ام البنين ع
بحر الطويل
~~~
الليله ام الوفه والطيب بفراش الأجل طــــاحت
واسمعها ابعلات الصوت وين ابني الگمر صاحت
▪︎▪︎▪︎
هاي ام الگمــــــــر عباس غمـــض جفن عينــاها
تون ونه شجيــــه اليوم اشكثر طـــولت مبچاها
يوم الطف فلاتنســـــاها ظل للمـــــــــوت وياها
ساعه اتنادي يبن احسين اوساعــه الگمر رجواها

ابذچرهــــــم تلهج الحره ماتنسه لمن ماتت


رادت يحظر الها اليـــــوم ابو اليمــــــــــه توصیله
وعن الـــــــــــي جره بعد عليها وكلشــي تحچيله
من رد الظعن الــــــــــــها وبن حذلم تناديلـــــــــه
وين اولادي وين احسين بنينــي اوروحي افديله

مصايب كربله هاليــــــوم ابجــــوف الگلب هاجت


نظـــــرها عالدرب مشبوح تتانـي اشبولها يرجعون
اخر ساعــــــــــه من عدها بنين الأمهــــم ايودعون
لاعبد الله رد الـــــــــــــــها لاجعفر رجـــــــع لاعون
ولاحامــــــي الظعن عباس حظرو لمهـم ايشيعون

مشبـــــــــــــوح النظر منها الهـــــم والنفس خمدت


شيردهــــــــــــــــم بعد الها اويلـــي الترب غطاهم
اشبول المرتضـــــــى حيدر راح الأمل وياهــــــــــم
راحـــــــــــــــو وابعدو عنها يــــوم الحشر ملگاهم
ردتهم نعشـــــــــي ايحملون بنيني اتعبنــي ارباهم

گبلــــــــــــــها البنين اتموت هاذي ابد ماحسبت


اسنين العمــــــــــــــر گضت بين الوعـــــــه والونه
تتوسد دمــــــــــــوع العين من ابنها گطعت الضنه
تنوح اعله الگضه ضامـــــي والماي انحـــــرم منــه
ظل اعله الثـــــــره مطروح صدره الخيل هشمنــه

كل ماتذكر اليومـــــــــــــــه نـــــــــــار البچبد شبت


گضت ايامها بالظيـــــــــــم ابگلبـها النار متوجره
راحت تلتقــــــــــي بحسين وامــه الطاهره الزهره
راح اتخلـــــــــــــــي الزينب عليـــها تسچب العبره
راح اتخلي الشيعــــــــــــــه ابحزن ايامـــها اتذكره

عليه اليوم الشيعـــــــــــــه من دم الدمــــع ناحت
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

ياغريب بغداد
موشح
~~
اعتنيتك يبن جعفــــــر ياحبيب
يمن انتــــــــه الندائي تستجيب
▪︎▪︎▪︎
شفت يمك نور يسطــــع منــــــــه نور
اوشفت كهف المغفره وايحيطــه سور
صحت ادخيلك امامـــــــــــــي ياغفور
واندبت بأسمك ابآهــــــــــات اونحيب


جيت الك سائل اومديت الجفـــــــوف
گبل جسمي گلبي يم بابك يطـــــــوف
يمن بيتك فاتحــــــــه اتعزب الضيوف
جيتك انــــــــــــــه سيدي مثلك غريب


جيتك من أرض الرضــــا لرضك لفيت
علـــــــــه اعتابك سيدي راسي حنيت
وابگلب مكسور وابلهفــــــــــــه دعيت
وانـــــــــــه اعرفك انته العلتي طبيب


زرت جـــــــدك حيدره بــــأرض الغري
اعليك يابــــــو الرضا شـــــابح ناظري
انتـــــــــــــــــه يالحبك يغازل ضامري
جيت احلفك انـــــــــــه بالخد التريب


راح اروحــــن منك اقصد كربلـــــــــه
هناك ابو الســــــاد بأسمك اسالــــــــه
اثنينكم باب الحـــوائــــج للملــــــــــه
والقصدكـــــــــــــم ابطلب لاما يخيب


جيتــك انحـط سيــــدي بذنوبــــــــي
منك اطلـــب مغفـــــــره محبوبــــــي
وانتـه تعـــرف مطلبـــــي اومحسوبي
منـــك اطلـــب وكفــه ابيوم الصعيب


سيدي عمـٰــــري گضــه ابلوعاتــــــــي
للأجل جنهـــــه دنـــت ساعاتــــــــــي
للشفاعــــــه احضرنـــــــي طهر ذاتــي
دخيلك من اهــوال المحشــــر عجيب


احظرنـــــي اريــدك يبن جعفــر بالگبر
الملك من يسالنـــــــــــي عن كل العمر
عمل ماعندي اومنـــــــــــــــــه شعتذر
ابگبري اگعد السانـــــي مايگدر يجيب


سيدي بالدنيــــــــه كلشــــــــي مااريد
ابيــــوم حشري لاتخلينــــــــــي وحيد
اقســـــم اعليك ابنحـــــر ذاك الشهيد
ابو اليمـــــه شيبـــه من دمــه خضيب
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

الرادود المبدع علاء الدفاعي

لوحه شعريه
بحر الطويل
~~
شبل جعفرگضــــه عمره یجاهد من اجل دینـــــــه
بالحگ صرختـــــه تدوي لعد هذا الوکت بینـــــــــه
ماذلّ اورکـــــع هیهـــات للطاغي اوقوانینـــــــــــه
ما هــــاب السجن هارون واشما طالت اسنینـــــــه


جـــابــومـن وطـن جدّه اوعـن ادیــــاره یتغــرّب
من سجـن السجــن ودّ وه واعلیـــه العذاب انصب
یـاذنب الذي جانــــــــــــي ابدیـــرة غـرب یتعذ ّب
جسمــه امن السجن ناحل بالســم چبده اتصــوّب


هاذا الکاظــم المظلـــوم اهدافــــــــــــه التزم بیها
والشیعة علـــــــي الکرّار بحکـــامــــــه یغذ ّیــــها
واللـــي منغصب حگــــها بلطــــــافــــــــه یداریها
اوراد السیرة المختــــــار فوگ الارض یجریـــــــها

خلـّوه ابسجن مظلـــــــم یلـــوج امن الا لم وحده
اومن ثگل الحدید البیــه علــه عظمـه یبس جلده
وابهل حاله یا شیعـــــــه ابسجنــــــه طالت المدّه
ما یعرف نهـــــــاره اولیل السجن حیطانـه مسودّه


واحبابـــه بگت چم عام الجیته وشوفته اتّانــــــي
بگت باللوعه والآهــــات لفــــراگ الولـــي اتعانـــي
خبـّرشیعتــــــه باچـــــر فــوگ الجسرتلگـانــــــــی
جسمــي بالعبــا ملفــوف امگیّد بالحدید آنـــــــــي

یشیعه اللیلــه لمصابــه الجدّه المصطفـــه اتعزّون
خلـّوالد مـــع دم ایسیل وگلبکم خل یون اشجون
هاللیله ابسجن هــارون امام الکــاظــــم اتفگدون
هذا الــــــي گضه عمره وبلایـــــــه ذنب مسجون

نصبنــــه ماتـــم اللیلـــه لجل الکــــاظم المظلـوم
اورفعنه للاعلام الســود شبل جعفرگضــه مسموم
مـات امگیـّد ابـأغـــلال من شـوف الأهل محروم
واسواولیده یــــــاشیعه دلال الرضــــــــا مالـــــوم
▪︎▪︎▪︎▪︎▪︎▪︎▪︎▪︎▪︎
تمت
✍️الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

الى كاظم الغيض
فزاعيه حدي
~~
گصدنه الكاظميه آه يمسموم
نون ونه شجيــه آه يمسموم
▪︎▪︎▪︎
تعنينه ابهظمنــــــــــــه آه يمسموم
الك احنه زحفنــــــــــه آه يمسموم
ابمدامعنه اوللطمنـــــه آه يمشموم
لعد گبرك وصلنــــــــــه آه يمسموم
عله اعتابك سجدنـــــه آه يمسموم
لمصابك الذكرنـــــــــــه آه يمسموم

گبعنه بالرزيــــــــــــــــه آه يمسموم
نون ونه شجيــــــــــــه آه يمسموم


اجينه نعثر ابهمنــــــــه آه يمسموم
بطرافه الحزن لمنــــــه آه يمسموم
عليك الظلم حاربنــــــه آه يمسموم
الحبك جره دمنــــــــــه آه يمسموم
ذكرك ابد ماعفنــــــــــه آه يمسموم
نزورك تعب ماهمنـــــــه آه يمسموم

اجيناك ابعزيـــــــــــــــه آه يمسموم
نون ونه شجيــــــــــــه آه يمسموم

نسچب جينــــــه للعبره آه يمسموم
نواســــــــي امك الزهره آه يمسموم
نشيـــــع نعشك ابحسره آه يمسموم
شسعـــــه انعيد هالذكره آه يمسموم
اعلينـــــه وجبت النصره آه يمسموم
ابگلبنـــــــه گبرك انحفره آه يمسموم

يعز الجعفريـــــــــــــــــه آه يمسموم
نون ونه شجيــــــــــــــه آه يمسموم


اجينه الجنــــــــه ابعزانه آه يمسموم
يرف بسمك لوانــــــــــــه آه يمسموم
يظل عالي ندانــــــــــــــه آه يمسموم
نحارب للخيانــــــــــــــــه آه يمسموم
يعزنه اوياحمانــــــــــــــه آه يمسموم
نفديلك دمانــــــــــــــــــه آه يمسموم

وحگ ضلع الزچیـــــــــــه آه يمسموم
نون ونه شجيــــــــــــــــه آه يمسموم


مأتم هالمســــــــه انصبنه آه يمسموم
ثياب السود البسنــــــــــه آه يمسموم
افواج افواج اگصدنـــــــه آه يمسموم
يم الجسر شاهدنـــــــــــه آه يمسموم
جنازه بالغرب عدنــــــــــه آه يمسموم
عله الهامات احملنــــــــــه آه يمسموم

نشيعك هالمسيــــــــــــــه آه يمسموم
نون ونـــــه شجيـــــــــــه آه يمسموم


نصيــــــــــح الويل ياويل آه يمسموم
نضج كلنـــــــــــه بالعويل آه يمسموم
يبن حمـــــــــــاي الدخيل آه يمسموم
تشيعك الحماميــــــــــــل آه يمسموم
اجينـــــــــه نعشك انشيل آه يمسموم
عليك المدمــــــــع ايسيل آه يمسموم

يبن سيد البريــــــــــــــــه آه يمسموم
نون ونـــــــــــه شجيـــــه آه يمسموم
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
٢٣ رجب ١٤٤٢
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

ابوذيات الى الإمام الكاظم عليه السلام
~~~
١
اريد ابچي واخلــــي الدمع يروان
علـــــــــــه موسى المظلوم يروان
عله امصابـــــه تظل الكتب يروان
عله الشيعه هاي اعظم رزيـــــــــه
٢
ابچتلـــــــــــــه النذل هارون يمره
سمه اوخلــــــــــه ابكل روح يمره
من بعده الزاد اشلــــــــ.ــون يمره
چتلو بالسجن ابن الزچيـــــــــــــه
٣
الموســـى مأتم ابكل گلب ينصاب
ابسم انچتل ماهو ابمرض ينصاب
عليه الدمـــــع مثل المزن ينصاب
مصيبه اعلينه واعظم رزيــــــــــه
٤
عله گلبـــــــي حزن مابعد منشال
علـى الظل عالجسر ابعباه منشال
اونعشه من اخوتــه واهله منشال
غربه اتشيعه زعيم الجعفريـــــــه
٥
يشيال نعشه الولـــــــي ولك وين
هذا سيد ابن النبــــــــي ولك وين
يناعي عالبگــــه عاجسر ولك وين
ابگیده عالجسر عافوه رميــــــــه
۶
نروح القاضــــــي الحاجات منظل
عله اجنازتــــــــــه بالشمس منظل
النجه بيــــــه الموالي اوبيه منظل
حياره بالحشر هوه التجيــــــــــــه
▪︎▪︎▪︎▪︎▪︎▪︎
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

ليل الأحزان
هجري مذيل
~`
عالراح مسموم يجري دمعنـــه
والكاظم اليـــوم امصابه فجعنه
▪︎▪︎▪︎

الليله ياليل الحزن حتى حيطـان السجن
صاحت يمظلوم
بالسجن نحبه گضه آه ياعود الرضـــــــــه
کاظم للهمــــوم
راح ابن جعفـــرغدر چبده بالســـــم منفطر
من حگه محروم
خل نواسي فاطمــه الليله ننصب مأتمــــــه
والمدمع ادموم

نلطم علـــه الراس العظم المصيبه
گطعوالــــه انفاس لله حبيبــــــــه


خل تشوف الحالتـــه أمه تحظردفنتـــــــه
راحو يجیبوا
خل تشاهدغربــــــــه من تشوف اجنازتــه
اربعه يحملو
خل تشوفــه عالجسر الـــــــه محد ينتصر
وین اليشیعوا
بيدهـــــــا گيده تحل والدمــــــــع منها يهل
تندب انصرو

چن اسمـــــع اتنوح اوتندب يشيعه
والگلب مجـــــروح الهاي الفجيعـه


ندب وتجری الدمـــع ذكرت الکسرالضلـــع
من هالمصايب
حيدر ابدمــــــه سبح ابنــــي بالطف انذبح
كل هالنوايب
هيـــه عالكاظم جرت كل بنينـــــي اتغربت
المن اعاتب
جعده ابني سمتــــــه احسين گطعورگبتــه
اعلينه حرايب

عالكاظم الصار من اعصرونـي
من حرگة الدار بيها ولونـــــي


مني شنهو تطلبـــــه هل العداوه ناصبــــــه
تطلبني ابثار
گضت اولادي چتـــل لأن هيــــــــــه ماتذل
ماترضه بالعار
كسرضلعي ماكفــــــه اوناربابي ماطفــــــه
متوجره بالدار
يامصاب انـــه اجرعه بالبقيع الأربعـــــــــــه
بغداد اشد نار

بالسجن غدرو احفاد اميــه
عالجسرخللو اجنازه رميه


اسنين عن اهله ابغرب اوليدي الدمعه يصب
محد يشوفه
بعدساعـه موتتــــــــه والسلاسل ضهدتـــــــه
شفت ابچفوفه
اعليه اجذب ونتـــــي لبني انعه ابدمعتــــــي
صعبه ضروفه
دارمــن سجن السجن بالمصـــــــــاي ممتحن
عالشيعه خوفه

والعهد وفــاه قدم حياتــــــه
مذهبنــه علاه ابتضحياتــــــه
▪︎▪︎▪︎▪︎▪︎▪︎▪︎▪︎
تمت
الشاعر فالح العامري
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

«عتاب لاينقطع»
«تجلیبه»
ــــــــــــــــــــــــــــــــــــــــــــــــــــــــــــــــ
الّـــــــــــي ویّاك يـا سجن الرشيد اعتاب
والهــذا العتب منــّــــــك اريــــد اجوا ب
▪︎▪︎▪︎
ليش انتـــــــه اظلمت عالكـــــاظم المظلوم
اوعن عينــــــه احجبت نور الشمس والنوم
اومــــا شافت اعيونك من سگــــوه اسموم
چبدته الصوّبت چبد الرســـــــــــول انصاب


ابجبینك يا سجن مختومـــــه وصمـــة عار
تظـل ويّاك هالوصمـــــــــــه اعلـه مر أدوار
اوعســـــــه دارك تزول اومــــــــاتظل آثـــار
چم عام اعلـــه ابن جعفـــــــــر اتهیل اتراب


تحـث اترابك اعليمــــن يسجن الشــــــــوم
عله روح الزچیــّــــــــــــه او آیة القیـــّـــوم
شبل المصطفــــى منــّـــــــــــه تغیر ارسوم
مـــاتخشه الاله اومـــــــــــــا تخاف احساب


گضه عمره اوتسمعــــــــــــه یجذب الونــّــه
واترابك دموعـــــــــــــه التجري یسگنـّــــــه
ساعه لوگعـــــدت اونـــــاشدت منـّــــــــــــه
واتنشده علیمن هــــالدمع سچــــّــــــــــــاب


علیـــــــــه اسنین منـّـك مغلگـــه البیبــــــان
اویومیـــّــه یعذبـــــــــــه ابدارك السجـّــــان
هذا الجـدّه حيدرحامـــــــــــــــــــي الجيران
اوبنــــــــي العبّاس تربطها ابعلــــــي انساب


علي الچان البنـــــــي العبّاس یحمیهــــــــــا
وابعطفه اوحنانــــــــــــه دوم یکسیهـــــــــا
ردّتله الجمیل الیـــــــــــــــــــوم تالیهـــــــــا
جمیلـه بالغدر ردّولـــــــــــــــــه داحي الباب


اشهد یـاسجن عالکاظــــــــــم الحـــــــــایر
اوشفته اعلــــــــــــه النوایب والعسر صابر
ما واحد بگالــــه ابغربتــــــــــــــــــــه ناصر
بارض بغداد مـــــــــا ظلـّت الــــــه اصحاب


چم عام الگضــــــــــــه ما جزّعك نوحــــــه
اومن ثگل السلاسل تنـزف اجروحــــــــــــه
اومن عندك طلــــــــــع حین اطلعت روحـه
بالغربه تشيعـــــــــــــــــــه اوتدفنه الأجناب

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

لا اجیز التلاعب بکلمات القصیده ولا حذف اسم الشاعر فالح العامري

قناة الشاعر فالح العامري
🔹للاستفسار اتصلوا بالاستاذفالح العامري علی هذا الرقم 👇🏻
00989133683181

غير مبري الذمة كل م̷ـــِْن يتلاعب في القصيدة وتغيير اسم الشاعر
انشروا الرابط وشارکونا الأجر والثواب
https://t.me/falehalameri

لبيك ياموسى ابن جعفر
الوزن تجليبه
~~~
اجيتك سيدي والأمــــــــــي احملها
هاذي خدمتــــــــــــي امروتك اقبلها
▪︎▪︎▪︎
اقبلنـــــــــــي الك خادم يباب الجود
غيرك تدري مــــاعندي سند موجـود
يارمز الهدايــــــــــــه وحجة المعبود
اريد اشعاري يمك انتـــــــــــه دونها


اجيتك كل عمل ماعندي تدرينـــــــي
بس عندي عمل حبك اليكفينـــــــــي
وبيوم الحشر سيدي نجينــــــــــــــي
انتـــــــــــــه بالحشر شيعتك ضامنها


خدمتك ياغريب الأهل والديــــــــره
واخليت ابمحبتك روحـــــي ايسيره
واحبك سيدي مـــــااحمل الغيـــــره
حبك كل جروح الگلب شافنـــــــــها


اجيتك واحمل اذنوبــــي عله ظهري
بس لهو اوسوالف هالگضــــــه عمري
من هســــــــــــــه اگلك اقبل العذري
عبد الكم اجــــــــه مايحمل ابيمناها


گضیت العمر بالوعـــــــــــــه والدمعه
حملت اشجون منها الچبد متگطعـــه
اريدك بالگبر انتـــــــــــــــه الي شمعه
هاذي طلبتـــــــــــــــــي منك اريدنها


انا ابخدمتك لامتنــــــي كثره الناس
من كثر الملامه شاب منـــــي الراس
عليك اليوم امشــــــي عمك العباس
روحــــــــــــــــي لواجت يمك تامنها


امانــــــــه اروح عندك ياشبل جعفر
من ليلة وفاتـــــي الساحت المحشر
من عندك شفاعــه اطلب يبن حيدر
واريد اجنازتــــــــي ابتربتك تدفنها


اجاك اليوم خادم يطلب ابشـــــاره
ماعندي عمل بس بضعـــــة اشعاره
الموت الموت اجـــه مامن كل جاره
گبل الموت اريد الحضره اشوفنــها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابوذيات🔹نــــــــعـــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
لاتنسون الاشتراك
يسعدنا انضمامكم
https://t.me/falehalameri