايه الماي من الشاطـــــــــي ما ارجــع
خلــي اچفوفـــــــــــي فوگ النهر تتگطع
اچفوفــــــــــــي والنحر واعيوني اقدمها


آنـــــــــــــــــه العاهدت زينب اجيب الماي
تعرفنـــــــــــــــــي العقيلــــــه بالعهد وفاي
لوبالمــــــــــــــــاي ارجــــــع لواقدم ادماي
بچفوفــــــــــــــــي أمانـــه علــــــي سلّمها


آنــــــــــــــــــــــه للحرب نبراسها اوصلها
فرسان الوغـــــــــــــــــــــه بيدي اجندلــها
اقسم للشريعـــــــــــــه اليـــــــــوم اوصلها
وافلول العده ابعزمــــــــــــــــي اهاجمــــها

آنـــــــــــه امي الشجاعه اوطيب رضعتني
المثل هاي الشدايد هيــــــــــــــه ضمتنـــي
وابخدرالعقيلــــــــــــــــه امّــــــــي وصتني
وآنــــــــــــــــه افتخربالطف زينب اخدمها


خل تسمـــــــــــع اهل كوفان خل تسمــــع
تحت اجدام زينب روسهم تركـــــــــــــــــع
آنــــــــــــــــــه ابن الصميده الفارس الأنزع
اروي ارض الطفــــــــــــوف اليوم بدمـــاها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

تمّت
الشاعرفالح العامري
قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الوفاء بالعهد»
«فائزي»
~~
عبــّاس اجيت وطلبتي لعيالك الماي
وانته الذي وكت الشدد للعهد وفــّاي

▪︎▪︎▪︎
متنومســه اوياك اطلعت مـنّ الـمـديـنــــه
وابرايتك طـــول الدرب تـخـفـج علينــــه
بـالغاضريـّــــــه اتعهّدت تحمي الضعينــه

ادفـــع گلت عنها الخطر یـاخویه بدماي


بحماك خويه العايلــــــه محّد هظمــــــــها
لومنها طش هذا الشمــل انـتــه الـتـلـمـهـا
ولوصالت اعليـهــا العده تـحـمـي خـيـمـها

بوجودك آنــه امـأمنـّه ما توصل اعداي


حسّبت كلشـي ابـدنـيـتي خـويـه يـعـبـّاس
مـــا حسّبتهـا ابـكـربـلـــه تـولينــه هـالنـّاس
صوبين شاطي العلگمــي صـارتلـــه حرّاس

وآنـه اخـتـك الـمـتخدّره فتّ الضمه احشاي


جيتــك وچبدي یـلتـهب منّ العطش نـــار
یــالبیك عزّه ومرجلــــه وشيمـــــة الكرّار
عبّاس اعـــرفن صولتك بالحــــرب مغوار

جيت وجبت يابالفضل جودك الويّـاي


عبّــاس مـــــااگــدربعد انظرللعیـــــــــال
تتلوّه خویه من الضمـه ویّاهاالأطفـــــال
مــاظن یسبــع الگنطره تتحمّل الحـــــال

لاتـعـتـذرلـي ابشیمتـك جيتك يروّاي


لمّن سمعهــــا والغضب لاح ابـجـبـيـنـــه
ما يحمل اعتاب الحرم واخته الحزينـــه
سل سيفه واتعنّه النـهر جـوده ابـيـمـيـنـه

وصاح آنه وفّاي العهد ازگي الحرم هاي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري


قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الشجاعه الحیدریه»
«تجلیبه»
~~~~~
لکدها اومن لکدها ابرایته اوجـــــــــــــــوده
عبّاس المراجل کسب من عــــــــــــــــــــوده

▪︎▪︎▪︎
لکد میمونه ابو فاضــــــــــــل عله العسکر
اوعاد ابکربله صولة علـــــــــــــــي ابخیبر
خلـّه اخیولها ابروس الزلـــــــــــــــــم تعثر
بسم عوده لون یتنخـّـــــــــــــــــــه ابزوده


وگف عبّاس بالطف ینصر أمامـــــــــــــــــه
یعرف احسین ثائرلجل اسلامــــــــــــــــــه
قسم ماینثني او لایرضخ الهامـــــــــــــــــه
مثلك یاعلـــــــــــــــــــي یخلص ابمجهوده


وگف عبّاس وگفاتك یحامي الجــــــــــــــار
مثل ماچنت توگف انته للمختــــــــــــــــــار
عن احسین سیفه یجلي الأخطــــــــــــــــار
للزهره الزچیه یوفي بعهــــــــــــــــــــــــوده


من صَول علیها اوسیفه والیهــــــــــــــــــــا
ملچ الموت بالطف حول اعلیهـــــــــــــــــــا
من سیفه بعد منهو الینجّیهــــــــــــــــــــــــا
بالطف صولته عبّاس مشهـــــــــــــــــــــوده


مراجل والمراجل من علــــــــــــــــــي دارس
اوحیدربالحرب ینعد ابالف فـــــــــــــــــارس
اوعبّاس ابعلي هم تگدر اتقـــــــــــــــــــایس
اوسبعین الف جدّامه المــــــــــــــــــــوجوده


جدّامه تفرعبّاس لـــــــــــــــــــــــــــــــــوکبّر
نفاس العدها خنگهــــــــــــــــــــــا لمن زنجر
واعلیهم رعد مثل السمـــــــــــــــــــــه امطر
اوگال الماي اریده اوأوصـــــــــــــل احدوده


وصل للماي ابو فاضل تحدّه اسیـــــــــــــوف
اوحرّاس النهرمن عنده اخذها الخـــــــــــوف
تمنّیتك عدل یاباالحسن وتشـــــــــــــــــــوف
د ون احسین اخوه ایضحــّــــــــــي بوجوده


مله للجود ابنك والگلب ضامــــــــــــــــــــي
من نارالضمه چبده اوسدرحامــــــــــــــــــي
رجع بالماي لعیاله ابگلب دامـــــــــــــــــــــي
لخیامه یوصل الماي مگصــــــــــــــــــــــوده


توجّه للخیم وسط الچبد نیــــــــــــــــــــران
یتنطـّرالجیته چم چبد عطشــــــــــــــــــــان
اوحالت بینهم سبعین الـــــــــــــــــف عدوان
ابعمودا نصاب راسه اوگطعوازنــــــــــــــوده

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«عتاب الأخوه»
«بحرالطویل»
~~~~~
یالبیك الآمــــال عطشانه ا لعيــال
حالتها ما تنحمل واشلون يابالفضل

▪︎▪︎▪︎
زينب گصدت العبّـــــا س جوده حملتـــه اویاها
مــابین الخجل والخـوف تتعثـّرابممشـــــــاهـــا
اوراعي الغیره ابوفــاضل لعد اختــــــه تلگـّاهـا
صبّرهــا علـــه المحنــــــه ونشّف دمــــع عیناها

خویــــــه یرجوای جیتك عــــله الماي
بخيامك اشچم طفل واشلون ياباالفضل


گــــالـلـهــا یـبـت حـدر وحگ ضلع الزچیّــه امّچ
الشاطي العلگمي اوصل واجیب المــــاي لخیمّچ
اتگـّلــه عالفرات الجیش ایگلهــا الجیش لیهمّـــچ
آنــــه امعــــــاهد الکرّار اخـوچ اوبــالشدد عندچ

ادري یبو الجــــود توفـــــــي بالعهود
خـاف النهرماتصل واشلون یابالفضل


یازینب وحــــــگ خدرچ اوچبد احسین المفطـّـر
اجیب المـــــــاي للاطفال لوکلـّف دمـــــه المنحر
انطیني رایتــــي والجـود افني ابکربلـــه العسکر
بـتـّــارالابــوابـچـفـّــــــــي مـنّ الـمــــــاي اتـعذ ّر

یا زینب الیـــــــوم افنیها هالگــــــــوم
یا خویه گول اوفعل واشلون یابالفضل


اضلـّن یـــالاخواتنـــــــاك بالخيمه اسچب المدمع
اوگلبي ایروح للحومــــه یـرجـعـلي لمـن ترجـــع
اوروحـــي لاتظن عبّـاس بـغـیابـك اهـي تهجـــع
ويحس ابخلـّتك يـا خوي حتـّــــى البالمهد يرضع

یا گمرهاشـــــــــــم اتلوج الفواطـــــم
من دمه المدمع تهل واشلون یابالفضل


یخویــه حـایره ابامري لوعـنـّـــــی تروح اشـلون
اولومـا تگصد الشاطـي اطفال امن الضمه ایموتون
اخاف ابروحتك هاذي اعليك الـعـسـكــــرايدورون
بـــالـمـيـدان يـولونـك مـن جيـتك الـي ايحرمون

تجـري النــــواظر هالفكرحـــــــاير
عالمشرعه تنچتل وشلون یابالفضل


خلـّینـه ابعطشنه انموت بـس انـتـه تـظـل سـالم
یــــا عـبّــــاس من بعدك اعـلـينه تـفـزع الــوادم
اوبـدموعي احـشّم بـيك وانـتـه عـــالنهرنـــــايم
تهوه اعله الثره اچفوفك اوتطيح الرايه والصارم

يا گمرعدنـــــــــان تولینه العدوان
واخیامنه تشتعل واشلون یابالفضل


یخویـــه لاتعوف احسین وحید الجیش یولونـــه
ابوالیمّه اعتمـــاده اعلیك وانته الحامي لضعونــه
بـعـدك يـنـكـســـــرظهره وتعمه امن البچي اعیونه
ارحـم گـلبـــــه المفجوع لتخـیـّب اله اظـنـونــــه

لـــــوطحت عبّاس متهشّـــــم الراس
احسین الحیاته یمل وشلون یابالفضل

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري


قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«انين سكينه»
«شيعتي»
~~~~
عمّي لمّن طحت عالمشرعه
عمّي شفت الچفوف امگطّعه
اتيتّمت من طيحتك ايّست من جيّتـك
عمّي ياعبّا س

💔💔💔
اوياك اجيت امن المد ينه اوكربله حين انزلتـها
يـــاكفيل الحــــــرم بيدك خیمتي انتـه انصبتها
من رحت عنّي يعمّـــــــي للنهرروحي خذ تــــها
شابحه اعيونـي الطريجك امن البچي اجفوني
احرگتها
رايتك خيمـــه عليّــــــــه هم ترد واگعد ابسدهـا
مــاأظن دهـــــري يعيدك للشريعــه اتوسّدتـــــها

عمّي مووكت نومه ابكربلـه
عمّي منهواليحامي العايلــه
من طوّلت غيبتك ايّست من جيّتك
عمّي ياعبّا س


چم سنـه ابعمري عشتهن افتخرواحچـي ابزودك
اوعايشه ابهيبه اوجلالـه امعزّزه ينعمني جودك
اربيت بحضانك يعمّــــي وآنه محشومه ابوجودك
امن سمعت عطشانه سكنه خالي منّ الماي جودك
ثوّرت بيك الحميــّــــــــه اتريد توفيلي ابعهودك
ابدمعـــي للباري اناجــي للخيم سـالـم يعــودك

عمّي اتحمّل جمرالضمه
عمّي بس لااظل ابلاحمه
جيش العده حاطتك ايّست من جيّتك
عمّي ياعبّا س


العلگمي لمّن گصدتــــــه لوعتك آنـــــه اجرعتها
الماي البگطعت اچفوفك الگربـه ريتك لاجبتــها
المــاي منّك مــــــااريده شوفتك آنــــــــه ردتها
رداليّه الماي عوفــــــــه صرخة اسكينه اسمعتها
عمّي لاتبطـــــي عليـّـــه انيـــاط گلبــي گطّعتها
والدي ظهره حنيتـــــــه عد من اعيالــــه عفتها

عمّي وحده ابوي اويه العده
عمّي فاجد عضيده اوساعده
فوگ الثره رايتك ايّست من جيّتك
عمّي ياعبّا س


للنهــرمن يــوصّلنـــــي يم ابو فاضل اشوفـــــه
بالچن ابسبّــاح گلبــــي جرح البجسمه اروفـــــه
عن گرب اشچيله حالي غيرتـه عمّي امعروفــــــه
ادري بالطف مانسانـــي حتّه من طاحت اچفوفه
وادري ماترضه حميتـه باليسرامشي واعوفـــــه
وارد اگلــّـه راح اروحن امچتّفه اوادخل الكوفه

عمّي اشبيده عله هذا الجره
عمّي دونـــي فده دم منحره
واتگطّعت مهجتك ايّست من جيّتك
عمّي ياعبّا س

عمّـــي ريت اوياك اموتن واندفن با لغاضريـّــــه
اوعيني لاشافت مصـابك روحي ماتحمل رزيـّــه
عگبك الوادم ولتنــــــــــه اوحرگت اخيامي عليه
اوسلبواحجابي يعمـّــــــي اوگمت اتستّربديــّــــه
وسّمت متني وضلوعــــي بالسّياط اجلاف اميه
واسمع اينادونــــــي بعدك هاي سكنه خا رجيـّـه

عمّي ريتك تشاهد حالتـي
عمّي من احرگوها الخیمتي
كلّ الحـرم ند بتك ايّست من جيّتك
عمّي ياعبّا س


عالهزل ركبونـــي وانحب اوبالدمع اندب ابأسمك
اوعيني صدّت عالشريعـه بالأنين اونــوح اكلمك
لليسرلمّن خذونــــــــــــي عالنهرمرّينـــــــه يمّك
لون مادلّا نـي گلبـــــــــي مااعرفت ياعمي جسمك
امگطّعــه اچفوفك شفتها اورايتك صا بغها دمّك
ابحالتك ماأدري آنـــــــــه النصـرتي انه احشمك

عمّي اهوايه عليك آنه اعتبت
عمّي ابحالك آنــــــه ماحسّبت
ابعيني شفت حا لتك ايّست من جيّتك
عمّي ياعبّا س

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

الرادود الحسيتي محمد رضا العامري

«سيف المرتضی»
«هجري»
~~~~
مـــن نزل عبّــاس بالغاظریّه
خنـّگ الانفــــا س بالغاظریّه

