«ليلة الوداع»
«تجليبه»
~~~~~
ابواليمــــه جمع هاذا المســــه اعيالـه
يودعــــــــها ويسلم زينب اطفالـــــــه
▪︎▪︎▪︎
ودع عيلتـــــــــــــه من شاف ابواليمــه
علـــــــــه گطعة وريده الناس ملتمـــــه
ماوفّت البيعــــــــ..ـــــه اولارعت ذمـــه
اشلون ابهالمسيـــــــــــــه اوصف الحاله


حال ابغربـــــــــــــــه حايرماإلـــــه ناصر
والچتلـــــــــــه العده متحظره بـــــــاچر
يشـــوف الجيش عدّه اوعدد متكـــــاثر
وادمــــــــــــوع الحرم ينظرها همالـــــه


ودعها ابواليمـــــــــــــــــــــــه اويصبرها
واشيجري عليــــــــــها بــاچــــــراخبرها
من قلت الصبــــــــــــروالجزع حــذرهــا
من اتشوف راســــــــــــــــه ابرمح چتاله


اوزينب اختــــــــه وصاها ابأهل بيتــــه
اوتصبرعاليصيـــراوتحفظ اوصيتــــــــه
اوترفع رايــــــــــــه بين الناس تضحيته
بت امـــــــــــــه العليها بانـــــــــــي آماله


گاللـــــــها يزينب بـــــــــــــــاچراتشوفين
اظل اوحيد بالطف مااليــــــــــــــه امعين
مرمـــــــــــــي عالثره والصدري امهشمين
والجسمــــــــــــــــي تدوســــه عشرخياله


يزينب آنــــــــــــــــه بس هاذا المسه يمچ
آنـــــــــــــــه ويه اخوتـــي نحرس اخيمچ
اوباچرمنحره ايگطعونــــــــــــــه ابن امچ
عله الغبره السيوف امگطعه اوصالــــــــــه


يزينب حتــــــــــــــــــى عبد الله يذبحونه
اوجاسم من دمه نحره يحنونــــــــــــــــــه
وابوفاضل عله الشاطـــــــــــــــي يغدرونه
والضعنچ يروح الشمريبرالـــــــــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«ليلة العاشر»
«تجليبه»
~~~~
آه اشلـــــــون مــــــرت ليلــــــة العاشر
ابوالسجــــــــــاد بوداع الحــــــرم حاير
▪︎▪︎▪︎
اطفــــــــال اوحرم كلـــها لفت يمــــــــه
من عظم المصـــــــــــاب اتنوح بخيمــه
حيرة هالحــــرم زوّد الــــــــــــــه همـــه
احسين اشلون عنــــــها لـورحل بـــاچر


منهواللـــــــــــي يظل من بعده يحميـــها
اهل كــــــــوفان بأرض الغرب توليــــــها
لـــــــــوذبحت وليها تهجم اعليـــــــــــها
حــــــــــرم بيت الرسالــه اتظل بلا ناصر


بس هاذا المســــــــــــه ويّاهن الوالــــــي
باچرهالمچــــــــان ايظل الـــه خالــــــــي
كل وحده تگول الموت الـــــــــي اشوالـي
ولاابگـــــــــــــــه ابغرب مكسورة الخاطر


كل وحده تـــــــودع اليلــــــــــــــه واليها
مكسورة گلب والدمعـــــــــــــــــه تجريها
لـــــــــوعنها رحل منهواليبـــاريــــــــــــها
اوزينب هالمسيه تعمــــــــــــــــــي الناظر


موهين عليها اتفــــــــــــــارگ ابن امــــها
اوتظل بس الحــــــــــرم واطفال بخيمها
اوتظل لآخرعمرها گابعـــــــــــــــه ابهمها
هالليلـــــــــــه ابمصيبـــــه والجفن ساهر


زينب هالمسيــــــــــه تجري دمــــع العين
حارت بين توديـــــــــــــــع الگمرواحسين
بعدهم حايره تنطــــــــي الوجـــــه لاوين
لـــــــــوراحو عليــــها يحكم الجـــــــــــائر


بس هاذا المســـــــــــه اوياها الأخوعبّاس
باچرعالنهريوگــــــــــــــــــــــع ابوالنوماس
تتگطع اچفوفــــــــــــــه اوينگطعله الراس
ابوفاضل علــــــــــــــــــه هاذا الجره صابر


وابوالسجاد يوگــــــــــــع منگطــــــع نحره
واخيول العده تسحگ علـــــــــــــــه صدره
مــــــاواحد يحظره اومحد اينصــــــــــــره
وحيد احسين واعليــــــــــــــــه الفزع داير

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«مصايب يوم العاشر»
«نعي مجاريد»
~~~
وينـچ فاطمـــــــــــــــــه للطف احضري
اخــــــــوي احسين دم اجروحــه تجري

▪︎▪︎▪︎
ييمــــــــــــــــه وين جدي اوعلي الكرّار
مايدرون بينــــــــــــــــه ابكربله اشصار
اخوي اوحيد حاطت بيـــــــــــه الأشرار


تعالي اوشوفــــــــــي إبنچ يالزچيـــــــه
اوصالــــــــــه امگطعه فـــوگ الوطيــــه
اوراسه عالرمح راعي الحميـــــــــــــــــه


ييمــــــــــه داست الخيل اعلــــه صدره
ضامــــــــي احسين اخـــي اگطعونحره
والمثلث طلــــــــــــــــــــع من خرزظهره


شفت احسين من حــــــــــــــزو وريـــده
وإنتـــــــــــــي ياأم الحسن عنــــه بعيده
ييمـــــــــــــــــــــــــه عالثره متوسد ايده


علــــــــــه التل اوگفت واندب اباسمـــــه
وابعينــــــــــــــــــي شفت ذباحه يمــــــه
على صدره گعد يالــزهره يمــــــــــــــــــه


من هـــــــــــــــــاذا بعد اصعب نظـــــرناه
قابض شبيتــــــــــــــه اوخنجره ابيمنـــاه
انذح گلبـــــــــــــــــي احس يايمــــه وياه


علــــه ساعه اوشفت راسه علــــــــه الزان
اوجسمـــــــــــــــه عالثره من دمــه غرگان
يالزهره وريده انگطــــــــــــــــع عطشـــان


ييمــــــــــه من رحت لحسين اودعـــــــــه
اشوفن عالخيم صــــــــارت الفزعـــــــــــه
واصيــــاح الحرم والنوح اسمعــــــــــــــــه


شبت نــــــــــاريايمــــــــه ابخيمنــــــــــــه
بعد المن احشــــــــــــــــم منهويمنــــــــــه
راح الچــــــــــــان متكفل حرمنـــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«نهارالعاشرمن محرم»
«تجليبه»
~~~~
وين ام الحسن طف كربلــــــــــه تحظر
تشــــــوف احسين ابنها ابوليـة العسكر
▪︎▪︎▪︎
وين اليوم عنـــــــــــــه فاطمـــــه امـــه
تشوف اشلون صدره اضلوعه متهشمــه
وحيد احسين ماواحد حظـــريمــــــــــه
مرمـــــــــــي عالوطيه دامــــــي المنحر


يم الحسن گبرچ هالمســــــه عوفـــــــيه
اگصدي للطفوف احسينچ اوشوفـــــــيه
من كثر الجروح ابجسمــــــــــه متعرفيه
احسينچ عالثره يافاطمــــــــــــــه اموذر


علــه صدره تعاين طفلـــــــــــه المذبوح
دم الطفل وي دم الأبـــــــــومسفـــــــوح
تگعد ويــــــــــــــه زينب عالشهيد اتنوح
اوتلم اعظــــــــام صدره العالثره امطشر


وين الزهره للطف خل تجيب المــــــــاي
ابنها ايصيح نيران الضمـــــــــــه بحشاي
اوعله شاطي الشريعــــــــــه واگع الرواي
گطعــويمنتـــــــــــــــــــــــه عبّاس يتعذر


يريت اتجيب ماي اوتسگي چبد احسين
الجيتـــــــــــــها ابنها شابـــــح الها العين
اوينادي ييمـــــــــــــــه مابگالــــي امعين
اونيران الضمـــــــــــه وسط الچبد تسعر


لويسمع ونينچ بذنــــــــــه ابوالسجـــــاد
عله گلبـــــه مصابچ فاطمــــــــــــه ينعاد
واجروحچ علــــــــه اجروحــه بعد تزداد
من يسمــــــــــــــــــع ونينچ ضلعچ اتذكر


يم احسين يمـــــــه ابسكته جذبي اونين
لتخلي يسمعچ انتــــــــــــــــي من تبچين
حنين احسين وانتي امــــــــــه واتعرفين
من يسمـــــــــــــــــــــــع ونينچ هوه يتأثر

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«الصدرالمهشم»
«نعي مجاريد»
~~~~
يبــــوالسجّـــــــاد ياشبل الزچيـــــــــــه
علــــــــــه صدرك تدوس اخيــول اميـه
▪︎▪︎▪︎
اشلون الخيل تسحگ فـــــــــوك صدرك
ياسبط النبـــــــــــــــــــــي والزهره امك
يمن فــــــــــوگ العرش مكتــوب اسمك


يريت الخيل داست فـــــــــــوگ صدري
اوگبل نحــــرك يريت انگطــــــــع نحري
اونيران الضمـــه بگليبــــــــــــــي تسري


علــــــــــــــــــــه صدرك الظالم من تربع
راسك راد من الجســــــــــم يگطـــــــــع
يريت المصطفـــــــــــــــــى ونتك يسمع


انوح ابگـــــــــــــــــــه عله گطعة وريدك
اوبعد گطــــــــــــــع النحــــرگطعوالأيدك
اوخمد يحسين من الحــــــــــــرب ويدك


اويلـــــــــــي من طحت عالغبره يحسين
لعنان السمـــــــــــــــــه نــــــــارالصواوين
اوتحشـــــــــم بيك يحسين النســــــاوين


كلــــــــها من الخيــــــــــــــم بالبيده فرت
من الخـــــــــــــــــــــــوف والنيران هجت
وينك يالأخوادركنـــــــــــــــــــــــــه ندبت


اظن صوت الحرم انتــــــــــــــــه اسمعتها
اوعلــــــــــــــــه راس الرمح ونّـه اجذبتها
موهين عليك انتـــــــــــــــــــــــــه العفتها


اشبيــدك عــــالسده يحسين واجـــــــــره
جسمك عالثــــــــــــــره امـــوسد الغبـــره
ياريت الحــــــــــــــــــــــــرم حالك تنظره


اعيالك ياشهم هيــــــــــــــــــــــــه تعذرك
المثلث طلــــــــــــــــــــــــع من خرزظهرك
مهشــــــــــــــــــوم الصدروانگطـــع نحرك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«عهدالشيعه»
«حدي»
~~~
ماننســـــاك يبن الزهره
دوم اویــاك يبن الزهره

▪︎▪︎▪︎
بالدهروالأيّــــــــــــام بينـــــــــه العمر مادام
نبگـــــــــه الك خدّام حبّينـاك وانته الأدره


يبن الوصـــــي الكرّار نفديلك الأعمـــــــــــــار
عنّك فــــــــــــلا نندار ابدم نفداك الأخرگطره


نلهج ابذكـــــــرك دوم مثل الصلاه والصـــوم
اوكعبتنه يامظلــــــوم والذكراك تجري العبره


اجنـــــود الك يحسين نتحدّه جــــــــورالبين
ابهالخدمـــــه متّحدين واليناك واشمـــا يجره


عهد الوفـــــه انطيناك لأخــــــــــرنفس ويـّاك
بالشّدد ماعفنــــــــــاك لبّيناك وكت النصــــره


نرفـــــــــــع الك رايات كل سنــ.ــه ابهالعزيات
ذكرك ابدمـــــــــــامات من ادمـــاك ناخذ عبره


من شيعتك هالصــــوت عالـــــــي يظل للموت
نتحدّه كل طاغــــــــوت ماعفنــــاك يا بوالعتره


دمّك صنـــــــــــــع ثوّار ترفض الذلـــــــّه اوعار
انواصل الك مشــــــوار والعاداك نقطــــع جذره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«نوائب یوم العاشر»
«دارمي»
~~~~~
یحسین اظل اعلیك عمري انوحن
واعيونـــي ماتوفيك لودم يفـوحن

▪︎▪︎▪︎
اليومك يبوالسجاد اعميها العيـــــــــــــــــون
امصابك ابدمـاصار اولامربالاضنــــــــــــــون
بعد الذبـح یحسین جسمك يسحگــــــــــون

دونك یریت الخیل صدري یدوسن


امصـابك يفت الروح وايشيب الــــــــــراس
من جمرهالحســـرات اجذب والانفـــــــــاس
ایحرمونك امن الماي يااشــــــــــــرف الناس

بي اهنه گلـّي اشلون عگبك واضوگن


الجمرتك يامظلــــــــوم مابطـّل النـــــــــوح
ماظل عضومن اعضاك خـالي امن الجروح
هدّالمثلـّث حيـــــــــــل من عندك الـــــروح

اوحگك لون اتگول مگدراگومن


آیاظهرعاشـــــــــــــور حیـــــــــرتك حيــره
تنظراعلــــــــه التربان كلّ النصيـــــــــــــره
يوگیهـــــــــم النشـّاب حرّالظـــهیـــــــــــره

اوچنّي ابسیوف اعداك الذبحك يحومن


محنــــــي الظهریحسین من یارزیــــــــــّه
چنــــــــــّه ابلسان الحال جاوب الیــّــــــــه
منـّــــــــــي الظهرکسروه بالغـــاضریــّـــــــه

من طاحــــن الچفـّین والگلبي حـزّن


یامن الیــه اتنــــــــــوح اوتنعه المصابــــــي
لاتنسه منـّـــــــي اشراح خیرة شبابـــــــــــي
الاکبراشوفــــــــه ایلوج زود عذابــــــــــــــي

روح اوگـلب واچلاي الحالته ایونّن


یاجمـــــــــــــرة العرّیس چوّت ديللـــــــــــي
یاعمّـــــــــــي لمّن صاح ابسرعـه اعتنیلــــي
من شفتـــــه انه بیاحال هدّملي حیلـــــــــي

واچفـوفــــه هذاالشاب بالدم تحـنّـــن


اوعبد الله من ذبحــــوه ابحضنـــك يمظلوم
من گبلــــــــــه ابدماصار بالنبله مفطــــــــوم
اتظل شیعتك تنعــــــــاه كل ساعـــه كل يوم

لمّن يجــــي المحجوب دمعاته یجـرن

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

الله يحفظكم اللهم صل على محمد وآل محمد

«علامات الندم»
«تجلیبه»
~~~•
یبــوالسجّـــادوسفــه مــــاچنت یمّك
يفيض اعلـه الأرض دمـــي گبل دمك
▪︎▪︎▪︎
اعتب عالدهرعن يومك ابعدنـــــــــــــــي
من افضل شرف بالدنيه خيّبنـــــــــــــــي
ومن اكبرسعاده دهري يحرمنـــــــــــــــي
ابجسمـــــي ماحميت امن الطعن جسمك


تمنـّيت اويـــــه جون افديك انه ابدمـّـي
وبأرض المعارك تعتني يمّـــــــــــــــــــــي
وبأيد القداسه اتمش على جسمـــــــــــي
على جسمـــــــي يذّري اتراب من جدمك


گبل نحرك يريت اتحزوريدي الگـــــــــوم
وشیبي من گبل شیبك يخضبــــه ادموم
واحسّن قدّمتلك نصـــــــــــره يامظلــوم
ويّه انصارك اجلـــــــــــــــي ابكربله همّك


ردت صدري گبل صدرك تدوســــه الخيل
وگبل دمّك علـــــــه الغبــره دمـاي اتسيل
وي عبّاس جسمــــــي امن المعاره اتشيل
تزفنــــــــــــي املاك من تحملنـــه لخيمك


اِشبيدي أعلى الجرى وشبيدي عاللي صار
الطفـّك ماحضرتـــــــ.ـ.ـــه وادفع الأخطـار
وماشفت الفزع بالطف عليــــــــــــك اندار
واسيوف واسنـّـــــــــــ..ــه گــامت اتکلمك


منّ الماي مهرامّك صـــــدگ حرمــــــــــوك
وصدگ منّ الگفــــ........ه اهل الغدرذبحوك
وصـــــــــــــدگ بعد الذبح یاسیّدي داسوك
وبعد كل هاي تالـــــــــــــــي اسلبـــوهدمك


مسلـــــوب الجســـــــم عالغبره ضل عـاري
والدم غسّلــــــــــــه ومچفّنــــــــه الــــذاري
مصابك من اذكــــــــــــــــره تلتهب نـــــاري
وبالمدمع اواســـــــــ.ــي الطـــــــــاهره امّك


اواســـــــــــي فاطمه الزهره بدمـــوع العين
وهيّه تگــــــــــول واسونـي بعزیزي احسین
واسونـــــــــــي یشیعه ابگطعــــــــة الچفّین
من طاحن علی الشاطــــــ.ــي انهـدم عزمك

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri

«هلال الأحزان»
«تجلیبه»
~~•
شهرعاشوربیّن بالسمه اهلالـــــــه
اجانه ابنوح والاحزان تبرالــــــــه

▪︎▪︎▪︎
عله الأسلام من یجبل شهرعاشور
کل مسلم یعیشه ابخاطرالمکسـور
گلب اللی يوالي المرتضه مفطــور
عله طول العقیله الشافواخیالــــه


هل اهلال شهرالدمعه واللــوعــــه
الماتم والروایه السود مرفوعــــــه
واگلوب التحب احسین مفجوعــه
من تذکرعطاشه الحرم واطفالـــــه


اهلال البي علي الاکبریگطعونـــــه
اوجاسم من دمه نحره یخضبونــه
اوعبدالله ابسهم ضامي یفطمونــه
اویتهشّم صدرجبریل لولالـــــــــــه


اهلال البي یطیح اعلـه النهرعبّاس
لتراب الیسحگـــــه ماتصل هالنّاس
مهوال المعارك بالأبــــــــــــوینقاس
ضلت بالطفوف الخالده افعالــــــه


اهلال البیــــه ینکبنه الدهربحسین
اعلیه اهل الخیانــه تنگلب صوبین
اوینادینـــه یهل من ناصرالها الدین
وین البالضمیرالیوم نادالـــــــــــــه


اهلال البیـه اطنابه الهبت نیــــران
اوزینب واجهت ذاك الفــزع بایمان
مابین الحوافرتنجي الرضعــــــــان
عهدلحسین انطت تحفظ اعیالـــه


کل هاي المصایب تلفي اعلینــــــه
نشوف ابعالم الدنیه الیعزّینـــــــــه
لاچن من یعزّي ابهذا مهدینــــــــــه
یعیش الغربه بس اعیونه همّالــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري

👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
https://t.me/falehalameri