قصيده للعباس ع مع الوالده
الوزن ثلاث ترباع الشيعتي
~~~~
سامحيني يمه موتچ ماحظرتـــه
سامحيني ابگبري اعتابچ سمعته
سامحيني سامحيني
▪︎▪︎▪︎
يمه حال الموت مابينچ وبينــــــــي
انه بالطف والسهم صوبب العينـــي
يمــــــــه اقدم اعتذاري اقبلينــــــي
مرمي فوگ الشاطي ريتچ تنظریني

اعذريني بيدي نعشچ ماحملته
اعذريني اعليچ دمعي مانثرته
اعذريني اعذريني


يمــــــــه عندچ خبر من گطعو ادیه
خبر عندچ زينب الراحت سبيـــــــه
من مشت يمه الظعن مرو عليـــــــه
منظر اعليـــــــــه اشد من المنيــــه

عاتبوني والعتب لمن سمعتــــــه
عاتبوني كل طفل يمه ابدمعته
الموني الموني


يمه انـــــــــــــه بالحد واسمع ونينچ
اجفوف ماعندي اغمض بيــــه عينچ
راســي بالشامات ظل اشلون اجيلچ
یمي يم الوفه وفيت انـــــــــه دينچ

حشموني الحرم والجودي حملته
حشموني والعمر الهم نذرتـــــــــه
تعرفيني تعرفيني


يمه انــــــــه اوياچ نتلاگـــــه سويـــه
اوگرعينچ انــــــــــه چدام الزچیــــــه
الچ اوفيت الربه بالغاضريـــــــــــــــــه
بس تظل ناري عله امصابچ سريـــــــه

من ولوني عالنهر اسمك ذكرتــــه
من ولوني الماي ابد ماشربتــــــه
اگبال عیني اكبال عيني


يمه انـــــــــــــه ماحظرتچ علم عندچ
انذرت دمي لبو اليمـــــــــه دون دمچ
انطیت یحبیبـــه جفوفي دون خدرچ
خدر زينب استلمته يمــــــــــــــه منچ

ضخرتني للخدر وانه حفضتــــه
ضخرتني من العده يمه حرسته
انصرت ديني انصرت ديني


يمه الله اوياچ يالــــي ارضعت طيبچ
محظرت يم الوفـــــــه بالأجل يوميچ
ریت انزل بالحد وانظر الطـــــــــــولچ
اوکل صباح الجمعه يحببلــــــه ازورچ

تسمعني دمعي لو يمچ سچبته
تسمعني يمه اسمچ لوندبتــــــه
اتجاوبني اتجاوبيني

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م‌ـــِْن يتلاعب
https://t.me/falehalameri

‏الرادود الحسيني علاء الدفاعي

«خنّاگ النفوس»
«موشّح»
~~~~~~~
الحومه سبع الگنطره طب ليـــها
موت الأحمرللعد ه ايرا ويــــــــها

▪︎▪︎▪︎
آل هــاشـــــم بالحــرب ماتنگحم
اسأل الفرســــــــان عنـــها والزلم
ما سمعنـــــــه منـــها واحد ينهزم
اشحدّه واحد با لوغــــــــه يوليها


المصطفى چان ابزمانـه اوحيدره
بالحرب ما الها ثانــــــــــي بالوره
ابكربلــــــــــــه عبّاس منهم ياتره
امجــــاد حيد ر والنبــــي يحييها


هاذا ابن حيدراوحيـدر بالحـروب
ترجف الشجعــان منعنده اوتلوب
ابنه بالطف افزعت منـّــه الگلوب
قرّرابطف كربلــــــــــــــــه يفنيـها


الموت راواهاالعده ابطف كربلـــه
ينشطرنصّين من واجه الــــــــــه
ماخذ امن المرتضى هالمرجلـــــه
كل خصـــــــال المرتضی حاويها


عالعد ه غوج المنيــّــــــه من لكد
روس ذ يچ الزلم بتـّــــــاره حصد
اوچنها حلّت بيها ســـاعات الوعد
اوصا رملــــــچ الموت يقبض بيها


ابوفاضل سيفه للعسكر صلـــــــــه
اوحجرسجّيل امطراعليهم بلــــــه
اوكل گلوب الجيش منّه اموجّلـــه
تفرمن جدّامـــــــــــــــه من يلفيها


وين منعند ه تفــــــــراهــل الدجـل
قاب قـــــــوسين الأجل الهم وصل
تنجــــــــه منّ الموت گطعت للأمل
اليـــــــــوم من عبّاس من ينجيــها


سيفه بدماها توضّـــــــــــه واستعد
اوأذّنتله الحومــــــه حل بيها الوعد
عالجماجم بالوغــــــه صلـّه اوسجد
اوهالصـــــــــــلاه ظلّ الزمن يرويها


سجد سيفــــه ابروسها اوحزّالنحور
خلّه يگطـــــــــع روسها اهل الفجور
ناس عالأســــــــــلام مابيهم غيـــور
اهل كـــــــــــــوفـــان الطمـع عاميها


خلّه يسفك دمها سبـــــــــع الگنطره
اويمحي دابراهل كوفـــــــه الفاجره
اومنها ياخذ ثـــــــــار باب الطـاهره
ابناراحقاد احرگـــــــــــوها اعليـــها


ايصفــــّي ويّاهم ابوفاضل احساب
ذوله احفــــــــاد الـّذي حرگـو الباب
رايده هاليـــــــــوم تحرگ للأطناب
عالأحقــــــــــــــاد السامري امربّيها


هالحقد عالعتـــــــــره بدماها يسير
يوم حيدر نصّبـه البــــــــــاري امير
لگـــــــوفرصتهـم بعد موت البشيـر
اوجاهليــّـــــــــــه رجعت الما ضيها


حيدر الماضيــها بتّاره محــــــــــــه
الرايتـــــه كلّ الروايـــــــــه جانحه
وابنه بالطف عمل بيهم مذبحــــــه
اومهره فـــــــوگ اجسادهاايمشّيها


طحن بيهم مثل طحن الرحـــه دار
وبــوسط ميدانها اشعل النــــــــــار
اوچنّه يــــوم الحشربالجيمان صار
اوگام عبّاس اللضــــــــــــه ايودّيها


حــــــــي ابوفاضل عليهم من هذب
فوگ شــــــاطي العلگمي الهم صلب
روســـــــــــــها مثل الزرع الها جذب
والأجساد اعلــــــــــــــه الثره راميها


والله لوماطايحه منـّـــــــه الچفوف
چافناها ابكربلــــــــــــه ذيچ الألوف
الله رايد يندفن بأرض الطفـــــــوف
اوروحـــــــه عرجت والعلـي ايحيّيه

▪︎▪︎▪︎▪︎▪︎▪︎▪︎▪︎¤▪︎▪︎▪︎▪︎
تمت

الشاعرفالح العامري
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«بدرالولايه»
«شیعتي»
~~
عنّ الکواکـب لیش انته غا یب یاعبّا س
گا مت تعا تب النـــورك تطا لب ياعبّا س
اوعفت الشمس بأحزان
الله اواكبر الله اواكبر
▪︎▪︎▪︎
شفت بعيــــون البصيــره هـالعوالم كلهـا ظلمـــه
واسئلت عنّ الحقيقـــــــه هــالظلام المـا افهمــه
وانظـرت للكون كلـّــــــــه كـل ركن مثلوم ثلمـــه
اومطفـــــي انوارالكواكب اوبالحزن كلها ملمّــــه

تنشدني گـامت بالظلمه حارت یاعبّاس
بالمحنه صارت ادرکنــي نادت یا عبّاس
وینه گمــــــــرعدنان
الله اواکبر الله اواکبر


والگمرشفته ابخسوفــــه اوخامده انواره الزهیّه
گتلــه احچیلـي اشجرالك گلـّـــي لاتنـشد علیـّـــه
گلـّــي یــاســائل شسولف علـّتــي علـّـه خفیـــّـــه
لوردت تعرف حقیقـــــــه اگصدارض الغاضریّـــه

للطف لفیته ابهمّي اعتنیته یا عبّاس
بدرك لگیته من شاهدیتــه یا عبّاس
بي حاطت العدوان
الله اواکبر الله اواکبر


اوگفت بأرض الطف اعاین شمس شفت اوگمریمها
خـیـل حاطـتهــا اوعساکـر وابـد ماتنعد زلمـــــــهــا
وانظـرت سبعین کـوکــب امن العده تحرس خیمها
والـحرب دارت رحــاهــــا والشمس ندبت گمـــرها

احسین الینادي رایـــة جهادي یاعبّاس
صدّ الأعــــادي علیك اعتمادي ياعبّاس
هاج الگمرغضبان
الله اواکبر الله اواکبر


والـگـمـرللـسّـیـف جـــرّد اومـهرتـــه حین اللکدها
عنّ الخیـم شمس الولایه ابصارمــه الفرسان ردها
ریت ابـوالحسنین حاضر ابعینــه صولاته شهـدهـا
مهرفوگ الجیش یمشـي سحگ روس اللي حصدها

هاي المراجل امنین الهاحامل یاعبّاس
لمّـن تقــــاتل شبـــه الـزلا زل یاعبّاس
من تطب للمیدان
الله اواکبر الله اواکبر


چلـّت الخیل ابزلمـــــــها ابصوتـه من عبّاس کبّر
هذا صــوت الیذکـّرهــــم بــالأمس واقعــة خیبر
اومعرکــــــة احداوبدرها مانسوا صــولات حیدر
اولـــون صفـّین النسوهـا ابکربلـــــــه عبّاس کرّر

صوتك علاها سیفك صلاها ياعبّاس
نكست لــواها چفـّك لـــواها ياعبّاس
وانته ابگلب عطشان
الله اواکبر الله اواکبر


اچفــوفـك المحّد لــواهن عالنهروسفه گطیعـــــــه
والأشد من هالمصیبــــــه بعداشدمن کل فجیعـــه
یــــــــاگمرمن خمد ضیّك وانطفه فوگ الشریعـــه
وانحنت شمس الولایـــــه اعلیك والزهره الشفيعه

جودك يشوفــه شالـه ابچفوفـه یاعبّاس
جسمک یعوفه وعالعیله خوفـه یاعبّاس
بيك الأملهم چان
الله اواکبر الله اواکبر

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

https://t.me/falehalameri

‏الرادود السيد فاضل الحياوي

«استشهادالعبّاس عليه السلام»
«بحرالطويل»
~~~~
من طاح الگمــرعبّاس عالشاطي اوجره دمّـه
زينب لطمت الخــدين تحشم أم البنين امّــــه

▪︎▪︎▪︎
زينب من رحت عنــــها اختك بالخطــــرحست
وين ام البنين اتصيــح راية كافلــــــــي وگعت
واتشوف الجره اعليـها اوبيــها كربلــــه اشسوت

عبّاس الأجيت اويــــاه
اچفوفــه عالثره والواه
خليها تجــــــي اوتنخاه
نندب آنـــــــــــه وياها اخت اووالده باسمـــــه



آنـــــه اوياها بالدمعـات والصــــــوب النهرنگصد
حال الكافل انشوفــــــه لجروح الأخـــــو انضمّد
بلچن صاحب الغيــــــره من ايشوفنــــــــه يگعد

من الحــــــــــرنفييلـه
نگعد يمه نحچيلــــــه
بعده حالـــــةالعيلــــه
ابوالغيره احشمنــــــــه واذبن معصبي يمــــــــه



اگله ترضــــــه ياعبّاس لخيالي يشوفونـــــــــــه
متن اختك يبوالغيـــره ابسوط العده ايضربونــه
اجيت آنــــــــه اخبرنك الخدرراحو ينهبونــــــــه

جبت الوالده ويــــــاي
ياعبّاس يـــــــارجواي
مااريدن يخويـه الماي
اريداوجودك اگبالــــي يبوفاضل يبو الهمــــــــه



يراعــــي الجودوالغيره يمك گــــــــــــاعده زينب
وســــط الگلب ياعبّاس نــــــــــارامصيبتك تلهب
يخويـــه ريت خدزينب گبـــــــل خــدك اليتـــرب

ريت السهم بعيونــــــي
اوگبلك ريت ذبحونـــي
ولابالأخوايفجعونــــــي
الأخوعدالأخت اغلـــــه من الهوه التشتمـــــــــه



اعليه صعبـــــه ياعبّاس وحدي للحرم ارجـــــــع
رقيــــه اعليك تنشدنـي الفگدك تسچب المدمـــع
شگلها عمچ العفتــــــــه يعمــــــــه عالثره امگطع

وامطفي السهم عينه
نحره دامي واجبينــه
راحت منه چفينـــــه
مايرجــــــع بعد هيهات أيســي منـــــه ياعمـــــــه



هاذا اخروداع اويــــاك اوداع المـــــوت اودعنك
خويه ابنحرك الدامـــي ياعبّـــــــــــــــاس اشمنك
راح امشي أنــــه للشام عالشاطـــــــــــي اعوفنك

ياخويــــه بعيد الشام
وياي الحرم وايتــــام
بديارالغرب تنضــــــام
زينب آنه اطب ديـــــوان من بعد الخدرزحمـــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري


https://t.me/falehalameri

«استشهادالعبّاس عليه السلام»
«بحرالطويل»
من طاح الگمرعبّاس عالشاطي اوجره دمّـه
زينب لطمت الخــدين تحشم أم البنين امّــه للشاعر فالح العامري