«مصائب زينب»
«تجليبه»
~~~~
آه يـــــــــــــازينب گلبچ اتعذّب
اگبالچ عصرو صدر الزهـــــــــره
اوشفتي احسين الهشمـو صدره
▪︎▪︎▪︎
چم محنـــــــــــــه اورزيّه زينب اجرعتــــــــي
عصروفاطمـــــــــــه عالحا يط اوشفتــــــــــي
اشلون الهل مصيبـــــــــــه انتي تحمّلتـــــــــي
كل يــــــــوم اليمر هالفاجعــــــــــه اذكرتــــــي
دمعــــــچ مانشف والنــــــــــــــوح بطـّلتـــــــي
وابگلبـــــچ تشب نيـــــران واصبرتــــــــــــــــي

للضلــع كسره عينچ اتنطــــره
اومحسن طايـــح فــوگ الغبره
اوشفتي احسين الهشمو صدره


من اوّل حياتچ انتــــــــي مظلومــــــــــــــــــــه
علـــــــــــــه وجهچ دمعتچ دوم مرسومــــــــــه
كل ساعــــــــــــــه دليلچ تكثر اهمومــــــــــــــه
كبرتي اومن حنان امّچ المحرومــــــــــــــــــــــه
اوشفتي شيب حيدر خضّبه ادمومــــــــــــــــــه
مثلچ ماحصل بالدنيــــــــــــــــه مهظومــــــــــه

صـــــارلچ عنوان ياأمّ الأحزان
اونيران احزانـــچ مستعــــــــره
اوشفتي احسين الهشمو صدره


الله ابعـــون گلبچ من نظرتـــــــــــــــــــــي الباب
تلهب نار ماتطفـــــــــــــي ابد مــــــــع سچــّــاب
نفس النــــــــــــــــــار بالطف حــــرگت الأطنـاب
محسن طايح شفتـــــــي دمـــــــــــــه عالأعتاب
وعبدالله انذبــــــــــح جدّامـــــچ ابنشـــّــــــــاب
امصـــــــاب الطف اشد اعليــــــچ كل امصــــاب

امذبحه الوليان اوبالخيم نيران
اوها لنـــــــــــا ر ابگلبچ متوجره
اوشفتــي احسين الهشمو صدره


اهوايــــــــــــــــــه هالمصايب عندچ ارويلــــــــي
ياهو اعظــــــــم مصــــــــــاب اعليچ گلـّيلــــــــي
آيــــــــمّ الحزن بالمدمــــــــــــــــــــع احچيلــــــي
چنــــــــــــــها اتگول يامن تسأل اصغيلـــــــــــــي
امصــــــــــاب احسين دولبنياوهدم حيلــــــــــــي
بعداحسين آنــــــــــــــــــــــه مانمت ليلــــــــــــــي

بالطف آلامــي اصعب ايّامـــي
اگبالــــي انذبحت اخوه العشره
اوشفتي احسين الهشمو صدره


ياشيعــــــه گضّيت آنـــــــــــــــــــه ابحزن عمري
من فگد الزچيـــّــــــــــــه مدمعــــــــــــــي يجري
اوعنّ الطف شسولف حرگتــــــــــــــــــه ابصدري
يالوعـــــــــــــه اومصيبـــــــــــــــه اجرع ابصبري
وبعد احسين ياشيعــــــــــــــه حـــرت بمــــــــري
طايح عالنهر ويلـــــــــــــــــــــــــــي الكفل خدري

ياهو اندبنــــه المصرعه اتعنـّه
عبّـــــاس اللـــــــي گطعـو نحره
اوشفتي احسين الهشمو صدره


ياشيعـــــــــه طحت بالطف انــــــــــــــه ابحيره
آنــــــــــه امخدّرت عبّـــــــاس ابـــــــــــو الغيره
الچـــــان الكون اخوي ابيمنتــــــــــــــــه ايديره
اعوفــــــــــــــه اعلــــــــه النهرمنهو الــــي غيره
اروح اميسّــــــــــره من ديــــــــره الديـــــــــــره
اطب اشلون للكوفـــــــــــه انــــــــــــــه ايسيره

وشتگول الناس انه اخت عبّاس
هاذه الظيم اعليــّـــــــــــه اليجره
اوشفتــــي احسين الهشمو صدره


اشجره اعليّه هظم بالكوفــــــــــــه وارض الشــام
اشوفنـــها ليالــــــــــــــــــــي صارت الأيـّـــــــــــام
اشيتحمّل بعد دلالــــــــــــــــــــــــــــــــــي من آلام
چتـّا ل اخوتـــــــــــــي ايباريها لــــــــلأيتــــــــــام
اوبعد عبّـــــاس تحدي ظعنــــــــــــــــي الظـــــلام
ياريتـــــــــــــــــــــــه العمـــــر بعد الأخـــــــو لادام

حالفت للنوح والگلب مجروح
دلالــــــــــــــي اجروحه الماتبره
اوشفتي احسين الهشمو صدره
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

تشيع نعش زينب
ميمر
ـــــــــــــــــــــــــ
شيعو نعــش ام الخدر هاللــيله
هاذي عقيلة علي حامي ادخيله
▪︎▪︎▪︎
عالروس زينب خل نعشها انرفعـــــــــــه
هاي الوديعـــــــــه من علي والبـــضعـــه
ننصب مآتــمـــــــــها اونهل الـــدمعـــــــه
خلــــــو لبو فاضل يـــجــــــــي اناديـــله


خلـــــــــــي نشيعها ونـــهل دمــع العـيـن
هاي السبــــــــــوها من بعد جتل احسین
اوعالعلگمــــــــــي عافت گطیع الچــفـین
للــشام راحت هيــــــــــه تحـمي الــعــليه


هاي الكفيلــــــــــــــــــــــه من بعد كافلها
فاطمــــــــــــــــــــه الصغره ربنا الجاعلها
ثورتها احنـــــــــــــه واجب انواصلــــــها
وللاجیال بكل عـصر نرويـلـــــــــــــــــــه


ماتت غريبـــــــــــــــــه والغرب ضاهدها
عن الغــــــــــــــرب خل نگعد اناشــــدها
جتها المنيـــــــــــــــــه والي ماضل عدها
لااخــــــــــــــــــو عدها والهــظم تشكـيله


خلـــــــــــــــي نشيعها وانرج أرض الشام
زيـــنــب نگـلهــــــــم لا ابد ماتنظـــــــــام
انــخــليــــــها ذكـرى خالـده بالأيــــــــــام
الـيــظلمها زيـنـب هالعصر ياويلـــــــــــــه


خلـــــــــــــــــي نشـيعها اوبســمها انــادي
هاذي حفيده للرســــــــــــــــول الـــهــادي
نگطــــــــــــــــع اچفوفه الـها من ایـعــادي
عالروس نعش ام الأحزان انشيلــــــــــــــه


خلــــــــي ندفنـها ابگلـبنــــــــــه ام الحزن
حــتـــــــــــــــــــى تسـمعنه عليـها من نون
نــحفـــــــــر الـــــــــهـا لـحد مابيــن الجفن
هالنـعــــش ارواحـنـــــــــــــــــــه نفــديــله

▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

غیر مبري الذمه کل من یتلاعب في القصیده او یغیر اسم الشاعر

https://t.me/falehalameri

《زينب الكبرى》
《فزاعيه》
~~
گومو نشيع بت علي
ماتت غريبه الليلـــه
▪︎▪︎▪︎
هالليه بت حامي الحمـــــــه
ابحجر المنيه نايمــــــــــــــه
اعليه بجت عين السمــــــــه
جبريل دمعه ايسيله


ختمت عمـــــــــــرها بالغرب
ماتت اومكســــــــــورة گلب
بالچبد نیــــــــــــران التشب
هيه الحزن تحديله


اليـــــــــــوم وافـــاها الأجل
ياحيف بت خيـــــــــر العمل
ماتت اومـــــــــــــاعدها اهل
غربه نعشها اتشيله


هاي امن اهل بيت الكســـــه
بـــت فاطمــــــــه خير النسه
طاهـــره الروح امــقدســـــــه
بــــت عــلي حامي ادخيله


مــــرتين هيـــــــــــه اتغــربت
للــشـام بالـــوعــــــــه اعتنت
مــره ابيــتامـــــــــها اگصدت
والـــجسم غادي انحيــله


الروح من عدهــــــــا اضهرت
للــــباري بالهــــــــــم ارحــلت
ليــش المـغسله مــــــــارضت
هــذا صــعـب تاويــله


ياريت ابو الــيمــــــــه حظــر
ايغـــسله بدمـــــــــوع النظــر
والگـــبـر بچــفـوفــــــــه حفر
اعلـــیها الــتراب ایهــیله

▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

غیر مبري الذمه کل من یتلاعب في القصیده او یغیر اسم الشاعر

https://t.me/falehalameri

《وفاة زينب ع》
《تجليبه》
~~
لفت للشـــــــــام تتعثر بالهموم
توگع عالوجه زینب امن اتگوم
▪︎▪︎▪︎
صدت عینـــــــها عالشجره شافتها
هاي اول مصيبـــــــه اليوم ذكرتها
تتسابگ غدت عالوجنــــــه دمعتها
من الشجره گلب ام الحزن ملچوم


حمل اهموم جابت من اجت للشام
من حرگ الخیم من هجمت الظلام
من لوعة رقيه من سبــــــي الأيتام
من شافت اخوها صدره المهشــوم


زينب ياهي تنســــــه اوياهي تذكر
تنسه امصــاب ابو فاضل ابو الأكبر
اوراسه عالرمح گطر دمــــه المنحر
عله جسمه تشوف الحرم كلها اتحوم


لأرض الشــــام زينب هالفت مرتين
مره باليســـــــر وياها راس احسين
كل ساعــــــــه يراويها الشمر چفین
من ذاك الوكت لســــه دمعها ادموم


هالمره المنيـــــــــــــه اوياها جابتها
بديار الغرب اتطفـــــــــــــي شمعتها
عن الطف بعيده اوفجعت اخـــوتها
هذا اصعب واشداعليها من كل يوم


بفراش المنيــــــــــــــه والهظم لمها
صدت للمدينـــــــــــه اتحشم ابأمها
لن صــــــــوت الصده من بعد كلمها
يازينب اصبري اعلينــــه هالمحتوم


نادتها ييمـــــــــــــه الموت ماهمني
لچن ديره غريبــــــــه هذا هاظمني
ردت احسين لوعباس يدفنـــــــــي
اموتن بالغرب هذا عليه مقســـــوم

▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

https://t.me/falehalameri

«شجون وعتاب»
«تجليبه»
~~~~
اجيت امن الكفيل اعتاب الچ جبته
اعتاب من الأخو يتعذرمن اختـــــه

▪︎▪︎▪︎
من الطف اجيت الشــــوگ يحدينـــي
گومــــــــي اليوم يازينب تلگينــــــــي
اسمعي من بعد آهاتــــــــي واونينـــي
گبرچ بالمناحه اولوعتـــــــي اگصدتــه


اعتنيت الحضرتچ مني الگلب مجروح
اريد اليــوم اعينچ عالحزن والنــــــوح
وانوح اوياچ عللي امن الگفـــه مذبوح
واخاف الجرح گلبچ انــــــــــــه هيجته


من عبّـاس اجيتچ والدمــــــــــع يجري
نيـــــــــــران العتب يــازينب ابصــدري
يخت عبّـاس افديلچ انـــــــــــــه عمري
عگبچ يالعقيلــــــــــــه العمر ماردتــــــه


اجيت اشچــي الچ آلامي يخت احسين
وادموع الحزن تجري علـــــــــه الخدين
منعندچ اريدن طلبــــــــــــــه لتگـــولين
ماريدن عذرلاوالله مووكتـــــــــــــــــــه


اجيت الحظرتچ وانسولف انــــــه اوياچ
واحطن يمنتـــــــــــــــي يازينب ابيمناچ
خلينــــــــــــي اخدمچ واخدم الــــوالاچ
للعز والكرامـــــــــــــه ابخدمتچ شفتــــه


عتابي اللي حملتـــــــه راح اسولف بيـــه
اريدابخدمتچ هذا العمر اگضيــــــــــــــــه
واسمـــــــــي اويه الخدم يازينب اتكتبيه
اوتدرين العمر للخدمه واهبتــــــــــــــــــه


يزينب خادم آنـــــه الكم اقبلينـــــــــــــي
دنيـــــه اوآخره ادخيلچ ادركينـــــــــــــي
من اهوال يــــــــوم الحشرنجينــــــــــــي
هذا اكبرشرف بالدنيــــــــه انه اكسبتـــــه


جبت ويـــــاي الچ مشيـــــــه الأخوعبّاس
لتراب اليسحگـــــــــــــــه فدوه كل الناس
وابّابچ گعدنــــــــــــــه نلطم اعلـــه الراس
اوعندي ايمان آنه امرادي حصلتـــــــــــــه


اجيتچ واحمل ابروحــــــي چثيره اهموم
امنين ابدي عتابــــــــــــــي حايره هاليوم
من كثرالهظم منــــــــــــــــي الگلب مالوم
واصبر عالحزن منچ تعلمتـــــــــــــــــــــــه


يزينب طلبتـــــــــــــــي انتـــــــي تعرفيها
مايحتــــــــــــــــــــــــاج يم الحزن ارويها
زايرانــــــــــــــــــه اجيت الروحي بشريها
واعليچ الآمل بالدنيـــــــــه علگتــــــــــــه


للتل من اشوفــــــــــــــــــه اتذكر العاشور
واحس دمي ابشرايينـــــــــي اليدورايفور
چن صوتچ اسمعــــــــه اينادي اهل الجور
حد الموت اخوي احسين ماعفتـــــــــــــه


وسفــــــــــــــــــه محضرت وياچ يازينب
اوعله راســــــــــــي الخيم نيرانها التلهب
واروح اميسره للشـــــــــــــــــــام واتغرب
اوراس احسين طول الدرب رافگتـــــــــه

▪︎▪︎▪︎▪︎▪︎▪︎▪︎▪︎▪︎▪︎
تمت

الشاعر فالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«مصاب العقيله»
«تجلیبه»
~~
من حیدر زینب صبرها
من حیدر منشأ فکرها
من حرگت الباب رافگها المصاب

▪︎▪︎▪︎
شنهوالورثته زینب الحامي الجـار
اخلاق اوحلم والحکمه والأفکـــار
اوتتأسّه ابعلي اعلیها الدهر لوجـار
ویّاه عاصرت من ظل جلیس الدار

ابلا ناصر من بگه وحده
ابلا ناصر والأمــّه ضـدّه
والنـّوب المحراب رافگها المصاب



یـاهواللي مثلهـا اتحمّل النکبـات
زینب فتـّشت عینـاها عاللوعـات
مایوم التفارگ روحـها الشوغـات
من کسرالضلع والکربلـــه ابآهات

چم امصاب یـحمل گلبهـا
چم امصاب اتورثـّت امها
چم لوعه واصواب رافگها المصاب


صبــرزینب والله عالجبل لــوحل
چاذاب اوشموخه ابساعه یتزلزل
اوصبرایّوب یمها لـووگف یخجل
مصایب کربلـه من وحده یتململ

لوایّوب بالغاضریّــــه
لوایّوب اتدرکه المنیّه
لفراگ الأحباب رافگها المصاب


الدهـرضدّالعقیلــه ابغـدره اتحزّم
اخذامـها وابـوها اوبـیها مـایرحم
اونکبها اشلون نکبه ابشهرالمحرّم
حتـّـه الیرضع ابمهده ابنبل افطـم

والولیان منعدها راحو
والولیان عالغبره نامو
چفـّنها التراب رافگها المصاب


ارید انـشدها زینب عن فـرد منظـر
مـن طلعـت تدوّرعـالأخــــو اوتعثـر
الشمرشافت لأخوها من الگفه ینحر
گلبها اشگال اظنّــه امن الصدرفرفر

ابهالمنظر یلّلي تناشدها
ابهالمنظر الله یساعدها
مدمعها سچّاب رافگها المصاب


کل صبرالصبرتـــه لاچن اعله احسین
جزه حدّالـصبرمن شفتــــــه امسلبین
من اذکرمصــابــــه تـجـري دم الـعـین
واصیح ابصوت یاهي مثلي بالکونین

کل عمري اگضیته ابمناحه
کل عمري مــاشفت راحــه
منهاالگلب ذاب رافگها المصاب

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«وارثة النوائب»
«بحرالطویل»
~~
صبرها زینب اشکبره
عمرهـا تسچب العبره

▪︎▪︎▪︎
ورثـت هالصبــــــر زینب منّ الوالــده الـــــزهره
من شافت هذیــــچ النار اعله باب الدارمستعره
ابسهمه الدهرصـــــــوّبها من ذاك الضلـــع كسره
وگبل احسین اخوشافت محسن وگـــع عالغبره

وامـها طایحه بکتره
عمرها تسچب العبره


علیها الدهرشن حربـــــه وعمرها بأوّل اسنینـــه
حــــــگّ الوالد ایغصبوه وماله واحد ایعینــــــــه
صــــــارالحکم للطاغوت وجدها حرّفودینــــــــه
ونعش امها اندفن باللیل وعنها الگبر یخفونـــــه

تودعه وبالگلب جمره
عمرها تسچب العبره


اشیتحمـّل گلب زینب بعدماجره ابیـــــــوم الباب
فگد الوالد ه اشخلـّف ابوسط الگلب الف اصواب
وبعد هذه الجـرح یدّي اجتها طبــــــــرة المحراب
بعیون المصیبه اتشوف حيدر بالدمــــــــه اخضاب

ابوها حید راتنظــره
عمرها تسچب العبره


وظلـّت بین هالنــــارین وصبــــرهـا الکل صبربرّد
وکلما تـذکرالکــــــــــرّار والزهره الحـــــزن یشتد
انــّوب الدهرصوّبـــــــها اصواب الجرحه ما یضمد
شـــافت بالطشت زینب امگطــــّع چبد ابومحمّد

یا ریت تحضرالزهره
عمرها تسچب العبره


یا هواللــــي مثل زینب روح اسئل جمیــع الناس
لوگا لـــــــــوصبرایــّوب الصبرها عشرمـا ینقـاس
مصایب کربلــه جرعت الگلبـــــها شیّبت والراس
تشوف الشمرحزنحرین نحراحسین والعبـّــــــاس

والهـم ما بگت نصره
عمرها تسچب العبره


بیها کربلـــــــــه اشخلـّت خلـّتها عمـــــــرها اتنوح
ومن عدها الجسم نحلان وچبدها والگلب مجروح
والمجروح گلبــــه اشلون من عنده تهید الـــــروح
زینب روحها اویه احسین بالطف والگلب مذبـوح

والخیل هشمت صد ره
عمرها تسچب العبـره


والیوم ارجعت للشـــام وزادت والله لوعتــــــها
من ابعیـــــد من شافت خیال الشجــــره عرفتها
هاجت بالعقیلـــه احزان جرت عالوجنــه دمعتها
صاحت صوت یبن امّـي ودنت منــــــــها منیّتها

جدهـا راحت اتخبره
عمرها تسچب العبره

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«روايت الحزن»
«مجرشه مقسوم»
~~~
آلام من ترویـــها آلام عاشت بیـهـا
زینب امّ الاحزان من فگدت للولیان

▪︎▪︎▪︎
أوّل نوایبــــــــها اللـّفت من رحل جد ها المختار
با نت علا یمـها اعرفـت للعتره ما ظل معیــــــار
عــــرفت الوادم خالفت بیعة ابـــــــــوها الکـرّار
ابیاحا له زینب شاهدت تلهب اعلـــه الباب النار

بالباب صدرامکسّر بالباب خیها امکوّر
ويّه الأم عالتــربان من فگدت للولیان


زینب العاشت ها لمحن اتهـــون ابوجود الاحباب
یرعاها الحسین اوحسن وخیمـه الابوداحي الباب
وعبّـــاس متکفل الظعن بالحرب سیفـــه الینهاب
رد وغد ربیـــــــها الزمن حیدر وگــــــع بالمحراب

من طاح عُود الحرّه من طاح سورالعتره
اخیمهاالتهبت نیران من فگـــدت للولیان


جبریل من نـاده اسمعت صوت السلب منها النوم
للمسجد ابلـوعـه افزعت عالارض توگع وتگــــــوم
وابعتبــــة البـاب اوگعت من شافته اتحمله الگوم
یاهــــي المثلها اتجرّعت هالنایبه ابشهرالصـــــوم

احزان ماتنســــــــاها احزان تبگه اویاها
انطبعت ويّه الوجدان من فگـدت للولیان


وشکبـــره صبرامّ الحزن شافت مصـــایب نارین
ناراعله بـــاب امّ الحسن ونارابخیمـــها اموجرین
وصدرین الهــــا اتهشّمن صدرالزچیــــّه واحسین
اوطشتین للروح افجعن صابن گلبــــــهااصوابین

اومظلوم یقذف چبده اومظلوم بالطف وحده
ما رحمولــــه الرضعان من فگــــــدت للولیان


آیا مصا یب کربلـــــــــه زینب تشـــــاهد بالعین
نایم چفیل العایلـــــــــه مگطوعـه منّه الچفـّین
وانصـاراخوها امجندلـه متخضّبـــــه ابدمّ البین
وها لصبرمن یتحمّلـــــه وبیــــوم فگدت سبعین

ولیان من تندبهـــــم ولیان من تحسبهم
راح العز اللــــي چان من فگدت للولیان


وعلیهــا اشد محنه اللفت للیســــــــرمن نادوها
وایام اخـــــــوها شاهدت فوگ الهِزل چتفــوها
واعداها للحومــه اگصدت الرُوس الزلــم حزّوها
فوگ الرمـــــــــاح اتعلـّگت للکوفـه من گصدوها

ابیاحال تمشي اویاهم ابیا حال تحت الواهم
ناراتشب بالصیــــــوان من فگــــــدت للولیان

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«نارالخیم منّ البا ب»
«تجلیبه»
~~~
تکفـّلت ابحــــــرم یا شیعة احسین
کثــربیّـــــــه الأ لم یا شیعة احسین
الخیم شبّت علینه من نارالمدینــه

▪︎▪︎▪︎
انه زینب یشیعــه لوتذ کرونــــــــــي
ابگلب مفجوع والونـــّه اند بونــــــي
آنه امّ الحزن گامـوا یسمّونــــــــــــي
من کسرالضلع هالدمعه بعیونــــــــي

عله کسرالضلـــــــع یا شیعة احسین
دم جریت الدمـــــع یا شیعة احسین
فگدت امّي الحنینه من نارالمدینــه


من زغري زماني خیّب آمالــــــــــي
نارالباب والمحسن بگه ابّالــــــــــي
ونارالطف یشیعه مرمرت حالــــــي
لعد یوم الحشـرمرسومه بخیالــــي

اعلیــه لمّن یهل یا شیعة احسین
یلفي لیّه الأجل یا شیعة احسین
بهلالـــه انسبینه من نارالمدینــه


مثل هضمي یشیعه ماجره اعله احّد
مصابي اعله الجبل لوحل الــــه بدّد
بعدذیچ الجـلا له وخـــد ري المشیّد
یشیعه امن الضرب صارالمتن اسـود

تالي عگب الخدر ياشيعة احسين
بالچفــوف استتر یاشیعة احسین
واحبــا ل البدیـنـه من نارالمدینه


یشیعه مابگتلي امن البواچي ادموع
وماصدّگ مثل گلبي یصح مفجـــوع
چم نحرالشفت بالطف الـي مگطـوع
الضلع الباب زادتله الطفوف اضلـوع

چم مصیبه احملت یا شیعة احسین
بالطفــوف اوشفت یا شیعة احسین
اعدانه امسلـّبینـه من نارالمدینــه


شفت طفلین حگهم غصبته الأمّــــه
واحد کتلته اوچان اببطن امّــــــــــه
وعبد الله ابحظن عود ه نزف دمّـــه
عُمرصـوّب دلیلي وحرمله ابسهمــــه

بالسهـــام انصبــت یاشیعة احسین
چم حبیب افگـدت یاشیعة احسین
العده جا رت علینه من نارالمدینه


یشیعـــــه والأشــدکل نا یبه اعلیــّه
عگب ذیچ اخوتــــي المتکفـّله بیـّـه
عقیلة حیدره ایسمّوني مسبیـّـــــــه
واطب مجلس یزید ابن الیهودیــــّه

ابمجلسه امن اوگفت یاشیعة احسین
بالدمـــــــــوع اندبت یاشیعة احسین
اضل عمري حزینه من نارالمدینه


وشفــت منــظریشیعـــــــه للچبد مرّد
تضل نیرانه تسعرلحظـــــــــه مـــاتبرد
علي السجــّاد للشام المشــــــــه امگیّد
یحاچیني ابدموعه التجري فوگ الخد

وانظر الجامعــــه یا شیعة احسین
ابرگبته طابعـــــه یا شیعة احسین
ابها لولیه انولینه من نارالمدینه


یشیعــــه المجلس الشامات انه طبّیت
الچتل احسین بد فوفــــه یدگ الگیت
گبل هذا یشیعـــــه لـومتت یـــــــاریت
ولاذا ك الطشت بعيونـــي الــه صدّيت

فت د لیلي ا لطشت یاشیعة احسین
من نظرتــه صحــت یاشیعة احسین
ابشوفه املوّعینه من نارالمدینه

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«عتاب وامصاب»
«صدردارمي»
~~~
مــــاردت بعدك عمري ونارالأحزان ابصدري
خویه یاخویه الغالــي خویه یاخویه

▪︎▪︎▪︎
تربّینـه آنــــــه اویاك تهوانـي وآنـه اهواك
حبـّــــي سره بـدماك یـــــاخویه ما انساك
حبّــــك یظل بالروح ويـّــــه الفکر میروح
ابگــــه الهج اباسمك اودمعـــي مثل دمّك

لمصابك عالخد یجـري یا خویه حرت ابأمري
وانته یالتدری ابحالي خویه یا خویه


والکربلـــــه من جیت اويـــــاك ارضها لفیت
وابهــــالأرض حسّیت یاخویه آنـــه انذلـّیت
عــالنهرانته اتنــــــــام ابگـــــــه ابیسرظلام
والخيــــــــم تلهب نار مـحـّد الـــــي نـغـّـار

وانتهك بعدك خدري عبّاس اشیحمل صبري
افراگك صعب یلوالـي خویه یا خویه


غدرتنه هالأیـــــــــّام طحنـــــه ابیسرظلام
تاخذنه لرض الشـــام اسمــــع بچي الأیتام
وانظرعلي السجـــــّاد عالناگــــــــه بـالأقیاد
یجري دمــــوع العین ویندب ابـوه احسین

ابذلـّه الیسرما تدري لسیاط کسرت ظهري
بیها الشمریبرالــــــي خویه یاخویه


للکوفه اطب اشلون والظعنـــــــي یتلگـّون
وعلیّه یتفرجــــــون وابحـالــــي یتشمتون
آنه اخـت عبّــــــاس تعرفنـــــــي کلّ الناس
محّد خیالي ایشوف تالـــــي الزند مچتوف

محسبت یغدردهري واعلیّه هاذه الیجري
ما خطریوم اببالـــي خویه یاخویه


وینك یراعـــــي الزود یابوالفضل والجـــود
اچفــــوفك لون اتعود وبینـه الوطنّه اتعود
ادرکنــــــه هاذه الیوم بعدك ولتنــــه الگوم
یاخویــــــه بینه اترید اهل الـغـــــــدر لیزید

هالخبرشاغل فکري یالچبدناره التسري
وامگطـّع الدلالـــــي خویه یا خویه


شيگصده دربــــه ابعید الگــــــي الشام ابعید
والطاغـــــي منـّه ایرید ثــــــارالأجداد ایعید
راســك اوراس احسین لطـّاغـــي یودّه البین
اشـلـــــون الوکت غدّار سلـّط علینــــه اشرار

اتمنـّیت اویاکــم گبري اولاامشی خویه ابیسري
اوراسك اشوفه اگبالي خویه یاخویه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«قافلة الأحزا ن»
«چلمه اونص»
~~
آنــــــه بت سيد الاكوان
اخت الغريب العـطـشان

▪︎▪︎▪︎
ياشيعــــــــــــــه سمعواعتابـــي
آنه اويـــــــــــــــه روس احبابي
محّد يـــــرد اجوابــــــــــــــــــي
ويحمينـــــــــــــي من هالعدوان


الهــــــــــــــــــــــم اصد ابياعين
روس الشبيبه اويـــــــه احسين
وي محملــــــــــــــــــي متغربين
والجســـم فــــــــــــــوگ التربان


ضعن المشـــــــــــــــــــــه متغرّب
المن احشـّــــــــــــــــــــــم واندب
واعله اخوتـــــــــــــي حگ اعتب
ارجال الوغـــــــــــــــــه والميدان


كل ساعــــــــــــه اعاتب وي راس
راس ابواليمّــــــــــــــــــه وعبّاس
واصحابـــــــــــــــه خيرة هالناس
اهل الوفــــــــــــــــــــه والأحسان


الراس ابــــــوالاكبـــــــــرصد ّيت
والمدمــــــــــــــــع من دم هلـّيت
وابحرگتـــــــــــــــــــي ليه ناديت
بعده انــــــولت هالنســـــــــــوان


فــــــــــوگ الرمح جاوبنــــــــــي
يیزي العتب الـّمنــــــــــــــــــــــي
وزوّداهمومـــــــــــــــــــي اوونـّي
وزادت عليـّـــــــــــــــــــه الأحزان


النــــــوب العتب ياخذنــــــــــــي
الراس الأخوالكافلنـــــــــــــــــــي
شنهوالغيّبك عنــّـــــــــــــــــــــــي
للخدر ياســـــــــــور الچــــــــــان


وينــــــــــــــــه اليحامي احدودي
اووارث شجاعـــــــــــــــــة عودي
عبّاس اخويـــــــــــــــــــه وزودي
الهاشم گمـــــرها وعدنـــــــــــــان


عالشاطــــــــــــــي طايح والجود
راعـــــــــــــــــــي المراجل والزود
وراســـــــــــــــــه انهشم بالعامود
ودلالــــــــــــــــــــــــه يلهب نيران


وساعــــــــــــــــه اصدراس الاكبر
ياويلـــــــي شفتــــــــــــــه امطبّر
نادانـــــــــــــــــــــــــي منّ المنحر
ياعمـّـــــــــــــــــــه چبدچ خلصان


وابلوعتـــــــــــــي وآلامــــــــــــي
انظــــرشفت جدّامــــــــــــــــــــي
راس العـــرّيس الدامـــــــــــــــــي
يضوي ابــــــوسط هالشبّـــــــــان

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri