قدسية الخدامه..... ▪️▪️▪️

‏الرادود مشتاق البصراوي

‏الرادود ابو احمد

«اخرعلامه»
«شيعتي»
~~
وين بدر الهاشميـــــه ياخذ ابثار الزچيــــه
ينتهــــي عهد الفجور ياهله ابيوم الظهور
ياخذ ابثار الزچيه
__
چـم قرن مراوتعده ننتظــر منك علامـــه
اعليها آمال البنينـه انشوف انـوار الأمامه
اتعيش هالامه ابتآخي اوتوصل الشاطي السلامه
كل العلامــــــــات اظهرت
السفياني واجيوشه لفت
كل المســـــــــاجد فجرت
للنبي حرفواسلامــــــــــه

ذوله احفاد السقيفـه حملو احقاد الخليفـه
وين قايدنـــــه الغيور ياهله ابيوم الظهور
ياخذ ابثار الزچيه


احنه شفنه چم علامه اوچم شخص ظالم حكمنـــــــه
من الخليفه لآل اميـه والله من عدها انهظمنـه
كلمن اتسلط علينــــه لا نفعنـه اولارحمنه

داعش اجت هذا العصر
لاهدف عدها اولافكــر
بس القتل بس الغـــدر
والذبح صاير سهمنــه

للفرج احنه نتانـــــــي وين رايات اليماني
ويه صاحبها العصور ياهله ابيوم الظهور
ياخذ ابثار الزچيه


ظهرت اهوايـه علايم طلعة المهدي قريبـه
احنــه نلعن من يوقت ابطلعته ماعدنه ريبه
للفرج ندعي ابغيابــه اشوكت بارينــه يجيبـه

لويستجاب النه الدعه
غايبنه الله ايطلعـــــــه
شمس الولايه الساطعه
تنگضي محنة الغيبـه

للبدع يمحــي اثرها للعدل رايـه نشرها
للظلم يهدم قصــور ياهله ابيوم الظهور
ياخذ ابثار الزچيه


وين اصحاب الولايه العدها ايمان ابظهوره
خلي بالدنيه یصفـي احسابـــــــه ويرتب اموره
ايشوف نفسـه تهوه المن العلــي لوزمرة الشوره

لـــــويظهر الغـايب بعد
ماتنفــع التوبـــــــه ابد
من هسه رسخ المعتقد
اصلح النفس الشروره

حارب النفس اوهواها فاطمه تكسب رضاها
يوم ابنها من يثـــــور ياهله ابيوم الظهور
ياخذ ابثار الزچيه


يامن الغايب تتانـــي اورايد اتشــاهد انـواره
موقفك هاليلـه حدد اتنصره من يطلب ابثـــاره
تعلن البيعـه الأمامك تنصره اوتنصر افكــاره

واتبايعـــــــه ابدم النحر
تاخذ امن اسلافك عبر
تحمـيــــه من جورالدهر
مثل انصــــــــاره الغياره

صفي نيتك هالمسيــه خلي روحك مهدويه
النصرته جندي فخور ياهله ابيوم الظهور
ياخذ ابثار الزچيه


وين هذا اليوم وينــه اسنين مصباحه نتانـــــــي
نسمع ابيت الله ظاهر حاكم البيــــــــــه الآمانـي
اينادي ياثار الزچيـــه المانسيته كل زمانــي

وينادي ياثار الضلـــــــع
بغيابي اهل لجله الدمع
اوگلبي يشيعه منفجـع
عله امصاب الغاضريه اوعمتـــــــــي الراحت سبيه
__
تمت
الشاعر فالح العامري

«يافرج الله»
«شيعتي»
سيّدي يمته نراك للفرج نسمع نداك
طـــوّلت غيبتك ننتظـــــــر جيّتك
للفرج نسمع نداك


حايرامنين ابدي عتبــــي الحضرتك ياشبل حيدر
شيعتك صــــــارت طراي والشمل منــــها تطشـّر
الظالم ابسيفــــــــــه ولاها منهوغيـرك الـــها ينغر
لحّگ اعليــــها يغايب گبل مامحنتـــــها تكبــــــــر

حاضرها والماضي انظلم
وابحــــــالها محـّـد رحــم
بوجـــــوها الضيم انرسم
تريد يوم الی بـــــي تنسر

راح چم جيل التناك عينه ماشافت لواك
اتــأمّلت طلعتك ننتظــــــر جيّتك
للفرج نسمع نداك


تدري من يوم انولدنـــــه للفرج كل جمعـــــه ننطر
الجيتك الساعات نحسب ثــورتك يمتـــــــه تفجّر
گــــــــــوم ياناصرالمذهب اورايـــــــة الكرّارانشر
افرض ابهالدنيـــــه عدلك ابحكمك المظلوم انصر

راح العـد ل وي حيـدره
حكمتنه طغمـــــه كافره
احفـاد السقيفه الغــادره
اسلامــــها بس بالمظاهر

جورصارابكل مچان وين نلگي للأمان
يحصل ابدولتك ننتظــــــر جيّتك
للفرج نسمع نداك


عالجمراحنه قبضنـــــــــه اوننتظرجيتك يغـــــايب
غيبتك طالت علينــــــــــه اجرعنه بالغيبه مصايب
ياولينه انتــــــــــــــه تعلم اتحكـّمت بينـــــــــه النواصب
فجّرونــــــــه ذبّحونـــــــــه منهو البحگنــه يطالب

اگبورالبقيـــــــع اتهدّمت
اوســـامرّه تدري اتفجّرت
دولت الصبيـــــان احكمت
ابهالحكم شفنــــه العجايب

تدري گضينه السنين بين حسرات اوانين
انقذالــوالتك ننتظــــــر جيّتك
للفرج نسمع نداك


ايروح حاكم يلفــــي حاكم اعلينه اعظم واشد ظلمه
ابهالوكت يوميّـــــــــه فتوه للموالــــــــي اتبيح دمّــــــــــه
شمس للحريــّــــه ماكو من غبت لليــوم ظلمــــــــه
المن انوجـّــــــه عتبنه حالنــــــــه محّد يهمّــــــــــه

والتدّعــي ابحگّ البشر
بحكامها دمنـــــه انهدر
ردّ الشمــرحقده ظهــــر
يذبح الزار ابواليمـّـــــه

اعليك مايخفه اللي صار ياشبل حامي الجار
فجـّــرو شيعتك ننتظــــــر جيّتك
للفرج نسمع نداك


دمنــــه ابلبنان يجري اوبالنخيب اوارض طيبـــــه
مرتفع صوت الظلامه اوحگنـــه ضايع من يجيبــه
الشيعه بالبحرين ترزح بالمطامير الرهيبـــــــــــــه
اوبالعراق اوارض مكــّــه عايشه الشيعه ابمصيبـه

يبن الحســن عندك خبـــر
مارحم بالشيعــــــه الدهر
ادخيلك يبن فارس مظــر
اشلون لوطالت الغيبـــــــه

صاربالشيعه الدمار انذبحت ابوضح النهار
عجّل امـــروّتك ننتظــــــر جيّتك
للفرج نسمع نداك


امروّتك ادركنـــــه يغايب يابقية الله اونبيـّــــه
انريد ناظرنـــــــــه نكحّل ابشوفتك گبل المنيـّـــــــه
انريد عرش الظلـم تهدم اوتمحــــي دولة آل اميـّــه
اوتصلب الجبتين بيدك الهشّمواضلوع الزچيـّــــــه
والبـــــاب تانت طلعتك
يايــوم تســــرج مهرتك
ونريد نسمـــــع صرختك
يالثار الغاضريـّــــــــــــــه

نادي يبن الطيبين يالثارات الحسين
اهجــرالغـربتك ننتظــــــر جيّتك
للفرج نسمع نداك


الليله اعذرنـــــــي يغايب لوجرح گلبك لچمتــــه
هاذه من ضيم العليـّـــــه دارك ابهمـّــــي گصدتــه
الغيرك آنــــــه المن اگصد اوواسطــــــه لله جعلتــــــه
محّد اليرحم ابحالـــــــــي اويجري للمصابــــــــي دمعته

بس ا نتـه يبن العسكري
تجبــــــرالكسـرة خاطري
الجيتك شبحت الناظري
منيتـــــــي وجهك اشوفه گبل ساعــــــات المنيــّـــه
___
تمّت
الشاعر فالح العامري

«استنهاض بالغايب»
«شيعتي»
~~
سيدي الأ مـان من فتن هالزمان
گوم سل سيفك يبن حامي الحميـه
انقذ الأســـــلام ياشبل الزچيــــــــه


گـوم وانشرها ابچفوفك رايتك يبن الأكارم
الدنيــــه عجت بالمفاسد عوزها جيتك يقائم
غيبتك صارت طويلـــــه عله الأمـه الظلم حاكم
يمته ياراعي الحميـــــــه يبرج ابچفك الصاريم

وينك يمن بيك الرجـه
كرب الموالي فرجــ.ــه
خل يهتف الغايب اجه
وانتهت دولـــة الظالم

هالخبرننتظــر جيتك عالجمر
تاخذ ابثــــا رالسبط بالغاظريــــــــه
انقذ الأســـــلام ياشبل الزچيـــــــــه


اعلينه ال اسعود حكمت مااظن غيرتك تقبل
اورد ابن وهاب النـــــــه اوكل گلب شيعي توجل
داعش اتصلطوعلينــــــه راح هذا الدين
ينذل
ذبحونه فجرونـــــــــــــه عن دمانه منهو يسل

هالزمره ماعدها شرف
اصل اوفصلها منعرف
لافكـــرعدها اولاهدف
بس عملـها الذبح تجعل

الحگ الشيعتك انذبحت ابغيبتك
گاموايذبحـــون بيــــــها عالهويـــه
انقذ الأســـــلام ياشبل الزچيـــــــــه


وين يامنقذ الأمــــــــــه اويامجد د للشريعــه
عالموالـــــي عگب عينك ضاگت اعليه الوسيعه
چم اخــــ. وه كسروالظهره چم ابوذبحورضيعـــه
عجل ابثارك يغايب شيعتك صــارت ابضيعه

ادركنـه ياشبل الحسن
نجينــه من هاي الفتن
عزتنــــه ماغيرك ضمن
العجل ياشبل الوديعـه

ننتظــــرللفرج ذابت النه مهج
ابلايــه راعي عگب عينك هالرعيه
انقذ الأســـــلام ياشبل الزچيـــــــــه


مابگه للأمه راعـــــي عن حصنها من يحامـــي
لوتشوف اليوم احنه كل صدرمنعدنه دامـــي
من سمعناها العقيلــه اتنادي حرگوها الخيامي
هالدمع من عدنه يجري ابجيتك ينشف امامي
يمته دمعنه اتنشفـــــه
ارحمنه يبن المصطفـه
احجاب هالغيبه اكشفه
واخد ثارالراح ظامــــي

العمتك ياشهـم من عدوها انتقم
شابحه الأنظار للطلعه البهيــــــــــه
انقذ الأســـــلام ياشبل الزچيـــــــــه

شابحه انظارالعقيلــــــه الجيتك هيه تتانـي
اسنين يالغايب تنــــاشد وينه يالبيه الأمانـــــــي
مااظن ثاراتي ينســــــه والشمر يوم السبانــــــي
لسه صابرعالمصيبــــــه مافزع ليه واجانـــــــي

ردولـــي احفاد الشمر
رادو يهدمولـــي الگبر
ياعمــــه بعد اشتنتظر
غيبتك زادت احزانــــي
والأشد لوعتــي ذبّحو شيعتي
گبري من يحموه گالــــــــو طائفيــه
انقذ الأســـــلام ياشبل الزچيـــــــــه


اعذرنه يالغايب اعذرنه لوبدينه احنه عتبنـــه
اعتابنه الشخصك نوجها ندري بيك انته تحبنه
احنه من زيد اوعمــــرها اليوم بالدنيه اشكسبنــه
تاجرت كلها ابدمانـــــــــــه لين للكرار حبنــه

اورادونه ننســـه كربلـه
اوننسه الدماء السايلـه
من نحرابن عقد الولـــه
اونتناسه سبي العايلـه
اشلون ننسه الغاظريه وشجرت بيه مصايب
*
تمّت
الشاعر فالح العامري

كشكوة الشيعه»
«بحرالطويل»
~~
عهدنــه اوياك تــــــرد اردود
اشوكت بلواك علينـــه اتعود
____
من يــــوم الغبت لليوم علينـــــه اتسلط الظالم
گضينه العمر يالموعود نصارع جوركل حاكم
وحگ عينك يغايبنـــه طول الغيبه عذبنــــــه
گــــــوم انشــر روايــه السود
اشوكت بلواك علينـــه اتعود


رد اعلينــه ابن سفيان اورد الجمل بالبصــره
رايات الظلالــــه اهواي وابن العاص رد فكـره
چم ضلع ابضلع كسرو چم نحر اونحر گطعو

عليك ايهــــون يالمـــــوعود
اشوكت بلواك علينـــه اتعود

داعش والتبـــع هاليوم رادت دينك اتذلـــــــه
تحمل للسقيفــه اهداف الحيدر رابع اتجعلـــه
ماتنهض يراعـــــي الثار احنه اجنودك وانصار

نگرعينـــــــاك احنـــه اجنود
اشوكت بلواك علينـــه اتعود


تانينــــه يمهدي اسنين سور الغيبــــه اتكسره
للمحسن تطالب ثـــــــار اوثارات الضلع كسره
الباب امــــــوجره اتـّانيك والشيعـــه املها اعليك

تحــــــي الدين للمعبـــــــــود
اشوكت بلواك علينـــه اتعود

احدود الدين يالغـايب كلــــها اتعطلت بعدك
بني اميه اوبني العباس حرفو سنتـــــه الجدك
شاعت سنة اهل الجور من هارون والمنصور

علــه اشياعك حقدها ايـزود
اشوكت بلواك علينـــه اتعود


يبن العسكري چم دوب هذا الوضـــــــع نتحمل
بين الذبـــــح والتشريد عنــــــــــه محد اليأسل
كلها اتـّاجر ابد منــــــه محد بعد يرحمنــــــــه

تنطرنــــــــــاك النــــــه اتقود
اشوكت بلواك علينـــه اتعود

تمّت
الشاعر فالح العامري

«الأنتظا ر»
«مجرشه»
~~~
يامهدينـــه طــــال اغيابك يامهدينــــه
افراگك صعب اذّانه يمته الفرج مولا نه
__

گلـّـي اشـــوكت ياسيّدي تسطع ابمكـّه الأنوار
وتنگضــــــي ايّام المحن فرحه وتعمّ الأقطــار
اوغيبتك طالت يالولــــي اوظلـّينه نتنه الأخبار
اوحاشـه ابد يبن الحسن تتناســه ثار البسمار
ظل ياذينــه امصاب الزهره ظل ياذ ينه
كسرالضلع چوّانه يمته الفرج مولانه


وما اظن ناسي كربلــــه مولاي تنساهااشلـون
اجروح الگلب ماتنـّســـي كلساعه الهاايلچمـون
ماريد اهيــج اجروح الك ياللي ابعذابك مسجون
موكافــي يالمهدي الصبر ياوكت ثارك مرهون
منتظرينــــه تطلب ثـــارك منتظرينـــه
اليومك لبسنه اچفانه يمته الفرج مولانه


چم ثــــــا رالك يبن الحسن طف كربلـــه اتعنـّاها
كل حجرمن عدهـــا ومدر بلسانك احچي اويـــاها
وانشدها چم طفلــه وطفل سحگت اخيـول اعداها
واسئلـــــــهاعن نارالعطش عبّــا س رد طفـّــــــاها

ماناسينــــه ساجي اعيالك ماناسينه
نتنطـّرك وصّانــــه يمته الفرج مولانه


لومن گصدراعــــــي العلم والحرم تتربّالـــــه
تتأمّل ايعـــــــــــود الضمد واتعيش هيّه ابجالـــــه
مابينهم حـــــــــــال الأجل وللخيم محّد شالــــــــه
وثـــــارالچفـــوف ابطلعتك تاخذ لـه من چتـّالــه

طفـّوعينـــه عليمن عمّك طفـّوعينه
رادويطيح الوانه يمته الفرج مولانه


كلّ الجره اعليـــها وسده اسمعــــــها من تحچيلك
تبد يلـك امنين العتـــــب واليــــــــاهضم ترويلك
مـن سـهم عـبدالله الـطفل يـاريت شـــــافت عينك
جدّك اموسده بالد مــــــــه متخضّب اينــاد يلك

ياوالينـــــه صـــا برچنـّك يا والينه
ماتستمع نخوانه يمته الفرج مولانه


ارجـــــــــــع واگولن سيدي يمتـــــــه الفرج يامولا ي
ذاب الچبــد منّ الصبـــــــر چنـّك رضيت انته ابهـاي
سلـّمت يـــــــالمهدي الامر بس هالشطرسمعه اوياي
يـــــــــوم ابواليمّه اشينـّسه ما نهنه من نشرب مــاي
ثارك وينـــــــه الذاك اليرضع ثارك وينه
ابجاه الطف لاتنسانه يمته الفرج مولانه
*
تمّت
الشاعر فالح العامری

«حبل الوصل»
«شیعتي»
~~~
ابغيبتك ذلـّينـــــه والله يا مهدينه
يا اميراًللعصــور فمتیٰ يوم الظهور
__
امنين ابدي يــالمغيّب الك واوصف مجتمعنــه
انتــــه عالم بالسراير عليك ما يخفه وضعنـــــه
الدين رادالنــه الكرامـه واحنه للذلـّه ركعنــــــه
رايــة‌ الوحده طوينــه وللفتن رايه رفعنـــــــــه
اتجمّعنه كل عشره ابحزب
نـيـران هـالفتنـــــــه نشب
واندگ عله اطبول الحرب
الدعوة الحگ ما سمعنــه
عالسأل ردّينــــــه ابهل وضع شعلينه
قدلقينا مانقــول حكـّمت فينا المغول


الدين يــالمهدي ابجمعنـــه مثل مــا انتــه تغرّب
لوتجي الحــالــه وتشوفــه اظن من غربتك اصعب
مــابگــالـــه وزن عدنــــــه بــالمحارم چنـّه اذنب
شــال من عدنــه وتعنّــــــــه الك گــاصد يـالمعذب

اتعنّالك ابلوعـــــه وهضم
اشيحچيلك اششايف ظلم
واشحمل من عدنه سگـــم
عــاين الگلبـــــــــه المصوّب
عنّه والتخلـّينــه ابحگـّه ما وفـّينه
جائك يعلوالنياح اشخلـّت فيه الجراح


احنـــــه يالغايب هجرنه الدين موهوّه الهجرنـــــــه
اسنين بخلاقـــــــه ينادي وللرذيله احنـــه غرسنـه
النــه يدعوللقداســــــه الدعوتــــــــه سدّينـه اذنّـه
رادنـه بخلاص نعمل احنـــــــــــه بالنيّـه شركنــــه

يا من ضرب النــــــ.ـــه مثل
ابخدمه احسين اشرف عمل
لــــوبيـهــــــا نخلص لـلأجل
اشموع نلگـــاهـــاابگبرنـــه

ابهذالوشكـّينــــــه ابياسبيل انجينــــه
هالدموع الجاريات لنافي الحشرنجات

تدري يـــالمهـــــــدي تبدّل عدنـــــــــه كل معروف منكر
الغيبـه والبهتـــان شـــاعت والأشد من هذاواكبر
اهجرنــه اسلام ابوالزهره وصاررجعت فكرحيدر
احملنـــه افكــارالسقيفـــه وبــــالعواقب منهوفكـّر

مـا همنـــه سوءالعـاقبــــه
ومال الحرام النكسبـــــــه
اتهمنه الرئاسه ومرتبــــــه وعــــالتشيّـــــــع الله يستر

غيبتك والينــــــــه لوتطول اعلينــــه
سيّدي شاع الفساد فمتیٰ تنجي العباد


يــــا بقيـــــــــة الله ارادة خوّة‌الأيمـــــان راحت
التفرقــــــه حلـّت محلها والجهالـــه النـــه عادت
حالنــه منهواليصلحـــــه والهدايـــــه اويــــــاك غابت
الديرتـــــــه كلمن تعصّب الدنيــــــــه بالنعرات مــــاجت

اتفرّقنــــــــه يالمهدي كتل وامصيطراعلينــــه الجهل
والعلم من عدنـــــه ارتحل
الرادتــــــــه العدوان نالت
غيّرت ما ضينــــــــه الضعف عرفت بينه
نصغي قول الطامعين وهجـــــــرناالثقلين


سيرة‌ الهـــادي وعترتـــــــه چنها عبره انمرعليــها
ونحفظ الأيــــــات گمنـــــه والهدف نتسلـّــــه بيها
والأشد من هــــــــــــاذانلعن الامم من خــــانت نبيــــــها
نعرف الحگ ونحرفـــــه
وكل ظلامه امحرّفيــــها

واحدنــه بالدنيـــــه اشتغل
ما يوم وجدانــــــــــه سئل
ما راجع اعمالــــــــه وخجل
ابليس لامــــايرتضيــــــها
الفاطمه اتناسينــه وضلع المهشمينه
ينزفُ الصدردماءِ ولهاتبكي السماءِ


عمل مــا عدنــــــــه يمهدي زين وايقرّبنــــــــه منّك
لاچن الليلـــــــــه اجينــــه ابامل واحدعدنـــــه حبّك
اتلـّطف اعلينـــــــــــــــه ابحنانك انحلفك احنه ابضلع امّك
لينــــــــه يــامحجوب عجّل واعفوعنّه ابكبرحلمك

يارحمة‌ الله الواسعـــــــــه
الوالاك يجري مدمعـــــــــه
اغيابك دليله امگطـّعـــــــه
ايريد حبل الـــــوصل يمّك
چم قرن تانينــــه امن الهجرملـّينه
مُلئت دنيانه جور انت عالم بالأمور


نعترف احنـــــــــه سببها غبت هالغيبــه الطويلــــــه
يــــــوم ماعدّينــــــه عدّه وحملك الطايـــــح نشيلـه
ابلذ ّة‌ الدنيـــــه عرگنـــــه اسنين نركض عالرذيله
لاچن اگصدنـــــه المضيفك الك يالمترد دخيلـــــه

يــــالمهدي نطلب رحمتك
عجّل علينــــــــه ابطلعتك
خلــــــــي نشوف الدولتك
وتسحگ الرووس العادتك
امل كل شيعــــــــــــــــي يمهدي يدرك الطلعه البهيّه
____
تمّت
الشاعر فالح العامری

«دموع الأنتظار»
«موشّح»
~~~
يــــاوكــت تسرج الخیل ارکا بـها
الغيبــــه صا رت بالگلب نشّا بها

امن الصبریبن الحسن دلالــي ذاب
یمتــــه يلفي الفرج یابد رالأطیاب
تفرح الشیعــــه بعد حزن اوعذاب
ابدولتك ينحقن دم ارگـــــــا بـــها


خل اسولف والگلب ملتهب نـــــار
والعتب ماينگضــــــي ابلیل اونهار
غیبه طالت موبعد کافي انتظــــار
یاوکت عیني تشوف احبابــــــــهـا


شیعتك دولاب فربيــــها الــوكـت
ادموعــــــها الملگاك یالغایب تکت
تلتقي ويــّــاك يالمهدي اشـــــوكت
علم عند ك يالولي بمصــــــــــابها


شال عنها الفرح والديره جفـــــــه
اوقلـّت ابهالوكت اهل المعرفــــــه
ياهويسمعها اوهضمها اتسولفـــــه
ماكوغيرك يستمــــــــــــع لعتــابها


امنين تبد يلك عتبــــــها والجروح
لوصبرايـّــوب عدها وحلم نـــــوح
اثنينهن چـــــــافضّن وگعدت تنوح
الدهردومـــــه حـاط دابــــه ودابها


الدهربس ویــّـــاها متحزّم احزام
لیلــه ما خلاها مرتـاحـــــــــه تنام
اشکثرصعبـــه مرّت اعلیها الأيـّــام
صارمن دمّ النحـــــــــور اخضــابها


من دماء انحورها حنــّـــه الچفوف
یاهویحکم وجـــــّه اعلیها السیوف
منهایطلب صعب منهــاجك تعــوف
ابفعل السيف جاب احزابــــــــــــها


احزاب بينــــه تاجرت لجل الحكم
ماكوواحد بالشعب گلبــــــــه یهــم
واحد امن الثانــــي اشد واکثرظلم
ماتحبّــــــــها الناس خوف اتهابـــها


ابغيبتك هالشیعـــــه راوها المحن
اوجرت ویّــاها نكبـــــــــات الزمن
اوابد مــــاعافتك يــــاشبل الحسن
الك بیعــــــه انطت امن اصـــلابها


تقـبل ابهذا يغـــايب مــــــــااظن
عــالعرض والـــــد ین قل الیأ تمن
راحت العالنخـــوه صرختــهــا ترن
للظلم متهاب سن احرابـــــــــــــها


راحت اهل الشیم والعزوالوفــــــه
اهل للمعروف والحگ تعرفـــــــــه
دوم للمنکرطبعها اتخالفــــــــــــــه
تفتخربالدین مـــــوبا نسابـــــــــها
*
تمّت
الشاعر فالح العامری

«متی ترانا ونراك»
«موشّح»
~~
یابقیة الله گلـّـــــــــــي اشتنتظـر
علــی افراگك يالولي ما ظل صبر
___
اشكثرنصبرموبعد كافـــي انتظار
ذبح صارابشيعتك وسط النهــار
وانته عالم بالخفايــــــه والاسرار
صاربينـــــه الفتك من ذاك الظهـر


من ظهريـــــــوم الاثنين التعرفــه
رحل بيه المصطفی راعي الوفـــه
عله الدنيه من بعد شخصه العفــه
جسمـــــه ما واروا انجمعوللغـد ر


بالسقيفه اتجمّعت اهل الاحقـــاد
ضدّك وضد شيعتك صاراتحـــــاد
والخليفه ابسيف فرضواعالعبــاد
وظلّت آثارالسقيفـــــه ابكل عصر


الفرج يمته الظلم عم ابكل مچـان
حتّه بین الشیعـــه ما یحصل امان
تندعلیك شيعــــــه لاچن باللسـان
والحقیقه انشوفـهم عگـرب صفـر


بعد گلـّـــــــي اشتنتظریبن الحسن
ادرك الـــــوالاکــم ایعیـش ابمحن
اســــــود ایظل لابس الحدّ الچفن
یفك حزنــــــــه راد ويّاك ايحضر


طالت الغيبـــــــه اودنه منّه الاجل
ويلهج ابأسمك لمه السانه انشچـل
اسنين ظل الشــوفتك عــاش بامل
وتظل عينه شا بحه اليــوم الحشر


راد ساعـــــــه ايعيش بالعزوالكرم
ايشوف سيفك من يهدّم كل صنم
رايتك عالدول بالخيـرالتعــــــــــم
تالــــي ما شافك خلص منّه العمر


السانه يلهج بيك كل صبح ومسه
والموالي حبّك ابگلبه اغـرســــــه
رادهم ابگلبــه یــــــوم اتنفّســـــه
هاذه همّ الشیعــي تدري امن زغر


بالاصلاب الشیعي یحملـّك عتــاب
والعتابه ليش ماتنطـــــــــي جواب
اليــــــاوكت ينتظر يتحمّـل عذاب
ابحاله ارحم يبن فا طمـــة الطهر


الموالي خلص عمره ابحسرتـــــه
وطال الغیاب ویذوّب چبدتـــــــه
حي تمنّه ایشوف امامه ابطلعتــه
ابشـوفتـك يالغايب ايكحل النظر


خلـّص الدنيــاه بالحسره اووسف
عن امامـــــــه ابیا کترلاما عــرف
ولاحضرطلعتــــــه ولانال الشرف
ضیم یاماشاف بالدنیـــه اشکثــر


الــــــي اويه الغايب بعد آخرعتاب
الکربلــــه ما عرّجت یبن الاطیــاب
صدرالحسین انعجن ویــّــه التراب
وما شفت عمّاتك ابيــــــوم اليسر


وبلواء الحمد انهض للطفــــــ.ـــوف
الك رايه اعله النهر ويّه الچفــــوف
اوسهم البعينـه لون عينك تشـــوف
اوتگعد الحالــــه تنـــوح اعله النهر
_____
تمّت
الشاعر فالح العامری

«يمته يغايب»
«عگیلی»
~
لتخلـّینــــه لتخلـّینه
بید الظالم لتخلـّینــه
____
یـــاشبــل المختـــارونــــــوره
یاحصن الاســــلام وســــوره
بیمینك رايـــــه المنصــــــوره
من جد ّك حيـــد رمذخــــوره
نتنطـّريــوم التنجينـــــــــــــه


بيك العـــــالم يلهج دومــــــــه
والعد لك يتنطـّريــــومــــــــــه
وتخلص النـــــاس المظلومـــه
وتـريح اگلوب المالومـــــــــــه
طال الظیم اعلینــــــه اسنینه


وینك يـالغايب نادينـــــــــــــه
مظلومين وحـن اعلينــــــــــه
نــــــارالهجران اتچوّینـــــــــه
مانگد رنصــــــــبرملـّینـــــــــه
لوصبرایوب اتعدّینـــــــــــــــه


یایـــوم اتفض هــاي الغیبــــه
ویهل اهـلالك من طيبـــــــــه
وتنادي ابثـــــارك يـــاهيبــــه
حگ امّك بالسيف اتجيبــــــه
الباب وناره تاخذ دينـــــــــــه


هاك اسمـــع مظـلوم اعتابـــه
ماواحد حن اعلـــه امصابــــه
تدري الحگ قلـّت اصحابـــــه
ویومیّه عالشیعــــه اطلابــــه
عجّل یالمهدي انذلـّینـــــــــــه


یـــاماصبرت نــــــاس وراحت
والرکبك رادت مـــــــــاشــافت
چم عِذّ ال اعليـــهم جــــــارت
للمـــــــــــــوت وحبّك ماعافت
واحنــــــــــه العهدك ماناسينـه
____

تمّت
الشاعر فالح العامري