«عرس الطفوف»
«تجليبه»
~~~~
يعريس الطفوف امسافرالله اويـــاك
اظل طــــول العمريبن الحسن انعـاك

▪︎▪︎▪︎
آنـــــــــــــه والده العرسك اعد ايام
بدموعي عجنت الحنـــــه ياجســام
لچن ساعـــات شوچنه الفرح مادام
يــوليدي الدهرمن النحرحنــــــــــاك


كل ام تنتظرعريس ابنهــــــا اتشوف
وبفرحة گلب حنــــة ولدهـــا اتدوف
بس رملـــه گلبها يرجف امن الخوف
يبنـــــي اشرايده منعدنه هاي اعداك


طبــــع اللي يعرس اخوتـــــه ايهنوه
اومصباح الزواج ابفرحـــــــه يتلگوه
وانته اصباح عرسك نحرك ايگطعوه
كل هاذه الجره واشلون آنــــه انساك


يبنــي اشموع عرسك دمعـي طفـّاها
امك هالمصيبـــه اشلون تنســـــــاها
اسمعت صوت المصيبه رملــه ناداها
بعيونـــــــــــي يجاسم اظلمت دنياك


العده سبيـعن الف ياجاســم ايتانـوك
بسيوف اورماح الغادره ايزفـــــــــوك
من دم الجــروح التنزف ايحنـــــــوك
لــــــوبيدي حصل يبن الحسن افداك


علــه ذبح الولد حاطت اهل كوفــان
واتبدل حزن گلب امك الفرحــــــــان
بمچـــــــــان الهلاهل تنحب النسوان
ارحم حالنــــــه يوليدي اترجــــــــاك


يبنـــــــي لورحت عدمن تخلينـــــــه
بعد ساعـــه العساچرتفزع اعلينــــــه
بعد عينك ييمــــه من يحامينـــــــــه
ياجاسم اجينـــــــــــه الكربله بحماك


انتـــــه اتروح يبنـــي الجنة الرحمان
تحصل عالسعاده اوعيشــة الرضوان
انـــــــه امشي يسيره ابولية العدوان
يوليدي الشفاعه اضمنلــــــي اترجاك

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«رمله المفجوعه»
«تجليبه»
~~~
رملـــه اتصيح گومويابنــــــي هاشم
خلــــي ابكربلــــه انزف الولد جاسم

▪︎▪︎▪︎
خل نعلگ اشموعه اوليدي هالليلـــــه
لبن الحسن عمري الغالــــي اهديلــــه
وابعرســه تبارك لمـــــــه العيلــــــــــه
يريتــــــه هالفرح لمــــــــه يظل دايم


هاذه ابني اوفرحته اللي تنيت اسنين
توه ابن الحسن شب اوحلـــــه بالعين
اخاف اعليــــــه بالطف لويغدره البين
من الخوف گلبــــي اعليه احس هايم


احس گلبي يگلــي رملـــــــه لتفرحين
واشموع الفرح هالليلـــــــــــه لتعلگين
انتظري الصبح وابعينچ اتشــــــــوفين
مذبـــــوح الـولد فـــــــوگ الثره نايــم


باچــــــرزفت العريس للحومـــــــــــــه
واتشوفين جاسم حنتـه ادمومــــــــــه
بعيونچ تظل احزانـــــــــــــه مرسومــه
اويظل دمعچ يرمله من دمـــــه ساچم


امس چانوابعرس ابنـــــــي يهنونـــــي
واهله اليوم بمصابــــــه يعزونـــــــــــي
وابمصباح افراحــــــــــه يفجعونـــــــي
من اعليك يبنـــــــــــــــــي تنشد الوادم


شگول اللي نشدنـــــي اعليك من ارجع
اگولن ابنـــــي عفته دامــــــي بالمصرع
محزوزالوريد اوجسمــــــــــــــه امگطـع
ابگه اجري المدامـــــــــــــع والصبرالهم


ريت اوياك يبنــــــــي ابكربلـــــه ظليت
اولاوحدي ييمّــــــــــــــــه للوطن رديت
من بعدك ييمّــــــــــــــــــــه باليسرذليت
من عندي التريد النـــــــــــــــــوح تتعلم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«حنین الوالده»
«شیعتي»
~~~~
يبني يبنـــــي آه يبنـــــــــي
تعـوفك امّك ياحنين اظل بعدك للونين
آه يبني

▪︎▪︎▪︎
یبني بالغربه عفتنــــــــي غیرتك ترضــــــه يجاسم
خیمتي اعلیّــــه احرگوها وانتـــــــه عالتربان نایم
اوهجمة اجیوش آل اميه اتفرهد الخدرالفواطــــم
للصبـــــــــــــرمااگد ربعد حيلي انهدم شوفي انفگد
ويـّاك اخذنـــــــي يالولد جسمي اتگطعه الصوارم

خذني خذنــي ويّاك اخذنـــي
ماردت باجي السنين اظل بعدك للونين
آه يبني


رمله طاحت فــوگ ابنها تـون والونـّـــــــه شدیده
صبغــة ابــــــدمّ الشهاده راسها اوتـشتـــــم وريده
اتگلـّه یاجسّـام یبنـــــــي آنــــه اظل بعدك وحيده
انهاري اخلصــــه بالحزن وعلیّه لیلـــــــــي لویجن
اگضــــــــــي بالون یلأبن ماتمك كل يـــوم اعيده

حزنـي حزنــــي شيفل حزنــــي
الشمعتك طفـّـــه البين اظل بعدك للونين
آه يبني


آه والآه الاجـــــــــــرها عالولد راح امن اْديّــــــــه
ريت هذا العمــــرگصّــر وماشفت هاي الرزيّــــــــه
ماأظن نـــــــارابومحمّد أشـد مِنّ الغـاضريّــــــــــه
هالنارمن ذيچــــــه أشد الحسن لیــــــه ناصروِجَد
وحسين عـد راسـه گعد اولاخــــــــوته وصّاها بیّه

ونـّـي ونـّــي زاد ونـّـــــي
لورحت یبني الحنین اظل بعدك للونين
آه يبني


اگعد اوحاچيني يمّــــــه ابنـومتك هاي افجعتنـي
یالودیعـــــــــه آنه عندك اشلــون ياجاسـم عفتني
ترضه بسیاط آل امیّـــــه یسود امن الضرب متنـي
ماأظن تقبل شيمتـــــــك امیسـّره اتروح الـــربّتك
ماهِي ابمحلها نـــــومتك للمدينه گوم ردنـــــــــي

ردنـي ردنـــي البيتـي ردنـــي
يبنــي يافتشة العين اظل بعدك للونين
آه يبني


رملـــه من شبگت ولدها للصدر گامت تظمّــــــــــــه
اتنادي اگعد يبــو الغیره طاحت ابلوعه اعله جسمه
اتگله آنه امّك يجـاســم والحنين ايجـــــــاوب امه
مومحل نومـــــــه یالولد یاجاســــــــــم ایامك بعد
اونینك لعد چبدي مــــرد اوزوّدت للگلب همّــــــــه

عنـّـي عنـّـي رحــت عنـّـــي
ابغـربـه يبن الطيّبين اظل بعـدك للونين
آه يبني


عفت ثوب العرس یبنـــي والبست ثوب الشهاده
امبارك الثوبك يجاســـــم حصّلت اکبـــ.ــر سعاده
وآنه اظل بثیاب حزنـــــي لمن نتلاگـــــه ابمعـاده
یــولیدي اظـلـّن للحشر
اوبا لگلب نا رالتستعـــر
حتـّه امن انامن بالگبــر
باللحد ابگه انوحن علی امصاب الغــاضـریـه
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«حدیث الدموع»
«بحرالطویل»
~~~~~~
بالدمع بالدمع ربّیتــك اسنین
بالدمع بالدمع منتظره للحین
ماحسّبت يبني بالطف تخيّبني

▪︎▪︎▪︎
اگعد یبنـــي احچیلك من جوف الد ليل اهموم
ياامّ المثل حالـــــــــي مدمعـــــــــها يهل ادموم
لجل اربـــــــاك يمدلـّل مامراعله جفنــــــي النوم
اعليك الظهراحنيتــــه من راح الحسن لليـــــوم

