«بدرالولايه»
«شیعتي»
~~
عنّ الکواکـب لیش انته غا یب یاعبّا س
گا مت تعا تب النـــورك تطا لب ياعبّا س
اوعفت الشمس بأحزان
الله اواكبر الله اواكبر
▪︎▪︎▪︎
شفت بعيــــون البصيــره هـالعوالم كلهـا ظلمـــه
واسئلت عنّ الحقيقـــــــه هــالظلام المـا افهمــه
وانظـرت للكون كلـّــــــــه كـل ركن مثلوم ثلمـــه
اومطفـــــي انوارالكواكب اوبالحزن كلها ملمّــــه

تنشدني گـامت بالظلمه حارت یاعبّاس
بالمحنه صارت ادرکنــي نادت یا عبّاس
وینه گمــــــــرعدنان
الله اواکبر الله اواکبر


والگمرشفته ابخسوفــــه اوخامده انواره الزهیّه
گتلــه احچیلـي اشجرالك گلـّـــي لاتنـشد علیـّـــه
گلـّــي یــاســائل شسولف علـّتــي علـّـه خفیـــّـــه
لوردت تعرف حقیقـــــــه اگصدارض الغاضریّـــه

للطف لفیته ابهمّي اعتنیته یا عبّاس
بدرك لگیته من شاهدیتــه یا عبّاس
بي حاطت العدوان
الله اواکبر الله اواکبر


اوگفت بأرض الطف اعاین شمس شفت اوگمریمها
خـیـل حاطـتهــا اوعساکـر وابـد ماتنعد زلمـــــــهــا
وانظـرت سبعین کـوکــب امن العده تحرس خیمها
والـحرب دارت رحــاهــــا والشمس ندبت گمـــرها

احسین الینادي رایـــة جهادي یاعبّاس
صدّ الأعــــادي علیك اعتمادي ياعبّاس
هاج الگمرغضبان
الله اواکبر الله اواکبر


والـگـمـرللـسّـیـف جـــرّد اومـهرتـــه حین اللکدها
عنّ الخیـم شمس الولایه ابصارمــه الفرسان ردها
ریت ابـوالحسنین حاضر ابعینــه صولاته شهـدهـا
مهرفوگ الجیش یمشـي سحگ روس اللي حصدها

هاي المراجل امنین الهاحامل یاعبّاس
لمّـن تقــــاتل شبـــه الـزلا زل یاعبّاس
من تطب للمیدان
الله اواکبر الله اواکبر


چلـّت الخیل ابزلمـــــــها ابصوتـه من عبّاس کبّر
هذا صــوت الیذکـّرهــــم بــالأمس واقعــة خیبر
اومعرکــــــة احداوبدرها مانسوا صــولات حیدر
اولـــون صفـّین النسوهـا ابکربلـــــــه عبّاس کرّر

صوتك علاها سیفك صلاها ياعبّاس
نكست لــواها چفـّك لـــواها ياعبّاس
وانته ابگلب عطشان
الله اواکبر الله اواکبر


اچفــوفـك المحّد لــواهن عالنهروسفه گطیعـــــــه
والأشد من هالمصیبــــــه بعداشدمن کل فجیعـــه
یــــــــاگمرمن خمد ضیّك وانطفه فوگ الشریعـــه
وانحنت شمس الولایـــــه اعلیك والزهره الشفيعه

جودك يشوفــه شالـه ابچفوفـه یاعبّاس
جسمک یعوفه وعالعیله خوفـه یاعبّاس
بيك الأملهم چان
الله اواکبر الله اواکبر

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

https://t.me/falehalameri

‏الرادود السيد فاضل الحياوي

«استشهادالعبّاس عليه السلام»
«بحرالطويل»
~~~~
من طاح الگمــرعبّاس عالشاطي اوجره دمّـه
زينب لطمت الخــدين تحشم أم البنين امّــــه

▪︎▪︎▪︎
زينب من رحت عنــــها اختك بالخطــــرحست
وين ام البنين اتصيــح راية كافلــــــــي وگعت
واتشوف الجره اعليـها اوبيــها كربلــــه اشسوت

عبّاس الأجيت اويــــاه
اچفوفــه عالثره والواه
خليها تجــــــي اوتنخاه
نندب آنـــــــــــه وياها اخت اووالده باسمـــــه



آنـــــه اوياها بالدمعـات والصــــــوب النهرنگصد
حال الكافل انشوفــــــه لجروح الأخـــــو انضمّد
بلچن صاحب الغيــــــره من ايشوفنــــــــه يگعد

من الحــــــــــرنفييلـه
نگعد يمه نحچيلــــــه
بعده حالـــــةالعيلــــه
ابوالغيره احشمنــــــــه واذبن معصبي يمــــــــه



اگله ترضــــــه ياعبّاس لخيالي يشوفونـــــــــــه
متن اختك يبوالغيـــره ابسوط العده ايضربونــه
اجيت آنــــــــه اخبرنك الخدرراحو ينهبونــــــــه

جبت الوالده ويــــــاي
ياعبّاس يـــــــارجواي
مااريدن يخويـه الماي
اريداوجودك اگبالــــي يبوفاضل يبو الهمــــــــه



يراعــــي الجودوالغيره يمك گــــــــــــاعده زينب
وســــط الگلب ياعبّاس نــــــــــارامصيبتك تلهب
يخويـــه ريت خدزينب گبـــــــل خــدك اليتـــرب

ريت السهم بعيونــــــي
اوگبلك ريت ذبحونـــي
ولابالأخوايفجعونــــــي
الأخوعدالأخت اغلـــــه من الهوه التشتمـــــــــه



اعليه صعبـــــه ياعبّاس وحدي للحرم ارجـــــــع
رقيــــه اعليك تنشدنـي الفگدك تسچب المدمـــع
شگلها عمچ العفتــــــــه يعمــــــــه عالثره امگطع

وامطفي السهم عينه
نحره دامي واجبينــه
راحت منه چفينـــــه
مايرجــــــع بعد هيهات أيســي منـــــه ياعمـــــــه



هاذا اخروداع اويــــاك اوداع المـــــوت اودعنك
خويه ابنحرك الدامـــي ياعبّـــــــــــــــاس اشمنك
راح امشي أنــــه للشام عالشاطـــــــــــي اعوفنك

ياخويــــه بعيد الشام
وياي الحرم وايتــــام
بديارالغرب تنضــــــام
زينب آنه اطب ديـــــوان من بعد الخدرزحمـــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري


https://t.me/falehalameri

«استشهادالعبّاس عليه السلام»
«بحرالطويل»
من طاح الگمرعبّاس عالشاطي اوجره دمّـه
زينب لطمت الخــدين تحشم أم البنين امّــه للشاعر فالح العامري

«هجري»
~~~~
مغوار یشبــه حیدره عبّا س سبع الگنطره
▪︎▪︎▪︎
من غضب بدر الهـواشم للحرب غوجـــــــه لکد
حمل حمــلات الصمیده روسها اذراعـــــه حصد
عالعده امطــر ملاحـــم الذبـح هالجیش استعد
سیفــــه بدماهم توضّـه وابجمـاجمهــــم سجد
کربلـــــه سوّاهــا محشر اوبیها حل یــوم الوعد
کسب عبــّــاس المراجل من علـــــــي ذاك الأسد

الهاليوم عوده ضاخره عبّاس سبع الگنطره


من نزل عبـّــاس ماجت واخسفت ارض الطفوف
اشلون مـــاتخسف باهلها هالأسد غطـّه الصفـوف
خلـّه کل جیش آل امیـّـه عـایشــه ابوهلة الخوف
مثل رمش العین غطـــها لـوه منعدهـــــا الأنـوف
اوبعدمــــــا تگـدر تلحّگ اجروحها الکلفـه تروف
بـــالحرب عبــّـاس ینعـد مـوبالــف والله ابألـوف

صفـّين يومــــه كرّره عبّاس سبع الگنطره


همّه اهل کوفــــان رادو واشعلـو نـــــار الحــرب
خل تواجــه سیف حیدر للنهـر تگطـــــــــــع درب
اتموت لولزمت طریجــه خل یجــرّب من یحب
والتگرّب للشریعــــــــــه اهناك مـوتـــــــه ینکتب
کلمن ابروحـــــــه یغامر یمـّــــه خلـــّـــي یقترب
عالشريعـــــه گمر هاشم نصب گــنـّـــــارة صلـب

صلاخ جلد الکافره عبّاس سبع الگنطره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

https://t.me/falehalameri

«السيف المشهود»
«موشّح»
~~~•
سيف حيدر ابنه عبّا س احملـــه
مثل عزرائيل حلّ ابکربلــــــــــــه

▪︎▪︎▪︎
من صبـــح عاشورها اوحلّ النزال
جرّد البتـّــــــار ابوفــاضل اوشــال
راية احسين اونـــزل ارض القتـال
والنّعم منعنده راعــــي المرجلــــه


کبّرالصوتـــه انرجن وادي الطفوف
اترادمت اواتلاطمت ذیچ الصفوف
ریت حیدرحاظرابعینـــــــه یشوف
اویسمع اسیوف العده اتهلهل الـــه


نبل وسيوف اوأسنّـه اتلگّتــــــــــه
اوحين مغضب ابوفاضل شافتــــه
ركعت اوسجدت اگباله اوهابتــــــه
وانحنت للگمر جدمــــــه اتقبّلــــــه


طأطأت جدّامــــــــــه هامات الزلم
تنجه منّ المــــوت هاذا اصبح حلم
نارسيفـــــــــــــه الها گـــامت تلتهم
چالعصف جيش آل اميّــــه جاعلــه


ابصوره ابوفاضل عليــــــه من نفخ
جيش ابن مرجانه جدّامــــــه رضخ
انحورها اوهاماتها ابسيفـــــه فضخ
اوچم اوچم فارس امجرّب جندلـــه


ابصارمــــــــــه ارواح منعدها قبض
رمحه فـــوگ اصدورهابالطف ربض
عالعساچرموتهاالحتمــــــــــي فرض
اوبيدرالأجسا دها ابطول الفلــــــــه


د لهم اوغيّم علـــــــــى روس العده
فزعت اوجدّامه كلها شـــــــــــــارده
الحملتـــــــــه العدوان ضلّت شاهده
محّد البيهم ابسيفه الگابلـــــــــــــــه


الميمنـــــــــه اعله الميسره منها گلب
اومن جفنها كل نصرحلمـــــــه سلب
نــاربيـــــــها شعل والجيش الحطب
ابخيبرايذ كّرها ناس الجاهلـــــــــــه


اخذ جولــــه اوياها ابن فارس مظر
واعتنـــــــه ابجوده لعد شاطي النهر
والسهام اعليـــــــه مثل رشگ المطر
ابنفســـــــه مافكّر يهم بالعايلــــــــه


من نظـــــرللمــاي اسبل للدمــــــوع
ماذكرنار الظمـــــــه التحت الضلوع
اتذكّرالعبدالله بخيامــــــــــــه يلوع
راد هاذا المـــــــــاي يمّه ايوصّلـَــــه


ملـــــــه الماي ابجوده والمدمع يخر
والچبد منّ الظمــــــــــــه يلهب جمر
والحرم ظلّت الجيتــــــــــــــه تنتظر
اوعين زينب عالدرب تتربّه الـــــــــه


زينب اببــــــــــــــاب الخيــم تتنطّره
اتگول هسّه يرد سبـــــــــــع الگنطره
الأخـــــــــو مارد ليها ظلّت حـــــايره
تگصد المن عن اخـــــــــوها تسألــــه


اعتنت يمّ احسين بالــــــون والعويل
اتگلّه يبن امّي ويبن حامـــي الدخيل
خاف هاي الگــــــــوم غدرت بالكفيل
خذني للشّاطي يبن عقد الولـــــــــــه


خذنــــــــــي خلّي اوياك ادوّر عالگمر
گلها يازينب اصبري اعلـــــــــــه القدر
راح عبّاس اوكسرمنــــــــــــّــي الظهر
راح البخدرچ ابوي امكفّلـــــــــــــــــه


عفته فــــــــــوگ النهرمگطوع الوريد
اوصوّبوا هامتـــــــــه ابعامود الحديد
بعداخوي ابگيت بالحومــــــــه وحيد
هم يرد بيّـــــه الزمان اتأمّلــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

كلمات
#الشاعر_فالح_العامري


اداء الرادود الحسيني #صاحب_الصوت_التراثي

#علي_المحميداوي

«گمرهاشم»
«مجزء الموشح»
~~~~~~
كرم جود اونومـــاس والنعم من عبّــــاس

▪︎▪︎▪︎
شاهده ايامــــــــــــه ابد ماطخ هامـــــــــــه
بالحرب صمصامــــه بالصميده ينقـــــــــاس
والنعم من عبّــــاس


انعرف صيته اوجوده مثل حيدرعــــــــــوده
صولتــــــــــه مشهوده خنگ بالطف انفــــاس
والنعم من عبّــــا س


الحرب لـــــوطب ليها سيفـــــــــــه لوهم بيها
محشرايسويـــــــــــها بيده مــــــوت الأرجاس
والنعم من عبّــــاس


هالگمــــــــــرمن هاشم عيب چفـــــــــه ايسالم
مايســـــــــاوم ظالــــم مايطـــــــــــخ لذل راس
والنعم من عبّــــاس


عنــــــــــه شرد احچيلك كربلــــــــــــــه ترويلك
ريت شــــــــــافت عينك عالجثـث مهـره الداس
والنعم من عبّــــا س


ابن فـــــــــــارس خيبر بيده مــــــــــوت العسكر
اســــــــــــد خلف حيدر بالمعــــــــ..ـ.ــارك نبراس
والنعم من عبّــــاس


هذا راعـــــــــــــي الغيره والنخــــــــــــاه ايجيره
الفضل بـــــــــــي تفسيره شاهده الفضلـــه الناس
والنعم من عبّــــا س


هذا كــــــــــــــــافل زينب بالكفالـــــــــــه امجرب
لـــــــــــــــــــلآمل ماخيب كلــــه غيره واحساس
والنعم من عبّــــا س

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri