يا أنيس العارفين
يارؤوف وياحنين

كلمات الشاعر /فالح العامري

بصوت. ( مسلم المطيري)

«انيس النفوس»
«بحرالطویل»
~~~~
القاضي الحاجات هاللیله گصده
بالحزن والاهــات لمّــن تنشــده
وابدمع سچّاب الیگصدله ماخاب
▪︎▪︎▪︎
اتعنـّه للرّضا هالیـــــــوم واطلب حاجتك منـّــــــه
ابدمعك اشرح الحالـــــه ابامامك احسن الضنــّــه
هذا البالكـــــــرم معروف میخیب الذي اتعنـــّــــــه
حضرتـــــه مگصد الزوّار قطع ابروضة الجنــّـــــه

جنّـــة الفردوس صارت حضرته
واتطيب النفوس بيها تربتـــــــه
ابديله العتاب الیگصدله ماخاب


اتعنّاله ابگلب مکســــور اغسل ذنبك ابحبــّــــــــه
ابباب الحـــــــرم يتلگّاك ابروحه الواسعه الرحبــه
ويحسّ المؤمن ابملگــاه یخشع من جذرگلبــــــــه
گلبك لوخشـــــــع اطلب الرضا يسمـــع الك طلبـه

اطلب اشمتريد من ابومحمّــد
منّه خالـي الايد مــــايرد احّد
يكرم بلا احساب اليگصدله ماخاب


الرضا امن الله اخذجوده من بیت الکرم والجود
مثل المجتبی عمــّــــــــه من یکــرم بلایه احدود
فتح لضیوفه بیبانــــــــه وچفّه بالعطــــه مشهود
عطاه بالاخره ودنیــــــــه هذا حجـّـة المعبــــــود

جود اوکرم شوف نورالهدایـــــه
وابحضرته طــوف راعي الولايه
سلطان الالباب اليگصدله مـاخاب


ابحضرته من تطب اتزور ابیت الباري چن اتطوف
واتشاهد تحفـــــها املاك وابعين الحقيقــه اتشوف
والزايرلـــــــــــون ينظر عن عينه الحجب مكشوف
ايشوف الهادي والاملاك عله گبره تصلـّـي اصفوف

واتحفّ الاملاك حضرة ولينه
یستمع نجـواك الله اونبینــه
واتحصّل اجواب الیگصدله ماخاب


تدري ازیارته عدنـــــــه بألف حجـــــه والف عمره
واکـثربعد من هــــــــاي یتضاعف الـــــــــــه اجره
وعنّ الزاير ايدافــــــــع اول لیلــــــــــ...ه من گبره
عنّه یدفـــــع الکلفـــات وبالشدّات اهو ایحضـــره

بشّـــــــرالزوّار شبل الزچیّه
ما تدخل النار بعد المنیــــّه
وابیوم الحساب الیگصدله ماخاب


یامن تگصــــــــــد اتزوره عارف لازم ابحگـــــــــه
الرضــه بحرالکرم والجود محّد گیش ابغمگــــــــه
تحمل کون افکـــــــــــاره ابحبـّـه گلبك اتحرگــــه
هذا الحب یظل دایــــــم اویه دگّات الگلب دگــّه

والحگ علینه واجب نعرفه
منهج ولینــــه لاما نخلفــــه
من نسل الأطیاب الیگصدله ماخاب


المات وعارف ابحگــــه الرضا یوگفلــــه بالمحشر
هوّه الگــــــــــال للزایـر بالمحشر الـــــــــه احضر
ابومحمّد ابذاك اليـــوم حاشاه لنــــــــــــــه يتعذر
نلگاه بالحشــــــر واگف وي جدّه الوصـــــي حیدر

احنه اتباعـــــه نحمل عقیده
وصكّ الشفاعه منـّـــه نريده
ومن داحي الباب الیگصدله ماخاب


ابن موسی ابأرض غربــــه خلّص هالعمرمظلــــوم
شاف امن الدهرنکبــــــات تا لیها گضه مسمــــــوم
راح الجد ّه المختــــــــــار وابگلبـ.ـه چثیره اهمـوم
وامصابه بگــه بینــــــــــه من ذاك الوکت للیــــوم

تستعربينــــــه نا رالمصيبه
راح امن ادينه لله حبيبــــه
وابهاذا المصاب اليگصدله ماخاب
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

القاضي الحاجات هاللیله گصد ه
بالحزن والاهات لمّــن تنشــد ه
وابدمع سچّاب الیگصدله ماخاب


الشاعر فالح العامري
صوت خادمكم قيصر أبو منتظر الإمارة

«انين القلوب»
«تجليبه»
~~~
آيالرضــــــــــه نادينـــــــــه
ابنارالغضــــــه ظلـّينــــــــه
اشخلـّه امصابك ابگلب احبابك
▪︎▪︎▪︎
خـلـّـــــــــي نگصد اخـریسـان ننشدها
يشيعـــــــه عن فجيعــه هالخبر عدها
يامحنـــــــــه اومصاب اليوم ضاهدها
ضجّت بـالونين اونـــــــــوح مشهد ها
علــــــــه چبد الرضـا المـأمــون مرّدها
اومشهدبالحزن والهــم نســـــــــاعدها

اد مــــوع العين نجريـها
خلي البين يعميــــــــــها
ضيم الصــابك ابگلب احبابك


سمّ اللـــــــــي سگــوك اوچبد تـك مرّد
نحســّـــــــــه اليوم بحشانـه يبو محمّد
اوتشب نيران وسط اچلانـــــــه تتوگـد
لونبگــه عمرنــــــــــــــه انــوح مــا تبرد
لن مأتـــــــــم مصابك بــالگلب موگــــد
واحزانك تظـل كـل يــــــــــــوم تـتجدّد

بــا لآهــــــــــات نبديـــــــها
واللـــوعـــــــات نرويـــــــها
كل اتعـــــــــا بك ابگلب احبا بك


امصابك ظـل يشب وســـط الچبدنيران
قسم نقسم وحگ اللـي گضــــه عطشان
نروي قصّتك باللوعــــــــــــــه والأحزان
اونتعنـّــه ابهظم والحسره لخریســــــان
عله افراگك گلبنــــه امگطــّـع اوخلصان
اومثل چبدك چبدنـه يـــالرضا تلفـــــان

ما ننســــــــــاك يالوالـــــــــي
وابذكــــــــراك يالغــالــــــي
يدّمي اصــوابك ابگلب احبابك


كل يوم اليمر اعلينه نادينــــــــــــــــه
بمچانك ريت سمّـــــه الطاغي يسگينه
ولاهاذا مصابك يسدي اعلينــــــــــــــه
ولايوم الدهر باحزانــه يلفينــــــــــــــه
اجروح الطـف بعدها اماثـّره بينـــــــــه
اويومك يالرضا كثــّـر بواچينـــــــــــــه

وا لمجـــــــروح دلالـــــــــــه
يبگـــــــه النـوح يبرالــــــــه
جرح اغيــــابك ابگلب احبابك


يومك يالرضا اسبل دمعنــــــه اليـــــوم
مثل چبدك جرينـــــــه هالد موع ادموم
نصيح ابصوت راح ابن النبـــي مسمـوم
اومثل جدّه ابو اليمـــّه من رحل مظلوم
رحت الفاطمـــه تحمل چثيره اهمـــــوم
من جور الزمان اوظلم هاي الگــــــــــوم

اوللمختـــــــــار يشچيلـــــــــه
با للـــي صــــار يحچيلـــــــــه
يا ذ ي اعتــــابك ابگلب احبابك


عتابـك يالرضـــــــــــــا لاتبدي للزهــره
مصــايب فاطمـــــــــه يا سيّدي كـثـره
راواهــــــــــا الـدهر گبلك غصص مـرّه
علــــــــه كـُبر الأرض اولادهـا امطشره
بالطف والبقيــــــع اوأرض ســــــــامرّه
اوبخریســــــــان گبرك تگصده ابحسره

مـن تلفيـــــــك ســــــاعدها
جــــرح ا لبيك ضــــــاهدها
تبگه احزانـــــك ابگلب احبابك
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

«ياغريبنا أرض طوس»
«عگیلی»
~~~
نارامصابك نارامصــابك
تلهب ظـلـت نارامصــابك
▪︎▪︎▪︎
چم نـــــــارابچبــــدك تتــــــوجـر
نارالغربـــــــــــــــه الظلت تسعـــر
ونــــــــارافراگ اعیـــــــالك اكبــر
ابطيبـــــــــــــــــه الظـلت تتربالك


لخريســـــــــــــان العنهـــــاامغرب
وظــلت لفـــــــــراگك تتعـــــــذب
چـــــــــم عــــــام الجیتك تترقب
الجيــتك تتــنطراحبــــــــــــــابك


احبــــابك گعـــدت واتانـــــــــــي
لفـراگك آلام اتعــــانــــــــــــــــــي
وابنـــك يندب لاتنسانـــــــــــــــي
أتـــأمل يـــابويـــــــــــــــه اكتابك


اشتتأمل يـابويـــ.ــــــــه اخبـــاري
بالغربــــــــــــــه ومسجون ابداري
وماتحمل هالنـــاس افكــــــــــاري
يـــالتعتب ياذينـــــــي اعتــــــابك


لاتعتب يبنــــــــــــــــي المـاجيتك
لوبيــدي ايصح مـــاجـــــــــافيتك
تگصدلـــــــــــــي الطوس اتمنیتك
وابعيـنك تنـــــــــظرغيــــــــــــابك


خلـــــــــــــي اعيونك تنظرحالــــي
چم عــــام الماشفت اعیالـــــــــــي
واتگطع بــــــالسم دلالـــــــــــــــــي
اگصد طـــــــوس واخــذاجــــوابك


يالمهدي العـــــــــــــودك ماتســـرع
واتعاين چبده المتگــــــطــــــــــــع
بــالغربـــــــــــــــــــه وبالسم اتروع
والثــــــــــــــاره اتفزع اصحـــــابك


تاخذ ثـــارك من مأمونـــــــــــــــــه
والجدك تـاخذ بديـــونــــــــــــــــــه
من هاي الزمره الملعونــــــــــــــــــه
ابنــــــــــــــارالحقد الحرگــو بــــابك


حرگوها اعلـــــــــه امك واتنـــــادي
آنــــــه البضعــــــــــه بت الهـــــادي
يظهريـــــــــــــــــوم المهدي امرادي
وینك گوم اوصفــــــي احســــــابك
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

نار امصابك. تلهب ظلت. نار امصابك


كلمات الموفق / فالح العامري
بصوت خادمكم الاقل / شهاب الموسوي

بصوت خادمكم بهاء علي الحلي

«رجوع رحل الحسین»
شور
«شیعتي»
~~~
زینب الراحت سبیـّــــــــه وآحسینا وآحسینا
الیوم اجت للغاضریــّـــــه اویاها رکب الفاطمیــه
ضیف عندك هالمسیـّـــــه الك تحچي یارزیــّـــــه
الکوفه لوشام ال امیـّــــه اسمع البنت الزچیـّـــــه
هالعقیله الهاشمیـــــــّــــه شافت انواع الاذیــّــــه
اولسّه دمعتها جریـّـــــــه المانست لوعة رقیـّـــــه
تجذب الحسره خفیـّـــــه اونارها ضلّت سریـّـــــه
عالگبرطاحت رمیـّــــــــه اتعاتبك یاابوالحمیـــــه
زینب ابونّه شجیــّــــــــه مادریت اشصـار بیـّـــه
ابحبل مچتوفه ادیـّــــــه وانـه بت سید البریـّــه
والدي حامي الحمیــّـــــه لقّبونـــــي خارجیـــّـــه
الناس تتفرّج علیــّــــــــه نکروالبـــاري اونبیـّــــه
اونسوللهادي الوصیـّــــه صبّو امصایب علیـّــــه
انته مرمي اعله الوطیـّـه حزنك ایضل للمنیــّـــه
یالرحت خویه ضحیــّــه مأشربت جرعة امّیّــــه
وآحسینا وآحسینا


زینب اتنادي الحزینـــــه یــاولینــه یــاولینــــه
یبوالبــاقر یــاعلینـــــــه گبرعمّك گلّـــی وینــــــه
عالنهراومه ابیمینــــــــه گصدته اخته الحنینـــــه
تنادي یاحامي الضعینـه خویــه عبّاس انولینـــــه
حرگوا اخیمنه علینـــــه وین جودك خویه وینـــه
امن الد مع احنه ارتوینه امن البچي خویه عمینـه
تد ري یا عبّا س بینـــــه بالیسرعگبك مشینــــــــه
الد یرة الشا م اعتنینــــه وابسیاط املوّعینــــــــه
اونشگف الضربه بد ینــه الجیّتك والله تنینــــــــه
الك حشّمنه اورجینــــــه من دمه المدمع بچینــــه
بعد عزنه امسلّبینـــــــــه خویه لوبسمك نخینـــــه
اسیاط عدوانك تجینـــه وابن اخوك امگیّدینــــه
اوینظرالراسك ابعینـــــه بالخرابه امنزّلینـــــــــــه
الشام ظیمه ما نسینـــــه ابدیرته والله انخزینــــه
ابجمرة احزانه انچوینــه امصابك الیوم اربعینـــه
الگبرك انزوره لفینـــــــه گــــوم ردنه للمدینــــــه
یاولینه یاولینه


الحرم رد ت یبوالیمّــــه وآحسینا وآحسینا
صارت اعله الگبرلمــّـــه والدمع من دم تسچمــه
الگبرعبد الله اجت امــه من بعد تندب ابأسمــــه
اولیدي صارالنبل فطمـه وین عنّي اللحد ضمـّـــه
وغیّبوا عن عیني رسمـه ارجعت لترابه اشمـــّـــه
واطلع من النحرسهمــــه بالدفن مااحضرت یمّــه
عالثره خلّیت جسمــــــه اوغسّله هالولد دمـــّــــه
وارجعت هالیوم اکلمـــه الغربتي ابنـي احشمــــه
بلچن الحالي یرحمـــــــه امصابه الدلّالي ادمـــــه
اوفرگته الحیلي تهدمـــه اوچبدتي ذوّبها همّــــــه
واحمل اعتا بي العمـّــــه واعرف العبّاس عزمــــه
وارد احلفه ابلبن امـــّــه مادره ابحرگت اخیمّــــه
عالحرم صارت الهجمـــه یدري بسیاط المجرمـــه
امتونـّه لسّه امورمـــــــه روحه ویّه الزلم زحمـــه
مابگت للحرمه حشمــــه بینـه اشســوّت الأمّــــــه
وآحسینا وآحسینا


اولیلــــــه مد معها تفجّر واویــــــــلاه واویــــلاه
وعتنت یم علــــي الاکبر وصلتــــه وابهمـــها تعثر
والد مـــــــع عالگبرامطر اتگلّه یبنــــــــي یالمشکّر
جمرتك بــــالچبد تسعــر مثل راســـك من تطبّـــر
یلولد گلبـــــــــــي توذ ّر من عفت جسمك امطشّر
والنحــر بــــــالد ّم تعفّـر یعزعـــــالوالده المنظـــر
ردت یبني الد فن احضر یبنــي عـــالعدوان مگدر
اومابگالي والـــــي ینغر والیســــرللگلـب فسّـــــر
اویــالّذي حـزلك المنحر عله امتوني سوطه کسّر
اعلیـــه تدري اللیل لومر لابواچي اعیونـــي تسهر
یـــالـولد والفجرلـــــوطر امصابك ابکربلـــه اتذکّر
والاحـــــزان اعلیـه تکثر جسمك اذکــرمن تگنطـر
اونایم اعلـه الگـاع بالحر اولــونك امن الحرتغیـّـر
حالـــــــي لمصابك تمرمر والدمــع لخدودي حوفر
الحالهـــــا ابلحده تحسّر الأکبـــرامن امـّــــه تعذّر
واویلاه واویلاه


اورملـــه الجــــاسم تعنّت آه یالعـــــــــرّیس نادت
عالگبرملهوفــــــه طاحت والگبرجســــّـــام شبگت
عطرابنهـــا البیــــه شمّت اوعله اترابه الدمع صبّت
والگلبــــها احزا ن هاجت اوذکرت ایّامه الچــــانت
اوبـا لمهد للــــولد نــاغت اوهالتعب للکبــــــررادت
الها لــولدواسنین بـــارت وابصیاره اهـــواي دارت
ربّتـــــــه اوبربا ه شــابت اوللعسرهالـــــولد ذخرت
ایشیـّـع جنازتــــهــا ظنّت اظنونها تالیهـــــا خابت
منذبـــح عــا لغبره عافت اوشمعه بالدمعات طفّت
بــالیسر من عنده راحـت اوبالمناحـه الگبره عادت
مأ تمـــه هـــالیوم نصبت اومثل نوح الثکله ناحت
اوعالگبرمذهولــــه جالت یبنـــي یالعرّیس صاحت
ابروحتك آمالــي ضاعت اوذلّتــــــــي یالولد بانت
امصیبتك للچبد صــابت روحــــي یا جسّام ذابت
روحی گبلك ريت فاضت

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري