«آهات زينب»
«الوزن شيعتي مقفى »
~~


بالأنين وبالحنين زينب اتـــودع الحيـات

▪︎▪︎▪︎
ودعت زينب عمــرها وانطوت صفحت صبرها
مدرسه يبگــه فكرها مايمـــــــــوت ابدا ذكرها

خالده ويه الحسين مدرسه للتضحيات


لونگـــــــول ام المصايب والگلب منعدهـــا ذايب
الدنيـــــه راوتها العجايب والضلـــع راس النوايب

والگلب منهاحزين من فعل ناس الجنات


بالعمرطشتين شـــــافت كل طشت منعنده ماتت
مهجت ام الخـــــدرذابت منهن ام الحـزن صارت

اوشافت الشمر اللعين يگطع انحورالأبات


الكربلـــــه مرتين دخلت مره ويـــــه اخوتها طبت
اومره من الشـــام ردت لليتامــــــــــه بيها رجعت

يوم اجت بالأربعين اعليها عادت ذكريات


اتذكرت حرگت خيمــــــها اتذكـــــرت مقتل زلمها
اتذكرت لوعــــــــة حرمها اتذكرت همها اوهظمها

اعيال اخوها امسلبين بالسياط املوعات


كثرمن الشــــــــــام ونها باليسرمن طب ضعنــها
اليوم ردت وبحزنـــــــها الموت ساعاتــــه لفنها

للأخومشبوحه عين من دنت منها الوفات

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

اخواني اخواتي شوفي هذا الفلم ماي الفرات طفح ووصل للتل الزينبي وانا كتبت عليه قصيده على هذا الحدث واحب انشرها في قناتي

《اه ياماي الفرات》
《تجليبه 》
~~
شاطــي العلگمي الزينب تعناها
عليمن جاي شنهو عندك اوياها

▪︎▪︎▪︎
يامـــــــــــاي الفرات اشجابك ابهالحين
ماتذكر انتـــــــــــــــه المارويت احسين
على جرفك يشاطــي انگطعت الچفین
زينب هالمصايب شنهوا تنســــــــــــاها


ياماي الفرات اشجابك ابهل اليــــــــوم
گلب ام الحزن منك تــــره مالــــــــــوم
اشتظن ابجيتك عنــــــــها تزيل اهموم
على زينب تزود انتـــــــــــــــــه بالواها


اجيت اليــــــــوم شنهوا جايب الزينب
ماتدري گلبــــــــــــــــــــها منك امعذب
بعد احسين منك هيـــــــــــه ماتشرب
انتــــــــــــــــه يالعذب ماتروي لضماها


اجيت اتهيج ابگلب العقيلــــــه اجروح
تذكرها ابأخوها ضامـــــــــــي المذبوح
ام الحزن زينب لازمت لنــــــــــــــــوح
اومايــــوم الدمـــــــــــع فارگ العيناها


يـــــــــوم العاشر ابعاشــــــــــور تتذكر
هسه جاي أنتـــــــــــــــــــه منها تتعذر
زينب مـــــــــــاتريدك ملكت الكـــــوثر
بجنان الخلد عد الباري مـــــــــــــأواها


انته بالحقيقــــــــــــــــــــه مهر للزهره
اشلون احسين منك ماشـــــرب گطره
هســـــــــــــه جاي يمها تسچب العبره
امس انتـــــه چنت واگف اويه اعداها


عذرك ماتقبلــــــــــــه هاي اخت عباس
زينب بت كرامـــــــــــــه ماتطخ للراس
اخذ مايك يمن مــاتعرف الاحســـــاس
زينب مـــــــــاي زمزم لاذ بحمــــــــاها


روح انتــــه وعليك البگت وصمة عار
زينب تنتظر مهديــــــــــــــها ياخذ ثار
المهدي لوظهر قدملــــــــــه انته اعذار
الغايب يجي العمتـــــــــه حامل الواها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«استشهاد زينب»
«بحرالطويل»
~~~~

اليله ام الحزن زينب غمّض جفن عيناها
من كسرالضلع للموت حرب وياها دنياها

▪︎▪︎▪︎
عين ام الحــزن غمضت لاچن بگت محنتــــها
ظل دفترمصايبــــــــــها تحمله اگلوب شيعتها
اويبگه الضلــع والبسمار هاي اول مصيبتـــــها

ماتنســـــه مصاب الباب
من عدها الدليل انصاب
للموت الجــــرح ماطاب
حملت من زغـــــــــر آلام والطف اشد بلـــــواها


بفـــــــراش الأجل طاحت زينب حيل مابيــــها
من البـــاب والمحــــــراب نوايب جـارت اعليها
شـــــافت بالطشت ممرود چبد الحسن واليـــها

هــــــــاذه كلش ألمـها
امگطـع چبد ابن امها
كثرونـــها اوكثرهمـها
ظلت تجري دمعتــــــــــها ماينگطـــــــــــع مبچاها


مانحچـــــــــــي مصايبها يــــــــوم العاشرابعاشور
شيب للعقيلــــــــه الراس من عندها الچبد مفطور
يـــوم ابعينــــــــها شافت اخوها من الگفه منحور

من ذاك الــوكت لليوم
حيل ام الخــدرمهدوم
والمدمــــع يهل ادموم
مصــــــاب الطف فلاتنساه مرسوم اعلــــه ذكراها


زينب وابطريج الشــــــــام السبـــي وايامه ذكرتها
عليـــــــــها هاجت الأحزان يـــوم الشجره شافتها
ذكرت راس ابن امــــــــــها جذبت ويلــي حسرتها

ذيج الشجره من شافت
زينب لاجت اونـــــاحت
فاضت روحـه اوطاحت
دنت ساعـــــــــــــة منيتها اخوها احسين ماجاها


مــــاتت بالغـــــــرب زينب ماواحد حظـــــر يمها
چانت تنتظــــــــــر جيتك يبوالسجـــاد يبن امها
للطف شابحـــــــه العينين موت الغـــرب هاظمها

رادت بين اخوتــــــها
تصيراهنـــــاك دفنتها
زينب هاي رادتـــــــها
بين احسين والعبّـــــــاس يصيراهنـــــاك مثواها


گبــــرها يـــم ابوفاضــــل تمنت زينب اوماصــــار
رادت ممشه تگصـــــــدها مواكب شيعــــــة الكرّار
وبيـــــــوم اربعين احسين تشتــــــم ريحت الزوار

والزينب يـــــزوروها
بخوتـــــــــها يعزوها
بالمدمـــــــع يندبوها
عن الطف بعيده الشــــــام بس ارواحنـــــه اوياها

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

https://t.me/falehalameri

الليله ام الحزن زينب
كلمات
#الشاعر_فالح_العامري
اداء وألحان الرادود الحسيني
الموفق
#علي_المحميداوي