«أم عبّاس»
«فزاعيه حدي»
~~~
فاطمــــــــــه الفگدت اربعـــــــــــــه
تجري دمــــــــــــــــــــه عينــــــــاها

▪︎▪︎▪︎
اتـّانــــــــــــــــي ولدهــــــــا عالدرب
منعدهــــــــا مفجــــــــــــــوع الگلب
وعيونـــــــــــها المدمـــــــــــع تصب
هاليلــــــــــه نبچـــــــــــــــي اوياها
تجري دمــــــــــــــــــــه عينــــــــاها


ياويلــــــــــــي من جـــــــــاها الخبر
طايـــــــــــح ابنــــــــــها عــــــــالنهر
مگطـــــــــــوع منعنده النحــــــــــــر
فگدت يويلــــــــــــــــــــــــي اضناها
تجري دمـــــــــــــــــــــه عينــــــــاها


ابچتـــل الــــــــــولـــــد من اسمعـت
يابا القضل ويلــــــــــــــــــــي اندبت
عالوجـــــــــــه لمصابـــــــــه الطمت
راح الأبن مـــــــــــاجــــــــــــــــــاها
تجري دمــــــــــــــــــــه عينــــــــاها


ام البنيـــن ام الــــــــــــــوفـــــــــــه
المن هظمــــــــــــها اتســــولفــــــــه
گصدت الگبرالمصطفــــــــــــــــــــــه
تتعثـــــــــــر ابممشــــــــــــاهـــــــــا
تجري دمــــــــــــــــــــه عينــــــــاها


اتگــــــــوم اوتطيح اعلــــــــــه الثره
وتنـــــــــــــادي ياسيد الـــــــــــــوره
مارجـــــــــــع سبـــــــــــــــع الگنطره
ام اوالك شكـــــــــــــــــــــــواهـــــــا
تجري دمـــــــــــــــــــــه عينــــــــاها


الگبرك گصدتــــــــــــه ابدمعتـــــــــي
يمك اســــــــــولف محنتــــــــــــــــي
محد يحس ابلــــوعتـــــــــــــــــــــي
زينب سبــــــــــوها اعـــداهــــــــــــا
تجري دمــــــــــــــــــــه عينـــــــــاها


اربـــــع بنين آنـــــــــــــــــــه افگـدت
ذولــــــــــــه لبواليمـــــــــــــه انذرت
سالم الـــــــــــــــــــــــي ايرد حسبت
جيتـــــــــــــــــــــه چنت اتنــــــــاها
تجري دمــــــــــــــــــــه عينــــــــاها

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«عتاب أم البنين»
«تجليبه»
~
اعتابــــي عالدهرمايخلص اعتابي
اخذ مني الدهر اولادي واحبابــي

▪︎▪︎▪︎
ياناس الدهـرصوبنـــــي چم اصواب
ابمحراب العباده غدرداحــــــي الباب
هاي أول حياتــــي اعله اشد امصاب
من المحراب بالدنيه بده امصـابــــي


من ذاك الوكت لليوم بحزانــــــــــــي
اشكال المصايب دهري راوانــــــــــي
دهري عالهظــــــــم والنـوح ربانـــــي
اليوم ابكربله ضيعلـــــــــــــي غيابي


اخذ منــي ابواليمــــــــه عزيز الروح
اظل اعليه كل عمري ابشجه والنوح
وناتي شجيـــــــــــه والدمع مسفوح
مايهجع ونيني الشدة اصوابــــــــــي


آنه أم البنين اللـــــي يسمونــــــــــي
تعالواليوم ياشيعتي اوشوفونـــــــي
عافوني وحيده الدمعـــه بعيونـــــي
راح اوي البنين آمالي وحسابــــــــي


راح احسين واولادي ثمـرعمـــــــري
اونيران الهجرتلهب وســــط صدري
اشعمل بيهم بنينـــــي الدهـرماادري
ياهواللي يودي الكربلـــه اكتابـــــــي


كتبت اكتاب لحسين اوانشدنـــــــــه
يرد لمّـه البگت تنتظره بالونّـــــــــــه
لومنّـه واخوته اگطـــــع الضنّـــــــــه
من احسين اريدن يرجع اجوابــــــي


جاوبها الدهــــرعن حال ابواليمّــــــه
يگلها ابنچ تشب النــــــــاربخيمّــــــه
وابوفاضل اچفوفه امگطعه يمّـــــــه
الجيتهم بعد عينـاچ لترابـــــــــــــــي

▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«بحق أم البنين»
«نعي مجاريد»
~
بگت أم البنين اتنـــــــــوح بالدار
من اولادهـــــا تتنطراخبــــــــــار

▪︎▪︎▪︎
بگت بـــالدارياعبّـــــــــــــاس امك
دمــــــــع العين يتجاره اوتحشمك
اوبلسان المصــــــــايب من تكلمك


هاي الفاجده اربــــــــــــــع ميامين
ربتهــــــــــم اسنين ابدمعــة العين
منعدها اخذهم غفلـــــــــــــه البين


بعد ذاك الربـــــــه اوسهرالليالــــي
تشوف البيت من الولد خالــــــــي
البيهم هيبتـــــــي چان اوجلالــي


يبوفاضل ييمـــــــــــــه وين رحتو
عن امكــــــــــــم وحيده مـانشدتو
وبحالـــــــــــــــي يبوالغيره رحمتو


بعدكم يالولد اتسالــــــــــــه بالنوح
حيلــــــــي منهدم والگلب مجروح
يويلادي يريت افديكـــــــم بالروح


اشوكت من كربلــــه ليـه ترجعون
اوگلب الــوالده بيكــــــم تفرحون
عنــــــــــــــي ابهالسفرلالاتطولون


من يوم المشيتوآنـــــــــــه عالباب
اتنطريردلــــــــــــي ضعن الأحباب
گبل الراس گلبــــي اعليكم الشاب


اشوكت ترجــع يبوفاضل اليـــــــه
لزمت الگلب من الغاضريـــــــــــــه
اخاف اعله النهرتوگع رميــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«العباس وام البنين»
«فائزي»
~~
أم البنين اعله النهر تجذب الونــــها
من شاهدت حال الگمر عبّاس ابنها

▪︎▪︎▪︎

التقويم العلگمـــــــــــي عبّاس وامـــــــــــه
كل واحدالمنهــــــم بده للثاني همــــــــــــه
وانشوف ياهواللي اشد محنته اوهضمــــه
ام البنين الطاهـــــــــره نستمــــــــــع منها


اتگله يعبّاس استمــــــع اوصفلك الحـــــال
يوليدي من كسرالضلـــع مشدوهـــــة البال
مانشف من عيني الدمـع بالحرگــــ..ه همال
والزهره يبگــــ...ه للحشر دايم حزنـــــــــها


گلها ييمه حالتـــــــــــــي الحالـــــــچ تشبها
ابدلالي يايمــــــــه الدهر نـــــــــــاره يشبها
من شفـت شيبـت والـدي دمــــــــه خضبها
لليوم عينـــــــي ماغمض يمــــــ...ـي جفنها


يابا الفضل آنـــــه اجرعت كثـــــرة مصايب
المحراب والبـاب اوطشت دلالــــــــي ذايب
والنوب اجتنــــــــي كربله ادهـــــه النوايب
غربـة احسين اومحنتــــه اعيونــــي عمنها


يايمـــــــه اشد من منحري اوگطعت چفوفي
آنه كفيل العايلــــــــــــــــه واعليها خوفـــــي
گصدي ييمـــــــــــه للخيم للنهرعوفـــــــــــي
يايمه زينب سالمــــــــــــه نشديلـــــــي عنها


اتگلــــــــه ييمــــه بالخيم زينب تتـــــــانيك
ماعدها عن حالك خبــــــر واللي جره اعليك
شابـــــــــح نظرها الجيتك عدهــــا أمل بيك
ترجع يسبــــــــــع الگنطره اتباري ضعنـــــــها


ام اوإبن ونّـــــــــــــــوسوه الحال العقيلـــــه
واشلـــــــون من بعد الخدر تصبح ذليلـــــــه
ينهدم حيل ام الوفـــــــــــه اوعبّاس حيلـــه
ام الخدرســـــــــــوط العده ايوسم متنـــــها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«حنين الوالده»
«نعي مجاريد»
~
يبو فاضل طفح گلبي ابحنينـــه
انــــــه الوالده الفگدك حزينــــــه

▪︎▪︎▪︎
يبنـــي اسمعت واگع عالشریعـــه
السهم بالعين واچفــوفك گطیعه
لخیك ماجبت مای الرضیعــــــــه
عبد الله خمد منـــه ونینـــــــــــه


ييمه العلگمي حين اعتنيتــــــــه
وياك الگلب يبنـــــي خذيتــــــــه
يبوفاضل الشاطـــي من دنيتــــه
عهدنـــــــه الفاطمه لامانسينـــــه


يبنـــــــــي من غرفت الماي بيدك
اجذبت ونـــه اوتذكرته العضيدك
يبنـــــــي المثل هاذا اليوم اريدك
لبوالسجـــد والزينب وفينـــــــــه


يمن گاصد الشاطــي الله ويـــــاك
عبد الله اورقيــه اوسكنــــه تتناك
چنهن مــــادرن عن طیحت الـواك
وآنــــه ابدمعي اندبك بالمدينـــــه


ييمه امصبيتك صابت دليلــــــــي
وافراگک یغالــــــی هدم حیلـــــی
واگضـــی بالمناحـــه اليمرلیلـــــی
عله فرگاك یاحامـــــی الضعینــــه


طالت غیبتك يبنــــــــی علیــــــه
انطرجیتك صبح اومسیـــــــــــــه
ییمـه امنین اجتنـــــی الغاضریــه
انــــه اوزينب دمه الفگدك بچينـه


يبــوفاضل اعيالك من تجينـــــــي
يزيد النوح الــــــي اويكثرونينــــي
اشلون ام الخدرتنظرها عينـــــــــي
نحـــــــــــي امصابك ابنوح التقينه

▪︎▪︎▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري
غير مبرئ للذمه كل من يحذف اسم الشاعر وينسب القصيده له
https://t.me/falehalameri

«انتظارأم البنين»
«بحرالطويل»
~
آنه أم البنين الچـان بيهم يالتنادوني
مني الكربله راحو بس للنوح عافوني

▪︎▪︎▪︎
بيهم يالتنادونـــــــــي ماظلـــــوبعدعنــدي
وياهــــم تعبت اسنين ذاب من الصبرچبدي
آنه الأربعــــــــه ربيت تاليــــها اظل وحدي

چانت حلوه لمتهــــم
تسـرالروح شوفتهــم
اعليه صعبـه فرگتهم
ضعنهم رحل جدامـــي دمعتي ناربعيونــــي


يودعونـــــي اواودعهم اونيــــران الگلب تلهب
اعليــــه موسهل ياناس والله اوداعهم يصعب
اخافن مايردولـــــــــــي بعدهم آنـــــــه اتعذب

راحــووين الگيهـــــــــــم
بنينــــي هيبتـــــــي بيهم
ابروحـــــــي ريت افديهم
يريت اخذوني وياهـــم اولادي يرحمونـــــــــي


أويلــــــي من حدوللطف ويــاهم خذوها الروح
عافوحيلــــــــي المهدوم منـــي والگلب مجروح
ظل ابدارهم ويــــــــــــاي بس النايبــــــه والنوح

عافونــي ابگلب حزنان
شبت بــــالچبد نيـــران
وادمــــوع النظرجروان
انادي وين يــــــــــولادي يهل الرحم تانونــــــــي


يحبابـــــــــي يبعد الروح وين ابهالضعن نــــاوين
وحيده ليش عفتونـــــــي ياعبّاس يبني احسين
آنــــــــــــــه الوالده امكم ياروحـــي اوينورالعين

عنــــــــــي كلكم اترحلـون
گلب الوالده اتفجعــــــــون
اخـــــافن بعد متـرجعــون
اشوف الأجل وياكــــــم بعد ماضن تشوفونــــي


ياحـــــادي الضعن ناديت وين ابضعن ابواليمـــه
تانينــــــــــ....ي يبوفاضل اخذت الروح يايمّـــــه
خلينـــــــي اودع احسين اوساعه اگعد انه يمـــه

اريدن آنــــــــه انشدنه
ابحليب امـــــه احلفنه
يرد لواگطــــــع الضنـه
اريدن عهــــد من احسين اسنين الربه توفونــــي


آنه امعلمـــــــــــه يحسين كل يـــوم اگصد الدارك
لتخليني يايمّــــــــــــــــــه ادوريبنـــــــــي اخبارك
اخذنــــــي للطفوف اوياك ويه اهل الوفه انصارك

اعينك يبنــــــــي بالنصره
اواســـــي ابكربله الزهره
ويـــــــــــــه زينب الحره
للكوفـــــــــــه اوديارالشام ويه الحرم يسبونـــــي


خذنـــــــــــي الكربله وياك يبوالسجاد يايمّـــــــه
واشوف ابعينــــــي العبّاس لجلك من نزف دمّـــه
آنه اوياك نتعنـــــــــــــــــه الشاطي العلگمي يمّـه

اتچــي الظهرك المكسور
يبنـــي ابچبدي المفطور
لخيك عالشريعـــه انزور
ارجع للحـــــــــــــرم وياك اوبمصابه يعزونـــــــي

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«ام البنين الفاجده»
«تجليبه»
~
الليلـه ام البنين العلگمــــــي اتعنت
يم عبّـاس مكســـــوره الظهرگعدت

▪︎▪︎▪︎
گعدت يم ابنــــــــــــها تسچب العبره
تعاين گطعت اچفوفـه اوگطــع نحره
اويمها اتشوف گعدت فاطم،ه الزهره
ويـاها الزچيــــــــــــــــه انت اوحنت


وسفه اتگله يبنــــي الجود اشوفنـــه
اوشفت الماي يبني منچفــــــــي منه
هاك اچفوفي يبني اخذه واتعنــــــــه
تضوگ الماي يبنـي سكنــــــــه اتمنت



خالي الجود وسفه انته يراعي الجود
گـــــوم املـــــي من نهرالفرات اوعود
من نارالضمــــــــه ذابت ييمــه اچبود
رباب اعله المهد انـــه اسمعت شهگت


اجيتك يبنـــــي اضمد بيدي اجروحك
لچن ياحيف وسفـــــه فايضــه روحك
عله شاطي الشريعه انهدمت اصروحك
شرايــن الگلب من شفتــــك اتگطعــت


عفـيه اعليك يبنــــــــي عمرك انذرتـــه
اوگبل احسين طعـــــــم الماي ماضگته
آنه البيك اخوك احسين عاهدتـــــــــــه
يبنـــــــــــي التضحيه بعتابك السجدت


يبوفــــــــــــــاضل اظلن افتخـــربسمك
بين الناس اتنومس آنــــــــــــــــــه امك
اوبالمحشرشفيعـــــــــــه من فضل دمك
الــــــــــــــي هاي الكرامه يالولد حصلت

▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«قلب أم البنين المجروح»
«مثلث الشيعتي»
~
يمّه يايمّـــــــه يبو فاضل يغالـــي
يمّه يايمّـــه تعال اوشوف حالــــي

▪︎▪︎▪︎
وين عن امّك رحت عبّـاس يمّـــــه
بعد عينك موحشه داري اومظلمّــه
رگد حيلـي والگلب ينزف الدمّـــــه
صعب يبني افراگك الحيلي يهدمّـه

يمّه يايمّــه عله بختك يوالـــــــــي
يمّه يايمّـــه تعال اوشوف حالــــي


رحت يبنـي الكربله السفره طويلــه
عفت امّك حايره المدمـع تسيلــــــه
اوجفني ماغمض ييمّه ابراحه لليلـه
ارحم ابحالي يبن حامي دخيلـــــــه

يمّه يايمّــه ابسهراگضــــــــي الليالي
يمّه يايمّـــــــه تعال اوشوف حالــــي


اعليك يبني تشتعل نيران گلبــــــــي
ياضوه اعيوني الأوچت بيها دربـــي
ريت من گبلك گضه يوليدي نحبـــي
اولاسمعت آنه ابضعنكم يبني مسبي

يمّـــــــه يايمّه لون ميته اشوالـــــي
يمّه يايمّـــــه تعال اوشوف حالــــي


يمّـــــه ربيتك چنت لرباك اتانــــــي
رضيعتك يبني من طيبي اوحنانــي
ماگولن ابنـــــي ابوالغيره نسانـــــي
بس اخاف اعليك من غدرت زمانـي

يمّه يايمّه ابوجودك شاني عالـي
يمّه يايمّه تعال اوشوف حالــــي


شانـــــي عالي بيك ياعبّاس واسمك
وآنـــــــه افخرمن صرت يولدي امك
وآنه احسن بالجاه من اندب اباسمك
اوهســـه بالدمعات ياعبّاس احشمك

يمّه يايمّـه اتعرف بيكم جلالـــــــي
يمّه يايمّـــه تعال اوشوف حالـــــي


عله درب الطف آنـه شابحه اعيونــي
وانتظربالظعن اولادي يجــونـــــــــي
بس احسن بالگلب خابت اظنونــــي
اومن يجـي يوم الأجل مايحظرونـي

يمّه يايمّــــــه اومچانك وسفه خالي
يمّه يايمّــــــه تعال اوشوف حالــــي


يبوالغيره منهو نعش امك يحملـــــه
ردت انتـــــه باللحد جسمي تنزلـــــه
اودمعك اعليــــــه يبو فاضل تهلــــه
وابوايمـــــــه اوياك يبني اعليه صله

يمّه يايمّــــه لجن خابت آمالـــــــــــي
يمّه يايمّــــــــه تعال اوشوف حالــــي

▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمّت

الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«فگد أم البنين»
«بحرالطويل»
~
هلــــــي يادموع العين أم عبّاس ودعيــــــــها
تبچي من دمه لحسيـن اليــــوم الأجل يلفيـها

▪︎▪︎▪︎
ويلــــــي غمضت للعين الليلـــــــه ام الگمرعبّاس
بين الآه والونــــــــــــــه منـــــها خمدت الأنفاس
گوموخل نشيعـــــــــــها هاي ام الوفــــــه ياناس

بنين اربعـــه الفگدتهم
وابوالسجاد خامسهـــم
للظنــــــه اگطعت منهم
راحت والگلب دامـــــــي من كثرت بواچيـــــــها


تبچي عالگضه ضامــــي احسين الرضواضلوعــه
واچفـــــوف الگمرعبّاس فوگ الشاطي مگطوعه
ظلت كل عمرها اتنـــوح ماتت هيه باللوعـــــــــه

ماتت والگلب مجروح
مافـــارگ جفنها النوح
تحن اوتون عالمذبـوح
ختمت هالمســـه الأحزان خلـــــــــــي احنه ننعيها


جيم النوح ياروحــــــــي علــــــه ام البنين اليـوم
راحت تحمل الآهـــــــات مليان الدليل اهمـــــــوم
والحيل انهدم منـــــــــها يوم الفگدت المظلـــــوم

ابد ماناسيـــــه عاشور
منعدها الچبد مفطـــور
حفرت بالبقيـــــع اگبور
عليهن گاعده وتنـــــــوح للزهره تواسيــــــــــــــها


هـــــــاي الواست الزهره اشبـــــول العدها افدتهم
ذولـــــــــــــه ثمرمهجتها تعبت لمــن كبرتهـــــــــم
يحظروها مثل هاليـــوم وكــت الأجل رادتهـــــــم

لاچن من خمد ونهـــا
وين اولادهـــا عنـــها
هاذا الچــــان يحزنها
شبحت عالطريــــچ العين ولاواحد اجـــــــــه ليها


بفراش المنيـــــــــه اتلوج حـــــــال الظيم حالتها
واتنادي ييمـــــــه احسين امك دنت ســــــاعتــها
يبني ردت اشـــــوفك يوم يمن للروح سلوتـــــــها

ماشفتك ييمــــه اسنين
يــــابعد النفس يحسين
من عنــدي خذاك البيـن
ريت اجنازتـــــــــي تحمل اوتصلي يبنـــي اعليها


عمرها انختــــم ام عبّاس بآلام الصدرمشحـــــون
من عدهــــــا الگلب ذايب شــــافت للعذاب افنون
ياشيعة علــــــــــي الكرّار حگ نعمي عليها اعيون
خل ننصب مآتمنـــــــه
عله ام الوفه امنــــــــه
راحت هالمسه عنــــــه
هاي اللــــــــي فدت عبّاس حگ بالروح نفديـــــها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«وصیّة امّ البنین»
«تجليبه»
~
عبّــاس اوصیك اليـــــوم يبني آيبني
ابزينب اوحسين المظلـوم يبني آيبني
طول الدرب ترعاهم ابدمّ النحر تفدّاهم
يبني آيبني

▪︎▪︎▪︎
يبــوفاضل اسلـّـــــم هالضعن بيـدك
عن حدّه تحـامي يبنـــــــي ابوريدك
تگرعیني يبــوالشيمـــــه آنــه اريدك
توگــف سورتحمي الخيم واعضيدك

ابطف كربله يارجواي يبني آيبني
هالحرم ترويــها الماي يبني آيبني
عالشاطي ماتنساهم بالغالي تتفدّاهم
يبني آيبني


يبوفــاضــــل دماك الطــاهــراتنذره
وانتـــــــــه من زغــرمنذور للــزهره
هاذه اليــــــوم من ازمــــان انتظره
نقدّم خدمه آنــــــه اويـــــاك للعتره

خدمة العتــــره الطیبين يبني آيبني
افضل فريضــه ابهالدين يبني آيبني
ابهالسفرانته اوياهم بالغالي تتفدّاهم
يبني آيبني


السفرلوطـال يبنـي آمـالـي يگطعهـا
تشب نيران وسط الـــروح اجرعهـا
اخوك احسين ديـــرة جـدّه ودّعـهـا
روحـي اتروح وابردتــــــه ايرجّعـها

ماردت من بعده الروح يبني آيبني
لمّن يرد ابگــــــه ابنوح يبني آيبني
اعليّه يعزفــرگاهم بالغالي تتفدّاهم
يبني آيبني


کفیل اوبـالکفـاله من علــــــي اتعهّد
حدّه عبّاس ابركب العايلــــــه وابعد
وامّــه ظل دمعها اليجري فوگ الخد
اوسهم فـــرگـاه چبد الـوالــــده مرّد

اوخلف الظعون اتناديه يبني آيبني
هم يرد ظعنك واتنيـــه يبني آيبني
ایردّون ليّه ارجاهم بالغالي تتفدّاهم
يبني آيبني


اظل احسب ليالي اوهـالليالي اتطول
چم فکره ابخیالي اتظل ییمّه اتجول
اوعله الغیّـاب من عندي الفکرمذهول
وابوالیمّـــه عدل ماادري لــــومچتول

اگضي الوکت بالحسبــات يبني آيبني
امن الدم اهلّ الدمعـــــات يبني آيبني
اشتاگیت آنه الملگاهم بالغالي تتفدّاهم
يبني آيبني

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«احله لقب»
«تجلیبه + نص بحرالطویل»
~
هاي امّ الأطهار صارالهـا تذکار
بالغاضریــّــــه
اربع ولد عدها والدهر خلـّدهـا
بالغاضریـّـــــه

▪︎▪︎▪︎
خلـّدها الدهر واعلیه بگت تـفـخـر
قدوت کل مـوالي الفاطمه اوحیدر
امّ الأربــــــــعه الطیبیــن
عالي ایظل مجـدهـا اوبیـها نتأ ثـّر
واسمها ینذکر کل جیـل عـا لمنبـــر
اومنبرالها یــــــــوم الدین

تحمل کرامــــات تحضربــــالشدّات
مثل الزچیـّـــــه
بارینـه واعدها والدهر خلـّدهـا
بالغاضریــّــــه


بالدنیــــه کــرامات الـــهـا مشهوده
ام عـبـّاس بــا لشـدّا ت مگـصـوده
ماخــــــــاب التعـنّاهــــا
کسبت من علــي الطــافه اوجـوده
اوبیها کل خصال الطیـبه موجوده
والأیثـــا ر بد مــاهـــــا

الهـــــــــــــا مناقب کربله اتجـاوب
عن هالسجیــّه
عینك تشـــاهدهــا والدهر خلـّدهـا
بالغاضریـّـــــه


ام عبـّا س قبلتـنــه نخلـّيـــــــها
اومثل احسين ابواليمـّـه نـواليــها
عهدهــا بـالد مــه مكتوب
منعد نــــه لجلـــها ارواح نفديــها
ابماي العين لــــوتعطش نروّيـــها
وابحبها تذوب اگلــــوب

حبهـــا حملنــاه لامــــا نسیناه
حدّ المنیـّـــــه
للمرتضی ودها والدهر خلـّدهـا
بالغا ضریـّــــه


ذابت بالولایه اوحگ علي اتعرفـه
ابخدرزینب ابنها الغالي اتکلـفـــــه
سبــــــــع الگنطره عبّاس
خلـّت هالأما نه الکربلــــه ابچفـّــه
والنعمین لمّــه بــــالعهد وفـّــــــــه
ابگطع اچفوفه والأنفاس

زینب متنضام عبــّاس مـادام
حامي الثنیـّـه
عالهم یسـاعدها والدهر خلـّدهـا
بالغاضریــّــــه


یکفینـه فخر والشــرف بــــــالأد وار
نوالــــي امّ البنین اونفدي الها اعمار
اوعنـــها ما تخلـّینـــه
هاي امّ الشها مه النجبــت الأقــــمار
منعدهـا ارضعو للغیـــره والأ یثـــــار
اوعالطیبات تهدینــــه

والحشر لوصـــــار تــاخذ الأحـرار
للجنـّــه هیــّـــه
اوکلمن امعاهدها والدهر خلـّدهـا
بالغاضریـّـــــه


من عدها الصبرعالنا یبـه اکسبنـــــــه
واسمها عالروایـه الثــا یره اکتبنـــــه
وابوسط الگلب والروح
اومن يوم الأزل لمّ الوفــه حبنـــــــه
اومن صافي عذبها التضحیه اشربنه
ابحبها للكرامه انلـوح

نرفع الرایـــا ت وانقیم العزیات
ابهاي الرزيّه
اوبالدمع نگصدها والدهر خلـّدهـا
بالغاضریـّــــه

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«آهات الفراق»
«مجرشه»
~
اتنادي يمـّه يبواليمـّه اشلون لوطا ل السفر
صعبه يبني اتروح عنـّي ابغیبتك ظهري انكسر
الجية الظعن انتظره يبني ويروح الزهره


يوليدي من يـوم الرحت چنـّه السفرصاراسنين
منّ الهجر آنــــــه اتعبت ارحم ابحالـي يحسين
عن عينـــي من اتغيـّبت مابطل مبچــاها العين
دمعاتي لجفوني احرگت هالنايبه جتنــي امنين

بعد ولــدي ابگه وحدي خلت داري امن البنين
اظل اصبر الهم انطر خـــاف يغدرهم البين
اونارالهجرمتوجّـــــره يبنـــي ويروح الزهره

*******************
يوليدي ملـّيت الصبــــر من كثرهـــــاذه الهجران
ابلوعاتـــي جيتك انتظر والچبد يسعـــــــرنيران
ابليـّــــــ..اك شيفيد العمر ايّامه اگضــي ابحرمان
كل ساعه من عمري تمــر اتجدّد عليــــّه الأحزان

روحي ذابت حزني هاجت اوهدّم الحيلي البعد
اعيوني تربـي انگطع گلبي اشوكت يايمـّـــه ترد
طالت عليّه السفره يبني ويروح الزهره

******************
يحسين للطف ســــافرت اوظلـّيت آنه ابآهاتــي
خلف الظعن آنه اصرخت انتظرك ابلوعاتــــــــي
بالأربعــــــــــــه ماحسّبت انجوم اوگمردنياتــــي
الجيتك ييمـّــــه اتنطـّرت من دم تهل دمعاتــــي

دمعي يجري ناري تسري وانتظرجيت الحبيب
من طفوفـــه يمته اشوفه آنــه واهجرللنحيب
دلالي مثل الجمره يبني ويروح الزهره


لـــــــــوما تــردّ الديرتك هالديره مااسكنــــــــها
اشسوّت ابحالي فرگتك من تـرد اسأل عنــــــها
يوميـــّه اموت ابقصّتك اوجيتك لواظمنـــــــها
اتهوّن عليـّــه امصيبتك واحزاني يبنــي ادفنها

يبني حلمي اتعيش يمّي اشمحلــه ويّاك العمر
يبــوالأكبـر روحي تنسر اوتنطوي ايّـام العسر
اوما اجري بعدالعبره يبني ويروح الزهره


يحسين لوترجــــــــع الي تبره ييمّـــــــه اجروحي
امن الهم تهدّم كــاهلــــي والبعدذوّب روحــــــــي
هم گلبي يمته ينجلــــــي اويايوم ابطـّل نوحـــي
يابعد روحي اوكل هلـــي والموتــي طفـّك يوحي

يالعفتنـــــــي ضيّعتنــي من گبل يوم الطفوف
انصبت ماتم چنّـي اعلم حـايطــه بيك الألوف
من گبل عاشرفجره يبني ويروح الزهره


يبني خفت من كربلــــــه من يــوم ظعنك سدّر
لأرض المصايب والبلــــه بيـــــها الشمل يتطشّر
ويـّـاك اخذت العايلـــــــه عندي علــــــــم تتيسّر
اويـاخبـربعد اتــأمّلـــــــه منـّـــــــه الچبد يتفطـّر

گطع نحرك هشم صدرك اونارتلهب بالخيـــام
حرم جـدك لفت عنــــدك خايفـــــه منّ اللئام
الكافلها گطعو نحره يبني ويروح الزهره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبرئ للذمه كل من يحذف الرابطه واسم الشاعر وينسب القصيده له
👇
https://t.me/falehalameri

«المواسات لفاطمه»
«بحرالطویل»
~
منذوره کل اولادي لحسین سبط الهادي
من کبّرتهم للطف ردتهم
لحسین سبط الهادي

▪︎▪︎▪︎
الهم بالدمــــــع ربّیت گضیت ابعسرایّامــي
گلت اولادي من تکبر احقـّق بیهم احلامــي
گضیت العمـرویـّاهم عن احدودی اتحامــي
تالیها مشــواعنّــــــي ابضعن الموت جدّامي

اولادي من ودعوني للنایبه خلـّوني
اتکفلواحرمهم للطف ردتهم
لحسین سبط الهادي


للطف ودّعت الهـــــــــم وضعنهم بیدي اسرجته
فـتـشـت عیني العبـّاس اوداع الموت ودّعتـــــه
خدرزینب وضعن احسین بیهن ابنـــــــــي وزّمته
وآنه اعــــــرف العبـّاس نحره ایقدمه دون اخته

وایضحّي دون امامه ایقدّم اخوته جدّامه
طیب ارضعتهم للطف ردتهم
لحسین سبط الهادي


راحــــــوابالضعن یحدون اولادي ابعدواعـنـّــــي
خلفـــــوابالگلب نیـــــران وامسي واصبح ابونّي
من کثرالبچــــــي والنوح حتـّی اعیوني ملـّنّـــي
بمصابــــــــي اظل للموت وایصیــرالحــزن فنّـي

مشبوحه من عندي العین واتنطـّرالجیت احسین
انطرخبرهم للطف ردتهم
لحسین سبط الهادي


اولـاد اربـعـــــــــه افدي اواســـي بیهم الزهـره
خلـّي ابنـــــــي عبداللـّه الخیل اتهشّم ابصدره
وخل جعفریذبحونـــــه دون احسین عالغبــره
وخل اچفوف ابوفاضل تطیح وینگطـع نحره

ابهل تضحیه آنه افخر یم فاطمه ویم حیدر
ابنیني انذرتهم للطف ردتهم
لحسین سبط الهادي


دم اولـادي و دمّــــــــي فدوه الدم ابـوالیمّــــه
وابهـــــــاذه العمل بلچن ارضي فاطمه امـّـــــه
وامن الزهره اترجّــــــــه یشملني هوه الرحمــه
ویوم الحشرتنجینـــــــي هاي الشافعه الامــــّه

ابعون الذي امگطعینه وعبّاس سهمه ابعینه
وفـّوا نذرهم للطف ردتهم
لحسین سبط الهادي


عنّ الاربعـــــــــه منشد انذرتهــــم بالمهد لحسین
من یــــوم انولد عبّاس اچفوفـــه قدّمت والعین
الطفّچ کربلــــــه اتعنّوا گالوبأرضـــــــچ امخیمین
دون الخیـــــــم اولادي ارواح الطیّبــه امضحّین

ارواحهم قدموها والفاطمه یرضــوها
رخصوعمرهم للطف ردتهم
لحسین سبط الهادي


أتنومـس آنـــــــــه بـیـهم ابهاي الدنیه والمحشر
وجـهـــــــي بـیهم اتـبیّض یم المصطفی وحیدر
اواسي ابدمهم امّ حسین توگفلـــــي عله الکوثر
اتنادي یاهلــــــه ابجیتچ یم عبّاس المشکـــــــر

بالاربعه اتواسیني وبحسین عزّیتیني
والنّعم منهم للطف ردتهم
لحسین سبط الهادي

▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri

«قمة الوفاء»
«تجليبه»
~
امّ الشبّا ن عالــــــــي قدرهـا
امّ الشبّـان اسمــــــــع خبرها
وفــّت عهدها ضحّت ولد ها
▪︎▪︎▪︎
يظل عالــــي قدرها امّ الگمر عبـّاس
اويظل الهااسـم بالتضحيــه ينقــاس
سجاياها الكريمــه اوطيبة الأ نفـاس
اوكرامتـــــها تسولف بيها كلّ النـاس

ويّه الأزمان خالد اسمــــــــها
ويّه الأزمان نذكركرمــــــــــها
ايثا رالعدها ضحّت ولـد ها


ضحّت اربـــع اللي المأنوسه ويــّاهم
الچانــــو بالگلب والروح مرعاهــــــم
اسنين اطوال تعبت هيـــــّـه بربــاهم
دون احسين گالت ارخص ادمـاهــــم

اربع اولاد ثمــرت عمرهــــا
اربـع اولاد كسروظهــرهـــــا
بذلت جهدها ضحّت ولد ها


اولاد اربعه عدهـا اغلــــــه منّ الروح
مــوهيّن عليها هالبدور اتــــــــــــروح
سلمتهم بيد يها لـــــلأجل واتنــــــوح
عمـــرها اتظل حزينه والگلب مجروح

الفگدالأطياب يجري دمعـــــــها
الفگدالأطياب احنت ضلعــــــها
الچانوسندها ضحّت ولد ها


دمــــه عبّاس بالطف يجري من نحره
وعبدالله واخوتـــــــــه نومـه عالغبره
اوشيجـري عليهـم والعلـــــــــي يجره
ماوفّيت دينــــــــــي الفاطمــه الزهره

لاماوفـّيت نذر العليــــــّــه
لاماوفـّيت حگ الزچيـــّـــه
للزهره ودها ضحّت ولدها


لمّ احسين اولادي اربـــــــعــــه انطيها
ويـّـه اچفوف ابني اچفوفـــــي افديها
عَلـَي واجب البضعه اليــــــوم ارضيها
ابوجــــه ابيض ابيوم الحشرالگيـــــها

امّ الحسنين اطلب رجاها
امّ الحسنين كلنه ابحماها
الجنّه وعدها ضحّت ولدها


لبواليمّه اومصابه فاطمــــــــه انفجعت
لعد جسمـه الحنينــــــه من الگبرفزعت
اوعله الشاطي الزچيّه صرختي سمعت
يم عبّاس بنيـــــــــاح اولطـــــم رجعت

يبني اتناديه اچفوفك گطيعه
يبني اتناديه ابهاي الفجيعــــه
جيت اساعدها ضحّت ولدهـا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
https://t.me/falehalameri