▪︎▪︎▪︎
من نزل بدر الهواشـــم خنــــگ للجیش النفوس
مبتســـــم للحرب ثغره الحومــه صارتله عروس
سیفه یحصد گــام بیها وعالجثث مهـــره یدوس
رکعت العزمــه الکتائب وسجدت السیفه الرئوس
چنـــــــّــه عزرائیل بیها الموت یسگیهـــــا کئوس
ابـــــــوفاضل بالمراجل اخذ مــــن حید ردروس
صاحب النوماس بالغاظریّه
خنّگ الانفــــــاس بالغاظریّه


من لمض بالحومه سیفه هجّت اشبــــــــاه الزلم
ابموتهــــــا گــامت تفکـّر اشلون منـــــّـــــه تنهزم
تیّه المشراد منهــــــــــــا شبل حیـــد روالنعـــــم
ابصارمه الفرسـان جندل وکسرمن عدهــــا العزم
وابمراجل ابـــــــــوفاضل عدها اهل کوفــــه علم
الها بارض الغاضریــــــّــه العــاروالذ ل ینرســــــم

اتلوج خلّه الناس بالغاظریّه
خنّگ الانفـــــــاس بالغاظریّه


ایدبیها الرایـــــه شایل وایدبیهـــــــــا الکون دار
ساحة المیدان رجهــــا وشعل بـــالجیمـــــــان نار
کربله ابصوتـــه رجنهـا وسیفـه یتجــــــادح شرار
اینادی اوصل للشریعــه وما اهاب آنــــــه الأخطار
والفرات ابجوداشیلــــه وآنه ابن حامـــــــی الجار
الکربله ضمنی الصمیده والهــــــــا سلّمنــی الفقار

اذبح الأرجاس بالغاظریّه
خنّــگ الانفاس بالغاظریّه


ابسیفه ابوفاضل صلاهم وامــطراعلیهم غضب
صــــــــار عزرائیل بالطف والأجل یمهـــم گــرب
والمنایـــــــه اتحیط بیهم ارواحهم غفلــــه سلب
عجّل اعــلیهـــــم المحشر ابکربلـــــــه الهم صلب
وین سبعین الف صــــارت صارت السیفـه حطب
هـــــــاذه ابن حیدروحیدر بـــــالمعــارک منچهب

ما یطخ ّالـراس بالغاظریّه
خنّگ الانفـــاس بالغاظریّه


مـــا یطخ عبّاس راسـه تطخ جدّامــــــه الألوف
لوشهرسیفـــــه ابیمینه اتطیح عالگاع السیــوف
بـالحرب هاشـــم گمرها ابدمـــــا یعرف الخـوف
کربلــــــــه انشدها عنّه وصبح عاشــربالطفـوف
بیدرابچفـــــّـه العساچر وطشّرالذیچ الصفــــوف
قسم یگطع آل امیـّـــــه لـــوبگت عنده چفـــوف

وابعلي ینقاس بالغاظریّه
خنّگ الانفــاس بالغاظریّه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri