«فی خدمة الحسین»
«مجرشه»
~~~
یابوالیمّــــــه یابوالیمّــه
احنه انخدمك يابواليمّــه
من عدنه اقبل يمّك سجّل
هاي الخد مه

▪︎▪︎▪︎
بالدنيـه ما ردنــــه اجر يحسين الك بالخدمـــه
ومابينـــه واحد ينتظر احّد لجلها ايكرمـــــــــه
نترجـّـه منـّك يـالولـــي نظرت عطف والرحمـــه
يحسين ردنـه ابدفترك الخادم تسـجّل اسمــــــه

اكبرنعمــــــــه اكبرنعمــه
نهتــف بسمك اكبرنعمه
احنه احفضنه ماضيعنه
هاي الخدمه


خدمتك النـــه اكبرشرف واشرف الأخلص بيها
نشأت اويانــه امن المهد ونتنومس ابطاريــــها
مثل الفريضه خــــدمتك نتوضـّــــــــه وانأدّيها
واعله هالخدمه والشرف اطفالنــــــــــه انربّيها

الخد مه انعلمه الخد مه انعلمه
ابن الـعدنـــــــه الخد مه انعلمه
اتقربه الربّه وتغفرذنبه
هاي الخدمه


خذنـــــاهـا مـن اب وجـد هالخدمــــه ما عفناهـا
الگیناها شمعه ابکل درب بالمعتقد شفنــــــــــاها
لحسین اول مـن خــــدم المصطفـه وبیها اتباها
والزهره هزّتلــــــه الــمهد جبریل چـــــان اویـاها

ایردّد بسمــه ایردّد بسمه
وحـي الباري ایردّد بسمه
جبریل انسر بیها یفخر
هاي الخدمه


کلّ الـرسل النـــــه اجت مــــــاخلف واحد وعده
گالـواعمل هــــاي البشر بین الـقبـــــــــــول ورده
اله ابخدمـة ابوالیمـّــــه واسمــــــع اشگایل جدّه
الیخدم احسین وعیلته بــالحشرآنـــــــــــه عنده

اوگف يمّـــه اوگف يمّه
يوم المحشر اوگف يمّه
آنـــــه وحیدر یمّ الکوثر
هاي الخدمه


بالدنیــــه موبس بالحشر خدمة احسین التنفــع
عنّه ارفعت چم معضلـــه وچم شدّه بیهاالنوگــع
موبس حچي بـالتجربـــه منــــــه بلاءالتدفــــــع
وابهل حچـــــي المایعتقد بالحشرباچر یسمــــــع

هاي الرحمـــه هاي الرحمه
لامــتشملــــه هاي الرحمه
اهناك الهادي بيها اينادي
هاي الخدمه


هالخدمــه بالمحشرالك يلـــــــــي خدم مذخوره
ويه الولايـــــــــه تتّحد تتّجلــــــه باحسن صوره
واثنينـهن ذنـّــي اعتقد دين النبــــــــي ودستوره
خدمه وولایه الي خمل بالحشریسطـــــــــع نوره

ابوجها البسمه ابوجها البسمه
ایلاگي الزهره ابوجها البسمه
ابدارالوسعه اهناك اتنفعه
هاي الخدمه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«لايوم كيومك ياحسين»
«بحرالطویل»
~~~~
یا مظلوم ما یوم اعظـــم من یومك
يامظلــوم امغسل ابفيض ادمـومك
خلّدهالدين دمّك يحسين

▪︎▪︎▪︎
مايسد ي مثل يـومك عله الامّــــــه يبوالاكبر
امصابك جمرته تبگه ابگلبنه الساعة المحشر
کلما نسمــع ابمچتول طفـّك احنــــــه نتذكـر
وماننســـه ابدعاشور نـــــــ.اره بالچبد تسعر

یا مظلوم ما ننســـه جسمك مسلوب
يا مظلوم ومن دمّك شيبك مخضوب
ينزف للحين دمّك يحسين


لومامنحـــــرك يجري برض الطف يبواليمّـــه
قرآن الجليل ايــروح مایبگـــــــــه بعد رسمه
ترجع تعبد الاصنـــام لوماتدرك الامّـــــــــــــه
کل گطره دمـــه منّك للامّه الف رحمـــــــــــه

يا مظلوم من حـــــــــــــاربت للظالم
يا مظلوم حرّرت انتـــــــــــــه الوادم
لاماناسين دمّك يحسين


ماننســـــه عليك اشصار يبن الطاهــــ..ره الزهره
ابروحك عالوطيّه اتجود جسمك بــــي الف طبره
والـمثلـّث مـــــرد چبدك طحت اوياه عله الغبره
ياهوالـمنذبح ظامـــــــي والخيل اهشمت صدره

يا مظلوم منّ الگفــــــــه انحزنحرك
يا مظلوم زينب عالتل اتنظــــــــرك
تنظربالعين دمّك يحسين


زينب نـــــادتك يحسين اعلينـه هجمت الفرسان
گــــــــــوم وانظراعیالك بخيمـــــها تـشب نيران
ما ظن تسمــــــع اعتابي گطعــــوا نحرك العدوان
يخويــــــه سلـّمت امرك وامـري الرادت الرحمان

يا مظلوم لوعدل گوم احمینــــــــه
یا مظلوم ادرکنـــــــــــــه یا والینه
مطلوب ابدین دمّك يحسين


زينب گصدت المصـرع یبوالیمّــه ابسواد اللیل
اجت تتعثـّرابهمــــــــهـا مصـابك هدّ ملها الحیل
ودمعتــــــها مثل نحرك من جفن العقيله اتسيل
تبعتها الحـــرم يحسين ابمناحه وابلطم واعويل

يا مظلوم وحده اعلی نحرك طاحت
يا مظلوم يا بويـه اسكينــه صاحت
ابچه الثقلین دمّك يحسين

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«اصوات الخالده»
«چلمه اونص»
~~~
هالاصوات هالاصوات
ويــه الدهرهالاصوات

▪︎▪︎▪︎
كل دوراتظـــــــــ.ــل وكل جيل
بســـــــــــم الطف تقره ابترتيل
من دمّ الدمعـــــــــــــات اتسيل
لامامات لامامات
صوت العدل لامامات
ويّه الدهرهالاصـوات


اصـــــــــــــــوات التنصرهالدين
قـائدها ابواليمّــــــــــــه احسين
ماهابت اخطـــــــــــــــــــارالبين
بالكلفات بالكلفات
ماتنثنــــــي بالكلفات
ويّه الدهرهالاصـوات


ماهزها ريـــــــــــــــح الأخطــار
ســـــــارت ابــــــــــركب الأحرار
ويّــــــه ابن حمّاي الجــــــــــــار
هالنيّات هالنيّات
خلصت اله هالنيّـات
ويّه الدهرهالاصوات


هذاالمنبرمــــــــــــــــاعفنـــــــاه
اونتفّهم جـــــــــــــــــوهر معناه
عزّه وكرامـــــــــ.......ــه الگينـاه
والدمعات والدمعات
راية نصروالدمعــات
ويّه الدهرهالاصوات


ماعفنــــــــه هاي العزيــــــــــات
ويّاها دمعــــــــــــــه اوصرخات
وانقدســـــه بيهااللي مـــــــ.ــات
بالرايات بالرايات
نرفع اسمـه بالرايات
ويّه الدهرهالاصوات


لوبسم احسين اهتفنـــــــــــــــه
من ّالذبــــــح مـــاخفنـــــــــــــه
ابحبّـــــــــــــــه یتوّحدصفنـــــه
لاهيهات لاهيها ت
لاما نذل لاهيهــــات
ويّه الدهرهالاصوات


احسين ابنحرنـــــــــــــه نفديـه
ومعقوده الامـــــال اعليــــــــــه
اويوم القيامـــــــــــــــه انلاگيـه
بالشدّات بالشدّات
النه ایحضربـــالشدّات
ويّه الدهرهالاصــوات

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«سلوة الحسینیین»
«عگیلی»
~~~~
یحسین ا تباعـك سمّـــونــــه
اوبها ذه الآسم ایقدسونــــــه

▪︎▪︎▪︎
يحسين اتبـــــــاعك بـــــالشدّه
الثـاراتـك عدّ ينـــــــــــه العــده
والصـــــــــــاع ابصاعين انـردّه
الماسمعوا خلـّـــــــي ايسمعونه


نعلنهاوخل كلمن يسمـــــــــــــع
صرخات اتدوّي ابكل مسمــــــع
من شايبنه اوحتـّه اليرضـــــــع
اعمــــــا رابد ربك مرهونــــــــه


ماهمنـــه الظالم واسيــــوفـــــه
منهاجك هيهــــات انعـــــــــوفه
عِبره اوخذناهـاامن الكــــــــوفه
انمـوت اودربك لامنخــــــــــونه


عاهد نـــه الشخصك عـاهدنــــه
عِدعينك ابشرقـــــــائدنـــــــــــه
نگطــع چفـّه الیوصل حدنـــــــه
لــوننخه ابأسمك عرفــونـــــــــه


نتنخـّـه ابأسمك يالوالــــــــــــــي
نجدم عالموت اومنبالــــــــــــــي
اسفلهاانخلـّيه العالـــــــــــــــــــي
الماصد گواخلّــي ایجربونــــــــه


خلـّـــــــــــــي ایجرّبنه الماصدّگ
عدنـــــــــه اذراع امجرّب بالطگ
من نهتف بسمك لجل الحـــــــگ
هیهــــات اعداك ايغلبـــونـــــــــه


لــوواحدخذنـــــــــه امن اتبـاعك
السيف ايحزنحره اومـــــــابـاعك
لن ماخـذ يحسين اطبــــــــــاعك
واعداکـــم عيب ايذلـّـــونــــــــــه


اشلـون انذل واْنتـــــــــه التهدينه
ويـّاك العزّه احنــــه الگینــــــــــــه
والعـالـــــم یتغــزّل بینـــــــــــــــه
ثـــــــــــوّاراومثلك فهمونـــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت


الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«القدوه الحسنه»
«تجلیبه»
~~
تعوّدنه اعله حبّك کل محاچینه
یدیوان السلف بیك التربّینــــــه
▪︎▪︎
یروح المصطفی اویاکعبة الثـوار
ینبراس العلم یمحـــرّرالافــــــکار
یانهج العدالـه المـن علــــي الکرار
باصلاب اورحم یحسین نادینـــه


یبحرالماجزربالکرم احسانــــــــــه
ابدمّك دين ابوالزهره عله شانـــه
لولاك اندثــريحسين قرآنـــــــــــه
ثرت والثوره للمحشرتظل بينــــه


يالمنك نعيش ابعزتعلـّمنــــــــــــــه
اعله حب ّالخيربالاخلاص ترشدنه
ابكلام الطيب بالعشره تهذ ّبنــــــه
عالظالم حرب بافعالك الگینــــــــه


سنه للجهاد اعلــه الظلـــم سنـّیت
گلت للموت احبنــــــه اوفلاذلـّیت
هالمنهاج لـلـّـي یقتـــــــدي خلـّیت
ظلت وگفتك بالطف تغذينــــــــــه


ماننسه الضحايه اشقدّمت يحسين
اليرضع بالمهد ضحيتـه لجل الدين
جيش الواجهـــــــت جرّاربالسبعين
كل واحد ألف گـــــــــابل یوالینــــه


یظل عاشوربگلوب التحب لوعـــــه
لمصـابك تظل الشيعــه مفجوعــــه
تظل احزان بالوجــــدان مطبوعـــه
بدموع الحزن ننـدب يمهدينــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«ارتباط الروح»
«تجلیبه»
~~~
هذه اعتقـــادي للمــوت انــادي
محبوبــي صا ر شبل الکــــــرّار

▪︎▪︎▪︎
هـاك اسمع جوابي ياللي تسأ لنـي
حبّ احسين سالب عگلي جنّنـــي
ویلّلي اترید تتعرّف بعد عنــّــــــي
عبدلحسین اظـل وحبـّه مالکنـــي

خادمه وعبده لایــذ ابســـــد ّه
احمل افکــــار شبل الکـــــرّار


موحگــّي لون ابحبـّــــــه انجنّیت
مثل احسین آ نه بالخلــگ ملگیت
بطفـوفه احرمت وابکعبته صلّیت
لوما وگفته بـالطف آنــــه انذ لّیت

وگفة کرامــــــه عزّه وشهامــه
مشعل انــــــوار شبل الکـــــرّار


یظل حبي اوودادي الخامس العتره
ماجوزن ا بدمن عنده واتـبــــــــــرّه
لونحري یگطعـونـــــــــــه الــف مرّه
ولوحرگوالجسمــــي وبالهوه ا تذ رّه

ابد ماعوفــــــــه مثل اهل کوفـــــه
الخلّت محتــــار شبل الکـــــرّار


حبّ احسین یسري ابدمـي عالفطره
حدّ الموت اظلّن الهـــــــــج ابذکــره
اواجه للمصایب مقتدي ابصبـــــــره
وایماني اکتمل منّ احملت فکــــــره

فکره غذّانــــي جوهرایمانـــــي
دین المختــــار شبل الکـــــرّار


ابدمي وباللحم وابعضمي واحساسي
حبّ احسين يسري ابروحي وانفاسي
کل اعضاي من جدمي لعد راســــــــي
تصیح احسین حبــّه صارنبراســـــــي

یهتف وجدانـــي وگلبي والساني
روح الأحــــــرار شبل الکـــــرّار


هذه الحب حملتـــــه من صلب جدّي
وامـــّي چانت ابحبــــــــــّـه تهزمهدي
کبرت اویاه بالدنیـــــه وعلـــه مجدي
وغیـراحسین محبــــوب ابد ماعنـدي

هذا محبوبــــي یغفراذنوبـــــــــي
جنّه امن النار شبل الکــــــرّار


ابحب ّاحسین ما بالي الیلومونـــــــي
واللي عادتـه خلهم یسمعونـــــــــــــي
ابملك الدنيه كلـها ما يحرفـونـــــــــي
لوميّة الف مرّه يذ بحونــــــــــــــــــي

ابداًما بالــــــي ابگه موالـــــي
ويـّـه الأدوار شبل الکـــــرّار

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«جنون العشق»
«عگیلی»
~~~
ابحـبّك یحـسین ا نجنّینــــه
من شایبنه الطفل البینـــــــه

▪︎▪︎▪︎
یحسین انحبّك مـــوصِــدْفَــه
لاعـن تعــــويد اوعــن إلفـــــه
حبّك اصـــــل الدين انعرفــــه
امن الباري ا لبلّغ ها دينــــــــه


نقسم بالمهدي الننتـــــظــــــره
يحسين انحبّك عـــالفطــــــره
ارواح ابشخصك منصــــــــهره
الكلّ الاجيـــال اتغذّ ينــــــــــه


يـــــالحبّك باْصلاب الشيعـــــه
كلّفهـاالغالـــــــــي ومتبيعــــــه
يــــــــــاروح الدين اوتشريعــه
يهتف حا ضرنــــــــه وماضينه


مانتعجّب لــــــــوواحـــــــدجَن
الجنّ ابحبّك صافــــــي المعدن
ضدّه اشمـــــــــــاگــالوا یتوطّن
وقـّعـلك تشــــــهد چفّینــــــــــه


ارضعنه الحبّك نبعه الصافـــــي
واتربّینه ابحضنــــــه الدافـــــي
مطلوب الهـــالحب انــــــوافـــي
دم انطینه ومـــــابالینـــــــــــــه


اتربّینـه ابحبّك واكبـــرنــــــــــه
لولاكم احنه اتنصـّـــــرنــــــــــه
ماچان الیـــــــوجد ذکرالنـــــــه
اومــا چان اسلام اتسّمینــــــــه


شیعـه اومن فاضل هالطینـــــه
ترضون اعـــــداکم تــاذینـــــــه
یحسین اخــــلافك ذلّينــــــــــه
اومن بعدك غايب والينـــــــــــه


غاب المهدي اومــــــــــــانتحمّل
شنجاوب عنّه اللـــــــــــي يسأل
اولمچانـــــــــــه الغـایب مانندل
واسنین اندوّرملگـینــــــــــــــــه


مــانندل بیتـــــه اوعنـــــــــوانه
چارحنه اوخذنالــــــــــــه اویانه
اگـلوب امن أشیاعـــه الحزنانــه
وانقدم الشکوه المهدینــــــــــــه


شکوتنــه انقدّم للصــــــــــاحب
وانگلّــــه ابیایــوم ایطــــــــالب
الــدمّ البالطف ظـل ایخــــاطب
للواك ايحشــّــم والينـــــــــــــــه


گللي ابیایُـوم اویاســـاعــــــــــه
للعالم تلــــزم مصـــراعــــــــــــه
والحگ اترجعه الاتبــاعـــــــــــه
موسهم اعداکــــم مَض بینـــــه


یمته اترفرف رایـــــــــة حیــدر
والکل ظالــم سیفـــك يقهـــــــر
من جدّك خـذ نـاه المصـــــــــدر
لازم تظهـريـــومك وينـــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«فاطمه وكربلاء»
«بحرالسریع»
~~~~~~
من طاح ابوالسجّاد فوگ الثره
ام ّالحسن ویّــه الحرم حاضره

▪︎▪︎▪︎
من احضرت طف کربله فاطمه
وشافت النا رالبالخیم مظرمـــه
واطفال ابنها والحرم هایمــــــه
ما واحد اعلیها انکسرخــــاطره


اعلــه احسین المن تنشد الوالده
الأطفال مـا خذها الرعب شارده
وزین العباد الگـــــوم مستوحده
خــــا فت ید لّیها الأبـــــوینظره


خافت یشوف الوالد وینفجــــع
واعلام حربــــــه وثورته تنگطع
عافتـه ابحسرتها وگلب منصدع
وگصدت البتها البالحـرم حـایره


گـــــامت تدوّرعن کفیل الحــرم
صوّبها دهرالنایبـــــــه چم سهم
شافتها بین النارتطفــــي الخیم
من دم تهل اعـیونـــها امساهره


ماظل بعد تگصدلــــه امّ الحسن
ذکرت ابــــوفاضل کفیل الضعن
اتعنت لعند العلگمــــي ابهالمحن
عن حال زینب والحـــرم تخبره


من بعد سمعت وحده یمّـه تحن
هالصوت موعنـــها غریب الیون
امّ البنین الگابعـــــــــه ابهالحزن
امّ الوفــــه والتضحیــه الطاهره


من شــــافت ام عبّاس نورالصمد
امّ الحسن تحمل اچفــــوف الولد
وگفت ابحیره الجسم منها ارتعد
واتگلها عذري اتقبّلـــي امگصّره


نادتها یم عبّاس آنـــــــــه اعتذر
اذخرلچ الچفّین یـــــــوم الحشر
یـــوم القـیـــامه منهن الدم یخر
وبتراب شاطي العلگمـي امعفّره


یمّ الحسن تچیني خل نعتنــــي
لحسین من عندي الظهرمنحنـي
اولادي لجله افد یت ما همّنـــي
گـلت ابوجوده د یرتــــي عامره


العباس فــــــوگ العلگمي ودّعن
والجسم ابوالسجّاد ویلي اعتنن
منهو الید لّیهن علیـــــــه ضیّعن
دلّتهن اضلـــــوع الذي امطشّره


للمصرعــــــه وصلن دمعهن یدر
علیمن هون لوگلت فوگ الصدر
صدرابوالیمّــــه اخبرك يــــاكـتـر
راح ابحوافر خيلــــها الكــــافره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«الأمل بالدینه والأخره»
«بحرالطویل»
~~~
شبحنه العین الك یحسین
یاوارث المختار شیعه اونظل انصار
الك یحسین

▪︎▪︎▪︎
تظل منعدنــه هالأنظار الحضرتك دوم مشبوحه
اوکل مـاینولد شیعـــي بیك امعلـّگه روحـــــــه
وحـگ جثتك یبوالأکبر البگت عالغبره مطروحه
گلبنه لویجرحـــه البین حبـّـك یبري لجـروحـه

وحگ دمّك اوضلع امّك
نحملـّك الأفكار شيعه اونظل انصار
الك يحسين

نفديلك نفــــوس اومال بس ترضه يبواليمّــــــه
بالچن يوم يشملنــــــــه منعندك هـوه الرحمــــه
واحنــــه ابهاذامعتقدين شفيع اومنقذ الأمــــــــّه
سفينه الواسعه يحسين اعله كلّ السفن متقدمه

نجاة انريد بسطنه الأيد
تنجينه منّ النار شيعه اونظل انصار
الك يحسين


اشبدينه عالوكت يحسين بالطف ماحضرنه اوياك
ابعدنــــــــــه الدهرعنـّـك لاچن ابـد ماننســـــــاك
ابگلبنه جمرت امصــابك اوبالمدمــــع نظل ننعاك
اوتظل ابهل حـــزن هاذا لمّن بالحشــــــــرنلگـاك

ابشهرعاشور دمانه ایفور
نهتف ازغاراکبار شیعه اونظل انصار
الك یحسین


لــــودم الأنس والجـان کلــــــــّه یجري عالغبره
ماعادل یبوالسجـــــــّاد من دم منحـــرك گطره
اولونبگـــــــه نهاراولیل نـــون اونسچب العبره
مـانوفــــــي دمع زینب الیمـّك گعـــدت اتنثره

ابهذاك اليوم دمعها ادموم
البت حيدرالكرّار شيعه اونظل انصار
الك یحسین


احنــه ابهل عصرصرنـه منعدنـــــــــه شنوالمطلوب
بیمن جمسك ایواســـي امخضّب بالدمه اومسلوب
اوبیمن هالوکت یحسین عن وجهك نـزیل اکــروب
انچان ابهالعزه انـوافیك عزاك ابکل گلب منصــوب

لیوم الثــار تشب هالنّار
اشمامرّت الأدوار شیعه اونظل انصار
الك یحسین


یمتــــــــــه یظهرالغایب اوندرك طلعته اویومــــه
یگصد کربلـــــه ابآهات اولسّه ابباله مرسومـــــه
ابوصالح حمل شوغات اومنــــــــّه الروح مالومه
طول العمر یبچي ادموم اله صدرین مهشومـــــــه

یحشّمنـه یندبنـــه
شبل الحسن ماثار شیعه اونظل انصار
الك يحسين

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري


🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri