«دموع الأنتظار»
«موشّح»
~~~
يــــاوكــت تسرج الخیل ارکا بـها
الغيبــــه صا رت بالگلب نشّا بها

امن الصبریبن الحسن دلالــي ذاب
یمتــــه يلفي الفرج یابد رالأطیاب
تفرح الشیعــــه بعد حزن اوعذاب
ابدولتك ينحقن دم ارگـــــــا بـــها


خل اسولف والگلب ملتهب نـــــار
والعتب ماينگضــــــي ابلیل اونهار
غیبه طالت موبعد کافي انتظــــار
یاوکت عیني تشوف احبابــــــــهـا


شیعتك دولاب فربيــــها الــوكـت
ادموعــــــها الملگاك یالغایب تکت
تلتقي ويــّــاك يالمهدي اشـــــوكت
علم عند ك يالولي بمصــــــــــابها


شال عنها الفرح والديره جفـــــــه
اوقلـّت ابهالوكت اهل المعرفــــــه
ياهويسمعها اوهضمها اتسولفـــــه
ماكوغيرك يستمــــــــــــع لعتــابها


امنين تبد يلك عتبــــــها والجروح
لوصبرايـّــوب عدها وحلم نـــــوح
اثنينهن چـــــــافضّن وگعدت تنوح
الدهردومـــــه حـاط دابــــه ودابها


الدهربس ویــّـــاها متحزّم احزام
لیلــه ما خلاها مرتـاحـــــــــه تنام
اشکثرصعبـــه مرّت اعلیها الأيـّــام
صارمن دمّ النحـــــــــور اخضــابها


من دماء انحورها حنــّـــه الچفوف
یاهویحکم وجـــــّه اعلیها السیوف
منهایطلب صعب منهــاجك تعــوف
ابفعل السيف جاب احزابــــــــــــها


احزاب بينــــه تاجرت لجل الحكم
ماكوواحد بالشعب گلبــــــــه یهــم
واحد امن الثانــــي اشد واکثرظلم
ماتحبّــــــــها الناس خوف اتهابـــها


ابغيبتك هالشیعـــــه راوها المحن
اوجرت ویّــاها نكبـــــــــات الزمن
اوابد مــــاعافتك يــــاشبل الحسن
الك بیعــــــه انطت امن اصـــلابها


تقـبل ابهذا يغـــايب مــــــــااظن
عــالعرض والـــــد ین قل الیأ تمن
راحت العالنخـــوه صرختــهــا ترن
للظلم متهاب سن احرابـــــــــــــها


راحت اهل الشیم والعزوالوفــــــه
اهل للمعروف والحگ تعرفـــــــــه
دوم للمنکرطبعها اتخالفــــــــــــــه
تفتخربالدین مـــــوبا نسابـــــــــها
*
تمّت
الشاعر فالح العامری

«متی ترانا ونراك»
«موشّح»
~~
یابقیة الله گلـّـــــــــــي اشتنتظـر
علــی افراگك يالولي ما ظل صبر
___
اشكثرنصبرموبعد كافـــي انتظار
ذبح صارابشيعتك وسط النهــار
وانته عالم بالخفايــــــه والاسرار
صاربينـــــه الفتك من ذاك الظهـر


من ظهريـــــــوم الاثنين التعرفــه
رحل بيه المصطفی راعي الوفـــه
عله الدنيه من بعد شخصه العفــه
جسمـــــه ما واروا انجمعوللغـد ر


بالسقيفه اتجمّعت اهل الاحقـــاد
ضدّك وضد شيعتك صاراتحـــــاد
والخليفه ابسيف فرضواعالعبــاد
وظلّت آثارالسقيفـــــه ابكل عصر


الفرج يمته الظلم عم ابكل مچـان
حتّه بین الشیعـــه ما یحصل امان
تندعلیك شيعــــــه لاچن باللسـان
والحقیقه انشوفـهم عگـرب صفـر


بعد گلـّـــــــي اشتنتظریبن الحسن
ادرك الـــــوالاکــم ایعیـش ابمحن
اســــــود ایظل لابس الحدّ الچفن
یفك حزنــــــــه راد ويّاك ايحضر


طالت الغيبـــــــه اودنه منّه الاجل
ويلهج ابأسمك لمه السانه انشچـل
اسنين ظل الشــوفتك عــاش بامل
وتظل عينه شا بحه اليــوم الحشر


راد ساعـــــــه ايعيش بالعزوالكرم
ايشوف سيفك من يهدّم كل صنم
رايتك عالدول بالخيـرالتعــــــــــم
تالــــي ما شافك خلص منّه العمر


السانه يلهج بيك كل صبح ومسه
والموالي حبّك ابگلبه اغـرســــــه
رادهم ابگلبــه یــــــوم اتنفّســـــه
هاذه همّ الشیعــي تدري امن زغر


بالاصلاب الشیعي یحملـّك عتــاب
والعتابه ليش ماتنطـــــــــي جواب
اليــــــاوكت ينتظر يتحمّـل عذاب
ابحاله ارحم يبن فا طمـــة الطهر


الموالي خلص عمره ابحسرتـــــه
وطال الغیاب ویذوّب چبدتـــــــه
حي تمنّه ایشوف امامه ابطلعتــه
ابشـوفتـك يالغايب ايكحل النظر


خلـّص الدنيــاه بالحسره اووسف
عن امامـــــــه ابیا کترلاما عــرف
ولاحضرطلعتــــــه ولانال الشرف
ضیم یاماشاف بالدنیـــه اشکثــر


الــــــي اويه الغايب بعد آخرعتاب
الکربلــــه ما عرّجت یبن الاطیــاب
صدرالحسین انعجن ویــّــه التراب
وما شفت عمّاتك ابيــــــوم اليسر


وبلواء الحمد انهض للطفــــــ.ـــوف
الك رايه اعله النهر ويّه الچفــــوف
اوسهم البعينـه لون عينك تشـــوف
اوتگعد الحالــــه تنـــوح اعله النهر
_____
تمّت
الشاعر فالح العامری

«يمته يغايب»
«عگیلی»
~
لتخلـّینــــه لتخلـّینه
بید الظالم لتخلـّینــه
____
یـــاشبــل المختـــارونــــــوره
یاحصن الاســــلام وســــوره
بیمینك رايـــــه المنصــــــوره
من جد ّك حيـــد رمذخــــوره
نتنطـّريــوم التنجينـــــــــــــه


بيك العـــــالم يلهج دومــــــــه
والعد لك يتنطـّريــــومــــــــــه
وتخلص النـــــاس المظلومـــه
وتـريح اگلوب المالومـــــــــــه
طال الظیم اعلینــــــه اسنینه


وینك يـالغايب نادينـــــــــــــه
مظلومين وحـن اعلينــــــــــه
نــــــارالهجران اتچوّینـــــــــه
مانگد رنصــــــــبرملـّینـــــــــه
لوصبرایوب اتعدّینـــــــــــــــه


یایـــوم اتفض هــاي الغیبــــه
ویهل اهـلالك من طيبـــــــــه
وتنادي ابثـــــارك يـــاهيبــــه
حگ امّك بالسيف اتجيبــــــه
الباب وناره تاخذ دينـــــــــــه


هاك اسمـــع مظـلوم اعتابـــه
ماواحد حن اعلـــه امصابــــه
تدري الحگ قلـّت اصحابـــــه
ویومیّه عالشیعــــه اطلابــــه
عجّل یالمهدي انذلـّینـــــــــــه


یـــاماصبرت نــــــاس وراحت
والرکبك رادت مـــــــــاشــافت
چم عِذّ ال اعليـــهم جــــــارت
للمـــــــــــــوت وحبّك ماعافت
واحنــــــــــه العهدك ماناسينـه
____

تمّت
الشاعر فالح العامري

«المهدي وکربلاء»
«تجلیبه»
عن طلعتك ماكواخبـار
يالمهدي صـابرعالثا ر
*
من كثرة مصـــــــابك گلبك المجـــروح
وجنـاتك كراهن دمعـــــــك المسفــــوح
عفه جسمك يمهدينـــــه تسكنــه الروح
دمعك يجري ليل انها ر
يالمهدي صـابرعالثـا ر


یغایب روحـك البالهــــــم تجالبهــــــــا
علــــه الكسروضلعهـــا اودمها خضّبهـا
تگطــــــــع انیاط گلبك حسره تجذبها
لمصاب بتّ المختــــار
يالمهدي صـابرعالثا ر


جسمك من نوايب هـالدهرنحــــــــلان
الك تـحت الضلـــــــوع اتوجّرت نيران
من تــذكرذبيــح اللـي گضـــه عطشان
يوم العاشرلاماصا ر
يالمهدي صابرعالثا ر


يهیّج نـارگلــبـك جــدّك المظـــلــــوم
ابــــلا نـاصر وحیــد ابّين ذيچ الگوم
عله امصايب ابواليمـّـه هجرت النوم
وابچبدك ملتهبه النا ر
يالمهدي صابرعالثا ر


من تذكـر يغـــــــــايب جد ّك الغدروه
اوعبدالله اعله صدره بـالسهم ذبحوه
اشحاله من نظرلــــــه والنحرگطعـوه
آيا فعل هـــــــالأشرار
يالمهدي صابرعالثا ر


لوتذ كرعلـــی الشاطـــي رمیـّـه الجود
والعبّـــــاس راسه امهـــشّم ابعــــامود
اوسکنــــــه اتصیح یاعمّي علینه عود
يابـــــوالغيره يامغوار
يالمهدي صابرعالثا ر


الله ابعـون گلبك من تصـد للمـــــــاي
اوتذكـّـر ذبيـــــــح العالنهـــر مــــولاي
اوتذ ّكـّـراچفـــــــوف اوجــــود للروّاي
اشتذکريبن حامي الجار
يـالمهدي صابرعالثـا ر


اوتذكر للیتامه اخذوهـــــا للكوفــــــه
من طفــل الطفــــــل بحبال مچتوفه
مخطوفـــه الرسوم الحلوه مخطوفه
واعليها اتحفّ الأخطار
يالمهدي صــابرعالثا ر
____
تمت
الشاعر فالح العامری

«متی الفرج»
«میمر»
~
یبن الحسن نترجـّا ك يبن الحسن
جـــا رالزمـا ن اويــا نـــه
كافــــي الصبرمولا نـــــه
____
يبن الحسن كــافـــــــــي الصبرنترجّاك
واحدنـه قـــابض عــــــالجمرمن يتناك
وعـــالدرب مشبوحــه النــواظرتنخـاك
منّ المدينــــه يـاوکت یلفـــــــي الواك

يحي السنن ندري الواك يحي السنن
العدلك تحن د نيا نــــــــه
كافــــــــي الصبرمولا نــه


واعدنـه بيك المصطفـی اومشتــــاگین
نتنطــّرالهذه الفــرج صـــــــــــارا سنین
وماعدنـــه عنـّك كل خبــرســـاكن ويـن
الچفـّـك نريد ه اينشـّف ادمــــوع العين

روحي تحن الملگـاك روحي تحن
من فرگتك خلصانــــــــه
كافــــــــي الصبرمولا نـه


للفرج ندعي كل مسيــّــه ومصبـــــاح
هذه العمرثـلثينه خلـّصنـــــــه انيـــاح
ومنّ البچـــــــي تلفت مهج والأروا ح
اعلینه انکتب بسّ الحزن ماکـوافراح

جـــارالزمن عالوالاك جـــارالزمن
ارض انسگت بدما نـــــه
کافــــــــي الصبرمولا نـه


کل ساعـه بغـیــــابك تمرتذ بحنــــــــه
منّ الذبـــــح وآلامــه ابد ماصحنــــــه
لــويمرشخصـك بــالحلـــم صا بحنـــه
الهذه الأمل لحظه فــلابــــا رحنــــــــه

رغم المحن ما عفناك رغم المحن
انصارع نظل اعدانــــه
كافــــــــي الصبرمولانه


يمته تجـــــــي هــاي البشرتصلحهــــا
عن درب الأعـوج مــاــومن يـردعهـــا
بس سيفـك ابدرب العـدل يجمعـهــــا
والبيك نــــــــاس امستــّره تفضحـهـا

اهــــل الفتن والأرهاب اهــل الفتن
ناس احكمت خوّانــــــــــه
كافــــــــي الصبرمولا نـه


يمته تسل سيفك اليفنـــــــي الأرهاب
واتفــرّق ابهالسيــف جمــع الأحــــزب
واتطفـّــــــي نــارالتستعــر منّ ا لبـاب
شبّت ابسامرّه ابضريـــح الأ طـيـــاب

ماتنطفـــــي هاي النار ماتنطفـــي
تسري ابجميع اعضا نه
کافـــــــي الصبرمولا نه
__
تمّت
الشاعر فالح العامری

«عتاب المحب»
«تجليبه»
~~~
بدموعي جیتك شچّاي یبن الحسن یا رجواي
نارالحرگوبیها الزهره ردّت هالیوم ابسامــرّه
_____
لـــواندل مچــــــــــانك چـــــــا تعنـّیتك
الثمن عمري اد فعـــــــه بس اصل بيتك
عتب شكبـان احملــــه يالولـــــي جيتك
اجيت الغـوث اصيحـن وادخـــل اثنيتك

گاصدالك عنوانــــــــي ماواحد الدلني
الظلموامّك ارذل زمره ردّت هاليوم ابسامرّه


يـــالغايب اجيتك والدمــــــــع سچـّاب
واعرفــك مــاترد سایــل وگف عالبا ب
اجیت ابروح مفجوعـه اوگلب منصاب
تهدّم گبــرابـوك اومالــــــه کل طـــلاب

والتدّعــي اتباعك ذبحت بديها اشيـاعـك
حملت للوهّابـي الفكره ردّت هاليوم ابسـامرّه


عليــك اهوا ي اد وّروانشـــــدت عنـّـك
وابروحــــي امل ساعــــه اشــــــوفنـّك
عله جـروح الگلب یالوالــــــي اورجنـّك
وابنوحـــك علـــــه ســا مــرّه اعيننـّك

خـلـّصت عمرك بالنوح ابدلالك اهواي اجروح
من نارالباب المتوجره ردّت هــاليـوم ابسامرّه


ضلـع امّك يغـايب مــــــــــــاجبركســره
گلبـك بعــده ينــزف دمّه من العصـــره
ولسـّه ترن بذ نك صــرخــــة الـــــزهره
وچبــدك عــــــالمصيبـــه ملتهب جمره

وشمـا يطول اغيابك يكثريمهدي امصـابك
احفاد الخرجة بالبصره ردّت هــاليـوم ابسامرّه


اشوكت چفّ السطرامّـك تي اتگطعــــــه
وگبرهــــا الضاع یــاشبل الحسن طلعــه
راح الحــگ یمهـدي وشـاعت البدعــــــه
صـوت الشیعه بعــدك محّد ايسمعــــــــه

مهرتك گوم الکدهـــــــــا والشیعتك ساعدهـــــــا
خيل الهشمت جدّك صدره ردّت هــاليـوم ابسامرّه


يغايب انتـه أظن ابحــالـتــــــــي تدري
علــه گبورالبقیـع ادموعــــــي هالتجري
صحن ســـــامرّه تفجيــره د مـه صد ري
يبـو صا لـــح یــریتــــه گــــوّض العمري

ولاهل خبرآنه اسمـــع منعده چبدي اتگطــّـع
الصابو حیدراهل الغدره ردّت هالیـوم ابسامرّه


امس ضلع الزچیـّـه الطــــاهره کسروه
وجــدّك حيــدر ابفرض الصلا ه طبروه
وبالسم ذولـــــــه دلا ل الحسن گطعوه
وصــدراحــسین من بعد الذبح داسـوه

احفـــــاد الذبحولحسین للهادي صحنه امهدمین
هذااحفاداسلاف القذره ردّت هالیـوم ابسامرّه


لسّه عــــالبقیع الشیعـه تبچـي ادمـــوم
کل واحد تشوفه بگلبــه کـثره اهمـــوم
مصـایبها اکـثـرت یــــــالغایب ابهالیوم
گبــرالعسکـري والهــــــــــادي المهد وم

زادت احزان البینـــــــه یمته الفرج والینـــــه
بیتك منّ الظالـم طهره ردّت هاليوم ابسامرّه
___
تمّت
الشاعر فالح العامری

«این بقیّة الله»
«شيعتي»
~~
شیعتك يـاذيـهـا اغیابك يمهديهــا
احضرشدايدهــا غيرك فلاعِدْهــا
__
من بعد شخصـك يمهدي اتطشـّرالشیعـه شملها
اوصـارت احزاب اوطوایف ابغیبتك منهوالیلمها
والذي بسمك تنادي ابها لوكت مهدور
دمها
الطلعتك هيــّـــــه تنتظـر
قابضه الشیعــــه عالجمر
ولیا وکت هــــــاذه الصبر
بیدهـــا تحفــرگبــــــرها
شبحـتلك الأنظـار اوتا نتك بالأدوا ر
الجیّتك قــــايدها غيرك فلاعِدْهـــا


اسمع اعتاب الموالــي والگلب تنـزف اجراحـه
الشیعي من اتولده امّه الموته مایشعر ابراحـــه
وابغیابك یبـوصــالح للمحب غـــابت افراحـــه
مارحــم بالشیعــــه الدهر
من کل کترحفـــها الخطر
عنهــاغبت یـــــــــالمنتظر
اعمارگضّت بالمناحـــــــــه

تتسلـّه بالدمــعات عمراوگضه ابآهات
ریتك تشاهدهــــا غيرك فلاعِدْهــــا


الشیعــه بــالمدمـع تحشمك ویـن انتــه عنها غایب
من اجل حبکــم الغالـــي دفعت انــواع الضرایـب
من غبت عنهــا یمهدي شـافــت اخـلافك مصایب
دُولاب فربیـــــها الوکت
سلواهــــا مدمعهـاالیکت
شیعتــــك عدمن ودّعـت
انصبّت اعلیــــها النوائب

الجیّتك متأملــــه واتقيم حكــم الله
هاذي عقــــائدها غيرك فلاعِدْها


اشــوکت یــاروح الشریعــه اتجرّدابچفـّك الصارم
تــاخذابثــارالـزچیـّــــــه من عدوشـرّیـرظـالم
اهواي ثــارات التحشمك انتفض یبن الأکــارم

نارالعلی البــاب الهبت
اونارالبلخیام اسـرجت
للیــــوم تسعرمــا طفت
ابطلعتك تطفیهــاعـالـم

وینك يوالیهــــــا ماتلحگ علیـــها
عالهم تسـاعدها غيرك فلاعدها


وللبقيـع ابجیشك اگصد وانظراگبـــورالهد يمــــــه
اربعــه امن اطهرسـلالـــــه اسنين صارالهم ابهيمــه
ذولــه للبـــاري سبيلــه اگبـــورهـم تهدم هظيمـــــــه

من بعدمــــا راحوا غدر
محّد يشيـدالهــم گبـــر
ايگابلهم ودمعــــــه يدر
اشکثرثارات التتاني الطلعتك یبن الزچیـّـــــــــــــه
___
تمّت
الشاعر فالح العامری

«وین الگبر»
«چلمه ونص»
یالمهدي یاراعــي الثـا ر
الگبرامـّـك ضاعت آثـا ر
~~
یالمهدي یانــــــورالعین
گبـرالزهره اصبــح وین
اسنین الآثاره امضیعین
اعلیـــــه اندوّر لیل انهار


ویـن الگبردلـّینـــــــــــــه
اندوّرعلیــــــه ملگینـــــه
حاضرنه وي ماضینــــــه
یتنطــّرمنـّـك اخبـــــــا ر


اغيابك علينه طـــــــوّل
وين اسكـنـت مــــانندل
انشوفك نــــريد اونسئل
ماهـــــزّتــك نــــــارالدار


ثارالمحسن ظل يتنـــاك
وضلع المكســـورالينخاك
اوخدّ المسطـــورالنــاداك
وتعلـم شمسوّي البسمــار


ما ظنـّك ناسيهـا البـــاب
من تذكـــــــــردلالك ذاب
انهض ماغيرك طــــــلاب
یالمهــــــــدي سلّ البتـّـار


يمتــه اتطالب يالمنصور
صـابرعالثارات ادهـــــور
يايـــــــوم اتعجّل واتثور
واتهدّم صـــــرح الأشـرار


وينــــــك يشبل الــزهره
يمتــه لــــــــواك اتنشره
وگبرالمظلـومـــه اتظهره
وابلهفــــــــه نگصد زوّار


یمتـــــــه ینسل الطیبین
نسمــــع صلبت الجبتیـن
نتنطـّرهـــالثـــــــاراسنین
تانینـــــــه الجیتك انصار


انصـــــارك يالمهدي اوياك
وانوالــــــــــي كلمن والاك
نتبرّه منّ العـــــــــــــــاداك
شيعه ابدربك يامغـــــــوار
_____
تمّت
الشاعر فالح العامری

«یافرج الله»
«عگیلی»
~~
یبن الهادي یبن الهادي
اظهرلینه یبن الهادي
_____
اعلیك اقـسم بالهادي ويومـــه
لمصابــه اگلوب المالومـــــــــــه
انقذ هالنــــــــاس المحرومــــه
لظهورك بدمـــــــــوع اتنـــــادي


انعـزّيك ابجـــــدّك وامصابـــه
من دم ادمــــــوع السچّابـــــه
من شیعـــــــة حید رواصحابه
اعله اغیـابك مجروحه ادّادي


يالغايب مجروحــــه الشيعـه
بمصــاب الد ين وتشريعـــــه
ابهالعزيات اتجـــــدّد بيعــــــه
وايظل اسمك النــــــه الحادي


موعالرايــــه اسمك خطـّينــــه
اعله اگلوب التلهج مهدینــــــه
وي کل دگـّاتــــه ایناد ینـــــــه
نسلك ويــّــــــــــاكم كل وادي


وادي المـختــــــــــــارواولاده
اولاده ابهالدنيـــــه القــــــاده
وبالمحشروالجنــّــــــــه الساده
من عدهـــــــم هالكون البادي


يالمهدي اويــــــاكم هــالعشره
اعرف بيهــــــاايــّــــــــام المرّه
المـــــــــوت ومــااتعذّرمــــرّه ابهــالمبــــــــدأ غـذ ّيت اولادي


غذّيت اولادي اعله الطاعـــــه
الامــرك والگولك سمّاعـــــــــه
مــــــــا تتعذّرباحرج ساعـــــه
العدوانك واجبهـــــــــا اتعادي


ابهــــــالمبدءجد ّك ربّانــــــــه
انواليـــكم واجب وصّانــــــــه
وطاعتكم نص ابقـــرآنـــــــــه
جدّ ك والقــرآن امــــــــــــرادي


يمته امرادي ابشــوفك يحصل
يـاليومك بالفطـــــــــره امأصّل
لاماشك لوجسمــــــــي اتفصّل
وعنـّك مــا يتخلـّـــه افــّـداي
_____
تمّت
الشاعر فالح العامري

« متی الفرج»
«تجلیبه»
~
گلت صبرو یمهدینــــه صبرنه والفرج وینـــــه
تعدّینه صبرایـــــــــوب الحزنّه ما وصل یعگوب
صبرنه والفرج وینـــه
__
تنطـّرنـه الفرجکم والصبرچـــم دوب
ذاب امن البعد منـّـــــه مهج واگلـوب
وحگك لومهجنـــــه من حدید اتذوب
ابکثرما عشنـه بغیابك هضـم واكروب

ما صدّگ یوالینــــــــــه اعله هالحالـــه تخلّینه
ابنارالغیبه یا محجــوب الحزنه ما وصل یعگوب
صبرنه والفرج وینــه


تخلینه اعلــــه دربك نشبح الأنظـــــــــار
يوميـّــــــــــــــه ابنشد عنّك نريد اخبــار
گضینه ابها لأمل یبن الحسن اعمـــــــــار
اشوکت تظهرتطفــّي بالچبـــــــــــود النار

نارافراگك البينــــــــــــه ما نحمل تچوّینـــــــــــه
ما تطفي ابدمع مسچوب الحزنّه ما وصل یعگوب
صبرنه والفرج وینـــه


نــارالفــرگـــــــــــــــه تلهب من یطفـّیها
اوحطبها ضلـّت الغیبـــــــــه تســاجیها
اشمــــــــا زاد الحطـب زا د اللهب بیها
دخیل اللــــه اود خیلك لاتــخلـّيــــــها

بیها اصبحنه وامسینـه افراش النه اوتغطینـــــه
واسهام الشماته النوب الحزنه ما وصل یعگوب
صبرنه والفرج وینــه


اسهام اهل الشماتــه افرض تحمّلنــــــه
اومصــایب هالدهرلجلك توطـّنـّـــــــــه
اولجل حبّك تعب والام الجـرعنــــــــــه
ويّاك ابأمل هالدنيــــــــــــــــه تجمعنـــه

اونتحده اليعادينـــــــــه نگلّه هذا تانینـــــــــــــه
تحمّلنه ابغیابه احروب الحزنّه ما وصل یعگوب
صبرنه والفرج وینـــه


کل واحد گــعد یحسب الك ساعــــات
لعد يومك يتاني ابحسره والد معـــات
ويتنطـّرتــرف من ّالغرب رايــــــــــــات
يعالم بالمنايــه اوتعلــــــــــم النيـّــــات

الثاراجدادك انوينــــــه وعالنصره تناخينــــــــــه
اوعهدنه بالدمه مكتوب الحزنّه ما وصل يعگوب
صبرنه والفرج وینـــه


من دمنــه کتبنالك عهد بيعــــــــــــــه
اشما جارت علينه اعداك الك شيعـــه
اوحبّك لوملك هـــــــــــالدنيه منبيعـه
ابهذا الحب عرفنه البــــاري وانطیعــه

منّه طهرت الطینـــــــه اوبي شیعه تسمّینــــــــه
عنّه ما نرد وانتــــــوب الحزنّه ما وصل یعگوب
صبرنه والفرج وینــــه


لــــوودّعنـــــه هالدنیــــــــــه ولا شفناك
الروح امن الجسم لوطلعت اعلـه ارضاك
يظل بيهاالأمل ترجـع يمهدي اويــــــــاك
اوجسمنــــه بالچفن متــــــــــوزّراویتناك

ابصوتك لوتنادينــــــــه يمهدي اجنود لبّينـــــــه
نطلع من گبرنه اسروب الحزنّه ما وصل یعگوب
صبرنه والفرج وینــــه


الگبرنه لولفــــــــــــه منکر یحاسبنـــه
نگلـّـــه اصبربعد ما شفنــه صاحبنــــه
المهدي لــــوظهرللنصــــــــره یطلبنـــه
احسابك لوبطـــه عنـّـــــــــــه يأخـّرنه

تحسّرمنكراعلينــــــــــه اليومك ماتناسينــــــــــه
الك تحت التراب اگلوب الحزنّه ما وصل یعگوب
صبرنه والفرج وینــــه
__

تمّت
الشاعر فالح العامری