استشهاد الإمام الصادق
شيعتي
~~
امصاب ابو الكاظم الليله اعلينه هذا اعظم مصاب
گطعو بالسم دليلـــــــــه بيه دين الله انصــــــاب

▪︎▪︎▪︎
الليله بفراش المنيـــــــه طايح الصادق ولينه
اعليه خل نعمي النواظر مو حسافه لوعمنـــه
الدنيه من بعده مظلمــه صادق العترة نبينــه

اه يافگد ابــــــــو الباقر حامل اعلوم الكتاب
✍الشاعر فالح العامري

▪︎▪︎▪︎▪︎▪︎▪︎▪︎▪︎▪︎
اليله بدموع المصيبــــه نبجــــي ونكول بحزن
اخ يانار المصيبـــــــــــه مسمـــم الصادق يون
يبـــــو الكاظم مانعوفك حتى لو لفنــــه الجفن

باقي وياكم عهدنــــــــه شيعـه واليوم الحساب
✍الشاعره ام وليد الموسوي

▪︎▪︎▪︎▪︎▪︎▪︎▪︎▪︎▪︎▪︎
الليلــــــــه ليلة امصابك الشيعــة تصرخ يالعميد
صبت اعلينـــــه النوايب مواليـــــه بعدك ماتهيد
الليله محزونـــه المدرس رحل صادقــــــها ابعيد

تبچـــــــي فگدك شيعتك شخصك الليلـــــه غاب
✍الشاعره ام كرار الطائيه

▪︎▪︎▪︎▪︎▪︎▪︎▪︎▪︎▪︎▪︎▪︎
يلوج وحده هالمسيــــــه وچبده بالســــــــم نمرد
لو رحل هاليوم عنــــــــه بعد ما ضنـــــــــــــه يرد
گلـــــــــي يا مولاي بعدك منهو وحشـــــــاتك يسد

آخ يمصاب ابو الگاظـــم منـــه حتى الگلب شاب
✍الشاعرة نور الهدى المياح

▪︎▪︎▪︎▪︎▪︎▪︎▪︎▪︎▪︎▪︎
والله ياموالاي انــــــــــه بهل المصيبــــه تحيرت
سمك الظالـــــــــــم تعده ونتـــــــــه حيل تعذبت
مثل قصتك والمصيبـــــه انـــــــــه ابد الاماشفت

اجرك الله يامامـــــــــــــي بس اكـول بهل لمصاب

✍الشاعره ام روكان الشمريه

▪︎▪︎▪︎▪︎▪︎▪︎▪︎▪︎▪︎▪︎
اليله ابو الكاظم ولينــــه چبده ابسم التگطــــــــع
نلطم على الراس كلنـــــه من دمه نسچب المدمــع
الشیعه حزانــــــــه الفگده نوره غاب الچان یصطع

اخلافـه مسدوده المدارس اوعايشه الامــه عذاب
✍الشاعره ام احمد رضوي

▪︎▪︎▪︎▪︎▪︎▪︎▪︎▪︎▪︎▪︎▪︎
اينوح ابنه ويجر ونـــــــه خنل ننصب مأتمنــــه
خن ننصب تعازينــــــــــه. سافر وبعد اعلينـــــه
نواسي فاطمـــه البظعـــه ونت ويلي لونينــــــه

ويااصل العل.ــــم والدين ومصــابك ابد ماطاب
✍الشاعره فاطمة الحلفي

▪︎▪︎▪︎▪︎▪︎▪︎▪︎▪︎▪︎▪︎▪︎
ساعد الله الکاظم ابنــــــه شاهده ایلــــــوج ویون
هلت ادموعه ویگلــــــــــه بویــــــــه اظلن بالمحن
یشوف ابوه غارت رسومه امسمم او وجهه انطعن

ناده بویه اویاك اخذنـــــي وينحب وشد النگـــاب
✍العلویه ام ضیغم المحنا
▪︎▪︎▪︎▪︎▪︎▪︎▪︎▪︎▪︎▪︎▪︎
تمت
((رابطة كفيل زينب للشعر)))
نظمت من قبل مجموعه من الشاعرات بمشارکت واشراف الشاعر الکبیر فالح العامري
لا نجيز حذف الاسماء ولا تغير الكلمات
نسالكم الدعاء
https://t.me/falehalameri

يشيال النعش ريض اشويه





فالح العامري

مجموعة ابوذيات مناظره الشعراء
الشاعره ام حيدر الطائي
الشاعر فالح العامري
الوزن بحر الوافر
~~~~
شنهو فاطمــــــــــه الباري سماها
اذا هيه السمــــــــــه منهو سماها
كل خصلت شرف هيــــــه سماها
عفيفه اوطاهره وحره وزچیـــــه

✍الشاعر فالح العامري

♡♡♡♡♡♡♡♡♡♡
عقد حبج بدلالــــــــــــي والفلاك
فجر للمعجزات اسمــــج والفلاك
يضل ذكرج فخر دايم والفـــلاك
يبت سيد البشر خير البريــــــــه

✍الشاعره ام حيدر الطائي

♡♡♡♡♡♡♡♡♡
الزهره للنبـــــــي امه وابتـــــــه
الگلبه هيه شريانـــــــــــــه وبته
هيه حجه ابشرعـــــــــــــه وبته
وايدگ البابها صبح اومسيــــــه

✍الشاعر فالح العامري

♡♡♡♡♡♡♡♡♡
روحــــي عليج اناشدهه وسلهه
غيابج حطم اعصابـــــي وسلهه
اظل اذكر سوالفنـــــــــه وسلهه
وتعود ايامنه الحلوه الزهيــــــه

✍الشاعره ام حيدر الطائيه

♡♡♡♡♡♡♡♡♡♡♡
اظل الهج بسم فاطـــــم واحبها
الباري عالخلگ فظلها واحبـــــها
حباها عله النســـــه كلها واحبها
ابصلب النبي من الجنه هيــــــه

✍الشاعر فالح العامري

♡♡♡♡♡♡♡♡♡♡
يفاطم بس الج كل يـــوم حنيت
ومن دمعـي لشيب الراس حنيت
حن الفاكده الوليــــــــــان حنيت
وحبج للبشر والنـــــــــــــه هديه

✍الشاعره ام حيدر الطائي

♡♡♡♡♡♡♡♡♡♡♡
حب ام الحسن للنار جنــــــــــــه
صارت بالأرص للبشر جنـــــــــــه
سبع انعام من الله جنــــــــــــــــه
الماي اوملح مهر الفاطميـــــــــــه

✍الشاعر فالح العامري

♡♡♡♡♡♡♡♡♡♡
لفكدج يم حسن رفت علامــــــــه
بغيابج هل دمع عينـــــــــي علامه
البغض فاطم بكت منـــــــه علامه
سكط محسن ولاهاب البريـــــــــه

✍الشاعره ام حيدر الطائيه

♡♡♡♡♡♡♡♡♡♡♡
الزهره للنســـــــــــه اشرف واجلها
هظمها ماجره اعلـــــه احد واجلها
السبب محسن سگط شنهو واجلها
عليه من هجم ابن الدعيـــــــــــــه

✍الشاعر فالح العامري

♡♡♡♡♡♡♡♡♡♡
حبج للبشر والمحب جنـــــــــــــه
الباري نزلج يم حسن جنــــــــــــه
احنه عاالخلگ والناس جنــــــــــه
هديه فاطمه الزهره الزجيــــــــــه

✍الشاعره ام حيدرالطائيه

♡♡♡♡♡♡♡♡♡♡
حسن وحسين نجبتهــم ومحسن
بيهـــــــــه الباري متكرم ومحسن
حيت قانون كل مـرسل ومحسن
ابحبها طهرت ارواح الجعفريــــه

✍الشاعر فالح العامري

♡♡♡♡♡♡♡♡♡
كل احنه بسم فاطم علينـــــــه
هديه النـــــــــــــه امن الله علينه
يزهره انتــــــــــي بالمحشر علينه
تحظرين المحب وكت المنيـــــــه

✍الشاعره ام حيدر الطائيه

♡♡♡♡♡♡♡♡♡♡
كل مرسل اهو ابفاطــــم تعالـــه
وابراهيم للطائر تعاليـــــــــــــــه
واسرار الوحــــــــــي عدها تعاله
والقران شاهد للأبيـــــــــــــــــــه

✍الشاعر فالح العامري

♡♡♡♡♡♡♡♡♡
اشكثر صدمات شاهدنه ولعنــــه
ابحب ام الحسن دايم ولعنـــــــه
على الظالم لاخذ حقج ولعنــــــه
ظلم حقهه واخذ ارث الزچيــــــه

✍الشاعره ام حيدر الطائيه

♡♡♡♡♡♡♡♡♡♡
اظل العن الحاربهــــــــــه والاعن
واباهل انـــــــــــــه ابحبها ولاعن
ولاوالي الظالمــــــــــــــــه ولاعن
قسم اقسم اوياها للمنيـــــــــــــه

✍الشاعر فالح العامري

♡♡♡♡♡♡♡♡♡♡
بيج احنه رفعنـــــه الروس والهام
وحبج صـــــار وسط الكلب والهام
نرفع بيـــــــــــج كل القهر والهام
اريدج ذخر بالكوثر اليــــــــــــــــه

✍الشاعره ام حيدر الطائيه

♡♡♡♡♡♡♡♡♡♡♡
ام الحسن محد عرف ســـــــــــرها
ولايوم الدهـــــــر انسفها ســـــرها
ابوها ابچتل ابنها احسين ســــرها

اتهشم اضلوعه بأرض الغاظريـــــه
✍الشاعر فالح العامري

♡♡♡♡♡♡♡♡
نزل حبج على الشيعه ولمنــــــــــه
وخلي الايم بحبج ولمنـــــــــــه
وشخصج بالحشر باجـــــر ولمنـــه
ونشرب من جفوف الفاطميـــــــــه

✍الشاعره ام حيدر الطائيه

♡♡♡♡♡♡♡♡♡♡
اويلي الباب حرگــــــــــــوها عليها
يــــــــوم الهجمت الزمره عليــــــها
اتحشــــــم گامت ابحیدر عليـــــها
هوت فوگ الثره ابونــــــــه شجيه

✍الشاعر فالح العامري

♡♡♡♡♡♡♡♡
عليــــــــج ابجي يزهره لليل ونهار
ودمعـــــــــي من دمه عبرات ونهار
علـــــــى مصابج تهيم الروح ونهار
لجل ظلعج تشب النار بيـــــــــــــه

✍الشاعره ام حيدر لطائيه

♡♡♡♡♡♡♡♡♡♡
تمت والحمد لله

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابوذيات🔹نــــــــعـــني🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
لاتنسون الاشتراك
يسعدنا انضمامكم للقناة
https://t.me/falehalameri