بالدمع بالدمع عمري گضّیته
بالدمع بالدمع یومك تنیتـــه
تالي تغرّبنـــي بالطف تخيّبني


يجاســـــم هالعمرگوّض گضّیتــــــه ابعسرواتعاب
گبل الـراس اضن تدري دلالــــــــي ابرباك الشاب
اوروحــــي السهراتلفها اوجفني من دموعه ذاب
تكبريبنــي اعد ساعات واحسب للسعاده احساب

بالدمع بالدمع اسنيني اكتبتها
بالدمع بالدمع اليوم اختمتــها
يوليدي جاوبني بالطف تخيّبني


ابمـــــــاي العين ربّيتك وأيـّام اليتــــــــم تشهد
نارالیتم وســــط الروح کل یـــــــوم الیمر تشتد
وشمایجري د مع العین هاي النـــــــــــــارما تبرد
بالحسبات اگضـي اللیل اومن یلفـــي النهار ازید

بالدمع بالدمع اگضـــي نهاري
بالدمع بالدمع انقـل اخبــاري
وصیارك اتعبني بالطف تخیّبني


اهواي ارباك اتعبنـــــــي اظن يبن الحسن تدري
افنيتــــه شبابي اعليك حنيت اعله المهد ظهري
اوغذ ّيتك حنـان الروح خلطتــه وي لبن صدري
اوشمعة عمرك التزهـــي انطيت الها ثمرعمــــري

بالدمع بالدمع خلصت حياتي
بالدمع بالدمع انطرمما تـــــي
والحزن صاحبني بالطف تخيّبني


چنت اتأمّل العـــــرسك واعیشن یبني احلامــــه
شفته بالطفوف الیــوم اومرّه اشکثر ایّامـــــــــه
یاريته العرس لاصـــــار ومجرع يبنــــــــي آلامه
تمنـّیت الحسن حاضـــر اویشوف ابعینـه جسّامه

بالدمع بالدمع اهلــــــه یزفـّوه
بالدمع بالدمع اللیلــــه یحنـّوه
یبني الدهرذبني بالطف تخیّبني


من هاذ العرس یبنــــــي هالیوم اگطعت ضنــــه
انگلبت فرحتــــك احزان اودمّك صارت الحنـــه
بمچان الهلاهل نــــــــوح انگلبت بسمتـــي ابونه
اوشيفيد العمــــرشيفيــد ابلا والـــــــي اخلصنـّه

بالدمع بالدمع اتسلـّه والنـّــوح
بالدمع بالدمع مــاتبره الجروح
فگد ك یصوّبني بالطف تخیّبني

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«ثوب الشهاده»
«تجليبه»
~~~~~
يــاجاسم جبتلك يالولد ثــــــــوبين
ثــــوب العرس واجفانـك ينور العين

▪︎▪︎▪︎
بگت يمك يجـــاسم ياهو تختـــــــاره
اوياثـــوب التگــدره اعليك بنــــواره
كل واحد ييمــــــه تعــــــــرف اسراره
قرر يالولد واخبرنـــــــــــي هذا الحين


ثـوب العرس تختــــــــاره الك مبروك
گوم البس ييمــــــــــه ابكربله ايزفوك
لوتلبس جفن وابدمك ايحنـــــــــــوك
واشمحله الشهاده يبنــي ويه احسين


لـورايد عـــــرس خـــل اعجن الحنتك
واعلگلك شموع اسنينـــــــــي الزفتك
صار اسنين يبنـــــــــــــي انتظر وكتك
ياشبـــل الحسن يابرعـــــــــم الطيبين


لـوگصدك تريد الدنيـــــــــــــه تهجرها
اورايد للزچيـــــــه ابكربلــــــه اتسرها
يبنـــي العترة المختــــــــار تنصــــرها
اويـــــاك اوگف اوجاهد زمرة الطاغين


النيـــــــــــه راشده لــــوتنوي يوليدي
نــاوي للعرس يومــــــــــــه تره عيدي
لـــــولامة جــــــــــهادك هالجبت بيدي
انتــــه ابنـــــــي واعرفك نيتك لا وين


اظنك يالـولد نــــــــــــاوي جفن تلبس
واســــــــــــــهام العده تنثــرلك املبس
اوهــــــــاذه الثـوب من دمك اليتقدس
واتبــارك الك ياجاســــــــــــــم الثقلين


ياجاسم گضيت اويــــاك حلوه ايّــــام
اعرفك عالمذلــه والظلم متنــــــــــــام
مثل عمك وابـوك ايهمك الأســـــــــلام
اوتسگي من دمــه نحرك غصن هالدين


انهض واحمل ابچـف الكــــــــرم سيفك
اوبدل بالحقيقـه ابكربلـــــــــــــه طيفك
وانـااويـاك اجاهد يبنــــــــــــي ماعيفك
وانخلد اسمنه يبنـــــــــــــــــي بالدارين


ميدانك ادخلـــــه وي علــــــــــي الأكبر
حامـــــــــي عن حرمكـــم ياشبل حيدر
اوخلــــــي يوم عرسك يبنـــي بالمحشر
ايزفك بالجنان المرتضـــــــــى اوياسين

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«احزان رمله»
«چعب هجري»
~~~~~`~
بالعرس تلبس چفن ياجسّام ياجسّام
آه ياشبـــل الحســن ياجسّام ياجسّا م

▪︎▪︎▪︎
هاي هيـّـــــــــــه فرحتك دمعـي طفــّــه شمعتك
والسيــــوف الــــزفـّتـــك دمـه اجروحك حنـّتك

ياهو مثلك بالزمن ياجسّام ياجسّام
آياشبـــل الحسـن ياجسّا م ياجسّام


ابعـــرسك ادموعـي تصب اونار بخيامـــــي تشب
وانتــــــــه نايــــم عالترب يبني ياريـــــــع الگلب

عيوني لمصـابـك عمن ياجسّام ياجسّا م
آه ياشبـــــــل الحســن ياجسّام ياجسّا م


گلــت من بعــد الصبـــــر يبنـــــي واتعـــاب العمر
الفـرحتك چنت انتظـــــر اوعرسك الگلبـــــي يسر

وانسه احزاني المضن ياجسّام ياجسّام
آه ياشبل الحســــــــن ياجسّام ياجسّام


صـــــــارت آمالــــــي حلم انگلبت افــــراح لطـــم
ابنـــــي البعرســــــــه اهم ميّت الحضنــــــي اظم

هـاي اشد كلّ المحن ياجسّام ياجسّام
آه ياشبل الحســـــن ياجسّام ياجسّام


يبنـــي من جابــــوك الـــي صحت ياخيــرة هلــي
ويّه نوحــــــــي المعتلـــــي ياهلـه ابجية الــولــي

الحرم ويـّـاي اندبن ياجسّام ياجسّام
آه ياشبل الحســــن ياجسّام ياجسّام


اوعمّتـــك امّ المصــــــــاب هوت يمّك عالتـــراب
اتصيـح جاســـم ياشبــاب الحالتك دلالــــي ذاب

اسنينك الحلـوه گضن ياجسّام ياجسّام
آه ياشبل الحســـــــن ياجسّام ياجسّام


آه مــن وادي الطفـــــوف گطـّعت جسمك سـيوف
اوبعد ياعمـّــــــــه اشوف عالنهر رايـــــه اوچفوف

اشلون ارجع للوطن ياجسّام ياجسّام
آه ياشبل الحســـــن ياجسّام ياجسّام

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«اشلون يبني»
«موشّح»
~~~~~
راح من رملة الولد بالطـف شهيد
عالتعب وا رباها تصفـــج ایدبید

▪︎▪︎▪︎
تصفــج اید ابأید ظلّت بالطفـوف
جــاسم العرّیس طعمـه للسیــوف
تصد المن بعد یاعین التشــــــوف
کلها نومــه امجزّره فوگ الصعید


نامت اوبالنومــــه چنها اتنومست
اظن للاطفـال والعیلــــــــــه نست
ابکربـلــــــــه هالحرم عدمن کلّفت
هایمه من خوفــــــها ضربت البيد


لیش یبني ترضه انتــــه ابنــومتك
اوبالطفـــــوف اتعـوف امّ النجبتك
گوم یاجسّام ردنــــــــي الد يرتــك
تدري يبنـي افراگك الحيلـــي يبيد


بيك فرحانه اعلگتلك للشمـــــــوع
ياللي برباك انحنن منّـــــي الضلوع
اشموعك الليله تطفّيـــــها الدمـوع
والعمرمن عگب عینك مـــــــــايفيد


صعب عالأم يبنـــــــــي لوتفگد ولد
بالاخص لــــوغیره مـــــــاعدها بعد
والاشــد یــــــولیدي من هذا واشـد
من تشوفــــه امخضّب ابدمّ الورید


اشلـــون ربّیتك يسبـّــــــــاح الگلـب
بالیتــــم ياجاسم اودمـــــــع اليصب
ساهرت ويّاك ليل اشتــــــــه الصعب
ساعه چنت اویا ك ليلــــــــي مااهيد


مــــا اهيد الليل انطـــــــــــــرك بالألم
صعب یبنـي ارباك والحيلــــــــي هدم
گلت کلّه ایهون لوابنــــــــــــــــي سلم
افرح ایصا بحنـــــــي کل مصباح عید


العید یبنـــــــــــــــــي العید لوانظرالك
اشكثرحظّـــــــي اچبیرلوشخصك ملك
اشلون عملــــــــــــه عمل بالطف الفلك
اعليـّــه احزان الحسن چنّـــــــــه یعید


مـــــــااريد ن بعدك اسنين العمــــــــر
ريت يبنــــــــــــي اوياك اروحن للگبر
شنهوالبدنيـــــــــــــــــــاي بعدك انتظر
فاجده ابنــــــــــي اشلون لدياري اعيد


تاه منـّـــــــــــــي الراي ما ظلّت افكــار
يـــالولد وســــــط الچبد تلتهب نـــــــار
اوبالخیم شبّت یبن حامـــــــــــي الجار اوبــاليسرهالگـــــــــــــوم تاخذنــه ترید

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«حنین رمله»
«بحرالطویل»
~~~~~•
يبن الحسن يوليدي بعدك ضيّعت خدري
يبعدامّك ردت يمّك
اخلـّص يالولد عمري

▪︎▪︎▪︎
تمنّيت ابگــــــه يـوليدي اوبيدي اَدفـن الجسمك
واغسل من دموع العين اتراب العفـــــــــرالخدّك
واچَفنك يالولدبچــــلاي اولاعاري اعـــــــــــوفنّك

ابگلب امّك اوسدنّك
موبتــــراب اَلحدنـّك
ولاعالناگــــه اودعنّك

رحت والنّـــوح سلوه الروح
اوحسره امكســــــرّه ابصدري


يجاســـم ما حِصَل بيدي اگعد واسچب العَبــــــره
عليك ابلوعتــــ.ـي مرّيت يبنــــي اوبالگلب جَمره
من شفتك عَلـــــه التربان ناديت ابچبدحَســـــره
اِبنــــــــــي اوللعمرزَهره
اَشوفه مَنگطـــــع نحره
اوجسمـه عاري عالغبره

ابدليلــي اجروح عالمذ بــوح
اومن نحره الدمــــــــــه يجري


اَمنیت التعب واربـــــاي جِثّه اعله الارض مطروح
امگطّع بالسيوف اَوصال هالمنظــــــر يـفت الروح
گمت اَتأمّل الجسمـــــــه ماتنعد شفتــــــهااجروح
من عنده الدمــه مسفوح
وابثوب العرس مذبـــوح
اومن بعده اظل للنّــــوح

يجـــاسم هاي تَظل ا ويــاي
نــــارك بـــالچبدتســــــــــــري


اظل ابهل حزن والنّـــــوح لأخرعمري اَجيمنّــــــه
لويعمــــــــــه النظرمــاهيد اوگلبي ابنوح اَسلنَـــه
اوتجّدّدعـلـيـّــــــــــــه آلام لوعرّيـس اشوفنـّــــــه
يومك من اَذكرنّـــــــــــه
اومن دم صارت الحِنّــه
الزم واَجذب الونّـــــــــه

امن اشوف اشموع اهلّ ادموع
اومصابك عايـش ابفـكـــــــــــري


بالطف ويّــــه ابوالسجّاد يبنـــي بالشهاده ارضيت
رحت الجنّــــــة الفردوس واُمّك باليســـــــرخلـّيت
انتــــــــــه بالنعيم اتعيش وآنه اويه العِده اتلاگيت
واتزفنـي السياط امشيت
اوموتي ابكربلـــه اتمنّيت
اولاامشـــــي ابيسرياريت

شفـــت آلا م بأرض الشــام
يــــــاجـاسم حِرت بأمـــــــري


يـبني لومـتت ويـــــــــاك يجاسم چانت اشوالــي
اولاشوفن رجـــــال ايزيد تـتـرحّم عَـله حالـــــي
اوراسك عالرمـح مصلوب ابدمّه امخضّب اگبالــي
اويرف عالراس دلّالـــــي
راس اوليدي الغالـــــــــي
ابگطعه خابت آمالـــــــي

شِلـي ابعمري اِنهتك خدري
اوحـگـّي لــونـِفـَذ صـبـــــري

‌▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«يا شوگي وحناني»
«تجليبه»
~~~~~~~
يا جاسم يا جاسم شمعة زماني
يا جاسم يا جاسم عرسك اتانــي
بعيوني ضميتك وبدموعي ربّيتك

▪︎▪︎▪︎
ربّيتك يجاســـــم وانتظـــرتكبـــــــر
بوجودك ييمّه ابد نيتـــــــــــي افخر
واشوفن يــوم عرسك يالولد وانسـر
يوم البيك افرح يبنــــــــــــي اتنطـّر

يا جاسم يا جاسم اعلـــگ شمعتك
يا جاسم يا جاسم واعجن الحنتك
باحزاني زفـّيتـــــك وبدموعي ربّيتك


يا زهرة حيا تــي والعمر كلـّــــــــــــه
وابشوفك يجـاسم آنــــــــــــه اتسلـّه
اوبوجود الولد والله العمريحلــــــــــه
والأم بعد ابنـها تعيش بالذ لـّــــــــــــه

يا جاسم يا جاسم جوهرحياتي
يا جاسم يا جاسم كل ا منياتي
يالولد باريتك وبدموعي ربّيتك


ياجاسم وجودي الشخصك انذرتــــه
ولجل ارباك يبني حيلــي ارگدتـــــــه
اوبعدالحسن انته الوالي احسبتـــــــه
گلت ابني يلمني الكبرتــــــــي اذخرته

يا جاسم يا جاسم سهرا نه ليلـي
يا جاسم يا جاسم المهدك الولي
با مالـــــي نا غيتك بدموعي ربّيتك


بنيت اعليك يبنــــــــــي بــالعمر آمال
گلت ابني يباريلــــــــي الحمل لو مال
وكت الموت يحضرللنعش شيــّـــــــال
وبلحد ي ينزلني ابدمــــــــــع همـّـــال

يا جاسم ياجاسم احساب ا لحسبته
يا جاسم يا جاسم بالطف دفنتــــــــه
بالدمه حنّيتك بدموعي ربّيتك


يبني من دمه صـــــارتلك الحنــّـــــــه
تزفك لــوعتـي والحسره والونـّــــــــه
يجاسم بي طحت آنـــــه الخفت منّـه
من بعدك ابعمري اشلون اتهنـّـــــــــــه

يا جاسم يا جاسم مــــاردت عمري
يا جاسم يا جاسم لوعتي ابصدري
من ارجع ا لبيتك بدموعي ربّيتك


اطب اشلون بيتك وانظرامچــــــانك
تزيداعليـّـــــــــه يبن الحسن احـزانك
ياريت اند فن يبنـــــــــــــي ابميدانك
اولااسمع تجـــــــــي اتعزّينــي اقرانك

يا جاسم يا جاسم للطف جبتني
يا جاسم يا جاسم للهم عفتنـــي
عالثره خلـّيتك بدموعي ربّيتك


يلبّ الحشاي خلـّيتك علـــــــــه الغبره
مگطوع النحروالجثــّــــــــــــه متوذره
يالجسمـك تغسّل من دمــــــه نحــــره
امصابك بالچبد نيرانــــــــــــه مستعره

يا جاسم يا جاسم ما تطفـي هالنار
يا جاسم يا جاسم فنّي البچي صار
بالعبره ناديتك بدموعي ربّيتك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri