«عزیزة الحسین»
«بحرالطویل»
~~

طفله رقیــّـــــــه اشتحمل رزیــّـــه
من کربله لشّا م راحت سبیــّــــــه

▪︎▪︎▪︎
مصایب کربله جرعت طفلـه اشتحمل الأهات
انولدت چنها للأحزان اومهدها هزّتـه النکـبات
بالطــف فتّشت للعین اوشافت عینها الويلات
الطفل یتناغه بالبسمه مویتناغــــــه باللوعات

ابأوّل عمـــــــــرها تمشــي ابیسرها
خلّه ابمتنها اوسام سوط آل امیــّــه


مشت امیسّره اوعـــافـت جسم الوالد امگطــــــــّع
علـــــي الأ کبراوعبد الله عافـت یمـّـه بالمصـــرع
روس اویاهه فوگ ارماح اوجسمهم عا لثّره اموزّع
علیهم تجذب الحسـرا ت اوخدها حوفره المدمــع

لمصاب اهلـــــــــهـا د معه تهلـــــــــها
مفجوعه منها الروح منّ الغا ضریـّـــــه


مشت وابکربلـــه اشعافت ابوها غارگ ابدمــــــّه
اوعافت کل املـــــها ویاه اوخدرها وسدته یمـّه
مدري اعلــــه الد هرتعتب لوتعتب عله الأ مـــــّه
الأمّه ابکربلــــــــه بالخیل رضّت صد رابوالیمــّــه

اوسلّبت جسمــــــه اوحرگة اخیمـّــــه
بالچبد هـــــاي النار ظلت سریــّــــــــه


للکوفـــــــه ابیسرراحت اوتحمل بـــــــالگلب آلام
عـــــــزها والدلال الچان یاوسفــــــه صفه احلام
لبــوها اوجمعت الخوّان حلوه چانت الأیـــــــــّام
اجت الکربلـــــــه ابعزها وابذلها مشت لشــــــــّام

چان ابــوفا ضل للحــــــرم کـــــافل
وینه الگمرعبّاس ما ید ري بیــّــــــه


رقیـّه امن اوصلت للشّام منّ السـوط المتن اسود
جسمها سلّتــــــــه بالنّوح ابگلبـــها الجمره ماتبرد
الیتامـــــــــه لوتنام اللیل علیــــهـا الحزن یتجدّد
اتسولف تبگه ویـّه الراس اونار البیـــــــها تتوگــّد

اتگلّه یوالــــــــي انظرالحا لـــــــــــي
بویه العمرمـارید وین المنیـّــــــــــــه


واعلیها اشد امصــــــاب ابــوها ابحلم من شافت
فـزّت والفکـــــر مرعوب وبحــــــــرگة گلب ناحت
تدوّرگامت اعلـه احسین اوبصـوت الحزن صاحت
یعمـّه والدي شفتـــــــــه اومهجته الحالتــي ذابت

عودي یشمنــــــــي وللصدرظمنـــــــي
ینشدني عنّ الصار والجره اعلیــّـــــــه


رقیـه من سمعها ایزید تبچي اعله الأبوابهاللیل
گال اخذ الطشت الــها خل منها یزید اعـــــ.ویل
جابو راس ابوالسجّـاد ومن نحره دمـاه ایسیل
تگلـّه یالأبو فــــــرگاك من عندي هدم للحیــــل

نحرالمدمــّـــــــــــه گا مت تشمّـــــه
شبگت بدیها الراس اوراحت ضحیه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

https://t.me/falehalameri

«جمرة الفراق»
«شیعتي»
~~~
شبحة رقیــّــــه ا لعین المصرع ابوها احسین
ابجسمه کلفــه اجروح من نحره دمّه ایفـــوح

▪︎▪︎▪︎
اتعاين ابعین الفجيعـــــه للأبو جثــّــه سلیبــــــه
هالجسم جســــــم النبوّه صفوة الباري اوحبیبـــه
ضامي حزّولــــــه وریده اشعظم هاذي المصیبــه
اوعالرمح راسه تشوفـــه اوشیبته بالدم خضیبــه

نحره انگطع عطشان مرمـــــــي عله التربان
والينه عنـّــــه انروح من نحره دمّه ایفـــوح


تبتدي من یامصیبــــــه محنتــــــي کلـّش چبیره
من زغرسنّي یتیمــــــه وامشــي هالنوبه یسیره
لورحت عالغبـره اعوفن امجزّره کـلّ العشیـــــره
عمّي عالشاطي اعوفــه ماد ره طایحــه ابحیـره

امشي اودموعي اتسیل یامحنه گلبـــي ایشیل
ذوّب الیــّــــــــه الروح من نحره دمّه ایفـــوح


المصرع احسین اعتنیته اوجسمه الدامي حظنته
اتمدّدت عالأرض یمّــــــه اوللأبوابلوعه ندبتــــــه
گتله یابویــــــــه اروحن بالیسرترضه نشدتــــــه
اسمعته الحالـــي تهظـّم امن النحریبچي سمعته

الصدره الأبوظمنــــي اوچتّا لـــه یدفعـنــــي
فارگته آنـــــــه ابنوح من نحره دمّه ایفـــوح


یاذنب آنه الجنیتـــــــــه امصایب الد نیه لفنـّـي
طفلــــه شتحمّل نـوایب کربله انشدها عنـّــــــي
شفت يابويّـــه العجایب والمصایب وشّحنـّـــــي
امتوني وچفوفي تسولف اسیاط امیّه من ولنـّي

امتونـــــي تشهد سود ظیمي اشچــي للمعبود
اوعفت الأبــو مطروح من نحره دمّه ایفـــوح


عنّه مجبوره خذونــــي الدیرة الکوفـــه سبیّــــه
واسمــــــع الوادم تنادي هذا رکب الخارجیــّـــــه
النا س تتفرّج علیـّـــــه وآنه بت حامي الحمیّـــه
ریته حاضرجدّي حیدر اوینظرابعینه الیـّــــــــــه

للکوفـــــــه من طبّیت وینك علـــــي ناديت
عفت الأبــو مذ بـــوح من نحره دمّه ایفـــوح


والأشد من هالمصـــایب الشام وایّامه افجعنـّـي
السوط یتلوّه اعله متني عالأبومن یعله ونـّـــــي
وآنه عالناگــــــــه انوحن ابچفّه الظالم صفعنــي
اوبالخرابه نزّلونــــــــــي وین ابوي الیوم هنـّــي

وین الأبو ها لیـــــــوم عگبه ولتنـــي الگــوم
منهوالیحشمـــه ایروح من نحره دمّه ایفـــوح

▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

شبحة رقيه العين
المصرع ابوها حسين

كلمات الشاعر /فالح العامري
بصوت. ( مسلم المطيري)

رقيه یوم عاشر
الوزن شبگها
~~~~

عمه شوفي جرح متني
وين عمي راح عنــــــي
مايجنيه مايجينه
>>>>>>>>>>>>>>>>>>
عمه لفيني ابعباتچ يالحنينــــــــــــه
بعد عمي ابكربله احنه انولينـــــــــه
عمه اسياط العده نشكف بدينـــــــه
راح نمشي باليسر من يجي لينــــــه

امشي واحبال ابديـــــــه
انه بت العز رقيــــــــــــه
الكفل وينه مايجينه

>>>>>>>>>>>>>>>>>>>
عمه نيران الخيم شبت عليـــــــــــه
من يطفيها بعد اهل الحميـــــــــــــه
امشي خلي نعتني العمي الشفيـــــه
اله عيني انطيها واهديله اديـــــــــه

انركب اجفوفي اعله زنده
يـــــــــــاجرح عنده نشده
غفت عينه مايجينه

>>>>>>>>>>>>>>>>>>
عمه شوفي جرح اذني سلبونــــــي
انه ياذنب الجنيته يضربونـــــــــي
من بعد عمي اوعودي استوحدوني
عمه باچر هم سبيه ياخذونـــــــــي

الكوفه عمه اشلون اطبها
اعليـــــــــه تتفرج اهلها
ابو اسكينه مايجينه

>>>>>>>>>>>>>>>>>>>
اتگلها عمه اشلون نوصل للشريعــــه
عمج الجفين من عنده گطیعــــــــــه
عله شاطي العلگمي جثته صريعــــه
وانتي عندي منه ياعمه وديعـــــــــه

انتي ياعمه امانــــــــــه
واليسر بعده ورانــــــــه
ابهل الظعينه مايجينه

>>>>>>>>>>>>>>>>>>
يارقيه متنج المن دمـــــــــــه يجري
ابوسط گلبي انه احس نيرانه تسري
اتذكرت متن الزچیــــــه ابزغر عمري
انشدتـــــه امكسره الحسره ابصدري

امتونچ اشبيهن یعمـــه
كل متن يتجاره دمـــه
يانبينه مايجينه

>>>>>>>>>>>>>>>>>
السوط هذا اجه من يوم المدينـــــه
والخيم نيرانها شبت علينــــــــــــــه
آه يايوم السقيفه اشعمل بينــــــــــه
يارقيه احنه من عنده انسبينـــــــــه

متنج اومتن الزچیــــه
هالبگن جرحين بيــــه
لونخينه من يجينه
>>>>>>>>>>>>>
تمت
الشاعر فالح العامري

https://t.me/falehalameri

كلمات
#الشاعر_فالح_العامري
اداء الرادود الحسيني
#مؤيد_المياحي