«بطلة کربلاء»
«موشّح»
~~~
اللیلــــــــــه زینب ودّعت دنیاها
وخذت للـزهـره عتب ویـــّــــاها

▪︎▪︎▪︎
مثـــــــل هذا اللیــل زینب تندفـــن
لمها راحت تشچـــــــــي آلام وحزن
اتگلها یمّــــــي ما غمض بعدچ جفن
وفرگتچ روحــــــــــي الأجل راواها


اللیله زینب تلتقـــــــــي ویّه البتول
والعتب بیناتهن یحلـــــــــه ویطـول
اتگلها یمـّـــــــي حین غطـّاچ الأفول
بتّچ ابضيمــــــــــــــه الدهرغطـّــاها


یمّي منّ الدهر فارگنـــــــــــي اویاچ
گلبي ما لحظـــــــــه یالحبیبـه نساچ
ریت اخذني الموت یمـّـــه وماخذاچ
وروحــــــي دونچ لــوحصل افدیــها


ریت دونچ يمّه عالعتبــــــــــه هویت ولامصایب دیرة الکوفـــــــــه سلیت
نارعالعتبـــــــه الهبت بـــالطف لگیت
نار بــابـــــچ والخیـــــــــم شنســاها


بعدعینچ مارحم بیـــّــــــــــــه الزمن
غیّرت لرسومـــــــــي یــایمّـه المحن
اعلیّــــه وحده ابـأثـر وحده اترادفن
الرادها منــّــــــــــــــــي الدهرسواها


الــدهـر راد الحسـن من عندي خذاه
وگبل دمــــع النظردلالــــــــــي بچاه
نعشه حملو واصرخت آنــــــــه وراه
خویـــــــــــه منهوالعیلتـك يرعاهـــا


بگت روحي اعلــــه الحسن ولهانـــه
تشب ناري امن اصدخالــــي امچانه
ولعد یوم الاجل عشت احزانـــــــــه
وذبلت اعیونـــــي ابکثرمبچـــــــاها


وشرد اسولفلـــــچ بعد عنّ الطفـوف
ریت یمّــــي حاضره وعینـچ تشوف
اشلون ابوالسجّـــــــاد مابین الألوف
والعطش فت چبدتــــــه اوچـــوّاها


لیش عفتینــــــي المصایب کربلــــه
فاجد ه الولیان وارعـــــــه العایلــــه
هم سمعتي من اندبت عقد الولـــــه بــــــــــــــــي احشّم عیلته یحماهـا


یمّي گضّیت ابمصایب دنیتــــــــــي
وابگلب مجروح اجیت ابطلبتــــــي
للشفاعه اطلب ییمـّــــــــه الشیعتـي
منّچ الهم یالزچیـــّـــــــــــه ارجاهــا


لجلچ ولجلـــــــــــــــي مآتمهم جرت ولویمراسمــــــــــــي مدامعهم جرت
ولبنـچ المحجـــــــــوب یامااتنطـّرت تنتظرجیتــــــــــــــــــه الیفل بلواها

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«زينب ومصاب رقيه»
«موشح»
~~•
شلون بيه كلفتنــــــي يبواليمه بالأيتام
شلون بيه من رقيه ماتت ابديرة الشام
شحمل امصايب بعد گلبي ياخويه انمرد
من رقيه ماتت ابديرة الشام

▪︎▪︎▪︎
رحت خويـه اميسره وابــــــــلا نصير
اوياي اطفـــــال اوحـــــرم بيهم احير
اعلينــــــــــه الشمـــــات بالنظره تدير
چنــــــــي اعرف شنهو بالشام المصير

شلون بيه لورقيــــــــــه شافتك بحلامها
شلون بيه يبواليمـــــــــه اوگربت ايامها
طحنه بالشام ابشدد گلبي ياخويه انمرد
من رقيه ماتت ابديرة الشام


خويه بأرض الشـــام طبيت اواشوف
زلم والنســــــــوان تلعب بالد فــــوف
عيد عدها الچتلك ابوادي الطفـــــوف
احس گلبـــي عالحــرم ماخذه الخوف

شلون بيه من اطبن آنــــه ديوان اللعين
شلون بيه للحرم ماكومحامــي ولامعين
لااخوعندي اوولد گلبي ياخويه انمرد
من رقيه ماتت ابديرة الشام


بالخرابه نزلــــــونــــــــــــي الظالمين
انـابتمن جدي سيــــد العـــــــــــالمين
عودي حامــــــي الجار امير المؤمنين
اوچان خادم بيتـــــــي جبريل الأمين

شلون بيه آنه امي فاطمه بت الكرامــــه
شلون بيه بالخرابه انزلت آنه واليتامـــه
اعليه المصايب اشد گلبي ياخويه انمرد
من رقيه ماتت ابديرة الشام


ابهالخرابــه افـــــــــزعت بتك تنتحب
هاليتيمـه اعليك مدمعـــــــــــها يصب
تلهج ابأسمك اومرعوبــــــــــــه الگلب
امنين اجيبك الهابديــــــــــــــار الغرب

شلون بيه من سمعها ايزيد تطلب شوفتك
شلون بيه قدم الــها الراس حين الشبگتك
والنفس منها خمد گلبي ياخويه انمرد
من رقيه ماتت ابديرة الشام


شبكت الراسك يبن عقــد الولــــــــــه
اونحرك ابلهفـــــــه الغريبــه اتقبلــــه
ضجت اوياها ابمناحــــــــه العائلــــه
عادت اعلينه نوايب كربلـــــــــــــــــه

شلون بيه هالغريبه ابدارغربه راح اعوف
شلون بيه شنهوعذري من اردلك للطفوف
الموتها راسك شهد گلبي ياخويه انمرد
من رقيه ماتت ابديرة الشام


چنـي اسمـــــــــــــع صوت بتك باللحد
وجرت نيران اليــــــــــــــــــــــه بالچبد
اتگلـــي عمــــــــه الظعن للطف من يرد
بسم ابــوي احسين نــــــــــادي من بعد

شلون بيه الك اروي يافجيعه اويامصاب
شلون بيه والجره علينه يخويه من عذاب
دونكم عزنه انفگد گلبي ياخويه انمرد
من رقيه ماتت ابديرة الشام

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«امربع غربة رقيه»
«تجليبه»
~~

راحت باليسر بتك يبواليمــــــــــه
من الطف گلبها ينزف الدمــــــــــه

▪︎▪︎▪︎
من الطف عله نــــــــــوگ الهزل راحت
گلبـها والچبد من الهظــــــــــــــم ذابت
ياما غصص بأرض النايبـــــــــه شافت
شافت عالوطيـــــــه اضلوعك امهشمه


خذوها من الطفوف اوگاصده الكوفـــه
هالطفله ايديها ابحبل مچتوفـــــــــــــه
يريت اليــــــوم عمها الحالها ايشوفــــه
طول الدرب هيه تندب ابأسمــــــــــــــه


امن اسيــــاط العده منها المتن مجروح
ماعدها اهل وين الغريبـــــــــــــه اتروح
عمها ويــــــــــــــــه ابوها والأخومذبوح
ماظل والي يسمـــــــــــــــــع للگلب همه


مشت وسط الچبد نيران ملتهبــــــــــــه
رقيه بعد اهلها اليـــــــــــــوم متغربـــــه
من دم الغريبه المدمــــــــــــــع اتسچبـه
والراس الغريب ابلوعه اتكلمــــــــــــــــه


تكلم راس ابوها والدمـــــــــــــــع يجري
عليّ صعبه اليسربويـــــــــــه مثل عمري
اشوفن هالمصايب وآنــــــــــه من زغري
بعيوني اشوفن دنيتـــــــــــــــــــي ظلمه


يبويه اشلون راح آنــــــــــه اطب للشام
اينزلونــي ابخرابــــــــــــــه زمرة الظلام
يابويـه واشوفك آنــــــــــــــــه بالأحلام
وشوف الخيزران الثغرك اوموسمـــــــــه


من نومي افزيالوالـــــــــي مرعوبــــــــه
واسمع گلبي ناده هله ابمحبوبـــــــــــــه
من جابوك الي والشيبه مخضوبــــــــــه
صحت ابصوت وين الزهره يايمّـــــــــــه

▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

https://t.me/falehalameri

راحت باليسر بتك يبو اليمه
من الطف گلبها. ينزف الدمه

كلمات الشاعر/فالح العامري
بصوت. ( مسلم المطيري)

«عزیزة الحسین»
«بحرالطویل»
~~

طفله رقیــّـــــــه اشتحمل رزیــّـــه
من کربله لشّا م راحت سبیــّــــــه

▪︎▪︎▪︎
مصایب کربله جرعت طفلـه اشتحمل الأهات
انولدت چنها للأحزان اومهدها هزّتـه النکـبات
بالطــف فتّشت للعین اوشافت عینها الويلات
الطفل یتناغه بالبسمه مویتناغــــــه باللوعات

ابأوّل عمـــــــــرها تمشــي ابیسرها
خلّه ابمتنها اوسام سوط آل امیــّــه


مشت امیسّره اوعـــافـت جسم الوالد امگطــــــــّع
علـــــي الأ کبراوعبد الله عافـت یمـّـه بالمصـــرع
روس اویاهه فوگ ارماح اوجسمهم عا لثّره اموزّع
علیهم تجذب الحسـرا ت اوخدها حوفره المدمــع

لمصاب اهلـــــــــهـا د معه تهلـــــــــها
مفجوعه منها الروح منّ الغا ضریـّـــــه


مشت وابکربلـــه اشعافت ابوها غارگ ابدمــــــّه
اوعافت کل املـــــها ویاه اوخدرها وسدته یمـّه
مدري اعلــــه الد هرتعتب لوتعتب عله الأ مـــــّه
الأمّه ابکربلــــــــه بالخیل رضّت صد رابوالیمــّــه

اوسلّبت جسمــــــه اوحرگة اخیمـّــــه
بالچبد هـــــاي النار ظلت سریــّــــــــه


للکوفـــــــه ابیسرراحت اوتحمل بـــــــالگلب آلام
عـــــــزها والدلال الچان یاوسفــــــه صفه احلام
لبــوها اوجمعت الخوّان حلوه چانت الأیـــــــــّام
اجت الکربلـــــــه ابعزها وابذلها مشت لشــــــــّام

چان ابــوفا ضل للحــــــرم کـــــافل
وینه الگمرعبّاس ما ید ري بیــّــــــه


رقیـّه امن اوصلت للشّام منّ السـوط المتن اسود
جسمها سلّتــــــــه بالنّوح ابگلبـــها الجمره ماتبرد
الیتامـــــــــه لوتنام اللیل علیــــهـا الحزن یتجدّد
اتسولف تبگه ویـّه الراس اونار البیـــــــها تتوگــّد

اتگلّه یوالــــــــي انظرالحا لـــــــــــي
بویه العمرمـارید وین المنیـّــــــــــــه


واعلیها اشد امصــــــاب ابــوها ابحلم من شافت
فـزّت والفکـــــر مرعوب وبحــــــــرگة گلب ناحت
تدوّرگامت اعلـه احسین اوبصـوت الحزن صاحت
یعمـّه والدي شفتـــــــــه اومهجته الحالتــي ذابت

عودي یشمنــــــــي وللصدرظمنـــــــي
ینشدني عنّ الصار والجره اعلیــّـــــــه


رقیـه من سمعها ایزید تبچي اعله الأبوابهاللیل
گال اخذ الطشت الــها خل منها یزید اعـــــ.ویل
جابو راس ابوالسجّـاد ومن نحره دمـاه ایسیل
تگلـّه یالأبو فــــــرگاك من عندي هدم للحیــــل

نحرالمدمــّـــــــــــه گا مت تشمّـــــه
شبگت بدیها الراس اوراحت ضحیه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

https://t.me/falehalameri