#كلمات_الشاعر
فالح العامري

#اداء_ملا
علي عبد الرضا

نعي لوفاة السیدة زینب ع
نصاري مجاريد
ــــــــــــــــــــــــــــــــــــ

الليلــــــــه ام الخدر گرب اجلها
بدار الغرب وبعيده اهلـــــــــــها
ريتــــــــــه يحظر الليله الكفلها
يحضر للدفن عباس أخيـــــــها


بديـــــــــار الغرب غمضت للعين
لاعباس حاضـــــــرها ولاحسين
مكســورت گلب تجذب باللونين
بالشامـــــــــــات بيها يغدر البين


مجروحت گلب زينب امن الشام
يوم الـــــــي اجت هيه والأیتام
عليها اشلون مرت ذيــــج الأيام
ذكرت بالخرايب زينب اتنـــــــام


ذكرت يوم جابوها سبيــــــــــــه
هاذي بت علي وامها الزچيـــــــه
واهل الشام سمـــــــــوها اجنبيه
و لا چنها العقيلــــــــــه الهاشميه


وسفـــــــــه تندفن زينب غريبــه
بعيده عن وطنها اشهل المصيبـه
وينـــــــــــه ماحظر سبع الكتيبه
الچفن بيده الزينب خل يجيبـــه


وينـــــــــه الي ينادي وين عباس
زينب بالغرب خمدت الأنفــــــاس
وينه خل يجـــي يشيعها عالراس
يالكلك شهامـــــــه وابو النوماس


راحت تندفن بديــــــاره الأجناب
عليــــها اتريد اهلها اتهيل التراب
هاي ام الكرامـــه وخيرت انساب
بعد جرح السبــــي لابره اولاطاب

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
https://t.me/falehalameri

*الى عقيلة بني هاشم*
الوزن تجليبه
~~~
*الليله بنت علي مشبوحه منها العين*
*تنطر جيت الكافل واخوها احسين*
▪︎▪︎▪︎▪︎▪︎▪︎▪︎
الليلــــــــــه ام الخدر تتنطر اخوتها
تريد اتشوفهم من گبل ساعتــــــــها
واتسولف لأخوها اوتشچــي غربتها
*تسولفله السبي واتشوفه المتنين*
▪︎▪︎▪︎▪︎▪︎▪︎▪︎
گرب ليها الأجل واتگله تانينـــــــــي
خلي احسين يلفــــي اوتنظره عيني
اتعرف شوفت خيي الهم تنسينـــــي
*اريد الوالي بيده ايغمض الجفنين*
▪︎▪︎▪︎▪︎▪︎▪︎▪︎
اريده ايغمض اعيوني اويودعنــــــي
اوبدموعه يغسلني اويجفنـــــــــــــي
وابالحدي ابو اليمه يوسدنــــــــــــــي
*اويحملني اعله راسه والد الطبين*
▪︎▪︎▪︎▪︎▪︎▪︎▪︎
علــــه درب الطفوف اشبحت عيناها
گبعت بالرزيـــــــــــــه اوضيم بالواها
تگـــــــول اشلون ابو السجاد ينساها
*اخيتــــه بالغرب مالها ليش امعين*
▪︎▪︎▪︎▪︎▪︎▪︎▪︎
تون ونه شجيــــــــــه والدمع يجري
تگول احسين ابحالــــــــي اهو يدري
نيران الغرب تتـــــــــــلاهب ابصدري
*اوبعد عينه غدر بمخدراته البين*
▪︎▪︎▪︎▪︎▪︎▪︎▪︎
يخويه وين عنــــــــــــي ارد اشوفنك
مثل عاشـــــــــــــــور ابصدرك اشمنك
گبل الموت يالغالــــــــــــــــي اودعنك
*گربت ساعتي يبن امي عني وين*
▪︎▪︎▪︎▪︎▪︎▪︎▪︎
سمعت صوت من الطف يناديـــــــها
اجيتج يالحنينه ادموعــــــي اجريها
اجيتج والفيافي ابهمــــــــي اطويها
*اوجبت وياي من العلگمي جفين*
▪︎▪︎▪︎▪︎▪︎▪︎▪︎
تـــ بحمدالله ـــمت
5/3/2020
10رجب 1441هـ
الشاعر فالح العامري
https://t.me/falehalameri

«آهات زينب»
«الوزن شيعتي مقفى »
~~


بالأنين وبالحنين زينب اتـــودع الحيـات

▪︎▪︎▪︎
ودعت زينب عمــرها وانطوت صفحت صبرها
مدرسه يبگــه فكرها مايمـــــــــوت ابدا ذكرها

خالده ويه الحسين مدرسه للتضحيات


لونگـــــــول ام المصايب والگلب منعدهـــا ذايب
الدنيـــــه راوتها العجايب والضلـــع راس النوايب

والگلب منهاحزين من فعل ناس الجنات


بالعمرطشتين شـــــافت كل طشت منعنده ماتت
مهجت ام الخـــــدرذابت منهن ام الحـزن صارت

اوشافت الشمر اللعين يگطع انحورالأبات


الكربلـــــه مرتين دخلت مره ويـــــه اخوتها طبت
اومره من الشـــام ردت لليتامــــــــــه بيها رجعت

يوم اجت بالأربعين اعليها عادت ذكريات


اتذكرت حرگت خيمــــــها اتذكـــــرت مقتل زلمها
اتذكرت لوعــــــــة حرمها اتذكرت همها اوهظمها

اعيال اخوها امسلبين بالسياط املوعات


كثرمن الشــــــــــام ونها باليسرمن طب ضعنــها
اليوم ردت وبحزنـــــــها الموت ساعاتــــه لفنها

للأخومشبوحه عين من دنت منها الوفات

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri