«القدوه الحسنه»
«تجلیبه»
~~
تعوّدنه اعله حبّك کل محاچینه
یدیوان السلف بیك التربّینــــــه
▪︎▪︎
یروح المصطفی اویاکعبة الثـوار
ینبراس العلم یمحـــرّرالافــــــکار
یانهج العدالـه المـن علــــي الکرار
باصلاب اورحم یحسین نادینـــه


یبحرالماجزربالکرم احسانــــــــــه
ابدمّك دين ابوالزهره عله شانـــه
لولاك اندثــريحسين قرآنـــــــــــه
ثرت والثوره للمحشرتظل بينــــه


يالمنك نعيش ابعزتعلـّمنــــــــــــــه
اعله حب ّالخيربالاخلاص ترشدنه
ابكلام الطيب بالعشره تهذ ّبنــــــه
عالظالم حرب بافعالك الگینــــــــه


سنه للجهاد اعلــه الظلـــم سنـّیت
گلت للموت احبنــــــه اوفلاذلـّیت
هالمنهاج لـلـّـي یقتـــــــدي خلـّیت
ظلت وگفتك بالطف تغذينــــــــــه


ماننسه الضحايه اشقدّمت يحسين
اليرضع بالمهد ضحيتـه لجل الدين
جيش الواجهـــــــت جرّاربالسبعين
كل واحد ألف گـــــــــابل یوالینــــه


یظل عاشوربگلوب التحب لوعـــــه
لمصـابك تظل الشيعــه مفجوعــــه
تظل احزان بالوجــــدان مطبوعـــه
بدموع الحزن ننـدب يمهدينــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«ارتباط الروح»
«تجلیبه»
~~~
هذه اعتقـــادي للمــوت انــادي
محبوبــي صا ر شبل الکــــــرّار

▪︎▪︎▪︎
هـاك اسمع جوابي ياللي تسأ لنـي
حبّ احسين سالب عگلي جنّنـــي
ویلّلي اترید تتعرّف بعد عنــّــــــي
عبدلحسین اظـل وحبـّه مالکنـــي

خادمه وعبده لایــذ ابســـــد ّه
احمل افکــــار شبل الکـــــرّار


موحگــّي لون ابحبـّــــــه انجنّیت
مثل احسین آ نه بالخلــگ ملگیت
بطفـوفه احرمت وابکعبته صلّیت
لوما وگفته بـالطف آنــــه انذ لّیت

وگفة کرامــــــه عزّه وشهامــه
مشعل انــــــوار شبل الکـــــرّار


یظل حبي اوودادي الخامس العتره
ماجوزن ا بدمن عنده واتـبــــــــــرّه
لونحري یگطعـونـــــــــــه الــف مرّه
ولوحرگوالجسمــــي وبالهوه ا تذ رّه

ابد ماعوفــــــــه مثل اهل کوفـــــه
الخلّت محتــــار شبل الکـــــرّار


حبّ احسین یسري ابدمـي عالفطره
حدّ الموت اظلّن الهـــــــــج ابذکــره
اواجه للمصایب مقتدي ابصبـــــــره
وایماني اکتمل منّ احملت فکــــــره

فکره غذّانــــي جوهرایمانـــــي
دین المختــــار شبل الکـــــرّار


ابدمي وباللحم وابعضمي واحساسي
حبّ احسين يسري ابروحي وانفاسي
کل اعضاي من جدمي لعد راســــــــي
تصیح احسین حبــّه صارنبراســـــــي

یهتف وجدانـــي وگلبي والساني
روح الأحــــــرار شبل الکـــــرّار


هذه الحب حملتـــــه من صلب جدّي
وامـــّي چانت ابحبــــــــــّـه تهزمهدي
کبرت اویاه بالدنیـــــه وعلـــه مجدي
وغیـراحسین محبــــوب ابد ماعنـدي

هذا محبوبــــي یغفراذنوبـــــــــي
جنّه امن النار شبل الکــــــرّار


ابحب ّاحسین ما بالي الیلومونـــــــي
واللي عادتـه خلهم یسمعونـــــــــــــي
ابملك الدنيه كلـها ما يحرفـونـــــــــي
لوميّة الف مرّه يذ بحونــــــــــــــــــي

ابداًما بالــــــي ابگه موالـــــي
ويـّـه الأدوار شبل الکـــــرّار

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«جنون العشق»
«عگیلی»
~~~
ابحـبّك یحـسین ا نجنّینــــه
من شایبنه الطفل البینـــــــه

▪︎▪︎▪︎
یحسین انحبّك مـــوصِــدْفَــه
لاعـن تعــــويد اوعــن إلفـــــه
حبّك اصـــــل الدين انعرفــــه
امن الباري ا لبلّغ ها دينــــــــه


نقسم بالمهدي الننتـــــظــــــره
يحسين انحبّك عـــالفطــــــره
ارواح ابشخصك منصــــــــهره
الكلّ الاجيـــال اتغذّ ينــــــــــه


يـــــالحبّك باْصلاب الشيعـــــه
كلّفهـاالغالـــــــــي ومتبيعــــــه
يــــــــــاروح الدين اوتشريعــه
يهتف حا ضرنــــــــه وماضينه


مانتعجّب لــــــــوواحـــــــدجَن
الجنّ ابحبّك صافــــــي المعدن
ضدّه اشمـــــــــــاگــالوا یتوطّن
وقـّعـلك تشــــــهد چفّینــــــــــه


ارضعنه الحبّك نبعه الصافـــــي
واتربّینه ابحضنــــــه الدافـــــي
مطلوب الهـــالحب انــــــوافـــي
دم انطینه ومـــــابالینـــــــــــــه


اتربّینـه ابحبّك واكبـــرنــــــــــه
لولاكم احنه اتنصـّـــــرنــــــــــه
ماچان الیـــــــوجد ذکرالنـــــــه
اومــا چان اسلام اتسّمینــــــــه


شیعـه اومن فاضل هالطینـــــه
ترضون اعـــــداکم تــاذینـــــــه
یحسین اخــــلافك ذلّينــــــــــه
اومن بعدك غايب والينـــــــــــه


غاب المهدي اومــــــــــــانتحمّل
شنجاوب عنّه اللـــــــــــي يسأل
اولمچانـــــــــــه الغـایب مانندل
واسنین اندوّرملگـینــــــــــــــــه


مــانندل بیتـــــه اوعنـــــــــوانه
چارحنه اوخذنالــــــــــــه اویانه
اگـلوب امن أشیاعـــه الحزنانــه
وانقدم الشکوه المهدینــــــــــــه


شکوتنــه انقدّم للصــــــــــاحب
وانگلّــــه ابیایــوم ایطــــــــالب
الــدمّ البالطف ظـل ایخــــاطب
للواك ايحشــّــم والينـــــــــــــــه


گللي ابیایُـوم اویاســـاعــــــــــه
للعالم تلــــزم مصـــراعــــــــــــه
والحگ اترجعه الاتبــاعـــــــــــه
موسهم اعداکــــم مَض بینـــــه


یمته اترفرف رایـــــــــة حیــدر
والکل ظالــم سیفـــك يقهـــــــر
من جدّك خـذ نـاه المصـــــــــدر
لازم تظهـريـــومك وينـــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«فاطمه وكربلاء»
«بحرالسریع»
~~~~~~
من طاح ابوالسجّاد فوگ الثره
ام ّالحسن ویّــه الحرم حاضره

▪︎▪︎▪︎
من احضرت طف کربله فاطمه
وشافت النا رالبالخیم مظرمـــه
واطفال ابنها والحرم هایمــــــه
ما واحد اعلیها انکسرخــــاطره


اعلــه احسین المن تنشد الوالده
الأطفال مـا خذها الرعب شارده
وزین العباد الگـــــوم مستوحده
خــــا فت ید لّیها الأبـــــوینظره


خافت یشوف الوالد وینفجــــع
واعلام حربــــــه وثورته تنگطع
عافتـه ابحسرتها وگلب منصدع
وگصدت البتها البالحـرم حـایره


گـــــامت تدوّرعن کفیل الحــرم
صوّبها دهرالنایبـــــــه چم سهم
شافتها بین النارتطفــــي الخیم
من دم تهل اعـیونـــها امساهره


ماظل بعد تگصدلــــه امّ الحسن
ذکرت ابــــوفاضل کفیل الضعن
اتعنت لعند العلگمــــي ابهالمحن
عن حال زینب والحـــرم تخبره


من بعد سمعت وحده یمّـه تحن
هالصوت موعنـــها غریب الیون
امّ البنین الگابعـــــــــه ابهالحزن
امّ الوفــــه والتضحیــه الطاهره


من شــــافت ام عبّاس نورالصمد
امّ الحسن تحمل اچفــــوف الولد
وگفت ابحیره الجسم منها ارتعد
واتگلها عذري اتقبّلـــي امگصّره


نادتها یم عبّاس آنـــــــــه اعتذر
اذخرلچ الچفّین یـــــــوم الحشر
یـــوم القـیـــامه منهن الدم یخر
وبتراب شاطي العلگمـي امعفّره


یمّ الحسن تچیني خل نعتنــــي
لحسین من عندي الظهرمنحنـي
اولادي لجله افد یت ما همّنـــي
گـلت ابوجوده د یرتــــي عامره


العباس فــــــوگ العلگمي ودّعن
والجسم ابوالسجّاد ویلي اعتنن
منهو الید لّیهن علیـــــــه ضیّعن
دلّتهن اضلـــــوع الذي امطشّره


للمصرعــــــه وصلن دمعهن یدر
علیمن هون لوگلت فوگ الصدر
صدرابوالیمّــــه اخبرك يــــاكـتـر
راح ابحوافر خيلــــها الكــــافره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«الأمل بالدینه والأخره»
«بحرالطویل»
~~~
شبحنه العین الك یحسین
یاوارث المختار شیعه اونظل انصار
الك یحسین

▪︎▪︎▪︎
تظل منعدنــه هالأنظار الحضرتك دوم مشبوحه
اوکل مـاینولد شیعـــي بیك امعلـّگه روحـــــــه
وحـگ جثتك یبوالأکبر البگت عالغبره مطروحه
گلبنه لویجرحـــه البین حبـّـك یبري لجـروحـه

وحگ دمّك اوضلع امّك
نحملـّك الأفكار شيعه اونظل انصار
الك يحسين

نفديلك نفــــوس اومال بس ترضه يبواليمّــــــه
بالچن يوم يشملنــــــــه منعندك هـوه الرحمــــه
واحنــــه ابهاذامعتقدين شفيع اومنقذ الأمــــــــّه
سفينه الواسعه يحسين اعله كلّ السفن متقدمه

نجاة انريد بسطنه الأيد
تنجينه منّ النار شيعه اونظل انصار
الك يحسين


اشبدينه عالوكت يحسين بالطف ماحضرنه اوياك
ابعدنــــــــــه الدهرعنـّـك لاچن ابـد ماننســـــــاك
ابگلبنه جمرت امصــابك اوبالمدمــــع نظل ننعاك
اوتظل ابهل حـــزن هاذا لمّن بالحشــــــــرنلگـاك

ابشهرعاشور دمانه ایفور
نهتف ازغاراکبار شیعه اونظل انصار
الك یحسین


لــــودم الأنس والجـان کلــــــــّه یجري عالغبره
ماعادل یبوالسجـــــــّاد من دم منحـــرك گطره
اولونبگـــــــه نهاراولیل نـــون اونسچب العبره
مـانوفــــــي دمع زینب الیمـّك گعـــدت اتنثره

ابهذاك اليوم دمعها ادموم
البت حيدرالكرّار شيعه اونظل انصار
الك یحسین


احنــه ابهل عصرصرنـه منعدنـــــــــه شنوالمطلوب
بیمن جمسك ایواســـي امخضّب بالدمه اومسلوب
اوبیمن هالوکت یحسین عن وجهك نـزیل اکــروب
انچان ابهالعزه انـوافیك عزاك ابکل گلب منصــوب

لیوم الثــار تشب هالنّار
اشمامرّت الأدوار شیعه اونظل انصار
الك یحسین


یمتــــــــــه یظهرالغایب اوندرك طلعته اویومــــه
یگصد کربلـــــه ابآهات اولسّه ابباله مرسومـــــه
ابوصالح حمل شوغات اومنــــــــّه الروح مالومه
طول العمر یبچي ادموم اله صدرین مهشومـــــــه

یحشّمنـه یندبنـــه
شبل الحسن ماثار شیعه اونظل انصار
الك يحسين

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري


🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«تلبیه للحق»
«عگیلی»
~~~
ابعـــــزلبّینـــــه ابعـــزلبّینــــــه
الصـــوت الحگ ابعــزلبّینـــــه

▪︎▪︎▪︎
صوت احسین البطف نــــــــاده
ظلت هالصرخـــــــــه الأحفــاده
اولاتبـــاعـــــــه الوالت عن راده
عالموت ابدربك نادينــــــــــــــه


ابكل بيت اعلگنه اسمك شمعـه
اوظـّلت لك صرخه اويه الدمعه
ملعون اليخدم للسٌمـعـــــــــــــه
منّه وافكـــاره اتبّرينـــــــــــــــه


نبگـــــه اتباعك يـابـواليمّـــــــه
دمك واهدافك بــــالذمّــــــــــه
وانصــارك بالحب والخدمّــــــه
انمـــــــــــوت اوماغيرك والينه


تبرّينــــــــه امن الخـــانواد مّك
واللـــــي رادوا يمحــون اسمك
العنهم ماتت غضبانــــــــه امّك
الكلمن والاهـم عــــــــــادينــــه


عالحگ مثلك لامنجـــــــــــامل
اولانسكت لوشفنــه البــــــاطل
ماقلـّدنــــــــه ابدنيــــه الجاهل
هيهات ابذل چـــــــــــف مدّینه


من عندك هاذي اتعلـّمنـــــــــــه
مانهجع عــالضيـــــــم اونمنـــه
هالد ين اواحكــــــــــامه اتهمنه
اوغايتنه الطف من خلّينـــــــــه


اشرف فكره اواسمــــــی الغايه
لعقول التعطـش روّايــــــــــــــه
بدروب الحگ تحمل رایــــــــــه
عن ایمان احنــه الحبّینـــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«سرخلودالدین»
«تجلیبه»
~~~~
یبوالسجاد یاجوهرعقایدنـــــــــــه
بسـمك كل وكت تهتــف حناجرنـه

▪︎▪︎▪︎
يحسین ابنهضتك خلدت الأديـــان
لومـا نهضتك ما ظل حكم قـــــرآن
اوترد بارض القداسه تنعبد اوثـــان
وانعيش ابمتاها احنه اومبادئنـــــه


یبوالاکبرلون مــاصـوتك اینـــــادي
ویــّه اصــلاب امــّة جدّك الهـــادي
چاطعنه یزید اوفکـره منعـــــــادي
اوتتبدّل کنایس کل مساجدنـــــــه


لوما وگفتك بالطف تِظل النــــّــاس
اولايبگــــه ضمیرالهالبشرواحساس
اولاوجدان یبگه والقیـم تنــــــداس
الفخريحسين الك احيه ضمايرنـــه


حرّكت الضمايرمن دمـــه نحــــــرك
من اجل القيم تعلـه ارخصت عمرك
ظل مهوه النفوس ابكل وكت گبرك
اوظلّت تربتك كعبة مشاعرنـــــــــه


الحياة اوياك يحسين العشگنـــاهـا
الحیاة ابدون حبــــك شنهومعناها
اوعله دربك منايانـــه احنه ردنـاها
درب البيه تتنوّربصايرنـــــــــــــــه


نوّرنه البصايرصرنـه اهل ايمـــــان
اومن عندك تعلّمنه حچي الوجدان
اونهجرللضلاله من گلب والســــان
اومن قید الجهاله احنه تحرّرنـــــه


من عندك تعلّمنــه نعـيش احــــرار
نمشی اعله المنایه اومانهاب النـار
وانعاهدالك ياكعبـــــــة الثــــــــوّار
من دمنه نشيّدلك منابرنـــــــــــــه


نشيّدها المنابــــرمايهمنــــــــــه الموت
نصيح اوياك شيعه ابعالی هذا الوصت
مانرضه المذله اولاحچــــي البسکوت
اوياك اوياك مربوطه مصايرنــــــــــه


دنيه اوآخره اربطنـه المصيراوياك
سلــّه انصیربعیون الذي عــــــاداك
اونفرش بالدروب ارواح للــــوالاك
واحنه ابخدمة اتباعك تفاخرنــــه


نخدم لليحبك شرف يكسينــــــــه
عزنه ابهالخدامه اومفخره الگینــه
لان ویـّاها احنه ابـــدربك امشينـه
دربك بي شرف لوبي تظاهرنــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«صرخة التحدّی»
«تجلیبه»
~~~~
هـاذه احسین حي بـالضما ئر
عاش احسین اتصیح الحناجر
نرفعله الرایات ننصبله العزیات

▪︎▪︎▪︎
یظل وسط الظمـائرحي ابوالیمّــه
وتظل هاي الحناجرتهتف ابأسمـه
ویظل یغلي ابشرایین الگلب دمّـه
وکل جیل الیجي یستهلم العزمـه

جیل الجیل بسمه ینادي
ویل الویل کلمن یعادي
ابن ابوالحملات ننصبله العزیات


من هاذي المجالس عزّه حصّلنه
اونحارب للظلم منهـا تعلـّمنـــــه
وبیهاالدین شفنه الها تعصّبنــــه
وبهاي الخدامه الله یرحمنـــــــه

والاسلام هاي المـــواکب
بالایّــــام واجب نواضب
راعیها مامات ننصبله العزیات


اشلون ایموت للأمّـــه الیوعّیهــا
وابعیاله واخوته ودمّـه فادیهــــا
لجل هالدین زینب راضي یسبیها
ومجالس باسمه احنه ما نأدّیهـــا

لاوالله نعلنها صرخه
عاشورا ابدمنه نأرخه
ما ننسه هیهات ننصبله العزیات


یظل عاشوربینــه امصابه یتجدّد
وجمرتـه بــالگلب هیهــات ماتبـرد
صرخه اللي علنها احسین ماتخمد
وهیهات المذلـّـه چلمـــــه تتخلـــّد

بــالأزمان هاذي الشعائر
کل امچان صوت المنابر
عِبره اویه عبرات ننصبله العزیات


تظل تهتف حناجرنه عله مرازمان
ننادي احسین عدنه امعادل القرآن
المایقبل حچینه مـا ملك ايمـــــان
جاحد للرسول وخـاصم الرحمــان

مـثـل ايـزيد سوء العواقب
واللي ايريد اعلی المراتب
ابهاي الشعارات ننصبله العزيات


بيها المصطفى وصّانـــــه والزهره
الهــا دي گـال لحسین البذل نصره
ابیوم الدین آنـــــــه اوگف انتظره
وامّ احسین گالت من جره العبـره

عـل مظلوم ابـچو یشیعه
ابذاك اليوم آنه الشفیعـه
مضخوره الدمعات ننصبله العزیات


لونبچي عمرنــه ویگضي بالحسره
وبیابي العین لوتجري علـــه الغبره
ولـوکل شیعي قدّم لـلـذبـح نحــره
الدمّ احسین ماتــوصــل عشـر ذرّه

مـانوفي روح الزچیّه
منجـازي حدّ المنیّـــه
ابساعات الشدّات ننصبله العزیات

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

الرادود سيد عبد الأمير النجفي

«لبيك ياحسين»
«فائزي»
~~~
صوت مدى الزمـــان لبيك ياحسين
في نهجك الأمــــــان لبيك ياحسين
▪︎▪︎▪︎
هالصوت يبگه ابكل وكت فوك المنـــابر
بسمك يبواليمــــــه اتهتف هاي الحناجر
يامن علـــــــه الظالم ثرت للعدل ناصــر
ياكهف عزنـــــــه والشرف محي الظمائر

قـدردد اللســــــــــــان لبيك ياحسين
في نهجك الأمــــــا ن لبيك ياحسين


ابوادي الطفــوف اتنزلت قرآن الأحـــرار
كل آيــه من عندك رفض للذلـــــه والعار
للحشرتبكــــــــــه اترتلك معشــــرالثــوار
ذكـرك الباري حافظــــــه صـاطع بالأدوار

ياسيد الجنــــــــــــان لبيك ياحسين
في نهجك الأمــــــان لبيك ياحسين


منك اخذنه التضحيـــــه والعيشة اكرام
للموت گمنه نعشگــــــــه شاهده الأيـــام
چم شاب گطعت منحره شفــرت الظلام
من النحــــــربسمك هتف احيت الأسلام

لانرضـــــــى بالهوان لبيك ياحسين
في نهجك الأمــــــا ن لبيك ياحسين


معتقد عدنه كربلــــــــــه جوهرعشگنـــــه
للشـــــرف والعزوالكــرم منها كسبنــــــــه
يســـــري ابشراين الگلب يحسين حبنــــه
كربله تبگــــه ابكل عصر هيه هدفنـــــــــه

هذا لنابيـــــــــــــــان لبيك ياحسين
في نهجك الأمــــــان لبيك ياحسين


كل مايجـــــي شهرالحزن وهلالــــه عاشور
نذكرامصــــــــاب الماجره مثلــــــه بالدهور
دمعتنه تبگـــــه جاريـــــه وادمانــــــه اتفور
اتمنينه گبله ابكربلـــــــــه قدمنـــــه الأنحور

نصد عنك السنــــــان لبيك ياحسين
في نهجك الأمــــــا ن لبيك ياحسين


الطف ابد ماينســــــــــه ذكـــــره يظل دوم
بالگلب ظلت لوعتـــــــه يومك يمظلــــــوم
يالغارگ ابفيض الدمــــه والصدرمهشـــــوم
عالبشرواملاك السمـــــه اشعظمـــــه هاليوم

عاري بلا كفــــــــــان لبيك ياحسين
في نهجك الأمــــــان لبيك ياحسين

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri