«خروج الإمام الحسين عليه السلام»
«تجلیبه»
~~~
يبن امـــي آيحسين خويه ياخويه
ابهالظعن رايح وين خويه ياخويه
شبت ابگلبي النار ماادري شنهوالصار
خويه ياخويه
▪︎▪︎▪︎
يبوالسجـــــــــــــــــاد ماخذ هالظعن لاوين
لرض الطف صـــدگ گــــاصد ينــــورالعين
بأهل كوفان لتامن يخويـــــــــــــه احسين
هاي الناس ماعدها وفــــــــــــــــه اولادين

حيدرعلي غـــدروه خويه ياخويه
وللحسن مــارحموه خويه ياخويه
ماتلگي النه انصار ماادري شنهوالصار
خويه ياخويه


من هاذا السفــــراشعركثـــــــــــرهمـــــــــي
واحس الخطرياخويــــــــــــــه سره ابدمي
اخافن كربلـــــــــــه اتزود الـــــــــي هظمي
اونــــارالباب اخـــافن تشب بخيمـــــــــــي

يالوالي عني اتروح خويه ياخويه
بعدك اظل للنــــــوح خويه ياخويه
انظرابلوعه الدار ماادري شنهوالصار
خويه ياخويه


اشوف ابهالسفرچنك تــــودعنـــــــــــــــــي
يبوالسجــــاد برض الطف تضيعنـــــــــــــي
بعدك للوطن منهـــــــــواليرجعنــــــــــــــــي
اويلـــــــي اويــــــوم عاشروالله يفجعنــــي

ياويلي من عاشور خويه ياخويه
منه الچبد مفطـــور خويه ياخويه
چن گلبي عنده اخبار ماادري شنهوالصار
خويه ياخويه


من هاذا السفرآنـــــــــــــــه الزمت گلبــــــي
اشوفن للمنايــــــــــــــــه حايطه ابركبــــــي
اروح اويــــــــــــاك وامري امسلمه الربـــــي
يبوالسجـــــــــــــاد وآنــــــــــه عالدهرعتبي

متظل الـــــي وليان خويه ياخويه
توگع عله التربــان خويه ياخويه
ياشبل حامي الجار ماادري شنهوالصار
خويه ياخويه


من عنـدك اريدن طلب يـــامظلـــــــــــــــوم
خلينـــــــــــــــــي اودع جدي هذا اليــــــوم
اريد اويــــــــــــه النبي احچي ابگلب مالوم
ياجدي اگله اغدرت بينـــــــــــــــــــــه الگوم

للهادي خل ننخــــاه خويه ياخويه
ونسولف احنه اوياه خويه ياخويه
نشچيله للمختار ماادري شنهوالصار
خويه ياخويه


خلينـــــــــــــي اويه جدي ضيمي احچيلــــه
من بعده علينـــــــــــــــه اليجري اشچيلــــــه
من كسرالضلــــــــــــــــــــع والباب ابديلــــــه
واگلـــــــــــه اليوم تگصد كربله العيلـــــــــــه

تجري دمـوع العين خويه ياخويه
صوب دليلــي البين خويه ياخويه
اعلينـــه تحف اقدار ماادري شنهوالصار
خويه ياخويه


يــــــــــــــــازينب ترجعين الگبــــــــــرجــدي
آنـــــــــــــــــــــه اللي اظل ابكربلـــــه وحدي
اطيح اعلــــــــــه الثره اوسهم العده ابچبدي
گومي اوياي خلـّــــــــــــــــــي بالظعن نحدي

يازينب آنـــه اوياچ خويه ياخويه
ابدم النحـــرافـــداچ خويه ياخويه
بالونه ظعني ســــار ماادري شنهوالصار
خويه ياخويه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الحسين وكربلاء»
«تجلیبه»
~~
طب الكربلــــــــــــــــه بعياله ابواليمـــــــــه
ابوالسجــــــــــاد يسأل هالنزل شسمـــــــــه
▪︎▪︎▪︎
ســـــــأل هاي الأرض ياهوالعـــرف بيـــــها
اوياهواللـــــــــــي سكن من گبلــــي واديها
گالولــــــه اسد متملكـــــــــــــــــــــه اعليها
يگلهم بيــــــــــــها عطرالموت اشتمـــــــــه


هاذي كربلـــــــــــــــــــــــه البيها وعد جدي
اولاناصـــــريظل اولااخـــــــــــــــــــوعندي
گبـــري اهنــــــــــــا يصيراوينحفـــــرلحدي
اوعله اخيامـــــــــــي يصيرالفزع والهجمـه


اهنا ابنـــــــــــــــــــــي علي الأكبريگطعونــه
اوجاسم من دمــــــــــــــــــه نحره يحنونـــه
وابوفاضل عله الشاطــــــــــــي يذبحونـــــه
وچفوفـــــــــــــــــــه تطيح اورايته يمـــــــه


علـــــــــــــــه هاي الأرض انصـــاري تتصرع
كل واحد اشوفــــــــــــــه واگــــــع ابمصرع
چنــــــــــي اهنا اشوفن جسمـــــــي امگطع
تدوس الخيل جسمــــي اوصدري اتهشمـــه


علـــــــــــــه راس الرمح راســــي يرفعونـــه
اورحلــــــــــي ابهالأرض بعدي ينهبونـــــــــه
اومن بعد الذبح جسمــــــــــي يسلبونــــــــه
وعبدالله ذبيــــــــــــــــح اوغارگ ابدمــــــــه


واخيامــــــــــــــي عله اعيالــــــي يحرگوها
وابهاي الأرض عيلتـــــــــــــــــي ايسلبوهـــا
اومن بعد السلب للشــــــــــــــام يسبــــــوها
وامتون الحـــــرم بالســــوط متوسمــــــــــه


واظل آنـــــــــــــــه غــريب اوعاري عالغبره
بعد اعظم واشد الفاجعــــــــــــــــــه الكبره
من اتشوف حالـــــــــــــي فاطمـــــه الزهره
تگلــــــــــــــــــي بيك يمه اشسوت الأمـــــه


ييمــــــــه احسين اجيت امن المدينه اليوم
اضلوعك من شفتهن يبنــــــــــــي يامظلوم
نسيت الچـــــــــان منعندي ضلـــــع مهشوم
شفت ابنــــــــــــــــي اشد من حالتي هضمه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«مسيرالظعن لكربلاء»
« تجلیبه»
~~~
سارالكربلـــــــــــه ظعنه ابواليمـــــــــــــــــه
اوزينب بالمدامـــــــــــع صارت اتكلمـــــــــه
▪︎▪︎▪︎
تگلـــــــــــــــــــه وين سايربالحــــرم يحسين
يگلــــــــــــه الكربلـــــه ياخويـــــــــه متعنين
اريد انصـــــــــــــريزينب معتقدهــــــــــالدين
اريد من آل اميـــــــــــــــــــه انقذ الأمـــــــــه


تگلــــــــــــــــــــه اشلون خويــــه لويغدرونك
اوضامي من الگفـــــــــــــــه حين اليذبحونك
ابحوافرخيلها الأمــــــــــــــــــــــــه يدوسونك
واشوف اوصال جسمك عالثره امخذمــــــــه


من هــــــــــــــــاذا السفرام الخدرخـــــــــافت
والدمعــــــــــــــــه يويلّــــــــــي ابعينها لاجت
مهظومة گلب ويـــــــــــــــــــــــه الأخوراحت
وابونـــــــــــــــــه حزينه اتنادي يايمّـــــــــــه


سارالظعن ويـــــــــــــاه المنايــــــــــــه اتسير
زينب حــــايره المن وجــــــــــــــــــــهه اتدير
من بعد الخدرخافت يسيـــــــــــــــــره اتصير
كل والّـــــــــــــــــي تشوفه منحره امدمــــــه


زينب وي دهرهــــــــــــــا اتســــولف اوتعتب
من اوطـــــــــــــان جدها احسين متغــــــرب
اوباچرعالوطيــــــــــه اتشوفــــــــــه متسلب
محزوز النحرواضلوعــــــــــــــــــــه متهشمه


ابوفاضل اخــــــــــــــــــوها زينب اتشوفــــه
طايح عالشريعــــــــــه امگطعه اچفوفــــــــه
تروح اميسره اشچم والّـــــــــــي اتعوفـــــــه
وبحد الصـــــــــوارم گطعوجسمــــــــــــــــــه


زينب عالمـــــــــــــــــــــــــــه بت حيدرالكرّار
اوعن هاذا السفـــر عدهـــــا العقيله اخبـــــار
علـــــــــــــه هاي الحــــرم بالطف تشب النـار
كل وحده ابگلبــــــــــــــها النارملتهمــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«نزول الحسين في كربلاء»
«بحرالطويل»
~~~~
احسين ابكربله خيّم يــوم الثالث ابعاشـور
املاك السمـــــه نزلت رادت للطفــوف اتزور
▪︎▪︎▪︎
وصل ياكربلـــه ارضچ ابوالسجــــــاد واعياله
گومي اوحـيي خطارچ احظني ابشوگ اطفاله
ياارض الكرامـــه اليوم گومي وانحني اگبالــه
هـــاذه مهجــــة الزهره روح القدس لولالــــــه

شوفي ارضچ الليلــــه من نوره اليشـع اتنور


هوه ابمنزلــــچ خطــار عليچ انتي تكرمينـــــه
هاذا ابن الكرم والجود ضيفچ لاتخونينـــــــــه
من مـــــايچ لون ايريد يشرب لاتحرمينــــــــه
لوجيش الغدريولـــــــي بأرضچ لاتخلينـــــــــه

امن اختارچ ابوالسجاد من عندك يزيل الجـور


ابواليمـــــــه علم عنده عليه ابكربلــه اشيجره
هـــاي الأرض يعرفـــها بيــــــــــــها ينحفرگبره
بيها كل اهل بيتــــــــه توگع صرعـــــه عالغبره
بيـــها امواعده المعبود ضامـــــي ينگطع نحره

وابدم نحـــــره يتغسل ذاريها الـــــــــه كافور


جمع انصـاره واخبرهم والقه حجتــــه اعليهم
گاللهم علـــــي شيصير عله بيّنـــــــــه يخليهم
رغم علمـــه ابواليمــــه اويعرف همت البيهـــم
من انصاره ابد مــاخاف هاي الدنيـــــه تغريهم

بس مــــــاراد يجبرهم من دونـــه تقدم انحور


بالطف شافتـــــه زينب حين الجمـــع انصــاره
گامت بت علـــي اتفكر اوگلبـــــها مشتعل ناره
انصــاره جمعها احسين بين الهم افكــــــــــاره
من الزهــــره عن الطف زينب سامعـــه اخباره

احسين ايطالب ابحگه فكــــره يخلد ابكل دور


اويلي هالأرض ويلـــــي بيـــــها الحرب لودارت
عالغبره يطيــح احسين عله اعياله العده صالت
چن امخدرة هاشـــــــم وين اهل الرحم صاحت
بخيامــــــــي تشب النار بالهيمــــــه الحرم هامت

ماواحد يحامينــــــــي يجبرخاطري المكسور


اخوتــــي عالثره نومــــه البيتي من يرجعنـــي
اجيت امخدره اويــاهـم ابوفاضل اليحرسنـــي
طاح اعلــــــه النهرعبّاس منهواليخبره عنــــــي
يگلـــه اختك ولتهااعداك يرضه الشمريضربنــي

اشد من نـــــــارالمخيم منعندي الگلب مجمور

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري




الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«حنین الضمایر»
«شیعي»
~~
کٌل حـين ٍ بحنین ٍ وانیـن ٍ قدهتفــــنــا
السلا م علی الحسين وعلـــــــى ولد الحسين
▪︎▪︎▪︎
خلـّي نحیي هالمسيـّـه اومن دمه نجري النواظر
انعزّي فاطمة الزچیــّــه عالأبن مکسوره خاطــر
عاري ظل اعله الوطیـّه محتسب للباري صابـــر
لوگصدت الغاظريــّـــــه اوتعتنــــي لحسين زاير

خذ سلا مي لأمامي راح ضامي لاروینا
بعــد ه مــــاءِ المعـین لاروینـــــــــــا اجمعین


حضرت الزهره الحزینه الکربله رادت تشوفـــه
سمعته یجذب ونینـــــه للحرم یومي ابچفوفـه
عالخیم مشبوحه عینـه غیرة احسین امعروفـه
من نظر امـّـه الحنينـــه گاصده ابهمه الطفوفـه

نحوی تدنـو صرخه تعلو بسمه تتلو واحسینا
یاصـریعًا فــــــيٍ الطفوف صرت طعماً للسیوف


من د نت فوگ التغسّل من دمه نحره وجروحه
عاینت جسمـه التفصّل اوبالطعن مسلوبه روحه
کل جرح من عند تسئل یعتلي ویــّـاهانوحــــــه
راسي يمـّي عني يرّحل علقنى دمّــه يفوحـــــه

هالعزاءِ والبــــکاءِ فــي العراءِ التـــقینـــــا
فاطـــمٌ تعلــــوالبکــاء تنعـــــــی سید الشــهداء


اختنگت ابعبرة هضمـها انتحبت الصدره التهشّم
ضمت احسین ابجسمهـا اوعن وریده تمسح الدم
اوسمعتـه اینادي بأسمها یمه گومیني اوتهضّـــــم
زينب النـــــار ابخيمـّــها واسمـّـــع الجدّي تحشم

این جدي لیت عندي یروي کبدي من یمینـا
قدتجرّعت العنـــــــاء في میا دین الـوغــــــاء


وینه جدي ياحبيبــــــه مانظر هاي الرزيــّـــــــه
ايشاهداجساد السلیبـه صرعه بأرض الغاضریـه
یحمـي اطفال الغریبــه والحرم تمشـي سبيــــه
يمي هاي اعظم مصيبّه تجّري بالدنيه عليّــــــه

لیت یدري حُزّ نحري رُضّ صدري واستهینــا
قتلونـــــي الأدعیـــاء سلبو منـّـي الـــــــرداء


دمّـي اودمّچ ییمّــــــــه بالطفوف اوبالمدینــــه
ضلعي اوضلعچ نقدمـه والأخوقدّم یمینـــــــــه
وابني الاکبرانطه دمّـــه اوحتـّـه عبدالله فدینه
ابدمنه دين الله نقومــه يمـّي هالواجب علينــه

قدقضینـــا ماعلینــا دم فدینــا وارتضینــا
ربّنا باري النفــــوس یرتضي رفع الــرؤوس


عالرمح راســــــــي تعهّد هالشرع نهجــه یعیـده
جسمي بالطف من توسّد ردّت تثبیت العقیــــده
ردنــه باري الكـــون يعبّد ابدولة المهدي المجیده
اعدانـّه باچرهيــــّه تشهد ابدولة الحق الـوحيده

لنا مهدي سوفَ یأتي الطفـّي یَحدي قدتنینــا
یَطلب ُثـــــــــار الغریب فَمَتا یَا تـــــــــــي الحَبیب

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامری

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«النهج المحمدي»
«مثلث الشيعتي»
~~~~
نهــــج الأحرار احسين بالدم سجله نهج الأحرار
هالنهج اعـــــــــــلامه بالدهروايـــــــــــامــه
نهج الأحرار
▪︎▪︎▪︎
رايــــــــــــــــــه نهج احسين كل ثائرحملــها
والسعـــــــــــــاده كل شخص بيها وصلـــــها
اتشوف دوم اتضحــــــــــــــي بالمنحراهلــها
اتخالف اهواء النفس تتبـــــــــــــــــــع عقلها

ابمــــرالأدوار احسين انصاره بگت ابمرالأدوار
ماتطخ الهامـه بالدهروايـــــــــــامــه
نهج الأحرار


نهج ابوالسجـــــــــاد فازالـــــــــي يدرســـــه
مايذل هيهات بالعز تعلـــــــــــــــه نفســــــــه
اتشوف كل الناس بالدنيـــــــــــه تقدســـــــه
حصن والشيطــــــان ابدلاامــــــــايدنســــــه

سالم افكــــــار حمل روح التضحيه سالم افكار
تابع الأسلامـه بالدهروايـــــــــــامــه
نهج الأحرار


الأخذ نهج احسين بالدنيــــــــه وسيلـــــــــه
اتشوفـــــــــــه قائدامته افكـــاره اصيلــــــه
اتصيرعنده الروح صلبــــــــــــــه موهزيلـــه
علــــــــه امصاب احسين دمعـــه من يسيله

عايش اوياه احسين يومه اوكربلـه عايش اوياه
مايعيش اوهامه بالدهروايـــــــــــامــه
نهج الأحرار


نهج ابوالسجـــــــــــــاد نهج الله اورسولــــه
افروع هاذه الدين يحيـــــــــــها اواصولــــه
كل خرافــــــــــــه اوكل وهم هوه اليزولــــه
هاك اسمعـــــــــــه للرسول الهاذه قولـــــــــه

مشعل انوار احسين مصباح الهدى مشعل انوار
فايزه خدامـــه بالدهروايـــــــــــامــه
نهج الأحرار


خادم احسين العمريگضـــــــــي ابكرامـــــــه
ابهالخدامه يوصل الشاطـــــــــــي السلامـــه
علم عنده هــــــــــــــــاي للمؤمن علامــــــــه
هالشرف والغانمـــــــــــه اليــــوم القيامــــــه

ابمـرالأدوار والله هالخدمه شرف ابمرالأدوار
احسين ينطي اوسامه بالدهروايـــــــــــامــه
نهج الأحرار


احنه من هالخدمــــــــــه عزتنــــه اوشرفنــه
بين كل الناس بالدنيــــــــــــــه انعرفنـــــــــه
تظل هاي الخدمــــــــــه غايتنــــه اوهدفنـــه
ابوجه كل طاغوت بيها احنــــــــــــه هتفنـــه

ازغارواكبار نحي لحسين الذكر ازغار واكبار
مانسينه ايتامه بالدهروايـــــــــــامــه
نهج الأحرار

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامری

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«ركب الحسين عليه السلام»
«تجليبه»
~~
ابوالسجّاد لرض النايبــــــــــــه اتعنّــــــــــه
علـــــــــــه النوگ الحرم بس تجذب الونّـــه
▪︎▪︎▪︎
حرم واطفــــــال سارت يحدي الها النـــــوح
كل وحده گلبـــــــــــــها والچبد مجـــــــروح
علم عدهن ظعنهن للمصيبـــــــــــــــه ايروح
يرد احسين سالـــــــــــــم گطعن الظنّـــــــــه


كل وحده مشت تتعثــــــــــرابهمــــــــــــــــها
راحت كربلـــــــــــــــه امن احسين تحرمـــها
اونـــــــــــــاراهل العراق التحرگ اخيمـــــــها
كل وحده غدت للموت تتمنّـــــــــــــــــــــــــه


حتــــــــــــــــه النوگ گامت هيــــــــــه تتعثر
من الحرم اسمــــــــــــــــــع چنـــــــــها تتعذر
ينوحن عالعقيلـــــــــــــــه اشلـــون تتيســــر
ارض الطف يريتـــــــــــــــــه لايطبنّــــــــــــه


من ارض المدينــــــــــــــه طلعن ابلوعــــــــه
حتــــــــــــــه البالمهد تتگاطرادموعــــــــــــه
يحديهن الخــــــــــوف اوهظم والروعــــــــه
اوناعـــــــــي موت ابوالسجاد سمعنّــــــــــــه


لاذن بالصبـــــــــــرلاچن مصـــــــــــاب اچبير
يشوفن هالمنايــــــــــــــه اويه الظعون اتسير
وابواليمــــــــــــه وحيداومايصحـلــــه انصير
وحده ابكربلـــــــــــه باچريشوفنّــــــــــــــــــه


وابوفاضل تنــــــوح الحرم يسمعــــــــــــــــها
بچفوفـــــــــــــــــــــــه ينشف گام مدمعـــــها
اوباچــــــــــــرهالچفوف العده تگطعــــــــــها
ذبيح اعلــــــــــــــــــــه النهرمرمي يعوفنّـــــه


الله ايعينها ابهاذه المصـــــــــــــاب الصـــــــار
اعيــــــــــــــال اتسيرويـــــاها تسيراخطــــــار
باچـــــــــــــرزينب ابــــــــهاي الحرم تحتـــــار
واليهن علــــــــــــــــــــــه الغبره يودعنّــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«مصباح الهدایه»
«مجرشه»
~~~~
یلهـــج لسانـــــــي یــــــاحسین
بیـــك الامانــــــــي يــــــــاحسين
انته مصباح الهدى ياشهيد كربلاء
▪︎▪︎▪︎
يحسين كل صبـح اومسـه يلهج لسانـي ابذکـرك
واسمـع یبــو الیمـّـه الگلب کل دگـه یهتف بسمك
کـل عضو من عندي احس ذايب يوالــي ابحبّــك
وانطیت للبــــــــــاري عهد احیــــه واموت ابدربك

حبّك سگانـــــــي یـــاحسین
الدربك دعانــــي یــاحسین
انته مصباح الهدی یاشهید کربـلاء


حبّك یبو الیمّــــــه احملت ساعة الولدتني امـّــــي
متغلغل ابــــــوسط الگلـب حبّك سره وي دمّــــي
هیهـــــات منــّــــــه انفصل حب اختلط وي عظمي
کلمااطیــــح آنــــــه ابشدد اشعر یزیل الهمّــــــــي

عاش ابکیانـي یاحسین
عالفطره جانـي یاحسین
انته مصباح الهدی یاشهید کربلاء


علـّمنـي حبك عالوفـــــــــه واكسبت منـه الطيبات
خلانــــــــي احمل معتقــــد موبس اهـلّ الد معـات
والتضحيه منــّـــــه ادرست علـّمنـــي تطهير الذات
مشّانـــــــــي بدروب العـدل یحفظنــــي من الزلات

للحگ هداني یـاحسین
ماعوفك آنـي يـاحسين
انته مصباح الهدى ياشهيد كربلاء


يحسين روحـي امعلـّگــــه ابذاتك يـذات الجبـّــار
اوبیـــها انغرس هالمعتقـد حبّـك نجــات امن النار
الــــــوالاك مــاينذل ابــــد بالدنيــــه ماظل محتار
عزّه وکرامــــــه ابخدمتك يــاسبط طــه المختــار

شوگي وحناني یـاحسین
شمعة زمــا نـي یا حسین
انته مصباح الهدی یاشهید کربلاء


شـاهد الحبّك يــالولــــــي لوهل علينــــه عاشــور
بــالــروح انصب مــــاتمك اوگلبـــي احسّه مفطـور
لمصـــابك ايهلّ الدمــــــع اوبيرغ عزانــــــه منشور
مصبـــــاح عـــاشرلـويطر ابشريانــــــــه الدم ايفور

حزنك عماني ياحسين
ثــارك اتانـــي ياحسين
انته مصباح الهدى ياشهيد كربلاء


فـازاليمــــــوت ابخد متـك صكّ الشفاعه ابچفـّـــه
من یـوگف ابیــــوم الحشر توگــف الزهره ابصفـــه
واتگول هذا اللـــــي خــدم لبني الشهیــد اووفـّـــه
واجب اوگفله ابشدّتــــــــه ورحمة الباري اتحفـّــه

حبــــك نجاني يـاحسين
يــــوم التفانــي یـاحسين
انته مصباح الهدى ياشهيد كربلاء

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

تمٌت الشاعرفالح العامری

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«صاحب الخدّالتریب»
«موشـّح»
~~~
یاحسیناً یــــــاغریب والي عالخدّ التریب
▪︎▪︎▪︎

یالبگیت اعلــــه الترب عاري الجسـم
مـــــــــابگت تـــوگیلك امن الحرهدم
وبـــــــــــالحوافـرليش صدرك ينهشم

ابهالصدرعلـم العجيب ياحسيناً يـــاغريب


يبواليمّـــــــــــــه اضلوعك المتكسّره
انفرشتلها اتراب وغطـّـــــــــاهن ذره
والأوداج ويّـــــــــــه الضلوع امعفّره

من دم النحرالخضيب يـــاحسينــاً يــاغريب


مــاخلص جسمك بعدجمرالذبـــــــــح
ينزف الـــدلال منـّـك منجـــــــــــــرح
النــــــوب خيل اعتلت جسم المنطرح

عالثـره جسمك سليب يـــاحسينــاً يــاغريب


تنظرالحـــالتك امّك فاطمـــــــــــــــــه
تشكــــــــــــي هذاالحـال گامت للسمه
تنادي یاربّـــــــــــــــــــي یعزهذا الدمه

واعتله منهــــا النحیب يـــاحسينــاً يــاغريب


گعدت اعلـــــه الجسم تذرف للدمــوع
نست کسرالضلــــــــــع من عنده تلـوع
تلطم اعله الراس گامت بالجمـــــــــوع

شـــــــافت امطبّررهیب يـــاحسينــاً يــاغريب


صعب موقف کربلــــــه اعله امّ الحسن
سیّــد الدارین یبگـــــــــــــــــه ابلاچفن
چـبـده والـدلال بـــالـسـهــــــــم اظهـرن

وتنــــــــــادي یــاحبیب يـــاحسينــاً يــاغريب

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«اهلال المصايب»
«نعي مجاريد»
~~~~~
يهـــــــــــــلال الحزن لاتهل ياريت
چثيره اجروح وسط الگلب خليت
▪︎▪︎▪︎
ريتك لاتهل وتشـــــ.ـــــوفك العين
ولايظهراهــــــــــــلالك عالمسلمين
يالبيك انفجـــــــــــع گلب الموالين


بيك اذكرمصاب الغاضريـــــــــــــه
امصاب الماشفت مثله رزيــــــــــه
ابوالسجّاد مرمـــــــــــــي عالوطيه


علينـــــــــــه من تهل يهلال عاشور
كل شيعي تشوفـــــــه گلبه مكسور
علــــــــــه كل داربيرغ حزن منشور


بهلالك علــــــــــــــــــي الأكبرنذكره
شبل المرتضى منگــــــطـــــع نحره
اونايم عالثره جاســــــــــــم ابكتره


اونتذكررضيع الضامـــــــــي ذبحوه
طفل ياذنب عنده ابسهــــــم يرموه
ابحضن احسين ويلــي نحره حزوه


بيك اچفوف ابوفاضل گطيعــــــــه
اورايه اوجود طاحن عالشريعــــــه
عله شاطي النهرحلت فجيعـــــــــه


بهلالك مصـــــــــــايب حلت اهواي
ابوالسجّاد ضامـــــــي ماشرب ماي
علـه التل زينب اتنادي يرجــــــواي


علــــــــــه التل وگفت الحره تنادي
يخويـــــــه احسين يامهجة الهادي
صالت عالخيــــــــم جيش الأعادي


گوم اوشوف يابوالغيره حالــــــــي
انـــــــــــــــه ام الخدرماعندي والي
راح اوياك ياخويــــــــــــ.ـــه جلالي


واخيامــــــــــــي العده شبتها بالنار
وعيالك غدت يحسين طشــــــــــار
وين اهل الحميـــــــــه وين الأنصار

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri