«استنهاض بالغايب»
«شيعتي»
~~
سيدي الأ مـان من فتن هالزمان
گوم سل سيفك يبن حامي الحميـه
انقذ الأســـــلام ياشبل الزچيــــــــه


گـوم وانشرها ابچفوفك رايتك يبن الأكارم
الدنيــــه عجت بالمفاسد عوزها جيتك يقائم
غيبتك صارت طويلـــــه عله الأمـه الظلم حاكم
يمته ياراعي الحميـــــــه يبرج ابچفك الصاريم

وينك يمن بيك الرجـه
كرب الموالي فرجــ.ــه
خل يهتف الغايب اجه
وانتهت دولـــة الظالم

هالخبرننتظــر جيتك عالجمر
تاخذ ابثــــا رالسبط بالغاظريــــــــه
انقذ الأســـــلام ياشبل الزچيـــــــــه


اعلينه ال اسعود حكمت مااظن غيرتك تقبل
اورد ابن وهاب النـــــــه اوكل گلب شيعي توجل
داعش اتصلطوعلينــــــه راح هذا الدين
ينذل
ذبحونه فجرونـــــــــــــه عن دمانه منهو يسل

هالزمره ماعدها شرف
اصل اوفصلها منعرف
لافكـــرعدها اولاهدف
بس عملـها الذبح تجعل

الحگ الشيعتك انذبحت ابغيبتك
گاموايذبحـــون بيــــــها عالهويـــه
انقذ الأســـــلام ياشبل الزچيـــــــــه


وين يامنقذ الأمــــــــــه اويامجد د للشريعــه
عالموالـــــي عگب عينك ضاگت اعليه الوسيعه
چم اخــــ. وه كسروالظهره چم ابوذبحورضيعـــه
عجل ابثارك يغايب شيعتك صــارت ابضيعه

ادركنـه ياشبل الحسن
نجينــه من هاي الفتن
عزتنــــه ماغيرك ضمن
العجل ياشبل الوديعـه

ننتظــــرللفرج ذابت النه مهج
ابلايــه راعي عگب عينك هالرعيه
انقذ الأســـــلام ياشبل الزچيـــــــــه


مابگه للأمه راعـــــي عن حصنها من يحامـــي
لوتشوف اليوم احنه كل صدرمنعدنه دامـــي
من سمعناها العقيلــه اتنادي حرگوها الخيامي
هالدمع من عدنه يجري ابجيتك ينشف امامي
يمته دمعنه اتنشفـــــه
ارحمنه يبن المصطفـه
احجاب هالغيبه اكشفه
واخد ثارالراح ظامــــي

العمتك ياشهـم من عدوها انتقم
شابحه الأنظار للطلعه البهيــــــــــه
انقذ الأســـــلام ياشبل الزچيـــــــــه

شابحه انظارالعقيلــــــه الجيتك هيه تتانـي
اسنين يالغايب تنــــاشد وينه يالبيه الأمانـــــــي
مااظن ثاراتي ينســــــه والشمر يوم السبانــــــي
لسه صابرعالمصيبــــــه مافزع ليه واجانـــــــي

ردولـــي احفاد الشمر
رادو يهدمولـــي الگبر
ياعمــــه بعد اشتنتظر
غيبتك زادت احزانــــي
والأشد لوعتــي ذبّحو شيعتي
گبري من يحموه گالــــــــو طائفيــه
انقذ الأســـــلام ياشبل الزچيـــــــــه


اعذرنه يالغايب اعذرنه لوبدينه احنه عتبنـــه
اعتابنه الشخصك نوجها ندري بيك انته تحبنه
احنه من زيد اوعمــــرها اليوم بالدنيه اشكسبنــه
تاجرت كلها ابدمانـــــــــــه لين للكرار حبنــه

اورادونه ننســـه كربلـه
اوننسه الدماء السايلـه
من نحرابن عقد الولـــه
اونتناسه سبي العايلـه
اشلون ننسه الغاظريه وشجرت بيه مصايب
*
تمّت
الشاعر فالح العامري

كشكوة الشيعه»
«بحرالطويل»
~~
عهدنــه اوياك تــــــرد اردود
اشوكت بلواك علينـــه اتعود
____
من يــــوم الغبت لليوم علينـــــه اتسلط الظالم
گضينه العمر يالموعود نصارع جوركل حاكم
وحگ عينك يغايبنـــه طول الغيبه عذبنــــــه
گــــــوم انشــر روايــه السود
اشوكت بلواك علينـــه اتعود


رد اعلينــه ابن سفيان اورد الجمل بالبصــره
رايات الظلالــــه اهواي وابن العاص رد فكـره
چم ضلع ابضلع كسرو چم نحر اونحر گطعو

عليك ايهــــون يالمـــــوعود
اشوكت بلواك علينـــه اتعود

داعش والتبـــع هاليوم رادت دينك اتذلـــــــه
تحمل للسقيفــه اهداف الحيدر رابع اتجعلـــه
ماتنهض يراعـــــي الثار احنه اجنودك وانصار

نگرعينـــــــاك احنـــه اجنود
اشوكت بلواك علينـــه اتعود


تانينــــه يمهدي اسنين سور الغيبــــه اتكسره
للمحسن تطالب ثـــــــار اوثارات الضلع كسره
الباب امــــــوجره اتـّانيك والشيعـــه املها اعليك

تحــــــي الدين للمعبـــــــــود
اشوكت بلواك علينـــه اتعود

احدود الدين يالغـايب كلــــها اتعطلت بعدك
بني اميه اوبني العباس حرفو سنتـــــه الجدك
شاعت سنة اهل الجور من هارون والمنصور

علــه اشياعك حقدها ايـزود
اشوكت بلواك علينـــه اتعود


يبن العسكري چم دوب هذا الوضـــــــع نتحمل
بين الذبـــــح والتشريد عنــــــــــه محد اليأسل
كلها اتـّاجر ابد منــــــه محد بعد يرحمنــــــــه

تنطرنــــــــــاك النــــــه اتقود
اشوكت بلواك علينـــه اتعود

تمّت
الشاعر فالح العامري

«الأنتظا ر»
«مجرشه»
~~~
يامهدينـــه طــــال اغيابك يامهدينــــه
افراگك صعب اذّانه يمته الفرج مولا نه
__

گلـّـي اشـــوكت ياسيّدي تسطع ابمكـّه الأنوار
وتنگضــــــي ايّام المحن فرحه وتعمّ الأقطــار
اوغيبتك طالت يالولــــي اوظلـّينه نتنه الأخبار
اوحاشـه ابد يبن الحسن تتناســه ثار البسمار
ظل ياذينــه امصاب الزهره ظل ياذ ينه
كسرالضلع چوّانه يمته الفرج مولانه


وما اظن ناسي كربلــــه مولاي تنساهااشلـون
اجروح الگلب ماتنـّســـي كلساعه الهاايلچمـون
ماريد اهيــج اجروح الك ياللي ابعذابك مسجون
موكافــي يالمهدي الصبر ياوكت ثارك مرهون
منتظرينــــه تطلب ثـــارك منتظرينـــه
اليومك لبسنه اچفانه يمته الفرج مولانه


چم ثــــــا رالك يبن الحسن طف كربلـــه اتعنـّاها
كل حجرمن عدهـــا ومدر بلسانك احچي اويـــاها
وانشدها چم طفلــه وطفل سحگت اخيـول اعداها
واسئلـــــــهاعن نارالعطش عبّــا س رد طفـّــــــاها

ماناسينــــه ساجي اعيالك ماناسينه
نتنطـّرك وصّانــــه يمته الفرج مولانه


لومن گصدراعــــــي العلم والحرم تتربّالـــــه
تتأمّل ايعـــــــــــود الضمد واتعيش هيّه ابجالـــــه
مابينهم حـــــــــــال الأجل وللخيم محّد شالــــــــه
وثـــــارالچفـــوف ابطلعتك تاخذ لـه من چتـّالــه

طفـّوعينـــه عليمن عمّك طفـّوعينه
رادويطيح الوانه يمته الفرج مولانه


كلّ الجره اعليـــها وسده اسمعــــــها من تحچيلك
تبد يلـك امنين العتـــــب واليــــــــاهضم ترويلك
مـن سـهم عـبدالله الـطفل يـاريت شـــــافت عينك
جدّك اموسده بالد مــــــــه متخضّب اينــاد يلك

ياوالينـــــه صـــا برچنـّك يا والينه
ماتستمع نخوانه يمته الفرج مولانه


ارجـــــــــــع واگولن سيدي يمتـــــــه الفرج يامولا ي
ذاب الچبــد منّ الصبـــــــر چنـّك رضيت انته ابهـاي
سلـّمت يـــــــالمهدي الامر بس هالشطرسمعه اوياي
يـــــــــوم ابواليمّه اشينـّسه ما نهنه من نشرب مــاي
ثارك وينـــــــه الذاك اليرضع ثارك وينه
ابجاه الطف لاتنسانه يمته الفرج مولانه
*
تمّت
الشاعر فالح العامری

«حبل الوصل»
«شیعتي»
~~~
ابغيبتك ذلـّينـــــه والله يا مهدينه
يا اميراًللعصــور فمتیٰ يوم الظهور
__
امنين ابدي يــالمغيّب الك واوصف مجتمعنــه
انتــــه عالم بالسراير عليك ما يخفه وضعنـــــه
الدين رادالنــه الكرامـه واحنه للذلـّه ركعنــــــه
رايــة‌ الوحده طوينــه وللفتن رايه رفعنـــــــــه
اتجمّعنه كل عشره ابحزب
نـيـران هـالفتنـــــــه نشب
واندگ عله اطبول الحرب
الدعوة الحگ ما سمعنــه
عالسأل ردّينــــــه ابهل وضع شعلينه
قدلقينا مانقــول حكـّمت فينا المغول


الدين يــالمهدي ابجمعنـــه مثل مــا انتــه تغرّب
لوتجي الحــالــه وتشوفــه اظن من غربتك اصعب
مــابگــالـــه وزن عدنــــــه بــالمحارم چنـّه اذنب
شــال من عدنــه وتعنّــــــــه الك گــاصد يـالمعذب

اتعنّالك ابلوعـــــه وهضم
اشيحچيلك اششايف ظلم
واشحمل من عدنه سگـــم
عــاين الگلبـــــــــه المصوّب
عنّه والتخلـّينــه ابحگـّه ما وفـّينه
جائك يعلوالنياح اشخلـّت فيه الجراح


احنـــــه يالغايب هجرنه الدين موهوّه الهجرنـــــــه
اسنين بخلاقـــــــه ينادي وللرذيله احنـــه غرسنـه
النــه يدعوللقداســــــه الدعوتــــــــه سدّينـه اذنّـه
رادنـه بخلاص نعمل احنـــــــــــه بالنيّـه شركنــــه

يا من ضرب النــــــ.ـــه مثل
ابخدمه احسين اشرف عمل
لــــوبيـهــــــا نخلص لـلأجل
اشموع نلگـــاهـــاابگبرنـــه

ابهذالوشكـّينــــــه ابياسبيل انجينــــه
هالدموع الجاريات لنافي الحشرنجات

تدري يـــالمهـــــــدي تبدّل عدنـــــــــه كل معروف منكر
الغيبـه والبهتـــان شـــاعت والأشد من هذاواكبر
اهجرنــه اسلام ابوالزهره وصاررجعت فكرحيدر
احملنـــه افكــارالسقيفـــه وبــــالعواقب منهوفكـّر

مـا همنـــه سوءالعـاقبــــه
ومال الحرام النكسبـــــــه
اتهمنه الرئاسه ومرتبــــــه وعــــالتشيّـــــــع الله يستر

غيبتك والينــــــــه لوتطول اعلينــــه
سيّدي شاع الفساد فمتیٰ تنجي العباد


يــــا بقيـــــــــة الله ارادة خوّة‌الأيمـــــان راحت
التفرقــــــه حلـّت محلها والجهالـــه النـــه عادت
حالنــه منهواليصلحـــــه والهدايـــــه اويــــــاك غابت
الديرتـــــــه كلمن تعصّب الدنيــــــــه بالنعرات مــــاجت

اتفرّقنــــــــه يالمهدي كتل وامصيطراعلينــــه الجهل
والعلم من عدنـــــه ارتحل
الرادتــــــــه العدوان نالت
غيّرت ما ضينــــــــه الضعف عرفت بينه
نصغي قول الطامعين وهجـــــــرناالثقلين


سيرة‌ الهـــادي وعترتـــــــه چنها عبره انمرعليــها
ونحفظ الأيــــــات گمنـــــه والهدف نتسلـّــــه بيها
والأشد من هــــــــــــاذانلعن الامم من خــــانت نبيــــــها
نعرف الحگ ونحرفـــــه
وكل ظلامه امحرّفيــــها

واحدنــه بالدنيـــــه اشتغل
ما يوم وجدانــــــــــه سئل
ما راجع اعمالــــــــه وخجل
ابليس لامــــايرتضيــــــها
الفاطمه اتناسينــه وضلع المهشمينه
ينزفُ الصدردماءِ ولهاتبكي السماءِ


عمل مــا عدنــــــــه يمهدي زين وايقرّبنــــــــه منّك
لاچن الليلـــــــــه اجينــــه ابامل واحدعدنـــــه حبّك
اتلـّطف اعلينـــــــــــــــه ابحنانك انحلفك احنه ابضلع امّك
لينــــــــه يــامحجوب عجّل واعفوعنّه ابكبرحلمك

يارحمة‌ الله الواسعـــــــــه
الوالاك يجري مدمعـــــــــه
اغيابك دليله امگطـّعـــــــه
ايريد حبل الـــــوصل يمّك
چم قرن تانينــــه امن الهجرملـّينه
مُلئت دنيانه جور انت عالم بالأمور


نعترف احنـــــــــه سببها غبت هالغيبــه الطويلــــــه
يــــــوم ماعدّينــــــه عدّه وحملك الطايـــــح نشيلـه
ابلذ ّة‌ الدنيـــــه عرگنـــــه اسنين نركض عالرذيله
لاچن اگصدنـــــه المضيفك الك يالمترد دخيلـــــه

يــــالمهدي نطلب رحمتك
عجّل علينــــــــه ابطلعتك
خلــــــــي نشوف الدولتك
وتسحگ الرووس العادتك
امل كل شيعــــــــــــــــي يمهدي يدرك الطلعه البهيّه
____
تمّت
الشاعر فالح العامری

«دموع الأنتظار»
«موشّح»
~~~
يــــاوكــت تسرج الخیل ارکا بـها
الغيبــــه صا رت بالگلب نشّا بها

امن الصبریبن الحسن دلالــي ذاب
یمتــــه يلفي الفرج یابد رالأطیاب
تفرح الشیعــــه بعد حزن اوعذاب
ابدولتك ينحقن دم ارگـــــــا بـــها


خل اسولف والگلب ملتهب نـــــار
والعتب ماينگضــــــي ابلیل اونهار
غیبه طالت موبعد کافي انتظــــار
یاوکت عیني تشوف احبابــــــــهـا


شیعتك دولاب فربيــــها الــوكـت
ادموعــــــها الملگاك یالغایب تکت
تلتقي ويــّــاك يالمهدي اشـــــوكت
علم عند ك يالولي بمصــــــــــابها


شال عنها الفرح والديره جفـــــــه
اوقلـّت ابهالوكت اهل المعرفــــــه
ياهويسمعها اوهضمها اتسولفـــــه
ماكوغيرك يستمــــــــــــع لعتــابها


امنين تبد يلك عتبــــــها والجروح
لوصبرايـّــوب عدها وحلم نـــــوح
اثنينهن چـــــــافضّن وگعدت تنوح
الدهردومـــــه حـاط دابــــه ودابها


الدهربس ویــّـــاها متحزّم احزام
لیلــه ما خلاها مرتـاحـــــــــه تنام
اشکثرصعبـــه مرّت اعلیها الأيـّــام
صارمن دمّ النحـــــــــور اخضــابها


من دماء انحورها حنــّـــه الچفوف
یاهویحکم وجـــــّه اعلیها السیوف
منهایطلب صعب منهــاجك تعــوف
ابفعل السيف جاب احزابــــــــــــها


احزاب بينــــه تاجرت لجل الحكم
ماكوواحد بالشعب گلبــــــــه یهــم
واحد امن الثانــــي اشد واکثرظلم
ماتحبّــــــــها الناس خوف اتهابـــها


ابغيبتك هالشیعـــــه راوها المحن
اوجرت ویّــاها نكبـــــــــات الزمن
اوابد مــــاعافتك يــــاشبل الحسن
الك بیعــــــه انطت امن اصـــلابها


تقـبل ابهذا يغـــايب مــــــــااظن
عــالعرض والـــــد ین قل الیأ تمن
راحت العالنخـــوه صرختــهــا ترن
للظلم متهاب سن احرابـــــــــــــها


راحت اهل الشیم والعزوالوفــــــه
اهل للمعروف والحگ تعرفـــــــــه
دوم للمنکرطبعها اتخالفــــــــــــــه
تفتخربالدین مـــــوبا نسابـــــــــها
*
تمّت
الشاعر فالح العامری

«متی ترانا ونراك»
«موشّح»
~~
یابقیة الله گلـّـــــــــــي اشتنتظـر
علــی افراگك يالولي ما ظل صبر
___
اشكثرنصبرموبعد كافـــي انتظار
ذبح صارابشيعتك وسط النهــار
وانته عالم بالخفايــــــه والاسرار
صاربينـــــه الفتك من ذاك الظهـر


من ظهريـــــــوم الاثنين التعرفــه
رحل بيه المصطفی راعي الوفـــه
عله الدنيه من بعد شخصه العفــه
جسمـــــه ما واروا انجمعوللغـد ر


بالسقيفه اتجمّعت اهل الاحقـــاد
ضدّك وضد شيعتك صاراتحـــــاد
والخليفه ابسيف فرضواعالعبــاد
وظلّت آثارالسقيفـــــه ابكل عصر


الفرج يمته الظلم عم ابكل مچـان
حتّه بین الشیعـــه ما یحصل امان
تندعلیك شيعــــــه لاچن باللسـان
والحقیقه انشوفـهم عگـرب صفـر


بعد گلـّـــــــي اشتنتظریبن الحسن
ادرك الـــــوالاکــم ایعیـش ابمحن
اســــــود ایظل لابس الحدّ الچفن
یفك حزنــــــــه راد ويّاك ايحضر


طالت الغيبـــــــه اودنه منّه الاجل
ويلهج ابأسمك لمه السانه انشچـل
اسنين ظل الشــوفتك عــاش بامل
وتظل عينه شا بحه اليــوم الحشر


راد ساعـــــــه ايعيش بالعزوالكرم
ايشوف سيفك من يهدّم كل صنم
رايتك عالدول بالخيـرالتعــــــــــم
تالــــي ما شافك خلص منّه العمر


السانه يلهج بيك كل صبح ومسه
والموالي حبّك ابگلبه اغـرســــــه
رادهم ابگلبــه یــــــوم اتنفّســـــه
هاذه همّ الشیعــي تدري امن زغر


بالاصلاب الشیعي یحملـّك عتــاب
والعتابه ليش ماتنطـــــــــي جواب
اليــــــاوكت ينتظر يتحمّـل عذاب
ابحاله ارحم يبن فا طمـــة الطهر


الموالي خلص عمره ابحسرتـــــه
وطال الغیاب ویذوّب چبدتـــــــه
حي تمنّه ایشوف امامه ابطلعتــه
ابشـوفتـك يالغايب ايكحل النظر


خلـّص الدنيــاه بالحسره اووسف
عن امامـــــــه ابیا کترلاما عــرف
ولاحضرطلعتــــــه ولانال الشرف
ضیم یاماشاف بالدنیـــه اشکثــر


الــــــي اويه الغايب بعد آخرعتاب
الکربلــــه ما عرّجت یبن الاطیــاب
صدرالحسین انعجن ویــّــه التراب
وما شفت عمّاتك ابيــــــوم اليسر


وبلواء الحمد انهض للطفــــــ.ـــوف
الك رايه اعله النهر ويّه الچفــــوف
اوسهم البعينـه لون عينك تشـــوف
اوتگعد الحالــــه تنـــوح اعله النهر
_____
تمّت
الشاعر فالح العامری

«يمته يغايب»
«عگیلی»
~
لتخلـّینــــه لتخلـّینه
بید الظالم لتخلـّینــه
____
یـــاشبــل المختـــارونــــــوره
یاحصن الاســــلام وســــوره
بیمینك رايـــــه المنصــــــوره
من جد ّك حيـــد رمذخــــوره
نتنطـّريــوم التنجينـــــــــــــه


بيك العـــــالم يلهج دومــــــــه
والعد لك يتنطـّريــــومــــــــــه
وتخلص النـــــاس المظلومـــه
وتـريح اگلوب المالومـــــــــــه
طال الظیم اعلینــــــه اسنینه


وینك يـالغايب نادينـــــــــــــه
مظلومين وحـن اعلينــــــــــه
نــــــارالهجران اتچوّینـــــــــه
مانگد رنصــــــــبرملـّینـــــــــه
لوصبرایوب اتعدّینـــــــــــــــه


یایـــوم اتفض هــاي الغیبــــه
ویهل اهـلالك من طيبـــــــــه
وتنادي ابثـــــارك يـــاهيبــــه
حگ امّك بالسيف اتجيبــــــه
الباب وناره تاخذ دينـــــــــــه


هاك اسمـــع مظـلوم اعتابـــه
ماواحد حن اعلـــه امصابــــه
تدري الحگ قلـّت اصحابـــــه
ویومیّه عالشیعــــه اطلابــــه
عجّل یالمهدي انذلـّینـــــــــــه


یـــاماصبرت نــــــاس وراحت
والرکبك رادت مـــــــــاشــافت
چم عِذّ ال اعليـــهم جــــــارت
للمـــــــــــــوت وحبّك ماعافت
واحنــــــــــه العهدك ماناسينـه
____

تمّت
الشاعر فالح العامري

«المهدي وکربلاء»
«تجلیبه»
عن طلعتك ماكواخبـار
يالمهدي صـابرعالثا ر
*
من كثرة مصـــــــابك گلبك المجـــروح
وجنـاتك كراهن دمعـــــــك المسفــــوح
عفه جسمك يمهدينـــــه تسكنــه الروح
دمعك يجري ليل انها ر
يالمهدي صـابرعالثـا ر


یغایب روحـك البالهــــــم تجالبهــــــــا
علــــه الكسروضلعهـــا اودمها خضّبهـا
تگطــــــــع انیاط گلبك حسره تجذبها
لمصاب بتّ المختــــار
يالمهدي صـابرعالثا ر


جسمك من نوايب هـالدهرنحــــــــلان
الك تـحت الضلـــــــوع اتوجّرت نيران
من تــذكرذبيــح اللـي گضـــه عطشان
يوم العاشرلاماصا ر
يالمهدي صابرعالثا ر


يهیّج نـارگلــبـك جــدّك المظـــلــــوم
ابــــلا نـاصر وحیــد ابّين ذيچ الگوم
عله امصايب ابواليمـّـه هجرت النوم
وابچبدك ملتهبه النا ر
يالمهدي صابرعالثا ر


من تذكـر يغـــــــــايب جد ّك الغدروه
اوعبدالله اعله صدره بـالسهم ذبحوه
اشحاله من نظرلــــــه والنحرگطعـوه
آيا فعل هـــــــالأشرار
يالمهدي صابرعالثا ر


لوتذ كرعلـــی الشاطـــي رمیـّـه الجود
والعبّـــــاس راسه امهـــشّم ابعــــامود
اوسکنــــــه اتصیح یاعمّي علینه عود
يابـــــوالغيره يامغوار
يالمهدي صابرعالثا ر


الله ابعـون گلبك من تصـد للمـــــــاي
اوتذكـّـر ذبيـــــــح العالنهـــر مــــولاي
اوتذ ّكـّـراچفـــــــوف اوجــــود للروّاي
اشتذکريبن حامي الجار
يـالمهدي صابرعالثـا ر


اوتذكر للیتامه اخذوهـــــا للكوفــــــه
من طفــل الطفــــــل بحبال مچتوفه
مخطوفـــه الرسوم الحلوه مخطوفه
واعليها اتحفّ الأخطار
يالمهدي صــابرعالثا ر
____
تمت
الشاعر فالح العامری

«متی الفرج»
«میمر»
~
یبن الحسن نترجـّا ك يبن الحسن
جـــا رالزمـا ن اويــا نـــه
كافــــي الصبرمولا نـــــه
____
يبن الحسن كــافـــــــــي الصبرنترجّاك
واحدنـه قـــابض عــــــالجمرمن يتناك
وعـــالدرب مشبوحــه النــواظرتنخـاك
منّ المدينــــه يـاوکت یلفـــــــي الواك

يحي السنن ندري الواك يحي السنن
العدلك تحن د نيا نــــــــه
كافــــــــي الصبرمولا نــه


واعدنـه بيك المصطفـی اومشتــــاگین
نتنطــّرالهذه الفــرج صـــــــــــارا سنین
وماعدنـــه عنـّك كل خبــرســـاكن ويـن
الچفـّـك نريد ه اينشـّف ادمــــوع العين

روحي تحن الملگـاك روحي تحن
من فرگتك خلصانــــــــه
كافــــــــي الصبرمولا نـه


للفرج ندعي كل مسيــّــه ومصبـــــاح
هذه العمرثـلثينه خلـّصنـــــــه انيـــاح
ومنّ البچـــــــي تلفت مهج والأروا ح
اعلینه انکتب بسّ الحزن ماکـوافراح

جـــارالزمن عالوالاك جـــارالزمن
ارض انسگت بدما نـــــه
کافــــــــي الصبرمولا نـه


کل ساعـه بغـیــــابك تمرتذ بحنــــــــه
منّ الذبـــــح وآلامــه ابد ماصحنــــــه
لــويمرشخصـك بــالحلـــم صا بحنـــه
الهذه الأمل لحظه فــلابــــا رحنــــــــه

رغم المحن ما عفناك رغم المحن
انصارع نظل اعدانــــه
كافــــــــي الصبرمولانه


يمته تجـــــــي هــاي البشرتصلحهــــا
عن درب الأعـوج مــاــومن يـردعهـــا
بس سيفـك ابدرب العـدل يجمعـهــــا
والبيك نــــــــاس امستــّره تفضحـهـا

اهــــل الفتن والأرهاب اهــل الفتن
ناس احكمت خوّانــــــــــه
كافــــــــي الصبرمولا نـه


يمته تسل سيفك اليفنـــــــي الأرهاب
واتفــرّق ابهالسيــف جمــع الأحــــزب
واتطفـّــــــي نــارالتستعــر منّ ا لبـاب
شبّت ابسامرّه ابضريـــح الأ طـيـــاب

ماتنطفـــــي هاي النار ماتنطفـــي
تسري ابجميع اعضا نه
کافـــــــي الصبرمولا نه
__
تمّت
الشاعر فالح العامری

«عتاب المحب»
«تجليبه»
~~~
بدموعي جیتك شچّاي یبن الحسن یا رجواي
نارالحرگوبیها الزهره ردّت هالیوم ابسامــرّه
_____
لـــواندل مچــــــــــانك چـــــــا تعنـّیتك
الثمن عمري اد فعـــــــه بس اصل بيتك
عتب شكبـان احملــــه يالولـــــي جيتك
اجيت الغـوث اصيحـن وادخـــل اثنيتك

گاصدالك عنوانــــــــي ماواحد الدلني
الظلموامّك ارذل زمره ردّت هاليوم ابسامرّه


يـــالغايب اجيتك والدمــــــــع سچـّاب
واعرفــك مــاترد سایــل وگف عالبا ب
اجیت ابروح مفجوعـه اوگلب منصاب
تهدّم گبــرابـوك اومالــــــه کل طـــلاب

والتدّعــي اتباعك ذبحت بديها اشيـاعـك
حملت للوهّابـي الفكره ردّت هاليوم ابسـامرّه


عليــك اهوا ي اد وّروانشـــــدت عنـّـك
وابروحــــي امل ساعــــه اشــــــوفنـّك
عله جـروح الگلب یالوالــــــي اورجنـّك
وابنوحـــك علـــــه ســا مــرّه اعيننـّك

خـلـّصت عمرك بالنوح ابدلالك اهواي اجروح
من نارالباب المتوجره ردّت هــاليـوم ابسامرّه


ضلـع امّك يغـايب مــــــــــــاجبركســره
گلبـك بعــده ينــزف دمّه من العصـــره
ولسـّه ترن بذ نك صــرخــــة الـــــزهره
وچبــدك عــــــالمصيبـــه ملتهب جمره

وشمـا يطول اغيابك يكثريمهدي امصـابك
احفاد الخرجة بالبصره ردّت هــاليـوم ابسامرّه


اشوكت چفّ السطرامّـك تي اتگطعــــــه
وگبرهــــا الضاع یــاشبل الحسن طلعــه
راح الحــگ یمهـدي وشـاعت البدعــــــه
صـوت الشیعه بعــدك محّد ايسمعــــــــه

مهرتك گوم الکدهـــــــــا والشیعتك ساعدهـــــــا
خيل الهشمت جدّك صدره ردّت هــاليـوم ابسامرّه


يغايب انتـه أظن ابحــالـتــــــــي تدري
علــه گبورالبقیـع ادموعــــــي هالتجري
صحن ســـــامرّه تفجيــره د مـه صد ري
يبـو صا لـــح یــریتــــه گــــوّض العمري

ولاهل خبرآنه اسمـــع منعده چبدي اتگطــّـع
الصابو حیدراهل الغدره ردّت هالیـوم ابسامرّه


امس ضلع الزچیـّـه الطــــاهره کسروه
وجــدّك حيــدر ابفرض الصلا ه طبروه
وبالسم ذولـــــــه دلا ل الحسن گطعوه
وصــدراحــسین من بعد الذبح داسـوه

احفـــــاد الذبحولحسین للهادي صحنه امهدمین
هذااحفاداسلاف القذره ردّت هالیـوم ابسامرّه


لسّه عــــالبقیع الشیعـه تبچـي ادمـــوم
کل واحد تشوفه بگلبــه کـثره اهمـــوم
مصـایبها اکـثـرت یــــــالغایب ابهالیوم
گبــرالعسکـري والهــــــــــادي المهد وم

زادت احزان البینـــــــه یمته الفرج والینـــــه
بیتك منّ الظالـم طهره ردّت هاليوم ابسامرّه
___
تمّت
الشاعر فالح العامری