«شبيه المرتضی»
«اعگيلي»
~~~
اشبه حيدر اشبه حيدر
آنه الأ كبر آنه الأ كبر

▪︎▪︎▪︎
خلّي الطف يشهد لفعالــــي
ابكثرة هالعسكرمابالــــــــي
فرّت هجّت من اگبالــــــــي
شــــــارد من بتّاري العسكـر


صال اعليها ابصوتــه اينادي
آنــــــــه ابن المختـــارالهادي
عدكم اخبـــــــارامن اجدادي
سيف العدنـــــــــه محّد يقهر


انـــــه ابن احسين الربّانــــي
للطف واليومه الخلّانـــــــــي
والأكبراسمــــــي اوعنوانـــي
هاشم وابهاشم آنـــــــه افخر


بالطف اتلاگه آنـــــــه اوياكم
بيد الشجعـــــان انطوالواكـم
ابعزم الكرّار اتحدّا كـــــــــــم
ماهمنـــــي الجيش اشمايكثر


خيبرلـــــوچنتـــــــم ناسيـــها
ماشفتـــــوها بس راويهـــــــا
بالطف ابعون الله احيـــــــــها
هاليــــــــوم اتشوفوها الخيبر


آنــــــــه ابن الكرّار اوشبلــــــه
مانعرف بالدنيـــــــه الذلـّــــــه
الميدان انطب نـــــــارانشعلــه
اوخلّــــــي ايطفّيها اللي يگدر


آنـــــــــه اوجدّي العزويّانــــــه
اوماينذل بالحومــــــــه الوانـه
جدّي الخيبررج بيبانـــــــــــــه
وآنــــــــــه البالطف الكم ادحر


هاي الحومـــــــــه اويالردتوها
واشعدكم وادم جيبــــــــــوها
وابطال العدكـــم حشمــــــوها
جيبوابن ازيــــاد اوخل يحضر


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر
https://t.me/falehalameri

«من هوه الأفضل»
«مجرشه»
~~~~~
يبني يالأ كبر يبني موهيّن اتفارگنـــي
يالبيك كل آمالــــي ياقطعه من دلّالي
موهيّن اتفارگني

▪︎▪︎▪︎
افـــــراگ الأبن ماينحمل گلبــــي يگطعه اوداعك
ياعلـــــي هجرك موسهل تشبــــه الجدّي اطباعك
من دنيتـــــــي بعدك امل يبنــــي ضعت بضياعك
يــومك گبل يومي وصل والمـــوت يلوي اضراعك

يااغله كل اولادي يالبيك اشوف الهادي
انظرمچانك خالي ياقطعـــــه من دلّالي
موهيّن اتفارگني


ياابـــــــواللي مثلـــي صبر للموت ايقـدّم ابنـــــــــه
من آدم الأخـــــــــــر بشــر ماجرت هاي المحنـــــه
ابراهيم ذبح ابنـــــه انتظر بلچن فـــــــــرج يتأنـّه
يوليدي دلّالــــــــــي انفطر امن أجذب عليك الونه

وسط الچبد نيراني تستعرمن احزاني
امصابك يمرمرحالي ياقطعه من دلّالي
موهيّن اتفارگني


ريتـــــــه حظرطف كربله ينظرابعينــــــه ابراهيم
الله امام الجاعلـــــــــــــه مثلـي جرع ها گدضيم
للذبح تل ابنـــــــــه اسأله اعليه العده طوگ اتقيم
ماسمع تصرخ عايلــــــــه بس هوّه للنوح ايجيــم

من راد ايقدّم ابنــــه مي شرّبـه واتهنّه
ضامي ذبحوك اگبالي ياقطعه من دلّالي
موهيّن اتفا رگني


ابراهيم من شـــاف الحلم گبل الذبـح عاش احزان
شيســـوّي هالموقـف زحم صعب امتحـان الرحمان
اسماعيل حـي بعده اويهم وامصابه موحتمي چان
ابطف كربلـــــه عندي علم الأكبرتذبحــــه العدوان

ياهوامتحانه الأصعب اوبالمحنه ياهوالأصلب
وعدالله ياهوالغالـــــي ياقطعـــــــه من دلّا لي
موهيّن اتفا رگني


آنـــــــــــــه البجدّي تهتدي والشافعـه امـّي الزهره
ابراهيم شيعـــــي الوالدي آيــــــــة الباري ابذكره
اسماعيل ابنــــــــه ينفدي وابنـي السيوف اتوذره
لمصابي ياشيعــــه اشهدي واسوني ابگطعة نحره

دمّه نزف عالغبـــره والخيل داست صدره
چن گطّعواوصالـــي ياقطعه من دلّالــــــي
موهيّن اتفارگني


ياشيعه الأكبرمن وگــــــع دارت عله جسمه الگوم
شفت النـــي يمّه انصرع الزهره يم جسمه اتحوم
للحومـه احس گلبي فزع عالوجه اوگع لوگــــــوم
والصرختـــي العسكرسمع منــــي رحت يامظلوم

واعليك آنــــــه اشبيدي يمّك لويت الجيدي
الجيتك تتاني اعيالــــي ياقطعـــه من دلّالي
موهيّن اتفارگني


▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«من خيبرالی كربلاء»
«مجرشه»
~~~~~
الأ كبر مثل عبّاس للمعركـــــه من نزل
مرعوبه منّه النّاس والنعم من هالبطل
يشبه علــــي الكرّار راعي المراجل
ابوجه العده الأشرار بتـّــاره حا مل

▪︎▪︎▪︎
الأكبرشبيه المرتضــــــه يحمل جميـــع اطباعـه
شب بالعده نارالغضــــه يحصدالروس اضراعــه
اوبيدرجثثها المغرضـــه خلـّـه العده ملتاعـــــــه
المافاد بيها الموعظـــــه راواها سيفه الساعــــه

بالطف عله الفرسان يمطـرحجرسجّيل
خلّاها بالأزمــــــــان تنذكـرجيل الجيل
واعليها لمّن غــــــار عنـّـه تسائل
ابوجه العده الأشرار بتّـاره حامل


ذكـّـــــــــرهم ابوقعة بدر اوصرخة علي اوكرّاتـــه
جدّامــــــــــه مرعوبه تفر مدهوشه من صولاتــــه
هالجيش موته ينتظــــــر بالطف دنت ساعاتــــــه
اتولّاهــــــم ابطعن اوطبر منهـــــــــــــم اخذثاراته

ياثاراله هالشّاب منهم يريده اليـــــوم
يطلب ابثار الباب البيه الضلع مهشوم
ماناسي للبسمــــــار والدمع هامل
ابوجه العده الأشرار بتـّــاره حامل


اهل الظلالـــــــــه والجهل خل يگطــــــع الدابرهم
اهل السقيفـــــــه والجمل اســــلام بس ظاهرهم
اهل الخيانــــــــه والدجل ماضيهـــم اوحاظـرهم
ابسيفـــــه شبل خيرالعمل خل يسجد ابمنحــرهم

ايعرفونه هاذه السيف والحاملـــه معروف
ابيوم الوغه موصـوف مايعرف ابدا خوف
هذا ابن ابوالأحرار شبلالأفاضـل
ابوجه العده الأشرار بتـّــاره حامل


واحدعلي ابطف كربلــه اگباله مجموعه اصفـوف
واتهلهل الحومه الـــــــه واتكبّرالجيتـــــــه اسيوف
اشحدّه جمعها ايقابلـــه من بعد ماخذها الخــوف
هذا شبل عقد الولــــــه ابســـوح المعارك معروف

عمـّه البطل عبّاس لوغضب يفني الكون
چفـّه يخنگ انفاس خلّهم الـــه ايجربون
وابهيبة المختـــــار الهم يقـــاتل
ابوجه العده الأشرار بتـّاره حامل


الأكبـــــر خطفها اومابطه خلّاها بالطف اتمـــــوج
حوم اوتلولح عالگطــــــه من سطوتــه كلها اتلوج
واليفررمحه يلگطـــــــــه والبگت بد مـــاها اتفوج
جيش آل اميه اشورّطــه وي سيف سجدتله التوج

تگدراهي تثنيــــه خل تنجمـع هالخلگ
ایعرفونه ماناسيه چم هامه الهم شرگ
المنهج علي المغوار الأكبريواصل
ابوجه العده الأشرار بتـّـاره حامل


الله حين اللــــــــــي حمل واتلا گه ويّــــه العسكر
طاعـــــــون چن بيهم نزل راواها مــــــوت الأحمر
لصفـــــــوفها بس ماوصل اوصا رمه اعليهم اشهر
بكتارهــــــــــم حفّ الأجل واذهلـــها ضنوة حيدر

والزمرت الجالوت نا يبه اوبيه انزلت
حگها لفاها الموت وللمحشراتحضّرت
يرسل زمر للنّـــــــار من هالقبايل
ابوجه العده الأشرار بتـّـاره حامل


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«محاچي الدموع»
«تجليبه»
~~~~
احسين ابدمـع جاوبنــــي
امصاب الأكبــر شيّبنــــي

▪︎▪︎▪︎
يمن تسأل شنهو الشيّب الراســــــــي
عله گلبي جبل منّ الحزن راســــــــي
علي ابگطعة وريده انگطعت انفاسي
بالحومه من طاح ابنــــي
امصاب الأكبــر شيّبنــــي


من اعليـــــه تــلايــم واطبگ العسكر
گلت راح امن اديـّـــــه مهجتـي الأكبر
للحومه اگصدت واجدامـــــــي تتعثـّر
وامّه اسمعت تند بنــــــي
امصاب الأكبــر شيّبنــــي


اگصدت يمّه يويلــي اومن شفت حاله
عالتربان ابنــــي امگطـّعـــه اوصــــاله
صحت ياجد احملـه اشلون لعيـــــالــه
طف كربلـــــــه دولبنـــي
امصاب الأكبــر شيّبنــــي


يمن تنشـد شگلـّك ذاب دلالــــــــــــــي
نــورالعين شفته امگطـّع اگبالـــــــــــي
اجمعت جسمــــه بديـّه اوليدي الغالـي
وسط الچبد صوّبنـــــــــي
امصاب الأكبــر شيّبنــــي


من ياصوب اشيله جسمــــه المگطـّــع
جمعت اوصال ابني واسچب المدمـــع
حيلــي انهار يمّــــــــه طحت بالمصرع
حالـــه الشفت عذ ّبنـــــي
امصاب الأكبــر شيّبنــــي


طحت يمـّـــــــه اونار احزاني متوجره
صاراخضاب شيبــــــي من دمــه نحره
واحس گلبـي توسّد يمـّـــــــــه عالغبره
اوگلبي اسمعت خاطبنـي
امصاب الأكبــر شيّبنــــي


راح الچــــــــــان بالهـــم للگلب سلـواه
وين الموت مايلفــــــي اواخذني اوياه
دمـع العين لــــومن دم قليل انعــــــــاه
هسّه الدهر حـــاربنــــــي
امصاب الأكبــر شيّبنــــي


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«الجسم المقطـّع»
«هجري»
~~~~~~~
امن المهرجسمك تگنطـّـر ياعلـــــ.ـي فوگ الثره
راسك امطبّریـویلـــــــــي والنحـــــــر دمـّه جره
هالخبــــــــــرلمّك وصلها ابوجـــه ابوك التنظره
لونـــــــه من شافت تغيّر عرفت اعليك اشجـره

ابگلب دامـــــــــــي ندبتك
بالمدا مــــــــــــع نـــــادتك
وين يبنــــــــــــي طيحتك
واعليّا واعليّا


ياعلي من صحت بويـــــه اعليك من عندي السلام
احسين للمصرع تعنـّـــــــه وتمطراعليــــــه السـهام
اينادي بعدك عله الدنيـــــه العفــــــه ياشبل الكـرام
اعليك مبروكــــــه الشهاده انتـــــــــه عالذل ماتنام

اوصلت يبنـــــــي غايتك
افد يتنــــــي ابدم رگبتك
وافجعتنـــــــــي ابنومتك
واعليّا واعليّا


آه ياشيعه الفجيعـــــــه اتمدّد ابطولــــه الحسين
وخلط وي دمّه دموعــه أحضنـــه الصدره الحنين
اينادي للعشرين يبنـــــي الك مــــــــــــاتمّن اسنين
يبني بيك آنـــــه اشوفن جـدّي سیــــد المـــرسلین

جدّي اشوفـــــه ابشوفتك
صعبـــــــه والله فــــرگتك
اتعز عليـّــــــــــــه روحتك
واعليّا واعليّا


احسين من يمـــــــّك تمدد بعدما يگدریگــــــــوم
نومتك هدّمت حيلــــــــــه زادت الهمّــــــه هـموم
ياعلـــــــي من فيض نحرك شيبه خضّب بالد موم
وابلسان الحــــــــــــال ناده يالولد مووكت نـــــوم

يا علــــــــــي موسا عتك
الحـــــــرم كلها تــــــانتك
امل عد هـــــــــــاابجيّتك
واعليّا واعليّا


يبنــــ.ـــي ما اگدر اشوفك جسمك امگطـــــّع وذر
فــــــوگ نارالعطش والحر امصـابك الچبدي فطر
کربلــــــــه وهاي المصایب ویـن دا فنـــــها الدهر
راحت احبابـــــي من ادیه وانتــــــه یا نورالنظر

صعبــــــــــــه شیلة جثـّتك
الگلبـــــــــــــي تفطر ونـّتك
ريت امّــــــــــــــــي سمعتك
واعليّا واعليّا


يبني يا زهرة حياتـــــــــي الصارحصّتـــها الذبول
ريت بارض الغاضريـــــــه حالك اتشوفـه البتول
جسمك اعلــه الثره اموذّر يبني يا شبــه الرسول
بلچن الجرحك تشلـــــــــه امـــــــي وآلامك تزول

ريت امـّـــــــــي حضرتك
اتشوف بالطف حـــــالتك
وتدعي عاللــــــي ظلمتك
واعليّا واعليّا

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«نارالأنتظار»
«فائزي»
~~~~
من لیله مشبوح النظر لرض المعـاره
من وجه ابوالیمّه الولد تاخذ اخبــاره

▪︎▪︎▪︎
الوجه الحسین اتعاینـــــــــه یزهـــي بالأنوار
تعرف ابنـهاهالــــــــــــــوکت حفّتـــــه اخطار
وتسمع ضجیج المعرکــــــــه وصـــارالهاطفّار
وسمعت ابنها للأبـــــــــــــــو اینادي البشــاره


وراس ابن غانـــــــم حاملــه بچفوفـه لحسین
وایگلـّه یابویــــــــــه العطش طرچبدي نصّین
مــــــــــــــــااگـدراتحمّل بـعد حـرّالـمـیـــــادین
عالـنـظراثـّـریالأبــــــــــــــــو چـبــدي ابشراره


وحسین یسمــــــــع شکوته ویجري النـواظر
ایگلّـــه العطش فت چبدتك والچبدي فاطـــر
واطفالي ظلـّت بالظمــــــــه تکسرالخاطـــــر
یابـویــــــــــــه ردّالـحومـتك واجـــــرع مراره


ايـّس رجع للمعركـــــــــــــه والصدرضـامـــــي
لن صوت من وسط الخيـم من گلب دامــــــي
یبنــــــــــــي یالاکـبـرانتـظر واسمع کلامــــــي
يايمّه رایـــــــــــــــح للذبـح يبن الغيـــــــــاره


یایمـــــــــــــه اگعد واستمـع عتب الغریبــــــه
هاك اخذويـّـــــــــــاك الگلب سکـّت نحیبــــــه
فراگ الــــولد عالـــــــــوالده اکبرمصیبــــــــــه
تعب التعبته والربـــــــــــــــه الطف انتظــــــــاره


بالضعن من دیرة هلــــــــــــي انته الجبتنــــــي
والیوم بدیــــــــــــــــار الغرب یبني عفتنــــــي
یاهوالیحـامــــــــــــــي للخدر من ودّعتنـــــــي
عفت الخدروسط الخیــــــــم تلتهب نــــــــاره


یبني عـفـتني ابکربلــــــــــــه عگبك وحيــده
ان چان الحمـــــــه گلت الأبو حــــــــزّو وریده
وگبلـه وگع فــــــــــــوگ النهر عمّك عضيــــــده
عالشّاطي طاحت يمنتــــــــــه ويّـــــــــــه يساره


من رحت يبنـــــــــــــي والأبو وعمّك العبـــــّاس
غارت علـــــــــه اخيمنه العده واتفرهد النّــــاس
فرهدت خدر المرتضــــــــــــی واطفالــــه تنداس
يــاعلـــــــــــــي ولديــار الغرب نمشـــــــي يسـاره


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«سلوة الروح »
«بحرالطویل»
~~~~~
والينه للأکبـــــــــر نظرنظرات الوداع
وایگلـّه یولیدي گضت ایـّامك ابسـاع
عن عينـــــي اتروح يا سلوة الروح

▪︎▪︎▪︎
احسين ايـــــودّع اوليده اوتفيض المدمع اعيونه
شبيـه المصطفی المختار منـّه خــابت اضنونـــــه
وجهـــــه الـّـي يشع انوار ابنبل واسيوف يدمونـه
وابنوح اويـــــــه ابواليمّه بنـــي هــاشم يودعونه

بركابه امّه اتعلـّگت واتنادی یبنـــی
الساحة جهادك يالولد ويّاك اخذني
اتخلـّيني ابنوح ياسلوة الروح


الأبن لــــــورايد ايسافر افراگه اعله الأبویصعب
ابوالیمّـــــــه العلي ینظر المهرالنایبــــــــــه یرکب
یودّي للذبــــــــــح بیده اویصبـّرگلبـــــه المعذّب
اشکبرصبــــــره ابوالأکبر الملك من صبره اتعجّب

زهـرة حـيــاتــه ايقدّمــه للذبح بيـده
وايسلمه للسيوف العده تگطع وریده
یولیدی مذبوح یاسلوة الروح


یـبـنــــــي لـلمـنیـّه اتروح خلـّـــه اتوادع آنه اویاك
بعد ساعـــــه يلبّ احشاي مرمـي اعله الترب الگاك
واشوفن جسمك امگطّــع اومن نحرك يسيل ادماك
يالاكبرياضوه اعيونــــــي عالدنيــــــه العفه بعداك

شلـّي ابحياتي ياعلي بالدنيــه بعدك
عيني عمت لمّن شفت عالترب خدّك
عالأرض مطروح ياسلوة الروح


يبنـــــــــي صوّبت للروح اوچبدي الظامي مرّدته
منّ اگصــــــــدت للمیدان ویّاك الـگـلب خذتـــــه
الجیتك ضلـّت اعيونـــــي تربي الـدربك انطرتــه
من كثرالبواچـــــي اعلیك خدّي ابدمـــع حوفرتـه

يـــاعلي طالت غيبتك بأرض المعــاره
اومنذوره يبني الجيّتك روحي بشاره
والنظرمشبوح ياسلوة الروح


عن عيني ابعدت يبنـــــي واعليك العده حـــاطت
علـــه راسك تحوم الروح اوگبل اصوابك انصابت
گبل ما عالأرض توگــــــع روحي یالولد طــــاحت
اومن اتـلـــــــوج یالأکـبـر روحـي الحالـتك لاجت

حين الوصلت المصرعك يبني يمظلوم
اتوچـّه آنه اعلــــه الصبرواعثربـالهموم
والگلب مجروح یاسلوة الروح


ابیاحالــــه اوصلت یمّك اعداك التبچي الحالـــــي
ظهري اعلیك انه احنيته اويمّك طاح دلالـــــــــي
اويــــاك اتمدّدت عالگاع واشمّن نحرك الغالــــــي
وانـادي ابصــوت ياجدّي امن ابني انگطعت آمالـي

خدّك غسلته امن الترب ابدمعي اليجري
ودّيـت يـبني للخـيم حسـرتــي ابصدري
اودمّك المسفوح يا سلوة الروح


يـبـنــــــــــي چانت آمالی بیدك انته تـدفـنـّــــــي
اوتحمـل يلولد نعشــــــي اوبدموعك تغسلـّنـــــي
يالأكبرعالگبــــــــــرتوگف وابلحدي تـنزّلنــــــــــي
الدهرلـضنونــــــي خیّبها بالطف یاعلی یبنــــــي

یــاریت گبلك گرّبت ســـاعة مماتــي
مذبوح اشوفك يالولد شلّي ابحياتي
عن عيني اتروح ياسلوة الروح

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«الصوله الحیدریه»
«بحرالسریع»
~~~~~~~~
من صال شبل ا لمرتضی ا لحومته
ذکـّرهم ا بصولة علي ا وحملتــــــه

▪︎▪︎▪︎
هالفارس الطب للحرب یا هلــــــــه
منهو الیواجه ضربتــــــــــه اویاهله
ما اعتقد بأنسابه اهــــــــــــي یاهله
حسین الأبووجده علي عرفـتـــــــه


هالنسب مومجهــــــــول عند العرب
اتعرفــــــه وتعدّه من معالي الحسب
اطهرسلالــــــــه واشرف الکل نسب
الاکبرسلیل المصطفـــــــی اوعترتـه


هالعتره معروفــــــــه ابفنون الحرب
ما بیهم الموتــــــــة وســـــاده یحب
متعـــــــــــاهدین وســــاروابهالدرب
للباري لبّوبالشرف دعـوتـــــــــــــــه


من عدها الاکبــــــرحامل الهالصفـه
بالطف تحزّم واجبه یعرفـــــــــــــه
خاض المعارك دينه من كلفــــــــــه
لبيك ناده واعتلت صرختــــــــــــه


لبّه وتحدّه اسيـــوف ذاك الجمــــع
گلب المراجل لابس اعلـــــه الدرع
نورابوالزهره من جبینـــــــــه یشع
حــامل وقاره وهیبته وعـزّتــــــــه


من لکد بیهاابن الفحل والنـّعـــــــم
خلـّه المهریمشــي اعله روس الزلم
امنین المفرخلاهاگـــــــــــامت تهم
مخلاص ما ظل الها من ضربتــــــه


ما بین سیفـــــه ورمحه هیّه انولت
وصرخاته من بین الجمــوع اعتلت
وبسمــــــــه الهواشم بالخیم کبرت
واتنادي یاحّي وهله ابصولتـــــــــه


ناداهــــــــــــا وین المفریهل الخذل
اربات الصمیده احنـــــــــه لاما نذل
هیهات نستسلم الطاغـــــــي اونذل
وایزید بیکم ما یصل غایتــــــــــــه


بسم الأبوالمظلوم صوتــــــــه هتف
الموت اعله دربه هاذه آنـــــه شرف
واحدنـــه عن هالعهد عیب انحرف
والتــــي یعاهد ینطي د م رگبتــــه


ضحّه ابوجوده والنه یبگـــــه فخر
هالتضحیــــــــه عزّه وشرف للبشر
بسمــــــــــه ننادي ومانهاب الخطر
لمّن یجینه الغایب ابثورتـــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«امنیات الواتده»
«مثلث الشيعتي»
~~
یا حیاتي اومنیاتي
انته مرسوم ابخیالي یاعلي الأ کبریغالي

▪︎▪︎▪︎
علي يبنـــــي ياحياتي اونور دربـــي
تبگــه عایش انته وي دگـّات گلبــــي
من اصـدلك الشوفتك يزدادحبـــــي
بيـك اشوفن يالولد كل ثمرتعـبــــــي

لوعفتـني ضيّعتـني
ساهرت بيك الليالي یاعلي الأ کبریغالي


يبنـــي رايح روحتك ما بيها جيـّـــــه
اوياك اخذني خلـّـــــي نستشهد سويّه
عنّـك اشگـف یالولد بثـنین ادیــّــــــه
ابگلبي اظمّك لواجت ليك المنيـّــــــه

محني ضلعي يجري دمعي
کربله تبچي اعله حالي یاعلي الأ کبریغالي


ابحالي ارحـم ياشبيه النبـــــي الهـادي
الغاضريـّــــــه ذوّبت شحمت فـــــؤادي
بيك يبنـــــــي حايطه اسيــوف الأعادي
ایگلها یمـّـــــه کربلـــــه ساحة جهــادي

اهنانه یمّي یجري دمّي
ريت گطـّـعولي وصالي یاعلي الأ کبریغالي


یمّــه اصبري اعلیچ لوحلـّت رزیـّــــــه
لونظرتــــــي جسمــي مرمي عالوطیه
ابد م وریدي اسگي أرض الغاضریـّــــه
هــــاذي آخر نظره من عندچ الیـّـــــــه

گبله ونّت ‍یمّه حنّت
شبگته اونادت یوالي یاعلي الأ کبریغا لي


لحظه صعبـــه للذبح تنطـــــــي ابنهـا
تظل لیلــــــــه بعده متوشحه ابحزنها
راح منــــــهــا الچان سلواها ابزمنـــها
اسنین حسبت هالولد یحضرد فنــــــها

راح أملها مابگـــه الها
امچانك اتعاينله خالي یاعلي الأ کبریغالي


ليلـــــــــه ربّت اوتنتظر ثمرت ربـــــاها
گالت ابنـــــــي اجنازتي يمشـــي وراها
تالـــي هالطف وسفه آمالـــــــي خذاها
غدر بیـّـــــــــه الدهر واحلامـــي طواها

والزرعتـــه ماحصدته
ابکربله هاذه الجرالي یاعلي الأ کبریغالي


ابهاذه حالـي عالولد روحـــــــي حزينه
من رحتلــــه وامسح الدم عن جبینـــه
عاتبیتــــــــه اوالـّمت روحـــه الحنینه
من سمعنـــي غورگت بالد مع عینــــــه

والغربتي والمحنتي
افگد اخلافك جلالي یاعلي الأ کبریغالي


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri

«حنین الوالده»
«هجري»
~~~
یبنی رایح ما ترد عدمن اتخلّینی
الموت عگبك یاعلي اتمنّیتـه

▪︎▪︎▪︎
یـا علی ارحم ابحالـــــي یبني یا فتشت العین
لو رحت یولیدی عنـــــّي روحــــی یعلاها الانین
بیت للاحــــــــزان انصب لمن یـاخذنـــــي البین
کل شباب اتشوفه عینــي اذکــــــراولیدي الحنین
اذکراسنینك ییمّــــــــــــه من حیاتي احله سنین
گاصدالارض المنایـــــــــه بعدک انطي الوجه وین

ویّاک اخذنی یاعلي مالي حیل افراگك
العمرعگبك یالولد ملّیته


الوالده من عگب ابنـــــــها یظل سلواها الدمــــع
تظل کل حسره التجــــرها الجبل منــــها ینصدع
وبالگلب نیــــــــــران تلهب شاجره تحت الضلــــع
نارهجرانك ییمــّــــــــــــــه روحي ذابت چالشمـع
یبنــــــــي مو هیّن افراگك گـلب امّك ینگـطــــــع
بعد ساعه یبنـــــي اشوفك علــــــه الغبره منصرع

ابعیني اشوفن مصرعك تنذبح جدّامي
ریت طفها کربله لاجیتـــه


امنین یوم الطف اجانـــــــي ما حسبته ابدنیتـــي
خیّب احسابـــــــي الحسبته وحلم صارت منیتي
اتعاب کل عمــــــــري خذاها والذخرتـه الکبرتـــي
ابنــــــــــــي گلت ایلم کبرتي اعلیه یبني خیمتــي
گلت باچــــــــــــر من اموتن هوّه یحضردفنتــــي
یاعلـــــــــــــــي آمالي خابت اوراح اظل ابغربتـي

اویاك اجیت امن الوطن وحدي اردّالبیتي
اویاک گبري ینحفریا ریته


الکربلــــــــــــــه وهاذه نزلها ریت یبنــي لا اجیت
چم مصیبه اوچم رزیـّـــــــه اونایبـــه آ ني لگیت
وحده اشد من وحده یبنــي واجرعتهن ماشچیت
لا چن افراگك یالاکبــــــــــر ابکربلـه ظهري حنیت
بعد مـــــــاوچّد الدربــــــــي عنّي یبني من مشیت
اشلــــــــون اسکن آنه بیتك یبني یا شمعـة البیت


ریت یبني لا عشت وبعدك اسکن دارك
ابني بدیارالغرب خلّیته


ارد لارض الـــوطن وحدي اشلون ترضـه غیرتك
یالولدانتــــــــــــه الجبتني امن المدینه ابشیمتك
عدمن امودّعني یبنــــــــي اترید تگصد حـومتك
مـاگلت بدیار غربــــــــــــه اتعـــــــوف امّ الربتك
ماگلت هــــــاي الاعـــــادي اعلیــه تحرگ خیمتك
ماگلت تمشــــــــــي یسیره اوتنضـــرب لو ندبتك

ما گلت صوط العده تلتوي اعله امتوني
یبني چتّالك آنه ماشیته


▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri